Ebaluazio txostena. Berrizburu kiroldegia [email protected] Web orria Arduraduna Aizpea...

Berriz kirola 2012

Berrizburu kiroldegia Ebaluazio txostena

Berrizburu kiroldegiaEbaluazio txostena

Enpresa Berrizburu kiroldegia

Helbidea Learreta Markina z/g

Udalerria Berriz Posta kodea 48240

Telefonoa 946826244 Faxa 946824374

Helbide elektronikoa

[email protected] Web orria

Arduraduna Aizpea Uribe

Lanpostua

Telefonoa Helbide elektronikoa

1/12

2012-06

Berriz kirola 2012


Edukien aurkibidea1 . Sarrera............................................................................................................3

2 . Erakundea ......................................................................................................41.Misioa eta Bisioa.......................................................................................................................42.Jarduera nagusia eta Produktuak..............................................................................................43.Organigrama/antolaketa............................................................................................................44.Kudeaketa sistemak ................................................................................................................. 45.Komunikazioa............................................................................................................................ 5

3 . Balorazio orokorra.........................................................................................6Indarguneak.................................................................................................................................. 6Hobetzeko ildo nagusiak..............................................................................................................6

4 . Lortutako puntuazioa....................................................................................7

5 . Hobetzeko proposamen zehatzak................................................................8

2/12

Berriz kirola 2012


1. SarreraBerrizko Udalak 2008tik garatzen dituen egitasmoen artean kirol munduan euskararen presentzia areagotzeko egitasmoa dago, eta horren barruan kokatzen da “Berrizko kirol elkarteetan hizkuntzen kudeaketa” proiektua.

HELBURUA: 2012an, Berrizko udalak kiroldegia eta 8 kirol elkarte euskararen erabilera normalizatzeko bidean jarri nahi izan ditu. Horretarako, Berrizburu kiroldegian eta elkarte bakoitzean diagnostikoa egin da, indarguneak eta hobetzekoak detektatu ahal izateko.

Bestalde, Berrizko udalak euskararen erabilera sustatu eta normalizatzeko egin nahi dituen moldaketetan Berrizko kiroldegia eta kirol elkarteen iritzi, kezka eta beharrak jaso eta kontuan hartu nahi ditu.

NORI ZUZENDUA: Berrizko kiroldegiari eta kirol elkarteei.

PROZEDURA: Egitasmoan parte hartzea erabaki duten elkarteetan, Udalak hizkuntzaren inguruko diagnosi bat egin du , elkarte bakoitzak duen hizkuntza abiapuntua neurtzeko.

Diagnosi hori egiteko, AHIZE-AEK hizkuntza aholkularitza kontratatu du Berrizko udalak, eta HPSk LanHitz programaren barruan definituta duen Erreferentzia Marko Estandarra (EME) erabili du horretarako.

Hurrengoak dira aztertuko diren ardatzak:

Komunikazioa eta irudi korporatiboa

Kanpoko harremanak

Barneko harremanak

Hizkuntza-kudeaketa

Diagnostikorako informazioa lortzeko erabilitako iturriak:

Erakundeak bere jarduerari buruzko informazioa eman du.

Erakundeko solaskideei elkarrizketa egin zaie.

Erakundearen egoitza bisitatu da.

Dokumentu laginak aztertu dira.

Diagnosia egin ondoren, AHIZE-AEK hizkuntza aholkularitzak elkarte bakoitzaren neurketaren emaitza jasotzen duen txostena egingo du. Baita zehaztu ere elkarteak euskararen normalizazioan aurrera egiteko zein urrats eman beharko lituzkeen. Txosten hori elkarteari eta Udalari helaraziko die AHIZE-AEK-k.

3/12

Berriz kirola 2012


2. Erakundea 1. Misioa eta Bisioa

Berrizburu kiroldegiaren misioa eta bisioa dira: Kirola sustatzea, kirola eginez osasuna zaintzea eta aisialdia antolatzea.

2. Jarduera nagusia eta Produktuak

KIROLDEGIAREN ERABILERA ERREGULATU.

Instalazioen erabilpena kontrolatu:

Kirol taldeen entrenamenduak antolatu

Alokairuak kudeatu

Harpidetzak gestionatu:

Harpidedunen ordainketak kudeatu

Urzabaleko egoitzaren harpidedunak kudeatu

Herritarrei informazioa eman:

Ikastaroen inguruko informazioa eman

Igerilekuko informazioa eman

Udalarekin harremana izan

3. Organigrama/antolaketa

Udala (kirol zinegotzia)

Kirol teknikaria Garbitzailea Mantenua

Harrera Xaker Begirale/sorosleak

4. Kudeaketa sistemak

Prozesuak/ prozedimenduak:

Harpidetzak kudeatzeko programa informatiko bat (Gespornet).

