Apresiabel sosio,

Mi ta orguyoso di presentá na bo nos Kontakto den un bachi nobo. Den e estilo nobo nos a mantené tur loke nos sosionan tabata gusta di e estilo tradishonal, miéntras ku nos a añadí otro aspektonan pa logra hasi e publikashon aki un forma di kontakto más plasentero, más informativo i más efektivo na, i entre, tur sosio. Den e Kontakto nobo, sosionan ta keda enkurashá pa komuniká ku otro, atraves di e.o. artíkulonan i remitidonan, kompartiendo ku otro nos konosementu, nos konsehonan, nos eksperensha, nos preokupashon i nos koperashon. Mi ta konvensí ku e ousensia di un aña di Kontakto a produsí un mihó Kontakto.

Durante e aña ei, ACU a konosé mas kambio positivo. Banda di e aspekto estétiko, ku kolónan nobo i briyante dòrnando nos edifisio na Otrobanda, tabatin kambio tambe na nivel di liderasgo di nos Credit Union, ora a yama ayó na e gerente general Humphrey Hato, kende a baha ku penshun. Na su lugá a keda nombrá entrante 1é di yanüari 2013 Eldrid Fos, kende den pasado yá a laborá na ACU komo gerente di operashon.

Siguiendo e resultado di e elekshonnan durante e Reunion General di 26 di mei último, srta. Oriany Plate i sr. Guido Rojer Jr. a drenta Direktiva, mientras ku Konseho di Supervishon tambe a haña dos kara nobo den sra. Peggy Isenia i sra. Shena Rogers-Conradus. Tambe na nivel di operashon ACU a konosé kambio: 1. orario ekstendé na e departamentu di fiansa (ofisina: 8:00am-3:30pm i buzon/faks/ internet: 24 ora), 2. servisio èkstra; tur último djasabra di luna ACU ta habrí di 9:00am-1:00pm pa ofresé TUR servisio. (Ningun otro instituto finansiero na Kòrsou ta hasi esaki riba djasabra) i 3. efisiensia den nos servisio; e popular Fiancuito (‘fiansa chikí’) awor ta keda kla den ménos ku

kuater ora. Un sosio ta yena su petishon mainta i atardi yá e tin su sèn.

Ku e kantidat di nos sosionan yegando 18.000, nos operashon-nan ta rekerí mas espasio pa nos koleganan laborá más efisiente-mente. P’esei ACU a hür dos monumento na Skarlo/Fleur de Marie. E dos monumentunan aki, adishonalmente, ta ofresé espasio pa nos sosionan bini huntu na eventonan organisá pa ACU. Esaki a keda probá eksitosamente ku selebrashon di Dia di Penshonado i selebrashon di Dia di Credit Union

Hopi kambio positivo. Naturalmente nos no por ignorá e retonan ku nos tabatin durante e aña’ki. Esun ku más a hala atenshon tabata e vulnerabilidat di nos mashinan di sèn (ATM), ora ku nos a sufri dos atrako. Pero, retonan ta hasibo más fuerte i e aktonan aki a pone nos mehorá nos seguridat rònt tur nos ATMnan, introdusiendo kambionan grandi pa sigurá ku e fondonan di nos sosionan ta seif i bon protehá! Otro kambio ku nos a introdusí na ACU pa protehá fondonan di nos sosionan, ta un dinamismo den nos departamento di Kobransa, kual tin komo tarea: enkurashá sosionan di sigui paga riba e fiansanan ku nan a hasi.

Tin hopi kambio positivo más na kaminda. Den e aña benidero kambionan sumamente grandi lo bai tuma lugá. Mi ta sigurá bo, sosio, ku bo lo ta ainda más orguyoso di ta sosio di ACU. Marka mi palabra!

Finalmente pèrmitími, na nòmber di Direktiva, Konseho di Supervishon, Komishon di Krédito i tur e 100 trahadónan di ACU, na deseábo un Pasku bendishoná i un aña 2014 próspero.

Sosio Franklyn Vicario - Presidente di Direktiva

UN AÑA DI HOPI KAMBIO POSITIVO.

Responsabel pa produkshon i distribushon: Departamentu di Merkadeo di ACU. Tel: 434-7100 (Sentral).Pa tur komentario (inkl. sugerensha, komentario, keho,etc.) riba e produkshon aki, fabor komuniká via kontakto@acu.an

2

Elegantemente bistí, sintá na Starbucks un atardi, sosio Faroe Metry ta splika Kontakto su posishon riba e asuntu di impuesto riba ganashi (‘winst belasting’) ku ainda ta kologá den aire pa ACU i otro koperativanan di spar i krédito na Kòrsou. Komo ‘tata’ (òf kreadó) di e konsepto di lei pa eksonerashon di impuesto riba ganashi pa koperativanan di spar i krédito den nos país, su posishon ta kla: gobiernu no mester purba na pone ACU (i otro koperativanan di spar i di krédito) paga impuesto riba ganashi. Según sosio Metry koperativanan, pues ACU tambe, tin komo meta prinsipal: “alkansá ‘stoffelijke en geestelijke belangen’ di nan miembronan. Niet naar winst!”. I mirando ku un koperativa ta un grupo será di miembro (òf sosio), ta lógiko ku ACU (i otro koperativanan di spar i krédito, kaminda miembro-nan ta fia otro miembronan sèn) no ta kompetiendo ku instanshanan habrí finansiero, manera bankonan òf kompanianan ku ta fia sèn.

Sosio Metry, un eksperto riba e tereno di impuesto, ta splika ku impuesto ta un hèrmènt ku mester keda usá, no solamente komo un instrümènt finansiero pa produsí entrada pa kaha di gobièrnu,

sinó tambe komo un hèrmènt sosial –ekonómiko, pa stimulá siudadanonan siña lanta para riba nan mes pianan i dependé ménos riba gobièrnu. Sosio Metry ta hasi e pregunta retóriko: “No ta esaki gobièrnu lo ke?”.

E èks-parlamentario a mustra Kontakto kopia di ‘su’ konsepto di lei numerá 2007-2008/3303, ku riba 7 di aprel 2009 a keda aprobá den Staten ku sostén di gran mayoría di voto (algún miembro di Isla Riba no tabata presente). Pa sosio Metry esaki ta lógiko tambe, pasombra mayoría partido polítiko tin den nan programa di akshon: sostené, promové i fortifiká koperativismo. I e konsepto di lei ariba menshoná ta hasi netamente esaki. Según Sosio Metry “it’s bloody shame” ku después ku Staten, inkluyendo un òf mas miembro ku ta sostené e gobiernu aktual, a pasa e konsepto aki, el a keda wantá pa un gobièrnu ku no kier a ehekutá deseo di pueblo. Pa sosio Metry esaki , i kualke intento di kualke gobiernu den futuro pa purba na pone koperativanan paga impuesto riba entrada, ta un bòftá den kara di defuntu Pader Amado Romer, kende tabata un di motornan di koperativismo na Kòrsou. Sosio Metry a terminá bisando: “Nos no por pèrmití laga bai pèrdí e legasía di defuntu Pader Amado Romer!”. Komentario di Kontakto: Kontakto ta kompleta-mente di akuerdo ku sosio Metry. ACU no ta un organisashon komersial. Kompanianan privá tin komo meta: logra ganashi máksimo pa su doñonan. Serka kompanianan privá nada di e ganashi ta bai pa e klientenan. ACU no ta hasi ga-nashi. Si na fin di aña tin un ‘surplus’, esaki ta keda repartí entre tur sosio. Na ACU tur kliente ta sosio i, pues, tur ta doño.

