A SOCIEDADE GALEGA E LIBERALISMO ESPAÑOL
-
Upload
antonio-j-blanco -
Category
Documents
-
view
233 -
download
5
description
Transcript of A SOCIEDADE GALEGA E LIBERALISMO ESPAÑOL
HISTORIA
DE GALICIA:
O SÉCULO XIX
DEPARTAMENTO DE XEOGRAFÍA E HISTORIA
I.E.S. SAN TOME DE FREIXEIRO, VIGO
GUERRA DA INDEPENDENCIA, CORTES DE CÁDIZ :
UNHA REVOLUCIÓN POLÍTICA.
A Guerra de Independencia supuso tamén para Galicia algo máis que a derrota e
expulsión dos franceses: a apertura ás ideas liberais. Así, ainda que despóis da guerra
vóltase a impoñer o absolutismo, as cousas xa nunca serán como antes.
Nunha breve descripción do que foi a invasión francesa e a súa posterior derrota
encetaremos por dicir que a ocupación de Galicia prodúcese a principios do ano
1.809 sen apenas resistencia. As tropas inglesas retroceden ata A Coruña, onde
embarcan trala batalla de Elviña, ao tempo que o exército do Marqués da Romaña
se refuxia en Ourense. ocupando deste xeito os franceses en tan só un mes todas as
cidades galegas. Sen embargo, cando os franceses pretendían impoñer o seu su
modelo de organización política, xurde a insurrección popular: clero e fidalquía, que
miraban en perigo os seus privilexios fronte ás ideas da Revolución Francesa,
puxéronse ao fronte do pobo sustituindo ao desbaratado exército regular. Aquí, como
no resto de España imponse unha guerra de guerrillas contra as que as tropas
francesas non poden reaccionar como non sexa procurándose refuxio nas ciudades. En
poucos meses decídese o asalto final daquélas, reconquistándose Santiago,
Pontevedra e Vigo (cfr., a celebración da Reconquista como a festividade civil máis
imortante da cidade). En xuño de 1.809, cinco meses despóis do comezo da conquista,
do terrirorio polas tropas de Napoleón son expulsados de Galicia polas guerrillas co
apoio inglés. A partir de entonces, a contribución á independencia do resto do estado
foi un asunto máis de medios económicos que humanos.
Desde o final da guerra e coa volta ao poder de Fernando VII, xurde o
enfrentamento político entre dous faccións moi definidas, por un lado, os absolutistas,
e polo outro, os liberais. A principal arma nestos enfrentamentos foron os periódicos,
impresos nas cidades de Santiago e A Coruña, cun contido doutrinal moi ben
estructurado e definido. Os absolutistas estaban patrocinados polo arcebispo de
Santiago, D. Rafael de Múzquiz, polo bispo de Ourense, D. Pedro Quevedo e
Quintano, e polo Conde de Maceda; o seu programa defendía, a través dun
periodismo teolóxico, o Antigo Réxime baseado na monarquía absoluta. O
enfrontamento entre absolutistas e liberais tivo o seu mellor escenario nas Cortes
constituidas en Cádiz en 1.810. Nelas Galicia estivo representada por 25 deputados
(seis clérigos, dazaseis fidalgos, un comerciante e un inxeñeiro), dos cales nove eran
absolutistas radicais, tres absolutistas moderados, un liberal radical e o resto liberais
moderados. Como froito destas Cortes, naceu a Constitución de 1812, a primeira
que en España se fundamentaba nos principios dunha Monarquía liberal
parlamentaria; sen embargo, xa nas Cortes de 1.813, a representación galega queda
reducida a 16 deputados, 14 deles absolutistas radicais. Estas eleccións galegas
encenderon unha importante polémica e incluso se declararon nulas en A Coruña e
Betanzos polas irregularidades cometidas.
REINADO DE FERNANDO VII.
SEXENIO ABSOLUTISTA 1814 A 1820:
FERNANDO VII, A REPRESIÓN
E OS PRONUNCIAMIENTOS DOS LIBERAIS.
Co regreso do exilio de Fernando VII en 1.814 se volve ao Antigo Réxime. O
pobo galego, que dous anos antes celebrara a Constitución, apedrea as casas dos
liberais en A Coruña, queima a Carta Magna en Santiago, Ourense e Lugo, ou a
tira ao río, como fixeron en Tui. As antigas clases dirixentes recuperan o poder e
restablecen os privilexios xurisdiccionais e as súas prebendas. Prohíbense os
periódicos e a propaganda política, restablécese o Tribunal do Santo Oficio da
Inquisición, encarcelase ou exiliase aos liberais ou afrancesados e depuranse os
estamentos militar e administrativo do Estado.
