Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak...

27
1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua 2 II. Kapitulua Bazkideak, altak, bajak, eskubide eta betebeharrak, hutsegite eta zehapenak 3 III. Kapitulua Erregimen automatikoa 8 IV. Kapitulua Kooperatibaren gobernu, kudeaketa eta ordezkaritza 15 Organo Sozialak 15 Batzarre Nagusia 6 Zuzendaritza Kontseilua 18 Kontu-hartzaileak. 22 V. Kapitulua Zuzendaritza 23 VI. Kapitulua Desegitea 23

Transcript of Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak...

Page 1: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

1 Paz de Ziganda Ikastolako Estatutuak

Aurkibidea:

I. Kapitulua

Izena, xedea, iraunaldia, helbidea eta lurralde esparrua 2

II. Kapitulua

Bazkideak, altak, bajak, eskubide eta betebeharrak, hutsegite eta zehapenak 3

III. Kapitulua

Erregimen automatikoa 8

IV. Kapitulua

Kooperatibaren gobernu, kudeaketa eta ordezkaritza 15

Organo Sozialak 15

Batzarre Nagusia 6

Zuzendaritza Kontseilua 18

Kontu-hartzaileak. 22

V. Kapitulua

Zuzendaritza 23

VI. Kapitulua

Desegitea 23

Page 2: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

2 Paz de Ziganda Ikastolako Estatutuak

I. Kapitulua

Izena, xedea, iraunaldia, helbidea eta lurralde esparrua

1. artikulua.- IZENA

"PEDRO AXULAR" S. KOOP. izenarekin eratzen da irakaskuntzarako sozietate

kooperatibo bat. Kooperatiba hau estatutu hauen mende, Nafarroako kooperatibei

buruzko abenduaren 11ko 14/2006 Foru Legearen oinarrien eta xedapenen mende eta

baita aplikagarri zaizkion gainerako legezko aginduen mende ere egonen da.

2. artikulua.- XEDEA

Elkarte honen xedea haur eta gazteen kultura eta hezkuntza sustatzea da entitate eta

erakunde publikoekin zein pribatuekin eskuz esku arituz, kulturaren onura jasotzeko

berdintasunaren printzipioa aplika dadin. Hauek dira bere helburuak:

a) Heziketaren maila hauetara iristea: Haur Hezkuntza Lehen Hezkuntza, Bigarren

Hezkuntza, Batxilergoak eta bere garaian ofizialki nahiz pribatuki ezar daitezkeenak,

gradu eta ziklo guztiekin, ikaslearen gaitasunak eta aukerak kontuan hartuta eta euskara

izanik ikasi eta komunikatzeko bitartekoa.

b) Euskara eta euskal kultura transmititu eta garatzea, beste kultura, herrialde eta herriei

irekitako Euskal Herriko komunitate batean ikasleei erabateko prestakuntza emanez, eta

euskara nahiz euskal kultura gizartera zabaltzea.

c) Ikasleei askatasuna, elkartasuna, begiramena eta izpiritu kritikoa txertatzea gizarte

zuzen, aske, zintzo eta maitatua, gainerako komunitate, herri eta herrialdeen laguna

eraikitzeko gauza izan daitezen.

d) Pedagogia eragilea aplikatzea, ikasleen gaitasunak bultzatu eta haien lanbiderako

orientazioa emanen duen irakaskuntza eta ikaskuntza sustatuz.

e) Irakasleen prestakuntza iraunkorra sustatzea, haien metodo didaktikoak eta

irakaskuntza berritu eta eguneratu daitezen.

f) Hezkuntza Komunitateko sail guztien partaidetza eta lankidetza, printzipio

demokratikoetan eta Euskal Herrian finkaturiko ideia, balore eta jokabide sozial,politiko,

filosofiko eta erlijioso guztien begirunean oinarritua. g) Kooperatibako kideen kultura

sustatzeko jarduerak antolatzea; batez ere, euskaraz ikasi eta hitz egitea eta euskal

kultura zabaldu eta lantzea.

Page 3: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

3 Paz de Ziganda Ikastolako Estatutuak

h) Halaber, Kooperatibaren menpeko ikastetxeetako ikasle izandakoentzat eta beran

gurasoentzat jarduerak antolatzea harremanak gal ez daitezen.

i) Urtez urte, ikastetxeetako instalazio eta baliabide materialak teknika eta sistema

pedagogiko berriez hornitzea.

j) Aipatu gabeko beste edozein helburu, Zuzendaritza Kontseiluaren ustez

Kooperatibaren zeregina badira.

3. artikulua.- IRAUNALDIA

Denbora mugarik gabe eratu da Elkartea.

4. artikuluan.- ELKARTEAREN HELBIDEA

Irakaskuntzarako duen egoitzarena da elkartearen helbidea: gaur egun, Atarrabiako

(Nafarroa) Ermitaldea kaleko 1a.

Elkartearen helbidea aldatzekotan, bazkideen Batzar Orokorrak hartu beharko du

erabakia.

5. artikulua.- LURRALDE ESPARRUA

Nafarroa da bere jarduketa esparrua.

II. Kapitulua

Bazkideak, altak,bajak, eskubideak eta betebeharrak, hutsegiteak eta zehapenak

6. artikulua.- BAZKIDEAK

Kooperatiba honen bazkide dira:

Kooperatibaren menpeko ikastetxeetan matrikula egina duten ikasleen gurasoak nahiz

haien ordezkariak edo tutoreak. Horretarako, Kode Zibilean xedatutakoa hartuko da

kontuan.

7. artikulua.- ONARTUA IZATEKO BALDINTZAK

Inor bazkide gisa onartzeko, baldintza hauek bete beharko ditu:

a) 18 urtetik goitikoa izatea.

Page 4: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

4 Paz de Ziganda Ikastolako Estatutuak

b) Kapital sozialerako ekarpenei buruzko konpromisoak, Kooperatibako partaidetza

moduluei buruzko erabakiak eta etor daitezkeen gainerako erabaki eta erantzun behar

osagarriak onartzea.

c) Zuzendaritza Kontseiluari onartu dezan eskatzea.

8. artikulua.- LANEKO BAZKIDEAK

Kooperatibak, Zuzendaritza Kontseiluaren bidez, laneko bazkideak onartu ahalko ditu,

aurreko artikuluetan ezarri baldintza eta sistemei jarraituz.

Laneko bazkideei Nafarroako kooperatibei buruzko abenduaren 11ko 14/2006 Foru

Legean Elkarlaneko Kooperatibetako langile bazkideentzat ezarritako arauak aplikatuko

zaizkie.

9. artikulua.- GIZARTE SEGURANTZAKO ERREGIMENAREN AUKERA

Kooperatibak aukeratu du, bere lan bazkideen Gizarte Segurantzari dagokionez,

besteren kontura ari diren langileen Erregimen Orokorra.

Barne antolakuntza, gizarte segurantzaren erregimena eta langile bazkideen

diziplinarako oinarrizko araubidea

l) Zuzendaritza Kontseiluaren ahalmenak dira laneko antolakuntza eta diziplina, eta

Zuzendaritzarena haiek proposatzea. Alabaina, arlo sozialeko Jurisdikzioari dagozkio

Kooperatiba Elkartearen eta langile bazkidearen artean sortzen diren auzi guztiak, baita

horiekin zuzenean zerikusia izanik arlo horren mende daudenak ere.

2) Langile bazkide guztiak beren gaitasunak, ezagupen praktikoak, titulazioak,

errendimendua eta zer lanpostu betetzen duten ikusita sailkatuko dira lanbide aldetik.

Irakaskuntzari dagokion lan-sektoreko araudiaren maila eta kategorien arabera eginen

da lanbidearen sailkapena.

3) Langile bazkideen laneko erregimenari dagozkion kontuak (lan antolakuntza,

lanaldiak, ordainsariak, asteko atsedenaldia, jaiegunak, oporrak eta baimenak,

eszedentziak edo laneko kontratua eten edo amaitzea, eginkizunez edo lantokiz

aldatzea, ordutegiak eta, oro har, langile bazkidearen eskubide eta betebeharretan

eragina duen beste edozer) Lan Hitzarmen Kolektiboan arautuko dira eta, hori gabe,

Batzar Orokorraren esku egonen dira.

