Post on 08-Feb-2016
PROXECTO DE FOMENTO
DO USO DO GALEGO
do EQUIPO DE DINAMIZACIÓN LINGÜÍSTICA
do CEIP Mosteiro-Bembrive de Vigo.
PROXECTO DE FOMENTO DO USO DO GALEGO
do CEIP Mosteiro- Bembrive de Vigo.
Asdo.Mª Isabel Alvar Asdo. Teresa Rodríguez. Directora do CEIP Mosteiro-Bembrive Coordinadora do E.D.L.
Vigo 12 de febrero de 2014.
ÍNDICE PROXECTO
A.- Estudo sociolingüístico
1.- Contorno sociolingüístico do centro
2.- Situación do profesorado
3.- Situación do alumnado
4.- Situación lingüística do centro
B.- Obxectivos a conquerir
C.- Medidas para acadar eses obxectivos
D.- Actividades de Dinamización Lingüística
a.- Actividades Cotiás. - Biblioteca Escolar e Plan Lector
- Actividades na aula
- Saídas Escolares
- Obradoiros
b.- Actividades relacionadas coas Celebracións Escolares. - Magosto
- Nadal
- Día da Paz
- Entroido
- Letras Galegas
- Maios
d.- Outros Proxectos - Proxecto: “ Viaxe ao caladoiro da convivencia”.
- Colaboración co Ateneo Musical de Bembrive.
- Xornal Escolar “ O Anaco”
- Festa de Ed. Infantil
- Exposición de Literatura.
- Taboleiro de Dinamización Lingüística
- Calendario escolar
- Colonias
-Campaña de concienciación para o profesorado
E.- ASPECTOS A DESTACAR DO PROXECTO
ANEXO I: SOLICITUDE
ANEXO II: CADRO RESUMO DAS ACTIVIDADES
PROXECTO DE FOMENTO DO USO DO GALEGO DO EQUIPO DE DINAMIZACIÓN LINGÜÍSTICA.
CEIP Mosteiro-Bembrive de Vigo.
O Ceip Mosteiro Bembrive de Vigo, ao abeiro do recollido na Orde de 12 de
xaneiro de 2014, da Consellería de Cultura, Educación e Ordenación
Universitaria pola que se anuncia a convocatoria para a presentación de
proxectos de fomento do uso do galego, presenta a través deste documento o
seu correspondente proxecto para tal fin.
Compre aumentar a presenza do galego na comunidade educativa, facela normal
e útil e estender o uso da nosa lingua en tódolos niveis da sociedade. Para este
labor, a mellor ferramenta é a aplicación deste proxecto.
O uso do idioma galego nas diferentes materias e a potenciación de actividades
complementarias referidas á tradición e cultura galega, favorecen os nosos
obxectivos.
Nas actuacións administrativas, documentos, actas e comunicados , así como nos
rótulos, carteis e na redacción da páxina web e blogs do centro, úsase con
carácter xeral, a lingua galega. A ANPA Bene-Vivere fai do galego o seu idioma,
tanto nas comunicacións como nas relacións habituais da súa actividade, entre
outras as actividades extra escolares.
O papel dos adultos, profesorado, pais e nais, é decisiva na creación dun
ambiente normalizador que permita pasar do galego aprendidoao galego vivido.
Os adultos en xeral e o profesorado en particular, coa súa práctica, poden
coutalo, facelo invisible ou poden, se o asumen, impulsalo.
O uso do idioma galego nas diferentes materias e a potenciación de actividades
complementarias referidas á tradición será unha máxima en toda a nosa
comunidade educativa.
Tentaremos:
Establecer canles de coordinación e colaboración con todos os órganos
Colexiados e Unipersoais do centro, con especial atención ao Equipo de
Actividades Complementarias, co Equipo de Biblioteca e con todas as
celebracións programadas ao longo do curso (Magosto, Nadal, Día da
Paz, Entroido e Letras Galegas). A intención é a de facer do galego un
referente continuo na vida escolar.
Participar nas actividades de formación encamiñadas ao mellor
coñecemento do idioma e ao manexo de aplicación das TIC con
respecto ao uso do galego.
Achega de propostas de traballo encamiñadas ao fomento do galego en
todos os niveis educativos do colexio así como en todas as
comunicacións co exterior.
Continuar colaborando coas entidades veciñais e culturais da zona de
referencia do colexio ( Entidade Menor , Sociedade Cultural Helios e
Banda de Música e outros centros educativos)
Presenza do galego en toda actividade e foro no que estea
representado o colexio.
Estimular ao alumnado para que empreguen, nas súas respostas, a
mesma lingua na que se lles pregunte.
Elaboración do Xornal Escolar “ O Anaco” escrito exclusivamente en
galego.
A.- ESTUDO SOCIOLINGÜÍSTICO
A.1.- Contorno sociolingüístico do centro.
O Ceip Mosteiro Bembrive está ubicado no barrio de Bembrive. Pero non só
abrangue nenos/as do barrio, tamén asisten alumnos das zonas do Calvario,
Cabral e Centro de Vigo.
Bembrive era ata os anos 80 un núcleo rural no que a súa economía dependía
primordialmente das actividades agrarias. Actualmente conviven pequenos
núcleos rurais con zonas residenciais. O idioma galego de uso xeneralizado
entre toda a poboación naquel entón, vai perdendo peso deixando de ser a lingua
vehicular. Como mostra dese proceso, constátase que a práctica maioría dos
avós do alumnado son galegofalantes, pero poucas son as nais e pais que usan o
galego como lingua habitual e, o pouco alumnado que chega á escola sendo
galego falante pasa na meirande parte a usalo idioma castelán.
Para poder acadar unha información actualizada e o máis precisa posible da
situación sociolingüística do centro, o Equipo de Dinamización Lingüística enviou
no presente curso unha enquisa a tódalas familias do alumnado de E. Infantil,para
así poder actualizar os datos, mantendo os mesmos ítems, por considerar que
son os máis significativos para avaliar a situación lingüística da comunidade
educativa.
