Ensayos sobre´l País d´Asturies: una Nación Europea

Ensayos sobre´l

PAÍS D´ASTURIES :

Una Nación d´Europa

Carlos X. Blanco

1

Ensayos sobre´l País d´Asturies: una Nación Europea

1. Cultura y Civilización

“Les cultures son organismos. La historia universal ye la so biografía. La gran historia de la cultura china o de la cultura antigua ye, morfolóxicamente, el correllatu exauto de la pequeña historia d´un individuu, d´un animal, d´un árbol o d´una flor. Esto, pa la visión faústica, nun ye una esixencia, sinón una esperiencia. Si queremos conocer la forma interna que se repite auquiera, podemos valinos del métodu que tien afechisco la morfoloxía comparada de les plantes y los animales. El conteníu de toa historia humana escósase nel destín de les cultures particulares, que se suceden unes a otres, que medren unes xunto a otres, que se toquen, danse solombra y prímense unes a otres. Y si facemos desfilar énte l´espíritu les

formes d´eses cultures, que fasta agora permanecieren guardaes baxo´l mantu d´una “historia de la humanidá”, talantada como trivial

sucesión de fechos, vamos consiguir, ensin dulda, descubrir en toa so pureza y esencia la protoforma de toa cultura que, como ideal, sirve de fundamentu a toles cultures particulares”. (LDO, I. , p. 215) 1

Lo que nomamos “Historia Universal” ye pa Spengler una especie de xardín. Un xardín de plantes, grandes y pequeñes, tropicales o desértiques, polares o templaes. Pero un xardín onde domina la variedá. Esta bayura d´especies culturales supón la riqueza mesma de la Especie Humana. Tolos pueblos, toles realidaes culturales son respetables per se. Yá quedaron atrás los tiempos del colonialismu basáu nuna supuesta supremacía de la civilización occidental, de la superioridá del home blancu y cristianu. Esi intervalu de la Hestoria Universal que s´abrió a fines del sieglu XV y conoz el pieslle unos años depués de la II Guerra Mundial foi un episodiu temporal, un paréntesis dientro de les tendencies etnoecolóxiques del planeta: la diversidá acaba surdiendo, a pesar de la Globalización forciada de los colonizadores.

Igual piensa´l llector que con estes reflexones voi a la contra. Igual-y paez un fechu bultable la Globalización, el procesu del melting pot, la imposición d´una cultura única, xeneralmente un american way of life. Esta globalización, esti americanismu, ye un fechu imposible de retrucar, al menos si mos fixamos na costra más superficial de los pueblos. En televisión tenemos visto que dellos indíxenes con

1 LDO son les iniciales de la obra de O.Spengler, “La Decadencia de Occidente”, citada asegún la edición castellana de la editorial Espasa-Calpe, Madrid, 2007 (dos vols.)

2

Ensayos sobre´l País d´Asturies: una Nación Europea

taparrabos consumen el famosu refrescu de cola, o que camuden el traxe del país por calzones de conocía y multinacional marca de ropa deportiva. Pero lo cierto ye que, al marxe de la socesión de países de la periferia al orde económicu capitalista, les corrientes culturales paecen “ondes de llarga duración”, bien enraigonaes nel inconsciente de los pueblos y de les races. La milenaria China, civilización d´altu nivel espiritual y refinamientu, ye anguaño un motor d´esi capitalismu globalizador. Ensin embargu, inda nel más analfabetu habitante d´esta nación, y con más razón n´esti, hai un fondu anímicu que lu estrema sobremanera de cualesquier representante del ideal anglosaxón del ésitu, o de toa empresa “faústica” de triba occidental.

Pero de mano ye mester aclarar conceptos. ¿Qué ye l´alma fáustica? Evidentemente, la idea provién del Fausto de Goethe. Ye un alma que´l filósofu Oswald Spengler atopa n´Europa, y non siempre nin en toa fastera d´ella. La Europa clásica de l´Antigüedá, ye dicir, los xeitos y les xeres de l´Atenas de Pericles o la Roma d´Augusto, inda nun yeren los de la Europa d´alma cultural a la gueta del espaciu infinitu. Los pás de la Civilización Occidental, enantes de la llegada del Cristianismu teníen la so mirada, la conciencia vixilante, puesta nes realidaes concretes y corporales. La polis, y nun hai qu´escaecer que la mesma Roma Imperial nun foi más qu´una ciudá-estáu ampliada, hipertrofiada na so fas d´Imperium, ye una especie de realidá concreta y corpóra, bien concreta a nivel local y material. Caúna de les poleis griegues, y la ciudá de Roma “clonada” nes sos capitales provinciales, yeren entidaes autolimitaes a tolo que cinca la mirada corporal. Los horizones de l´alma clásica son los horizontes d´un espaciu onde les superficies llinden ente sí. La

polis clásica ye como la estatua griega. Un xuegu de superficies, de bultos que resalten. L´anatomía del desnudu nel arte clásicu

correspuende perfechamente a una xeometría euclidiana y a una llei (nomos) diseñada por y pala concreción de la polis.

Del caín del Septentrión va surdiendo otra naturaleza anímica, otru xeitu espiritual bien estremáu del tueru clásicu. Los xermanos de les invasiones, surdíos d´un verde mar de biesques trupes, toparon con una Antigüedá clásica enforma decadente, onde´l nuesu autor nun dulda en retirar la etiqueta de clasicismu pa calificar de “máxica”. Roma yá yera, como nos diz l´autor, “una provincia relixosa de Siria”. La Orientalización del Imperiu fue la gran invasión que precedió a la de los bárbaros xermanos. Una invasión d´idees y ritos, que non de guerreros xabaces. La historia de les relixones amuesa qu´esi productu del tueru semita, el cristianismu, tuvo precedíu por una invasión dioses llevantinos, próximo-asiáticos, descomanada. La Ciudá Eterna, capital d´un Imperiu forxáu na guerra y na imposición de moldes, de formes (el llatín, el derechu, el cultu al Emperador) volviérase pacifista y “universal”. La fas máxica, decadente, ye la típica dómina pola que pasa una civilización cuando ésta aporta al so másimu nivel d´espardimientu territorial y demográficu. Entóncenes ye cuando hai un “aburguesamientu” d´amplies capes de la población, qu´en teniendo les sos necesidaes cubiertes, entrégase a los placeres y comodidaes. Hai tamién un “proletariáu”, delles vegaes parásitu, sincretista, qu´habita les grandes ciudaes y nun estiende los sos raigones mui per debaxu del suelu onde habita.

Ye de notar qu´hai grandes diferencies ente Cultura y Civilización. La cultura

3

Ensayos sobre´l País d´Asturies: una Nación Europea

ye como la planta que naz, estiende los raigaños haza lo profundo, y al medrar va algamando una plenitú, un gráu óptimu de desendolcu. Pero la civilización ye, pela cueta, la muerta de la cultura per aciu d´un escesivu trunfu. Una muerte d´ésitu por cuenta d´una medría hipertrofiada. A pueblos estremaos, a capes sociales heteróclites, a tierres que se salen del llar orixinariu onde se diera´l formientu de la cultura d´aniciu, lleguen les influencies d´una cultura que yá pasara pel climacteriu, ye dicir, pela dómina crítica a partir de la cuala nun hai más qu´esclerosis y rixidez de los miembros d´esi organismu orixinal. Ye entós cuando se caltienen unes formes que yá nun se correspuenden col material humanu o social que les afita. Ye entós cuando se vive con y en delles pseudomorfosis.

Nun ha de cayer embaxu que la mayor parte de les naciones ensin estáu que tovía caltienen della entidá y autoconciencia de selo deben compartir les sos propies formes d´esistencia ente un marabayu de pseudomorfosis nel sen spenglerianu. El países como Asturies y Galicia onde se diera bien de retórica y estética céltica como preséu d´afitamientu de la nuesa identidá tenemos exemplos muncho familiares pa pescudar esta “llucha poles formes”. Nel imaxinaru románticu serondiegu, bien entráu´l sieglu XIX, y al traviés d´influencies franceses, los primeros “proto-nacionalistes” y rexonalistes alcen nel imaxinaru coleutivu de Galicia, y en menor midida, d´Asturies, un mitu celtista que, acordies cola terminoloxía decimonónica, nun yera ayenu al racismu ideolóxicu nos casos gallegos de Manuel Murguía y Alfredo Brañas (ver Justo Beramendi2). N´Asturies, el conocíu grupu d

2 “De Provincia a Nación. Historia do Galeguismo Político”, Ediciones Xerais de Galiza, Vigo, 2008.

´intelectuales, “La Quintana” tamién espardió nel imaxinariu coleutivu ástur la estética celtista. Nun mos caben duldes de que l

´imaxinariu celta sirvió p´afitar en delles conciencies la estremancia, d´una banda, ente una cultura nacional, nel sen spenglerianu, una planta con vida propia, y una realidá estatal, la del Estáu (España) onde les formes impuestes pela vía xurídica, política y simbólica averábense en bona midida a les d´una Civilización, España como Imperiu caducu, gastáu, cansu. España decadente como socesora del Imperiu Romanu decadente qu´aforfugó abenayá a pueblos celtes (cultures). Sían o non estes simboloxíes antitétiques, les de los celtes (pueblos d´anguaño ensin nación, plantes “sanes”) énte romanos (hispanos d´anguaño, ello ye, civilizaciones gastaes), el casu ye que siguen actives en bona midida. D´una banda, sigue mui activu´l renacimientu celtista del folk galaicu y ástur tantu como´l refugu cuasi irracional de la intelligentsia más pro-hispana, que s´encerrisca en ver namái que los llogros imperiales (Roma, Sieglu d´Oru Español) en detrimentu d´unes cultures nacionales subestatales que necesariamente tán más cerca del pueblu y de los movimientos xuveniles.

El pasu de la Cultura a la Civilización ye una baxada del nivel anímicu, “camudar la perspectiva del páxaru pola perspectiva de la xaronca”, diz Spengler. Falar de Cultura ye falar d´un organismu vivu. Falar de Civilización ye lo mesmo que falar d´una momia. Los miembros ríxidos ya inanes testimonien lo qu´una vegada fue un ser cultural vivu, con brenga y dinamismu propiu. La cayida al nivel de Civilización ye´l trunfu de les mases urbanes desenraigonaes, que piensen namás qu´en términos práuticos. La Gran Metafísica tresfórmase n´ética: utilitarismu, hedonismu, estoicismu. Les mases proletaries y l´home-masa

4

Ensayos sobre´l País d´Asturies: una Nación Europea

aburguesáu nun s´estremen malapenes nel so rispir por comodidaes: xestión del propiu cuerpu, control del alcohol y del aparatu xenital. Munches vegaes la cayida espiritual de la vida civilizada supón un verdaderu escaezu de les cuestiones nobles de la gnoseoloxía y del estudiu del Ser, abandonáu por un esmolecimientu cuasi hixénicu, un pensamientu práuticu empobináu namás qu´a un autoconocimientu práuticu del propiu yo.

Na Cultura nun hai esa intelectualización descomanada de la Vida. Dientro d´una Cultura “en forma”, el pueblu ye l´aldeanu. Les sos clases dirixentes, la nobiliaria y la sacerdotal, son una escoyeta y una flor y ñata del mesmu pueblu. Realmente, cuando se vive nuna Cultura faise dientro d´una Nación entendida ésta como un verdaderu organismu vivu. N´Europa, les estremaes Cultures son naciones, tengan éstes o non una realidá estatal. El formalismu xurídicu actual, que se centra nel conceutu astrautu de “soberanía” ye un resultáu del despotismu absolutu del Antiguu Réxime, de la modernidá que fina cola Revolución, preludiu del despotismu republicanu, onde la propia omnipotencia del Rei pasa a ser la omnipotencia del Estáu, del Pueblu n´astrautu. Pero la Revolución de 1789, en Francia, nin la de 1917, en Rusia, nun la ficieron los aldeanos. L´instintu del aldeanu, asina como la del noble (nel sen xenuino d´un aldeanu seleutu) ye´l de perseverar, non el de camudar les coses satisfaciendo los petites de mases urbanes “ensin calzones”.