Fronte a esta situación que elimina toda canle legal para a acción política aos
liberais, éstos recurren á conspiración na que a masonería xogará un papel moi
importante. A rede de conspiración comunicábase desde os grupos no exilio en
Inglaterra e Francia coas bases que permanecían en Galicia a través de Xibraltar e
Portugal. Todas estas ideas conspirativas tiñan os seus refuxios nos cuarteis, onde os
militares, apoiados pola burguesía, preparaban os pronunciamentos do exército para
recuperar o poder para a causa liberal. O primero deles o encabezou D. Juan Díaz
Porlier, Mariscal de Campo, axiña encarcelado no Castelo de San Antón; o intento
fracasa ao non conseguir unha resposta axeitada das demáis unidades militares de
Galicia e Díaz Porlier é finalmente executado o 3 de octubre de 1.815. En 1.817
abórtase un novo intento dos suboficiais do reximento de Santiago e dos liberais
civís de Vigo.
Houbo que esperar para proclamar a Constitución de 1812 ao pronunciamento de
1 de xaneiro de 1.820 do teniente coronel Rafael de Riego, ao mando das tropas
expedicionarias reunidas en Cabezas de San Juan para combater os levantamentos
independentistas de Ultramar. O pronunciamento liberal quedou consumado tralo
apoio do coronel Antonio Quiroga quen toma San Fernando o 3 de xaneiro e ataca
Cádiz; pero serán os levantamentos noutras zonas, os primeiros en Galicia, xunto á
incapacidade do goberno para facer fronte á situación, a falta de información, a
intervención masónica as causas finais do triunfo. A primeira proclamación
produciuse en A Coruña encabezada polo general Acevedo, o 21 de febrero, e lle
seguiron Ferrol e Vigo. O conde de San Román cede Galicia aos insurrectos e
refuxiase en Castela. Aos pronunciamentos galegos sucédenlle outros en toda
España que obrigan a Fernando VII a acatar la Constitución de 1.812 e a nomear
unha Xunta el 9 de marzo de 1.820.
REINADO DE FERNANDO VII
EL TRIENIO LIBERAL 1820 A 1823:
DE NOVO A REPRESIÓN, A CENSURA
E A LOITA NA CLANDESTINIDADE.
Unha vez restablecida a Constitución, os liberais volven do exilio, saen do cárcere
ou recuperan súa posición social. Tamén se voltan a editar periódicos e proclamas e
se autorizan as sociedades patrióticas e as tertulias. mais estas libertades son
exclusivas para os liberais. Os absolutistas sofren a mesma represión que inflixiron
eles no sexenio anterior e así, durante estos tres años non se permitiron as
asociaciones dos partidarios do absolutismo, s ecensuraron as homilías e pastorais e
os deputados e xuíces se elixíron entre recoñecidos liberais. Esta situación obrigou
aos realistas, como o fixeran antes os liberais, a loitar na clandestinidade, agora en
forma de partidas realistas, dirixidas por unha autodenominada Xunta Apostólica,
cuxos membros fidalgos e clérigos da antiga provincia de Tui, actuaban desde
Portugal co apoio dos absolutistas deste país. A súa intención foi máis
propagandística que de loita armada e actuaban fundamentalmente nas zonas rurais do
interior de Galicia; en calquera dos casos, afastadas dos acuartelamentos militares. A
súa actuación será, sen embargo, decisiva para o triunfo dos Cen Mil Fillos de San
Luis.
As iniciativas políticas liberais orientáronse a continuar as reformas iniciadas en
1.810: abolición dos privilexios de clase, supresión dos señoríos, abolición dos
morgados, supresión da Inquisición, preparación do Código Penal e recuperación da
vixencia da Constitución de 1.812. Por outra parte, a sustitución dos representantes
do rei polos representantes do goberno implicaba a necesidade dunha nova división
administrativa e xudicial e así, polo Real Decreto do 27 de xaneiro de 1.822,
Galicia divídirase en catro provincias, as establecidas teóricamente polos franceses co
nome de prefecturas: A Coruña, Lugo, Ourense e Vigo. Esta división foi
amplamente debatida pola oposición de Santiago e Pontevedra ao perder as súas
capitalidades; sen dúbida, por mor dos intereses políticos en relación ao maior peso
dos liberais de A Coruña e de Vigo, fronte ao manifesto carácter realista das súas
mencionadas competidoras.
No plano xudicial intentouse poñer en práctica a división en partidos deseñada en
1.814 con tres circunscripcións e 46 partidos: a circunscripción de Ourense abarcaba
toda su actual provincia máis a de Pontevedra; pero a vixencia do Trienio non deu
tempo ao seu funcionamento efectivo. En canto á organización municipal recuperanse
os cargos electos de alcaldes, rexidores e procuradores síndicos, recollidos no Real
Decreto do 23 de maio de 1.812.
