ENKARTERRIKO UDALERRIEN MANKOMUNITATEKO BATZAR NAGUSIAK 2015eko ABENDUAREN 22an EGINIKO OHIKO BILKURAREN AKTA

BERTARATUAK

BATZORDEBURUA ESTHER LASA SEISDEDOS ANDREA LEHENENGO BATZORDEBURUORDEA IMANOL ZULUAGA ZAMALLOA JAUNA BIGARREN BATZORDEBURUORDEA JULIAN ISUSKIZA ALLENDE JAUNA KIDEAK:

IZEN-ABIZENAK ORDEZKATZEN DUEN UDALA

José Ignacio Iglesias Aldana jn. Artzentales

Angélica Llaguno Allende and. Artzentales

Rafa Arriola San Sebastián jn. Karrantza Harana

Roberto Martínez Pereda jn. Karrantza Harana

Joseba Hernaiz Garai jn. Karrantza Harana

Juan Delgado Jurado jn. Galdames Jose Antonio San Martin Vélez jn. Galdames

Angela Eguia Liñero and. Gordexola

Beatriz Atienza De Mingo and. Gordexola

Juan Martin Pérez Garmendia jn. Gueñes

Ainara Muñoz Landeta and. Gueñes

Carlos Lanbarri Andres jn. Gueñes

Jose Manuel Gomez jn. Gueñes

Jose Ramón Aguirreburualde Paliza jn. Lanestosa

Miren Estibaliz Latatu Martin and. Lanestosa

Don Joseba Andoni Llaguno jn. Sonia Mauriz Orrantia and.

Sopuerta

Sopuerta

Romualdo Zorrilla Barreras jn. Turtzioz

Javier Portillo Berasaluce jn. Zalla

Manuel Maria Maestre Urruela and. Zalla

Jose Félix Sarachaga Seoane jn. Zalla

Estibaliz Elgezua Juez and. Zalla

Manuel María Maestre Urruela jn. Zalla

BILKURAN ZEHAR BATU DIRA:

Irene Pardo Portillo and. Zalla

BERTARATU EZ DIRENAK:

IZEN-ABIZENAK ORDEZKATZEN DUEN UDALA

Maria Garcia Solaun and. Gordexola

Naiara Saratxaga Zulaika and.

Sopuerta

IDAZKARIA: Esperanza Bejo Echebarría and. Abellanedako Juntetxeko bilkura-aretoan, 2016ko abenduaren 22an, hemeretziak direnean, Enkarterriko Udalerrien Mankomunitatearen Batzar Nagusiak ohiko bilkura egin du lehen deialdian, Esther Lasa Seisdedos andrea buru dela. Hemeretziak direnean, mahaiburu andreak bilkura irekita dagoela adierazi du, eta eguneko aztergaien zerrendara bildutako gaiak aztertu eta bozkatzeari ekin diote.

1.- TURTZIOZ UDALEKO ORDEZKARIA AKREDITATZEA ETA KARGUAZ JABETZEA Turtzioz Udaleko Udalbatzak, azaroaren hogeita hiruan, egindako ezohiko bilkuran hartutako erabakiaren berri eman dute. Horren bitartez, jakinarazi da Vanessa Ortiz Artieta andreak Mankomunitateko Batzar Nagusian Udaleko ordezkari izateari utzi diola eta, haren ordez, Jose Manuel Coteron Fernandez jauna izendatu dute aipatu kide anitzeko organoko ordezkari. Jose Manuel Coteron Fernandez ez denez bilkurara bertaratu, ez du kargua hartu. 2.- ONESTEA, BIDEZKOA BADA, AURREKO BILKURAKO AKTAREN ZIRRIBORROA Bozkatu egin dute irailaren 22an egindako ohiko bilkuraren aktaren zirriborroa. Javier Portillo Berasaluce jaunak, Zalla Baiko kideak hitza hartu du, eta adierazi du eskaeren eta galderen atalean, laugarren paragrafoan, mankomunitateburu andreak, aurreko galdera bati erreferentzia eginez... Beno, 4. paragrafoan esaten da Javi Portillok galdetu duela zein den hiri-hondakin solidoak jasotzeko zerbitzua emateko kontratazioaren espedientearen egoera, aurreko kontratua bukatu egin baita, eta imajinatzen baitu nolabaiteko luzapena adostu dela zerbitzua ematen jarrai dezaten. Hurrengo paragrafoan, bosgarrenean, mankomunitateburuak aurreko galdera horri erantzuten dio, eta esaten du hiri-hondakin solidoak jasotzeko zerbitzuari dagokion kontratua joan den ekainean bukatu zela eta une honetan administrazio-prozedura izapidetze-bidean dagoela. Onartu du izapidetzea atzeratu egin dela joan den maiatzean egindako tokiko hauteskundeak direla eta. Elkarrizketa horretan beste gauza garrantzitsu batzuk ere esan ziren, eta aktan agertu beharko lirateke. Ez dago bideoa ikusi baino konturatzeko ekainaz geroztik udalerri horietan hondakinak jasotzeko zerbitzua eskaintzeko kontratu baten faltari buruzko galderaren aurrean, mankomunitateburuak esaten duela, legez, kontratuak bere horretan jarrai dezakeela hurrengo esleipena egin arte; hori esaten du hitzez hitz. Portillo jaunaren ustez, garrantzitsua litzateke baieztapen hori aktan jasotzea. Horrez gain, idazkariari eskatu dio mankomunitateburuak egindako baieztapenaren legezkotasunari buruzko txosten bat egiteko. Txosten hori badagoen galdetu du eta, ez egotekotan, egiteko eskatu du. Jarraian, mankomunitateburuak adierazi du legezkotasunari buruzko kontsulta egin dela eta baietz, legezkoa da kontratua luzatzea hurrengo esleipena egiten den arte. Hori bideoan egiazta daiteke, ikus daiteke nola esaten den hori hitzez hitz, eta Portillo jaunaren ustez, ezinbestekoa da hori aktak adieraztea. Mankomunitateburuak adierazi du esandakoa aintzat hartuko duela, idazkariari jakinaraziko diola, bera baita akta egiten duena, eta berrikusi egingo dela.