“It’s a bloody shame si gobiernu mester pone ACU paga impuesto riba ganashi.”

Sosio Faroe Metry:

>> Sosio Metry ku su konsepto di lei STOP

3

ACU

Konseho di SupervishonStanley Heereveen, Shena Rogers-Conradus, Kenneth Bremer (presidente), Mr. Peggy Isenia

i Ramsey Frans

Komishon di KréditoAnthony Kranwinkel (Presidente), Lennox

Calmes, Maida Cijntje, Frank Pines i Wilbert Petronella

DirektivaGilbert Winklaar, Ir. Gillion de Palm,

Mr. Ruthmilda Larmonie, Franklyn Vicario (presidente),

Mr. Oriany Plate, Guido Rojer Msc., Rosana Koko i Rugene Minguel.

(no riba potrèt: Donald Maarten)

Direktor GeneralDrs. Eldrid Fos

PRESENTANDO E ÓRGANONAN STATUTARIO DI ACU

Miembresia

Direktiva Komishon di Krédito

Gerensia (Ofisina)

4

ACU

E Edifisionan di ACUE Edifisionan di ACU

Konseho di Supervishon

ACU Otrobanda Bieu versus NoboMeskos ku makiyahe por hasi un dama ainda más bunita, asina e kolónan nobo i briyante a hasi e edifisio di ACU na Otrobanda ainda más yamativo.

Despues di tabata ubiká di 1962-1977 den Punda den edifisio Graham Building (ántes: La Ganga, awor: La Curacao) i durante 1977-1979 den e edifisio di La Bandera China (San Pedro Supermarket), ACU a drenta Skarlo na 1979 i a mantené su presensia atraves di añanan den e bario aki, ku ta yená ku historia. E aña’ki ACU a solidifiká su presensia den e bario di Skarlo/Fleur de Marie, ubikando diferente departamento den dos monumento bunita den e bario bieu aki ku semper a nifiká hopi pa Kòrsou.

5

ACU

E Edifisionan di ACUE Edifisionan di ACU

66

Sosio

KO-OPERATIVISMO: INHERENTE NA EKSISTENSHA DI UN KOMUNIDATKísas su karakter humilde i ‘down to earth’ por dunabo e impreshon ku e ta un hòmber komun i koriente. Pero no laga esei, ni e echo ku e ta sintié na kas den su pikòp dòbel kabina Hilux Turbo, ponebo kere ku e no ta un persona dediká na un mishon. Asina bo kuminsá papia kuné, bo lo ripará ku sosio Bernard ‘Ben’ Whiteman ta un hòmber ku un konvikshon masha fuerte pa yuda drecha situashon di bida di su próhimo. Tin bisá ku netamente e kombinashon aki di faktornan a pone ku sosio Ben Whiteman tabata e eskoho lógiko di defuntu Helmin Wiels pa bira minister, enkargá ku e pakete di Salubridat Públiko, Naturalesa i Medioambiente, bou di kual ta kai tambe peska, agrikultura i krio di bestia. Un di e instrümèntnan, ku kual sosio Whiteman, komo minister, ke logra kosechá éksito den su mishon pa drecha kalidat di bida pa nos siudada-nonan ta ko-operativismo. Na e Plan Agrario di 2012 ku a keda aprobá unanimamente den Staten, el a logra hasi algun modifikashon pa inkluí e.o. ko-operativismo.

E dòkter di profeshon ta mira ko-operativismo komo é yabi pa solushon di hopi problema den komunidatnan rònt mundu. Sosio Whiteman ta

haña ku ko-operativismo ta inherente na eksistensha di un komunidat. Segun é, ko-operativismo tabata eksistí semper serka humanidat, kuminsando ku e hòmber Neandertal, kaminda ku esaki mester a forma ko-operativa pa por a enfrentá retonan den bida. E sosio aki ta bisa ku atraves di historia kaminda e masa tabata sufri, esaki semper a sa di sobrebibí danki na koperativismo.

Segun sosio Whiteman, pa un durashon kòrtiku kapitalismo a lanta kabes, pero ta pèrdiendo sosten, debí na e fókus di esaki riba individualismo, kual ta kontra di esensia di eksistensha di un komunidat. Komo muestra ku mundialmente kapitalismo ta pèrdiendo tereno, sosio Whiteman ta menshoná ‘Obamacare’ (un programa ku President di Merka Barack Obama a introdusí, ofresiendo seguro universal di malesa na e poblashon merikano), kual a mira lus na e país, kual pa hopi ta esun di mas kapitalista na mundu.

Sosio Whiteman opiná ku “diferente forma di sosialismo lo bai remplasá e forsa brutu di kapitalismo rònt mundu i sigur na Kòrsou, kual lo bai permití nos ekonomia bòns bèk”

Resientemente sosio Whiteman a inisiá un proyekto piloto, durante kual un grupo di Peska, konsistiendo di algun piskadó i algun doño di restorant na Playa Canoa, lo risibí pa dos aña largu sosten den e area di ko-operativismo, pa siña e grupo aki apliká e prinsipionan di ko-operativismo, hasiendo, por ehèmpel, kompra konhunto (‘gezamenlijk inkoop’). Ku e.o. asistensha di Fekoskan (e federashon lokal di koperativanan di spar i krédito) a organisá un kurso di diferente siman na e partisipantenan. Pa fin di 2013 un ko-operativa di peska lo mester mira lus.

Ben Whiteman

>>

7

KO-OPERATIVISIMO

>> Partisipantanan na e kurso

Na Kòrsou ko-operativanan a lanta den Colon, dilanti di Santana Katóliko na Otrobanda. Un grupo di hóben a disidí na 1954, despues di hopi siman di diskushon, pa kuminsá spar i yuda otro. Jan Coco e dia ei a bisa: “Laga nos stòp di papia i ban hasi”. Asina Credit Union Colon a nase. Den un aña 18 hóben a spar Nafls. 290,- i den e mesun tempu ei e plaka a lora pa balor di f.1.200,=, lokual a demostrá e balor di ko-operativanan i e milager ku hende honesto por hasi.