Mentras os liberais afananse nas súas reformas e en manter o control sobre os
realistas, en rebeldía trala creación da Rexencia de Urgell e en Galicia da Xunta
Apostólica de Tui refórzase en Europa a Santa Alianza co fin de defender os
dereitos dos monarcas absolutistas. En España ten a súa resposta na creación dunha e
en e das súas partidas realistas. De feito, en outubro de 1.822, os monarcas da Santa
alianza reunidos en Verona, deciden a intervención militar francesa en España para
restablecer a plena autoridade real de Fernando VII. O 7 de abril de 1.823, cento
trinta e dous mil soldados franceses, os Cien Mil Fillos de San Luís, cruzan os
Pirineos ao mando do duque de Angulema ao que selle unen as tropas realistas
españolas. Cunha oposición moi escasa, restablécese o absolutismo o 1 de octubre de
1.823.
REINADO DE FERNANDO VII
LA DÉCADA OMINOSA 1823 A 1833:
OS ÚLTIMOS ANOS DO ABSOLUTISMO.
Coa intervención del duque de Angulema, ao fronte dos Cien Mil Fillos de San
Luís, e a conseguinte abolición da Constitución de 1812, Fernando VII recobra o
poder absoluto do reino español. En canto ás medidas administrativas iniciadas no
“trienio liberal,” tanto a división provincial, como a xudicial, son anuladas polo Real
Decreto de 1 de octubre de 1.823 que tamén extingue e disolve os concellos
municipais. Malia todo, respecto do “sexenio absolutista” anterior, se inicia unha
certa apertura do sistema político e se crean novas institucións tendentes a axilizar os
procedementos administrativos.
Co retorno ao absolutismo, volve a represión contra os liberais: depuracións,
exilios, encarcelacións, execucións, censuras e clausura de tertulias e prensa. O
monarca, que desconfía do exército e da Inquisición, para evitar conspiracións e
novos pronunciamentos, crea dous forzas: a policía e os voluntarios realistas que se
convertirán nos elementos claves da represión. Ainda así, o Antigo Réxime está
sumido nunha profunda crise e esto permite que haxa unha certa relaxación das súas
posicións ideolóxicas e incluso un acercamento as teorías dos liberais máis
moderados nas cuestión económicas, o cal creou malestar entre os absolutistas máis
radicais, os autochamados realistas puros, que se convertirán co tempo en partidarios
do irmán do rei, don Carlos, fronte a súa filla, doña Isabel (cfr., o Manifesto de
Abrantes).
En Galicia créouse durante a “década ominosa” unha xefatura de policía en A
Coruña con delegacións nas principais cidades. Estará apoiada polo clero parroquial,
proveedores dos preceptivos informes para poder acceder a cargos públicos,
convertíndose deste xeito nun pilar fundamental da represión dada a súa autoridade e
influencia sobre a poboación rural. Entre as tarefas deste corpo de seguridade estaban
o control das fronteiras para evitar todo tipo de propaganda, e a vixilancia de todos
aqueles que tiñan demostradonos anos anteriores tendencias revolucionarias.
Pola súa parte, os voluntarios realistas, eran unha forza paramilitar que
teóricamente preséntase formada por persoas incuestionablemente partidarias do rei.
A realidade parece ser outra e mentras os mandos eran fidalgos de corte totalmente
absolutista, o groso da tropa estaría formada por marxinados sociais que atopaban
desta maneira un traballo privilexiado dentro das súas potenciais aspiracións. A súa
función principal era asegurar a orde pública contra bandoleiros, ladróns e,
especialmente contra os opositores liberais.
Dentro da inestabilidade do estado, Galicia, pois, transfórmase nun reducto do
absolutismo defendido polo arcebispo de Santiago, Fray Rafael de Vélez, o capitán
xeneral, D. Nazario Eguía, e o gobernador militar de Ferrol, D. Tomás
Zumalacárregui. Estos tres persoeiros serán decisivos partidarios de D. Carlos nos
anos seguintes.
REINADO DE ISABEL II 1833 A 1840
REXENCIAS DE Mª CRISTINA DE BORBÓN E A GUERRA CIVIL
DOS SETE ANOS (CRISTINO-CARLISTA)
FIN DO ABSOLUTISMO E TRANSICIÓN AO SISTEMA LIBERAL
Fernando VII no seu último ano de reinado dedicouse a preparar a sucesión na
persoa da súa filla Isabel II. En outubro de 1.832 nomea primeiro ministro a Cea
Bermúdez coa misión de garantir a transición cara o novo rexime que rexentaría a
súa consorte, dona María Cristina de Borbón, en nome da súa filla, dona Isabel.
Entre as medidas adoptadas estivo a depuración dos mandos do exército favorables ao
seu irmán don Carlos; así, sustitúense os mandos de seis capitanías xenerais
colocando no seu lugar a homes de total confianza.
