Acordo Atlántico

Organizacións empresariais e sociais relacionadas con Software

Libre/Código Aberto de ambos lados do Atlántico formalizan a súa

colaboración a través do

Acordo Atlántico

29 de Xuño de 2011

As seguintes asociacións empresariais e sociais do ámbito do Software Libre/Código

Aberto:

• AGASOL: Asociación Galega de Empresas de Software Libre – Galicia, España.

• ASL: Associação SoftwareLivre.Org – Brasil.

• ASOLiF: Federación Nacional de Empresas de Software Libre - España.

• CAdESoL: Cámara Argentina de Empresas de Software Libre – Arxentina.

• ESOP: Associação de Empresas de Software Open Source Portuguesas – Portugal.

• SoLAr: Asociación Civil Software Libre Argentina – Arxentina.

estiveron ao longo dos últimos meses traballando conxuntamente co fin de establecer

acordos e canles de comunicación como paso previo á realización dun Plan de Acción

conxunto a executar a ambos lados do Atlántico ao longo dos vindeiros anos. Estas

actividades estarán orientadas á xeración e explotación de oportunidades de negocio, así

como melloras de carácter social, difusión, apoio e asesoramento en cuestións que incumben

a cada unha das entidades implicadas.

O Software Libre/Código Aberto propón a xeración e transferencia de coñecemento de

igual a igual. As organizacións asinantes do Acordo Atlántico, que hoxe se fai público,

pretenden trasladar este principio ao ámbito empresarial e social máis aló das súas

respectivas contornas nas que operan. Propóñense tamén aproveitar a experiencia

1

Acordo Atlántico

acumulada no desenvolvemento e explotación de tecnoloxías libres, así como na xeración de

riqueza a través de modelos de negocio baseados en Software Libre/Código Aberto, para a

realización de proxectos e accións conxuntas con impacto global.

O Acordo Atlántico constitúe, polo tanto, a primeira pedra que poñen estas

organizacións para consolidar procesos de internacionalización durante os vindeiros anos.

Representa á súa vez unha proba de madurez e visión global das organizacións asinantes do

acordo, que reforza a auxe que o Software Libre/Código Aberto está experimentando en todo

o mundo e, en concreto, nos países hispanos e lusófonos.

Entidades asinantes do Acordo Atlántico:

AGASOL ASL ASOLiF

Presidente: Jorge Vázquez González Presidente: Ricardo Fritsch Presidente: Pablo Gómez García

Web: http://www.agasol.org Web: http://www.softwarelivre.org/ Web: http://www.asolif.es

CAdESoL ESOP SoLAr

Presidente: Daniel E. Coletti Presidente: Gustavo A. Vouga de Carvalho Homem

Presidente: Horacio Arroyo

Web: http://www.cadesol.org.ar Web: http://www.esop.pt Web: http://www.solar.org.ar

2