La Historia como ciencia de los fechos nun se pue tracamundiar por un saber d´anticuarios. Esto sedría grave error. La Historia ta orientada haza´l futuru, el destín. Si pescudamos nuna cultura, la nuestra propia cultura, una protoforma,

hemos saber qu´esta xera tien como enfotu principal algamar un futuru deseáu, un non ser qu´inda nun tenemos énte los güeyos pero que

pue y tien de desplegase a partir del protofénomenu al que yá pertenecemos. Les vieyes cultures nacionales, como pue ser el casu de l´asturiana, son vieyes namás que nel sentíu de tener biltao´l so tueru ancestral va munchos sieglos. Son vieyes nel sen del tiempu trescurríu, pero nun cayeron al nivel d´una Civilización que desplegara yá toes sos posibilidaes hasta devenir en momia. Civilizaciones foron la helenística, la romana, la hispana. Pero les cultures (naciones nel sen estrictu) que quedaron albortaes nel so despliegue, y que supieron resistir a la imposición de pseudoformes, caltienen entá los preseos de la so mesma sobrevivencia al mirar no más fondero d´elles: al aldeanu, al paisaxe, a lo que fuimos enantes de la llegada de la gran urbe.

Una cultura fáustica nun busca la estroversión. Retorna una y otra vuelta a lo más fondo de so ser, toma los propios elementos pa medrar, espurrir tallos y rames haza´l sol. Cuando incorpora elementos ayenos, faílo pa convertilos esencialmente en suyos, talmente como un árbol asimila los nutrientes y l´osíxenu y opera con ellos una tresmutación cola que nel intre yá ellos son árbol, parte consustancial d´él. Esta introversión ye la que la faculta pa dir a la gueta d´infinitos. Como´l Fausto goethiano, hai siempre una primer fas nocherniega, onde la Cultura nacional nun ye muncho consciente de les sos propies diferencies. Bilta de la más profunda nueche enllena d´ensueños. Vive inconsciente tantu de si mesma como de les diferencies pa coles otres. Una segunda fas ha consistir en salir al día, proyeutase a la historia, forxar un porvinir.

5

Ensayos sobre´l País d´Asturies: una Nación Europea

Asturies, como tantes otres cultures d´Occidente, d´Europa, conoció los periodos fáusticos ya imperativos. A partir d´un fondu indoeuropeu guerreru, magar que non espansivu, fue´l deprendimientu de lo que Roma suponía na Hestoria Universal, l´usu imperativu de la propia manera de ser, lo que permitió a aquellos llonxanos ancestros nuestros resistir sieglos depués énte l´islam. Una manera de resistir que siempre demostró ser la meyor, la más eficaz, la más cargada de consecuencies pa la vida futura: espandiéndose de manera imperativa, pañando territoriu al estrañu, al que radicalmente yera Otru. El Signu de la Cruz (“con esti signu vas vencer al enemigu”), inda güei´l lábaru fundamental de los asturianos, foi más que nada Signu de la resistencia y del imperiu: la vieya idea romana d´imperiu, alternativa al califatu d´aniciu árabe, ye rescatada fáusticamente polos reis ástures: más alló d´engarrase ente tribus vecines, pero hermanes, l´Islam púnxose delantre como un Otru, al que combater, al que conquistar, nel llímite, hasta les mesmes puertes d´África si fuera preciso. L´indíxena ástur, el cántabru, el galaicu, nun taba al tantu d´estructures xeopolítiques comparatibles a les de Roma. Igual que los sos coetánios, los xermanos, a lo más que podíen llegar éstos pueblos “bárbaros” yera al másimu d´una Confederación militar provisional, Enriedando ente ellos, Roma siempre diba poder dixebrar y vencer. Pero, en cayendo Roma, la historia yá tenía afechiscu l´espíritu del Imperium, calteníu vivu pola Ilesia de Cristo. El mensaxe de Cristu nel medioevu yera mensaxe guerreru, yera mensaxe de supervivencia cultural de los pueblos d´Europa énte l´inminente peligru d´Orientalización. L´antigua relixón de tueru semita, la de Cristo, vinida d´un Llevante trunfador sobre la Roma occidental, pariente llonxana de celtes y

xermanos, camuda agora, al rodiu del sieglu VIII y IX, nuna relixón fonderamente xermánica y xermanizada, d´ardor guerreru y de

caltenimientu testerón de la identidá propia énte los estraños pueblos afro-asiáticos, los portadores del mensaxe de Mahoma.

Les Cultures, cuando tán “en forma”, cuando garren brenga y cazume de si mesmes, y amás algamen estructures estatales sólides pal nivel de la dómina, fórxense como plantes bultables nel xardín de los pueblos, árboles con alta cucuruta y fondos raigones. Ye interesante pescudar cómo nun se dio gran convivencia del nuestru tueru ástur-lleonés colos poueblos que recularon detrás del Dueru, esi gran ríu frontera, esa “marca” nel sen militarista y medieval de la palabra. Hasta ehí lleguen bien de rasgos del idioma nuestro, l´ástur-lleonés, y delles permanencies de la etnoloxía. Pero yera Castiella, esgayada del tueru común que compartíen nuestros antepasaos con cántabros y váscones, la Castiella llamada a ser imperial, la que trespasó les vieyes fronteres prerromanes, la que tuvo mester d´incorporar a la so superestructura política y social a una bayura de bolses xudaiques y morisques. Trespasaron los castellanos les llendes de la vieya Iberia indoeuropea haza un Sur d´antigua conexón y solidaridá africana y llevantina. L´Occidente ástur-lleonés y galaicu quedó aislláu en tantu que Cultura, y les individualidaes de so diben participar nuna “Hestoria Universal” yá acutada pa una Castiella que se feguraba ser la Nueva Roma, asimiladora de pueblos. El nuestru Noroeste, onde se llanta la cultura asturiana, nun pasó o nun quixo pasar de ser Federación de Pueblos hermanos (galacios, cántabros, váscones). El proyeutu castiellanu, llamáu a ser absolutista y conocer tiempu abondo pa

6

Ensayos sobre´l País d´Asturies: una Nación Europea

llegar a ser decadente, pela cueta foi un proyeutu de mestizaxe, d´asimilación, una xera de chocar, una y otra vuelta, colo africano, y cola so propia afrincanidá.

Un rasgu cimeru na historia de los pueblos d´Europa ye´l de la so conciencia cronolóxica. La historicidá. Cada cultura ye un suxetu de la historia y en la historia. Y eso asocede a partir de los sieglos escuros onde los pueblos bárbaros tornen a indoeuropeizar la vieya llatinidá morrebunda y a piques d´esbarrumbar per aciu del acosu de la Media Lluna. Taben los moros o sarracenos llantando les sos güestes en tola Península Ibérica sacantes l´Asturorum Regnum, y pirateando´l golfu de Liguria, faciéndose los amos de la Provenza y del Sur d´Italia, pero nes fasteres llibres la síntesis de pueblos indíxenes, celtes o celtizaos y antiguos invasores, godos o francos, pasaben per una fonda tresformación: les antigües sagues d´heroes y recuerdos del sangre, al traviés del influxu cristianu, salen de la so circularidá y ganen el puxu llineal, el de la conceición histórica del Tiempu yá espuesta por San Agustín. Ye la dómina de la Crónica medieval, onde nun importa la verdá (la Historia nunca nun fue nin va ser Física) sinón el destín, la flecha que arrinca d´un Pasáu y apunta a un Futuru.

Cuando los Reis Ástures, Alfonsu III sobre manera, entienden que so proyeutu ye d´algame “Imperial” y yá non una llucha tribal pola independencia, surde´l mitu neogóticu. Uviéu ye la nueva Toledo. El Reinu Ástur ye la nueva Gothia, la Tierra de los Godos, una Hispania a reconquistar. ¿Por qué trescaló´l Mitu? Non pola base étnica. Munchos godos abeyaron tres les montañes cantábriques, ye cierto. Pero ellos nun pudieron ser la base del nuevu reinu de los asturianos. Nun tuvieron brenga abondo pa resistir la invasión

africana en disponiendo de tolos poderes ¿diben a tenela depués, espardíos y guardaos ente arispies montañes? Otru sostratu indíxena

tenía de ser el que diera puxu a la Conquista, mal nomada Re-conquista. Un sostratu, por embargu, que sirvió pa dir repoblando, colonizando les amplies llanures interpuestes ente tierra de moros y de cristianos: ástures, galaicos, cántabros, váscones. El sentimientu de diferencialidá d´estos neo-cristianos que emburriaben haza l´Andalucía a beréberes, sirios y árabes, debió ser cosa bien percibida pola población mozárabe, los antiguos hispanorromanos y godos que, convertíos o non a la fe de Mahoma, conocíen agora nueves invasiones, una nueva Gothia. La inesauta identificación ente los guerreros asturianos, nomaos dacuando “gallegos” o “francos” polos árabes, y l´autoconceutu (emic) de godos que se gastaben los reis d´Uviéu y Lleón asina como los sos cronistes, da bona cuenta del historicismu medieval que surde, fáusticamente, na parte más europea de la península.

Somos los occidentales, y tovía meyor, los europeos, los qu´alimentamos un conceutu d´Historia, de decursu de los tiempos a mou de proyectil que va dende´l pasáu fasta´l futuru más llonxanu. Cuando un europeu cultu piensa na Historia, ta pensando na Historia europea y na de so país. Nun-y entra nel so cerebru, por más que lo tenga visto en delles enciclopedies y llibros sinópticos, una Historia de la “Humanidá”. Les Cróniques asturianes yeren la historia “de los que yeren como ellos”, y más tovía, de los cristianos con voluntá imperativa de siguir la continuidá de los godos. Nun yera esauto, nun esistía esa continuidá namái que con tribus y pueblos celtizaos y autóctonos: celtes, cántabros, galaicos, etc. Pero pa l´entendimientu estranxeru, yá de los francos, yá de los muslimes,

7

Ensayos sobre´l País d´Asturies: una Nación Europea

yera mester dafechamente presentase como godu. Y dientru de conceutos yá históricos, con voluntá de Futuru, nunca nun se dio idea tala como la d´una “Humanidá”. Non enantes del sieglu de les lluces, y tovía equí, nos tiempos dieciochescos, Humanidá significa Europa.

Ye mester sintir, otra vuelta, les palabres de Spengler:

“Pero la ‘la humanidá’ nun tien un fin, una idea, un plan; como nun tien fin nin plan la especie de les camparines o de les orquídees. ¿Humanidá? Ye un conceutu zoolóxicu o una palabra valera. Que desapaeza esta pantasma del círculu de problemes referentes a la forma histórica, y veránse surdir con ablucante bayura les verdaderes formes. Hai equí una insondable riqueza, profundidá y movilidá de lo viviente, qu´hasta agora permaneciera tapecía baxo una fras valera, un esquema secu, o unos ìdeales’ personales”. (LDO, I, p. 59).

“Envede la monótona imaxe d´una historia universal en llínea recta. Que solo se caltién porque zarramos los güeyos énte´l númberu abrumador de los fechos, veo yo´l fenómenu de múltiples cultures poderoses que xorrecen con brenga cósmica nel senu d´una tierra madre, a la que caúna d´elles ta unida por tol cursu de so esistencia. Caúna d´eses cultures imprime a so materia, que ye l´home, so propia forma; caúna tien so propia idea, sos propies pasiones, so propia vida, so querer, so sintir, so morrer propios. Hai equí collores, lluces, movimientos, que denguna contemplación intelectual descubriera entá. Hai cultures, pueblos, idiomes, verdaes, dioses, paisaxes, que son xóvenes y florecientes; otros que son yá vieyos y decadentes; como hai carbayos, tallos, rames, fueyes, flores,

que son vieyos y otros que son xóvenes. Pero nun nai `humanidá´vieya.” (LDO, I, p. 60)

Esti ye´l principiu de diversidá cultural: cada cultura (n´Europa, nación) ye única y si caltién formes propies, ésta nun puede morrer a nun ser qu´ella mesma s´abandone a les potencies colonizadores, imperialistes, y pali que pali permitan los sos nacionales que-yos roben l´alma. Esto asocede, nidiamente, col llingüicidiu. Nel casu asturianu, una cultura dafechu que cuenta, ente bayura de rasgos, con una llingua propia: morrerá Asturies cuando muerra la llingua por ser ésta preseu activu pa la so propia restauración. Más que l´horru, más que la sidra o el mesmu paisax templáu-húmedu, ye la llingua la única parte instrumental del alma nacional que puede facer qu´esta resucite. Pero nun hai colonialismu eternu cuando hai una resistencia. Si hai llingua tovía ye porque hubo resistencia.

Nun esiste, realmente, una Historia Universal, y menos tovía ye cierto qu´una pretendida teleoloxía, un finalismu inmanente a la marcha d´esa historia mundial vaiga a encloyar les cultures cuando éstes tean aliendu, formes propies, voluntá de vivir y siguir siendo.