Javier Portillo Berasaluce jaunak, Zalla Baiko kideak, hartu du hitza, eta adierazi du ezin duela akta hau onestearen alde bozkatu egiten ari den alegazioak bertan islatuta ikusten dituen arte. Aukera ematen badiote aldaketak hitzez hitz sartzeko, berak inongo eragozpenik gabe errepika ditzake eta, berak esandako esaldiak aktan hitzez hitz sartzen badira, bozkatu ahal izango du. Alabaina, kontua aztertuko dutela esan dute eta, gainera, bera ezer asmatzen ari ez dela frogatzen duen bideo bat ere badago. Horixe esaten da, hitzez hitz, eta eskatzen duen gauza bakarra da aktan jasota gera daitezela, hitzez hitz, hiru esaldi horiek. Hala eginez gero, alde bozkatuko du; hori egiten ez bada, ulertzen du akta bozkatu ahal izatea. Mankomunitateburuak adierazi du aktak ez duela hitzez hitz jaso behar esaten den guztia, Batzordeko kide bakoitzak hala egin dadila eskatzen ez badu, behintzat. Ondoren, Portillo jaunak eta idazkariak hitz egin dute bilkuretan esandakoa hitzez hitz jasotzeari eta idatziz ez agertzeari buruz. Zalla Baiko kide Javier Portillo Berasaluce jaunak hartu du hitza. Esan du Zallako osoko bilkuretan, zinegotziren batek adierazpenen bat egiten duenean, aktari ekarpenen bat egiten dionean, hitzez hitz jasotzen dela, eta bozketa hitzez hitz egindako ekarpen horiek kontuan hartuta egiten dela. Zallako Udaleko osoko bilkuretan zinegotzi guztiek egiten dutena baino ez du egin; izan ere, uste zuen ekarpen hori egitean, aktan bilduko zirela eta gero bozkatuko zirela. Hala bada, bozkatu egingo du. Ekarpena idatziz egin duela esaten badiote, idatziz egingo du. Akta orain bozkatuko ez dela esaten badiote, idazkariak Portillo jaunak egindako ekarpena aztertu behar duelako, horrek zer ondorio izan ditzakeen jakin nahi du. Mankomunitaburuak, lehenik eta behin adierazi du hau ez dela Zallako Udaleko Osoko Bilkura eta, bigarrenik, esan du Zallako Udaleko Osoko Bilkuran ekarpenak aztertu eta, berak noizbait egin duen moduan, Udaleko idazkariari idatziz igortzen zaizkiola, akta bozkatu aurretik, aztertu eta aintzat har daitezen. Adierazi da legezko formula aktaren bideoa dela; hori dela eta, paperezko aktak hartutako akordioak baino ez ditu jasotzen, bai eta, kideren batek esku-hartzeko unean berariaz hala eskatzen badu, hark esandakoa ere. Horrez gain, eskaera egiteko modua ez zaio batere egokia iruditu eta adierazi du gaur ez diola inori, salbuespenik gabe, utziko ez dagokionean hitz egiten; eztabaidak ordenatu egin behar dira eta hitz egiteko txandak errespetatu, batek bukatzean hurrengoak hitz egin dezan, inor eten gabe eta elkarri hitza kendu gabe. Halaber, hasi aurretik, elkar errespetatzeko eskatu du, mesedez; izan ere, bere ustez, formaltasun falta egon da.

Erakunde honetan izaten diren eztabaidak Udaletako osoko bilkuretan izaten direnak baino konplexuagoak dira, hiru aldiz zailagoak dira, talde eta kide gehiago dagoelako. Javier Portillo Berasaluce jaunak, Zalla Baiko kideak, hartu du hitza, eta bihotz-bihotzez barkamena eskatu du norbait mindu badu edo bere hitzek edo idatziek norbaiti errespetua faltatu badiote. Halaber, Portillo jaunak adierazi du oraindik ere galdera bera duela; jakin nahi du zer aukera dituen jaso duen aktaren zirriborroari dagokionez. Hiru ekarpen egin ditu; ahoz egin ditu eta bideoan jasota gelditu dira. Arazorik gabe transkriba daitezke edo gero idatziz igor ditzake, mezu elektroniko bidez bidalitako idazki ofizial batean. Eskatzen dioten moduan egingo du, baina berak nahi duena da adierazpen horiek aktan agertzea eta jakin nahi duena da ea aktaren inguruko bozketa egitean jakin dezakeen ñabardura horiek jasoko diren ala ez, eta ea akta bozkatzean ekarpen horiek agertuko diren ala ez. Makomunitateburuak, bere aldetik, jakinarazi du politikari guztiek dituztela aktak eskura, deialdia egiten den unetik bertatik, hau da, duela hamaika egunetik. Zuzenketak egiteko behar besteko epea egon da. Adierazpenak egia direla egiaztatuko da eta dagokion pertsonari jakinaraziko zaio; orain ezin dute bilkuraren bideoa ikusi paper honetan idatzitakoa egia den egiaztatzeko. Aztertu egingo da edo, bestela, dagokionari jakinaraziko zaio. Mankomunitateburuaren eta Portillo jaunaren arteko hizketaldiaren ondoren, irailaren 22ko ohiko bilkuraren aktaren zirriborroan, Eskaerak eta Galderak puntuan, honako esku-hartze hauek gehitu dira: “Zalla Bai taldeko Javier Portillo Berasaluce jaunak hartu du hitza, eta mankomunitateburu andreari galdera hau egin dio: Zein egunetan bukatu zen hiri-hondakin solidoak biltzeko eta garraiatzeko zerbitzua emateko kontratua? Mankomunitateak erantzun dio kontratu hori joan den ekainean bukatu zela. Portillo jaunak mankomunitateari galdetu dio ea posible den kontratua luzatzea hiri-hondakin solidoen zerbitzua ematen jarraitu ahal izateko. Mankomuniateburuak erantzun dio ahoz adostutako luzapen bat dagoela; izan ere, une honetan Mankomunitatea zerbitzua lizitatzeko prozesuan dago. Portillo jaunak adierazi du era horretako kontratuetan, normalean, klausula bat egoten dela luzapenak egiteko moduari buruz; hori dela eta, galdetu du ea Mankomunitatea kontratua luzatzea ahalbidetzen duen klausularen bat erabiltzen ari den. Jarraian, Mankomunitateburuak hiri-hondakin solidoak biltzeko eta tratatzeko zerbitzua emateko kontratua luzatzea ahalbidetzen duten kontratuko klausulei buruz galdetu dio idazkariari. Idazkariak azaldu du zein den hiri-hondakin

solidoen zerbitzua emateko lizitazioaren eta kontratazioaren administrazio-espedientearen izapidetzearen egoera. Portillo jaunak hartu du hitza. Esan du hiri-hondakin solidoak biltzeko eta garraiatzeko zerbitzua emateko kontratua 1995. edo 1996. urtean, edonola ere, joan den mendean, lizitatu zela, eta 2016. urtean luzatu zela. Kontratuaren indarraldia 2015eko ekainean bukatzen zela kontuan harturik, jakin nahi du zein den kontratu horren legezko egoera hiri-hondakin solidoen zerbitzua ematen jarraitu ahal izateko eta zer bitarteko erabiltzen den zerbitzu horrek igorritako fakturak ordaintzeko. Mankomunitateburuak adierazi du kontratua ezin zitekeela gehiago luzatu baina, salbuespeneko egoera zenez, kontratua luzatu egin daitekeela zerbitzua berriz esleitzen den arte. Portillo jaunak, Zalla Bai taldeko kideak, hartu du hitza. Galdetu du ea egoera horren legezkotasunari buruzko txostenik dagoen egoera justifikatzeko, eta 1995. urteko kontratu bat mantentzeari buruzko legezkotasun txostena eskatu du”. Joseba Andoni Llaguno Hurtado jaunak, EH-BILDU-ko kideak, hartu du hitza. Adierazi du hiri-hondakin solidoak biltzeko eta garraiatzeko zerbitzua emateari dagokion kontratuak polemika sortu zuela joan den legealdi osoan zehar. Egia da ezinbestekoa dela zerbitzua ematen jarraitzea; alabaina, egia da, baita ere, gai hori ez dela behar bezala kudeatu. Llaguno jaunak jarraitu du esanez kideak Batzar Nagusian egotearen eta Mankomunitatea bera existitzearen helburua Enkarterri hobetzea dela. Bozkatu egin dute irailaren 22ko bilkuraren akta. Gehiengo osoz onetsi dute, EAJ-PNVren hamabi botorekin eta AEIren boto batekin. Sei kidek kontra bozkatu dute (Zalla Bairen lauk eta EH-BILDUren bik). Bost kide abstenitu egin dira (EH-BILDUko hiru eta KZko bi). 3.- MANKOMUNITATEKO BURUAREN DEKRETUEN KONTU EMATEA Ebazpen hauen berri eman dute:

DEKRETU ZENBAKIA

DATA KONTZEPTUA

37/2015 Irailak 25 Kredituak Aldatzeko 7/2015 Espedientea

38/2015 irailak 28 Kredituak Aldatzeko 8/2015 Espedientea

39/2015 Urriak 20 El Karpinen animalientzako urmaela sortzeko eta berriztatzeko obraren exekuzioa onestea

40/2015 Urriak 20 Hitzarmen berezia BISKAYTIK enpresarekin, “kontularitza eta aurrekontuak” kontzeptuan

41/2015 Azaroak 9 Ekonomiaren eta Lurraldearen Garapenerako Foru Sailari 25.000,00 euroko diru-laguntza eskatzea, El Karpinen erabiltzeko.