GALEGO CASTELÁN AMBAS
Lingua de relación en parella
Lingua de relación cos seus
proxenitores
Lingua de relación cos amigos
Lingua de relación cos seus fillos
Lingua empregada na súa
profesión
Adoita ler
A interpretación que podemos sacar da enquisa é que das 76 familias de Ed.
Infantil, soamente 4 son galego falantes. Varias familias indican que empregan o
galego no traballo e cos seus proxenitores, pero usan o castelán coa parella,
fillos e cos amigos.
A.2.-Situación do profesorado.
GALEGO CASTELÁN AMBAS
Lingua empregada cos compañeiros
Lingua empregada en reunión cos
país/nais
Lingua empregada nas entrevistas
persoais
Lingua empregada na aula
Lingua empregada co alumnado no
tempo de lecer
O profesorado fai uso da lingua na súa actividade docente en función do que se
recolle no Proxecto Lingüístico do Ceip Mosteiro Bembrive de Vigo e segundo a
normativa vixente. No que se refire ás relación inter persoais, constátase que,
na actualidade, o castelán é a lingua predominante.
A.3.-Situación do alumnado Como quedou exposto anteriormente, a práctica totalidade do alumnado do
colexio é castelán falante. Destacar que hai un pequeno número de alumnos que
usan o galego como lingua vehicular cos seus pais e avós.
GALEGO CASTELÁN AMBAS
Os teus pais fálanche en
Oss teus avós fálanche en
Cos teus amigos falas en
No recreo falas en
SI NON
Les en galego
Dos últimos 5 libros cantos eran en
galego
A.4.- Situación lingüística do centro
O uso do idioma galego nas diferentes materias, favorecen os nosos obxectivos,
perseguidos sempre dende unha postura de manter a nosa lingua nun ambiente
de liberdade e de non obrigación ou imposición. A ANPA BENE VIVERE e os
Mestres de Actividades Extra escolares fan do galego a súa lingua de
comunicación.
Consideramos un reto, a acadar no presente curso escolar, que as relacións
entre o profesorado, nos faladoiros de entrada e saídas e en xeral na sala de
profesores se use a nosa lingua; conscientes de que o profesorado é un
referente lingüístico importante e determinante nos hábitos lingüísticos do
alumnado.
O papel dos adultos, profesorado, pais e nais, é decisiva na creación dun
ambiente normalizador que permita pasar do galego aprendido ao galego vivido.
Os adultos en xeral e o profesorado en particular, coa súa práctica, poden
coutalo, facelo invisible ou poden, se o asumen, impulsalo. O profesorado xoga
un papel esencial no proceso normalizador.
Como resumo podemos rematar dicindo que é necesario poñer en valor a lingua
galega, e para elo pensamos que o noso alumnado debe verse en situacións que
así o requiran, tanto a nivel oral como a nivel escrito. Tamén certificamos que a
relación de actividades que se contemplan neste plan, desenvolveranse única e
exclusivamente en galego.
B.- OBXECTIVOS Fomentar o uso do galego na comunidade educativa, para que sexa un referente na vida escolar.
1.- Fomentar a idea de que un idioma é a riqueza colectiva mais estimable dun
pobo.
2.- Propoñer a compra de libros en lingua galega, facendo unha minuciosa
selección, para que sexa un material atractivo e axeitado ao alumnado.
3.- Motivar ao alumnado a que lea en galego, suxeríndolle títulos e animando a
usar a biblioteca do colexio.
4.- Propoñer a inclusión de espectáculos, teatro e actos culturais en galego no
plan de actividades complementarias, dirixidas ao mellor coñecemento da cultura
e lingua galega.
5.- Consolidar o uso do galego nas intervencións do profesorado no claustro,
equipos e demais actuacións docentes.
6.- Empregar o galego en todas as celebracións desenvolvidas ao longo do
curso.
7.- Concienciar ao profesorado da necesidade de actualizar os seus
coñecementos en canto as ferramentas e recursos do galego na rede.
8.-Buscar recursos e material das TICS en galego para desenvolver contidos
traballados na aula.
OBXECTIVOS
CONTORNO
PROFESORADO
ALUMNADO
CENTRO
Nº 1
X X X X
Nº 2
X X X X
Nº 3
X X X
Nº 4
X X X X
Nº 5
X X X X
Nº6
X X X
Nº 7
X X X
Nº 8
X X X
C.- ACTIVIDADES PARA ACADAR ESTOS OBXECTIVOS
Durante o curso 2013-2014 programaremos variadas actividades nas que o uso
e enxalzamento do idioma galego será unha constante de estrito cumprimento.
A labor do E.D.L. será:
a.- Coordinar co Equipo de Actividades Complementarias as festas
celebradas no centro, promovendo o uso do galego e actividades que potencien
a tradición cultural galega.
b.- Colaborar co Equipo de Biblioteca na elaboración de listados de
bibliografía axeitada aos diferentes niveis e actividades de animación a lectura.
c.- Coordinar co Equipos das TICS para proporcionar ao profesorado listados
de páxinas web e diferentes recursos existentes na rede, para desenvolver os
contidos curriculares.
d.- Coordinar a publicación impresa ou dixital da revista escolar “O
Anaco”, se o centro dispón de financiamento para a mesma.
e.- Manter o taboleiro de D.L situado na planta baixa do colexio que nos
serve para dar a coñecer todas aquelas novas de actualidade, relacionadas coa
nosa lingua.
- O que se está a facer sobre películas feitas en Galicia. Actores, actrices,…
- Documentais feitos por directores e directoras galegos.
- Recortes de prensa con contido de interese para a comunidade escolar
- Páxinas web
- Exposición de aqueles traballos que, consideremos, teñan interese para
ser lidos ou vistos.
- Traballos feitos por outros centros.
f.- Programar e coordinar as actividades da Escola Popular.
g.- Coordinar a elaboración do calendario do ano 2014. Este ano dedicado
a agricultura familiar.
h.- Coordinar , en colaboración co equipo de Actividades Complementarias
o Festival das Letras Galegas.
i.- Completar a unidade didáctica e realizar un “ Maio” para desenvolver
no mes das Letras Galegas.
j.- Organizar un concurso de cantigas para os “Maios”.
k.- Organizar o premio do autor homenaxeado este ano nas
Letras Galegas : Xosé Mª Díaz Castro.
l.- Xincana Literaria.
m.- Campaña de animación de uso do galego do profesorado no tempo de
lecer.
n.- Organizar a XXII Certame dos Xogos Florais dirixidos a ex
alumnos/as, pais/nais e alumnos do colexio.