Los que primero se decaten de qu´una cultura caltién un aliendu propiu son los propios fíos y miembros d´ella. D´ehí que bien d´españíos nacionalistes y de rebeldía énte dominaciones coloniales o centralistes pillen de capitón a los opresores, que nun siempre veíen vinir a les corrientes soterránies. Éstes, el día menos esperáu, xorrecen na superficie de los acontecimientos dexando al restu del mundu ablucando. Y ye que cada cultura forxa un conceutu de sí mesma y pa sigo mesma, resultando mui difícil de pescudar a los que viven ayenos a esa “planta”, al organismu cultural. Diz Spengler:

8

Ensayos sobre´l País d´Asturies: una Nación Europea

“Cada cultura tien el so propiu conceptu del país natal y de la patria, conceptu difícil de garrar, cuasi inefable, enllén d´escures rellaciones metafísiques y, por embargu, de tendencia inequívoca. El sentimientu antiguu de la patria, qu´afitaba al individuu con brenga corpórea y euclidiana a la polis, a la ciudá, contrapónse a la misteriosa señardá o señardá del septentrional, que tien dalgo de musical, dalgo de vagamundu y supraterrestre” (LDO, I, pps. 576-577).

Nun puede tener –según Spengler- el mesmu conceutu, nin tampocu los mesmos sentimientos concomitantes, referíos a la “patria” un home del Sur, tovía apiegáu les estructures mentales del clasicismu mediterrániu y llatinu, qu´un home del Norte, muncho más fundíu col so paisaxe natural y “aldeanu”. Rescampla na obra del filósofu xermanu una mayor atención a l´alma como ser inasimilable a la razón, poro, inefable. L´alma del Septentrión ye muncho más señardosa y enraigonada al terruñu onde medra y algama plenitú. Eso nun quita pa que na historia se produzan milenta movimientos migratorios y cruciamentos ente pueblos. Dalgo tuvo que camudar l´alma gótica cuando afincó na hispana Toledo en comparanza cola so Gothia escandinava ancestral, por exemplu. D´igual manera, los condicionantes territoriales y paisaxísticos del asturianu que nunca nun se movió de la so aldea o valle demientres sieglos consérvense más que´l del emigráu a Estramáura y Andalucía na dómina medieval. Y ye qu´hubo bayura de norteños que colonizaron el sur pensinsular (bayura d´asturianos) qu´anguaño yá nun tenemos por tala colonización. Ellos llevaron al sur bien de rasgos de la so cultura (cristiana, de tueru indoeuropeu, campesina) pero

tales rasgos nun dexen güelga perenne nel sangre nin el código xenéticu, que sepamos de forma científicamente demostrada. Ye´l

suelu y les nueves condiciones histórico-sociales onde l´emigrante s´afinca, lo que fai camudar l´alma. La cultura (nacional) nun se puede talantar nun sentíu metafísicu ya irracional, como sostancia perenne que lleven consigo los individuos. Esto puede dar llugar a un nacionalismu metafísicu y, peor entá, irracional, que nun se sostién pola pata. Diba ser muncho díficil despertar el sentimientu d´asturianidá n´aquellos repobladores medievales del Sur d´España, como de tantos (millones) descendientes nuestros qu´hai per América del Norte y del Sur pero que, más alló de trés o cuatro xeneraciones, yá perdieron conciencia de los sos raigones concretos. Por embargu, l´apertura d´alderiques sobre la “españolidá” de los moriscos y sefardíes trescurríu yá mediu mileniu depués de la so espulsión de nuestra península, nun ta despertando tanta rocea como sí la despertaría l´alderique sobre l´asturianidá recuperable de xentes que la perdieron más alló de les trés o cuatro xeneraciones. Y ye que´l nacionalismu metafíscu ta meyor vistu (inda vistu como “progresista”) cuando se da a nivel de supuestes naciones-estáu, y ye en forma más polémicu cuandu ésti quier afalase dende un supuestu suxetu nacional, magar que sub-estatal, como sería´l casu ástur-asturianu.

La morriña o señardá del Septentrión de la que nos fala´l filósofu tien que ver, al mio ver, con una concepción muncho más orgánica, en si mesma muncho menos mecánica, del territoriu que se considera casa, llar. La cultura nórdica, faústica, nun toma como elementos los cuerpos. Nel Mundu Mediterráu, los cuerpos son los elementos bultables d´un espaciu que ye namás qu´un

9

Ensayos sobre´l País d´Asturies: una Nación Europea

intersticiu ente los mesmos cuerpos. Pela cueta, nes cultures nórdiques l´espaciu mesmu ye´l protagonista. Un espaciu infinitu onde los suxetos, bien sían individuos bien sía cultures, paecen puntos perdíos como estrelles nun infinitu cielu.

Quiciabes, too esto tenga que ver col apegu del suxetu nórdicu a un paisaxe en si mesmu complexu, bayurosu. Un paisaxe onde predominen les biesques, les revueltes, la orografía siempre cambiante, qu´en cada requexu ufre una nueva perspectiva. Nada que ver cola seca vexetación mediterránia, onde garra fuerza l´obxetu aislaú, yá sía vexetal, animal, humanu. Nes cultures mediterránees ye bultable una mayor tendencia a la “idolatría”. Ente los dioses fenicios, griegos, romanos, encarnaos n´estatues y sacaos a la lluz del meudía, d´una banda, y los santos y vírxenes del catolicismu, tamién estatues bien de veces idolatraes, y siempre feches d´una contestura corpórea, hai una enorme continuidá. La continuidá de capes y estratos civilizatorios que se superponen. En cambiu, too paez que yera dinamismu (de dynamis, fuerza impulsora) na mitoloxía céltica y xermana. Estes mitoloxíes yá tán escaecíes mayormente na conciencia del pueblu, anque non del too nes árees rurales de la Europa central y atlántica, onde s´alluga Asturies. La cristianización fue, demientres bien de sieglos, la barniz col qu´anubrió´l rellumu de les antigües deidaes. Unes deidaes siempre estrañes pal home mediterráneo. Más que persones con cuerpu, como Apolo, Xúpiter, Atenea, estos dioses celtoxermánicos yeren daquella fuerces naturales y espirituales onde´l so antropomorfismu dilíase ente´l caín y la eterna capa de fueya, homedanza y arboláu.

L´home, cuando emigra a la ciudá vuélvese escaedizu. Les vieyes idees étniques, los arquetipos de los que Carl Gustav Jung nos falara,

son otra vuelta somorguiaos en profundos pínfanos del alma humana. Eso ta pasando col alma del europeo, y como parte d´ella, la del asturianu. Son munches les capes de barniz que-y punxeron encima: la romana, la cristiana, la estatal. Na ciudá píerdense, fráñense los raigones que lu unen a la Tierra. Pero la Tierra, ensin concretar, al igual que socede con otres categoríes fundamentales- el Pueblu, la Nación, la Cultura—nunca nun esiste como astracción. La Tierra a la que pertenezo, de la que vengo y a la que me debo, esa Tierra ye un paisax y un territoriu llingüística y étnicamente cargáu de significaos, de valoraciones. Dende esa Tierra concreta, un home (de humus) bilta socialmente como un frutu que yá contién los sos propios arquetipos, que vienen de lo coleutivo.

Por supuestu, el positivismu clamiará contra esti aparatu conceptual. ¿Ú tán los fechos?, dirán dende estes posiciones. El positivismu, y tamién un ciertu materialismu, nun atopa realidá palpuñable a delles entidaes puramente anímiques como l´arquetipu, l´alma fáustica, l´alma apolínea, el ciclu de la cultura… Pero ¿son más tanxibles coses como´l continuu espaciu-tiempu, la enerxía, la materia? Hemos mester de conceutos astrautos. Y hai ciencia daveres muncho más alló de la medición numbérica, del formalismu matemáticu. Hai ciencia onde la esperiencia humana ye quien a facer comparanza ente fenómenos aparéntemente estremaos, pero de los que intelectivamente podemos establecer analoxíes y correspondencies. De toles maneres la Historiografía convencional vien faciéndolo al marxe de les teoríes de Spengler. Fálase de la Ilustración ateniense recordando

10

Ensayos sobre´l País d´Asturies: una Nación Europea

siempre a la Ilustración europea del dieciocho. Fálase inda ente nós d´un Resurdimientu, el de la llingua, como si d´un nuevu Clasicismu Antiguu y a piques d´alitar viniera de nueu, tres los sieglos escuros. Yá con estos dos exemplos vese claro qu´una correspondencia nun ye panada una identidá. Les analoxíes parten siempre de dos términos esencialmente diferentes y les semeyances – “afinidaes morfolóxiques”, en palabres del filósofu xermanu—siempre han ser parciales y cincantes a la forma, magar qu´endolquen conteníos espirituales y culturales de lo más estremao.

L´home nun esiste, diz Spengler. Esisten los homes en plural siempre concretaos en Cultures que son yá, en sí mesmes, organismos biolóxicamente complexos, intraducibles d´unos casos a otros, suxetos irreducibles anque efeutivamente comparables per aciu del métodu de les afinidaes morfolóxicamente qu´arriba mencionemos.

Los homes, nun estáu de pura animalidá, nuna fas pre-cultural, son animales de rapiña. Nellos, la mirada del ave de presa ta siempre a la gueta de víctimes y pescuda los amplios horizontes pa ver si hai manera d´apoderase d´otres besties. Pero cola vista del ave de presa ha desendolcase la mano. La mano ye l´instrumentu de la Cultura, ye´l primer arma d´ataque. Hai una teoría belicista en Spengler. Esto pue vese con más profundidá y síntesis nel so breve llibru El Home y la Téunica. Col magníficu preseu de la mano humana, l´home llánzase a la caza de los animales y a la caza mesma del animal humanu. L´establecimientu de xerarquíes pre-históriques ye la base del entamu de xerarquíes bionaturales d´anguaño. Na mesma llínea anti-igualitaria de Nietzsche, esti autor refuga la nivelación de los seres

humanos. La ilusión igualitaria –en cuantes a capacidaes y talentos- vien a ser un productu de les grandes ciudaes, cuando yá les

altes cultures entren nuna fas de senilidá y cascancia, cuesta abaxo en camín de ser Civilizaciones, esto ye, estensiones de vieyes cultures que sólo son a espardise nel espaciu nun sen cuantitativu y esterior, magar que yá non en profundidá. Los igualitarismos antiguos –estoicismu, cristianismu- y los d´anguaño –socialismu, ideoloxía de los Derechos Humanos- vienen a ser productos d´estes vieyes cultures, de civilizaciones claudicantes, superficiales, onde hai Masa pero non yá un Pueblu. Son tesis de castra aristocratizante que recuerden muncho a Ortega y Gasset, y so Rebelión de les Mases.

En toa Cultura hai una asimetría de castes y de clases. Más bien falamos de clases cuando la Cultura llega al altor del urbanismu y del luxu (l´Alta Cultura). Nesti sen, entós, la Cultura ye indistinguible del luxu, del refinamientu. Inda na Europa d´anguaño, una bayura d´obreros viven con luxos imposibles d´imaxinar ente los pueblos d´otros continentes. Ye la población de les grandes ciudaes la que, según el filósofu xermanu, caltién un ideal de pacifismu y comfort, una utopía fundada na evitación de los conflictos. Por embargu, esi altu ideal d´aniciu ilustrau y socialista, l´ideal igualitariu d´una Cosmópolis civilizada onde s´amesten races, llingües, tradiciones, tapez baxu la costra de superficie un fondu primitivu, un retrocesu al selvaxismu más terrible. Non otra cosa son los llamentables espectáculos de mases nel deporte, nel olimpismu, el neotribalismu del fútbol y de les mases “aguerrides” d´hinches. Con esos calces de desagüe, l´aire anxelical del socialismu, l´igualitarismu y la paz perpetua son a mantenese de forma

11

Ensayos sobre´l País d´Asturies: una Nación Europea

hipócrita. En realidá, son ideales que capen a una parte de la masa pero que consiguen afalar los más selvaxes instintos violentos d´otra. La brenga agresiva de la bestia humana yá nun se vierte sobre pueblos ayenos que pongan en peligru la patria propia, l´honor, la familia, la fe. Namás queda un vertir de violencia sobre un alter ego tamién bestial, incapaz de dir a al caza o la guerra na percivilizada Gran Urbe Occidental. Ye entós cuando´l nuevu brutu de la Gran Urbe de la Civilización decadente, del suburbiu onde medren los desarraigaos, amazcaritáu colos signos y emblemes de la tribu artificial (unos colores, unes banderes, unes camisetes), va a la gueta d´otru enemigu tamién artificial ente gran estrópitu. Porque nesti casu, lo único que de natural hai ye l´instintu de sangre y guerra qu´un día conocieron n´auténtica espresión los sos antepasaos.