Page 5: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

5 Paz de Ziganda Ikastolako Estatutuak

4) Kargu sozial baten eginbeharrak eta lanpostuari dagozkionak nahitaez aldi berean

bete behar izanez gero, lehendabizi aipatutakoek izanen dute lehentasuna.

5) Kooperatibak besteren kontuko langileen erregimen orokorra aukeratu du bere langile

bazkideen gizarte segurantzarako.

6) Batzar Orokorrak onetsirik, Diziplinako Barne Araubidearen Erregelamenduan

ezarriko dira langile bazkideen laneko betebeharrekin zerikusia duten diziplinako arauak,

eta Zuzendaritza Kontseiluak aplikatuko ditu. Hartan, arau-hauste arinak, larriak eta oso

larriak zehaztuko dira, haien garrantzia, eragina, ondorioak, araudi laborala, soziala eta

diziplina zenbateraino urratu diren eta zerbitzuen errendimendua zenbatean galdu den

aztertuta; hutsegitearen araberako zigorra ezarriko da, errua, asmo txarra, behin baino

gehiagotan hutsegin ote den eta beste inguruabar aringarriak edo astungarriak dauden

ikusita; zehapenak, berriz, kargu-hartzeak, aldi baterako lan, soldata eta eskubide

sozialik gabe uztea eta iraizpena izan daitezke. Diziplinako barne araubideak ez ditu

inoiz langileen laneko xedapenetan ezarritako eskubideak murriztuko.

10. artikulua.- BAZKIDEAK ONARTZEKO ERABAKIA

Zuzendaritza Kontseiluari dagokio bazkideak onartzeko erabakia hartzea. Funtsezko

arrazoiak daudenean soilik ukatu ahalko ditu:

a) Onartzeko ezarritako baldintzak eta helburuak betetzen ez direnean.

b) Legean eta Estatutu hauetan oinarritutako beste edozein arrazoi dagoenean.

11. artikulua.- ONARPENA JAKINARAZTEA

Eskatzailea onartzearen aldeko erabakia, nahiz kontrakoa, eskatzaileari berari

jakinaraziko zaio bi hilabeteko epearen barrean, eskaera egiten duenetik aitzina,eta, une

berean, elkartearen egoitzako iragarki oholean jarriko da jendaurrean. Epe hori

erantzunik gabe iraganez gero, eskaera onartutzat joko da.

12. artikulua.- BAZKIDEEK ONDAREAZ DUTEN ERANTZUKIZUNA Elkartearen

zorren gainean bazkideek duten erantzukizuna amankomun soila da, eta norberak

kapitalera egin behar dituen nahitaezko ekarpenetara zein borondatezkoetara mugatuko

da, baita norberak espresuki eta zehazki bere gain hartuak dituen konpromisoetara ere.

13. artikulua.- BAZKIDEEN BETEBEHARRAK

Page 6: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

6 Paz de Ziganda Ikastolako Estatutuak

Bazkidea ondoko honetara dago beharturik:

a) Batzar Orokorren eta gainerako organoen bileretara joatera, haietara deitua izanez

gero.

b) Gobernu organoek balio osoz hartutako erabakiak betetzera.

c) Kooperatibaren xede diren jardueretan, edo berari dagozkionetan, parte hartzera.

d) Kooperatibari leial izatera gobernu organoei dagokienez, hirugarrenen aurrean

jarduera, proiektu eta planen sekretu profesionala gordetzera eta lehia oro nahiz bazkide

izateak espekulazio, iruzur edo legearen aurkako jardueretan eman diezaiokeen

abantaila baztertzera.

e) Hautatua izanez gero, kargua onartzera, uko egiteko arrazoi sendorik dagoenean

salbu.

f) Barne Araubidearen Erregelamendua eta lege nahiz estatutu bidezko aginduen

ondorioetako gainerako eginbeharrak betetzera, baita Kooperatibaren organoek balio

osoz hartutako erabakiak ere.

g) Kapital sozialera egin behar dituen ekarpenak ordaintzera, esaten zaion epean eta

moduan.

14. artikulua.- BAZKIDEEN ESKUBIDEAK

Bazkideak eskubide hauek ditu:

a) Zerbitzuak eskuratu eta Kooperatibaren jardueretan parte hartzea, ezarritako moduan

eta baldintzetan.

b) Kooperatibaren gobernu organoetako karguak hautatzen parte hartu eta hautatua

izatea.

c) Hizpidea eta botoa dituela, Batzar Orokorraren erabakietan parte hartzea, baita,

organo bateko kide izanik, haren erabakietan ere.

d) Informazioa eskatzea, ondoko artikuluan ezarritakoari jarraituz.

e) Legezko arauen eta Estatutu hauen ondoriozkoak, baita Kooperatibaren organoek

balio osoz hartutako erabakien ondoriozkoak ere.

15. artikulua. INFORMATZEKO ESKUBIDEA

a) Bazkide orok idazki bidez eskatu ahalko dio Zuzendaritza Kontseiluari jotzen dituen

argibide eta txostenak Kooperatibaren funtzionamenduaren eta emaitzen gaineko

Page 7: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

7 Paz de Ziganda Ikastolako Estatutuak

edozein alderdiri buruz. Egiten den lehenbiziko Bazar Orokorren eman beharko zaio

erantzuna, idazkia aurkeztu eta hamabost egun igarota.

b) Bazkideek ahoz eskatzerik dute BATZAR OROKORREAN ekitaldiko kontuei nahiz

edozein proposamen ekonomikori buruzkoa azalpenak eta argibideak, haien gaineko

Batzarra bada, eta, horretarako, kontuak agertzera dituzten agiriak beharko dira

Kooperatibaren egoitzan, deialdiaren azter horretan, idazki bidez ere aurkeztu ahalko

dituzte azalpenak, Batzarrean erantzuna eman diezaieten. Epe berean, bazkideek

eskubidea dute kontu-hartzaileen egoitzan aztertzeko.

c) Aurreko lehen atalean ezarritako eskubidea galarazi gabe, talde batek Kooperatibaren

bazkide guztien ehuneko hamarra osatuz gero, edozein unetan eskatu ahalko du

informazio elkartearen gorabehera ekonomikoei eta jarduerei buruz eta, oro har,

Kooperatibaren nondik norakoaren gainean. Zuzendaritza Kontseiluak idatzita eman

beharko du eskatutako informazioa hogeita hamar egun naturaleko epea bete baino

lehen.

d) Dena den, urtean zehar bi alditan, Zuzendaritza Kontseiluak Kooperatibaren nondik-

norakoari buruzko txostena aurkeztuko die bazkideei.

e) Zuzendaritza Kontseiluak bere erabakien kopia ziurtatua emanen dio bazkideari, hala

eskatuz gero, baldin eta eskaera egin duen bazkideari buruzkoak badira.

f) Zuzendaritza Kontseiluak eta Batzarrak uko egin ahalko diote eskatu informazioa

emateari, eskainiz gero, Kooperatibaren interes legitimoak arriskuan Jartzen badira. Uko

horren aurka jo ahalko da Nafarroako kooperatibei buruzko abenduaren 11ko 14/2006

Foru Legearen 36. artikuluari jarraituz.

16. artikulua.- BAZKIDEEN BAJAK

Bazkideak baja hartuko du Kooperatiban:

a) Bere borondatez eskaturik; baina gutxienez 3 hilabete lehenagotik eman beharko zaio

asmo horren berri Zuzendaritza Kontseiluari idazki baten bidez. Kontseiluak,

inguruabarrak azterturik, baja justifikatutzat edo justifikatu gabetzat hartuko du.

b) Nahitaezko baja. Nahitaez utziko dio bazkide izateari Estatutuetan edo Nafarroako

kooperatibei buruzko abenduaren 11ko 14/2006 Foru Legean Kooperatibaren bazkide

izateko eskatzen diren baldintzak galtzen dituenak. Interesatuari entzutea eman

ondoren, Zuzendaritza Kontseiluak erabakiko du nahitaezko baja ematea, bai ofizioz bai

edozein bazkidek eskatuta.

Page 8: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

8 Paz de Ziganda Ikastolako Estatutuak

c) Kooperatibatik egotzita.

Kooperatibaren bazkide izateari utzi dionak, handik aitzina, 5 urtez gehienez izanen du

erantzukizuna bazkide zenean Kooperatibak hartutako obligazioetan.