Na 1959 tabatin un Konferensha di Komishon di Karibe, kaminda lo a trata asuntu di ko-operativa den Karibe, pero esei a kai na awa, pasombra a bini problemanan di independensia di e islanan Ingles i esei a bira prioridat. Na Yanüari di e aña ei a kambia nòmber di C.U. Colon den “Credit Union Santa Famia”, i un par di dia despues a lanta un ‘credit union’ pa trahadónan di haf, ku nòmber “Santa Ana”. Di ei a sigui un kantidat di ko-operativa mas. Den e mes un aña ei na un reunion tené na Bou Barber tabatin nuebe (9) ko-operativa representá.

Despues di un par di aña a bin lanta “Liga di Credit Union di Antia Neerlandes”, huntu ku credit union-nan na Aruba i Bonaire. E kos a bira asina formal ku den tres aña por a djoin Cuna International, e movementu internashonal di ‘credit union’nan ku sede na Madison, Wisconsin na Merka.

‘Credit Union’Un ‘credit union’ ta un ko-operativa di spar i krédito, kaminda un grupo di hende demokrátikamente a disidí di lanta un organisashon pa yuda otro spar i hasi fiansa den kasonan di nesesidat òf produktivo, pa paga bèk na un manera hustu i kontra un interes hopi abou.

Meskos ku tur ko-operativa tin un meta bon fiho: siña spar regularmente huntu, pa for di e fondo yuda otro pa kosnan nesesario i pa yuda otro bai dilanti ekonómikamente i finansieramente.

Fuente: Amado Romer, Credit Union (Ko-operativa di Spar i Krédito), 2001

STOP

8

Esaki ta pas den e liña di pensa di sosio Whiteman, kende ta haña ku den un komunidat mester tin seguridat alimentisio. Den tur pais mester tin seguridat di kuminda, pa hasta ora tin kalamidat mester tin un reserva pa sobrbebibí tur situashon. E ta yuda kontrolá tambe e preisnan mará na kuminda, kualnan ta vulnerabel na desaroyonan den eksterior, manera kalamidat òf sekía i krísis mundial finansiero.

Pa sosio Whiteman nos tin hopi trabou nos dilanti si nos ke perkurá pa un seguridat alimentisio den nos pais, espesialmente si tuma na kuenta ku nos produkshon total den nos area agrario, peska i krio

di bestia ta 1% di nos demanda lokal.

Unaves e ko-operativa ariba menshoná keda lantá, sosio Whiteman ta premirá ku lo bai tin lantamentu di mas ko-operativa den area di produkshon. ACU lo bai hunga un ròl grandi den formashon di tal ko-operativanan, tantu riba tereno finansiero, komo riba tereno di edukashon di ko-operativismo.

Sosio Whiteman ta kere fielmente den ACU. E ta sosio di ACU for di komienso di dékada ’80 i no mester ta un sorpresa ku su pikòp, ku segun é ta kore más duru ku kualkier vehíkulo aki na Kòrsou, a keda kumprá ku un fiansa serka ACU.

>>

KO-OPERATIVISIMO

Sosio Jacqueline de Palm

STOP

Kandela por spanta hopi hende! Pero no e dos sosionan aki di ACU! Despues ku un kandela feros a destruí kasi henter e edifiso di Building Depot na Zeelandia na mei último, sosio Earl Virginia, kende tabata laborando pa 30 aña kaba pa e kompania Curacao Wire Products / Building Depot, a hasi un evaluashon serio di su posibilidat na i oportunidatnan. Armá ku un dósis di positivismo, hopi konosementu di e mundu di fèrf i e abilidat di duna un bon servisio na su klientenan, el a hasi loke hopi hende lo no a hasi; nenga un oferta di keda traha na Building Depot, pa kristalisá un soño ku semper e tabatin; habri su mes negoshi.

Durante kasi 20 aña ku el a hunga beisbòl (dòbel A) aki na Kòrsou, el a sera amistat ku un hungadó di beisbòl, kende a bira después un eksperto finansiero i a traha na e nivelnan di mas haltu den gobièrnu. Esei a pone ku sosio Earl a yega relativa-mente fásil na un bon plan di negoshi (‘business plan’) i ku sostén moral di su konosínan, amigunan i klientenan, kendenan tabata kier a mir’é para riba su mes pianan, sosio Earl Virginia a pasa na e.o. ACU i lanta algu di su sèn ku el a bin ta spar pa añanan largu. Pa fortifiká su esfuerso, el a atkerí un sosio minoritario den persona di Jarmila Salcedo, un èks-kolega. No a dura muchu ku Virginia Color Specialist NV a mira lus ofishalmente. Mashinnan sofistiká, manera un ‘paint dispenser’ i un ‘paint shaker’ a keda kumprá na Merka pa por produsí fèrf di tur koló i di tur tekstura. Riba 11 di novèmber último e dos sosionan aki di ACU, i sosionan di nan mes negoshi, a habri nan porta.

No opstante tin yen di grito ku ekonomia ta bayendo malu, sosio Earl Virginia i sosio Jarmila Salcedo ta mira nan dilanti un futuro briyante. Earl ta konosí komo un hende ku ta dominá kompleta-mente e materia di fèrf. Mas ainda, su manera di duna servisio personal ta loke ta hasié diferente for di otro. E no ta djis bende fèrf. E ta asistí su klientenan ku konseho pa kompra di fèrf, pa asina e fèrf kom-biná mihó ku, otro kolónan di muraya, kolónan di mueblenan i/òf kòrtina, etc.

Apénas algun siman habrí, e benta yá ta surpasá tur espektativa. Kontakto ta enkurashá tur sosio di ACU pa demostrá e espíritu di ko-operativismo i mustra sostén na e dos sosionan aki, kendenan ta representá e filosofía di ko-operativismo; yuda otro pa para riba su mes pianan.

Virginia Color Specialist NV ta situá na Rooseveltweg, n‘e otro banda di kaya, kaminda Coach Sports Bar tabata. Number di telefon: 868-8595.

E ATENSHON PERSONAL KU MI TA DUNA MI KLIENTE LO TA E YABI PA MI ÉKSITO!

“

“

STOP

9

SOSIO

Wowo Riba SosioWowo Riba Sosio

E manera ku nos ta funshoná den bida diario, den relashon ku otronan, na trabou, den ambiente sosial, etc. ta wòrdu influensiá dor di e.o. nos imáhen propio.

Nos imáhen propio ta reflehá kon nos ta pensa di nos mes. E ta indiká tambe kon nos ta mira nos mes. Hopi di nos no ta realisá ki influensia nos imáhen propio tin riba nos komportashon. Klaru ku esaki no ta e úniko aspekto ku ta influensiá nos komportashon, pero sigur e ta un faktor grandi. Konsiderá e siguente puntonan:- Bo ta balorá bo mes.... i kuantu?- Bo tin rèspèt pa bo mes?- Bo ta aseptá (i ta konsiente di) bo mes i di bo

partinan fuerte i ménos fuerte?- Bo ta aspirá di sigui krese komo persona?