“Na urbe mundial nun vive un pueblu, sinón una masa. La incomprensión de toa tradición que, al ser atacada, arrastra na so ruina a la cultura mesma –nobleza, ilesia, privilexos, dinastía, convenciones artístiques, llindes científicos de la posibilidá del conocimientu-, la intelixencia aguda y fría, muncho superior a la prudencia aldeana, el naturalismu de xacíu pernuevu qu´arreblagando sobre Sócrates y Rousseau va enllazase, tocántenes a a lo sexual y social, colos instintos y estaos más primitivos, el panem et circenses que se manifiesta güei otra vuelta nos concursos de boxeu y na pista de deportes, too eso carauteriza bien, énte la cultura definitivamente pesllada, énte la provincia, una forma nueva, postrera y ensin porvinir, pero inevitable, de la esistencia humana” (LDO, I, p. 81).

Los hinches del fútbol y les tribus urbanes, asina como otros fenómenos de la sub-cultura de mases garren puxu

énte la cultura oficial, tenida yá por clásica non nel sen d´esporpollante, de rellumante, sinón nun sen muncho pervertíu, lo clásico ye lo

foroñoso, vieyo, elitista y como tal cosa d´élites, inda ye vista como peligrosa. La masa ve lo clásico (lo cultural nel sen spenglerianu) como un peligru y va a escoyer representantes políticos y llexisladores que la marxinen, que l´arrequexen. Cualquier moda, modismu o zuna d´orixe forasteru o presuntamente cosmopolita va a llamar abondo más l´atención.

Ye bultable lo qu´asocede nesti Estáu Español. De magar entró en vigor la reforma educativa conocida como LOGSE (1990), les llingües clásiques, preséu fundamental pa conocer el tueru mesmu de la nuestra cultura occidental, son obxetu de verdadera persecución nos institutos de secundaria. Cualesquier otra caxigalina académica, aerobic, flamencu, tecnoloxía, etc. vien a rellenar esa ferramienta esencial que los europeos tenemos qu´estudiar pal nuesu auto-conocimientu. Nel nivel universitariu, más entá: hai universidaes creaes de recién que se permiten el luxu d´arrincar los estudios clásicos de llatín y de griegu dientro de la so ufierta educativa. Nes facultaes d´Humanidaes del Estáu Español, davezu, vien a dase la circunstancia de que los estudiantes de filoloxía escueyen ente l´árabe y el griegu, como si estes dos llingües ocuparen un mesmu espaciu nel que tuvieren que competir, y comi si la llingua d´Homero, de Platón, d´Esquilo o Aristóteles nun fuera pa nós, europeos y fíos culturales de la Hélade, muncho más esencial que l´árabe. Aportemos a un nivel de barbarización y sectarismu descomanáu, y nun ye raro qu´en dellos ámbitos sureños, los escolinos recibe bien de veces más el mensaxe de qu´ellos descienden (polo menos en parte) d´una oriental cultura arábiga que de la Hélade, la Roma, la Gothia, etc., por

12

Ensayos sobre´l País d´Asturies: una Nación Europea

nun falar de los respeutivos reinos medievales, ente los que ta l´Asturianu (Asturorum Regnum).

La pseudocultura de les mases ye la otra cara de la moneda de l´aparición d´unes élites ocioses (Thorstein Veblen) y dexeneraes qu´ocupen puestos clave na alministración, les finances, les nomenkltuares de los aparatos políticos etc. Pa estes élites, el surdimientu d´un retornu a lo “clasíco”, igual qu´una vuelta a los demás raigones esenciales de los pueblos europeos diba ser visto como un peligru, como una torga pa la so voluntá de poder. Porque esi retornu diba consistir nin más nin menos qu´una educación del propiu Pueblu.

Falemos yá del tueru clásicu, grecorromanu, que ye´l de toa cultura europea, incluyendo la cultura clásica. Pero tamién hai que lo facer del otru tueru nuestru, el xermánicu. El contraste ente la cultura clásica (apolínea) y la xermánica (faústica) queda espreáu por Spengler d´esta miente:

“N´adelantre voi dar el calificativu d´apolínea al alma de la cultura antigua, qu´escoyó como tipu ideal de la estensión el cuerpu singular, presente y sensible. Dende Nietzsche ye esta denomación intelixible pa toos. Énte ella colocó l´alma faústica, de la que´l símbolu primariu ye l´espaciu puru, ensin llímites, y que tien como “cuerpu” la cultura occidental, qu´entama a xorrecer nes llanures nórdiques, ente l´Elba y el Tajo, al ricar l´estilu románicu nel sieglu X” (LDO, I, 331)

El Reinu d´Asturies, entamando dende un aniciu ástur, depués celtizáu y romanizáu, refugó la sescudida que-y vieno d´África y d´Oriente. Refugó dafechu la noamda cultura máxica (arábiga), puesta ente medies de l´apolínea y la faústica pol filósofu alemán.

“Y más llonxana, anque medianera ente les dos [l´apolínea y la faústica], aparez l´alma máxica de

la cultura árabe, tomando, interpretando y heredando formes. La cultura árabe, qu´esconsona na dómina d´Augusto, nel paisaxe comprendíu ente´l Tigris y el Nilo, el mar Negru y l´Arabia meridional, tien so álxebra, so astroloxía, y so alquimia, sos mosaicos y arabescos, sos califas y sos mezquites, sos sacramentos y sos llibros sagraos de la relixón persa, xudía, cristiana ‘antigua decadente´y maniquea” (LDO, I, 332).

Hai qu´alvertir qu´esti conceptu de cultura máxica nun se correspuende dafechu col islma. Yá se ve que ñaz al rodiu de los tiempos d´Augusti, dellos sieglos antes que naciera Mahoma. Ñaz na parte Oriental del Imperiu Romanu y nes fasteres nes qu´ésti llindaba con pueblos semites y perses, esto ye, cola Asia qu´asoma a Europa y que la inflúi non poco. De toles maneres l´islam supón la plenitú, la forma espresiva más plena ente los sieglos VII y X, de tala cultura máxica. L´islam vendría a espardese sobre un mosaicu de pueblos y mases urbanes yá “máxiques”, volcaes a una conceición del mundu constelada al rodiu del símbolu de la Cueva. Les cúpules tardorromanes, bizantes y mahometanes son yá la espresión d´esa cueva.

Pela cueta, la cultura fáustica, que chocó cola máxica equí, nesti país d´Asturies a entamos del sieglo VIII. El mundu de los ástures, igual que d´otros pueblos hermanos como galaicos, cántabros, etc. pertenecía d´antiguo a una vieya cultura atlántica y xermánica, que vivía dando´l llombu relativamente a les influencies mediterránies, “máxiques”, en terminoloxía spengleriana.

13

Ensayos sobre´l País d´Asturies: una Nación Europea

Los pueblos d´aniciu xermánicu partieron un día d´amplies llanures, d´un paisaxe del que deprendieron a espardise hasta´l infinitu. La técnica maquinista, la esplotación selvaxe de la ñaturaleza, la conquista mesma del espaciu esterior y de la ínfima realidá del átomu… Too ello son muestres d´una cultura fáústica que, por embargu, yá vien dando boquiaes dende la I Guerra Mundial, polo menos. La propia ciencia, una empresa fáustica en cuantes va lliada a la ´tecnica (y non a la contemplación, como los griegos, o a la maxa, ente los árabes), ye una empresa que produz anguaño, ente los pueblos d´Europa, un terrible cascanciu. La propia técnica emigra del continente (la “fuga” de cerebros) y ye copiada o arrampuñada por naciones “en vías de desarrollu, o “potencies emerxentes” como China, India, Brasil). N´Europa. Y dientro d´ella n´Asturies, tenemos un casu bien sangrín: El trabayu técnicu, el más fásuticu por naturaleza, emigra, afuye a otres llatitúes. La desllocalziación d´empreses d´altu input cognoscitivu dexa a la patria de los inventos y de la ciencia aplicada ensin trabayu. Un murniu sector servicios y un elefantíasicu aparatu d´Estáu tien que mantener a una amplia capa social de xente avezada al comfort y cada día menos productiva. La productividá treslládase a otros continentes. Ellí ta´l trabayu a esplotar. El trabayu cerebral yá ta fechu, y namás qu´hai que lu copiar y amortizar. Europa queda valera de puestos de trabayu, queda tamién ensin fíos. Un ermu demográficu llistu pa ser conquistáu por otros pueblos, gústenos o non. N´Asturies nun vienen fíos. N´Asturies nun vien tampocu la posibilidá de ser productivos, nun se creen les condiciones afayadices pa ello.

Europa nun ye la “Unión Europea”. Creer en esi ente supra y para-estatal ye crer nos mitos del formalismu xurídicu.

Namás que llevamos mediu sieglu de medría d´una ficción xurídica adautada a los intereses comerciales d´un garrapiellu de

capitalistes. Europa ye una hermandá, dacuando violenta, de Pueblos. Yá Caín fue violentu con Abel, y nun diba ser menos nesta Europa fratricida onde la última guerra mundial o la de Xugoslavia amosaron lo pero de toos nós. Pero culturalmente somos esa hermandá vieya, que funde los sos raigones na comunidá bárbara de pueblos invasores que foron llegando al estremu más Occidental, Iberia, y a les orielles del Mediterráneu. Unos viniero p´afitar lo apolíneo de la nuestra Cultura (helenos) y otros pa trayer consigo l´alma faústica (celtoxermanos). El Cristianismu, que Spengler alluga cuasimente nes coraes del alma máxica (tardorromana, decadente, orientalziante) va esperimentar una gran mutación. Al rodiu del sieglu X, precisamente cuando los pueblos d´Europa que torgaron l´avance del Islam o que quedaron llonxe, al norte de les amarraces, fueron quieron a reorganizase espiritual y políticamente. El pequeñu reinu d´Asturies, el futuru imperiu carolinxu, depués el Sacru Imperiu Xermánicu, son realizaciones d´un alma faústica qu´entama a vivir como surdida d´un llargu sueñu.

Nesi suañu hai espíritu belicista, militar y aventureru. Les Cruzaes, tantu como les equí mal nomaes “Guerres de Reconquista, son la espresión d´esta alma que se siente incómoda pa con toles torgues y restricciones que se-y pongan. Nun almite la “tolerancia”, la coesistencia. Namás qu´almite campu abiertu ente la so espada y l´infinitu. Mírese como se mire, nun hai otra desplicación de cómo “cuatro asonos selvaxes”, en opinión de les Cróniques mahometanes, pudieron salir de les montañaes d´Asturies y llegar hasta Llisboa, y saqueala, y formar frontera

14

Ensayos sobre´l País d´Asturies: una Nación Europea

hasta´l Dueru. El cristianismu que de mano tomó forma nes maravíes del arte Asturianu, y yá por influsu ultrapirenaicu, traxo´l románicu y el góticu, dexó atrás tou resclavu de cultura máxica (la cueva). Lo que se buscaba yera l´espaciu infinitu. Asturies abriose a Castiella, a conquistar nuevamente les llanures, a recobrar Toledo, como los cruzaos xermanos, francos y anglosaxones fueron a por Tierra Santa. A facer rapiña, sí, a robar y matar, pero tamién con fe ardiente, la fe del que va a la gueta d´infinitos.

Ta por escribir lo que d´europeo vieno colos ástures a eses mesetes, a eses estremadures, a eses tierres ocupaes pol Oriente Máxico. Ye güei una zuna de ciertu pensamientu políticamente correchu falar d´una Península Ibérica comu “crisol” de races, relixones, civilizaciones. Lo cierto ye que la tolerancia medieval nun debió pasar de ser un odiu conteníu, nel que la mano nun diba a la espada por pura contención y pragmatismu. Ente les trés cultures, xudacica, cristiana y mora hubo, n´efeutu, puntos de contauto y de convivencia, pero non idílica mecigaya. El puxu militar ástur –heredáu pol castellanu- fue tamién un puxu repoblador. La constante de la hestoria nuestra como asturianos, yá escomenzó equí. El mitu góticu, el de que los cristianos (re)conquistadores veníos del Norte cantábricu, tuvo que tar basáu non namás en erudiciones romántiques de la Corte alfonsina, como dellos nos quieren dar a entender. Tuvo que tar fundáu na percepción d´alteridá vista polos habitantes de l´antigua Hispania, los hispanorromanos, dominaos pol Islam.