Obligazio horiek kalkulatzeko, entitateak kapitalizatu beharreko zenbatekoa hartuko da

kontuan. Baja hartu ondoko balantzean agertuko da, Batzar Orokorrak onetsirik.

Kapitalizatu beharreko zenbatekoa kalkulatzeko, Elkartearen ibilgetuen eta baliabide

propioen arteko aldea zehaztuko da.

Beti ere, baja hartu aurretik Kooperatibak sortutako galeren kargu eginen da bazkidea,

kuotatik dagokion partearena alegia, eta Kooperatiba utzi ondoko Batzar Orokorrean

onesten den balantzearen gainean eginen da kalkulua. Alabaina, bazkidea hilez gero,

bere ondorengo eskubidedunek, bazkide izan nahi ez badute, onartua duten kapital

soziala izanen dute lehen aipatu obligazioengatik hildakoari dagokiokeen

erantzukizunaren muga.

17. artikulua.- BAZKIDEEN HUTSEGITEAK

Bazkideek egindako hutsegiteak, garrantzi, ondorio eta maltzurtasunaren arabera, oso

larriak, larriak eta arinak izan daitezke.

HUTSEGITE OSO LARRIAK DIRA:

a) Kooperatibaren interes materialei edo gizartean duen izenari kalte egiten dioten

konkurrentziak, kapital ekarpenetan egindako iruzurra eta datu garrantzizkoak

ezkutatzea, baita entitatearen zuzendariak zein ordezkariak lotsa gabe tratatzea ere.

b) Kooperatibak bazkideekin edo bestelakoekin harremanak izateko garrantzizkoak

dituen agiriak, sinadurak, zigiluak, seinaleak edo antzeko datuak faltsutzea.

c) Entitatearen interesei kalte larria egitea, haren sekretuak agerraraziz.

d) Zuzendaritza Kontseiluaren, bere edozein kideren nahiz kontu-hartzaileen

eginkizunetan esku-hartzea.

e) Langile izateak damaizkion abantailaz baliatzea espekulatzeko edo legeen aurka

jokatzeko.

f) Estatutu hauetan adierazitako eginbeharrak modu larrian edo behin eta berriro

haustea.

g) Kooperatibako beste bazkide batzuei nahiz bertako langileei hitzez edo egintzaz tratu,

txarra ematea, haren xedeak betetzeko organo sozialak biltzen direnean edo lana

jarduerak edo zereginak egiten direnean.

Page 9: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

9 Paz de Ziganda Ikastolako Estatutuak

h) Urte betean, hutsegite larriak errepikatzea.

HUTSEGITE LARRIAK DIRA:

a) Batzar Orokorraren bilkuretara arrazoizko frogak izan gabe ez agertzea, haietara

behar den moduan deitua izanda

b) Kooperatibako idazkariari helbide aldaketaren berririk ez ematea, hura aldatu eta bi

hilabeteren barrenean.

C) Hilabetean hutsegite arinak errepikatzea.

HUTSEGITE ARINAK DIRA:

Hutsegite larrien zein oso larrien ataletan bildu gabe izanik, Estatutu hauen aurka

lehenbiziko aldiz egiten diren arau-hauste guztiak.

18. artikulua.- ZEHAPENAK

HUTSEGITE ARINEI:

Zuzendaritza Kontseiluaren ahozko zein idatzizko kargu-hartzea edo 6,00 €ko isuna.

HUTSEGITE LARRIEI:

6,01etik 30,00 € bitarteko isuna, hezkuntza eta sustapen sozialeko fondoaren kargura

Kooperatibak bazkideentzat ezarrita dituen laguntza zerbitzuak gehienez urte betean

kentzea, edo Kontseiluko kide edo kontu-hartzaile hautatua izateko gaitasuna galtzea,

gehienez ere bi hauteskundetan segidan.

HUTSEGITE OSO LARRIEI:

30,01etik 60,00 €, bitarteko isuna, gehienez hiru urtetan eskubide sozial batzuk edo

denak gabe uztea. Kooperatibatik kanporatzea.

19. artikulua.- ZEHATZEKO PROZEDURA

PROZEDURA

Elkartearen aurkako hutsegiteengatik bazkideak zigortzeko, espedientea irekiko zaie

ondoko arauei jarraituz:

a) HUTSEGITE ARINETAN ETA LARRIETAN, Zuzendaritza Kontseiluak bertako kide

bat izendatuko du karguen plegua formalizatzeko. Errua leporatzen zaion bazkideari

idatzita adieraziko dio hutsegitearen behin-behineko kalifikazioa, dagokion zehapen

proposamenarekin batera, eta bazkideak deskarguen plegua egin ahalko du eta

Zuzendaritza Kontseiluari aurkeztu, hamar egun naturaleko epean. Azkenik,

Page 10: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

10 Paz de Ziganda Ikastolako Estatutuak

Zuzendaritza Kontseiluak, horren guztiaren berri izanik, behin betiko kalifikazioa eta

zehapena ezarriko ditu.

b) HUTSEGITE OSO LARRIETAN, Zuzendaritza Kontseiluak bertako kide bat

izendatuko du karguen plegua formalizatzeko. Errua leporatzen zaion bazkideari idatzita

adieraziko dio hutsegitearen behin-behineko kalifikazioa, dagokion zehapen

proposamenarekin batera, eta bazkideak deskarguen plegua egin ahalko du eta

Zuzendaritza Kontseiluari aurkeztu, hamar egun naturaleko epean. Azkenik,

Zuzendaritza Kontseiluak, horren guztiaren berri izanik, proposatutako kalifikazio edo

zehapena berretsi edo aldatuko du. Epai horren aurka, errua leporatzen zaion bazkideak

errekurtsoa aurkeztu ahalko du. Batzar Orokorrari zuzenduta. Egozpen kasu guztietan

ondoko artikuluan ezarritakoari jarraituko zaio, ondorio guztietarako.

EPEAK

Segurantza juridikoa dela eta, hauek dira diziplina espedienteen fase bakoitzaren epeak,

egozpenarenak salbu, horiek hurrengo artikuluan aratua baitira:

a) ESPEDIENTEA IREKITZEKO EPEA:

b) Hauek dira espedientea irekitzeko epeak hutsegite sozialengatik:

1.- 30 egun natural, hutsegite arinetan.

2.- 45 egun natural, hutsegite larritzat hartzen diren kasuetan.

3.- 60 egun natural, hutsegite oso larritzat hartzen diren kasuetan.

Epe horiek salaketa eguna edo egintza noiz izan den jakinda kontatuko dira eta, behin

igaroz gero hutsegiteek preskribatuko dute edo ezin izanen dira zehatu.

b) ERREKURTSOA JARTZEKO EPEA

Aipatu errekurtsoa Batzar Orokorrean aurkezteko epea hogeita hamar egun naturalekoa

da, zehapena jakinarazten denetik aitzina.

c) ERREKURTSOA EBAZTEKO EPEA

Errekurtsoa jarri eta gero, Batzar Orokorrak egiten duen lehen bilkuran ebatziko du. Epe

horretan ez bada erantzunik ematen, espedientea behin betikoz artxibatutzat eman dela

ulertuko da.

ZEHAPENAREN INDAR BETEARAZLEA

Elkarlaneko kooperatibetan, eta gainerakoetan ere, Zuzendaritza Kontseiluak bazkideak

botatzeko hartzen dituen erabakiak berehala betearaziko dira.

ZEHAPENAK DEUSEZTATZEA

Page 11: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

11 Paz de Ziganda Ikastolako Estatutuak

Egozpenaren kasua Salbu, Zuzendaritza Kontseiluak, interesatuek eskaturik, bete

gabeko zehapenen zati bat edo iraganeko zehapenen ohartarazpenak deuseztatu

ahalko dizkie, zintzotu direla iritziz gero.

20. artikuluan.- EGOZPENA

a) Zuzendaritza Kontseiluak soilik erabaki ahalko du bazkideak egoztea Estatutu

hauetan bildutako hutsegite oso larriengatik Horretarako, espedientea instruituko du, eta

interesatuari entzutea emanen.

Egozteko erabakia gehienez bi hilabeteko epean hartu beharko da, espedientea

irekitzeko agintzen denetik aitzina. Epe hori erabakirik hartu gabe iraganez gero,

espedientea behin betikoz artxibatutzat eman dela ulertuko da.

b) Egozteko erabakiaren aurka, bazkideak, jakinarazpenetik aitzina hamar egun

naturaleko epean, errekurtsoa jarri ahalko du Batzar Orokorrari zuzenduta.

