AKTEA

BERMEOKO UDALEKO TOKIKO GOBERNU

BATZARRA

(2010-07-14/27)

Bilkurea: Ohikoa

Datea:

2010-07-14

Lekua:

Udaletxeko Batzar Gela

Hasiera-ordua:

09:10

Amaiera-ordua:

09:30

Bertaratuak

Xabier Legarreta Gabilondo

Lehendakaria: Batzordekideak:

Miren Lur Uriondo Ispizua

Iñigo Imatz Etxebarria

Asier Gabantxo Larandagoitia

Maite Etxebarria Muruaga

Joseba Iñaki Bilbao Etxebarria

Idazkaria:

Miguel Angel Hurtado Pedroso

Bertaratu ez diranak

Aztergaiak

1. Aurreko aktea irakurri eta onestea. 2. Almikeko bidea egokitzeko obra kontratua behin betiko esleitzea. 3. Zarragoitxiko argiteria barriztetako obra kontratua behin-behinekoz

esleitzea. 4. Askatasun Bidea 5ean telekomunikazino artikuluen dendea titularrez

aldatzeko Ausarta Media SL enpreseak egindako eskaria. 5. Bizkaiko Jaurerria kalea 11n (sarrerea Dolariaga kaletik) dietetika eta

belar dendea lekuz aldatzeko Presentacion Uriarte Elordui andreak eta Juan Carro Bueno jaunak egindako eskaria.

6. Roberto Carlos Orbegozo Veliz jaunak auto-taxi lizentzia eskatzeko egindako eskaria.

7. Raul Lartitegi II. memoriala txirrindulari probea egiteko eskaria. 8. Tokiko Gobernu Batzarrak onartzeko fakturak. 9. Zinegotzien bagileko batzar asistentziak. 10. Gaztezulo aldizkariaren harpidetza gastua onartzea eta xedatzea. 11. TELP tailerra esleitzea. 12. Bermeoko lehen hezkuntzako ikasleentzat eskola agenda gehiago

egitea. 13. Berton alkarteari “Merke-Merke eta Dendarik Denda” azokea dala-eta,

dirulaguntzea emotea. 14. Bermeoko merkataritzea bizibarritzeko plana gauzatzeko laguntza

teknikoaren kontratazinorako baldintza-agiriak onartzea. 15. “Arreta sozio-sanitarioa erakunde sozialetan” ikastaroa kontratetako

baldintza-agiriak onartzea eta esleipena egitea. 16. Trophée Teink 2010 antolatzeko gastua onartzea. 17. “El Mentón de Fogarty” taldearen kontzertuari jagokon gastua

onartzea. 18. GIZek antolatutako VI. gazte bidaia argazki lehiaketearen gastua

onartzea. 19. GIZek aisialdiko begirale ikastaroa antolatzeko gastua onartzea. 20. San Migel auzoko jaiak antolatzeko Amaia Elorza Elortegi andreak

egindako dirulaguntza eskaria. 21. Aita Guria baleontziaren eta Ortube eta Jorge itsasontzien egoerea

dala-eta, erantzukizuna argitzeko zabaldutako espedientearen iraungipena aldarrikatzea eta barria zabaltzea.

22. Alkatetza dekretuak. 23. Eskariak eta itaunak.

1.- AURREKO AKTEA IRAKURRI ETA ONESTEA. Lehendakariak hasikerea emon deutso batzarrari eta, jarduneko idazkariak 2010eko garagarrilaren 7ko 26/2010 aktea irakurri ostean, batzordekide danen adostasunagaz onartu da.

2.- ALMIKEKO BIDEA EGOKITZEKO OBRA KONTRATUA BEHIN BETIKO ESLEITZEA. Xedea Almikeko bidea egokitzeko obra kontratua behin betiko esleitzea. Aurrekariak Lehenengoa: 2010eko bagilaren 23an Tokiko Gobernu Batzarrak Almikeko bidea egokitzeko obra kontratua behin-behinekoz esleitzea erabagi eban. Bigarrena: 2010eko bagilaren 25ean behin-behineko esleipena kontratugilearen profilean argitaratu zan. Argudioak Bakarra: Behin-behineko esleipenaren iragarkia legeak agintzen dauen denporan egon da iragarrita eta, epe horretan, ez da alegazinorik ez erreklamazinorik jaso. Bestalde, behin-behinekoz proposatutako esleipendunak emondako epearen barruan bete dauz beraren eginbeharrak, eta, ondorioz, legezko urrats guztiak bete dira behin-behineko esleipena behin betiko bihurtzeko. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Almikeko bidea egokitzeko obra kontratua behin betiko esleitzea, era honetan: ENPRESEA: URRE SA (IFZ: A-48108724) PREZIOA: 562.596,70 euro (BEZa kanpo) EXEKUZINO EPEA: 3,5 hilabete BIGARRENA: Enpresa esleipendunari jakinarazotea hamar (10) laneguneko epean, behin betiko esleipenaren jakinarazpena jaso eta hurrengo egunetik zenbatzen hasita, kontratua sinatu beharko dauela, eta holan egin ezean udalak kontratua bertan behera itxi ahal izango dauela.

3.- ZARRAGOITXIKO ARGITERIA BARRIZTETAKO OBRA KONTRATUA BEHIN-BEHINEKOZ ESLEITZEA. Xedea Zarragoitxiko argiteria barriztetako obra kontratua behin-behinekoz esleitzea. Aurrekariak Lehenengoa: 2010eko maiatzaren 19an Tokiko Gobernu Batzarrak Zarragoitxiko argiteria barriztetako proiektua eta administrazino baldintza zehatzen orria onartzea erabagi eban. Bigarrena: Aitatutako kontratazino-prozesura bi parte-hartzaile aurkeztu dira:

- Tecuni SA

- Elektrika Basterretxea SL Argudioak Bakarra: 2010eko garagarrilaren 13an emondako txosten teknikoaren arabera, hauxe izan da eskaintza bakotxak lortutako puntuazinoa:

Eskaintzak

Bakotxaren prezioak

eurotan, BEZa kanpo

(aurrekontua: 183.254,68)