Como diz Spengler, l´aldeanu ye la más xenuina producción antropolóxica d´una tierra. Solamente los habitantes dexeneraos de la Gran Ciudá, nes Altes Cultures decadentes y dexen de

comprender a esta castra d´homes íntimamente venceyaos a so tierra. Ye la industrialización un fenómenu tovía reciente, de 1800 p

´acá, que izo escaecer n´Europa los sos verdaderos raigones. Cuando falamos d´estirpes, llinaxes, raigaños, árboles xenealóxicos, etc., siempre facemos referencia –en realidá- al nuestru pasáu rural. La nobleza europea, dende les cabeces rexies hasta los fidalgos más baxos, son frutu de la tierra y deben tou xacíu a ella. Campesín y nobleza formen un contínuu, son individuos de la mesma castra. N´Asturies y notros países nórdicos, l´aldeanu vien a ser un fidalgu qu´escaeció´l so llinaxe. Y ente´l fidalgu y les más altes capes de la nobleza hai esa continuidá creciente de distinción onde malapenes hai unes barreres p´acolumbrar.

N´Asturies tenemos que posar más la mirada na casa aldeana tradicional. De la bayura de tipoloxíes constructives, aquelles que se correspuenden con una mayor comodidá económica y algamen mayor dimensión, son cases cuasi indintisguibles de lo qu´equí nomamos “palaciu”. Y viceversa, el palaciu o casona rural d´Asturies, polo mneos hasta´l Barrocu tardíu del País (sieglu XVIII bien entráu) ye productu étnicu de la porpia cultura del País, indistinguible de les demás edificaciones campesines de la redolada. Nun hai que se dexar engañar pola introducción d´elementos nomaos “cultos” nesta arquitectura palaciega: elementos góticos, clasicistes, barrocos… Dacuando ves nel País la casona asturiana la casona bloque del Occidente, un enorme caxó con teyaos de pizarra, la mesma que la de los aldeanos un pocu ricos de por ellí, o bien la casona oriental d´enormes corredores como planchaos ente dos grueses muries cortafuegos que sobresalen na fachada. A munches cases campesines d´Asturies, les más

15

Ensayos sobre´l País d´Asturies: una Nación Europea

tradicionales y les más dignes, sólo-yos falta amestar un escudu d´armes encima la puerta princiapl pa tener énte los güeyos un “palaciu” nesti sentíu nórdicu nuestru.

Ente los escritores españoles (nun mos atrevemos a dicir “filósofos”) más o menos averaos al planteamientu spenglerianu, podíemos citar el nome d´Ortega y Gasset. Esti madrilanu, tan argutu cuando trata de bayura de temes, nunca nun pescanció bien l´alma asturiana. Taba a años lluz d´ella. Ye mui de llamentar qu´escribiera elli sobre les casones nórdiques de la península refiriéndose a una hipotética “Cantabria” que nun ye namás que l´actual comunidá con esi nombre, l´antigua provincia de Santander. La Cantabria orteguiana ye Asturies y Euskalherria tamién. Sí qu´hai un aire de familia nes casones de tolos países bañaos pol mar que da nome a esa supuesta rexón inventada pol escritor madrilanu.

A la casona cantábrica, Ortega-y atribúi los rasgos fisiognómicos del ceñu, del xeitu enraxonáu y foscu. Nun podemos coincidir. L´austeridá ye la filosofía del home y la estirpe que gusten de l´autarquía. Dende´l cabezaleru de la casería más modesta hasta´l gran señor del Antiguu Réxime, perceptos de rentes y foros, hai n´Asturies un ciertu sentimientu d´interinidá de la persona en comparanza cola institución que “lleva”. Y ha dicise la pallabra “levar” más que “poseer”. Nel espíritu preindustrial d´Asturies el conceptu de propiedá nun sabía de la simplificación mercantil qu´anguaño esiste. El vínculu a la tierra y a tolo qu´hai de granible n´ella ye un ligamen que bien podíemos nomar transcendental. Tresciende, n´efeuto, a los depositarios o “llevadores” individuales a los que-yos toque, normalmente pola mor del mayorazu (primoxenitura). La casería y

la casona son, dambes les dos, pequeños reinos onde´l monarca nun ye más que la cabeza dirixente temporal de dalgo que lu precedió

y de dalgo que va a sobrevivir a él.

La casona ye la casería grande, dignificada, ampliada. Nun guarda rellación col castiellu. Háiles tovía que caltienen restos d´antigües defenses feudales, pero son ruines de castillu aprovechaes pa una esistencia campesina más pacetible Nun ye raro qu´en paralelo a la vieya torre medieval venga a amestase una torre ximielga de nueva fechura, dispuesta al otru llau d´un cuerpu central de vivienda. Pero´l noble o fidalgu rural yá nun ta en guerra coles xentes de la redolada, aínda menos teme a los moros, que viven llonxe o yá tan vencíos. La casona asturiana fue, nel Antiguu Réxime, un centro d´irradiación de Poder llocal y un centru de percepción de rentes y provilexos.

Dellos comentariestes (Valentín Andrés) fain contraste ente la Casona, pacetible, y el Castillu (belicosu). Asturies vien a ser el País de la Casona, mentes que Castiella recibe´l mesmu nome de so por ser el País de la Guerra, de la frontera, del sinu y enfotu imperialista. Pero hai que correxir nel intre estes falses apariencies d´antinomia. Asturies, nel so primer periodu formativu como estáu, hasta Alfonso II, hubo ser a la fuerza un País en resistencia. Depués de los ésitos militares del Rei Castu y del Rei Magnu, l´enclín imperialista, espansivu, abiertu a una pergrande meseta y a horizontes tendencialmente infinitos, fue tamién rasgu del Reinu de los Ástures. Lo que se siente decir, dacuando, del calter pacetible de los asturianos ye ún de tantos rasgos supuestamente nacionales colos qu´hai qu´andar con procuru. Dizse que somos pacetibles, cuando va sieglos yá que

16

Ensayos sobre´l País d´Asturies: una Nación Europea

tamos anexionaos a Castiella, y les posibilidaes d´inicitiva política militar d´Asturies son nules, polo menos dende´l sieglu XIV. El puxu violentu de los nuesos antepasaos yera enorme nos sieglos VIII, IX y X. Arriendes d´ello, hai un factor que me paez bultable: el cambiu que da pasar d´una guerre defensiva, ente montañes (anicios del Reinu de los Ástures) a la guerra na meseta, en campu abiertu, a gran escala y con afoguín, esto ye la mal nomada “Reconquista”, en realidá guerra de Conquista, que foi en bona midida guerra de los ástures (colos sos federaos galaicos, cántabros, etc.). Esi calter pacetible de nós, pueblu de montañeses, o aguerríu namás en plan defensivu, nun ye un rasgu ciertu. El puxu conquistador, cuasi yo diría depredador, fo bien grande a partir d´Alfonso II, y descaráu ya imperialista dafechu con Alfonso III. Y nun hai qu´escaecer que tres d´un gran Rei hai ún o dellos pueblos, que van a la guerra a la gueta de tierra, futuru, pan. El puxu conquistador de Castiella, d´otra banda, nun fue otro qu´una herencia del pùxu militar ástur.

Los pueblos vuélvense guerreros o adondaos según les más variaes circunstancies que-yos toque vivir. Spengler, n´otra obra titulada “Años Decisivos”, allugó n´Alemaña la clave de bóveda d´Europa. Con abondes dosis d´ideoloxía espansionista y nacionalista xermánica, Spengler nun podía dexar d´apuntar a un fechu bultable: Alemaña ye la constructora d´Europa, ye´l pidal d´esta civilización (nel sen spenglerianu de “cultura decadente”) qu´allugaú xustamente nel Centru xeográficu del continente, tenía de tomar la misión d´aparar les “invasiones” orientales. Rusia yera vista pol filósofu xermanu como un país-continente de xeitu más bien asiáticu. El puxu del bolchevismu, de magar 1917, ye responsable d´esta visión rusófoba: lo ruso como

avanzadilla d´un despotismu asiáticu espantible, los nuevos hunos, los nuevos tártaros.

Lo cierto ye que la Rusia moderna siempre tuvo un güeyu puestu na Xermania. Hasta´l marxismu que, teóricamente, emburrió´l so yá fracasáu bolchevismu, ye un productu directu de la escelente educación prusiana que tuvieron Karl Marx y Friedrich Engels. Lleer anguaño a Spengler recuerda abondo, más de la cuenta, el discursu actual sobre la “Guerra de Civilizaciones” (Hungtinton). El problema ye que l´adxudicación d´un país a un bloque civilizatoriu o a otru ye dacuando un exerciciu duldosu. ¡Cuántes veces metieron –a la manera romántica- al Reinu d´España dientro del espaciu afro-árabe! Coses d´eses pasen siempre coles periferies.

Les periferies. Hai mester una teoría antropolóxica de la Periferia. Esti calter qu´un país pue tener de periferia ye, per se, relativu. Hai periferia con respeutu a un centru. Y entós, de forma alienada pa les periferies ye´l que fai orbitar a dellos países, pueblos o cultures alredor.

Ye enforma alienante qu´aun país se-y trate como periferia. España o Rusia con respeutu a Europa. Asturies (o Galicia o País Vascu) con respeutu a España. Facer esto ye inorar la propia estructura, calter, idiosincrasia del país en cuestión. Los propios habitantes, “nativos” d´esa periferia, interioricen el conceptu que los del centru-yos encasqueten. La propia identidá nun ta, entós, construyida dende dientro de la cultura, con llibertá y desendolcu propiu. Ye una mázcara distribuída y afechisca polos de fuera.

Esa mázcara alóxena ye la primer torga pa cualquier procesu de reconstrucción nacional, sobremanera cuando son munchos los años, o los sieglos, de

17

Ensayos sobre´l País d´Asturies: una Nación Europea

dominación. Lo más propio, lo xenuino y esencial d´una cultura, tiende a vese como folclórico, trivial, aldeano, esprecetable. Por embargu, otros rasgos d´identidá munchos menos constitutivos del ser d´esi pueblu son puxaos artificialmente por turistes y comentaristes forasteros que nagüen polo pintoresco y anecdótico. Valga como exemplu l´atención de los europeos románticos prestada a tolo que de moro y xitano pudiera quedar en tierres andaluces del sieglu XIX, resclavos muncho menos importantes en comparación cola bayura d´influencies castellanes (inda asturlleoneses y gallegues) que hai n´Andalucía. Andalucía ye prollongación de Castiella (y d´Asturies-Lleón), pero eso a los buscadores d´exotismos nun-yos sirvía.

Otru tantu ha dicise d´Asturies: ye la periferia con referencia a un centru Castellán y una España oficialmente mesetaria y mediterránea. El so paisaxe nun se correspuende col arquetipu que n´España se tien de los español, y menos entá col arquetipu de lo que n´Europa se tien de lo hispánicu. Ye un paisaxe d´un verdor que manca, en comparanza col marrón mesetariu y llevantinu. Un verdor que dura tol añu, constante, como constante ye´l riegu que-y fai la lluvia, y sobremanera, l´orbayu, esa especie de “lluvia nacional” d´Asturies.

Un país, l´asturianu que se define pol puxu o sobrovivencia –hasta´l pasáu sieglu- de la so específica granxa de castra europea: la casería. Tolo que d´occidental s´impunxo na Península Ibérica al sur de la cordalera cantábrica, y tovía más, al sur del Duero, vieno de la mano, amás del derechu, la ñobleza y la relixón, d´esa humilde institución. Fue l´adaptación de la Casería a otres llatitúes non cantábriques, dica´l sur,

(………………)

“Pseudomorfosis históriques nomo yo a aquellos casos nos qu´una vieya cultura estraña xace sobre un

país entá con tanta brenga, que la cultura xóven, autóctona, nun algama respirar llibre, y nun solo nun llogra constituyise formes espresives pures y peculiares sinón nin siquieramente aportar al plenu desendoluc de so conciencia propia. Tol cazumbre que xube de les profundidaes del alma primixenia va vertese nes cavidaes de la vida ayena. Sintimientos mozos cuayen n´obres caduques, y en cuaenta d´erguise con propia enerxía morfoxenética, medra l´odiu al llonxanu poder en proporciones xigantesques” (LDO, II, 294).

Oswald Spengler toma´l conceptu de pseudomorfosis de la mineraloxía. A partir de procesos anteriores queden cavidaes o moldes baleros, qu´un día ocuparon otros materiales. Depués, los nuevos conteníos nun tienen otro que dir ocupando´l llugar que se-yos abre per aciu d´esos procesos previos, y namás qu´esi llugar. Ye un exemplu de cómo la Forma pesa sobre´l Conteníu, y nun fai otro que primir, estrenchar les sos posibilidaes d´espresión.