Batzarrak ebazpena eman arte edo epea errekurtsorik gabe iragan arte ez da erabakia

betearaziko, eta ezin Izanen da bazkidea eskubiderik gabe utzi, auzi hori dela eta.

c) Batzar Orokorrak egiten duen lehen bilkura arruntean nahiz berezian, nahitaez hartu

beharko du errekurtsoari buruzko erabakia, baita horretarako soilik bildu ere, eta

eguneko gai zerrendan lehenbizikoa izanen da. Isilpeko bozketan emanen du ebazpena

Batzarrak.

d) Berehala betearaziko den Batzar Orokorraren erabakiaren aurka jo ahalko dute

ukitutako bazkideek. Indarra duen legerian daude ezarrita epea, auzibidea eta

ondorioak.

III. Kapitulua

Erregimen ekonomikoa

21. artikulua.- KAPITAL SOZIALA

a) Bazkideek egindako nahitaezko ekarpenekin nahiz borondatezkoekin osatzen da

kapital soziala. Titulu izendunetan, libretatan, fitxatan edo bazkideen izen zerrendetan

egiaztatuko dira haien zenbatekoekin batera, eta ez dira inoiz balore titulutzat hartuko.

b) 3.000,00 €koa da gutxieneko kapital soziala, 6na euroko titulutan banatua.

Page 12: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

12 Paz de Ziganda Ikastolako Estatutuak

22. artikulua.- EKARPENAK

a) Bazkide bakoitzak gutxienez 60,00 €ko ekarpena eginen du nahitaez, eta sarrera

sinatzen duen unean berean ordaindu, oso-osorik.

b) Batzar Orokorrak urtero berrikusi ahalko ditu bazkide berrien nahitaezko ekarpenak.

Ez dira beste bazkideenak baino handiagoak izanen, eguneratu ondoren ere.

c) Batzar Orokorrak kapital sozialerako nahitaezko ekarpen gehiago egin daitezen

erabaki ahalko du, bileran agertu edo ordezkaria igorri duten bazkideen hirutik bik horren

aldeko botoa emanda. Igoera orokor horrekin edo Estatutuetan jasota ez diren beste

betebehar gehiago dakarren edozein erabakirekin ados ez dagoen bazkideak

Kooperatiba utzi ahalko du, horrela adierazten badio idazki bidez Zuzendaritza

Kontseiluko buruari, Batzar Orokorrak erabakia hartu eta ondoko hogeita hamar egunen

barrenean. Baja horrek ondorio guztietarako balioko du.

23. artikulua.- EKARPENEN KORRITUAK ETA EGUNERATZEA

a) Batzar Orokorraren erabakiz, kapital sozialerako ekarpenengatik ordain daitekeen

korritua ez da diruaren legezko korritua baino hiru puntu handiagoa izanen.

b) Nafarroako kooperatibei buruzko abenduaren 11ko 14/2006 Foru Legearen 46.

artikuluari jarraituz erabakiko ditu Batzar Orokorrak kapital soziala eguneratzeko igoerak.

24. artikulua.- SARRERAKO KUOTA

Batzar Orokorraren esku dago bazkideak Kooperatiban sartzeko ordaindu beharko duen

kuota zehaztea. Bazkide berrien sarrerako kuotaren zenbatekoa ere finkatuko du,

lehenagoko bazkideek ordaindutakoa edo horren antzeko irizpideak kontuan hartuta.

Dena den, kuotak mota bereko bazkide guztientzat izanen dira.

25. artikulua.- EKARPENAK ITZULTZEA

a) Bazkideak, bere borondatez kanpoko arrazoiengatik edo ezinbestean, Kooperatiba

uzten duenean, kapital sozialera egindako ekarpenak itzuliko zaizkio.

b) Heriotza baldin bada arrazoia, ez zaio ezer kenduko. Baja borondatezkoa eta

arrazoitu gabea bada Zuzendaritza Kontseiluak, inguruabarrak ikusita, % 10aren eta

%20aren arteko kenkaria aplikatzea erabaki ahalko du nahitaezko ekarpenetan.

Egozpen kasuan, % 30ekoa da nahitaezko ekarpenen gaineko kenkaria. Zuzendaritza

Kontseiluari dagokio bajaren kalifikazioa egitea, eta erabaki horren aurka errekurtsoa

jarri ahalko da, Batzar Orokorrari zuzendua, ondoko hogeita hamar egun naturalen

Page 13: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

13 Paz de Ziganda Ikastolako Estatutuak

barrenean. Beti ere, Zuzendaritza Kontseiluak justifikatutzat hartu beharko du baja, eta

ez da ezertan ukatuko Kooperatibaren galeretan duen erantzukizuna.

c) Kooperatiba uzten duen bazkidea Kooperatibak lehendik hartutako betebehar eta

erantzukizunen likidazioaren mende egonen da hurrengo balantzea egin arte, bigarren

seihilekoan alde eginez gero. Galerarik bada, haiek kenduko zaizkio, eta harpidetu eta

ordaindua duen zenbatekoari kenkaria aplikatu ondoren eginen zaio kapital sozialean

duen partaidetzaren likidazioa, kapital sozialerako nahitaezko ekarpen gisa. Likidazioa

eginik, ateratzen zaion saldoa ordainduko zaio bost urteko epean eta, epe horren

amaieran, ordaindu gabeko saldoaren legezko korritua jasoko du. Hilez gero, urte beteko

epean ordainduko da.

27. artikulua.- PARTE SOZIALAK ESKURATZEA

Parte sozialak eskuz alda daitezke:

a) Bazkideen artean, inter vivos egintzen bidez:

- Zuzendaritza .Kontseiluak baimena eman ahalko du bazkideen ahaideak, hirugarren

maila arteko odolkideak barne, bazkide gisa onartzeko, hala eskatuz gero, sarrerako

kuota eta kapital sozialerako ekarpena ordaindu gabe. Hamabost egun baino lehen

aldatu beharko dira partaidetza sozial guztiak baja hartuko duen bazkidearen eskutik

bazkide bihurtzen den ahaidearen eskura. Bestelakoan, zuzendaritza organoak

bazkideak onartzeko prozedura orokorrari jarraituko dio kapital sozialerako ekarpenen

eta sarrerako kuoten erregimenari dagokionez.

- Aurreko atalean aipatu bezala, bazkidearen eta bere ahaideen artean ekarpenak

partzialki eskuz aldatzeko, lehen mailako ahaideak izan beharko dute, odol nahiz

ezkontza bidez, eta transmisioa eginik, biak izan daitezke bazkide, kapital sozialeko

partaidetzaren gutxienekoak bi kasuetan betetzen badira.

b) Mortis kausa egintzen bidez, eskubidedunak bazkideak badira edo heriotzatik

gehienez sei hilabetetan bazkide bihurtuz gero. Eskubidedunak bazkide ez badira,

Kooperatibak baimena eman ahalko du haietako bat gainerako ondorengoen izenean

bazkide izateko, horien onarpena izanez gero.

Page 14: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

14 Paz de Ziganda Ikastolako Estatutuak

28. artikulua.- NAHITAEZKO FONDOAK

Kooperatiba behartua dago Erreserba Fondoak nahiz Hezkuntza eta Sustapen Fondoa

izatera, ondoren esaten den moduan eta diru ehuneko hauekin:

1.- NAHITAEZKO ERRESERBA FONDOA, bazkideen artean banatuko ez dena, honela

osatua:

a) Ekitaldi bakoitzeko soberakin garbien % 30, kapital sozialaren % 50 edo gehiago

izatera

iritsi arte. Kopuru horretara iritsita, soberakinen % 5 bederen Hezkuntza Fondorako

izanen da eta, gainerakoa, Nahitaezko Erreserba Fondorako.

Nahitaezko Erreserba Fondoa kapital sozialaren % 200 edo gehiago izatera iristean

soberakin garbien % 20az hornituko da eta % 5 Hezkuntza eta Sustapen Fondorako

izanen da.

Nahitaezko Erreserba Fondoa kapital sozialaren % 300 edo gehiago izatera iristean,

nahikoa izanen da soberakin garbien % 10a hura hornitzeko, eta Hezkuntza eta

Sustapen Fondoak % 10 jasoko du.

b) Kooperatibaz kanpoko mozkinen % 50, eta gainerako % 50a, borondatezko

erreserbetarako.