Proposamen ekonomikoa 0-

80

Obrea egiteko epea 0-20 (hilabete)

Guztira

JOSE LUIS BASTERRETXEA

138.914,48 49,2 20 (hilebete) 69,2

TECUNI 136.488,09 51,9 10 (hilebete eta

aste bat) 61,9

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Zarragoitxiko argiteria barriztetako obra kontratua behin-behinekoz Elektrika Basterretxea SL enpreseari esleitzea, 138.914,48 euroan (BEZ barik). BIGARRENA: Elektrika Basterretxea SLri jakinarazotea, behin-behineko esleipenaren iragarkia kontratugilearen profilean argitaratu eta hurrengo egunetik zenbatzen hasita, 15 eguneko epean, konpultsau barik daukazan agiriak (halan izatekotan) konpultsau beharko dauzala eta behin betiko bermea

jarri beharko dauela, eta, holan egin ezean, behin-behineko esleipena bertan behera geratuko dala. 4.- ASKATASUN BIDEA 5-EAN TELEKOMUNIKAZINO ARTIKULUEN DENDEA TITULARREZ ALDATZEKO AUSARTA MEDIA SL ENPRESEAK EGINDAKO ESKARIA. Xedea Askatasun Bidea 5ean telekomunikazino artikuluen dendearen titularidadea aldatzea. Lehengo titularra: Grupo Lidentel SL Titular barria: Ausarta Media SL Argudioak Bakarra: Ingurumen teknikariak 2010eko bagilaren 28ko txostenean adierazo dau agindutako neurri zuzentzaileak bete dirala.

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Ezarritako neurri zuzentzaileak bete dauzanez, edegiteko eta hasteko lizentzia emotea. BIGARRENA: Titularra aldatzeko baimena emotea. 5.- BIZKAIKO JAURERRIA KALEA 11-N (SARREREA DOLARIAGA KALETIK) DIETETIKA ETA BELAR DENDEA LEKUZ ALDATZEKO PRESENTACION URIARTE ELORDUI ANDREAK ETA JUAN CARRO BUENO JAUNAK EGINDAKO ESKARIA. Xedea Bizkaiko Jaurerria kalea 11n (sarrerea Dolariaga kaletik) dietetika eta belar dendea lekuz aldatzeko Presentacion Uriarte Elordui andreak eta Juan Carro Bueno jaunak egindako eskaria. Aurrekariak Lehenengoa: Presentacion Uriarte Elordui andreak eta Juan Carro Bueno jaunak Bizkaiko Jaurerria kalea 11n dietetika eta belar dendea ipinteko (lekuz aldatzea) eskaria aurkeztu eben 2010eko maiatzaren 31n.

Bigarrena: 2010eko bagilaren 1ean Ingurumen teknikariak txostena egin eban. Argudioak Martiaren 9ko 165/1999 Dekretuak adierazotakoaren arabera, KALTEBAKOTZAT hartu behar da eskatutako jarduera hori. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Jarduerea ipinteko lizentzia emotea interesdunari eta jagokozan tasak kitatzea, eta jakinarazotea, hogeta hamar (30) eguneko epean, Ingurumen teknikariaren txostenaren fotokopian agertzen diran neurri zuzentzaileak bete behar dauzala. BIGARRENA: Interesdunari ohartarazotea neurri zuzentzaileak hartu ostean, jarduerea zabaldu ahal izateko, jakinarazpenari erantsitako zinpeko autorpena aurkeztu beharko dauela udal honen aurrean eta, autorpen hori benetakoa izan behar dala. Behin autorpen hori aurkeztuta, jarduerea zabaltzeko erea izango dau, Ingurumen teknikariak egin leikezan ikuskapenen kalte barik. Autorpena benetakoa ez izateak erantzukizun administratibo edo penalak sortu leikezala be ohartarazten jako interesdunari. HIRUGARRENA: Interesdunari jakinarazotea edozein moetatako errotulurik euskeraz ipini ezkero, udalak errotuluaren kostuaren % 75era arteko dirulaguntzea emongo dauela. Horretarako, interesdunak eskariagaz batera, idatziko dan testuaren zirriborroa aurkeztuko dau errotulua ipini aurretik, Euskera Sailak ondo idatzita dagoala ziurtatu ahal izateko. Bestalde, tasea ordaintzea bajagoko, % 75eko hobaria izango dau. 6.- ROBERTO CARLOS ORBEGOZO VELIZ JAUNAK AUTO-TAXI LIZENTZIA ESKATZEKO EGINDAKO ESKARIA. Xedea Roberto Carlos Orbegozo Veliz jaunak auto-taxi lizentzia eskatzeko egindako eskaria. Aurrekariak Bakarra: Roberto Carlos Orbegozo Veliz jaunak idazki bat aurkeztu dau, auto-taxi lizentzi bat eskatzeko.

Argudioak Lehenengoa: Udal araudiaren 5. artikuluak zera dino: “Udalaki, lizentzia emateko, publikoari eskaini behar zaion zerbitzuaren beharrizana eta egokitasuna aztertu beharko du; hori guztia 1979ko martxoaren 16ko Nazio Araudiaren 11. artikuluak ezarri duen eran bidezkotuko da. Lizentzia eman aurretik, arloaren elkarteak adierazi behar duena entzuteko 15 eguneko epea emango da”.

Bigarrena: Aurrekoa kontuan izanik, arloaren alkarteari entzunaldia emon jakon, eta hauxe adierazo eban: “1.- Que en la actualidad existen en la parada de Bermeo nueve

licencias de taxi.

2.- Que por información del Ayuntamiento tienen conocimiento de la

solicitud por parte de un particular de una nueva licencia sin baja de

otra anterior.

3.- Que entienden que con las nueve ya existentes se bastan y se

sobran para abastecer la necesidad de este servicio en Bermeo y su

entorno.

4.- Que hay que tener en cuenta la existencia en paralelo del servicio

público de autobuses justo al lado de la parada y del tren de

cercanías a escasos metros, lo que ha provocado que en los últimos

años, con sus frecuencias, haya supuesto una enorme competencia para

el sector del taxi.

