Dossier - Pedro e o lobo - Fantoches Baj
-
Upload
imaxeurdime -
Category
Documents
-
view
237 -
download
6
description
Transcript of Dossier - Pedro e o lobo - Fantoches Baj
Fantoches Baj presenta:
ANTECEDENTES.
Pedro e o Lobo de Prokofiev é o grande clásico dos concertos didácticos para a infancia. Desde a súa estrea en 1936
foron acometidas innúmeras postas en escena por todo o mundo con moi diferentes plantexamentos. Pero quizais o máis
repetido é o modo en que Prokofiev a estreou, a saber: un narrador que vai contando a historia de Pedro e o seu
enfrontamento co lobo, ao mesmo tempo que vai tendendo pontes coa orquestra e enunciando como a música, cos seus
timbres, melodías e ritmos é capaz de evocar espazos e personaxes e incluso describir accións. A partires de aí, desa
proposta narrativa, o resto, polo normal, sexan no cine, danza, teatro con actores ou marionetas; representan a historia e
o narrador desaparece ou pasa a un segundo plano.
A PROPOSTA
A proposta de Fantoches Baj para esta nova posta en escena de “Pedro e o Lobo” é conciliar estes dous grandes modos
de facer esta obra, unindo o relato do narrador (ou narradores) coa representación das accións que se describen ou
evocan na música. Para elo escollemos para representala marionetas feitas coa técnica do bunraku, pois esta técnica de
manipulación a vista, sobre mesa, permite que convivan sen dificultade eses dous planos, obrigando ao manipulador a
alternar entre as dúas funcións de narrador e de actor.
A nosa proposta tamén difire do clásico en que en vez de situar a historia nun mundo rural aillado da modernidade, nos
contextualizamos o conto de “Pedro e o lobo” nunha estación de tren pechada, nun espazo que quixo ser moderno,
pero que finalmente foi abandonado e que a natureza comeza a recuperar. Por iso os que nos contan a historia son tres
antigos operarios do ferrocarril, apaixonados polos trens, que deixaron o seu traballo de desmontadores de
estacións para converterse en donos dun parque infantil.
O tradicional conto de Pedro e o lobo coa marabillosa música de Prokofiev nun entorno de maqueta de
ferrocarril para contar aos pequenos unha historia de emocións humanas: a superación, o amor, a vinganza, o
medo e o orgullo e finalmente unha defensa do lobo e da necesidade de valorar a natureza.
SINOPSE
Pedro e Irati son un matrimonio de fillos e netos de traballadores do ferrocarril, donos agora dun parque temático
onde se recrea en miniatura un circuíto dun antigo tren a vapor. Hoxe, utilizando algúns dos elementos escenográficos
do seu parque (a estación de Montefurado, o vagón-vivenda do avó, unha augada e un bosque) cóntanlle a xente
como se coñeceron na estación abandonada de Montefurado nun día en que toda a aldea andaba a procura dun lobo, de
como Pedro cazou o lobo para facerse o valente e vingarse de que lle papara a seu “pata Branca” e como finalmente
Irati convence a Pedro para que perdoe ao lobo e o deixe retornar ao seu ámbito natural, o bosque.
FORMATO DO ESPECTÁCULO
Trátase dun musical de teatro que se pode interpretar de dous xeitos:
-Formato de teatro con Banda de música interpretado en directo: Benxamín Otero fixo os arranxos
músicas para ser interpretadas por unha banda de música que acompañará a dramatización, o grupo
proporcionará a banda as Partituras e farase un ensaio previo.
A compañía traballou nunha experiencia similar co espectáculo “As Pombas de Carboeiro”
interpretado con 20 bandas de música de todo Galicia, acadando unha fabulosa crítica tanto a nivel
musical como teatral.
-Formato teatral: Inacio Vilariño, Luís Iglesias e Laraitz Urruzola, porán en escena o espectáculo sen a
interpretación en directo por parte da banda, apoiándose nas músicas que irán soando no transcurso do
espectáculo.
ELENCO
Irati, a pata e o paporrubio....................................................................................... Larraitz Urruzola
O avó Isolino, Antón o cazador e o lobo................................................................. Luís Iglesias (Luchi)
Pedro e o gato........................................................................................................... Inacio Vilariño
Dirección e adaptación do texto ……………………………………..…………… Inacio Vilariño
Arranxos musicais ………………………………………………………..…Benxamín Otero
Iluminación ……………………………………………………………………..... Xacobe Castro
Escenografía ………………………………………………………….……………Luchi e Inacio
DISTRIBUCIÓN: www.urdime.net | [email protected]
T .+34 881895403 | M. +34 679946957 | M. +34 619920335