Nahitaezko Erreserba Fondoa kapital sozialaren % 300 edo gehiago izatera iritsiz gero,

kooperatibaz kanpoko mozkinen % 25a fondo horretarako izanen da, eta gainerako

%75a borondatezko erreserbetarako.

c) Nahitaezko ekarpenen kenkariak, bazkideek Kooperatiba uzten dutenean.

d) Bazkideei ezarritako zehapen ekonomikoak.

e) Bazkideen sarrerako kuotak.

Hala ere, Zuzendaritza Kontseiluak proposaturik, Batzar Orokorrak c), d) eta e) letretako

kopuruak Nahitaezko Erreserba Fondoan sartu beharrean Borondatezko Erreserba

Fondoan sartzea erabaki ahalko du.

2.- BORONDATEZKO ERRESERBA FONDOA

Lehen aipatu fondoak horniturik, soberakinek Borondatezko Erreserba Fondoa osatuko

dute, eta ezin izanen dira banatu. Batzar Orokorrak erabakiko du fondo hori oinarrizko

zer lerrotan aplikatu, eta Estatutu hauen 2. artikuluko i) atalean zehaztutako zereginetan

erabiliko da. Hori guztia, Nafarroako kooperatibei buruzko abenduaren 11ko 14/2006

Foru Legearen 50. artikuluan zehaztutako baldintza eta ehunekoetan.

Page 15: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

15 Paz de Ziganda Ikastolako Estatutuak

3.- HEZKUNTZA ETA SUSTAPEN FONDOA, banatu eta bahitu ezina, honela osatua:

a) Estatutuek edo Batzar Orokorrak ekitaldi bakoitzeko soberakin garbietatik erabakitzen

duten ehuneko, inoiz ere ez % 5 baino gutxiago Nahitaezko Erreserba Fondoa kapital

sozialaren % 50 edo gehiago izatera iristen denean.

b) Helburua horietarako jasotako diru-laguntzak, dohaintzak eta laguntzak.

Batzar Orokorrak erabakiko du oinarrizko zer lerrotan aplikatuko den Hezkuntza eta

Sustapen Fondoa. Helburu hauetako bat duten jardueretan erabiliko da:

1) Laguntza teknikoa sustatzea, kooperatibei laguntzeko azpiegiturak sortzea, eta, oro

har, lankidetzan oinarritutako jardueretan.

2) Langile bazkideei eta besteren kontuko langileei kooperatiben printzipioak eta

teknikak eskuratzea, eta kooperatibagintzaren ezaugarriak zabaltzea kooperatiba honen

ingurune sozialean.

3) Kultura, lanbide edo ongintza arlokoak, herrian edo, oro har, komunitatearen sustapen

sozialerako.

Hezkuntza eta sustapen fondoa sortu zen helbururako baino ez da erabiliko. Funts hori

bere helburuetara bideratuko da, bigarren mailako edo maila handiagoko kooperatibei,

kooperatiben elkarteei edo irabazi asmorik ez duten ekonomia sozialeko entitateei diru

hori funtsa sortu zen helbururako erabiltzeko baldintzapean ematen, edo bestela, entitate

kooperatiboak berak zuzenean bideratuko du.

29. artikulua.- GALERAK EGOZTEA

Galerak egozteko, soberakin garbiak aplikatzeko irizpide berei jarraituko zaie, eta

horrenbestez:

a) Erreserba Fondoetatik soberakin garbi negatiboen zati bat kenduko da, soberakin

garbi positiboak daudenean Nahitaezko Fondoetarako diren ehunekoen adinakoa.

b)Gainerako soberakin garbi negatiboak bazkide bakoitzaren zatiari dagokiona

murrizteko izanen dira, bazkideak Kooperatiban egindako zerbitzu, jarduera edo

eragiketen arabera.

30. artikulua.- LIBURUAK ETA KONTABILITATEA

a) Kooperatibak Nafarroako kooperatibei buruzko abenduaren 11ko 14/2006 Foru

Legearen 54. artikuluan xedatutakoaren arabera beteko ditu liburuak. Gainera,

Page 16: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

16 Paz de Ziganda Ikastolako Estatutuak

kontabilitateko liburuek merkataritzako legeek eskatzen dituzten baldintzak beharko

dituzte bete.

b) Urtero, abuztuaren 31n itxiko da ekitaldi ekonomikoa.

IV. Kapitulua

Kooperatibaren gobernua, kudeaketa eta ordezkaritza

31. artikulua.- ORGANO SOZIALAK

Kooperatibaren organoak dira:

a) Batzar Orokorra.

b) Zuzendaritza Kontseilua.

c) Kontu-hartzaileak.

2.- Kooperatibaren organo aholku-emaileak dira:

a) Gelako ordezkariak.

b) Ordezkarien Batzarra.

32. artikulua.- Gelako ordezkariak.

1. Gela bakoitzean bi ordezkari hautatuko dira gurasoen artean. Ordezkarien datuak

ikastolako zuzendaritzari helaraziko zaizkio.

Ordezkaritzak ikasturte bat iraunen du eta ordezkariak nahi adina aldiz aukeratuak ahal

izanen dira gelako hasierako bileran hala erabakitzen bada. Era berean, edozein unetan

ordezka daitezke, bai berariaz uko egiteagatik eta baita izendapena ezeztatzeagatik.

2. Funtzioak.

Hauek dira gelako ordezkarien funtzioak:

a) Gelako familien arteko harremanak koordinatzea eta sustatzea, hainbat eta hainbat

jarduera bultzatuz, seme-alaben artean euskararen erabilera handitzeko.

b) Tutorearekin eta gelako gainerako irakasleekin bat egitea, sortzen diren arazoak

konpontzeko eta familien laguntza behar duten jarduerak garatzeko.

c) Ikastolak ordezkariei zuzenean emandako informazioa familiei helaraztea.

Page 17: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

17 Paz de Ziganda Ikastolako Estatutuak

33. artikulua.- Ordezkarien batzarra.

1. Ikastolako gelako ordezkari guztiek osatuko dute. Ordezkari guztiak bil daitezke batera

edo mailen arabera. Ordezkarien Batzar Nagusia hiru hilabetetan behin eginen da eta

ikastolako zuzendariak deituko du eta zuzenduko du.

2. Funtzioak.

Ordezkarien batzarra aholku-emailea eta informatiboa da eta jarduerak koordinatzeko

dago.

Batzarraren funtzioak dira:

a) Ikastolaren ibilbide pedagogikoari eta orokorrari buruzko informazioa jasotzea.

b) Ikastolako Zuzendaritzak, edo ikastolako beste organo batzuek, galdetzen dituen

gaien gainean iritzia ematea..

c) Ikastolaren jarduera orokorrak koordinatzea, zeregin bakoitzean ardura duten gelen

artean eginbeharrak banatuz.

34. artikulua.- BATZAR OROKORRA: KONTZEPTUA ETA ESKUMENAK

a) Batzar Orokorra, bazkideek osatua, haien borondatea adierazteko organo gorena da

legeriak eta Estatutu hauek bere esku utzitako gaietan.

Batzar Orokorraren erabakien mende daude bazkide guztiak, ados ez daudenak eta

bileretara agertzen ez direnak barne.

b) Kooperatibaren gai sozial guztiak Batzar Orokorrean eztabaidatu ahalko dira, eta

berari soilik dagokio erabaki hauek hartzea:

l.- Zuzendaritza Kontseiluko kideak izendatu eta kargutik kentzea, baita kontu-hartzaileak

ere.

2.- Kooperatibaren kudeaketa Zentsuratu, urteko-kontua eta haren erabilera onetsi eta

soberakinak aplikatzea. Orobat, inbertsioen politika, baldin eta Kooperatibaren

ibilgetuaren % 25 baino handiagoa bada.

3.- Kapital sozialerako nahitaezko ekarpen gehiago egitea erabaki, borondatezko

ekarpenak onartu eta ekarpenak eguneratzea, baita sarrerako kuotak ere.

4.- Obligazioak jaulkitzea.

5.- Barne Araubidearen Erregelamendua onetsi eta aldatzea.

6.- Kooperatiba bat-egitea, hala nahita edo beste batek beretuta, zatitzea eta desegitea.