42/2015 Azaroak 27 Kredituak Aldatzeko 9/2015 Espedientea

43/2015 Azaroak 27 Espedientea abiaraztea, “El Karpinen animaliak isolatzeko gunea eraikitzeko” obraren exekuzioa kontratatzeko.

44/2015 Azaroak 27 “El Karpinen umeentzako jolastokia eraikitzeko” obraren exekuzioa esleitzea.

45/2015 Azaroak 27 Kredituak Aldatzeko 10/2015 Espedientea

Batzar Nagusiko kideak jakitun geratu dira aurrez azaldutako Mankomunitateko buruaren ebazpenen gainean. 4.- AEI TALDEKO ORDEZKARIAK IZENDATZEA ESTATUTUAK ALDATZEKO INFORMAZIO BATZORDE BEREZIRAKO Mankomunitate honetako Batzar Nagusiak joan den irailaren 22an egindako ohiko bilkuran hartutako akordioari jarraikiz, zehaztu egin zen legealdi honetan Estatutuak Aldatzeko Informazio Batzorde Berezia osatuko duten kideak zein izango diren. Alabaina, AEIko kideak ez ziren egon aipatu bilkuran eta, ondorioz, talde horrek ez zuen Informazio Batzorde horretarako ordezkaririk izendatu. Sopuertako AEI (Agrupación Electoral Independiente) taldeak egoera horri buruzko idatzi bat aurkeztu du; idatzia aztertu ondoren, Batzar Nagusiak, aho batez erabaki du honako hauek izendatzea Sopuertako AEIko ordezkari Estatutuak Aldatzeko Informazio Batzorde Berezian: TITULARRA: Sonia Mauriz Orrantia ORDEZKOA Naiara Saratxaga Zulaika 5.- ONDASUNEN INBENTARIOAREN ZUZENKETA, 2015eko ABENDUAREN 31n

Idazkari kontu-hartzaileak Kontuak, Ekonomia eta Ogasuna / Langileak eta Zerbitzuak Informazio Batzordeak abenduaren 15ean eginiko bileran hartutako irizpenaren berri eman du. Bertan, batzordeko kideek aldeko irizpena eman zioten Mankomunitateko 2014ko abenduaren 31ko Ondasunen Inbentarioaren zuzenketari.

Ekainaren 13ko 1372/1986 Errege Dekretuak, Ondasunei buruzko Erregelamenduak, ezarritakoarekin bat etorriz, 2014ko abenduaren 31ko ondasunen inbentarioaren zuzenketaren edukiaren berri eman da. Honako hau da laburpena:

EPIGRAFEA Merkatuan gauzatzeko balioa

1.- Higiezinak 3.450.621,69 euro.

2.- Eskubide errealak 104.712,13 euro

3.- Izaera historikoko ondasunak 25.403,05 euro

4.- Balio higigarriak 0,00 euro.

5.- Ibilgailuak 0,01 euro.

6.- Aziendako ondasunak 0,00 euro.

7.- Altzariak 157.801,51 euro

8.- Ondasun eta eskubide errebertigarriak

0,00 euro.

GUZTIRA 3.738.538,39 euro.

Batzar Nagusiak, gehiengoz, eta EAJ-PNV (hamairu) eta AEI (bat) taldeetako ordezkarien botoekin, onetsi egin du Mankomunitatearen ondasunen inbentarioaren zuzenketa 2014ko abenduaren 31n. Bozkatzeaz abstenitu egin dira BILDU (bost), Zalla Bai (lau) eta KZ (bi). 6.- 2016ko AURREKONTUA Aintzat hartu da 2016ko aurrekontuak ez zuela irizpenik jaso, eta eztabaida eta onespena atzeratu egin zirela. Gaurko saioan ere ez dute eztabaidatu ez onetsi.

7.- KONPONKETEN TXOSTENAREN BERRI EMATEA Idazkari kontu-hartzaileak egindako konponketen txostenaren berri eman da. Bertan, hau esaten da hitzez hitz: “Esperanza Bejo Echebarria Enkarterriko Udalerrien Mankomunitateko idazkari kontu-hartzaileak, bat etorriz Toki Ogasunak arautzen dituen Legearen Testu Bategina onesten duen martxoaren 5eko Legegintzako Errege Dekretuaren 218. artikuluarekin eta Toki Administrazioaren Arrazionalizazioari eta Iraunkortasunari buruzko abenduaren 27ko 27/2013 Legearekin, honako txosten hau egin du: TXOSTENA: Gastuei dagokienez, 2015 ekitaldian eta honako txostena egin den egunera arte, ez da inolako konponketarik egin; ondorioz, presidentetzak ez du horien kontrako ebazpenik egin. Halaber, adierazitako aldi horretan, ez da inolako anomaliarik izan diru-sarrerei dagokienez. Eta, jasota gera dadin, eta Mankomunitatearen Batzar Nagusira igortzeko eta 2015eko abenduaren 22an egingo den ohiko bilkurako aztergaien zerrendan sar dadin, txosten hau igortzen dut, Zallan, bi mila eta hamabosteko abenduaren 3an”. Batzar Nagusiko kideak jakitun geratu dira transkribatu berri den txostenaren gainean. 8.- HHSen ZERBITZUARI DAGOZKION FAKTURAK JUDIZIOZ KANPO AITORTZEA Aintzat hartu da hiri-hondakin solidoak biltzeko eta garraiatzeko zerbitzua emateko kontratua joan den ekainaren 30ean bukatu zela eta oraindik ez dela zerbitzu hori emateko beste kontraturik esleitu ez eta sinatu ere. Aintzat hartu da hiri-hondakin solidoen bilketa oinarrizko zerbitzu bat dela eta, ondorioz, Enkarterriko Udalerrien Mankomunitatea osatzen duten auzokide guztiek zerbitzu hori jasotzen jarraitu behar dutela. Aintzat hartu da zerbitzua uztailean, abuztuan, irailean eta urrian emateak honako faktura hauek eragin dituela:

Kopurua Data Zenbatekoa

2015/31 2015-07-27 56.372,23 2015/36 2015-08-25 56.372,23 2015/39 2015-09-25 56.372,23 2015/44 2015-10-26 56.372,23