Errolda eta sarrera/irteeren kontrolerako aplikazioak.

Kalitatea: Kalitatearen inguruko sistemarik ez daukate.

Lan-arriskuen prebentzioa:Osasuna eta lan-arriskuen plan, araudi, eskuliburuak.

Ingurumena: ez daukate ingurumen planik.

4/12

Berriz kirola 2012


5. Komunikazioa

Komunikaziorako hainbat baliabide:

Udalaren web gunea: www.berriz.org

E-postaren bidez: barne komunikazioa, udalarekin hartu-emana eta hornitzaileekin kontaktua.

Karteleria eta esku-orriak bezero eta erabiltzaileekiko harremanetarako.

Leihatila eta telefono bidezko harrera.

5/12

http://www.berriz.org/

Berriz kirola 2012


3. Balorazio orokorraBerrizko Berrizburu kiroldegiak euskaraz funtzionatzeko gaitasuna badu, eta gainera

pertsona batzuek horretarako jarrera eta ekimena badaukate.

Udalaren menpeko zerbitzu bat izanik, Berrizko Udalaren euskararen ordenantzak zehaztu eta agindutakoa betetzen du kiroldegiak.

Oro har, idatzizkoan elebitasunerako joera nabarmendu behar da eta ahozko harremanetan euskaraz gaztelaniaz baino gehiago egiten da.

Beraz, erabiltzailearen hizkuntza eskubideak bermatuta daude, harreran, komunikazioan eta zerbitzu/ikastaro gehienetan.

Indarguneak

Hizkuntza-paisaia eta irudi korporatiboari dagokion errotulazio guztia elebitan edo euskara hutsez dago.

Harrera, telefonoz nahiz aurrez aurre euskaraz egiten da, eta horrela jasota dago hizkuntza irizpideetan.

Bezero eta erabiltzaileek, ia zerbitzu guztia euskaraz jasotzeko aukera bermatuta daukate.

Barne harremanetan, komunikazio horizontal eta bertikala euskaraz da gehienbat.

Hizkuntza irizpideak (Berrizko Udalaren euskararen ordenantzak) zehaztuta dituzte eta idatziz jasota.

Hobetzeko ildo nagusiak

Orokorrean, langile guztien hizkuntza gaitasuna bermatuta izan arren, ahozko harreman informaletan gaztelaniaz egiteko ohitura dago.

Kanpo-harremanetan: hornitzaileekin eta azpikontratazioekin idatzizko harremanak gaztelaniaz dira gehienetan.

Hainbat aplikazio informatiko gaztelaniaz daude.

Erabiltzaileei eskaintzen zaizkien ikastaro batzuk gaztelaniaz dira.

6/12

Berriz kirola 2012


4. Lortutako puntuazioaBerrizko Berrizburu kiroldegiak lortutako puntuazioa da:

LORTUTAKO PUNTUAZIOA GUZTIRA 683,25

Lehenengo eta bigarren mailako itemei dagokienez, hau da lortu duen garapen maila:

ARDATZAK %1. Komunikazioa eta irudi korporatiboa 70-1001. Hizkuntza-paisaia eta irudi korporatiboa 70-100 952. Harrera 70-100 802. Kanpoko harremanak 30-703. Bezeroak 70-100 854. Produktua/Zerbitzua 70-100 805. Hornitzaileak 0-30 306. Finantza-erakundeak 0-30 307. Administrazioa 70-100 808. Kanpoko beste harreman batzuk 0-30 03. Barneko harremanak 30-709. Lanari buruzko hizkuntza-paisaia 70-100 7510. Pertsonen kudeaketa / Giza baliakizunak 70-100 8511. Laneko prestakuntza 30-70 4012. Baliabide informatikoak 30-70 4013. Komunikazio horizontal eta bertikala 30-70 5514. Kudeaketa-sistemak 0-30 1515. Estrategia / Kudeaketa orokorra 70-100 854. Hizkuntza-kudeaketa 70-10016. Hizkuntza-politika 70-100 9017. Pertsonak 70-100 8518. Baliabideak 70-100 75

7/12

Berriz kirola 2012


5. Hobetzeko proposamen zehatzakHauek dira urtebeteko epean egitea proposatzen ditugun aldaketak.

Ardatza / hobekuntza

Komunikazioa eta irudi korporatiboa

Kanpo errotulazioa

o Eraikinaren errotulazio guztiek hizkuntz irizpideak betetzen dituzte, euskararen erabilera bermatuta izanik. Gainera, kasu askotan, errotuluak euskara hutsez daude eta beharrezkoa denetan piktogramak lagunduta.