7.- Bigarren edo beste gradu bateko kooperatibak nahiz kreditukoak sortzea edo haiek

atxikitzea

Page 18: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

18 Paz de Ziganda Ikastolako Estatutuak

8- Zuzendaritza Kontseiluko kideek eta kontu-hartzaileek erantzukizunez jokatzea.

9- Edozein tituluren bidez, Kooperatiba, bere edozein lantoki nahiz ekonomiaren,

antolakuntzaren edo eginkizunen egituran funtsezko aldaketarik dakarren ondasun,

eskubide edo jardueraren bat besterendu edo lagatzea.

10.- Estatutuak aldatzea.

11.- Nafarroan eta beste esparru batzuetan, autonomikoak, nazionalak edo

nazioartekoak izan, ikastolak ordezkatzen dituzten erakundeei atxikitzea.

12.- Nafarroako kooperatibei buruzko abenduaren 11ko 14/2006 Foru Legean eta

Estatutu hauetan eskaturiko gainerakoak.

Batzarrak ezin du bere eskumenak eskuordetu, aurreko atalean adierazitako gaiez

eztabaidatzeko.

35. artikulua.- BATZARRERAKO DEIA

a) Batzar Orokorrak arruntak eta bereziak izan daitezke.

b) Zuzendaritza Kontseiluak eginen du Batzar Orokorrerako deia urtean behin,

Kooperatibaren ekitaldia itxi eta ondoko sei hilabeteren barrenean, kudeaketa eta urteko

kontuak aztertu eta, bidezko bada, haiek onesteko. Orobat, soberakinak banatu eta

galerak egozteko, baita eguneko gai zerrendako gainerako gaiez eztabaidatzeko ere.

c) Aurreko ataleko gaiei buruzkoak ez diren Batzar Orokorraren bilkurak bereziak izanen

dira, eta Zuzendaritza Kontseiluak eginen du haietarako deia Kooperatibaren

interesentzat komenigarritzat jotzen duenean, edo botoen % 20 osatzen duten bazkideek

eskaturik, baita kontu-hartzaileek eskatuta ere. Eguneko gai zerrendan eskaeraren

xedeko gaiak sartuko dira nahitaez.

d) Boto guztien % 10 bederen osatzen duten bazkideek eskubidea dute eguneko gai

zerrendan punturen bat sar dadin eskatzeko, baina deialdiaren iragarkia argitaratu eta

ondoko bost egunetan beharko dute eskatu, Zuzendaritza Kontseiluari idazki bat

aurkeztuz, eta horrek Kooperatibaren iragarki oholean jarriko du.

e) Batzar arrunterako deia ez bada legezko epean egiten, edozein bazkidek eskaturik

egin ahalko da. Horretarako, Zuzendaritza Kontseiluari egin beharko dio errekerimendua,

huts egina salatzeko, eta hark, errekerimendua hartu eta ondoko hamabost eguneko

pean ez badu Batzarrerako dei egiten, Kooperatibaren helbideari dagokion Lehen

Instantziako Epaitegiari eskatu ahalko zaio deialdia egin dezan. Horrek eginen du deia,

baita batzarburu izanen den pertsona edo bazkidea izendatu ere. Arau horri berari

Page 19: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

19 Paz de Ziganda Ikastolako Estatutuak

jarraituko zaio Zuzendaritza Kontseiluak artikulu honen hirugarren atalean aipatu

ekimenari kasurik egiten ez dionean.

f) Batzar Orokor arrunterako edo berezirako deia idatzita eginen da, gutxienez hamar

egun, eta gehienez hogeita hamar egun lehenagotik. Nahitaez, bileraren eguna, ordua

eta tokia adieraziko dira, baita eguneko gai zerrenda ere, behar bezain zehazki. Honela

eginen da deialdia:

1.- Egoitzaren iragarki oholean jarriko da jendaurrean.

2.- Bazkide bakoitzari idatzita jakinaraziko zaio.

g) Aurreko atalean xedatutakoa gorabehera, Batzar Orokorra balio osoz eratuko da,

zertan deialdirik egin beharrik gabe, Kooperatibaren bazkide guztiak bilduta edo

ordezkatuta egonik, aho batez onartzen badute Batzar Orokorra egitea, baita gai

zerrenda ere.

36. artikulua.- BATZARRAREN FUNTZIONAMENDUA

a) Kooperatibaren egoitza dagoen herrian bilduko da Batzar Orokorra, edo beste herri

batean Zuzendaritza Kontseiluak hala erabakiz gero,non ez den estatutu hauetako

aurreko artikuluaren zazpigarren atalean aurreikusitako kasua.

b) Batzar Orokorrak erabakirik hartu dezan, lehendabiziko deian, eskubide osoko

bazkideen gehiengoak egon beharko du bilduta nahiz ordezkatuta. Bigarren deian, parte-

hartzaileen kopurua edozein dela ere, eratu eginen da.

c) Bazkideek, beren ordezko izateko, beste bazkide batzuk bilatu ahalko dituzte Batzar

bakoitzerako, eta idazki bidez frogatu. Kontu-hartzaileek erabakiko dute idazkia

benetakoa den edo ez.

Inor ez da bi bazkide edo pertsona juridiko baino gehiagoren ordezkari izanen, bere

buruaren ordezkari dela kontatuta.

d) Zuzendaritza Kontseiluko burua ariko da Batzar Orokorreko mahaiburu lanetan eta,

bestela, Estatutu hauen arabera haren eginkizunak betetzen dituena. Zuzendaritza

Kontseiluko idazkaria ariko da idazkari lanetan edo, bestela, haren ordezkoa, Batzarrak

aukeratua.

Batzarburuak eztabaidak bideratu, Batzarraren ordena zaindu eta legezko eginbeharrak

bete daitezen arduratuko da.

Page 20: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

20 Paz de Ziganda Ikastolako Estatutuak

Eguneko gai zerrendan ez dauden aferei buruzko erabakiek ez dute baliorik izanen,

beste Batzar bat egiteko deialdiak, kontuen zentsura egitekoak edo Zuzendaritza

Kontseiluko kideei erantzukizuna eskatzekoak salbu.

e) Idazkariari dagokio bilkuraren akta idaztea eta, bertan, eztabaidak zein tokitan eta

zein egunetan izan diren, parte-hartzaileen kopurua, eztabaidatutako gaien laburpena,

aktan agerrarazteko eskaera izan duten eskuhartzeak, hartutako erabakiak eta bozketen

emaitzak adieraziko ditu.

Batzarrak berak onetsi ahalko du bere Akta, hura amaitu eta gero edo, bestela,

batzarburuak eta Batzarrean aukeratutako hiru bazkidek, hamabost eguneko epean,

zeinek, idazkariaz gain, sinatu eginen baitute. Sinatzen den unean, jardunean den

idazkariak eginen ditu akten ziurtagiriak, batzarburuaren oniritzia dutela.

37. artikulua.- BOTO ESKUBIDEA

Bazkide bakoitzak bere botoa izanen du.

38. artikulua.- GEHIENGOAK

a) Batzar Orokorraren erabakiak gehiengo soilaz hartuko dira, bilduta nahiz ordezkatuta

daudenek zuzen emaniko botoak kontatuta, indarra duen legeriak edo Estatutu hauek

gehiengo sendoagorik eskatzen ez duten bitartean.

b) Bilduta nahiz ordezkatuta daudenen hirutik biren gehiengoa beharko da ondoko

erabakiak hartzeko:

1.- Obligazioak jaulkitzeko.

2.- Barne Erregelamendua onetsi eta aldatzeko.

3.- Bat egin, zatitu edo desegiteko.

4.- Bigarren graduko kooperatibak, edo beste batekoak, nahiz kreditukoak sortzeko edo

haiei atxikitzeko.

5.- Edozein tituluren bidez, Kooperatiba edo haren lantokiren bat nahiz haren

ekonomiaren, antolakuntzaren edo eginkizunen egituran funtsezko aldaketarik dakarren

ondasun, eskubide edo jardueraren bat besterendu edo lagatzeko.

6.- Estatutuak aldatzeko.

7.- Indarra duen legerian eta Estatutu hauetan espresuki hala xedatzen den kasuetan.

Page 21: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

21 Paz de Ziganda Ikastolako Estatutuak

39. artikulua.- ZUZENDARITZA KONTSEILUA

Kooperatiba gobernatu, kudeatu eta ordezkatzen duen organoa da, eta Kooperatibakoak

diren 9 bazkidek osatuko dute.