Ikusi da Kontuak, Ekonomia eta Ogasuna/Langileak eta Zerbitzuak Informazio Batzordeak abenduaren 15ean egindako bilkuran hartutako irizpena. Horren arabera, ordaindu egin behar dira aipatu fakturak; izan ere, egiaztatu da hirugarrenek zerbitzua benetan eman dutela. Aintzat hartu da Tokiko Ogasunak arautzen dituen abenduaren 28ko 39/1988 Legearen lehenengo kapituluko seigarren titulua garatzen duen apirilaren 20ko 500/1990 Errege Dekretuaren 60.2. artikuluak xedatutakoarekin bat, Batzar Nagusiak, honako hau adostu du gehiengo osoz (aldeko hamasei boto: EAJ-PNVren hamhairu, EH BILDUren bi eta AEIren bi; kontrako lau boto, Zalla Bai taldeko ordezkarienak; bost abstentzio: EH BILDUren hiru eta KZren bi): Honako faktura hauek judizioz kanpo aitortzea:

Hirugarrena: INBISA SERVICIOS Y MEDIO AMBIENTE-BYCAM SERVICIOS EDIFICIOS E INFRAESTRUCTURA SA Emandako zerbitzuak: HHSak biltzea eta garraiatzea Enkarterriko Udalerrien Mankomunitatea osatzen duten udalerrietan. Kopurua Data Zenbatekoa 2015/31 2015-07-27 56.372,23 2015/36 2015-08-25 56.372,23 2015/39 2015-09-25 56.372,23 2015/44 2015-10-26 56.372,23

9.- DATU PERTSONALAK BILBAO BIZKAIA UR PARTZUERGOARI LAGATZEKO PROTOKOLOA Mankomunitate honen eta Bilbao Bizkaia Ur Partzuergoaren arteko protokolo-agiriaren berri eman da; protokolo horren xedea datu pertsonalen babesari buruzko informazioa lagatzea da, datu pertsonalak lagatzeko erabiliko diren ekintzak, neurriak eta bitartekoak zehazte aldera, Partzuergoak hiri-hondakin solidoen tasa likidatu eta kobratu ahal izan dezan. Halaber, Kontuak, Ekonomia eta Ogasuna/Langileak eta Zerbitzuak Informazio Batzordeak abenduaren 15eko bilkuran emandako irizpenaren berri eman da. Batzar Nagusiak honako hau adostu du gehiengo osoz, EAJ-PNVren hamalau aldeko botorekin, AEIren aldeko boto batekin eta hamabost abstentziorekin (EH BILDUren bost, Zalla Bairen lau eta KZren bi):

LEHENENGOA.- Onestea Enkarterriko Udalerrien Mankomunitatearen eta Bilbao Bizkaia Ur Partzuergoaren arteko informazioa lagatzeko protokoloa, datu pertsonalak babesteari buruzkoa, Partzuergoak hiri-hondakin solidoak biltzeagatiko tasa likidatu eta kobratu ahal izan dezan. BIGARRENA.- Mankomunitateburuari protokolo hori sinatzeko eskumena ematea. 10.- BILBAO BIZKAIA UR PARTZUERGOAREKIN HITZARMENA, HIRI-HONDAKIN SOLIDOEN ZERBITZUA EMATEAGATIKO TASA BORONDATEZ BILTZEKO Mankomunitateak eta Bilbao Bizkaia Ur Partzuergoak sinatu beharreko hitzarmenaren berri eman da; hitzarmenaren xedea da hiri-hondakin solidoen zerbitzua emateagatiko tasa biltzea eta likidatzea. Halaber, Kontuak, Ekonomia eta Ogasuna/Langileak eta Zerbitzuak Informazio Batzordeak abenduaren 15eko bilkuran emandako irizpenaren berri eman da. Batzar Nagusiak honako hau adostu du gehiengo osoz, EAJ-PNVren hamalau aldeko botorekin, AEIren aldeko boto batekin, Zalla Bai taldeko lau ordezkarien kontrako botoekin eta zazpi abstentziorekin (EH BILDUren bost eta KZren bi): LEHENENGOA.- Onestea Enkarterriko Udalerrien Mankomunitatearen eta Bilbao Bizkaia Ur Partzuergoaren arteko hitzarmena, hiri-hondakin solidoak biltzeagatiko tasa fakturatzeko eta kobratzeko beharrezko kudeaketa egin ahal izateko. BIGARRENA.- Mankomunitateburuari hitzarmen hori sinatzeko eskumena ematea. 11.- BIZKAIKO FORU ALDUNDIAREKIN HITZARMENA, HIRI-HONDAKIN SOLIDOEN ZERBITZUA EMATEAGATIKO TASA NAHITAEZ BILTZEKO Bizkaiko Foru Aldundiko Ogasun Sailak eta Mankomunitate honek sinatu beharreko hitzarmenaren berri eman da; hitzarmenaren xedea da hiri-hondakin solidoen zerbitzua emateagatik erakunde honek jasotzen dituen diru-sarrerak nahitaez biltzea. Halaber, Kontuak, Ekonomia eta Ogasuna/Langileak eta Zerbitzuak Informazio Batzordeak abenduaren 15eko bilkuran emandako irizpenaren berri eman da.

Batzar Nagusiak honako hau adostu du gehiengo osoz, EAJ-PNVren hamalau aldeko botorekin, AEIren aldeko boto batekin, Zalla Bai taldeko lau ordezkarien kontrako botoekin eta zazpi abstentziorekin (EH BILDUren bost eta KZren bi): LEHENENGOA.- Onestea Enkarterriko Udalerrien Mankomunitatearen eta Bizkaiko Foru Aldundiko Ogasun Sailaren arteko hitzarmena, hiri-hondakin solidoak biltzeko zerbitzua ematearen truke jasotako diru-sarrerak nahitaez biltzea xede duena. BIGARRENA.- Mankomunitateburuari hitzarmen hori sinatzeko eskumena ematea. 12.- BALDINTZEN PLEGUA, HIRI-HONDAKIN SOLIDOAK BILDU ETA GARRAIATZEKO ZERBITZUAREN EMAKIDAREN KONTRATATZEKO Esther Lasa Seisdedos mankomunitateburu andreak jakinarazi du azaroaren 26ko Informazio Batzordean aurkeztu ziren pleguak idatzi aurretik ikerketa bat egin zuela Idema ingeniari taldeak, hondakinak biltzeko hainbat zerbitzu elkartzea aztertzeko; izan ere, Mankomunitateak ez du ingurumen-teknikaririk. Ikerketa horretan ondorioztatzen denez, kontainer bakoitzeko herritarren ratioa handiagoa da Mankomunitatean Bizkaiko batezbestekoarekin alderatzen badugu; horrek esan nahi du biztanleko kontainer asko dagoela, batez ere errefusaren kontainerrei dagokienez. Horrez gain, egiaztatu da sailkatu gabeko hondakinen bilketa % 85era iritsi dela eta, ondorioz, sailkatutako bilketa % 15 baino ez dela; datu horiek Hondakinei eta Lurzoru Kutsatuei buruzko Legearen (uztailaren 28ko 22/2011) 22. artikuluak xedatutakoaren oso azpitik dago; artikulu horretan esaten denez, 2020. urterako, etxeek eta saltokiek sortutako hondakin guztien pisuaren % 50, gutxienez, paperak, metalek, beirak, plastikoek, biohondakinek edo birzikla daitezkeen beste hondakin batzuek osatuko dute. Kontuan hartzen badugu Enkarterrik gai birziklagarriak guztiaren % 15 baino ez direla, argi dago oraindik bide luzea dugula aurretik. Ikerketa hori egin ondoren, lehenik azaroko Informazio Batzordean aurkeztu ziren administrazio-baldintzen eta baldintza teknikoen pleguak, baita horiei dagozkien eranskin guztiak ere. Idema ingenairi taldea arduratu da horiek egiteaz. Azaroko Batzordean, pleguen edukiak azaldu zitzaizkien ordezkari politikoei. Batzordeak ez zuen eragozpenik jarri, eta EH-BILDUk proposamen batzuk egin zituen; proposamen horiek pleguan txertatu dira. Batez ere nabarmendu egin behar dira klausula sozialak eta 11. puntuan ageri den salbuespena; prezioak eta gutxieneko bilketa berrikusi egin dira eta proposamen guztiak txertatu dira.