C.1.-TEMPORALIZACIÓN
Tomando a totalidade das actividades propostas, o seu desenvolvemento terá
lugar ao longo de todo o curso académico aínda que a maior parte delas serán
desenvolvidas no período decembro - xuño.
C.2.-PROFESORADO IMPLICADO
Na programación e realización de actividades previstas neste proxecto participa
a totalidade do alumnado e profesorado do centro. Así mesmo, nalgunha das
actividades e tal e como se explicará máis adiante, a participación é ampliada ao
seo familiar, a entidades culturais da zona e a outros centros educativos.
D.-ACTIVIDADES DE D. LINGÜÍSTICA.
Durante o curso 2013-14 programaremos variadas actividades nas que o uso do
idioma galego será unha constante de estrito cumprimento. Estas actividades
podémolas agrupar nas seguintes categorías:
a.- As actividades cotiás. b.- As actividades relacionadas coas celebracións escolares. c.- Outros proxectos. O orzamento de moitas das actividades sinaladas corre a cargo dos fondos do colexio, polo que a súa realización non vai depender de que se aprobe ou non este proxecto.
a.- AS ACTIVIDADES COTIÁS.
1.- BIBLIOTECA ESCOLAR E PLAN LECTOR
A biblioteca do centro, como centro de recursos e catalizador de accións
alfabetizadoras vinculadas coas competencias lectoras e de información, tamén
actúa na dinamización da lingua galega.
As súas actividades achegan aos nenos/as á tradición, cultura e literatura galega
dun xeito lúdico e diferente. Semanalmente, o alumnado participa en sesións nas
que se traballa aspectos lingüísticos e de creación literaria co fin de:
Estimular a curiosidade polo mundo dos libros.
Reforzar de xeito positivo os sentimentos asociados á lectura.
Integrar oralidade, imaxes e lectura.
Colaborar na comprensión do texto.
Proporcionar modelos de lectura.
Inculcar hábitos e ansias de investigación.
As principais actividades programadas para este curso escolar xiran entorno a:
1. Préstamo de libros: Existen dous tipos de préstamo, os realizados ás
bibliotecas de aula e o préstamo aos nenos/as que semanalmente escollen
un libro para levar a casa.
2. Formación de usuarios/as: Estas actividades están encamiñadas a formar
aos alumnos/as como usuarios/as de bibliotecas: tipos de libros, axentes
que participan na súa elaboración, distribución e organización dunha
biblioteca, a CDU, normas de utilización, celebración do día das bibliotecas
escolares ou do día do libro,… achegan o mundo do libro ao alumnado.
3. Fomento da lectura e apoio ao proxecto lector do centro: A biblioteca
participa e coordina as actividades de animación á lectura que se levan a
cabo no centro. Ao mesmo tempo, estas actividades favorecen a
compensación das desigualdades socioculturais ou a atención á
diversidade: exposicións literarias, lectura compartida, conta contos en
horario non lectivo, obradoiros de animación á lectura ofertados por
institucións ou editoriais, “visitantes ilustres”, hora de ler, mochilas
viaxeiras, andel de novidades ou de creación literaria, … fomentan o gusto
pola lectura e ofrecen oportunidades para que os nenos/as poidan realizar
moitas e variadas tarefas de aprendizaxe. Polo Nadal e no mes de xuño, a
biblioteca edita boletíns informativos con suxestións de libros en galego.
Durante o mes de maio, a lingua galega é a nosa lingua principal de
comunicación e de estimulación da lectura.
Mención especial é a exposición literaria que, no mes de abril, vaise
realizar na biblioteca do centro. As distintas editoriais empréstannos libros
de distinta índole (literarios e documentais) que poderán ser analizados
por toda a comunidade educativa. A biblioteca convértese nun gran
escaparate de distintos títulos. Grazas ás suxestións do alumnado e
profesorado os libros máis atractivos para eles pasan a formar parte dos
fondos da nosa biblioteca que se ven engadidos considerablemente.
4. Literatura galega: As actividades desenvolvidas na biblioteca xiran arredor
das distintas celebracións que se celebran no noso centro ou de técnicas
literarias que pretendemos desenvolver. Sempre a partir da lectura dun
libro.
5. Competencia dixital: Coa integración do centro no PLAMBE, a biblioteca
conta, dende este curso, con recursos TIC que contribuirán a dinamización
da lingua galega.
O noso blog de biblioteca conta con enlaces webs e difunde literatura
infantil e xuvenil en lingua galega.
2.- ACTIVIDADES REALIZADAS NAS AULAS POLOS TITORES
Educación Infantil
Asemblea nas aulas de Ed. Infantil. Intercambiando galego e
castelán.
Cantigas, adiviñas,…
Proxecto das plantas : aprenden o nome das plantas, as súas
partes, ferramentas que precisan para traballar o horto escolar.
Educación Primaria
Os alumnos de 6º están a elaborar un conto dirixido aos alumnos de
Ed. Infantil. Primeiro fixeron varias lecturas de contos infantís para
saber o que lles pode gustar aos máis cativos. E a partir de aí e
tendo en conta algúns pasos explicados na aula para ir organizando
ese conto, cada alumno elaborará o seu para contalo nas aulas de
Ed. Infantil.
Partindo dunha canción do noso folclore. Cambiaranlle a letra
intentando que o tema desa cantiga ser un tema para a PAZ.
Concurso de Cifras e Letras en galego.
Lectura en común todos os días en galego. Lerán 2 libros por
trimestre o alumnado de 6º.
Exercicios de escenificación da vida cotiá cos diálogos en galego.
Motivar aos alumnos a que os diálogos entre compañeiros e
alumnos e profesorado sexan en galego.
Prestar atención especial a que cando a lingua a utilizar sexa o
galego, o fagan en galego e o máis correcto posible, inda que eles
tenden a pasarse ó castelán.