Denak bazkideak izanen dira eta gaitasun zibil osoa ukan beharko dute. Bateraezinak

dira Zuzendaritza Kontseiluko kide izatea eta Kooperatibako soldatapeko langilea izatea,

ez bada aipatu Kontseilurako Enpresa Komiteak izendatutako langilea.

Kooperatibako soldatapeko langile bat aukeratua izanen balitz Zuzendaritza Kontseiluko

kargu bat hartzeko, automatikoki nahitaezko lan-utzialdian sartuko da, betiere haren

plaza erreserbaturik utzita, Langileen Estatutuko 46. artikuluko 1. atalean zehazten

denaren arabera.

Batzar Orokorrak isilpeko bozketan izendatuko ditu kontseiluburua, buruordea, idazkaria,

diruzaina eta 5 kontseilukide.

Zuzendaritza Kontseiluak kide bat gehiago izanen du Kooperatibako soldatapeko langile

finkoak berrogeita hamar baino gehiago badira. Enpresa Batzordeak hautatuko du kide

hori langileen artetik.

40. artikulua.- ZUZENDARITZA KONTSEILUAREN HAUTAKETA

a) Zuzendaritza Kontseiluko kideak lau urtez egonen dira karguan, eta gero berriz

hautatu ahalko dira.

b) Hautatzeko prozesua:

Zuzendaritza Kontseiluaren karguak berritzeko Batzar Orokorra egin aurretik,

Zuzendaritza Kontseiluak behar adinako denboraz zabalduko du hautagaiak aurkezteko

epea eta zein kargu hautatuko diren, hau da, kontseiluburua, buruordea, idazkaria,

diruzaina edo kontseilukideak, zehaztuko du. Epe horretan, bazkideek idazki bidez

aurkeztu ahalko dute beren burua, berritzen diren karguetatik zeinetara aurkezten diren

zehaztuz.

Zuzendaritza Kontseiluak, aurkezten diren hautagaiek Kooperatibako karguak hartzeko

baldintzak betetzen dituztela egiaztatuta, hautagaiak aldarrikatu eta jendaurrean jarriko

du haien zerrenda egoitzaren iragarki oholean, zein kargutara aurkezten diren zehaztuz

eta, Batzar Orokorra bildu baino lehen, bazkideei igorriko die.

Batzar Orokorrak, isilpeko bozketan, horretarako prestatu txartelak erabiliz hautatuko

ditu karguak. Bilduta nahiz ordezkatuta den bazkide bakoitzak, kontseiluburu, buruorde,

idazkari eta diruzain izateko aurkeztu direnetatik, hautagai baten aldeko botoa eman

Page 22: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

22 Paz de Ziganda Ikastolako Estatutuak

ahalko du, kargu bakoitzeko, eta hautatzen diren kontseilukide kopurutik, erdien eta

beste baten aldekoa.

Boto kopuru handiena ateratzen duten hautagaiek eskuratuko dute kargua.

c) Zuzendaritza Kontseiluko kideak kudeaketaren erantzule dira Batzar Orokorraren

aitzinean, eta hari beharko dizkiote kontuak azaldu. Gainera, ez diote oztoporik jarriko

kontu-hartzaileen lanari.

Horrez gain, badute erantzukizuna Elkartea zaintzeaz arduratzen diren organoen

aitzinean.

d) Agintaldiak dirauen bitartean hutsik gelditzen diren karguak hauteskunde prozesu

beraz eta tramite berari jarraituz beteko dira.

41. artikulua.- ZUZENDARITZA KONTSEILUAREN FUNTZIONAMENDUA

Hilabetero bilduko da Zuzendaritza Kontseilua, aurretik bilerarako deia eginda.

Kontseiluburuak edo bere ordez ari denak eginen du Kontseilua biltzeko deia, berak hala

erabakita nahiz edozein kontseilukidek eskatuta. Eskaerari ez bazaio hamar eguneko

epean kasurik egiten, eskatzaileak berak egin ahalko du deia, kide erdiek eta bat

gehiagok berarekin bat egitea lortuz gero. Ez da deialdia egin beharrik izanen,

kontseilukide guztiak bildurik egonda, aho batez erabakitzen dutenean Kontseilua

biltzea. Zuzendariari eta Kooperatibako gainerako teknikariei, baita elkartearen gaiak

ongi joan daitezen interesa dutenei ere, deitu ahalko zaie bilerara, baina ez dute botoa

emateko eskubiderik izanen.

Erabakiek balioa izan dezaten, kideen erdiak eta bat gehiago beharko dira bildu.

Bildutakoen gehiengo soilez hartuko dira erabakiak. Berdinketa gertatuz gero,

kontseiluburuak kalitate botoa izanen du.

Erabakiak Zuzendaritza Kontseiluaren akta liburuan agertuko dira.

Zuzendaritza Kontseiluko kargudunek ez dute irabazirik jasoko, baina Kooperatibak

ordainduko die karguan aritzeagatik sortutako gastua.

Page 23: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

23 Paz de Ziganda Ikastolako Estatutuak

42. artikulua.- ZUZENDARITZA KONTSEILUAREN AHALMENAK

a) Kooperatiba kudeatzeko irizpide orokorrak finkatzea, Batzar Orokorrak ezarritako

jardunbideari jarraituz.

b) Inbertsioen plangintza egitea, Batzar Orokorrak onetsi beharko baitu. Ez da haren

onespenik beharko Kooperatibaren ibilgetua eskuratzeko balioaren % 25era iristen ez

diren proiektuetan.

c) Kudeaketa azaltzen duen txostena, kontuak, itzulketen aplikazioa edo galeren

egozpena Batzar Orokorrari aurkeztea.

d) Hirugarrenen aldeko abalak edo fidantzetarako baimena ematea.

e) Berari dagokion kudeaketa beste pertsona fisiko zein juridiko batzuen esku utziz gero,

haien jarduketa zuzenean eta etengabe fiskalizatzea.

f) Bazkide berriak onartu edo ez onartzea.

g) Batzar Orokorraren erabakiak betetzea.

h) Egintza judizialetara jo behar duen edo ez erabakitzea.

i) Gordailuak egin eta kendu, kontu korronteak ireki eta fondoak erabiltzea.

j) Kooperatibako zuzendari-kudeatzailea izendatzea.

k) Estatutu hauek eta Nafarroako kooperatibei buruzko abenduaren 11ko 14/2006 Foru

Legeak bere gain uzten duten beste edozein. Gainera, propio Batzar Orokorrarenak ez

diren gaiak

43. artikulua.- ZUZENDARITZA KONTSEILUKO BURUA ETA BURUORDEA

I.- Kontseiluburua:

a)Kooperatibaren ordezkaritza ofiziala du, bat judizio kontuan bar bestela ere, eta

ahalmena du ordezkaritza beste baten esku uzteko.

b) Elkartearen sinadura du.

c) Zuzendaritza Kontseiluaren eta Batzar Orokorraren bilkuretara dei egin eta haien buru

izatea.

d) Bilkura horien aktei, behin onetsita direla, balioa emanen die bere sinaduraren bidez.

e) Idazkariak egindako ziurtagiri guztiak ikus-onestea.

f) Bere sinaduraz, Kontabilitateko liburuak eta beste edozein liburu ofizial legitimatzea,

Legean ezarritako legitimazioa ezertan galarazi gabe.

g) Bankuetako kontu korronteak irekitzeko behar diren agiriak sinatzea, baita, dirua

ateratzeko, diruzainak prestatutako taloiak edo txekeak ere.

Page 24: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

24 Paz de Ziganda Ikastolako Estatutuak

h) Zuzendaritza Kontseiluko kideei karguen jabetza ematea.

i) Ordezkaritzaren ondoriozko beste edozein.

2.- Buruordea:

Kontseiluburuak bere esku uzten dituen eginkizun guztiak beteko ditu, eta harenak ere

bere gain hartuko ditu hura kanpoan edo eri dagoenean, baita kargua hutsik dagoenean

ere.

44. artikulua.- ZUZENDARITZA KONTSEILUKO IDAZKARIA

Idazkariari dagozkio:

1.- Kooperatibaren liburu, agiri eta zigiluak zaintzea, kontabilitatekoak salbu.