Rafa Arriola San Sebastián jaunak, KZko kideak hartu du hitza; adierazi du bere taldea, Informazio Batzordean ere esan zen moduan, abstenitu egingo dela aztergaien zerrendako puntu hau bozkatzendenean. EH-BILDUko ordezkari Joseba Andoni Llaguno Hurtado jaunak hartu du hitza; esan du taldeak alde bozkatuko duela, enpresa esleipendunen kontratuetan klausula sozialak egoteari buruko baldintza pleguetan txertatu baita eta gutxieneko bilketa bermatu baita (lehen ez zen aipatzen). Gainera, ikusirik Zalla Mankomunitatetik ateratzeko aukera dagoela eta horrek egoera juridiko kezkagarria sortzen duela, puntu horrek ahalbidetu egiten du Balmaseda Mankomunitatean sartzea. Javier Portillo Berasalucek, Zalla-Bai taldeko kideak hartu du hitza eta mankomunitateburu andreak egindako bi baieztapenen inguruan hausnarketa egin nahi izan du. Lehenengo baieztapena da Mankomunitateak ez duela ingurumen-teknikaririk eta, ondorioz, ingeniari talde bat azpikontratatu behar izan dela lan hori egiteko. Bigarren baieztapena da Mankomunitateko hondakinen birziklapenaren datuak helburuetatik oso urrun daudela. Hori ikusirik, Zalla Baiko taldeak esan du agian beharrezkoa litzatekeela ingurumen-teknikari bat izatea, gastu horiek aurrezteko eta biziklatzearen arloko helburuak erdiesteko, mankomunitateburuak % 75eko arduraldia izan beharrean. Bestalde, esan da Batzordean ez zela pleguen aurkako eragozpenik jarri, baina Portillo jauna ez dago esandako horrekin ados; izan ere, haren ustez, hainbat eragozpen egon ziren, eta egon ez zirela esan dela ikusirik, batzuk errepikatzeko beharra ikusten du. Zalla Bai taldeak tamalgarritzat jotzen du Mankomunitateak aintzat hartu ez izana Zallako Udalbatzak 2014ko otsailaren 21ean onetsitako proposamena; izan ere, ordurako, Zallako Udala eskatzen hasia zegoen eskualdeko erakundeen sarea antolatzeko eta Balmasedari Mankomunitatean sartzeko aukera emateko, behar genuen Mankomunitate berri hori eraiki ahal izateko. Talmagarritzat jo du ere oraindik urratsik eman ez izana Gueñesko eta Gordexolako esku-hartze txostenak argitzeko, nahiz eta behin baino gehiagotan eskatu den batzordeetan, Batzarretan eta Ezohiko Batzar batean; izan ere, txosten horiek objektiboki frogatzen dute alde handia dagoela hondakinak biltzeagatiko tasen kontzeptuan bildutakoaren eta Mankomunitateak egindako ekarpenaren artean Horrez gain, esan du tamalgarria dela aintzat hartu ez izana Mankomunitatean ofizialki eta idatziz abenduaren 10ean aurkeztu zen proposamena. Proposamen hori Zallako Udalbatzak egindakoaren ildo beretik zihoan, eta Batzordearen eta Batzar honen beraren deialdia jaso aurretik egin zen. Proposamen horretan eskatzen zen Batzordean zein hurrengo Batzarrean txertatzeko, eta esan du tamalgarria dela proposamena eztabaidatzeko aukerarik egon ez izana. Hala eta guztiz ere, EAJKko buruek Mankomunitatea berregituratzeko eta gure eskualdeak egun behar duen egitura sortzeko nahia adierazi dute, erakunde pribatuetara bideratzen ari den diru publikoa arrazionalizatzeko. Erabaki da negoziazio-mahai bat sortzea akordio batera iristeko, eta asko poztu ditu EAJk

hori esateak. Luze daramate hori eskatzen. Batzordean ere esan zuen; ez du zentzurik esateak akordio-, hitzarmen- edo negoziazio-mahai bat sortu behar dela gauza horiek guztiak berriz egituratzeko ez bada proposatzen arrazoizko epe batean beste gai batzuk, adibidez Estatutuak, aurrekontuak eta hondakinen lizitazioa, atzeratzea. Urtarrilean onetsi behar den aurrekontua izan beharko litzateke hondakinen zerbitzuaren esleipena eta adostutako zerbitzu horien diru-sarrerak eta ordainketak bildu beharko lituzkeena. Badirudi orain Estatutuak azkar batean onetsi behar dituztela; alabaina, Estatutu horiek guztion artean adostutako egitura eta zerbitzuen hedapena babestu beharko lituzkete eta, noski, hondakinen lizitazioa juridikoki seguruagoa eta teknikoki osoagoa izango litzateke aurrez guztiok akordio sendoa lortuko bagenu. Prozesu hori osatuko duten ordezkariei dagokionez, uste du oinarrizko akordioa dela eta, ondorioz, dena adosteko nahia badago, ez du zentzurik Mankomunitatearen Batzarrean plegu horien onespena sartzea; hori dela eta, pleguen onespena mantentzen bada, bere iritziz, Mankomunitatea berriz antolatzeko adostasunaren aldeko apustua egiten ari da eta, ondorioz, aktak honako hitz hauek hitzez hitz jasotzea nahi du: “lehenik eta behin, uste dugu idazkariak aurrez pleguen berri eman behar duela; hori dela eta, bozkatu aurretik, uste dut Batzarreko kideek aukera izan behar dugula bigarren xedapen gehigarriak aipatzen duen txostena ikusteko. Txosten hori batzordean eskatu nuen, eta esan zidaten Batzarrerako prest egongo zela, baina ez dugu txosten hori jaso; horregatik galdetzen dut ea txosten hori existitzen den ala ez”. Mankomunitateburuak erantzun dio txostena egon badagoela eta, jakingo duen moduan, espediente osoa Idazkaritzan egon dela eskuragarri, edonork kontsultatzeko moduan, deialdia igorri zen egunetik bertatik, hau da, abenduaren 11tik. Javier Portillo Berasalucek, Zalla Baiko kideak, hartu du hitza, eta esan du txosten hori ez dela deialdiarekin batera igorri. Batzordean txosten hori eskatu zuen, eta esan zioten Batzarrerako prest egongo zela, baina ez diete igorri. Esaten badiote nahikoa dela txosten hori espedientean egotea, ados, agian nahikoa da legearen aurrean; alabaina, bere iritziz, ez da etikoki nahikoa, batez ere kontuan izanik Zalla Bai taldeko kideek txosten hori ikusi nahi zutela esan dutela. Batzordean eskatu zen, baina ez zegoen prest, eta gero ez dute bidali; egia esan, ez zaio gauzak egiteko modu egokia denik iruditzen. Eskatu du honako hau aktan hitzez hitz jasotzeko: “guk plegu horiek aurka bozkatuko dugu, gorde egingo ditugu dagozkigun legezko ekintzak plegu horiek epaitegietan gezurtatzeko eta erresalbuzko indargabetzea eskatuko dugu; izan ere, plegu horiek legearen aurrean baliogabeak dira honako arrazoi hauengatik eta aipatuko ez ditudan beste batzuengatik: errebisio-formula, mahaiaren osaera, sailkapena, esleipen-irizpideak, hobekuntzen araudia edo kontratuaren aldaketa dira argerikoenak, prozesu honek aurrera jarraitzen badu. Beraz, gaur kontra bozkatuko dugu eta, ondoren, beharrezko legezko ekintza guztiak egingo ditugu,