Nos por distinguí imáhen propio den tres forma: 1. Imáhen propio di superioridat2. Imáhen propio negativo 3. Imáhen propio realístiko i positivo

Imáhen propio di superioridat i imáhen propio neg-ativo ta basá riba mentira, pasombra no tin niun hende ku ta superior na otro komo hende. Nos tur a nase ku potensial pa funshoná adekuadamente i pa logra den bida. E problema ta, ku den nos ambiente (tin biaha for di yòn/mucha) otronan por laga nos kere ku nos no ta kapas pa logra den bida. Esaki por pone ku un persona ta bai kuminsá duda den su mes.

Imáhen propio realístiko i positivo ta basá riba bèrdat i ta afirmá ku nos tur ta útil i ku nos ta nifiká hopi pa esnan rondó di nos.Konta ku bo imáhen propio? Kon bo ta mira bo mes? Kòrda ku bo imáhen propio ta algu, riba kual semper bo por traha. Kon?

1. Realisá ku bo ta úniko.2. Kambia e manera (negativo) di pensa di bo mes 3. Stòp di ta un “If thinker”. Purba ta “How thinker”.4. Na lugá di pensa riba loke a pasa kaba,

pensa kon bo ta bai sali pa dilanti.5. Kuminsá wak tur loke bo ta bon den dje.

Konta bo bendishonnan. 6. Pensa positivo i aktua positivo.7. Determiná ku bo ta bai kibra ku miedu.8. Stòp di warda pa otronan bin yudabu. Abo kuminsá yuda otronan.9. Stòp di warda pa otro stimabu. Abo kuminsá stima otronan. 10. Realisá ku bo tin kompleto potensial. Kerido sosio, mi ta spera ku loke bo a lesa lo kontribuí na un imáhen propio positivo serk a bo.

STOP

10

DESAROYO PERSONAL

IMÁHEN PROPIO

Sosio Michael Ricardo

KIKO TA PERSONAL BRANDING?Ora ta papia di Personal Branding ta referí na e pensamentu ku süksès ta bin (a lo ménos parsial-mente) di bo aparensha i bo komportashon. Siguiendo e pensamentu aki, bo imáhen ta re-sponsabel pa (a lo ménos parti di) bo éksito. Pues, lo ta lógiko i deseabel pa bo krea e balor agregá (‘added value’) pa bo mes, aplikando e reglanan di Personal Branding. Esaki ta inkluí (pero no ta keda limitá na): bo kurpa, paña, aparensha i sabiduria, kual por (òf: ta) laga un impreshon úniko di bo.

KIKO TA UN PERSONAL BRAND? Si bo ta eksitoso den aplikashon di reglanan pa Personal Branding, bo lo logra krea pa bo mes un Personal Brand (un marka personal), kual lo bisa na e mundu ei fó ken bo ta. E Personal Brand ei ta e manera ku bo ta pone hende mirabo i persibíbo. Bo Personal Brand ta e ‘ABO’ den wowo di esun/esnan ku ta mirabo!

BO PERSONAL BRAND TA:• bisa ken bo ta i pa kiko bo ta para.• influensiá kon otro hende ta pensa di bo.• pone enfoke riba bo desaroyo profeshonal. Por ehèmpel: si bo ta un edukadó, lo bo ke pa bo imáhen ta proyektá un sentido di responsabilidat, seriedat, konosementu i disiplina, kualnan ta aspektonan ku ta keda balorá den un edukadó.• yudabo distinguí bo mes for di otronan den merkado i asina krea un avanse riba kompetensia. • pone bo klientenan kòrdabo i ta hasi bo merkadeo más fásil i ménos kostoso.• pone ku bo klientenan tin un mihó bista di kiko nan por spera di bo.

• hisa e chèns ku otro lo kòrda bo.• netamentu algu di bo. E no por wòrdu kopiá. E lo no traha pa otro hende.

KON TA TRAHA RIBA BO PERSONAL BRAND?• Konosé bo mes. Sa kua ta bo partinan fuerte i

bo partinan swak.• Ora bo kaba indentifiká i forma bo personalidat

pa un Personal Brand efektivo, bo por hasta lombra (‘polish’) bo imáhen pa evitá di sinti bo mes inkómodo den e mundu profeshonal.

• Kòrda ku na momentu ku bo krea bo Personal Brand i e mundu ei fó tuma nota di esaki, lo no ta algu ku bo por kita mas (fasilmente).

• Mantené bo imáhen konsistente tur kaminda. Hopi biaha e imáhen profeshonal i esun privá di un persona ta kontradiktorio. Esaki ta pone ku bo Personal Brand no ta konfiabel. Nos no ta para ketu na e importansha di e impreshon ku nos ta krea pa nos mes ku nos komportashon den nos bida privá.

NO LUBIDÁ BO ONLINE PERSONAL BRAND! Hopi di nos ta lubidá ku nos komportashon den nos bida privá ta inkluí loke nos ta bisa i hasi ‘on line’, spesífikamente den media sosial, manera: Facebook, Twitter , Google+. Tur loke nos mes ‘post’ òf pone di nos mes den e mundu di media sosial (òf ku keda di ‘post’ riba nos) por influenshá e impreshon ku otronan tin di nos. Hasiendo òf bisando algu fo’i sla na e momento robes por daña bo karera of otro oportunidatnan den bida. STOP

11

DESAROYO PERSONAL

IMÁHEN PROPIO

Sosio Nevita Mézas BBA CAMS

Nos tur sa básikamente kiko nos tin ku hasi pa biba un bida saludabel. Mayoria di nos ta ignorá òf neglishá esaki i no ta pone esaki den práktika. Kiko ta e motibu? Un bida hopi estresá? Nos situashon finansiero? Nos no tin nos mente na pas pa tene kuenta ku nos salú físiko?

No opstante ku bo por tin diferente ‘motibu’, mi lo ke sugerí na bo pa:lKome bon i balansá lbèrdura i fruta variá ltiki karbohidrato i tiki proteina lménos posibel: suku i vèt lsufisiente awa (por lo ménos 6 glas pa dia) lehersisio (kana i landa ta pòrnada) luso di suplementonan (antioksidante, kalsio i otro vitaminanan). Den bo kura mes bo por planta hopi bèrdura i

fruta saludabel ku por krese den nos klima (p.e.: papaya, pampuna banana, bakoba, mango, sèlder spinashi). Si bo no tin espasio, bo por planta den bari di plèstik kòrta den dos. Buska manera pa fangu awa di baño òf awa di rembak pa bo matanan.

l Manehá bo situashon finansiero. Sin entrada bo no por kome saludabel, ni bo no por tin e pas mental kompleto. Si bo no tin un trabou òf otro fuente ku ta produsí entrada, pensa den ki área bo tin talento i kuminsá eksplotá esaki. Algun ehèmpel: hasi obra di man, kushiná, kuida mucha chikí òf hende grandi, laba outo, hasi trabou di kas, baila, skirbi poesia i/òf kanto.

l Sea na pas ku Dios. Hasi bon pa otro. No biba ku odio i renkor den bo kurason. Siña pordoná otro i, si por, trata na hasi un bon obra pa un hende den nesesidat. E bendishon ku bo ta risibí di ariba i di for kada boka ku deseábo bendishon, lo pone bo sintibu bon i felis.