“DÍGOCHO EN GALEGO” Palabras orixinais e divertidas da nosa
lingua. É un dicionario persoal que estamos a facer ao longo do
curso coas palabras que nos fan máis graza e que imos coñecendo.
Contén as palabras e ilustracións.
Confeccionar “Un TRIVIAL” para xogar na clase.
Cada semana os alumnos irán anotando nunha plantilla 10 palabras
descoñecidas e pouco usadas no galego. Na última semana do mes
farase un concurso para comprobar cantas fomos capaces de
aprender.. O obxectivo da actividade é intentar empregar a palabra
máis correcta nos distintos contextos ademais de apreciar a riqueza
léxica do galego.
Realizar distintos proxectos ao longo do curso, buscando material
nos libros, revistas, internet, para poñelo en común na clase e
realizar , por equipos, uns murais coas conclusión as que se
chegaron. No primeiro trimestre foi sobre as Abellas e no segundo
trimestre estamos a traballar sobre os Xogos Olímpicos.
3.- SAÍDAS ESCOLARES
O noso alumnado realiza actividades complementarias que o achegan a nosa
tradición e cultura: visitas a museos, industrias do noso contorno,
representacións teatrais, musicais,…) constitúen un xeito máis de aprendizaxe.
4.- OBRADOIROS
O Ceip Mosteiro Bembrive ten programado, tal e como aparece na PXA, uns
obradoiros dunha duración de 1 ½ semanal cos que pretendemos desenvolver
dun xeito lúdico , formativo e cun carácter complementario ao currículo.
O alumnado ao longo da súa escolaridade vai pasar por todos eles. É esta una
actividade que polas súas características precisa ser desenvolvida ao longo de
moitos cursos.
No curso 2013-14 cabe sinalar o traballo levado a cabo nos seguintes
obradoiros, porque inciden na competencia lingüística e , como todos os
obradoiros, son impartidos en galego.
OBRADOIRO: O FALADOIRO
No presente curso creamos o obradoiro “O faladoiro”, para o alumnado do 1º
ciclo de Ed. Primaria, para incidir dun xeito lúdico a través de xogos e con
grupos reducidos de alumnos, no uso do galego.
Iniciarase cunha motivación encamiñada a captar a súa atención e interese , as
veces a través dun conto.
Os xogos poderán ser:
Xogos de percepción auditiva co fin de discernir entre diferentes
sons, incrementar a atención auditiva, desenvolver as capacidades
da propia voz,..
Xogos de memoria visual e situación no espazo co fin de estimular a
atención visual, practicar a formulación de preguntas lóxicas,...
Xogos de pronunciación - expresión co fin de descubrir a
necesidade de pronunciar correctamente para ser entendido,
estimular a creación de ritmos e rimas,..
Xogos de xesto e voz co fin de captar as propias posibilidades de
expresión, desenvolver a fantasía, fomentar a espontaneidade e
improvisación.
Xogos teatrais co fin de desenvolver as capacidades persoais de
interpretación, estimular a creatividade e discernir entre feitos reais
e imaxinarios.
OBRADOIRO: ZUME DE NEURONAS
O obxectivo perseguido é desenvolver a capacidade para seguir procesos de
razoamento converxente (dedutivo) e diverxente (creativo) partindo de situación
lúdicas e intensamente participativas onde os nenos traballan por parellas ou en
grupo grande segundo a actividade.
Nas sesión desenvólvense xogos de lóxica (enigmas), problemas de enxeño,
enigmas en lecturas detectivescas, xogos de percepción visoespacial con palillos
e tamgram, xogos de compoñente lingüístico ( sopas de letras, auto definidos),
xeroglíficos, sudokus, figuras másicas e xogos numéricos, encrucillados de
linguaxe ou matemáticos, xogos de mesa de categorías semánticas, tres en raia,
catro en liña, damas, Mastermind, solitarios de enxeño …
Búscase potenciar o traballo en grupo, poñer en práctica estratexias alternativas
de resolución de problemas, de dedución de regras ou pautas, identificar a
validez das argumentacións e preservar na busca de solución.
OBRADOIRO DE TEATRO
Neste curso 2012-2013 púxose en marcha o obradoiro de teatro no centro cos
alumnos de 3º de primaria. O obxectivo fundamental é ofrecer aos nenos a
posibilidade de iniciarse na actuación teatral co proceso que inclúe: a lectura e
memorización de textos, o traballo de vocalización e posta en escena, o fomento
da expresión oral ante un público, etc.
A preparación dos actores/actrices inclúe a concienciación do xesto teatral, as
actividades de fomento da creatividade e improvisación xestuais e do diálogo así
como o reforzo do traballo en equipo e a coordinación cos compañeiros/as.co
galego como lingua empregada, aínda que se pode considerar tamén o uso do
castelán en función das circunstancias e a oportunidade.
A experiencia está orientada a ofrecer dúas obras por curso, unha para o festival
de Nadal e outra para representar durante a celebración das Letras Galegas.
OBRADOIRO DE HORTO
O alumnado de 2º participa no horto e invernadoiro do colexio, aprendendo a
sementar, regar, coidar os produtos típicos da horta galega.
OBRADOIRO DE COCIÑA
Neste obradoiro os alumnos aprenden a cociñar receitas atendendo a época do
ano na que se atopan. Ao longo do curso van elaborando un libro de receitas,
feito en galego, que levan para as súas casas.
Contía estimado para a realización das actividades cotiás: 900€
b.- ACTIVIDADES RELACIONADAS COAS CELEBRACIÓNS ESCOLARES
1.- MAGOSTO
Todo o colexio participa nesta festa . Este ano fixemos unha soa fogueira e os
mestres de cada ciclo en colaboración con dous avós que nos ensinaron e
axudaron a facer distintos xogos tradicionais , estivemos
Nos días previos ao magosto, os nenos/as aprenden dúas cancións propias desta
época
“Collín, collín, castañas novas “ en Ed. Infantil e 1º Ciclo e “ Non chas quero” no
2º e 3º ciclo.
O Obxectivo é que en cada festa popular os nenos/as vaian aprendendo cantigas
referidas a elas e manter así o seu coñecemento.