El casu paradigmáticu, magar que nun tien por qué ser l´únicu, ye´l del pesu descománau que l´Antigüedá Clásica exerció sobre los anicios de la “Cultura Máxica” (arábiga) y sobre la “Cultura Faústica” (occidental). Ye bultable la orixinalidá del nustru filósofu: nun hai una especie d´historia continuada del Cristianismu. Ésta relixón nun fue una unidá. Hai qu´estremar el cristianismu de la primer dómina (sieglos I-X), calterizáu como “máxicu”, y el d´una segunda dómina, diferente ensembre, que se noma “fáusticu”. Cuasi comparten el nome, namás, y pocu más, quiciás una mitoloxía.

18

Ensayos sobre´l País d´Asturies: una Nación Europea

El cristianismu “máxicu” fue, al entamu, una secta más dientru del ensame bayurosu de sectes cuando la cultura clásica, apolínea, vieno abaxo ensin que l´imperiu que la caltenía se viniera ainda abaxu. Según Spengler, munchu tiempu enantes que l´Islam esistiera, una muchedume de pueblos orientales, encoyidos baxo formes culturales ayenes, helenístico-romanes, yá vivíen baxo una cultura “máxica” que l´Islam vieno a lliberar, como que quita una espicha a una pipa y dexa que tola enerxía contenía esquite haza fuera con brenga terrible.

Les mases apitiguñaes nes grandes ciudaes helenístico-romanes yá nun cuntaben como “patria” eses vieyes ciudaes-estaos del Mediterrániu, y muncho menos depositaben so corazón y sos esperances na que fuera más poderosa y señora postrera d´elles, Roma. ¿Qué “patria” o “nación” esistiría pa esi proletariáu urbanu tardo-antiguu? Denguna patria “política”, como la Atenas o la Roma del clasicismu. O bien el fríu “cosmopolitismu” qu´enseñaben los intelectuales, o bien una nueva patria afechisca pal pueblu baxu, la patria espiritual. Ñaz la “Iglesia” como patria espiritual que nun tien tierra, nun tien fronteres, nun tien raigón, nun tien raza. Basta un ritu máxicu (bautismu o ritu de pasu cualquiera) pa cruciar la invisible raya que separta l´anterior “confesión” a la nueva “nación”: pa pasar a ser una Comunidá Mística.

Les iglesies tardo-antigües nada nun saben de patries y paisaxes, de races y de raigones echaos al tarrén, al fondu suelu de la tierra prieto. Son comunidaes d´almes y, poro, son per se transmigratories. El so apostoláu y proselitismu la fai dir d´un a otru lláu. Son almes viaxeres que nun son d´esti mundu. La patria de so ta al otru llau de la muerte.

Nesto coincidente sobre manera col cosmopolitismu de los estoicos, epicúreos, escépticos y demás

racionalistes y agnósticos que-yos son contemporáneos. Paez qu´hai un pínfanu ente dambos mundos, pero dambos los dos son productu de les altes civilizaciones urbanes y, poro, decadentes. Productu d´una especie d´home cansu y pacetible, que busca tranquilidá mental (ataraxia) o la muerte. Yá nun se trata de xente cenciello, que busca conquistar la tierra y nueves tierres, sinón que yá tien perdío abenayá tou contauto cola tierra, y pisa los empedraos urbanos, percorre foros y mercaos, y golismia de contino´l sudu del convecín.

El pacifista cultu del helenismu serondiegu, igual que´l proletariáu máxicu de primer hora (gnósticu, cristianu primitivu, neoplatónicu, etc.) son fíos de la gran ciudá antigua, enllena de parásitos, de proletariáu manteníu artificialmente pol Estáu, de residuos de pueblos y naciones yá vencíos y dilíos nel Imperiu. Ellí viven tamién los fellahs, nome col que se conocen los campesinos exipcios que viven baxo l´Imperiu Romanu, y prototipu de pueblu que Spengler considera inerte, ayenu a toa dirección propia, masa sobre la qu´esnidien foles socesives de nuevos señores.

La nación faústica, igual que´l cristianismu faústicu consiste en una triba d´alma distinta dafechamente. La nación faústica, ye dicir, la Occidental, la Europea, ñaz según Spengler al rodiu del sieglu X, más o menos. Elli la concibe arrincando del Imperiu Carolinxu: yera esti una agrupación de naciones d´aniciu xermánicu de les que diba a surdir la Europa d´anguañu. L´Asturorum Regnum fue un estáu independiente énte los carolinxos, y

19

Ensayos sobre´l País d´Asturies: una Nación Europea

ente dambos los dos estaos hubo rellaciones diplomátiques.

Anchor d´horizontes, disparu de les mires dica´l futuru: esti ye l´espíritu qu´anima una nación faústica. Astures yéralo baxo tolos criterios indicaos por Spengler. Depúes d´una resistencia testonera tres la cordalera cantábrica, nun hai más que emburriar p´alantre, salir al llanu a la gueta de futuru, de tierres, d´horizontes siempre postergables. Esi enclín guerreru vieno a pasar de lo defensivo a lo conquistador. Asturies cuando pasa a ser reinu y nación faústica, más o menos en tiempos de Carlomagno, ye nación conquistadora, depredadora. Nel so enfotu de conquista dexa atrás el solar patriu y al entrar na meseta redescubre los vieyos campos cerealistes colos qu´una vez, enantes del contautu con Roma, esfrutó. Los ástures antiguos yeren una unidá humana al norte y al sur de la cordalera. La unidá étnica yera tamién unidá ecolóxica y productiva: la unidá que s´afita na más estrictacomplementariedá. Ástures transmontanos y cismontanos teníen pa si la homedancia y ganadería del más templáu clima oceánicu, atlánticu, tantu como la inmensa llanura lleonesa (y en parte zamorana y palentina) rica pal cereal. Roma france esa unidá natural pola mor de la conquista imperial. En colando esi imperialismu, los antiguos “indíxenes”, ye decir, ástures, vuelven a llevantar la cabeza col fin de sascudise d´otru xugu: el islámicu, esa nueva Roma sureña, esi nuevu imperiu estranxeru. Indíxenes mandaos por Pelayu y los de so sngre xunto a godos aportaos pola casa de Pedru de Cantabria. Un alma xermánica que baxa al llanu como fieres xabaces, de manera nun mui distinta a la qu´amosaron los vikingos al embarcase en barcos p´hacia´l sur, los francos de Carlomgano pa espardir un Imperiu, o los de tou pueblu con vocación d´Imperiu y conquista. Un

datu qu´hai que pescanciar ye qu´Asturies pierde´l so nome más allá de los cordales, xusto en cuantes ta afitada esa vocación d´Imperiu y

conquista. Xusto cuando llega al sur de Lleón, y hai treslláu de la Corte a la ciudá que da nome al país de Lleón, antigua tierra de los ástures cismontanos, güei parte del País ástur.

Los países faústicos de la Edá Media viven nuna tensión ente dos clases superiores que guarden una fisonomía dafechamente diferentes, un odiu y una complementariedá bultables: la nobleza y el sacerdociu.

El sacerdociu faústicu de la Edá Media cristiana yá nun tien un res que ver col de la dómina “máxica”. Ye un cristianismu diferente ensembre. Uviéu, Asturies, entren dientro de la órbita de los francos. El Beatu de la Lliébana, un personaxe ástur, ta al cabu de les disputes ideolóxiques y acolumbra un futur d´unión colos francos. Francos (nel sen xenéricu d´entós, ye dicir, xentes ultrapirenaiques) vendrán a Asturies y la van a coneutar col restu d´Occidente. El camín de Santiago ye´l gran inventu de los Reis Ástures pa estrenchar llazos fuertes cola Xermania, el “Franquistán”, como podríen dicir los muslimes de Toledo, Cordoba, Damascu o Bagdad. El Beatu tuvo la gran visión de curtiar los pones conl Arzobiespu toledanu, y dexar a los cristianos “collaboracionistes” col Islam na soledá de la cueva máxica d´esa relixón oriental y afromediterránia.

Vectores infinitos del alma fáustica énte l´universu de la Cueva Máxica. Spengler diz que la relixón islámica, másimu esponente de la mentalidá “máxica” ye´l puxu- verdaderamente- del puritanismu dientro del universu cueviforme (espresión tomada de Leo Frobenius). Unos cristianos cuasi recién convertíos, de castra celtoxermánica,

20

Ensayos sobre´l País d´Asturies: una Nación Europea

nun podíen encaxar dientro d´esi universu cueviforme. Un universu pobláu por milenta fellahs, esto ye, campesinos ensin patria nin ñobleza propia, ensin lligamen pa cola Tierra, y plebe urbana, masa, que siempre viven a la espetativa de camudar d´amu (l´ultimu amu, l´árabe) ensin querer garrar les riendes de los sos propios destinos. Al norte nun hai ciudades, nun hai residuos de cultura helenístico-romana nin semítica. Hai pueblos prístinos de pastores que busquen tierra, busquen pastu, y hai tamién bandes de señores que nunca escaecieron lo que yera vivir en peligru, a caballu y con xelmu, enfataos en robar tierres a otros.

Les esplicaciones reduccionistes nunca son a talantar la Historia. Nunca nun debemos confundir un enfoque materialista d´esta ciencia con un reduccionismu económicu. Hebo quien desplicó l´orixe de la nomada “Reconquista” por una competencia ente ástures y berberes polos pastos. Esti analísis pue ser válido pa momentos puntuales, pa detectar la casua próxima, ye dicir, la espoleta qu´afala secuencies de fechos que deriven directamente del alma de pueblos en llucha. Ente l´avanzáu Sur (Al-andalus) urbanu, cuasi capitalista, esclavista, y el retrasáu Norte (rural, pastoril, “bárbaru”) nun esiste metru comparativu dende un puntu de vista económicu. Únicamente hai que pescudar cuestiones cincantes a la “tierra de nadie” y al fracasu beréber de colonizar la zona mesetaria, fracasu árabe más bien, pa asina interponer unos bárbaros beréberes ente medies d´otros bárbaros, los del norte (ástures, galaicos, cántabros).

Güei Asturies podía ser un colonatu beréber, ye decir, una “marca” del Islam, o una especie de reserva indíxena d´una Alta Civilización sumamente

decadente dende´l sieglu X. Pero non, l´alma incompatible de pueblos en llucha ye la que fai que s´establezan fronteres, y ye l

´espíritu belicosu de los pueblos el que fai qu´eses fronteres vayan esmuzándose pelos cuatro puntos cardinales.

Anguaño Europa podía ser “mora” de nun ser poles victories “espolleta” de Pelayu y de Carlos Martel. El conceptu d´Europa naz únicamente a partir d´eses xóvenes naciones que buscaben lo que Spengler noma el so sinu. El sinu ye nel filósofu alemán l´equivalente alternativu a la causalidá de los materialistes y cientifistes. El sinu que, tres unes cuantes victories guerreres afítase col llabor “cultural” d´un sacerdociu de nuevu alcuñu. Volvemos equí a la tensión y complementaridá ente nobleza y sacerdociu. Lo que ficieron los monarques asturianos, lo que fizo el gran y terrible Rei Ramiro, fue dir a la guerra y llevantar Ilesies. Asina se vien a definir el reináu d´estos homes arrechos.

Dir a la guerra. La nobleza surde de la propia Tierra. Una clas noble “cosmopolita”, desenraigonada del terruñu, como pasa güei coles Cases Reales y los descendientes d´aristócrates nel esiliu, ye una nobleza decadente. El llinaxe, la llínea perantigua d´ancestros ye l´aspectu temporal d´esa voluntá de perduración. L´otru aspectu ye l´espaciu: enseñorease d´un espaciu. El noble que pierde, de grau o a la fuerza, sos finques, feudos, solares y terruños rebáxase a la categoría de patriciu urbanu, de burgués distinguíu, rabáxase a una categoría meramente estética si ye que yá vive desposeíu de poder o influencia política. Pero la nobleza alto-medieval ye planta que manda sos raigones a estratos bien fondos del país qu´ella mesma echa a andar. Nos inicios malapenes hai

21

Ensayos sobre´l País d´Asturies: una Nación Europea

estremancies ente´l noble y l´aldeanu. Un grau mayor de valentía na guerra, esi debió ser l´aniciu de toa distinción nuna dómina na que nun hai conceptu de propiedá sobre la tierra (propiedá “privada” que nun hai nel sen capitalista hasta la modernidá). Económicamente, estos nobles de los entamos son indistinguibles, bien de veces, de los aldeanos, del pueblu. La rellación que se-y quixo dar a Pelayu, por exemplu, cola nobleza goda, ye asuntu tan mitolóxicu como la mayor parte de les xenealoxíes conocíes na Historia, tan mítico como facer descender los césares romanos del troyanu Eneas. Más bien cabe imaxinar a un Pelayu como cabezaleru indíxena, colos vezos matrilineales qu´eso diba implicar nos casorios rexios posteriores, antítesis de los vezos godos que traín a la Monarquía Ástur los descendientes de Pedro, dux de Cantabria y el godu Alfonsu.