STOP

DESAROYO PERSONAL

Sosio Margaret Martis

BO SALÚ

Komentario? Sugerensha?

Bo tambe ke kontribuí na Kontakto?

KONTAKTO@ACU.AN

12

BO SALÚGUERA ENTRE BISIÑANAN

PA UN MURAYA.

STOP

DERECHI I DEBER

Bisiña A ta kompartí e rant (i waya) di kurá ku bisiña B. Bisiña A ta kita e waya i ta lanta un muraya. Bisina A ta plèistu e muraya na su banda só, pero no ta pleistu e banda di muraya ku ta tira pa Bisiña B.

Bisiña B ta haña ku e muraya ku ta tira pa su kas ta un mahos bista. Bisina B ta eksihí di Bisiña A pa e pleistu e otro banda di e muraya tambe òf basha e muraya abou.

Un pregunta relevante den e kaso aki ta: riba ken su tereno e muraya ta traha presis? Ora Bisiña A a kita e waya pa a lanta e muraya, el a hasi esaki teniendo kuenta ku e midínan di su tereno? No ta tur ora bisiñan ta na altura di e midínan di nan tereno. Hopi biaha ta te ora tin diskushon, nan ta akudí na instanshanan indiká, manera DOW òf Kadaster, pa haña un aklarashon. E kontesta riba e pregunta aki por hasi diferensha den e kaso. Ta p’esei ta importante pa bisiñan ta na altura di nan midínan di tereno, promé k unan lanta muraya òf algu otro riba parti di e tereno ku ta kore huntu ku tereno di nan bisiña. Pa e kaso aki nos lo sali for di punto di bista ku e muraya ta trahá riba tereno di Bisiña A. Esaki ta nifiká ku e muraya ta propiedat di Bisiña A.Konforme artíkulo 5:1 di nos Kódigo Sivil, un proprietario por hasi tur kos ku su propiedat, pero denter di sierto límitenan! E propietario NO ta líber pa usa su propiedat di un manera: 1. kontra di lei, 2. kontra e derechi di otronan, òf 3. ku ta nifiká abusu di poder (mal uso di e derechi di propiedat òf di e situashon).

1. Kontra di lei.Aki nos por pensa riba situashonnan kaminda e kasnan ta konstruí, por ehèmpel, den un Resort i e reglanan di e Resort ta prohibí pa lanta muraya òf ta preskribí ku mester plèistu tur dos banda di murayanan ku wòrdu lantá. Si esaki ta e kaso, Bisina A ta usa su propiedat kontra lei i Bisiña B por eksihí di é pa e plèistu e muraya (òf pa basha esaki abou). Si Bisiña A nenga di hasi esaki, Bisiña B por kuminsaáun kaso kontra Bisiña A na Korte di Hustisia.

2. Kontra derechi di otronanAki por pensa riba e derechi ku Bisiña B (komo propietario di SU tereno) tin, riba un bunita bista for di riba su propiedat. E argumentu di Bisiña B ta ku e muraya a keda mahos bista pa su kas. Akinan nos por pensa riba diferente posibilidatnan. Por ehèmpel, e muraya ta keda nèt na e banda di su pòrch, kaminda e ta sinta tur dia disfrutá di su

matanan i kaminda prinsipalmente e ta risibi su bishitanan. E muraya, den e kaso aki, ta un disturbio pa Bisiña B. Konforme artíkulo 5:37 di Kódigo Sivil, un pro pietario di un tereno NO por, den sierto modo òf manera, konforme artíkulo 6:162 BW (di un manera ilegal), trese (of kousa) disturbio na e propietarionan di otro tereno, dor di propagá ruido, vibrashon, holó, huma, gas òf dor di apstené lus òf airu òf dor di ninga su apoyo. E disturbio ku Bisiña B ta sufri dor di e muraya ku Bisiña A a lanta, na promé luga mester ta ilegal. Konforme hurisprudensha no ta tur ora disturbio ta ilegal. Tin disturbionan ku mester wòrdu tolerá. E kontesta riba e pregunta di ‘ki ora un disturbio ta ilegal?’, ta dependé, e.o., di e naturalesa di e disturbio, e gravedat, e durashon di e disturbio i e daño okashoná pa motibu di e disturbio i di e otro sirkunstansianan ku (por) tin di haber ku e kaso.Den e kaso aki Hues lo mester determiná si e disturbio ku Bisiña B ta sufri ta ilegal, ku konsekuensha ku Bisiña A lo mester plèistu e muraya ku ta tira pa tereno di Bisiña B. Esaki ta hiba nos na e sigiente punto. E ningamentu di Bisiña A pa plèistu e banda di e muraya di Bisiña B, ta un abusu di poder di Bisiña A? Bisiña A ta mal usando su derechi ku e tin riba su propiedat den e situashon aki?

3. Abusu di poder Mal uso di e derechi di propiedat (abusu di poder di e propietario, konforme dikshonarionan hurídiko, ta surgi den sierto sirkunstansianan ora: a) e derechi di propiedat ta wòrdu usá ku NINGUN otro propósito, sinó pa trese daño na otro, b) ora tin un despropor-shon eksesivo entre e interes pa ehersé e derechi di propiedat i e interes ku, a konsekuensha di hasi esey (ehersé e derechi di propiedat), ta wòrdu dañá.Por ehèmpel, Bisiña A a keda sin plèistu e banda di muraya ku ta tira pa Bisiña B ku e úniko propósito: daña e bista di Bisiña B, ya ku é i Bisiña B no ta parti un pan ku otro pa añanan kaba. Konforme hurisprudensha (Watertoren I en II arresten), Bisiña A tin e derechi pa lanta su muraya kaminda é ke, pero é NO tin e derechi pa hasi esaki ku e úniko intenshon pa okashoná daño na su bisiña. Si esaki ta e kaso, Bisiña B por ekhigí di Bisina A pa plèistu e muraya òf pa laga basha esaki abou.

Esaki ta, kòrtiku, e posibel solushonnan pa e kaso. Ta bon pa bisa ku mester tene kuenta ku ningun kaso ta igual. Tur ta otro. Semper por tin un tiki diferensha ku por pone un kaso kana otro ku premirá. Manera nan ta bisa, tin diferente kaminda pa yega Roma. Ku bon dokumentashon i argumentunan un kaso por bai tur banda.

Sosio Peggy M. Isenia (Hurista)

13

15

Den final di aña semper ta bon pa bo wak bo asuntunan di impuesto, pa bo por disidí si bo mester tuma sierto desishonan promé ku aña kaba. Preguntanan ku bo mester hasi bo mes ta: Ta bon pa hasi un gastu ainda e aña aki? Of ta mihó warda te otro aña, pa asina por hasi uso di e gastu den mi deklarashon di impuesto di entrada (‘Inkomstenbelasting’)? Por ehèmpel: fèrf kas e aña aki aínda òf warda te otro aña?