En Galicia, o xeneral Eguía, home forte do carlismo, é sustituido por don Pablo
Morillo.. Este suprime o corpo de voluntarios realistas e traslada a capitalidade á
cidade de A Coruña para sustraerse ao influxo do arcebispo Vélez, outro dos
prominentes partidarios de don Carlos, e convirteuse no verdadeiro artífice da
transición galega, extendendo unha rede de espías por todo o territorio e exhortando
aos bispos a apoiar unha transición pacifica. En efecto, Morillo, obrigou ás
autoridades e institucións a prestar xuramento a favor de Isabel II e a acatar o
Estatuto Real de 1.834, amparou as eleccións deste mesmo ano enviando 21
diputados da súa confianza e coas súas protestas contribuiu á demisión do goberno, en
septembro de 1.835, e ao nomeamento de Mendizábal. Sen embargp, a partir do
Motín da Granxa en agosto de 1.836, e xa que logo, do ascenso ao poder dos liberais
máis radicais, Morillo comenzou a perder protagonismo.
Durante esta transición os liberais galegos tamén sofren a escisión en dous
correntes, a dos moderados e a dos progresistas. Os primeiros defensores da
Constitución de 1.812, cansados de persecucións e exilios, acomodados coa
adquisición dos bens desamortizados, interesados en ocupar postos na administración
ou no propio goberno, relaxaron os seus ímpetus revolucionarios e conformaron o
partido liberal moderado, o mais extendido en Galicia durante esta etapa. Fronte a
eles, as novas xeneracións da mocidade, intelectuais e oficiais do exército constituiron
a línea máis radical, o partido liberal progresista. O enfrontamento entre ambas
faccións víñera prducindose desde o trienio liberal e se fará totalmente patente máis
tarde cos liderazgos de Narváez, na fronte moderada, e de Espartero, na fronte
radical ou progresista.
Mentras os liberais mudaban a estructura política administrativa de todo o estado,
xorde de novo, na clandestinidade, tamén aquí unha oposición realista. Esta vez os
partidarios do absolutismo enarbolan a causa de don Carlos e basean a súa actuación
na entronización do irmán do rei falecido. Os primeiros xefes carlistas intentaron un
pronunciamento nas inmediacións de Lugo que fracasou estrepitosamente ao
quedarse sen apoio por parte da poboación. Tras este fracaso se organizan partidas
carlistas por todo o territorio e se inicia unha guerra de guerrillas e de desgaste. Os
carlistas, malia estar xenerosamente financiados polo clero e a fidalguía, fracasaron
nos seus intentos por dous razóns fundamentais: a primeira delas, e a máis importante,
foi a falta de apoio dos campesiños que viron que as reformas liberais non afectaban
ao seu sistema de vida e que pola contra os carlistas establecían impostos
extraordinarios sobre a poboación; a segunda, foi a independencia dos xefes carlistas,
reacios a integrarse nun modelo organizado e que actuaban como virreis autónomos
sen someterse ás autoridades superiores. Compréndese así, que Martínez
Villaverde, coengo de Mondoñedo, un dos principais líderes do carlismo galego,
recoñocera a indisciplina dos seus homes como a a causa da declaración do final das
hostilidades en decembro de 1.839 (lembrar o Convenio de Vergara entre Espartero
e Maroto)
As reformas institucionais e administrativas que retoman as iniciadas no Trienio
Liberal baseadas na Constitución de 1.812, se reafirmaron durante oproceso
constituínte 1.837. Por exemplo, implántase rápidamente a división provincial de
Javier de Burgos polo Real Decreto de 30 de noviembre de 1.833 que difire do
decreto de 1.823 na sustitución de Vigo por Pontevedra como capital provincial,
feito que motivou unha serie de episodios, algún deles armado, nos que as dous
cidades alternaron a titularidade da provincia ata a definitiva confirmación
gubernamental da capitalidade para Pontevedra. A división xudicial tamén se
confirma en 1.834 e se axusta á realidade provincial con catro grandes
circunscripciones homólogas ás provinciais. Moito máis ardua foi a organización
municipal que ensaiou varios modelos con correxidores nomeados polo rei ou
alcaldes nomeados polo pobo. Durante este periodo coincidente coa rexencia de Mª
Cristina de Borbón, se promulgaron varios decretos, o último, o 14 de xullo de
1.840, convertía aos alcaldes en delegados do poder central e sería a causa da súa
dimisión da Rexente Gobernadora, sustituída como rexente, polo recén pacificador
na guerra civil, Baldomero Espartero. A organización municipal, sen embargo,
seguirá debaténdose no seguinte periodo.
REINADO DE ISABEL II 1840 A 1868.
ALTERNANCIA DE CONSERVADORES E PROGRESISTAS NO PODER.
Ainda que as datas non corresponden exactamente co reinado persoal de Isabel II,
incluiremos nesta etapa os tres anos de goberno progresista do xeneral Espartero, ata
a maioría de idade da raiña, como introducción á nova situación política. En efecto, as
diferencias entre moderados e progresistas, xunto coa mala administración do Estado,
propiciaron a sustitución da Gobernadora Rexente Mª Cristina de Borbón; sen
embargo, os tres años da rexencia de Espartero, de claro exercicio autoritario,
provocan un ambiente de oposición, incluso nos progresistas, que conducirán ao
levantamento dos conservadores en 1.843, liderados por Narváez.