dagoeneko prest baititugu, beharrezko segurtasun juridikorik eta legalik ez duten plegu hauek onesteko prozesuari eusten bazaio; izan ere, ez dute inolaz ere erakusten EAJk eskualde honek behar duen Mankomunitate berria berregituratzeko eta sortzeko inolako nahirik duenik”. EAJ-PNV taldeko Imanol Zuluaga Zamalloa jaunak hartu du hitza. Esan du EAJ-PNVren ustez kontuan izan dela Zallako Udalbatzak urriaren 13an egindako adierazpena, legeak baimendutako baldintzetan; beste gauza bat da norbaitek hori nahikoa ez dela pentsatzea. Bere taldearen asmoa beti izan da aintzat hartzea Zallak eskumena hartzeko aukera eta Balmaseda Mankomunitatean sartzeko aukera, eta horrelaxe adierazi da. Mankomunitatearen legezkotasunaren ikuspegitik, Zalla ez dago bahituta; izan ere, une honetan Mankomunitatea da hiri-hondakin solidoen kudeaketaren eskumena duen erakundea, eta eskumen hori erabili beste aukerarik ez du, indarrean dagoen legediari jarraikiz. Hala ere, aintzat hartu da Zallak behin baino gehiagotan egin duen eskaera eta klausula bat, berme bat, ezarri da Zallak eskumena bere gain hartu nahi duenean hala egin ahal izan dezan. Ez dago Estatutuak onartzeko presarik, izapidea abiarazi baino ez da egin, ez dago presarik. Bestalde, ulertzen du beharrezkoa eta komenigarria dela egiturak berrikustea, baina hori prozesu luzea eta konplexua da eta horrek ezin du Mankomunitatearen eguneroko eskumenen aplikazioa baldintzatu eta geldiarazi. Ezin da aurrekontu baten onespena geldiarazi, ezin da hiri-hondakin solidoen pleguaren onespena edo esleipena geldiarazi, guztiz beharrezkoa baita hori lizitatzea; izan ere, horren legezkotasuna kolokan dago Zalla Bai taldeak berak bozkatu duena dela eta, eta gaur fakturak ezohiko moduan onestearen aurkako adibidea izan da. Zalla Bairen proposamena onartuz gero, hori izango litzateke egoera; ez kontraturik gabe egotea baizik eta egoera horrek noiz arte iraungo duen ez jakitea. Hori nahita egitea, pleguen edukiekin zerikusirik ez duten arrazoiengatik, epe mugagabe batez, prebarikazioa izatera irits daiteke, muturrera eramanda. Uste dute bete egin direla Zalla Baik egindako eskaerak eta Zallako asanbladak erabaki zuena. Orain arte ez da eragozpenik egon pleguen edukien kontra, eragozpen eta proposamen bakarrak EH-BILDUko kideek Batzordean egin zituztenak izan dira. Orain, Zalla Baiko ordezkariak esan du puntu asko daudela pleguaren legezkotasuna kolokan jartzen dutenak; hori behar bezala epaitu beharko da dagokion unean. Hala ere, kontraesana da edukiak legez kanpokoak direla esatea eta, kasu honetan Zalla Baiko ordezkariaren eskaera asetzeko, legez kanpokotasunari sei hilabetez gehiagoz eutsi nahi izatea. Kontraesana da, kontraesan osoa da hori. Uste du une honetan premiazkoena egoera legeztatzea dela, Mankomunitatearentzat egoerarik ahalik eta normalena lortzea. Pleguak onesten badira eta ebazpena ematen bada, une honetan dugun ohiz kanpoko egoera konpondu egingo da. Pleguak behar besteko bermeekin aldatu dira, EUDELek esan duen tokiraino, Zallaren eta Balmasedaren nahiak asetzeko. Deialdia nahita atzeratzea Mankomunitateak behar duen azken gauza da.

Bestalde, onetsi diren hitzarmenek ebatzi egiten dute orain arte egon den eta askotan salatu den asimetria-egoera. Bere ustez, une honetan, onetsitako plegu bat izatean Mankomunitateak arlo honetan duen egoera zaila konpontzeko balio lezake, eta horrek ez du, inolaz ere, arriskuan jartzen konplexutasun-maila dela eta denbora luzea beharko duen negoziazio-prozesu bat egotea arriskuan jartzen. Javier Portillo Berasalucek, Zalla Baiko kideak, hartu du hitza. Esan du EAJ-PNVko bozeramaileak adierazi duela kontraesana dela legezkotasunik eza aipatzea eta, aldi berean, legezkotasunik ezaren egoerak iraun dezan eskatzea; bere iritziz, ez dago kontraesanik honako arrazoi hau dela eta: egoera legez kanpokoa bada, hondakinen plegua hamasei urtean behin baino lizitatu ez delako da. Egoera horrek erantzule argiak ditu, eta erantzule horiek ez dira Zalla Bai taldeko kideak. Zalla Bai beste kontu batzuen erantzule izan daiteke, baina ez horrena; mankomunitateburuen eta hamasei urte horietan Mankomunitatea zuzendu duen taldearen erantzukizuna da. Onartuko duenez, legez kanpoko egoera horri Zalla Bairi egotzi nahi izateak azken hamasei urte hauetan egon den kudeaketa oker hori azpimarratu baino ez du egiten. Zenbait urtez, legea betetzen ez zuen plegu bat zegoenean zerbitzu horiek lizitatzeko prozedurak garaiz eta bizkor, aurreko kontratua bukatu baino lehen, ez abiarazteak arduradun argiak izan ditu. Plegu horiek onestea legea betetzeko egin behar den zerbait dela esatea gezurra da; hala dela frogatu dezakete eta horixe egingo dute, behartzen badituzte. Legez kanpokoa dena egun kontratu hori ez izatea da. Zalla bahitu dute, pleguetan egotera behartu dute ados ez dagoen arren, zerbitzu hori zuzendu behar duten irizpideekin ados egon ez arren, esanez Zallak ez duela eskumena bere gain hartu. Balmasedak ere ez du eskumena bere gain hartu, Balmaseda ere kontratu horretan dago; hala ere, inork ez du Balmaseda bahitu. Balmaseda kontratu horretan dago, Mankomunitateko udalerria ez bada ere. Adieraztea legez kanpoko egoeran gaudela kontratua falta delako gogaitu egin duen zerbait izan da; izan ere, Mankomunitatea osatzen duten udalerri guztiak bat datoz dena berriz antolatzeko beharra dagoela esatean, adostasunak eta akordioak bilatu behar direla esatean. Berak ez du inolako arazorik akordio politiko horrekin, erantzukizuna duten pertsonek txosten tekniko bat edo idazkariaren txosten bat egiten badute egoera nolabait legez kanpokoa dela esateko. Bere iritziz, haien lana arazoak ahalik eta hobekien konpontzea da, eta beharrezkoa da idazkariaren txostenak errespetatzea; alabaina, badaude idazkariaren txosten horrek baino lehentasun handiagoa duten kontuak. Edonola ere, hori konpontzea oso erraza da, nahikoa da kontratu bat egitea, nahikoa da negoziatutako prozedura bat egitea Mankomunitatea berriz antolatzeko guk ezarritako epean hondakinak biltzeko zerbitzua kontratatzeko kontratu bat egiteko. Ez da beharrezkoa sei urteko kontratu bat lizitatzea.