¿Y como vivíen estes cabeces floríes del mesmu pueblu? Sicasí ún pue pensar nesos reis (en rigor régulos) de la Iliada: ellí vense a los reis micénicos, en tiempos de paz, llabrar sos propios campos o construir barcos coles sos propies manes. Qu´un rei dexe´l llabiegu y conoza´l sudu del trabayu de campu tantu como sos esclavos da cuenta de lo que debieron ser les alboraes de toa cultura. Solamente cuando suenen los glayíos de la guerra, el rei distínguese del esclavu o del vasallu por garrar la espada, teniendo que soltar entós el llabiegu y demás aperios. Pero cuando garra esa espada, el xelmu, la coraza, malapenes ye a estremase del pueblu llibre, el pueblu que tamién tien derechu a dir a la guerra y que de forma natural aconcéyase n´asamblees. Les Cróniques del Reinu Astur falen d´eses asamblees, y d´elles va salir aclamíau Pelayu como princeps, escurque como cabezaleru guerreru

(tovía non rei nel se góticu, sinón régulu nel sen asambleariu ástur). El llector pue pensar guapamente nes asamblees xermániques de

pueblos guerreros n´armes pa pescudar esti procesu.

Solamente cuando tan afitaes unes fronteres y una capacidá defensiva de rempuesta pueden estos reis pensar en palacios (al entamu el palaciu de los reis ástures debio ser como una casería un pocu grande, y los cortesanos, unos criaos que viven baxo un mesmu techu, como los palacios vikingos), en Ilesies y en otros llabores simbólicos. Ye entós cuando el régulu guerreru nun solo afita un espaciu vital, per aciu la conquista y la espansión repobladora. Yá ye un rei que quier perdurar na memoria, y pa eso sofita la Ilesia, el sacerdociu, la casta-antiguerrera, tan necesaria por embargu pa la sobrevivencia anímica de la realeza y los nobles que van a la guerra col monarca. El templu, inda´l supuestu humile templu del arte asturianu, ye arguyu de guerreru alzáu al cielu. La cruz ye una espada vuelta abaxo, y el símbolu de la cruz ye, na dómina ramirense, por exemplu, la verdadera simbólica que sirve pa llantar batalla al sarracenu. Esa cruz ha mester un templu, otra simbólica que pon en contautu´l Reinu col Occidente, ye dicir, col país de los francos y xermanos. Ye tremendu´l xeitu nórdicu qu´amuesen les nueses ilesies d´Arte Asturianu. Tracamúndiase col estilu anterior, el visigodu y alviértense otros influxos, como nun podíen ser menos: romanos, bizantinos. Pero estes ilesies rurales, cencielles y al empar arguyoses, son d´una verticalidá y d´un calter políticu imperial que paez imposible de negar. Dan al país d´Asturies la midida de lo que fue: un Reinu echáu p´alantre, a la gueta de la inmensidá. Nun paez enquivocao comparar cómu l´ástur, l´home norteñu, va buscar la aventura frecuentemente lloñe de la Patria,

22

Ensayos sobre´l País d´Asturies: una Nación Europea

dexando atrás el solar d´aniciu. Sieglos más tarde enllenamos de fíos América, dientro d´un procesu d´occidentalización del Nuevu Continente. El sureñu, l´español, mira de regüeyu l´África del Norte y dulda siempre si nun tará pa ellí la so espansión natural.

Nun sabemos lo que se tresmite de xeneración en xeneración y que da perdurabilidá a dellos rasgos del alma d´un pueblu, d´una nación. Siempre s´usó´l mitu del sangre: “facer lo que nos pide´l sangre”. Los xenes, la raza… toa esa pseudobioloxía siempre tuvo mui presente a la hora d´afitar rasgos esenciales nel alma de los pueblos. Hai que decir equí que nel casu de Spengler, y en contra de la “mala prensa” que se derramó sobre él, el filósofu de La Decadencia d´Occidente nunca nun fue un nazi y nun compartió les tesis tosques y asesines de triba bioloxicista d´Adolfo Hitler y los sos siguidores. La “raza” pa Spengler ye una entidá espiritual. Cuando escribe sobre “races”, dalgo habitual entá na so época, da por afitao qu´éstes son mestures de milenta pueblos. Raza celta, raza xermana, raza íbera, raza llatina… Estos pueblos son siempre heteroxéneos nos sos rasgos físicos, productu de mestizaxes. Ye la convivencia y fusión cultural lo qu´acaba dando llugar a les “races” como les mentaes. Inda Spengler deriva d´esi tonu y esperiencia anímiques un ciertu resultáu morfofísicu. Esa ye, precisamente, la idea d´una fisiognómica.

La fisiognómica más qu´una ciencia ye un tactu. De tolos sintíos, ye´l del tactu´l sintíu primixeniu. La vista, l´oyíu y los demás medios de recepción de lo esterno deriven realmente del tactu. La vida vexetal fáise animal tantiguando, a palpu, les circunstancies del munu en tornu (Umwelt). La Historia, más qu´una ciencia ye un “conocimientu d

´homes”. Un conocimientu nel qu´ha dase un olfatu, una esperiencia depurada que permite intuitivamente saber per aú vienen,

aú van, y qué contestura tienen los seres humanos a lo llargo del so sinu. De la mesma manera qu´hai una güeyada intuitiva ya inmediata aque val pa conocer a una persona individual, y esa impresión capta lo esencial d´ella, tamién hai esa mesma güeyada sobre una cultura, un pueblu, una civilización.

La fisiognómica nun se dexa engañar pola dominante económica del momentu. Detrás de la Economía, del Mou de Producción, que diría Marx, hai unes estructures secretes que se s´escuenden baxo les lleis inexorables y puramente materiales.

Anguaño, baxo´l férreu capitalismu nel que vivimos hai una clas esplotadora, otra esplotada. Pero tamién hai un territorio que se beneficia a costa d´otru, una cultura que secularmente s´impón sobre otra

2. Cultura y Civilización (Segunda Parte)

Europa nun ye la “Unión Europea”. Creer nesi ente supra y para-estatal ye crer nos mitos del formalismu xurídicu. Namás que llevamos mediu sieglu de medría d´una ficción xurídica adautada a los intereses comerciales d´un garrapiellu de capitalistes. Europa ye una hermandá, dacuando violenta, de Pueblos. Yá Caín fue violentu con Abel, y nun diba ser menos nesta Europa fratricida onde la última guerra mundial o la de Xugoslavia amosaron lo peor de toos nós. Pero culturalmente somos esa hermandá vieya, que funde los sos raigones na comunidá bárbara de pueblos invasores que foron llegando al

23

Ensayos sobre´l País d´Asturies: una Nación Europea

estremu más Occidental, Iberia, y a les orielles del Mediterráneu. Unos vinieron p´afitar lo apolíneo de la nuestra Cultura (helenos) y otros pa trayer consigo l´alma faústica (celtoxermanos). El Cristianismu, que Spengler alluga cuasimente nes coraes del alma máxica (tardorromana, decadente, orientalizante) va esperimentar una gran mutación. Al rodiu del sieglu X, precisamente cuando los pueblos d´Europa que torgaron l´avance del Islam o que quedaron llonxe, al norte de les amarraces, fueron quieron a reorganizase espiritual y políticamente. El pequeñu reinu d´Asturies, el futuru imperiu carolinxu, depués el Sacru Imperiu Xermánicu, son toes realizaciones d´un alma faústica qu´entama a vivir como surdida d´un llargu sueñu.

Nesi suañu hai espíritu belicista, militar y aventureru. Les Cruzaes, tantu como les equí mal nomaes “Guerres de Reconquista”, son la espresión d´esta alma que se siente incómoda pa con toles torgues y restricciones que se-y pongan. Nun almite la “tolerancia”, la coesistencia. Namás qu´almite campu abiertu ente la so espada y l´infinitu. Mírese como se mire, nun hai otra desplicación de cómo “cuatro asnos selvaxes”, en opinión de les Cróniques mahometanes, pudieron salir de les montañaes d´Asturies y llegar hasta Llisboa, y saqueala, y formar frontera hasta´l Dueru. El cristianismu que de mano tomó forma nes maravíes del arte Asturianu, y yá por influsxu ultrapirenaicu, traxo´l románicu y el góticu, dexó atrás tou resclavu de cultura máxica (la cueva). Lo que se buscaba yera l´espaciu infinitu. Asturies abriose a Castiella, a conquistar nuevamente les llanures, a recobrar Toledo, como los cruzaos xermanos, francos y anglosaxones fueron a por Tierra Santa. A facer rapiña, sí, a robar

y matar, pero tamién con fe ardiente, la fe del que va a la gueta d´infinitos.

Ta por escribir lo que d´europeo vieno colos ástures a eses mesetes, a eses estremadures, a eses tierres ocupaes pol Oriente Máxico. Ye güei una zuna de ciertu pensamientu políticamente correchu falar d´una Península Ibérica comu “crisol” de races, relixones, civilizaciones. Lo cierto ye que la tolerancia medieval nun debió pasar de ser un odiu conteníu, nel que la mano nun diba a la espada por pura contención y pragmatismu. Ente les trés cultures, xudaica, cristiana y mora hubo, n´efeutu, puntos de contauto y de convivencia, pero non idílica mecigaya. El puxu militar ástur –heredáu pol castellanu- fue tamién un puxu repoblador. La constante de la hestoria nuestra como asturianos, yá escomenzó equí. El mitu góticu, el de que los cristianos (re)conquistadores veníos del Norte cantábricu yeren godos, tuvo que tar basáu non namás en erudiciones romántiques de la Corte alfonsina, como dellos nos quieren dar a entender. Tuvo que tar fundáu na percepción d´alteridá vista polos habitantes de l´antigua Hispania, los hispanorromanos, dominaos pol Islam.

Como diz Spengler, l´aldeanu ye la más xenuina producción antropolóxica d´una tierra. Solamente los habitantes dexeneraos de la Gran Ciudá, nes Altes Cultures decadentes, dexen de comprender a esta castra d´homes íntimamente venceyaos a so tierra. Ye la industrialización un fenómenu tovía reciente, de 1800 p´acá, que fizo escaecer n´Europa los sos verdaderos raigones. Cuando falamos d´estirpes, llinaxes, raigaños, árboles xenealóxicos, etc., siempre facemos referencia –en realidá- al nuestru pasáu rural. La nobleza europea, dende les cabeces rexies hasta los fidalgos más baxos, son

24

Ensayos sobre´l País d´Asturies: una Nación Europea

frutu de la tierra y deben tou xacíu a ella. Campesín y nobleza formen un contínuu, son individuos de la mesma castra. N´Asturies y notros países nórdicos, l´aldeanu vien a ser un fidalgu qu´escaeció´l so llinaxe. Y ente´l fidalgu y les más altes capes de la nobleza hai esa continuidá creciente de distinción onde malapenes hai unes barreres p´acolumbrar.

N´Asturies tenemos que posar más la mirada na casa aldeana tradicional. De la bayura de tipoloxíes constructives, aquelles que se correspuenden con una mayor comodidá económica y algamen mayor dimensión, son cases cuasi indintisguibles de lo qu´equí nomamos “palaciu”. Y viceversa, el palaciu o casona rural d´Asturies, polo mneos hasta´l Barrocu tardíu del País (sieglu XVIII bien entráu) ye productu étnicu de la propia cultura del País, indistinguible de les demás edificaciones campesines de la redolada. Nun hai que se dexar engañar pola introducción d´elementos nomaos “cultos” nesta arquitectura palaciega: elementos góticos, clasicistes, barrocos… Dacuando ves nel País la casona asturiana, p. e. la casona bloque del Occidente, un enorme caxón con teyaos de pizarra, la mesma que la de los aldeanos un pocu ricos de por ellí, o bien la casona oriental d´enormes corredores como planchaos ente dos grueses muries cortafuegos que sobresalen na fachada. A munches cases campesines d´Asturies, les más tradicionales y les más dignes, sólo-yos falta amestar un escudu d´armes encima la puerta princiapl pa tener énte los güeyos un “palaciu” nesti sentíu nórdicu nuestru.