Tamén organizamos Xogos Populares, para elo contamos coa axuda de avós do
noso alumnado que nos ensina como se xogaba na súa nenez.
Dende o equipo de dinamización preparamos unhas unidades didácticas do
Magosto, para que ao longo da semana os compañeiros traballasen con elas nas
aulas.
2.- NADAL:
No Festival de Nadal realizado o día 21 de decembro, o alumnado participou con
bailes, panxoliñas, obras de teatro, e ao rematar o festival cantamos todos una
panxoliña aprendida na clase de Música.
3.-DIA DA PAZ
O Día da Paz é unha celebración conxunta de todo o alumnado do colexio. O
equipo de Orientación preparou unhas unidades didácticas para que os titores as
traballaran nas aulas. Os traballos realizados serviron como decoración e
ambientación. O día 30 de xaneiro reunímonos nos corredores do colexio e
cantamos e bailamos a cantiga preparada pola mestra de Ed. Musica.
O lema deste ano foi: “Bicos e frases”.
4.-ENTROIDO
Esta festa arraigada na nosa comunidade, seguirá tendo como obxectivo seguir
afondando no coñecemento dos distintos entroidos de Galicia.
Ten unha programación desenvolvida durante toda a semana do 24-28 de
febreiro.
Este curso colexio está inmerso nun programa de convivencia, no que o colexio
é un barco de pesca, os mestres somos os capitáns e os alumnos son diferentes
peixes, que simbolizan a colaboración, esforzo, …
Durante toda a semana realizaremos as ordes do meco:
LUNS: Ti xa verás como … pero o luns quero verte con gorro.
MARTES: Non che son días correntes, O martes hai que vir con lentes.
MÉRCORES: Todo o cole que se plante! No pescozo poñemos una peza elegante.
XOVES: Estou ledo coma un mandril. O xoves toca mandil!.
O venres 28 de febreiro faremos una programación espacial, para celebrar esta
festividade: obradoiro de máscaras ( xa fixemos esta actividades no curso
pasado e como resultou tan ben repetirémola), merenda, pasa rúas e festa. Na
merenda haberá degustación de fillos, flores, orellas,… feitas polas familias e
que todos compartiremos no patio a hora da merenda.
Despois teremos o desfile de disfraces cun baile e pasa rúa polo colexio e
remataremos cunha festa - baile.
Ademais, o noso centro en colaboración coa Entidade Menor de Bembrive e o
Centro Cultural Helios, participará na celebración do desfile de comparsas que
terá lugar na alameda de Bembrive o vindeiro9 de marzo.
O alumnado, profesorado e pais/nais reúnense no patio do colexio (para subir ata
a alameda) e desfilan polas rúas da parroquia ata chegar a alameda, onde
haberá a exhibición de disfraces e posterior baile.
A colaboración dos pais/nais baséase non só na súa asistencia ao festival do
colexio e desfile senón tamén na elaboración e confección dos traxes.
6.- LETRAS GALEGAS
O día das Letras Galegas do 2014 está dedicado a Xosé Mª Díaz Castro.
O colexio ambientarase con traballos e motivos relacionados coas letras galegas
e co autor o que se dedica. Colocaranse os carteis polos corredores, a vista de
todo o alumnado do centro.
7.- PREMIOXOSÉ Mª DÍAZ CASTRO
Ao alumno que, segundo o seu titor/a fala máis e mellor en galego, recibe
Para escoller aos premiados, os titores ao longo do curso e cando ven que un
alumno se expresa en galego recibe “un tesouro”, que é unha pedra de cores. O
alumno que en cada clase ten máis tesouros, é o elexido.
O mesmo día do festival entrégase tamén o premio ao alumno/a de cada nivel
que o seu titor/titora considere que fala máis e mellor en galego. Este premio
denomínase co nome do autor homenaxeado cada ano. A cada premiado
entrégaselle un Diploma conmemorativo así como un agasallo de libros en
galego.
8.- XOGOS FLORAIS
Retomamos, a organización da XXII edición dos Xogos Florais, dirixido aos
pais/nais, ex alumnos e alumnado do colexio.
Neste concurso literario, participa toda a comunidade educativa, e contamos coa
colaboración do profesorado do IES Carlos Casares e IES Ricardo Mella, xa que
son os centros que acollen o maior número do nos alumnado.
Os traballados poden ser presentados en prosa ou en verso. Son os titores os
que fan unha primeira selección dos traballos dos seus alumnos. Para escoller os
traballos premiados reúnese o equipo de dinamización lingüística.
Os premios entréganse o día do festival das Letras Galegas. Consiste nun
diploma e un lote de libros en galego.
9.- OS MAIOS
A popular celebración dos maios na nosa comunidade, leva consigo o recitado e
canto de cancións por parte da xente que os celebra. O maio significa o espertar
da natureza, a celebración da primavera con flores, froitos e comida. A xente
construía un maio e ía polas casas cantando e pedindo diñeiro ou comida.
Este ano e para ampliar o traballo feito no curso pasado, tentaremos dende o
equipo de Dinamización afondar na unidade didáctica sobre o Maios. Tamén
realizaremos un concurso de cantigas.
Coincidindo cos maios as mestras de Ed. Infantil, Comisión de Festas de Infantil
e todo o alumnado farán unhas alfombras florais. Será a VIII edición das
Alfombras Florais do Mosteiro-Bembrive. Aínda está pro decidir o tema deste
curso.
Contía estimada para a realización das actividades escolares: 1.300€
D.- OUTROS PROXECTOS 1.- VIAXE AO CALADOIRO DA CONVIVENCIA. Un ano máis o centro vai traballar nun proxecto común para todo o colexio. No
curso 2012-13 foi “Os nosos avós”, no curso 2012-13 foi “Green-City” e o
aforro de enerxía.
Para o presente curso estamos a desenvolver un proxecto de convivencia no
que pretendemos traballar co alumnado de todo o centro. Encamiñado a
prevención, queremos que cada alumno e alumna se sintan partícipes de todas as
actividades e se impliquen na aventura dun buque pesqueiro ( o colexio) que sae
a faenar, no mar da convivencia, para capturar peixes, que serán os hábitos,
valores e actitudes.