5.- Que también hay que tener en cuenta la reciente puesta en marcha

de los servicios “Taxi Bakio” y “Bermibusa” causando este último la

pérdida del 90% de los servicios urbanos.

6.- Que entienden que no existe oferta de servicio para una licencia

más y que su concesión conllevaría una bajada de los escasos servicios

para cada uno de los preexistentes, ya que en la actualidad tienen

serios problemas para llegar a final de mes”.

Hirugarrena: Arloko alkarteak esandakoa eta gaur eguneko egoerea ikusirik, momentuz lizentzia gehiagorik ez emotea hobesten da. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Roberto Carlos Orbegozo Veliz jaunak egindako eskaria ez onartzea eta lizentzia kopurua gaur egun dagoan moduan ixtea. 7.- RAUL LARTITEGI II. MEMORIALA TXIRRINDULARI PROBEA EGITEKO ESKARIA. Xedea Raul Lartitegi II. memoriala txirrindulari probea egiteko eskaria.

Aurrekariak Lehenengoa: Busturia txirrindulari alkarteak eskari bat aurkeztu dau Raul Lartitegi II. memoriala txirrindulari probea egiteko. Bigarrena: Udaltzainburuak aldeko txostena egin dau. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Egindako eskaria onartzea, baina hurrengo hizkuntza erispideak kontuan hartu beharko dira: Euskerearen Ordenantzeak dinoana bete beharrekoa da: Udalaren baimena lortzeko, “.... argitaratzen dabezan idatzi, iragarki, ohar eta gainontzekoak, euskeraz izan beharko dira, edo derrigorrean, euskeraz eta erdaraz idatzita emongo dabez ezagutzera, euskerari lehentasuna emonez, hau da, idatzizkoan hizkien tamaina bi aldiz handiagoa izango dalarik eta ahozkoan ere, erdaraz baten esaten den bakoitzean, euskeraz hiru aldiz esanda. Publizitatea ere, bai ahozkoa, zein idatzizkoa, euskeraz izan beharko dira, edo derrigorrean, euskeraz eta erderaz egin beharko dabe. Era berean, ospakizun konkretuetan, bozgorailu bidez emoten diran mezuak ere, euskeraz izan beharko dira, edo derrigorrean, euskeraz eta erdaraz emon beharko dabez. Udaleko Itzulpen zerbitzuaz baliatu ahal izango dira antolatzaileak.” 8.- TOKIKO GOBERNU BATZARRAK ONARTZEKO FAKTURAK. Ondoren zerrendatzen diren fakturak, aho batez, onartzea erabagi dau Tokiko Gobernu Batzarrak:

FAKTURA ZENB. KONTZEPTUA

SARRERA DATEA ZENBATEKOA

.25/10 INGENIERIA TOPOGRAFICA-Almike BI4208 lanak .2010-06-17 1.624,00

.B/1749 AEK-Berbalagun 09ko urria 10eko ekaina 3. Epealdia .2010-06-11 3.592,33

.1005028 OIZMENDI-Hileko telebista agertzeagatik ordainketa .2010-06-16 4.916,66

.V1059 TEINSOFT-Maiatzeko mantenu extra .2010-06-23 787,93

.1842 ART PRINT-1000 boltsa zuri aita guria .2010-06-18 624,73

.P102 IBILALDI ELKARTEA-Ibilaldi eguna .2010-06-17 9.000,00

.P101 IBILALDI ELKARTEA-Aurreibilaldia .2010-06-17 6.000,00

.10050006 ELKAR-"Handitzen handitzen" 300 ale .2010-06-10 2.262,00

.I-2212 IRAGARRI,S.L.-Iragarkiak egunkarietan euskera saila .2010-06-10 942,79

.FE/048 BO5T-Kalinpan kanpaina .2010-06-04 1.757,40

.3 GOTZON GARITAONAINDIA-Ikasle etorkinen neguko .2010-06-18 3.990,00

.110 CRISTALERIA ORMAETXEA-Kuadroak .2010-06-10 715,49

.108/10 ZOSMAMEDIA-Iragarkiak .2010-06-15 4.032,65

.2010/00193 ONMOTIVA-Uztaileko jai eta kirol egitaraua .2010-06-25 1.711,00

.1064 DECORACIONES TERE-Materialak .2010-07-01 605,24

.9SN8364M ZARDOYA OTIS-Intxausti eraikineko igogailua mantenua .2010-07-01 852,73

.9SN8363M ZARDOYA OTIS-Kultur etxeko igogailuaren mantenua .2010-07-01 2.219,57

.2-10 CONSULTING GPE-Zarragoitxiko aparkalekuak .2010-07-02 13.501,24

.EK10093 ESTUDIO K-Honorarioa 2.fasea Landabaso .2010-07-02 7.656,00

.T585/2010 TALLER 2A-Iragarkiak .2010-06-11 6.177,00

.18/2010 BIKO KOMUNIKAZIOA-2010-2011 eskola agenda .2010-06-22 3.596,93

.8795 BIT@BIT INFORMATIKA-Ekainean zehar informatika zer .2010-07-01 1.772,48

.V1103 TEINSOFT-Ekaineko zerbitzu mantenua .2010-07-01 1.146,08

.20.600.244 LUPAS'SS-Epaiteko altzariak .2010-03-15 1.519,46

.F10/123 GRUAS BERMEO-Gruas zerbitzua .2010-07-01 747,50

GUZTIRA 81.751,21

9.- ZINEGOTZIEN BAGILEKO BATZAR ASISTENTZIAK. Zinegotzien bagileko batzar asistentzien gastua onartzea, xedatzea eta agintzea erabagi dau Tokiko Gobernu Batzarrak; 2.095,00 euro. 10.- GAZTEZULO ALDIZKARIAREN HARPIDETZA GASTUA ONARTZEA ETA XEDATZEA. Euskeraz irakurteko zaletasuna bigarren hezkuntzan sustatzen jarraitzeko, Gaztezuloko aldizkariaren harpidetzak egiteko gastua baimentzea eta xedatzea onartzea erabagi dau Tokiko Gobernu Batzarrak. Zenbatekoa: 910 euro. 11.- TELP TAILERRA ESLEITZEA. Xedea

TELP tailerra (euskeraz erosotasunez eta gusturago aritzeko baliabideak eta estrategiak lantzeko tailerra). Aurrekariak Bakarra: TELP tailerra (taller d‟espai linguistic personal) herrialde katalanetan Ferran Suayk eta Gemma Sanginesek sortutako tailerra da. EMUNek jaso dau tailerraren berariazko prestakuntzea eta gaur egun EMUN hizkuntza aholkularitza enpreseak eskaintzen dau tailerra Euskal Herrian.