Nesta época, os moderados, a tendencia preferida pola raiña Isabel, defenden
unha soberanía compartida entre a Corona a as Cortes, actuando a primeira como
moderadora entre os poderes executivo (Consello de Ministros) e lexislativo
(Congreso e Senado), e con capacidade para disolver as segundas. O voto e os
candidatos se restrinxen a unha minoría burguesa. Deste grupo xurden dous escisións:
os puritanos e os autoritarios; pola súa parte, os progresistas, sosteñen unha posición
máis radical que considera que a soberanía, en canto que nacional, só corresponde
ás Cortes sen aceptar o papel moderador da Coroa, e que sentará os principios do
sufraxio universal e das libertades de prensa e culto. Ademáis destas dous grandes
tendencias, en 1.849 nacerá o partido demócrata que aglutinará aos progresistas da
ezquerda, aos republicanos e aos socialistas.
Neste contexto ideolóxico, Galicia desde a división de Javier de Burgos en 1834
é un territorio de catro provincias moi afastadas dos intereses centralistas do goberno.
Os moderados detentan o poder durante a maior parte deste periodo, polo que aos
progresistas, non lles quedou máis remedio que recurrir aos pronunciamientos do
exército e á constitución de xuntas nas principais cidades galegas para presionar á
raiña. Entre os primeiros destacaron José Elduayen, Juan Florez e N. Pastor Díaz.
Nos segundos, Vicente Alsina, Ramón Buch e J. M. Santos. Xa nos anos cincuenta
surdirá a Unión Liberal, na que se integraron Riestra ou Bugallal, e o partido
demócrata, no que participou E. Chao, J. M. Pereira, J. M. Paz Novoa e Indalecio
Armesto, entre outros. Contemporáneo dos anteriores e mentras o goberno intenta
articular un sistema centralizado xurde un movemento que pretende atopar unha
solución específicas aos problemas de Galicia; son os provincialistas, que participan
no pronunciamento progresista de 1.846, e representan o inicio do movemento
identitario galego.
En 1.843, adelantase a maioría de idade de Isabel II para coronala como raiña e
evitar unha nova rexencia. Pola súa parte o xeneral Narváez é nomeado xefe de
Goberno en 1.844 cunha forte restricción á libertade de prensa e coa creación da
Gardia Civil, instituto armado de carácter non militar, de ámbito rural e dependiente
do goberno. As primeiras medidas do goberno de Narváez son a reforma da
Constitución de 1.837 coa promulgación da Constitución de 1.845, máis
conservadora, ainda que igualmente bicameral como é tradicional no noso
constitucionalismo e a acentuación da centralización do estado coa designación por
parte da Corona dos Gobernadores Civís e Militares nas provincias e dos alcaldes
dos municipios de máis de 2.000 habitantes (o resto son nomeados polos
gobernadores civis da súa provincia). Ademáis, para resolver o conflicto creado polas
desamortizacións o goberno achegouse á Santa Sé apara asinar o Concordato de
1.851; por este acordo, a Igrexa aceptaba a venda do seu patrimonio a cambio dunha
subvención estatal para o sostemento do clero e a declaración da relixión católica
como a oficial do Estado.
O abuso de poder dos moderados, a corrupción do goberno e o recorte das
libertades provocan en 1.854 o pronunciamiento de Vicálvaro (Madrid), que dará de
novo o poder aos progresistas. Nesta nova etapa de goberno progresista dase unha
duplicidade de “espadóns”. Por un lado o xeneral Espartero, primeiro ministro,
coas súas ideas radicais e polo outro o xeneral O’Donell, ministro de guerra, máis
cercano aos moderados. O novo goberno convoca eleccións a Cortes, reforma a lei
electoral, a de imprenta, ademáis de por en marcha a desamortización de Madoz.
Durante este bienio progresista se producen importantes manifestacións de obrerismo
que teran políticamente como reacción a formación dunha coalición dos liberais
progresistas e moderados. A inestabilidade gubernamental e unha importante
conflictividade social e laboral terminará coa disolución das Cortes e a dimisión do
propio Espartero en 1.856. Foi, precisamente, neste clima de diverxencias cando
naceu a Unión Liberal liderada por O’Donell.
Durante a última etapa do reinado de Isabel II, unha década de gobernos
moderados-unionistas, a actividade política se desenvolveu. sen grandes problemas
ata 1.863 debido fundamentalmente á boa coxuntura internacional e ao control
absoluto das Cortes. O periodo enceta con O’Donell que ao pouco tempo é relevado
por Narváez. As medidas adoptadas duerante esta fase foron a suspensión da
desamortización, a anulación das disposicións de libertade de imprenta, o
restablecemento dos impostos e a anulación de todas as disposicións opostas ás
iniciativas conservadora. Durante os dous primeiros anos de goberno, reprimíronse
duramente as protestas e prohibíronse as asociacións obreiras, desenvolveuse unha
importante lexislación financieira e se multiplicou a moeda en circulación, ao tempo
que se daba continuidade á política de obras públicas e ferroviarias. No ámbito
administrativo, organizóuse a estatística do Estado e fixose o primeiro censo
demográfico. Tamén se aprobou a Lei de Instrucción Pública, Lei Moyano, coa que
se establecía o novo sistema educativo vixente no país.