Este proxecto englobará a todas as materias e implicará a toda a comunidade
educativa.
Estamos a decorar o colexio, con axuda das familias, coma se fose un barco.
Todo o colexio vaise disfrazar dun peixe ou especie mariña: polbos, sardiñas,
estrelas de mar, medusas, tartarugas mariñas,… e os profesores
disfrazarémonos de capitáns.
2.- PROXECTO DE COLABORACIÓN ENTRE O COLEXIO E O ATENEO MUSICAL
DE BEMBRIVE.
Un ano máis a Banda de música do Ateneo Musical ven colaborando co Colexio
Mosteiro - Bembrive O obxectivo desta colaboración está encamiñada ao
achegamento da Banda de Música ao público escolar e, por outro lado a
participación do alumnado do colexio na Escola de Música xestionada pola
Banda, e máis tarde pasar a formar parte de dita Banda.
Neste curso xa veu no mes de outubro a impartir un concerto aos alumnos de
1º-2º e 3º de primaria. Ao mesmo tempo dende a aula de Educación musical
desenvolveranse diferentes actividades. A experiencia demostrou que despois
dos concertos feitos no colexio son moitos os alumnos que se animan a recibir
educación musical no Ateneo.
Esta colaboración está a permitir un achegamento do alumnado do colexio en
particular e da comunidade educativa en xeral á Banda de Música do seu barrio.
Nas actividades programadas conxuntamente pola profesora de música do
colexio e o director da Banda de Música, tratan de amosar pezas da música
tradicional galega e pezas que exploren os diferentes xeitos de expresión
musical ( expresión vocal, expresións instrumental , expresión corporal e danza).
Nalgunha destas actividades tanto a banda como a mestra de música ensaian a
mesma peza e nos concertos hai unha interpretación conxunta das mesmas.
Este proxecto que naceu no curso 2006-07 e dados os resultados acadados e
tendo en conta o compromiso tanto dos responsables da Banda coma da mestra
de música do colexio consideramos que debe continuar como un referente de
colaboracións entre as dúas entidades.
3.- XORNAL ESCOLAR “O ANACO”
O periódico realizarase, se acadamos presuposto para a súa realización, coa
colaboración de todo o profesorado e coa coordinación do EDL. Recolle todas as
actividades realizadas polo alumnado ao longo do curso.
A súa tirada é duns 300 exemplares que son repartidos entre a comunidade
escolar, entidades veciñas e culturais de Bembrive e persoas relacionadas co
centro durante toda a súa traxectoria.
Durante o presente curso elaborarase o exemplar Nº 56 do xornal escolar o
ANACO.
Obxectivos desta actividade:
1.- Achegar ao alumnado ó mundo dos medios de comunicación.
2.- Potenciar a presenza do galego nos medios de comunicación.
3.- Achegar a familia ao galego a través das producións literarias do alumnado.
4.- FESTA DE EDUCACIÓN INFANTIL
Unha comisión constituída por pais/nais do alumnado e coa colaboración do
profesorado de Ed. Infantil fai posible a realización mensual da festa de Ed.
Infantil.
O último venres de cada mes celébranse os aniversarios dos nenos nacidos nese
mes.
A programación presentada pola comisión de Festas de Ed. Infantil para realizar
ao longo do curso 2013-14 é a seguinte:
Cantigas populares teatralizadas.
Obras de teatro
Teatro de sombras.
Elaboración das alfombras florais.
Colaboración na festa de graduación do alumnado de 5 anos.
O obxectivo desta actividade e:
. Involucrar ás familias no desenrolo das actividade escolares.
. Ensinar aos alumnos/as hábitos saudables de alimentación e consumo.
. Bos modais na mesa.
. Introducir ao alumnado de Ed. Infantil no galego dun xeito lúdico.
5.- XXII edición EXPOSICIÓN DE LITERATURA INFANTIL-XUVENIL
No presente curso realizaremos a XXII edición da exposición de literatura. O
obxectivo desta exposición é orientar á comunidade educativa na compra dos
libros máis axeitados para os nenos/as, tendo en conta a súa idade e gustos
literarios.
O Equipo de Biblioteca en colaboración co EDLD solicita ás distintas editoriais ás
publicacións máis recentes de literatura infantil e xuvenil. Unha vez recibido o
material, móntase na última semana do mes de novembro unha exposición no
ximnasio do colexio. Os libros son agrupados por niveis educativos coas
publicacións máis recentes de literatura infantil e xuvenil e material de consulta
axeitado a idade dos nonos alumnos/as e títulos de sempre que atraen á lectura
dos mesmos.
Unha vez organizada e preparada, cada titor visita e exposición cos seus
alumnos/as para que estes manipulen e analicen o material alí exposto. En cada
mesa hai unhas follas de pedidos para que poidan anotar aqueles libros que lles
gustaría mercar, así como unha folla de propostas dos alumnos para que o
centro os merque.
A exposición está aberta polas tardes para que os pais/nais tamén poidan ver o
material exposto. Soamente no último día pódense mercar os libros expostos.
Coincidindo coa exposición o alumnado do 3º ciclo preparan representacións,
teatro lido ou recitado de poemas para o alumnado de cursos inferiores.
6.-TABOLEIRO DE DINAMIZACIÓN LINGÜÍSTICA “ MIRAO EN GALEGO”
O taboleiro de D.L situado na planta baixa do colexio, camiño da sala de
profesores vainos a servir para dar a coñecer todas aquelas novas de
actualidade relacionadas con oso idioma:
- O que se está a facer sobre películas feitas en Galicia: actores, actrices.
- Documentais feitos por directores e directoras galegos.
- Recortes de prensa con contido de interese para a comunidade escolar
- Páxinas web
- Exposición de aqueles traballos que, consideremos, teñan interese para
ser lidos ou vistos.
- Traballos feitos por outros centros
- Xornais e revistas de interese.
7.- ESCOLA POPULAR
A coordinadora do EDL coordina a ESCOLA POPULAR, está formada por un
grupo de país interesados en colaborar co colexio para transmitir ao alumnado a
importancia e riqueza do noso patrimonio e cultura.