TÉRMINONAN KU KUALNAN MESTER TENE KUENTA E aña aki formulario di deklarashon di impuesto di entrada a sali 1é di aprel 2013 ku fecha último pa entregá e formulario: 1é di yüni 2013. Siudadanonan ku no tabatin tur dokumentashon kla por a pidi pa alargá e tempu di entrega. Tene kuenta ku esaki! Hopi hende (‘belastingplichtigen’) a risibí tempu èkstra te ku 31 di dezèmber 2013. Kòrda pa bo no laga e fecha aki pasa bai, sinó bo lo tin ku paga but. Komo siudadano, bo deber ta di yena i entregá e bilyèt, ora bo risibí esaki na kas.

DISPOSISHON PA REDUKSHON DI SALARIOSi bo tin gastunan haltu (‘hoge aftrekposten’) ta bon pa pidi un disposishon pa redukshon di impuesto di salario (‘loonbelastingbeschiking). E formulario pa pidi e disposishon aki ta optenibel na Inspectie der Belasting Curaçao. Ku e disposishon aki no mester warda te ora yena e formulario di impuesto pa 2013. Ku gastunan haltu ta referí na e.o. interes di hipoteik, gastunan relashoná ku mantenshon di kas (i kurá), interes pagá riba fiansa-nan pa outo, fiansa personal, studio i tarhetana di krédito. Asina bo risibí aprobashon di Inspectie, bo mester entregá esaki na bo doño di trabou. Si bo ke pa imediatamente den yanüari 2014 bo doño di trabou tene kuenta ku e disposishon, ta rekomendabel pa regla esaki mas pronto posibel. Tuna nota ku pa bo risibí aprobashon di Inspectie, bo mester (a) deklará bo impuesto pa tur aña anterior.

OUTO DI TRABOUPa outo di trabou ta konta un (‘fiscale bijtelling’) di 15% di e balor di e outo komo salario (‘loon in natura’). E ‘bijtelling’ aki por bira ménos, si bo ta biaha hopi pa trabou. Den tal kaso bo por duna bo doño e outo bèk durante bo estadia den eksterior.

Bo mester entregá na bo doño di trabou e outo, huntu ku e yabi i papelnan di e outo. E or’ei bo asina-yamá ‘eigen bijdrage’ (loke bo ta paga pa uso privá di e outo) ta keda kitá di e asina-yamá ‘bijtelling’.

KAS PROPIOGastunan di interes di hipoteik, seguro di kandela i seguro di bida por wòrdu dedusí for di impuesto di entrada ku un máksimo di 27.500 florin pa aña. Gastunan di mantenshon tin un máksimo anual di 3.000 florin. Gastunan di mantenshon ta inkluí, p.e.: limpia kurá, fèrf kas, drecha algu ‘nagelvast’ na e kas (porta, bentana i/òf dak). Si hasi e gastunan aki promé ku 31 dezèmber 2013, por dedusí esakinan den deklarashon di impuesto 2013. Kòrda ku mester warda tur bòn i saka kopia di esakinan.

DONASHONDonashon tambe por wòrdu dedusí for di impuesto di entrada. Importante ta pa bo tin komprobante di esaki. Ku donashon ta referí na kontribushon finansiero na e.o. misa, fundashon karikativo i donashonnan kultural. Tambe donashonnan pa metanan sientífiko (‘wetenschappelijk’) i pa komunidat (‘het algemeen nut beogende instellingen’). Tene kuenta sí ku pa e donashon keda dedusí di bo entrada e mester ta minimal-mente Ang 100. Adishonalmente, bo donashon (òf e parti di bo donashon pa kual bo ta bin na remarke pa dedukshon) no por ta ménos ku 1%, ni más ku 3% di bo entrada (‘belastbaar inkomen’). GASTUNAN ÈKSTRAORDINARIOGastunan èkstraordinario ta gastunan pa: • mantenshon di yu(nan) malu te ku 27 aña, • malesa, • hañamentu di yu, • invalides, • entiero • estudio di yu(nan) te ku 27 aña (MBO, HBO i WO ku un máksimo di Nafls 10.000 pa aña.)

IMPUESTO RIBA ENTRADA(‘INKOMSTENBELASTING’/IB)

STOP

14

DERECHI I DEBER

Sosio Jurrelma M.T. Maria (Fiscalista)

Mi fakansi tabata hopi great ku ACU i e ‘Junior Ranger’nan. E tabata un eksperensia hopi ‘AWESOME’. For di krea amistat nobo, te ku ‘letterlijik’ subi halturanan nobo. Mi a siña tokante e maraviyanan di naturalesa i di loke ta biba den dje. Tambe mi a siña ku nos por yega na metanan dor di djis un tiki yudansa. Mi a bai bou di tera (den ‘grot’ òf kueba), riba tòp di seru (Brandaris) i den laman ‘diep blauw’. Mi a hari i mi a yora i definitivamente mi a soda HOPI! Mi a siña tokante traha huntu i partisipá konhuntamente. Sin ayudo di mi kompañeronan mi lo no por a logra partisipá den algun di e aktividatnan. Lo mi tin gana di hasi esaki di nobo den futuro, pa topa otro hende, pasa ‘the time of my life’ i enfrentá huntu ku otronan mi miedunan.

Abeguitu Abigayle DomacassE

Sosio Marcus ‘Papachi’ Martis

Mi tabata deseá pa kumpra un outo nobo 10 aña pasá. Mi a aserká un banko aki na Boneiru pa un fiansa. Pero segun nan mi tabatin un edat muchu haltu (68 aña) pa mi por a sera un kòntrakt pa un fiansa.Komo ku mi ta sosio di ACU, mi a aserká ACU i mi a splikanan kiko mi tabata ke i ki sorto di outo mi tabata ke kumpra. Nan a bisami ku pa ami, un sosio di ACU, esaki tabata posibel.E dos damitanan Mona Lisa i Gina ta esnan ku a sòru pa hasi tur e trámitenan nesesario i den ménos ku 3 dia mi por a kore den mi outo nobo nobo. Danki na e sistema elekróniko modèrno ku rapidamente tur kos a wòrdu reglá. Mi tin ku gradisi Dios na promé lugá kende a tende mi súplika i tambe tur hende i instansi-anan ku a koperá. No ami só, sinó henter mi famia, ta kontentu ku awe ku mi 78 aña di edat mi tin mi outo nobo. Mi ke sugerí tur nos sosionan ku ta interesá den e servisionan sublime di ACU pa yama i traha bosnan sita mas pronto posibel.