O desgaste da coalición de goberno fixose patente a finais de 1.862, cando a
oposición, progresistas demócratas e republicanos, comenzaron a reclamar un cambio
de orientación no rexime. En marzo de 1.864, O’Donell presenta a súa dimisión, e en
setembro dese ano Narváez e os conservadores volven de novo ao poder
confrontados a unha crise económica con implícacións políticas e sociais. As causas
desta crise son o déficit das empresas ferroviarias, a falta de algodón debida á Guerra
de Secesión americana e o derrumbamento da Bolsa en 1.866. Unida a esta crise,
nas universidades xurden faccións aperturistas e anticlericais. O choque co goberno
desencadena a matanza da noite de San Daniel o 10 de abril de 1.865, voltando un
desacreditado Narváez a ser sustituido por O’Donell, quen terá que sufocar o intento
de pronunciamento de Prim, líder dos progresistas, e a sublevación dos sarxentos
do cuartel de San Gil, o 22 de xuño de 1.866. Este feito devolve a xefatura do
goberno a Narváez que respondeu cunha represión indiscriminada e coa suspensión
das Cortes, pecháronse os periódicos críticos e se perseguiu a todos os que
cuestionaran a acción do goberno. Finalmente, a situación resolveuse para a oposición
en agosto de 1.866 co Pacto de Ostende, no que progresistas, demócratas e
republicanos poñíanse de acordo para destronar á raiña e convocar Cortes por sufraxio
universal e así evitar unha revolución social. En 1.867, coa morte de O’Donell, a
Unión Liberal se suma ao pacto coa súa ratificación no Pacto de Bruxelas, que
significa o fin do reinado de Isabel II: mera cuestión de tempo, independentemente
do goberno epigonal dun Narváez enfermo e falecido en 1868.
SEXENIO REVOLUCIONARIO 1868 A 1874
O ENSAIO DUNHA MONARQUÍA CONSTITUCIONAL
DE CARÁCTER DEMOCRÁTICO.
Pódense resumir as causas que levaron á chamada Revolución Gloriosa na
insostenible inestabilidade do sistema político de Isabel II, na crise económica
internacional e nas solucións meramente represivas dos gobernos ás reivindicacións
sociais. Este panorama propicia que o levantamento do 18 de setembro de 1.868 sexa
recibido con xúbilosamente pola poboación coa a toma do poder por Xuntas
Revolucionarias nas principais cidades. Pola súa parte, a raiña, vencido o seu
exército en Alcolea, refuxiase en Francia ao tempo que o xeneral Serrano entra en
Madrid. Este rápido desmoronamento do rexime isabelino daba paso a un novo
sistema político, un rexime democrático.
O 9 de outubro constitúese o Goberno Provisional, presidido por Serrano e
integrado por ministros militares, progresistas, unionistas e co apoio parlamentario
dos demócratas. Rápidamente promúlganse unha serie de decretos encamiñados a
facer as reformas económicas e políticas. Estas últimas estaban fundamentalmente
orientadas á ampliación dos dereitos civís e políticos. Así, xunto ao sufraxio universal
masculino, se recoñecerán as libertades de asociación e reunión, de imprenta e a
inviolabilidade da correspondencia, de ensino e de cultos. En xaneiro de 1.869
convócanse eleccións a Cortes constituíntes e en xuño do mesmo ano promúlgase
unha constitución monárquica, a máis democrática e liberal das que entraron en
vigor no século XIX. Esta carta magna fundaba a soberanía na nación, garantizaba
que as libertades personais fosen absolutas sen posible suspensión e establecía un
sistema bicameral con electividade total tanto no Congreso como no Senado; en
definitiva, un sistema de goberno monárquico con autoridade restrinxida, no que as
Cortes tiveran a facultade de elexir rei en caso de extinción da dinastía.
O carácter monárquico do novo goberno desencadenou puntos de conflicto
derivados do veto aos dereitos dinásticos dos Borbón e unha potencial alteración no
status quo europeo que deron lugar, en efecto, no interior á 3ª Guerra Carlista e a
oposición dos republicanos (duramente aplastada polo exército) e no exterior, á
guerra franco-prusiana. Ao final, triunfará a proposta de Prim favorable á Casa de
Savoia; pero o novo Xefe de Goberno, non durou moito no seu cargo pois foi
asasinado o 27 de decembro de 1.870, quedando Amadeo I sen o seu máis firme
valedor. O 2 de xaneiro de 1.871 o novo monarca xura a Constitución de 1869 e é
nomeado rei de España. Durante o seu curto reinado (os “dous anos largos” do seu
Discurso de Abdicación) careceu do apoio popular, das clases altas e do exército,
sufrindo os seus gobernos unha inestabilidade política insuperable da que foi un bó
exemplo a sublevación republicana de Ferrol de 1872, ademáis de ter que hacer
fronte aos xa comentados conflictos militares contra os carlistas ou aos conflictos de
emancipación en Cuba, Porto Rico e Filipinas (“Grito de Yara, 1868”).