Neste curso funcionarán dous obradoiros de cocina galega, relacionados e
coincidentes con cada una das festas que se celebran no centro. Un obradoiro
dirixido ao alumnado de 1º-2º de primaria. O outro ao alumnado de 3º-4º-5º e
6º de primaria.
Tamén tentaremos facer un obradoiro de recuperación e elaboración de
xoguetes tradicionais.
8.- CALENDARIO ESCOLAR
O Equipo de Dinamización organizou un calendario con fotos de todo o alumnado.
Este ano dedicado a agricultura familiar. Cada clase estivo traballando con
refráns e ditos populares referidos aos froitos que aparecen no calendario.
9.- COLONIAS
Preténdese organizar estancias en réxime de residencia nunha instalación
axeitada de Galicia
( residencias de verán, albergues,...) que permita programar visitas preto do
aloxamento e realizar actividades lúdicas, deportivas, culturais ecolóxicas e de
lecer cun marcado acento galego.
Contía para a realización destas actividades: 2.100€
E.- ASPECTOS A DESTACAR DO PROXECTO
.- Implicación activa dos membros da comunidade educativa.
O centro conta cunha ampla participación das familias que colaboran
activamente nas distintas actividades que presentamos ao longo do proxecto. De
feito hai actividades que están dirixidas pola coordinadora do equipo de
dinamización, pero son os país os que as imparten como é a Escola Popular e a
Festa de Ed. Infantil. Tamén participan nos Xogos Florais, nos xogos populares
do magosto, nos maios, nos conta contos mensuais que se organizan na
biblioteca do colexio e son impartidos por diversas nais que, forman parte da
comisión de biblioteca
Así mesmo a participación do profesorado en tódalas actividades é dun 100%.
Aínda que están coordinadas polo Equipo de D.L. a realización do traballo nas
aulas así como a primeira valoración e selección dos traballos do alumnados é
labor do profesorado. Por exemplo nos Xogos Florais, son os titores os que
seleccionan os mellores traballos, xa sexa en prosa ou en verso, e despois o
equipo de dinamización escolle aos premiados. Tamén na Xincana literaria, todo
o profesorado participa na organización. Cada titor coa axuda dos seus alumnos
fai un artigo para o xornal escolar.
.- Potenciación das competencias activas sobre as pasivas
Tendo en conta que o noso alumnado é maioritariamente castelán falante, dende
o centro tentamos organizar actividades que potencien que os alumnos se
expresen en galego.
Destacar o obradoiro de Teatro, o obradoiro de Faladoiro, o obradoiro de
Prensa, así como as representación que os alumnos de 5º e 6º de primaria
preparan, para representar para o alumnado de Ed. Infantil e 1º ciclo de
primaria.
.- Fomento do uso do galego a través das TIC.
O fomento do uso do galego a través das tecnoloxías da información e a
comunicación acadámolo mediante diferentes vías.
O colexio conta cunha páxina web totalmente en galego na que se pon en
coñecemento de toda a comunidade educativa información sobre as actividades
realizadas durante o curso así como outros datos de interese.
As clases de informática impartidas nas distintas etapas desenvólvense
integramente en lingua galega. Do mesmo xeito á hora de traballar os diversos
contidos das diferentes áreas contamos con múltiples recursos e material TIC en
galego como por exemplo o corrector ortográfico de galego, a utilización do
procesador de texto Open office, diccionarios e vocabulario en rede, variedade
de páxinas web como www.orella.pendella.org, www.galiciahoxe.com, a páxina
web da Xunta de Galicia a través da Secretaría Xeral de Política Lingüística, etc.
Por outra banda ao longo do curso realízanse dous obradoiros impartidos en
galego que están estreitamente relacionados co emprego das TIC. “Deseño os
meus traballos” e o obradoiro de “Prensa” nos que se desenvolve principalmente
a competencia dixital e tecnológica grazas a aprendizaxe do uso de programas
informáticos como procesadores de texto cos que se aprende a enmaquetar
textos e dar formato ás produccións dos nenos.
Xa por último, e en estreita colaboración co Equipo de TICs do centro, estánse a
desenvolver a nivel dos distintos ciclos os blogs de aula que se incluirán na
páxina web do colexio.
.- Colaboración con outras institucións para potenciar o uso do galego
- Entidade Local Menor
-Participación no proxecto de colonias.
- Entroido de Bembrive: Cada clase participa cunha comparsa no
desfile organizado pola Entidade menor así como una comparsa
composta por pais/nais do alumnado: facendo a presentación de
cada comparsa, un cartel co nome da comparsa, en moitas ocasión
investigando no Entroido máis enxebre, para potenciar a cultura
galega e tamén escollendo música galega para o desfile das
comparsas.
- Sendeirismo: en colaboración coa entidade menor facemos co
alumnado rutas de sendeirismo pola zona para coñecer os elementos
etnográficos, estudo dos muíños da zona así como o estudo da flora
e fauna do Sendeiro do río Eifonso.
- Centro Cultural Helios de Bembrive
- Organizamos o Festival das Letras Galegas no auditorio do centro
cultural, para poder ter un maior aforo e deste xeito poder espallar mellor as
actividades que facemos en prol de divulgar a cultura galega.
- Colaboración coa súa Biblioteca: O colexio entrégalle libros
doados por familias, ANPA ou outras asociacións, e deste xeito facilita e
potencia a lectura en galego.
- Ateneo musical de Bembrive
- A banda do Ateneo ven dar concertos didáctico ao colexio para
motivar aos alumnos na linguaxe musical e no coñecemento de pezas musicais
da cultura galega.
- Colaboración con outros centros educativos.
- IES CARLOS CASARES e IES RICARDO MELLA
-Mantemos unha colaboración fluída cos mestres que imparten galego
nos dous IES para motivar aos ex -alumnos a participar no concurso
dos Xogos Forais.
Tamén colaboramos na celebración dunha xornada de portas abertas e
de convivencia, para que os alumnos de 6º coñezan aos compañeiros e
mestres que van a ter na ESO.