Harrera lekua eta barne errotulazio finkoa eta aldakorra

o Barne errotulazioa orokorrean, euskara hutsez edo elebitan dago.

o Errotulazio aldakorra eta behin-behinekoa ere euskaraz edo euskaraz eta gaztelaniaz dago. Gainera, irizpide hau eskuz egindako karteletan ere betetzen da.

o Ingurumen eta segurtasun aitortza-agiriak eta protokoloak, gaztelaniaz daude. Besteak beste, instalazioen eta igerilekuen aldizkako kontrolaren agiriak. Hornitzaileari euskaraz ere jartzeko txantiloia eskatzea komeniko litzateke.

Papeleria, zigiluak eta webgunea

o Hizkuntz irizpideak betez herritarrek jasotzen dituzten esku-orriak... elebitan daude.

o Euskara hutsezko ereduak ere izatea gomendatzen da. Hala, herritarren aldetik eskaera izanez gero, euskarazkoa soilik eskaini ahal izateko.

8/12

Berriz kirola 2012



Kanpo-harremanak

Bezeroak (erabiltzaileak)

o Erabiltzaile edo herritarrari helarazten zaizkion idatzizko dokumentu orokor guztietan euskararen presentzia bermatuta dago.

o Euskara hutsezko ereduak erabiltzeko aukera aztertu.

o Euskara hutsezko komunikazioaren eskaera egin dutenen kasuan, komunikazioa euskara hutsean egingo da.

o Erabiltzaile euskaldunen errolda prestatu: Bazkidetza egitera hurbiltzen direnean, hizkuntza aukeraz galdetu eta horren erregistroa egin, erabiltzaile euskaldunen errolda osatzeko.

o Pertsonalak edo indibidualak diren idatzizko gutun eta mezu elektronikoak, erabiltzaileari euskara hutsean erantzun, euskararen udal ordenantzak dioena betez.

o Herritar elebakarrei elebitan bidaltzeko irizpidea jarraitu.

o Ahozko harremanetan lehenengo hitza beti euskaraz. Ondorengo elkarrizketa, erabiltzaileak aukeratzen duen hizkuntzan izango dela bermatu.

Zerbitzua

o Zerbitzuaren inguruan ematen den informazio guztia elebitan dago. Besteak beste, ikastaroetako informazioa, arauak, izena emateko fitxak...

o Emangarri hauek normalean, txantiloi batean oinarrituta daude eta, urterik urte, asko errepikatu egiten dira. Euskarazko bertsioak izatea gomendagarria izango litzateke, nahi duen herritarrari emateko.

o Erabiltzaileak inprimakiak euskaraz eskura izango dituela bermatu.

o Eskaintzen diren kirol ikastaro guztiak gutxienez bi hizkuntzetan izan daitezen saiatu, erabiltzaile euskaldunen hizkuntza aukera errespetatuz.

9/12

Berriz kirola 2012



Hornitzaileak

o Hainbat hornitzaileekin harremana gaztelaniaz da. (Hispadata -arazo informatikoak konpontzeko enpresa-). Dena den, batzuekin idatzizko harremana, intzidentzia abisua, adibidez, elebitan helarazten zaie.

o Euskararen udal ordenantzak dioenaren jarraipena egin eta betetzeko protokoloak zehaztu: “Udalak, hornitzaile diren enpresei eta azpikontratatutako enpresei eskatuko die bidali beharreko dokumentazioa ele bietan idatz dezatela. Halaber, euskara ofiziala den eremuko erakunde horiek igorritako dokumentazioa gaztelania hutsean jasoko balitz, agiri horiek itzuli eta euskaraz idatzita bidaltzeko prozedura jarriko du abian Udalak”.

o Hornitzaile euskaldunen zerrenda egin.

o EAE-koak diren hornitzaileekiko komunikazioetan (gutunak, mezu elektronikoak…) euskararen presentzia bermatu.

o Merkataritza-inprimaki/dokumentuak euskaratu. Beraz, ele anitzak sortu.

Administrazioa (Udala)

o Udaleko zerbitzu eta arduradunekin izaten diren harremanak euskaraz izango direla bermatu, bai ahoz baita idatziz ere.

o Bilerak, eta hauetarako beharrezkoak diren idatzizko euskarriak ( gai ordenak, aktak...) euskaraz izan daitezen urratsak eman. Euskararen ordenantzak jasotakoa betez.