O 10 febreiro de 1.873 Amadeo I renunciou á Coroa española e ao día seguinte
as dous cámaras de maioría monárquica reunidas en Cortes proclamaron a República.
O sistema republicano de partidos comenza a nova travesía histórica non menos
divididos entre os partidarios dunha República unitaria e os dunha República
Federal. A primeira presidencia recae, apoiado polos unitarios, en Estanislao
Figueras; pero xa en xuño as Cortes Constituyentes nomean presidente a Pi y
Margall, partidario do federalismo, cuxa tendencia máis extrema, os confederais,
anima a que se produzcan por toda España violentos levantamentos cantonais que
levan á dimisión de Pi y Margall. Un novo federalista, Nicolás Salmerón é nomeado
presidente e logra co emprego represivo do exército acabar coas insurreccións en
toda España, salvo en Cartaxena con apoio militar, neste caso, aos rebeldes. Malia a
todo, nestos conflictos, os federalistas mantiveron o respecto aos dereitos individuais,
aboliron a escravitude nas colonias e incluso, o propio Salmerón negarase a restaurar
a pena de morte provocando a súa demisión.
Sucedeulle o unitario Castelar que, investido con poderes dictatoriais para
recuperar a orde e apoiado polos monárquicos, anula a Asemblea e reorganiza o
arma de Artillería. O 2 de xaneiro de 1.874, Castelar queda en minoría nas Cortes e
os federalistas están en condicións de recuperar o poder, se o xeneral Pavía non
tivese dado un Golpe de Estado ao día seguinte apoiado polos monárquicos.
Castelar non acepta os métodos antidemocráticos e dimite co que o xeneral Serrano,
duque de la Torre, disoltas as Cortes se autonomea Presidente dun goberno
provisional para dirixir como rexente unha transición cara a restitución da forma de
goberno monárquica. O 29 de decembro dese mesmo ano, o xeneral Martínez
Campos, unha vez publicado o Manifesto de Sandurst, sublévase en Sagunto a
favor da restauración da monarquía borbónica na persoa de Alfonso XII, proceso
no que xogará un papel fundamental Antonio Cánovas del Castillo.
Neste marco político, tanto en Galicia como no resto de España, temos unha
sociedade maioritariamente agraria, débilmente industrializada, de escaso
desenvolvemento urbano, analfabeta e con escasa cultura política. Malia a todo,
durante o sexenio democrático a situación propicia o desenvolvemento dos partidos
políticos que a grandes trazos se poden dividir en catro faccións: a progresista, a
republicana, a conservadora e a tradicionalista. En Galicia as tendencias con maior
implantación foron as dous primeiras.
Os sectores galegos máis afins ao progresismo localizanse entre os sectores
urbanos, os intelectuais e estudantes, os propietarios e rendistas, que ven con bós ollos
tanto a reforma económica liberal como as posibilidades de integración na
administración pública e o freo á redención foral do goberno moderado. Entre as
figuras máis destacadas do progresismo destaca Eugenio Montero Ríos e outros
como Juan Montero Telinge, José Pardo Bazán, Tomás Mosquera García,
Joaquín Baeza e Luís Rodríguez Seoane. As súas ideas tiveron unha importante
difusión a través de publicacións como La Oliva (Vigo), La Concordia (A Coruña),
El Radical (Pontevedra), La Voz Pública (Lugo) e El Porvenir (Ferrol). Coa
proclamación da Republica; empero, o progresismo entrou nunha grave crise interna.
A RESTAURACIÓN.
A MONARQUÍA BORBÓNICA.
Hai moitos factores que influíron no fracaso dos gobernos democráticos do
sexenio 1.868 - 1.874, quizáis o máis importante foi a falta de madureza dos políticos
e da sociedade. Así, o 29 de decembro de 1.874 triunfa o pronunciamento de
Martínez Campos en Sagunto e o 14 de xaneiro de 1.875 Alfonso XII regresa a
Madrid como rei de España co apoio político de Cánovas e o recoñecemento
internacional. Pero o proceso de restauración do rexime non será efectivo ata o 2 de
xullo de 1.876 en que se promulga a Constitución.. Nésta recóllense os principios do
liberalismo douctrinario, redactados con certa ambigüedade para podela interpretar
ao antoxo da clase política. Así, moitos dos seus artígos desenvolvéranse en outras
leis.
O verdadeiro artífice da Restauración foi Cánovas del Castillo, político iniciado
no progresismo máis moderado (considérase o redactor do Manifesto de
Manzanares) durante o reinado de Isabel II, e moi conscente do problema da
alternancia no poder dos partidos, que ata entonces resolvérase mediante o recurso
dos pronunciamentos; é dicir, obviando a ortodoxia liberal da convocatoria electoral .
