Armañon
description
Transcript of Armañon
Armañon aldea Bizkaiko Lurralde Historikoaren ipar-mendebaldeko muturrean dago.
Esparruak 3.519 hektareako azalera du. Karrantza Haranaren eta Turtzioz
herrien artean kokatuta dago, Enkarterri eskualdean.
Armañonen gailurre garaiena Armañon gaina da, 856 metroko altuerarekin.
Klima: Klima Atlantikoa du. Tenperatura orokorra 11-13º-koa da. Haranak ur asko du eta tenperatuak leunak eta eztiak dira. Esan behar da ezaugarri nagusia hodei asko egotea eta sarri euria egitea dela.
Erliebearen arloan hiru unitate bereizten dira:
Malda eta muinoetan, aldapa moderatuak dituztenak (%10-30) lur sakonak daude, gehienetan emankorrak.
Aldapa handiagoko maldetako lurren ezaugarri nagusiak substratu argi eta garbi azidoak dira. Horrek esan nahi du geruzen lodiera txikia dela eta tartean haitz asko azaleratzen dela.
Esparru karstikoetako lurrak kaliza karstifikatuen disoluzioaren emaitza dira eta adierazi behar da prozesu hau benetan dela geldoa eta motela.
Aldea estaltzen duen landaretzaren barruko elementuak, gehienbat, eurosiberiarrak eta zirkunborealeak dira. Bertan ustez ager daitekeen landaretzaren ezaugarriak hauek dira:
Pagadiak, gune altuetan. Hariztiak, beheko aldeetan eta sakoneko
lurretan. Sastrakak pagadien altueraren linean, baina
hondarra duten lurretan edo eguzki asko jasotzen dutenetan.
Artadiak barrunbe jakin batzuetan, azaleratzen diren kalizen gainekoetan, alegia.
Armañon inguruko faunaren jatorria argi eta garbi Europaerdikoa eta atlantiarra da, nahiz eta mediterranioagokoak diren espezieak ere egon.
Ezaugarri moduan ondoko animalia hauen presentzia aipa daiteke:
Erbinude zuria, Schreiber muskerra, sator arrunta, elur-lursagua, aztore arrunta, belatz handia, sai zuria, hontz handia edo lepahori arrunta.