EMIGRACIÓN/INMIGRACIÓN
-
Upload
departamento-xeografia-e-historia -
Category
Documents
-
view
218 -
download
2
description
Transcript of EMIGRACIÓN/INMIGRACIÓN
EU CHEGUEI “Datos Persoais”
Nome e Apelidos: Seung-Ha Sin
Data de Nacemento: 24-01-1958
Lugar de Nacemento: Corea do Sur (Seúl)
Idade coa que emigrou: Emigrou con 27 anos
Visado de Traballo: Maestro de TaeKwon-Do
Lugar de Residencia Actual: Chantada(Lugo)
“Datos Laborais”
En que traballaba no seu país de orixe?
Traballaba de profesor de educación física, masaxista acupuntor.
En que traballa en Galiza?
Traballo de acupuntor.
“Historia da Viaxe”Cando e de onde saíu?
De Seúl o 1 de decembro do 1987.
Algunha anécdota na viaxe?
Sí,viaxei ó lado do actor Sean Connery. Tamén foi anecdótico que no aeroporto de Madrid a primeira impresión que tiven dos españois foi moi rara, parecíanme todos iguais,e falaban berrando como si estivesen pelexando.
Cando e onde chegou antes de ficar aquí?
Cheguei a Aragón (Huesca) o 1 de decembro do 1987. Permanecín un ano.
“Situación Actual e Visión Persoal”
Mellorou ou empeorou a súa situación ? A miña situación en Corea ao principio era mellor que aquí. Hoxe son tan galego como coreano , non cambio a miña vida aquí, estou ledo.
Que destacaría como positivo? Os logros da miña vida, teño unha gran familia,
traballo e encántame Galicia que é moi parecido ao meu país.
Que destacaría como negativo?
Non poder ver moito a miña familia de Corea. Desexaría ter preto a miña nai.
Que demandas faría aos responsábeis de Inmigración/Emigración?
“ Papeles para tod@s”, é terrible a cantidade de trámites difíciles e absurdos que en moitos casos esixen.
Que consellos daría ás persoas que quixeran emprender a mesma viaxe?
Saín do meu país cunha idea de que pouco menos iba ó paraiso , parecíame unha aventura marabillosa, a realidade foi moi distinta , durante os seis primeiros meses foi un xordo e un mudo , non podía falar nen entender nada.É certo que na miña vida sempre atopei xente moi boa que me axudou moitisimo , aínda así estivo moitas veces, os primeiros anos, tentado a voltar ó meu país. Consello? “ Ó principio é moi duro, deixar a terra,a familia,as costumes,a comida…pero ..eu…sen dúbida volvería a facelo! . ¡Hoxe estou felíz,en ningures estaría así! ”
Que opina da Emigración? A emigración paréceme xeralmente triste xa que deixas atrás aos teus seres queridos e aos teus amigos, pero por outro lado é positiva para os xóvenes porque poden ver e aprender culturas doutros países.
EU MARCHEI“Datos Persoais”
Nome e Apelido: Consuelo Pérez Lemos
Data de Nacemento: 13-06-1941
Lugar de Nacemento: San Xurxo de Asma-Chantada (Lugo)
Idade coa que emigrou: 16 anos
Visado de Traballo: No
Lugar de Residencia Actual: Chantada (Lugo)
“Datos Laborais”En que traballaba en Galiza?
No agro
En que traballaba na Emigración?
Traballaba nunha fábrica de agullas de coser.
“Historia da Viaxe”
Cando e de onde saíu?
Saín o un día de Setembro de 1957 de Chantada a Monforte en autobús, despois collín o tren a Irún e alí estaba a miña tía que levoume en coche ata Biarritz (Francia).
Algunha anécdota na viaxe?
Foi una viaxe moi longa, tardei dazanove horas, iba soa e pasei moito medo, era a primeira vez na miña vida que saía de Chantada.
Cando e onde estivo antes de voltar a Galiza?
Estiven vivindo en Biarritz catro anos coa miña tía e despoís nos trasladamos a Mondragón (Guipuscoa) para traballar nunha filial da fábrica de agullas. Aquí fixen o resto da miña vida ata que me xubilei.
“Situación Actual e Visión Persoal”
Mellorou ou empeorou a súa situación?
O principio paseino moi mal, porque era todo novo: o idioma, as costumes, a xente, a comida pero co tempo a miña situación mellorou moito sobre todo económicamente.
Que destacaría como positivo?
Coñecer unha cultura nova, xente distinta, e o choque tan grande de costumes, e sobre todo gañar calidade de vida.
Que destacaría como negativo?
Alonxarme da miña familia, da miña nai. A morriña da miña terra.
Que demandas faría aos responsábeis de Emigración/Inmigración?
Que os trámites burocráticos foran mais sinxelos.
Que consellos daría ás persoas que quixeran emprender a mesma viaxe?
Que o pensen moito,non é doado.
Que opina da Inmigración?
Só está ben cando non se pode vivir con dignidade na terra propia.