En consecuencia, Cánovas crea un sistema de alternancia no poder coñecido como
turnismo que articula a política española en dous grandes faccións: o Partido Liberal
Conservador, liderado por él mesmo, e o Partido Liberal Fusionista, liderado por
Práxedes Mateo Sagasta. Estos dous partidos debían agromar o maior número de
tendencias políticas tendo como requisito único a aceptación da monarquía de
Alfonso XII, razón pola que selles denominou partidos dinásticos. O partido
Conservador de Cánovas agrupou aos antigos moderados de Isabel II, aos membros
da Unión Liberal, a personalidades destacadas e a grupos cercanos ao
tradicionalismo como a Unión Católica; pola súa parte, Sagasta recolle nos
fusionistas aos partidos monárquicos do sexenio, como constitucionalistas e radicais,
e á ezquerda posibilista de Castelar.
O sistema de goberno do turnismo, baseábase en que ao mandato dun dos partidos
lle sucedería o doutro cun funcionamento mecánico, que garantizaban as prácticas
caciquís e o feito de que fora o rei o quen nomeaba o goberno segundo a lei electoral
do 8 de novembro de 1.878 que voltaba ao sufraxio restrinxido. Desta maneira se
conseguía unha grande estabilidade a pesar de deixar fora do sistema aos carlistas e
republicanos. O primeiro goberno correspondeu aos conservadores que o mantiveron
ata o 8 de novembro de 1.881 en que os fusionistas de Sagasta inician o seu primeiro
mandato. Debido ás disidencias internas do partido a Sagasta o sustitúe Posada
Herrera o 13 de octubre de 1.883. Un ano máis tarde, Cánovas recupera o goberno
ata que pouco despóis da morte de Alfonso XII, o 25 de octubro de 1.885, volve á
presidencia Sagasta coa Rexencia de María Cristina, “dona Virtudes”. Durante
esta nova etapa liberal sufócase a sublevación republicana de Villacampa, apróbase a
Lei de Asociacións, o Sufragio Universal e o Código Civil. O 23 de marzo de
1.895, Cánovas recupera o poder por última vez, pois será asasinado dous anos máis
tarde. Coa súa morte comenzan as desavenencias dentro do partido conservador e o
século XIX rematará dentro dun clima de inestabilidade política e social agravado
pola guerra hispano-americana que pecha co Desatre do 98 a segunda fase da
emancipación de Filipinas e Cuba, aberta co “Grito de Bayre” en 1895.
Polo que refire ao escenario político galego concreto, éste volve a ser un fidel
reflexo do español con dous partidos dominantes e cunha procedencia común. Entre
os personaxes máis representativos dos conservadores galegos temos a Elduayen,
Linares Rivas, Batanero, Besada o Bugallal. E polos liberais, Montero Ríos,
Vicenti, Prieto, Alsina, Canalejas, Gasset y Riestra. Todos eles asociados a
grandes propiedades e rendas territoriais, actividades comerciais especulativas e
financieiras e á alta administración do estado. A súa relación co resto da sociedade
galega vai máis alá dun puro dominio caciquil da estructura do poder e da terra;
nalgúns dos sectores máis aperturistas das elites houbo dirixentes que interviñeron
activamente no desenvolvemento do movemento agrarista antiforal conseguindo o
apoio dos campesiños. Especialmente, a dereita conservadora galega amósase,
durante este periodo, forte e activa, participando amplamente nos altos cargos dos
distintos gobernos centrais.
Pola súa parte a oposición, allea as sistema dinástico de partidos e sen
posibilidades de acceso ao poder como temos visto, tampouco da mostras de
cohesión. Así, os republicanos dividense en dous faccións, a primeira próxima ao
conservadurismo federal no seu rexeitamento ao rexionalismo galeguista e ás
pretensiones revolucionarias das ideoloxías obreiras; a segunda, o republicanismo
federalista e cada vez máis achegada a ideas obreiras e a matices galeguistas. En
calquera dos casos, os distintos esforzos por reagrupar aos republicanos galegos
fracasaron e non conseguiron sacar adiante un partido coherente e forte, limitándose
á loita polo poder municipal. Pola súa parte, os tradicionalistas entran na
Restauración con moitos problemas e grandes divisións internas; así, ainda que
houbo varios intentos de reorganización, a maioría das faccións tradicionalistas
acabaronse diluindo entre os partidos máis fortes.
Galicia afronta a súa entrada no século XX sumida na mesma crise política que o
resto do estado español. As organizacións políticas non son verdadeiros partidos
democráticos institucionalizados e sucumben aos seus problemas internos. Primeiro a
morte de Cánovas e despóis a de Sagasta, desencadenan loitas internas nos grupos
máis fortes que a oposición, desorganizada e con súas propias disensións, non é capaz
de aproveitar para supoñer unha alternativa democrática. Este panorama
desencadenará, como veremos a volta a un rexime autoritario.