- ESCOLA DE IDIOMAS DE VIGO
Un pai do centro é o coordinador de dinamización da escola de idiomas de
Vigo. El sirve de nexo de unión para informarnos de novas da escola, de cursos
de formación do profesorado, así como de material impreso e libros que poden
ser de interese para a nosa comunidade educativa.
.- Realización de actividades plurianuais.
Como xa indicamos anteriormente varias das actividades que organizamos son
plurianuais. Os Obradoiros teñen unha programación que precisa de 9 cursos
para que todo o alumnado do centro pase por todos e cada un dos obradoiros .
Para que sexan máis participativos e permitan a manipulación e experimentación,
cada curso desdóbrase en dous.
LISTADO DE OBRADOIROS IMPARTIDOS NO CURSO 2013-14
CICLOS
CURSO
OBRADOIRO
COMPETENCIAS
Ed.
Infantil
3 anos
Percusión e Movemento
Cultural e artística
Autonomía e iniciativa persoal
3 anos
Manipulo e exploro
Coñec. e interación co mundo
físico.
C.Matemática e lingüística
4 anos
Xogos populares
Social e cidadá
Cultural e artística
4 anos
Educación viaria
Social e cidadá.
Autonomía e iniciativa persoal
5 anos
Arte na aula
Cultural e artística
Social e cidadá
5 anos
Filosofía na aula
Aprender a aprender.
1º CICLO
1º A
Aprender xogando
C.matemática
Aprender a aprender
1º B
Coidamos o noso
entorno
C. e int.co mundo físico.
Aprendo a aprender
2º
Faladoiro
C.Lingüística
2º
Horto
C. e int. co mundo físico.
2º CICLO
3º
Xogamos coa ciencia
Coñ. e interación co m. físico.
3º
Teatro
C.Lingüística
4º
Cociña
Autonomía e iniciativa persoal
C.Matemática
4º
Papiroflexia
Cultural e artística
Autonomía e iniciativa persoal
3º CICLO
5º
Inicio nos instrumentos
de debuxo.
C.Matemática.
Cultural e artística.
5º
Zume de neuronas
Aprender a aprender.
C. matemática
6º
Deseño os meus
traballos
C. dixital e tecnolóxica-
C. lingüística e cultural e
artista.
6º
Prensa
C. Lingüística
Diversificación de actividades ao longo do curso.
Como se pode observar no cadro resumo das actividades organizadas polo
Equipo de D.L. a meirande parte das actividades desenrólanse ao longo do curso
e so algunha levarase a cabo no mes das Letras Galegas.
ANEXO II CADRO RESUMO DAS ACTIVIDADES QUE PRECISAN ORZAMENTO
TEMPORA
ACTIVIDADE
RESPONSABLES
DESTINATARIOS
ORZAMENTO
MATERIAL
ACTIVIDADES COTIÁS
Todo o
curso
Biblioteca
Responsable
B.E.
Titores
Alumnos
350€
Libros Material
funxible
Conta contos
Todo o
curso
Obradoiros
Mestre que
imparten o
obradoiro.
Alumnos
550€
Material para
levar a cabo os
obradoiros:
alimentos,
pinturas, CD,
xornais,teas,…
ACTIVIDADES CELEBRACIÓNS ESCOLARES
Todo o
curso
Magosto
Nadal
Dia da Paz
Entroido
L.Galegas
Os Maios
Mestres
C. Educativa
600€
Material
funxible para
a decoración.
Flores, CD,
material para
decorado,
agasallos,…
2º
Trimestr
e
Xogos Florais
E.D.L.
C. Educativa
400€ Agasallos
Diplomas
L.Galega
s
Premio
Xosé Mª Díaz
E.D.L.
Alumnos
300€
Diplomas
Agasallos
Libros
OUTROS PROXECTOS
2º-3º
trim.
Viaxe ao caladoiro
da convivencia Mestres Toda a
comunidade
150€ El. material
Todo o
curso
Ateneo Musical
IES
Coord.. D.L.
Toda a
comun.
100€
Elab.de material.
Transporte
Agasallos
Todo o
curso
Festa Ed.
Infantil
Comisión
Pais/nais
Mestras de Ed.
Inf.
Alumnado Inf.
400€
Material para as
obras de teatro.
Agasallos Nadal
Graduación 5
anos e orla.
Todo o
curso
Taboleiro D.L
D.L.
Toda a Com.
200€
Todo c Es. Popular D.L. Alumnado 200€ Para as
receitas
1º trim. Calendario D.L. Comunidade 400€ Impresión
O longo
do curso
Xornal Escolar
Titores, alumn
Coord. D.L.
Toda a
común.
650€
Impresión
periódico
IMPORTE TOTAL DOS PROXECTOS ………………………… 4.300€
A coordinadora do proxecto. Teresa Rodríguez Parada comprométese a
desenvolver as actividades programadas no caso de obter o financiamento
suficiente.
Vigo a 13 de febreiro de 2014.
Teresa Rodríguez Parada. Mª Isabel Alvar Coordinadora de E.D.L Directora do Ceip Mosteiro-Bembrive.
Visto e prace.
ANEXO III
Declaración de axudas solicitadas e concedidas para o mesmo proxecto.
Dona Isabel Alvar en nome e representación do centro de ensino Ceip
Mosteiro Bembrive de Vigo con CIF Nº S8600075I, declara baixo a súa
responsabilidade:
Non ter solicitadas outras axudas para o proxecto obxecto da solicitude.
Así mesmo, comprométome a comunicarlle ao gabinete de Normalización
Lingüística de Pontevedra calquera nova solicitude, concesión ou pagamento que
se produza con posterioridade a esta declaración e, en todo caso, antes do
cobramento da/s axuda/s correspondente/s a esta solicitude.
Igualmente declaro baixo a miña responsabilidade, non estar incursa en ningunha
das prohibicións para obter a condición de beneficiaria recollidas no artigo 10 da
Lei 9/2007 do 13 de xuño de subvencións de Galicia.
E para que conste, para os efectos oportunos, asino esta declaración.
Vigo, 13 de febreiro de 2014.
Asdo. Isabel Alvar
Directora do Ceip Mosteiro- Bembrive.