Pleguek aukera ematen dute bere garaian Zalla bertatik atera dadin, baita bere garaian Balmaseda atera dadin ere; berak EUDELekin hitz egin du, Batzordean adierazi baitzen elkarte horrek balioztatu zituela aipatu pleguak. EUDELeko teknikariek, euren aldetik, telefono bidezko elkarrizketa baten berri eman diote, eta elkarrizketa horretan Mankomunitateko idazkariari gai horri buruzko zerbait esan zion. EUDELek argi eta garbi adierazi du haiek ez dutela horri buruzko legezkotasun-txostenik egin. Ez dago txosten juridikorik, ez idazkariaren txostenik, ez legezkotasunari buruzko txostenik, ez EUDELenik ez beste inoren txostenik non esaten den klausula soil hori nahikoa denik. Lizitatzaileek ez dute segurtasun juridikorik, ez baitakite zerbitzua zortzi udalerrirentzat edo hamarrentzat lizitatu behar duten eta, hori gutxi balitz, zalantzan dauden udalerriak eskualdeko bi udalerririk handienak dira. Argi dago plegu horiek eragingo duten irregulartasuna. Zalla Baik ez du denbora mugagabea eskatu proposamen horretarako, baizik eta epe bat eskatu du Mankomunitatea berriz antolatzeko. Epe horretan, negoziatutako prozedura baten bidezko esleipena egin nahi du hiri-hondakin solidoen zerbitzua eman ahal izateko. Hiri-hondakin solidoen kontratua da Mankomunitatearen kontraturik garrantzitsuena, baina Mankomunitatea ez da gai izan garaiz lizitatzeko. 4.380.000 €-ko kontratua da, eta guztion erantzukizuna ezinbestekoa da gauzak behar bezala egiteko. Honek aurrera egiten badu, kontra bozkatuko dute. Alegazio zerrenda luzea dago, frogatzeko plegu horiek ez dutela baliorik legearen aurrean. Berriz ere erantzukizuna eta zuhurtzia eskatu ditu gai hau lantzeko. Bukatzeko, Portillo jaunak adierazi du berak ez diola inolaz ere uko egin negoziatzeari; pleguen izapidetzea mantentzen bada ere, hark ez dio uko egingo negoziazioari. EAJ-PNVko bozeramaile Imanol Zuluaga Zamalloa jaunak hartu du hitza. Adierazi du Mankomunitateak judizioz kanpoko ordainketak egin behar izan dituela; diru publikoa erabiltzen ari dira enpresa bati ordaintzeko ez dagoelako beste erremediorik, zerbitzu hori eman egin behar baita. Horrez gain, negoziatutako prozedura baten bidez zenbateko horientzako kontratazio bat egitea legean nekez sartzen den zerbait da. Zalla Baiko kide Javier Portillo Berasalucek hartu du hitza. Adierazi du aurreko saioetan ere ohartarazi zuela irregulartasunak zeudela, eta hori argi gelditu da saio honetako aztergaien zerrendako lehen puntuan. Berak nahi duen gauza bakarra da irregulartasun gehiago ez egotea, eta hau galdetu du: “Zergatik onartu da enpresa hau hamazazpi urtez aberastea eta epe horretan lizitazio publikorik ez egitea?” Idazkariak jakinarazi du joan den azaroaren 26an egindako bilkuran Ingurumen Informazio Batzordeak pleguen aldeko irizpena eman zuela.

Batzar Nagusiak honako hau adostu du gehiengo osoz, hamabost aldeko botorekin (EAJ-PNVren hamalau, EH-Bilduren bi eta AEIren bat), Zalla Bai taldearen aurkako lau botoekin eta bost abstentziorekin (EH BILDUren hiru eta KZren bi): LEHENENGOA.- Enkarterriko Udalerrien Mankomunitatea osatzen duten herrietan hiri-hondakin solidoak jasotzeko eta garraiatzeko zerbitzua emateko kontratazioari dagokion espedientea abiaraztea. BIGARRENA.- Enkarterriko Udalerrien Mankomunitatea osatzen duten herrietan hiri-hondakin solidoak jasotzeko eta garraiatzeko zerbitzua emateari dagokion lizitazioa eta kontratazioa arautuko dituen Administrazio Baldintza Ekonomikoen eta Baldintza Teknikoen Plegua onestea. Mankomunitateko buruak, Tokiko Erakundeen Antolamenduari, Jardunbideari eta Araubide Juridikoari buruzko Araudiaren 91.4 artikuluak ezarritakoan oinarrituta, galdetu du ea talde politikoren batek, premiazko arrazoiak tarteko, Batzar Nagusiak gairen bat jorratzea nahi duen, deialdiarekin batera igorritako eguneko aztergaien zerrendan jasota ez dagoena eta galdera eta eskaeren puntuan sartzen ez dena, eta ez da legez ezarritakoa jazo.

13.- ESKAERAK ETA GALDERAK Rafa Arriola San Sebastián jaunak, KZko kideak, hartu du hitza. Adierazi du lehenik eta behin hau eskatu nahi duela: El Karpinen jarraipen-batzordea ahalik eta bizkorren elkartzea eta batzorde horretako kide kopurua handitzeko aukera aintzat hartzea, gutxienez udal bakoitzeko ordezkari bat egon dadin. Proposatzen duena da batzorde horretan udal guztietako alkateak egotea. Jarraian, Arriola jaunak hau galdetu du: zein da Mankomunitateko Berdintasun Planaren egoera? Zer urrats eman dira gai horren inguruan? Mankomunitateak, egindako galderari erantzunez, adierazi du ikerketa bat eta aurretiko txosten bat egiten ari direla, Enkarterriko zerbitzuen diagnostiko egiteko eta, horren arabera, Mankomunitatea osatzen duten udalerri guztiak barne hartzen dituen plan bat gauzatzeko. Hori oinarri hartuta, beharrezko agiriak prestatu ahal izango dira datorren deialdian diru-laguntza eskatzeko. Arriola jaunak berriro ere hartu du hitza eta Berdintasun Planari buruzko galdera bat egin du. Galdetu du ea egia den aurreko plana 2012an iraungi zela, eta itaundu du zergatik gertatu den hori; izan ere, haren iritziz, horrek esan nahi du Mankomunitatean zerbait txarto egiten ari direla. Mankomunitateburuak esan du baietz, aurreko Berdintasun Plana 2012an iraungi zela eta, ondorioz, beharrezkoa dela beste plan bat egitea.