Argudioak Lehenengoa: Euskerearen erabilerea ez dago bermatuta kasu guztietan, eta euskaldunak sarritan deseroso eta lekuz kanpo sentitzen gara egoera jakin batzuetan. Ondorioz, askotan uko egin behar izaten deutsagu euskeraz egiteari, horrek dakarzan ondorioakaz: frustazinoa, deserosotasuna, etsipena…

TELP tailerraren helburua, beraz, euskeraz gehiago eta erosoago jarduteko baliabide kognitiboak eta komunikatiboak eskaintzea da. Egunerokoan izaten diran era askotako hizkuntza-egoeren kudeaketa egokia lantzen da tailerrean, hizkuntzearen psikologiatik planteauta, eta hizkuntza jokabide asertiboari esker, zenbait egoeratan zer pentsau, zer esan eta zer egin jakiteko eta sentimenduak zelan bideratu laguntzea eskaintzen dau.

Bigarrena: Tailerreko hartzaileak euskeraz egiteko gogoa daukien hiztunak izango dira, hau da, hizkuntza kontzientziadunak.

Oso egokia da euskerearen erabileran eragiteko moeta horretako baliabideak eskaintzea euskeraz egin gura daben herritarrei, oro har, zein eragile diranei: euskara teknikariei, euskara irakasleei, irakasleei oro har, aholkulariei…

Hirugarrena: 2009ko apirila-maiatza bitartean TELP tailerra antolatu eban udaleko Euskera Sailak. Bertan udal langileek eta Euskera Aholku Batzordeko kideek parte hartu eben, eta parte hartzaile eta antolatzaileen aldetik tailerraren balorazinoa oso ona izan da. Egun be, TELPen ikusi eta ikasitakoa sakontzeko eta jarraipena emoteko saioetan parte hartzen dabe tailer haretan parte hartu eben zenbait lagunek. Laugarrena: Tailerra 10 ordukoa izango da, eta 2010eko azaroaren 6an eta 13an egitea aurreikusten da. Bosgarrena: EMUN aholkularitzeak aurrekontua aurkeztu dau. Aurrekontua: 2.902,80 € (BEZa barne). Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: TELP tailerra esleitzea EMUNi, Zenbatekoa: 2.902,80 €, Euskera Sailaren aurrekontuko 2279902 partidearen pentzura. 12.- BERMEOKO LEHEN HEZKUNTZAKO IKASLEENTZAT ESKOLA AGENDA GEHIAGO EGITEA. Xedea Bermeoko lehen hezkuntzako ikasleentzat eskola agenda gehiago egitea.

Aurrekariak Lehenengoa: Euskera batzordeak 2010eko martiaren 9an Bermeoko ikasle guztientzat eskola agenda egitea onartu eban. Bigarrena: Ikastetxeetako ikasle kopuruen aurreikuspenen arabera 1.000 agenda eskatu ziran, baina ikastetxeetatik 100 ale gehiago eskatu dabez, matrikulazino kanpainearen ondoren, datorren ikasturterako ikasle kopurua handiagoa dalako.

Argudioak Bakarra: Agenda gehiago egitea beharrezkoa da, 100 ikasle ezin diralako agenda barik itxi. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Eskola agenda gehiago egiteko 1.299,20 €-ko gastua (BEZ barne) onartzea, xedatzea eta BIKO KOMUNIKAZIOA enpresako 19/2010 zenbakidun fakturea ordaintzea (1.299,20 euro), Euskera Sailaren aurrekontuko 2279902 partidearen pentzura. 13.- BERTON ALKARTEARI “MERKE-MERKE ETA DENDARIK DENDA” AZOKEA DALA-ETA, DIRULAGUNTZEA EMOTEA. Xedea

Berton alkarteari “Merke-Merke eta Dendarik Denda” azokea dala-eta, dirulaguntzea emotea. Aurrekariak Lehenengoa: Berton alkarteak 2010. urteko “Merke-Merke eta Dendarik Denda” azokea antolatu dau. Batetik, egun batean komertzioa kalera atarateko, bezeroarengana beste modu batean hurbiltzeko. Eta bestetik, herriak aisialdiko eguna igaroteko eta beste herri batzuetako jendeagaz batzeko erreferentzia puntu bihurtu da azokea. Bigarrena: Ekintzok ordaintzeko dirulaguntzea eskatu deutso udalari. Horretarako, 21.026,41 €-ko transferentzia bat egin behar da, 01000-62230-226.99.00 “Merkataritzako beste hainbat gastu” partidatik 4. kapitulura.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: 21.026,41 €-ko transferentzia bat egitea 00100-32230-2269942 “Merkataritzako beste hainbat gastu” partidatik 4. kapitulura. BIGARRENA: Berton alkarteari 21.026,41 €-ko dirulaguntzea emotea, “Merke-Merke eta Dendarik Denda” azokea dala eta. *Idazkari andreak erabagia ez dala legezkoa dino, dirulaguntzen legediaren kontra

doalako.

14.- BERMEOKO MERKATARITZEA BIZIBARRITZEKO PLANA GAUZATZEKO LAGUNTZA TEKNIKOAREN KONTRATAZINORAKO BALDINTZA-AGIRIAK ONARTZEA. Xedea Bermeoko merkataritzea bizibarritzeko plana gauzatzeko laguntza teknikoaren kontratazinorako baldintza-agiriak onartzea. Aurrekariak Bakarra: Bermeoko merkataritzea bizibarritzeko plana gauzatzeko eta planak berak aurreikusten dauzan jarduerak garatzeko laguntza teknikorako zerbitzu kontratuaren administrazio-baldintza zehatzen orriak onartu behar dira. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Bermeoko merkataritzea bizibarritzeko plana gauzatzeko laguntza teknikoaren kontratazinorako baldintza-agiriak onartzea.