STOP

STOP

BONEIRU

MI FAKANSI KU ACU

MI FIANSA DI OUTO NA ACU

RISIBÍ DESKUENTO ATRAKTIVO KU BO KARNÈT DI ACU NA E SIGUIENTE ESTABLESIMENTUNAN:

uBON BIDA SPA & GYM 25% RIBA MIEMBRESIA

uTHE TOUCH DAY SPA 15% RIBA TUR TRATAMENTU

uCUBA COMPAGNIE 10% RIBA KONSUMO

uEDDY’S GOURMANDISES 10% RIBA KONSUMO DEN RESTORANT

uAKKERMAN’S AUTO SUPPLIES 4% RIBA KOMPRA DI KUALKE OUTO

uBON SIMAN I DESKUENTO 20% RIBA ABONO DI REVISTA

PRONTO E LISTA AKI LO KEDA AMPLIÁ KU MÁS ESTABLESIMENTU DUNANDO MÁS DESKUENTO! PA MAS INFORMASHON, YAMA ACU NA 717-3200

15

Sosio Engelmar Marcelli

Bo ke un telefon selular, pero no sa kua bo kumpra? Ata algun komparashon entre e markanan mas usá na Kòrsou i Boneiru. EKSITO!

ABEGUITU MAYÓ

FRUTA DI ACU

ACU ta habri tur delaster djasabra di luna i esaki ta trese tur sorto di benifisio pa tur sosio i spardó. Banda di dediká atenshon na e sosio, ACU a organisá riba diferente di e djasabranan un evento speshalmente pa e Abeguitunan, na unda nan por a partisipá gratuitamente na kompetensha i demostrashonnan/‘workshop’nan di subi fli, ahedres, esgrima i kore baiskel. Un hóben ku sigur a keda hopi agradesido ku ACU tabata habri riba e djasabranan aki i ku ACU tabata ofresé oportunidatnan na Abeguitunan, ta Iyan Imperator.Iyan a interesá pa bai ACU riba un djasabra pa mira demonstrashon di e deporte esgrima.

Riba e djasabra en kuestion ei més e entrenadónan di esgrima, sr. Lionel Smith i sra. Marivia Tuast a duna e hóben oportunidat pa entrená i demonstrá na esnan presente kiko é tin aden. Awèl riba e djasabra ei mes, Iyan a bira fruta di ACU su inisiativa ‘pa sirbi Kòrsou’, no solamente estando habrí pa duna servisio, sinó tambe pa mustra ku pa ACU: e hende ta sentral! Fruta di ACU a resultá den un logro grandísimo. E djasabra ei ACU a regalá Abeguitu Iyan Imperator un aña kompletamente grátis di lès di esgrima.

Ku apénas un par di luna di entrenamentu Iyan Imperator a keda selektá pa forma parti di delegashon di Kòrsou, pa representa Kòrsou na e prestigioso 2nd Caribbean Fencing Championship na Aruba. Despues ku e delegashon chikí di kuater atleta a biaha pa Aruba pa kompetí na e prestigioso 2nd Caribbean Fencing Championship, nan a regresá kas ku no ménos ku 5 medaya: 2 di oro, 2 di plata i 1 di bròns. Den e kategoria di floret (foil) Iyan Imperator a gana medaya di bròns!

Sosio Ingried Imperator(Mama orguyoso di Iyan)

>> Abeguitu Iyan Imperator praktikando esgrima

16

17

BONEIRU

Eskoho di un estudio no ta fásil. E no ta algu ku bo tin ku hasi na final di bo estudio eskolar sekundario. E mester ta un proseso ku kual bo mester a kuminsá for di klas 1 di skol sekundario ( Voor-bereidend Secundaire Beroepsonderwijs /VSBO), Hoger Algemeen Voorgezet Onderwijs/HAVO òf Voorbereidend Wetenschappelijk Onderwijs/VWO). Bo mester a haña diferente informashon riba e sigiente tòpikonan,

• Ken mi ta? • Kiko ta mi kapasidat? • Kiko ta motivá mi? • Kiko ta mi abilidatnan?

Na momentu ku bo tin kontesta riba e tòpiko nan aki, bo lo por hasi un bon eskoho.

Sinembargo, masha poko bia e hóben, despues ku el a kaba su skol sekundario, ta sigur di kiko e ta bai hasi riba un nivel mas haltu. Hopi mayor i edukadó (no tur) ta stimulá e hóben durante ku esaki ta bai skol, solamente pa é haña bon sifra pa su materianan i pa é logra haña su diploma.

Esaki so no ta sufisiente. Pa un hóben keda stimulá i pa é mira e motibu dikon e tin ku bai skol i tambe skohe un profeshon pa futuro, mester stimulá e hóben pa é haña informashon riba ki tipo di profeshon é kier praktiká den futuro. Asina é ta haña un bista dikon é tin ku hasi su esfuersonan na skol. E hóben mester bira konsiente ku é ta bayendo skol pa aki ratu é ta nifiká algu den e komunidat aki. E tin ku bira konsiente ku é ta preparando su mes pa subi merkado laboral. Skol i merkado laboral, tin un konekshon hopi estrecho ku otro. Na momentu ku e hóben bira konsiente di esaki , lo é por tin éksito na skol, kual lo por yud’é logra éksito den otro areanan di bida.

Sondeonan a mustra ku dos di e motibunan ku hóbennan ta sali hopi trempan for di e sistema di skol, ta pasombra: 1. nan a hasi un eskoho robes di skol i 2. nan ta karesé di motivashon.

Kiko mayornan/ edukadónan, por hasi pa yuda e studiante hasi e eskoho korekto i keda motivá?Hasi hopi pregunta. Yuda e hóben buska infor-mashon. Inspirá e hóben i motiv’é. Papia kuné tokante su eksperensha (nan). Papia ku un dekano. Bishitá e ‘studiekeuze steunpunt’ na Biblioteka Nashonal di Korsou.

Si ta aki na Kòrsou e skol ta, bishitá e skol. Si ta den eksterior e instituto ta ubiká, subi su website i hasi kontakto via e-mail ku su departamentu di informashon di e skol. Wak si e estudio ku kual e hóben kier bai sigi ta algu ku é por haña un trabou despues òf si esaki ta e tipo di trabou ku é (lo) kier bai hasi. Lag’é puntra su mes: “Ta algu ku ta pas ku mi?”. Si e hóben no por hasi eskoho, lag’é hasi un tèst serka un profeshonal.

EKSITO!

ABEGUITU MAYÓ

17

BO ESKOHO DI ESTUDIO.

Sosio Jealaine Wawoe

Komentario? Sugerensha?Bo tambe ke kontribuí na Kontakto?

KONTAKTO@ACU.AN

Abeha ta traha honeng for di nektar. E nektar, e abeha ta saka for di den flor. E abeha ta chupa e nektar for di den e flor i keda kuné den su barika. Un abeha mester bai na hopi flor, promé ku su barika ta yen di nektar. Ora e barika ta yen, e abeha ta bai kas huntu ku e otro abehanan. E ora ei e ta saka e nektar for di den su barika i duna un otro abeha e nektar den su boka. E otro abeha ta chupa i kòu e nektar den su boka i hasi esaki honeng. Ora e abeha tin e honeng den su boka, e ta pone esaki den un kashi pa warda honeng. Despues e ta sera e kashi ku waks pa e honeng no sali afó òf pa otro bestia no bai kuné. Ora hopi abeha hasi esaki nan ta traha hopi honing.