Arriola jaunak 38/2015 ebazpenaren edukiei buruzko galdera bat egin du. Ebazpen horretan, hain zuzen ere, esleipen hauek ageri dira: 1.524,91 € Gizarte Segurantzaren errekargua ordaintzeko, eta 2.643,85 € defentsa juridikoari dagozkion gastuak ordaintzeko. Mankomunitateburu andreak, aurreko galderaren harira, Arriola jaunari jakinarazi dio aipatu ebazpena helaraziko diola. Arriola jaunak Mankomunitateburuari beste galdera bat egin dio Mankomunitatearen aurka jarritako jurisdikzio-prozeduren ondoriozko epai berriei eta, zehazki, irailaren 30eko 325/2015 epaiari buruz. Jarraian, Arriola jaunak eta Mankomunitateburu andreak irmoak ez diren epaien publizitateari buruz hitz egin dute, baita epai horiei dagozkien datuak babesteari buruzko erlazionaturiko hainbat konturi buruz ere. Mankomunitateburuak Arriola jaunari jakinarazi dio Mankomunitatearen bulegora joan daitekeela eta bertan kontsulta ditzakeela epai guztiak. Arriola jaunak eskatu du aktan bilduta gera dadila Mankomunitateburu andreak ez diela erantzun berak egindako galderei. EH-Bilduko bozeramaile Joseba Andoni Llaguno Hurtado jaunak hartu du hitza. Proposatu du, guztiak ados badaude, Balmaseda udalerriari gonbidapen formala egiteko Mankomunitatean sar dadin. Halaber, Llaguno jaunak adierazi du duela egun batzuk Mankomunitateko EH-BILDUko kide guztiek EAJren idatzi bat jaso dutela; idatzi horretan Mankomunitateari buruzko diagnostikoa egiten zen, eta diagnostiko hori Zalla Baik egin zuen bera zen. Taldeak dagoeneko aipatu du hori, eta azken udal-hauteskundeetako programa politikoan ere ageri zen. Kezkatu egiten du guztiek diagnostiko berdina izatea eta guztiek lehen egiten zituzten gauza berak egiten jarraitzea. Esan du egia dela zenbait erakunde % 90ean diru publikoarekin finantzatzen direla. Legealdi hasieratik adierazi dute Mankomunitateak hazi egin behar duela, baina hori egia bilakatzeko borondate gutxi ikusten du. Llaguno jaunak, esandakoa frogatzeko adibide hau eman du: El Karpinen egoera. Rafa Arriola San Sebastián jaunak esan zuen moduan, ezinbestekoa da azpiegitura horren beharrei buruzko ikerketa bat egitea eta Mankomunitatearen aurrekontuan azpiegitura horri eusteko besteko esleipena egitea. EAJ-PNVko bozeramaile Imanol Zuluaga Zamalloa jaunak hartu du hitza, aipatu egin baitute. Adierazi du Llaguno jaunak aipatu duen gutuna sinatu zuena Bizkai Buru Batzarreko kide bat dela, badakiela zertaz ari den eta ordezkatzen duen organoak, baita Enkarterrin ordezkatzen duen alderdiak ere, hori egiteko baimena eman diola. Agiri horrek egiten duen gauza bakarra da publikoki adieraztea Mankomunitatea osatzen duten ordezkari politiko guztiei zein den EAJren asmoa egungo egoeraren aurrean, eta haiek benetan nahi dutena gauzak irekita uztea da. Proposamen bat egin dute, publikoa zer izan behar den jakiteko. Legealdi honen hasieran, agiri horrek publikoki islatu nahi duena da zein

den euren asmoa, ordezkatzen duten alderdiaren gainetik, Batzordeetan edo Batzar Nagusi honen bileretan esan dezaketenaren gainetik. Joseba Andoni Llaguno Hurtado jaunak, EH-BILDUko kideak hartu du hitza. Esan du Mankomunitateak bi filosofia dituela: bata, solidarioa; bestea, baliabide publikoen kudeaketa. Jarraian, EH-BILDUko Llaguno jaunak eta EAJ-PNVko Zuluaga jaunak Enkartur, Enkarterrialde eta Behargintzaren irismenari eta finantzaketari buruz hitz egin dute. Javier Portillo Berasaluce Zalla Baiko bozeramaile jaunak hartu du hitza, eta eskatu du mezu elektroniko bidez igortzeko Batzar Nagusian azaldu den dokumentazioa, baita kredituak aldatzeko espedienteak ere, horiei erreferentzia egiten bazaie. Mankomunitateburu andreak adierazi du, ahal bada, Portillo jaunak eskatutakoa igorriko zaiela. Halaber, Portillo jaunak erreferentzia egin dio Karrantzako Zabala ordezkariak epai judizial irmoen harira esandakoari. Portillo jaunak eskatu du horren berri emateko Batzar Nagusian. Mankomunitateburuak erantzun dio horien berri emango dela Batzar Nagusian. Ondoren, Portillo jaunak esan du guztiz beharrezkoa dela Mankomunitatea berriz antolatzea; hori egitea zuhurra da eta guztiek partekatzen duten sentimendua sendotzeko balioko du. Antolatze hori, gainera, guztien artean egin beharko da. Ondoren, Mankomunitateburu andreak eta Portillo jaunak informazio batzordeen aztergaien zerrendarekin batera igortzen diren agiriei buruz eztabaidatu dute. Portillo jaunaren ustez, dokumentazio hori osoagoa izan beharko litzateke, hobeto aztertzeko eta eztabaidatzeko. Halaber, Portillo jaunak 7tik 10era bitarteko kreditu-aldaketaren espedienteari buruzko informazioa eskatu du. Mankomunitateburu andreak, Portillo jaunak egindako azken galdera horri erantzuteko, adierazi du Batzar Nagusiko aztergaien zerrendari dagozkion agiri guztiak Mankomunitatearen egoitzan daudela, kideek kontsultatu ahal izan ditzaten, saio bakoitzaren aztergaien zerrenda ezartzen den unetik bertatik. Agiri horiek guztiak mezu elektroniko bidez igortzean, batzuetan, zailtasunak agertzen dira, batez ere kontuan hartzen badugu Mankomunitateko langileek duten lan-karga handia eta aintzat hartzen bada Batzar Nagusiak kide asko dituela. 7tik 10era bitarteko kreditu-aldaketei dagokienez, mankomunitateburu andreak adierazi du eskaera helaraziko diola esku-hartze sailari, eta sail horrek egoki ikusten duen erantzuna emango duela. Ondoren, mankomunitateburu andreak eta Portillo jaunak Mankomunitateko kide anitzeko organoen aztergaien zerrenda osatzen duten agiriak bidaltzeari buruz hitz egin dute.

Zalla Bai taldeko bozeramaile Javier Portillo Berasaluce jaunak hartu du hitza, eta honako galdera hauek egin ditu: Zer txostenek azaltzen du gaur egun lau gizarte-langile bakarrik egotea, zerbitzu hori emateko betidanik bost langile egon direnean? Zer ondorio ditu horrek herritarrei ematen dieten zerbitzuan? Zer iritzi dute gizarte-langileek horri dagokionez? Eta jorratzeko beste gairik ez denez, hogeita batak direnean, mankomunitateburuak bilkura amaitutzat eman du, eta, nik, Enkarterriko Udalerrien Mankomunitateko idazkariak, guztiaren fede ematen dut.