15.- “ARRETA SOZIO-SANITARIOA ERAKUNDE SOZIALETAN” IKASTAROA KONTRATETAKO BALDINTZA-AGIRIAK ONARTZEA ETA ESLEIPENA EGITEA. Planteatutako gaia “Arreta sozio-sanitarioa erakunde sozialetan” ikastaroa kontratetako baldintza-agiriak onartzea eta esleipena egitea. Aurrekariak Lehenengoa: Euskal Autonomia Erkidegoan ekintza garrantzitsuak egin dira azkeneko urteetan bertako herritarren lanbide gaitasuna areagotzeko helburuagaz. Horretarako bide izan dira, besteak beste, Prestakuntzako Moduluen Katalogoko ikastaroak, lanean dabilzan langileek egindakoak, baita lan barik dagozanek egindako ikastaroak be. Horretarako bide izan da, halaber, pertsonen lanbide gaitasuna autortzea, apirilaren 27ko 70/2004 Dekretuaren babesean (Berariazko Lanbide Heziketako teknikari eta goi-mailako teknikari tituluak atarateko probak arautu ebazan dekretu horrek). Gaitasuna Ebaluau eta Egiaztatzeko Egiturea ezarteari esker, 2004a ezkeroztik jente ugariri ebaluau, autortu eta egiaztatu jeke lan eskarmentuaren eta formalak ez diran bestelako ikaskuntzen bidez lortutako gaitasunak. Egitura horren buru Lanbide Heziketako Kalitatea eta gaitasuna Ebaluetako Euskal Agentzia izan da, eta egitura hori garagarrilaren 18ko 942/2003 Errege Dekretuaren (Berariazko Lanbide Heziketako teknikari eta goi mailako teknikari tituluak lortzeko proben oinarrizko baldintzak zehaztu ebazan) eta apirilaren 27ko 70/2004 Dekretuaren babesean sortu zan (horrek arautu ebazan Euskal Autonomia Erkidegorako aurreko EDaren aurreikuspenak). Bigarrena: Behargintzatik antolatutako ikastaroaren bitartez parte hartzaileek, laneko eskarmentuaren eta mendeko pertsonen arretaren esparruan aurreikusitako bestelako ikaskuntzen bidez lortutako gaitasuna ebaluetako, autortzeko eta egiaztatzeko erea eukiko dabe. Hirugarrena: Prozesu hau egin ahal izateko eta prestakuntza zentroa aukeratzeko, Lanbide Heziketako Kalitatea eta Gaitasuna Ebaluetako Euskal Agentziak legez ezarritako arauak jarraitu behar dira. Laburbilduz:

- Prestakuntza zentroa Hezkuntza, Unibertsitate eta Ikerketa Sailak homologauta egon behar da.

- Irakasleak be sail horrek homologauta egon behar dira prestakuntzea emongo dan arloan.

- Ikastaroaren ebaluazinoa Lanbide Heziketako Kalitatea eta Gaitasuna Ebaluetako Euskal Agentziak egingo dau.

Argudioak Lehenengoa: SPKLn zehazten danez, esleipen jardunbidea osatzen daben jarduketakaz hasi baino lehen, kontratazino espedientea egin behar da. Txosten honen gaia dan espedientea 93. artikuluan zehaztutakoaren arabera egin behar da eta lege horren 94.1 artikuluak dinoanaren arabera onartu behar da. Bigarrena: SPKLren 141. eta 146. artikuluei jarraiki, Kontratazino organoek prozedura irekia edo prozedura mugatua erabilita egingo dabe esleipena. Jardunbide negoziatua, ostera, aitatutako legean zehaztutako kasuetan baino ez da erabiliko; aholkularitza, laguntza eta zerbitzu kontratuei jagokenez, alegia, 158. artikuluan jasotako kasuetan. Horreek holan, eta kontratu honen organo eskudunaren erabagiari kalterik egin barik, bidezkoa da espediente honetan jardunbide negoziatua erabiltea, 158. artikuluko e) ataleko kasua dalako. Hirugarrena: SPKLren 73-4. artikuluan ezarritakoaren arabera, “jardunbide negoziatua, Administrazinoak behar bezala aukeratutako enpreseari esleituko jako, kontratuaren gorabeherak 92. artikuluak ezarritakoaren arabera enpresaburu bategaz edo gehiagogaz eztabaidatu eta negoziatu ondoren”. Aukera bat bakarrik proposatzen da: GOI MAILAKO LANBIDE HEZIKETAKO BERARIAZKO INSTITUTUA; ZORNOTZA zentroa. Arrazoiak ondorengoak dira:

- Lanbide Heziketako Kalitatea eta Gaitasuna Ebaluetako Euskal Agentziak legez ezarritako arauak beteten dauz.

- Zentro publikoa da. - Hurbiltasuna: arlo sanitarioko ikastaroak emon leikezan inguruko zentro

bakarra da. - Prestakuntza teorikoa amaitzean ikasleek praktikak zonaldean egiteko

erea eukiko dabe. Laugarrena: Kontratu hau arautzeko proposatu diran administrazino baldintza zehatzen agirietan jasotakoa, jardunbidearen kudeaketa beharrei eta baldintzei egokitzen jake, batez be, SPKLren 99. artikuluan eta kideko arauetan ezarritakoari. Bosgarrena: Kontratua gauzatzeko behar dan kontsignazinoa dago. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: “Arreta sozio-sanitarioa erakunde sozialetan” ikastaroa emoteko kontratua jardunbide negoziatu bidez kontratetako administrazino baldintza zehatzen agiria onartzea eta GOI MAILAKO LANBIDE HEZIKETAKO