2.- Bazkideen Erregistro Liburuaz arduratzea.

3.- Batzar Orokorraren eta Zuzendaritza Kontseiluaren aktak egitea.

4.- Zuzendaritza Kontseiluko kide guztien kargu-jabetzaz fede ematea.

5.- Egin beharrekoak prestatzea Zuzendaritza Kontseiluari Kooperatibako gaien eta

bazkideen oharren berri emateko.

6.- Urteko Txostena prestatzea.

7.- Postaz eta bere kar ari dagozkion antzeko beste eginkizunez arduratzea.

45. artikulua.- ZUZENDARITZA KONTSEILUKO DIRUZAINA

Diruzainari dagozkio:

1.- Kooperatibaren fondoak zaintzea, bere ardurapean dituen diru kopuruen erantzule

izanik.

2.- Kontabilitateko liburuak eta agiriak zaindu eta haien ardura izatea, kontulari-kontu-

hartzaile baten esku utz baditzake ere.

3.-Kobrantza-ordainketetan eta, oro har, Entitatearen kudeaketa ekonomikoan betetzen

ez direnak edo hutsegiteak berehala jakinaraztea Zuzendaritza Kontseiluari.

46. artikulua.- FONDOEN ERABILERA

Fondoak erabiltzeko, kanbio-letrak onartu eta, oro har, kobrantza-ordainketetarako,

kontseiluburuaren eta diruzainaren sinadurak beharko dira. Kudeatzailearen edo

administratzaile delegatuaren esku utzi ahalko da, baina horrek haien aurrean,

zuzenean, beharko du erantzun.

Page 25: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

25 Paz de Ziganda Ikastolako Estatutuak

47. artikulua.- ZUZENDARITZA KONTSEILUAREN BILERAK. PARTE HARTZEA.

Zuzendaritza Kontseiluko kideek nahitaez agertu beharko dute bileretara, non ez dioten

kontseiluburuari ezinaren arrazoiak frogatzen. Ezin da ordezkaririk bidali bileretara, ezta

inor ordezkatuz jardun ere.

48. artikulua.- KONTU-HARTZAILEAK

a) Batzar Orokorrak isilpeko bozketan hiru kontu-hartzaile izendatuko ditu bazkideen

artean, baita hiru ordezko ere, eta hiru urtez ariko dira beren karguetan.

b) Ezin da aldi berean kontu-hartzaile eta Zuzendaritza Kontseiluko kide izan, ezta

Kooperatibako zuzendari kudeatzaile ere. Kide edo kargu horien lehen eta bigarren

graduko odolkideek edo ezkontza-ahaideek ere ezin dute kontu-hartzaile izan.

c) Ekitaldi ekonomikoaren amaieran, kontu-hartzaileek, ekitaldia azaltzeko, txosten bat

aurkeztuko diote idatzita Batzar Orokorrari, baita Emaitzen Kontua eta Balantzea eta

Batzar Orokorraren onespena behar duten kontabilitateko gainerako agiriak ere.

d) Kontu-hartzaileek eskubidea dute, edozein unetan, Kooperatibaren agiri ekonomiko

eta juridikoak egiaztatzeko, baita bidezko iruditzen zaizkien ikerketak egiteko ere, aztertu

behar dituzten gorabehera edo hutsegiteak argitzearren, batez ere balantzeari, galera-

irabazien kontuari eta soberakinak banatzeko proposamenari dagokienez.

e) Zuzendaritza Kontseiluko kideei ordainsari, erantzukizun, ezintasun eta

bateraezintasun kontuan aplikatzen zaizkien xedapen berak egokituko zaizkie kontu-

hartzaileei.

V. Kapitulua

Zuzendaritza

49. artikulua.- ZUZENDARITZA

Zuzendaritza Kooperatibaren organo betearazlea da, eta pertsona batek nahiz talde

batek izanen du bere gain, Kooperatibaren menpeko ikastetxeen funtzionamendu ahalik

eta onenak eta heziketa zentroei buruzko xedapen orokorrek zer eskatzen duten ikusita.

Zuzendaritza Kontseiluak erabakitzen dituen arauei jarraituz funtzionatuko dute ikastetxe

horiek, eta haien berri emanen zaio Batzarrari.

Izendatzen diren zuzendariek, teknikoak nahiz administratiboak izan, behar adinako

egonkortasuna, agintea eta eskumenak izanen dituzte, beren lana ahalik eta

Page 26: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

26 Paz de Ziganda Ikastolako Estatutuak

eraginkorrena izan dadin Haien ahalmenak argi zehaztuko dira kontratuan, eta

Zuzendaritza Kontseiluak ezarriko ditu haien eskubideak eta betebeharrak.

Irakaskuntza Batzordea eta Ekonomiakoa dira, ezartzen badira, Zuzendaritzaren-organo

aholku-emaileak, baita bazkideen ordezkaritza ere. Zuzendaritza Kontseiluak ezarriko

ditu haien funtzionamendurako arauak.

Zuzendaritza Kontseiluari dagokio zuzendaria izendatzea.

Vl. Kapitulua

Desegitea

50. artikulua.- DESEGITEKO ARRAZOIAK

Kooperatiba desegiteko arrazoiak dira:

a) Xede soziala amaitzea, hura ezin lortu izatea, edo organo sozialek funtzionatzeari

uztea.

b) Batzar Orokorrak hala erabakitzea, bildutakoen eta ordezkatutakoen botoen hirutik

biren gehiengoaz.

c) Bazkideen kopuruak Kooperatiba osatzeko legez behar den gutxienekotik behera

egitea, eta sei hilabete baino gehiago horrela irautea.

d) Bat-egitea, absortzioa edo zatiketa, Nafarroako kooperatibei buruzko abenduaren

11ko 14/2006 Foru Legearen 56 eta 58. artikuluetan aipatzen den moduan.

e) Kooperatibak lur jotzea, haren porrota deklaratzen duen ebazpen judizialaren

ondorioz.

f) Nafarroako kooperatibei buruzko abenduaren 11ko 14/2006 Foru Legean ezarritako

beste edozein.

51. artikulua.- DESEGITEKO PROZEDURA

l) Aurreko artikuluan aipatu arrazoiak gertatuz gero, Batzar Orokorra biltzeko deia eginen

da Estatutu hauetan ezarritako prozeduren bidez, desegiteko erabakia har dadin.

Ez dira hogeita hamar egun natural baino gehiago, ezta hamar baino gutxiago, igaroko

deialditik Batzar Orokorra bildu arte.

2) Desegiteko erabakia harturik, Nafarroako Aldizkari Ofizialean beharko da argitaratu

eta, gutxienez, Foru Komunitatean kaleratzen diren egunkarietan.

Page 27: Aurkibidea: I. Kapitulua II. Kapitulua IV. Kapitulua€¦ · 1 Paz de Ziganda Ikastolako Estatutuak Aurkibidea: I. Kapitulua Izena, xedea, iraunaldia, helbidea eta lurralde esparrua

27 Paz de Ziganda Ikastolako Estatutuak

Halaber, erabakiaren berri emanen zaio, hartzen denetik hogeita hamar eguneko epean,

Nafarroako Foru Komunitateko Administrazioaren Kooperatiben Erregistro Orokorrari,

inskripzio ondorioetarako.

52. artikulua.- LIKIDAZIOA

Batzar Orokorrak erabakiko du zein prozedurari jarraitu, bai Kooperatiba desegiteko -

likidatzaile kopuru bakoitia izendatuz- bai ondasunak esleitzeko. Horiek beti izanen dira

euskara eta euskal kultura sustatu eta zabaltzeko.

Desegindako Kooperatibak bere nortasun juridikoari eutsiko dio likidazioa egiten den

bitartean.

Epe horretan, Kooperatibaren izenari "likidazioan" hitza beharko zaio erantsi

Likidazioa amaituta, likidatzaileek Batzar Orokorraren esku utziko dute azken balantzea,

hark erabakia har dezan.

Hamabost eguneko epean, likidatzaileek, azken balantzea bilduko duen eskritura

publikoan, Kooperatibaren idazpenak baliogabetzeko eskatuko diote Nafarroako Foru

Komunitateko Administrazioaren Kooperatiben Erregistroari, eta gordailuan utziko dituzte

haren jarduerari buruzko liburuak eta agiriak, bost urtez jasota gera daitezen.

Atarrabia, 2011.