© dos textos, Teresa Moure

© das ilustracións, Leandro Lamas

© Editorial Galaxia, S. A., 2008

Avenida de Madrid, 44 baixo · 36204 Vigo

www.editorialgalaxia.com

Deseño gráfico e maquetación Desoños

ISBN 978-84-9865-148-5

Depósito Legal VG 18-2009

Impresión Gráficas Lizarra

En canto nos vimos, souben canto nos iamos querer.

E iso que parecías preocupada, como se unha enorme responsabilidade estivese a caer sobre ti.Porque, a pesar do meu pequeno tamaño, eu xa tiña grande importancia!

Desde o primeiro momento soubeches como vestirme e bañarme.Sabías como cambiar os cueiros.Mesmo sabías como curar a miña pupa do embigo.

Como ti o sabes todo, mamá, cando me sentín mal, déchesme a volta e deixou de me doer a barriga.Ai, mamá, ti si que me entendes!

Despois chegaron as visitasA avoa dicía: “É igual que a defunta tía Anastasia”.A veciña repetía: “Igual, igual, como dúas pingas de auga”, aínda que nunca vira a tía Anastasia. Rita chegou co seu can Max dicindo: “Quen é a túa tiíña preferida?”, mentres che pedía que a deixases quitarme a pasear.Facían moito ruído e púxenme a chorar...