Barne harremanak

Lanari lotutako hizkuntza paisaia

o Armairu, apal, karpeta, artxibo eta gainerako errotulazio txikia euskaraz dago, gehienbat. Langileen ekimenez daude laneko errotulazioko oharrak euskaraz jarrita.

o Karpeta eta apaletako errotulazioan egin den bezala, ekipamendu orokorreko errotulazioa ere euskaraz jartzea gomendatzen da, hau gehienbat gaztelaniaz baitago (inprimagailu, fotokopiagailu, edarien makinak...)

o Kafe-makinako instrukzioak ele bietan jarri daitezkeen eskaera egin hornitzaileari eta hala badagokio euskaratu.

o Makinen errotulazioa, botoiak eta plakak euskaraz edo elebitan jartzen jarraitzeko gomendioa egiten da.

10/12

Berriz kirola 2012



Barne harremanak

o Lan-arriskuen prebentzioaren ildoko errotulazioa, su-itzalgailuetako etiketak adibidez, ele bietan izan daitezela ziurtatu eta hala jakinarazi hornitzaileari (Bizkor).

Pertsonen kudeaketa/ GG.BB.

o Pertsonen administraziorako idatzi eta inprimakiak, nomina, ordutegiak, egutegiak, bilera-deiak... euskaraz ere egiten dira.

o Barne komunikazio orokorra euskaraz da.

Laneko prestakuntza

o Prestakuntza orokorra eta berariazko prestakuntza gaztelaniaz da, bai idatzizko materiala baita ikastaroetako ahozko azalpena. Horiek euskaraz ere izateko urratsak ematea gomendatzen da. Kontuan izanda langileen %100 euskalduna dela, euskarazko prestakuntza bermatzeko saiakera egin beharko litzateke. Horretarako hornitzaile eta formatzaile desberdinengana joz.

Baliabide informatikoak

o Langileek erabiltzen dituzten ordenagailuetan software estandarra gaztelaniaz da. Urrats txiki batzuk emanda, oso modu errazean instala daiteke ofimatika euskaraz.

o Hainbat berariazko software-k bi hizkuntzetan erabiltzeko aukera eskaintzen dute, besteak beste, Gespornet, Sarrera-irteerak kudeatzeko aplikazioa...eta langileek euskaraz erabiltzen dituzte.

o Beste sistema batzuek (kiroldegiko kamerak edota Urzabalgo kamerak) aldiz, gaztelaniazko edota ingelesezko bertsioak soilik dituzte. Hizkuntza aniztasuna kontsultatzeko aukera aztertu beharko litzateke. Ageriko elementuetan gutxienez.

Komunikazio horizontala eta bertikala

o Lan bilerak euskaraz izaten dira.

o Langileen arteko ohiko elkarrizketa gehienak euskaraz dira baina 2-3 langilerekin ez dira beti horrela izaten. Kasu horietan langile horien euskara maila baxua delako.

o Gomendagarria litzateke langile horien ahozko euskara maila hobetzeko Berbalagun edo antzeko egitasmoren batean parte hartzen animatzea/laguntzea.

11/12

Berriz kirola 2012



Kudeaketa-sistema

o Lan arriskuen prebentzioarekin lotutako plana, jakinarazpen, txosten eta abar gaztelaniaz dira. Horiek euskaraz ere izateko urratsak eman.

Estrategia/kudeaketa orokorra

o Urteko kudeaketa plana, organigrama, balantzeak... euskaraz edo elebitan egiten dira hauek.


Hizkuntza-kudeaketa

Hizkuntza politika

o Euskararen erabilera sustatu eta normalizatzeko Berrizko udal ordenantza langileen artean zabaldu, ezarri, ezarpenerako baliabideak eskaini eta betetze mailari jarraipena egin.

Pertsonak

o Euskara ikasi eta erabiltzeko laguntza eskaini gaitasun apalagoa duten langileei.

o Trebakuntza eskaini behar duten langileei.

o Lanpostuen hizkuntza eskakizunak zehaztuta dituzten langileei laguntza eman eskakizunak egiazta ditzaten.

o Langileen hizkuntza ohituretan eragiteko motibazio saioak eskaini beharko lirateke.

Baliabideak

o Euskara zerbitzuko teknikariaren laguntza idatzizkoak euskaraz sortu eta zuzentzeko.

o Xuxen zuzentzailea eta Euskalbar tresnabarra instalatu lana euskaraz ere egingo duten langileen ordenagailuetan, terminologia kudeatzen laguntzeko.

12/12

Ebaluazio txostena. Berrizburu kiroldegia [email protected] Web orria Arduraduna Aizpea...

Documents

Transcript of Ebaluazio txostena. Berrizburu kiroldegia [email protected] Web orria Arduraduna Aizpea...