Un abeha só no por traha hopi hon-eng, pero hopi abeha huntu sí. Nan tin ku traha duru pa traha hopi honeng.

Abeguitu Timothy Cecilia

Kon un abeha ta traha honeng

Kon bo por traha kos dushi ku honeng

Abeguitu

Ingredientenan:• 4 pera.• 3 kuchara grandi di honeng• 15 grs. manteka.• Un tiki klabu mulá

Preparashon:Kaska e peranan i kòrta nan na mitar kitando e kurason. Pone nan boka ariba.Yena kada unu di nan ku mitar kuchara di honeng i manteka. Stroi un tiki di e klabu mulá riba nan.Pone un kuchara di honeng den mitar kùp di awa kayente i meskl’é hopi bon. Ora e ta bon mesklá, bash’é tiki-tiki rònt i riba e pera nan. Pon’é den fòrnu 180° C – pa 20-30 minüt.

Pera na fornu ku honeng

ABEGUITU YÒN

Den kushina ku ACUDen kushina ku ACU

Pa sirbi: ±10 persona

Ingrediente:

Preparashon:Keinta fòrnu na 350º F / 180º C.1. Hunta un forma di 23 x 28cm ku manteka. 2. Kibra e snechinan di pan chikí i pone esakinan den un kòmchi di tamaño mediano. 3. Kaska e mango. Saka e pipita i tira esaki afó. Kòrta e mango den blòki chikí. vMeskla tur e blòkinan di mango den e pan. 4. Den un otro kòmchi grandi: bati e webunan un poko. Agregá e suku, vaniya, lechi i kardemom. 5. Basha e meskla na punto 6 riba e meskla di pan i mango (wak # 4).6. Repartí klòmpi chikí di margarina riba e meskla i hinka esaki den fòrnu pa ±50 minüt.7. Sirbi ku eiskrim i mango di slais i ahhhhh……..

Kardemom:• ta bini di India, Indonesia, Jamaica, Guatamala, Brazil, Maleisia, Iran, Madagaskar i Sri Lanka.• ta di e mesun famia ku gember.• tin un holó dushi i skèrpi i ta smak un tiki manera bergamot i sitrun.• ta keda usá den buskuchi di spekülas, kuki, bolo, ‘toetje’ i kùri.• ta yuda aliviá dolónan di stoma i ta stimulá apetit i ta bon pa respirashon.

BOLO DI PAN DI MANGO I KARDEMOM

19

CHILÈKS* KU ACU

Den kushina ku ACUDen kushina ku ACU

6 snechi di pan bruin2 mango hechu50gr ‘ruwe rietsuiker’3 webu

500ml di lechi líkido1½ telep di esensia di vaniya1½ telep di kardemom mulá30gr di margarina

Sosio Milangela Mujica

YANÜARI

01 Aña nobo 05 Dia di Fuik 11 Apertura Karnaval 2014 25 ACU; Djasabra Habri (9:00-1:00) 25 Festival Hubenil di Tumba31 Elekshon Rei & Reina Teener

FEBRÜARI 01 Elekshon Reina, Prins i Pancho Hende Grandi02 Elekshon Reina, Prins i Pancho Hende Hubenil3-7 Festival di Tumba 09 Parada di Baiskel 10 Marcha riba kabai 14 Dia di San Valentino 22 ACU; Djasabra Habri (9:00-1:00) 23 Marcha Hubenil 27 Marcha di Flambeu 28 Marcha di Teener

MART

01 Marcha Bandabou 01 Kaya 9 02 Marcha Grandi 03 Marcha di Despedida Hubenil04 Marcha di Despedida Grandi29 ACU; Djasabra Habri (9:00-1:00)

Kalendario di evento

* Chilèks = Chill + Relax

1 2

8

11

18

21

23 24

30

34 35 36 37

43424140

44 45

5049

46

38 39

47

51

48

31 32 33

25 26 27 28 29

22

19 20

12 13 14 15 16 17

9 10

3 4 5 6 7

HORIZONTAL1. Delisia di fin di aña. 5. Delisia di fin di aña. 8. Despues na hulandes 9. Nota musikal 11. Sorto di indjan .... 14. Un sorto so 18. Aparato pa fria kos 19. Ei den ta kria piská 21. Alcoholics Anonymous 22. E promé tres lèter-nan di odaline 22. Bibida pa keinta stoma. 25. Ta bistié na pia 29. E promé dos lèternan di Oswin 30. Nòmber di kariño pa Victor 32. Zonido di buriku 33. .... di karson 34. Ta us’é hopi den Misa 36. Algu di hopi balor 39. Ta piska kuné 38. Sekreto 43. E promé tres lèternan di Ikadia 44. Luitenant (abr.) 45. Pais 46. Hopi preshon 49. Malu (hul) 50. Duna kuminda smak. 51. Metal presioso

VERTIKAL1. Nos a drenta temporada di ....... 2. Fruta 3. Tabata bistié ántes bou di shimis 4. E awa no ta hundu pero ... 5. Sorto di piská 6. No mikro 7. Sifra 10. E promé dos lèternan di akshon 12. onder andere (abr) 13. ws. 15. Sero na hulandes 17. Skuchamentu 19. E ko-operativa di mas grandi 20. Un lugá bunita i ku aire fresku 26. Ekspreshon di doló 27. Nòmber di kariño pa tata 28. Famia 31. International Labour Organization 33. Ta tou outo 34. Ta hunga futbòl kuné 35. E promé dos lèternan di Antia 36. Tienda den bario 37. Bo tin ku traha un .......promé 38. Ta bon 39. E virtut di mas grandi. 41. Rabia 42. No hasi di .........

Krusigrama Krioyo

20

CHILÈKS KU ACU

Yena, skèn i manda bo kontesta promé ku 31 di mart, 2014 na: e-mail: kontakto@acu.an - faks: 465-8912

Den yüli 2014: Biahe edukativo kultural - ko-operativista pa PERU!

Pa mas informashon: 434-7268 / 7269

Sosio Rutzen Lucas

Sosio, kuminsá plania!

21

22

Sosiolisá

Credit Union Day 2013

Sosiolisá

23

Fotorama

1a. + 1b. = Centro Dominguito (i FM Ramiro Griffith) di bishita na ACU2. = Frank Vicario homenegiando otro presidentenan di Credit Unionnan3. = Donashon ACU Boneiru na BYOF4. = Donashon ACU Boneiru na Junior Rangers 5. = Donashon ACU Kòrsou na Fundashon Alton Paas6. = ACU na Studie en Beroepenmarkt 20137. = Koleganan Yurrinay i Coraline promoviendo ACU den Karnaval 20138. = Kolega Niarszha splikando e regalo na Rei Alexander i Reina Máxima

1a.

1b.

2.

3.

4.

5.

7.

8.

6.