BERARIAZKO INSTITUTUA; ZORNOTZA zentroari esleitzea, 43.940,00 euroan. 16.- TROPHÉE TEINK 2010 ANTOLATZEKO GASTUA ONARTZEA. Xedea Trophée Teink 2010 antolatzeko gastua onartzea. Argudioak Lehenengoa: Urtero legez, aurten be, abuztuaren 3an, Trophée Teink 2010 helduko da Getxotik Bermeora. Bigarrena: Aurtengo Trophée Teink dala-eta, Bermeoko Udalak 80 lagunentzako afaria eta gosaria emon behar dauz, eta aurrekontua 2.000 € ingurukoa da. Bestalde, Udalaren Kirol Patronatuari Artza Frontoia erabilteko baimena be eskatu jako, lo egiteko. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Kulturako aurrekontuko 00400-45110-226.99.00 partidatik, Trophée Teink 2010 antolatzeko, 2.000 €-ko gastua (A) onartzea. 17.- “EL MENTÓN DE FOGARTY” TALDEAREN KONTZERTUARI JAGOKON GASTUA ONARTZEA. Xedea “El Mentón de Fogarty” taldearen kontzertuari jagokon gastua onartzea. Aurrekariak Lehenengoa: 2008ko urtarrilaren 9an Bermeoko Udalaren eta Bermeoko Kafe Antzokiaren artean hitzarmena sinatu zan, eta urtero lankidetza hitzarmena barritzen da. Aurten 2010eko martiaren 18an sinatu da. Argudioak Lehenengoa: Aurten sinatutako lankidetza hitzarmenean, 2. atalean, 2010. urtean Kultura Sailak Bermeoko Kafe Antzokian 6 kontzertu antolatuko dauzala jasoten da.

Bigarrena: Kontzertu horreetariko bat “El beso de Klimt” eta “El Mentón de Fogarty” taldeena izango da, hain zuzen be, garagarrilaren 24an. Hirugarrena: “El Mentón de Fogarty” taldearen kostua 3.304 €-koa da. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Kulturako aurrekontuko 00400-45110-226.99.00 partidatik 3.304 €-ko gastua eta xedapena (AD) onartzea. 18.- GIZ-EK ANTOLATUTAKO VI. GAZTE BIDAIA ARGAZKI LEHIAKETEAREN GASTUA ONARTZEA. Xedea Bermeoko Gazteentzako Informazino Zerbitzuak antolatutako VI. Gazte Bidaia Argazki Lehiaketearen gastua onartzea. Aurrekariak Lehenengoa: 2006an Gazteentzako Informazino Zerbitzuak lehenengo Gazte Bidaia Argazki Lehiaketea antolatu eban. Orduan 50 argazki aurkeztu ziran. Bigarrena: 2007, 2008 eta 2009. urteetan, ostera, 100 argazki baino gehiago eta 60tik gora partaide izan dira lehiaketan. Hirugarrena: Gazteen harrerea gero eta hobea dala ikusita, aurton be lehiaketea antolatzea erabagi da, seigarren edizinoa daborduko. Argudioak Lehenengoa: Lehiaketara aurkeztutako argazki irabazleakaz hormako eta partikerako egutegiak argitaratuko dira, urtero legez, eta argazki finalistakaz erakusketea antolatuko da abenduaren 3tik 12ra, Nestor Basterretxea aretoan. Bigarrena: Publizidadearen (436,42 €), sarien (675 €), erakusketearen (735,38 €) eta egutegien gastua (1.453,20 €) 3.300 €-koa da. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak:

BAKARRA: 2.625 €-ko gastua onartzea eta xedatzea, GIZeko aurrekontuko „Bidaiateka‟ partidearen (46220.2269945) pentzura eta 675 €-ko gastua onartzea eta xedatzea, GIZeko aurrekontuko 46220.4810308 zenbakidun partidearen pentzura. 19.- GIZ-EK AISIALDIKO BEGIRALE IKASTAROA ANTOLATZEKO GASTUA ONARTZEA. Xedea Bermeoko GIZek 35 urtera arteko herritarrentzat Aisialdiko Begirale Ikastaroa antolatzea 2010/11 ikasturtean. Aurrekariak Lehenengoa: 2008/2009 ikasturtean, GIZek Begirale Ikastaroa antolatu eban Gaztetxo Eskolagaz alkarlanean. Izan be, ordura arte, herriko gazteak Bilbora edo Euskaditik kanpora joan beharra euken begirale titulua lortzeko. Ikastarorako 22 gaztek emon eben izena. Bigarrena: 2009/2010 ikasturtean, barriz, 25 izan dira ikastaroa egin daben herriko gazteak. Momentu honetan, praktikak antolatzen gabilz, eta askok udaleko gazteria zerbitzuetan egingo dabez: Gaztelekua, Ludoteka eta Udaleku Irekiak. Argudioak Lehenengoa: 2010/2011 ikasturtean be ikastaroa antolatzea erabagi da. Hori aurrera atarateko, gitxienez, 15 gaztek emon beharko dabe izena eta gehienez, ostera, 25ek. Ikastaroa 2010eko urritik 2011ko maiatzera bitartean egingo da. Ostean, praktikak egingo dira. Bigarrena: Gastu osoa 8.630,00 €-koa da, iazko berbera, Gaztetxo Eskolagaz adostutakoaren arabera. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Ikastaroa antolatzeko 8.630 €-ko aurrekontua onartzea eta xedatzea, GIZeko „Bermeoko Gazteen Ekimenak‟ partidearen (46220.2269904) pentzura.

20.- SAN MIGEL AUZOKO JAIAK ANTOLATZEKO AMAIA ELORZA ELORTEGI ANDREAK EGINDAKO DIRULAGUNTZA ESKARIA. Xedea San Migel auzoko alkatea dan Amaia Elorza Elortegi andreak San Migel jaiak ospatzeko egindako dirulaguntza eskaria. Argudioak Lehenengoa: Dirulaguntza hau Osoko Bilkureak 2010eko urtarrilaren 21ean onartutako kale eta auzoetako jaiak ospatzeko 2010eko dirulaguntzen oinarri berezietan oinarrituta onartzen da. Bigarrena: San Migel auzoko alkate andreak jaien antolaketarako aurkeztutako 12.350 €-ko aurrekontua eta egitaraua. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Aurrekontuko 00400-45400-481.03.03. partidatik, San Migel auzoko San Migel jaiak antolatzeko, Amaia Elorza Elortegi andreari 6.400 €-ko dirulaguntzea (ADO) emotea. BIGARRENA: Jai batzordeak emondako beste dirulaguntzetan legez, kaleratzen diran iragarki guztietan laguntzaile modura, Bermeoko Udalaren Jai batzordearen logotipoa azaldu behar dala jakinarazotea. HIRUGARRENA: Euskerearen ordenantzeak xedatzen dauzan kultura, aisialdi alkarte, musika talde eta bestelakoei dirulaguntzak emoteko baldintzak bete behar dauz dirulaguntzearen jasotzaileak. LAUGARRENA: Dirulaguntza hau Osoko Bilkureak 2010eko urtarrilaren 21ean onartutako “Kale eta auzoetako jaiak ospatzeko 2010eko dirulaguntzak” –2006ko martiaren 29ko Osoko Bilkureak Bermeoko Udaleko dirulaguntza emakidearen ordenantza erregulatzailean– xedatutakoaren araberako oinarri berezietan oinarrituta emoten da.

21.- AITA GURIA BALEONTZIAREN ETA ORTUBE ETA JORGE ITSASONTZIEN EGOEREA DALA-ETA, ERANTZUKIZUNA ARGITZEKO ZABALDUTAKO ESPEDIENTEAREN IRAUNGIPENA ALDARRIKATZEA ETA BARRIA ZABALTZEA. Xedea Aita Guria Baleontziaren eta Ortube eta Jorge itsasontzien egoerea dala-eta, erantzukizuna argitzeko zabaldutako espedientearen iraungipena aldarrikatzea eta barria zabaltzea. Aurrekariak Lehenengoa: 2009ko irailaren 15ean Tokiko Gobernu batzarrak, Aita Guria, Ortube eta Jorge itsasontzien egoerearen ondorioz, egon leitekezan erantzukizunak argitzeko espedientea zabaltzea erabagi eban. Bigarrena: 2009ko irailaren 28an, Alkatetzaren Probidentzia bidez, espediente-egilea eta idazkaria izentetea erabagi zan. Hirugarrena: Ordutik eta gaur egunera espedientea izapidetzeari ekin jakon, alegazino epeak eta frogaldi faseak zabalduta eta frogak egikarituta. Laugarrena: 2010eko garagarrilaren 12an espediente-egileak probidentzia emon eban, besteak beste, espedientearen iraungipena aldarrikatu eta barria zabaltzeko proposatuta Tokiko Gobernu Batzarrari Argudioak Bakarra: Aitatutako probidentzian adierazoten danari jarraiki, 30/1992 Prozedura Legeko 42.2 artikuluan xedatutako erabagi eta jakinarazoteko gehienezk epea gainditutzat emon behar dira, ia 10 hile igaro diralako espedientea zabaldu zanetik. Hori holan, espedientea iraungitzat emon behar da, beste bat zabaldu eta aurrekoan egindako diligentzia eta egintzak baliozkotzat emotearen kalte barik. Bestalde, lege bereko 84.1 artikuluak agintzen dauenaren arabera, erabagi proposamena emon aurretik, interesdunari entzunaldia emon behar jako, alegazinoak aurkezteko aukerea emoteko. Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Aita Guria baleontziaren eta Ortube eta Jorge itsasontzien egoerea dala-eta, erantzukizuna argitzeko zabaldutako espedientearen iraungipena aldarrikatzea eta beste bat zabaltzea.

BIGARRENA: Iraungitako espedientean egindako diligentziak eta egintzak baliozkotzat emotea, eta aurreko espedientean jasotako agiri guztiak beste honetara ekartea. HIRUGARRENA: Iraungitako espedientean izentautako espediente-egilea eta idazkaria berrestea eta, zabalduko dan espediente barriaren espediente-egile eta idazkari izentetea, hau da, ASIER GABANTXO LARANDAGOITIA jauna espediente-egile eta KARMELE MUÑOA ARRIGAIN andrea idazkari. LAUGARRENA: Aurreko diligentziak, egintzak eta agirien bilketa baliozkotzat emoten diran ezkero, erabagi proposamena emon aurretik, 15 laneguneko entzunaldia emotea interesdunari, espedientea ikusteko aukerea emoteko eta gura dauzan alegazinoak eta agiriak aurkeztu daizan. 22.- ALKATETZA DEKRETUAK Alkatetza dekretuen barri emon da, udaleko Tokiko Gobernu Batzarra jakitun geratu daiten. Preminatasuna guztien oneretxiagaz autortuta, eguneko gai zerrendatik kanpo, honeek erabagiak hartu dira: 23.- BERMEOKO UDALEKO PLANTILLAN HAINBAT PLAZA JAUBETZAZ BETETEKO DEIALDIA ETA OINARRIAK ONARTZEA. Xedea Bermeoko Udaleko plantillan hainbat plaza jaubetzaz beteteko deialdia eta oinarriak onartzea. Aurrekariak Lehenengoa: Bermeoko Udaleko Tokiko Gobernu Batzarrak 2004ko martiaren 15ean izandako batzarrean, 2004. urterako Lan Eskaintza Publiko onartu eban. Bigarrena: 2004ko martiaren 10ean Langileen ordezkariakaz izandako batzarrean, Herri lanetarako peoi plaza bat eta Kale garbiketarako (3) hiru peoi plaza beteteko hautaketa prozesuak arautuko ebezan oinarri bereziak eztabaidatu ziran. Hirugarrena: 2009ko irailaren 4an izandako Osoko Bilkureak 2009. urterako Lan Eskaintza Publikoa onartu eban eta bete barik dagozan beste plaza batzuen artean hiru (3) udaltzain plaza agertzen dira.

Argudioak Lehenengoa: Kontuan izanda oinarriak onartu ziran datatik gaur arte legediak izan dauzan aldaketa nabariak, ezinbestekoa da onartutako oinarri orokorrak eta bereziak eguneratzea, gaurko legedira eta beharrizanetara egokitzeko. Bigarrena: 2009. urterako onartutako Lan Eskaintza Publikoari jagokonez, eta zerbitzuaren beharrizanak aintzat hartuta, beharrezkotzat joten da bete barik dagozan hiru (3) udaltzain plazak lehenbailehen hornitzea, eta, beraz, bete barik dagozan horreei plazei lehentasuna emotea. Hirugarrena: 2010eko maiatzaren 27an, langileen ordezkariakaz izandako batzorde teknikoan, honako oinarriak aurkeztu jakez:

- Bermeoko Udaleko plantillan plazak jaubetzaz beteteko deialdiaren oinarriak

- Bermeoko Udaleko Udaltzaingorako hiru (3) agente hautatzeko probak arautuko dabezan oinarri bereziak.

- 2004. urteko lan eskaintza publikoa: Kale Garbiketarako hiru (3) peoi plaza beteteko hautaketa prozesua arautuko daben oinarri bereziak.

- 2004. urteko lan eskaintza publikoa: Herri lanetarako peoi plaza bat beteteko hautaketa prozesua arautuko daben oinarriak.

Laugarrena: 2010eko bagilaren 10ean langileen ordezkariakaz izandako batzorde teknikoan aurkeztutako proposamena eztabaidatu zan, eta langileen ordezkariek egindako proposamenak batu ziran. Bosgarrena: Aitatutako batzarrean planteatutako aldaketa eta egokitzapen batzuk egin ondoren eta dokumentazinoa sindikatuen artean banatu eta gero, 2010eko garagarrilaren 6an izandako batzarrean, langileen ordezkariek adostasuna agertu eben, udaltzain lanpostuei ezarritako hizkuntza eskakizunaren gaian izan ezik.

Erabagia Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: BAKARRA: Bermeoko Udaleko plantillan hainbat plaza jaubetzaz beteteko deialdia eta oinarriak onartzea:

- Bermeoko Udaleko plantillan plazak jaubetzaz beteteko deialdiaren oinarriak.

- Bermeoko Udaleko Udaltzaingorako hiru (3) agente hautatzeko probak arautuko dabezan oinarri bereziak.

- 2004. urteko lan eskaintza publikoa: Kale Garbiketarako hiru (3) peoi plaza beteteko hautaketa prozesua arautuko daben oinarri bereziak.

- 2004. urteko lan eskaintza publikoa: Herri lanetarako peoi plaza bat beteteko hautaketa prozesua arautuko daben oinarriak.

24.- GATAZKARI ETA LANEKO JAZARPENARI AURRE EGITEKO JARDUERA PROTOKOLOA ONARTZEA. Xedea Gatazkari eta laneko jazarpenari aurre egiteko jarduera protokoloa onartzea. Aurrekariak Lehenengoa: 2009ko zemendiaren 12an Lan osasun eta segurtasun batzordeak izandako batzarrean honako hau proposatu eutson Langileria batzordeari:

“Lehenengoa: Aurkezten den laneko jazarpen egoeretarako jarduera protokoloaren idatz zati bat aldatzea langileen ordezkarien partez. Bigarrena: Aldaketak onartu eta gero aho batez onartzen da jazarpenari aurre egiteko protokoloa. Hirugarrena: Protokolo hau onartzerakoan Langileria Sailera bideratzea bertan onar dezaten.”

Bigarrena: 2009ko zemendiaren 26an Langileria batzordean, langileen ordezkariakaz izandako batzarrean, Lan osasun eta segurtasun batzordeak proposatutako lan jazarpen egoeretarako jarduera protokoloa banatu zan. Hirugarrena: 2009ko abenduaren 4an ELA sindikatuko ordezkariek honako hau proposatu eben:

“Horren aurrean eta ikusirik oinarrizko arloetan hutsune nabarmenak detektatu doguzala ezin gara proposatutako testuagaz ados egon eta horren ordez erantsita joatzue gure sindikatuko proposamena, beste udalerri batzuetan aplikatzen ari dana.”

Argudioak Lehenengoa: Udalak aurkeztutako proposamena eta ELA sindikatuak proposatutako testua bateratu ondoren, eta gai horretan aditua dan enpresa aholkulariakaz landu ondoren, testu bateratua prestau da, eta langileen ordezkariei aurkeztu jake.

Bigarrena: 2010eko garagarrilaren 6an langileen ordezkariakaz izandako batzarrean CCOO, LAB eta UES sindikatuetako ordezkariek adostasuna emon deutsie proposatutako jarduera protokoloari. LAB sindikatuko ordezkariaren ustez, protokoloa irekia izan behar da, eguneroko errealidadera egokitzeko jagokozan aldaketak egitea ezinbestekoa dalako.

Erabagia

Goian aitatutako guztia kontuan hartuta, aho batez, honako hau erabagi dau Tokiko Gobernu Batzarrak: LEHENENGOA: Gatazkari eta laneko jazarpenari aurre egiteko jarduera protokoloa onartzea. BIGARRENA: Lan osasun eta segurtasun batzordeari erabagi honen barri emotea. 25.- ESKARIAK ETA ITAUNAK.

Alkate jaunak gai honeen inguruan egin dau berba: - Lurkoiko ordezkariakaz asteon izango dauen batzarra. - Bihar, PEBASAko ordezkariakaz izango dauen batzarra. - Arratsaldeko lauretan Carmen egunaren ospakizuna dagoala adierazo

dau. - Datorren martitzenean, garagarrilak 20, Urdaibaiko Patronatuko

teknikariakaz izango dauen batzarra. - Garagarrilaren 21ean, Madalen bezperea, Madalena egunaren azken

koordinazino batzarra egingo dala adierazo dau. Eta aztertzeko gai gehiago barik, lehendakari jaunak amaitutzat emon dau batzarra goiburukoan aitatutako ordu, egun eta leku berean, eta eztabaidatutakoa eta erabagitakoa jasota geratu daiten, nik, idazkariak, agiri hau egin eta izenpetzen dodanak, horren fede emoten dot, lehendakariaren oneretxiagaz. Agiri hau Euskal Autonomia Erkidegoko toki administrazinoko ........(e)tik .......(e)ra arteko zenbakidun paperean jaso da.