Ente los escritores españoles (nun mos atrevemos a dicir “filósofos”) más o menos averaos al planteamientu spenglerianu, podíemos citar el nome d´Ortega y Gasset. Esti madrilanu, tan

argutu cuando trata de bayura de temes, nunca nun pescanció bien l´alma asturiana. Taba a años lluz d´ella. Ye mui de llamentar qu

´escribiera elli sobre les casones nórdiques de la península refiriéndose a una hipotética “Cantabria” que nun ye namás que l´actual comunidá con esi nombre, l´antigua provincia de Santander. La Cantabria orteguiana ye Asturies y Euskalherria tamién. Sí qu´hai un aire de familia nes casones de tolos países bañaos pol mar que da nome a esa supuesta rexón inventada pol escritor madrilanu.

A la casona cantábrica, Ortega-y atribúi los rasgos fisiognómicos del ceñu, del xeitu enraxonáu y foscu. Nun podemos coincidir. L´austeridá ye la filosofía del home y la estirpe que gusten de l´autarquía. Dende´l cabezaleru de la casería más modesta hasta´l gran señor del Antiguu Réxime, perceptores de rentes y foros, hai n´Asturies un ciertu sentimientu d´interinidá de la persona en comparanza cola institución que “lleva”. Y ha dicise la pallabra “llevar” más que “poseer”. Nel espíritu preindustrial d´Asturies el conceptu de propiedá nun sabía de la simplificación mercantil qu´anguaño esiste. El vínculu a la tierra y a tolo qu´hai de granible n´ella ye un lligamen que bien podíemos nomar transcendental. Tresciende, n´efeuto, a los depositarios o “llevadores” individuales a los que-yos toque, normalmente pola mor del mayorazu (primoxenitura). La casería y la casona son, dambes les dos, pequeños reinos onde´l monarca nun ye más que la cabeza dirixente temporal de dalgo que lu precedió y de dalgo que va a sobrevivir a él.

La casona ye la casería grande, dignificada, ampliada. Nun guarda rellación col castiellu. Háiles tovía que caltienen restos d´antigües defenses feudales, pero son ruines de castillu

25

Ensayos sobre´l País d´Asturies: una Nación Europea

aprovechaes pa una esistencia campesina más pacetible Nun ye raro qu´en paralelo a la vieya torre medieval venga a amestase una torre ximielga de nueva fechura, dispuesta al otru llau d´un cuerpu central de vivienda. Pero´l noble o fidalgu rural yá nun ta en guerra coles xentes de la redolada, aínda menos teme a los moros, que viven llonxe o yá tan vencíos. La casona asturiana fue, nel Antiguu Réxime, un centro d´irradiación de Poder llocal y un centru de percepción de rentes y provilexos.

Dellos comentariestes (Valentín Andrés) fain contraste ente la Casona, pacetible, y el Castillu (belicosu). Asturies vien a ser el País de la Casona, mentes que Castiella recibe´l mesmu nome de so por ser el País de la Guerra, de la frontera, del sinu y enfotu imperialista. Pero hai que correxir nel intre estes falses apariencies d´antinomia. Asturies, nel so primer periodu formativu como estáu, hasta Alfonso II, hubo ser a la fuerza un País en resistencia. Depués de los ésitos militares del Rei Castu y del Rei Magnu, l´enclín imperialista, espansivu, abiertu a una pergrande meseta y a horizontes tendencialmente infinitos, fue tamién rasgu del Reinu de los Ástures. Lo que se siente decir, dacuando, del calter pacetible de los asturianos ye ún de tantos rasgos supuestamente nacionales colos qu´hai qu´andar con procuru. Dizse que somos pacetibles, cuando va sieglos yá que tamos anexionaos a Castiella, y les posibilidaes d´inicitiva política militar d´Asturies son nules, polo menos dende´l sieglu XIV. El puxu violentu de los nuesos antepasaos yera enorme nos sieglos VIII, IX y X. Arriendes d´ello, hai un factor que me paez bultable: el cambiu que da pasar d´una guerra defensiva, ente montañes (anicios del Reinu de los Ástures) a la guerra na meseta, en campu abiertu, a gran escala

y con afoguín, esto ye la mal nomada “Reconquista”, en realidá guerra de Conquista, que foi en bona midida la guerra de los

ástures (colos sos federaos galaicos, cántabros, etc.). Esi calter pacetible de nós, pueblu de montañeses, o aguerríu namás en plan defensivu, nun ye un rasgu ciertu. El puxu conquistador, cuasi yo diría depredador, fo bien grande a partir d´Alfonso II, y descaráu ya imperialista dafechu con Alfonso III. Y nun hai qu´escaecer que tres d´un gran Rei hai ún o dellos pueblos, que van a la guerra a la gueta de tierra, futuru, pan. El puxu conquistador de Castiella, d´otra banda, nun fue otro qu´una herencia del pùxu militar ástur.

Los pueblos vuélvense guerreros o adondaos según les más variaes circunstancies que-yos toque vivir. Spengler, n´otra obra titulada Años Decisivos, allugó n´Alemaña la clave de bóveda d´Europa. Con abondes dosis d´ideoloxía espansionista y nacionalista xermánica, Spengler nun podía dexar d´apuntar a un fechu bultable: Alemaña ye la constructora d´Europa, ye´l pidal d´esta civilización (nel sen spenglerianu de “cultura decadente”) qu´allugada xustamente nel Centru xeográficu del continente, tenía de tomar la misión d´aparar les “invasiones” orientales. Rusia yera vista pol filósofu xermanu como un país-continente de xeitu más bien asiáticu. El puxu del bolchevismu, de magar 1917, ye responsable d´esta visión rusófoba: lo ruso como avanzadilla d´un despotismu asiáticu espantible, los nuevos hunos, los nuevos tártaros.

Lo cierto ye que la Rusia moderna siempre tuvo un güeyu puestu na Xermania. Hasta´l marxismu que, teóricamente, emburrió´l so yá fracasáu bolchevismu, ye un productu directu de la escelente educación prusiana que tuvieron Karl Marx y Friedrich Engels.

26

Ensayos sobre´l País d´Asturies: una Nación Europea

Lleer anguaño a Spengler recuerda abondo, más de la cuenta, el discursu actual sobre la “Guerra de Civilizaciones” (Hungtinton). El problema ye que l´adxudicación d´un país a un bloque civilizatoriu o a otru ye dacuando un exerciciu duldosu. ¡Cuántes veces ametieron –a la manera romántica- al Reinu d´España dientro del espaciu afro-árabe! Coses d´eses pasen siempre coles periferies.

Les periferies. Hai mester una teoría antropolóxica de la Periferia. Esti calter qu´un país pue tener de periferia ye, per se, relativu. Hai periferia con respeutu a un centru. Y entós, de forma alienada pa les periferies ye´l que fai orbitar a dellos países, pueblos o cultures alredor.

Ye enforma alienante qu´aun país se-y trate como periferia. España o Rusia con respeutu a Europa. Asturies (o Galicia o País Vascu) con respeutu a España. Facer esto ye inorar la propia estructura, calter, idiosincrasia del país en cuestión. Los propios habitantes, “nativos” d´esa periferia, interioricen el conceptu que los del centru-yos encasqueten. La propia identidá nun ta, entós, construyida dende dientro de la cultura, con llibertá y desendolcu propiu. Ye una mázcara distribuída y afechisca polos de fuera.

Esa mázcara alóxena ye la primer torga pa cualquier procesu de reconstrucción nacional, sobremanera cuando son munchos los años, o los sieglos, de dominación. Lo más propio, lo xenuino y esencial d´una cultura, tiende a vese como folclórico, trivial, aldeano, esprecetable. Por embargu, otros rasgos d´identidá munchos menos constitutivos del ser d´esi pueblu son puxaos artificialmente por turistes y comentaristes forasteros que nagüen polo pintoresco y anecdótico. Valga como exemplu l´atención de los europeos románticos prestada a tolo que

de moro y xitano pudiera quedar en tierres andaluces del sieglu XIX, resclavos muncho menos importantes en comparación cola

bayura d´influencies castellanes (inda asturlleoneses y gallegues) que hai n´Andalucía. Andalucía ye prollongación de Castiella (y d´Asturies-Lleón), pero eso a los buscadores d´exotismos nun-yos sirvía.

Otru tantu ha dicise d´Asturies: ye la periferia con referencia a un centru Castellán y una España oficialmente mesetaria y mediterránea. El so paisaxe nun se correspuende col arquetipu que n´España se tien de los español, y menos entá col arquetipu de lo que n´Europa se tien de lo hispánicu. Ye un paisaxe d´un verdor que manca, en comparanza col marrón mesetariu y llevantinu. Un verdor que dura tol añu, constante, como constante ye´l riegu que-y fai la lluvia, y sobremanera, l´orbayu, esa especie de “lluvia nacional” d´Asturies.

Un país, l´asturianu que se define pol puxu o sobrovivencia –hasta´l pasáu sieglu- de la so específica granxa de castra europea: la casería. Tolo que d´occidental s´impunxo na Península Ibérica al sur de la cordalera cantábrica, y tovía más, al sur del Duero, vieno de la mano, amás del derechu, la ñobleza y la relixón, d´esa humilde institución. Fue l´adaptación de la Casería a otres llatitúes non cantábriques, dica´l sur,

**** ****

“Pseudomorfosis históriques nomo yo a aquellos casos nos qu´una vieya cultura estraña xace sobre un país entá con tanta brenga, que la cultura xóven, autóctona, nun algama respirar llibre, y nun solo nun llogra constituyise formes espresives pures y peculiares sinón nin siquieramente aportar al plenu desendoluc de so conciencia propia.

27

Ensayos sobre´l País d´Asturies: una Nación Europea

Tol cazumbre que xube de les profundidaes del alma primixenia va vertese nes cavidaes de la vida ayena. Sentimientos mozos cuayen n´obres caduques, y en cuenta d´erguese con propia enerxía morfoxenética, medra l´odiu al llonxanu poder en proporciones xigantesques”. (LDO, II, 294).

Oswald Spengler toma´l conceptu de pseudomorfosis de la mineraloxía. A partir de procesos anteriores queden cavidaes o moldes baleros, qu´un día ocuparon otros materiales. Depués, los nuevos conteníos nun tienen otro que dir ocupando´l llugar que se-yos abre per aciu d´esos procesos previos, y namás qu´esi llugar. Ye un exemplu de cómo la Forma pesa sobre´l Conteníu, y nun fai otro que primir, estrenchar les sos posibilidaes d´espresión.

El casu paradigmáticu, magar que nun tien por qué ser l´únicu, ye´l del pesu descománau que l´Antigüedá Clásica exerció sobre los anicios de la “Cultura Máxica” (arábiga) y sobre la “Cultura Faústica” (occidental). Ye bultable la orixinalidá del nustru filósofu: nun hai una especie d´historia continuada del Cristianismu. Ésta relixón nun fue una unidá. Hai qu´estremar el cristianismu de la primer dómina (sieglos I-X), calterizáu como “máxicu”, y el d´una segunda dómina, diferente ensembre, que se noma “fáusticu”. Cuasi comparten el nome, namás, y pocu más, quiciás una mitoloxía.

El cristianismu “máxicu” fue, al entamu, una secta más dientru del ensame bayurosu de sectes cuando la cultura clásica, apolínea, vieno abaxo ensin que l´imperiu que la caltenía se viniera ainda abaxu. Según Spengler, munchu tiempu enantes que l´Islam esistiera, una muchedume de pueblos orientales, encoyidos baxo formes culturales ayenes, helenístico-romanes,

yá vivíen baxo una cultura “máxica” que l´Islam vieno a lliberar, como que quita una espicha a una pipa y dexa que tola

enerxía contenía esquite haza fuera con brenga terrible.

Les mases apitiguñaes nes grandes ciudaes helenístico-romanes yá nun cuntaben como “patria” eses vieyes ciudaes-estaos del Mediterrániu, y muncho menos depositaben so corazón y sos esperances na que fuera más poderosa y señora postrera d´elles, Roma. ¿Qué “patria” o “nación” esistiría pa esi proletariáu urbanu tardo-antiguu? Denguna patria “política”, como l'Atenas o la Roma del clasicismu. O bien el fríu “cosmopolitismu” qu´enseñaben los intelectuales, o bien una nueva patria afechisca pal pueblu baxu, la patria espiritual. Ñaz la “Ilesia” como patria espiritual que nun tien tierra, nun tien fronteres, nun tien raigón, nun tien raza. Basta un ritu máxicu (bautismu o ritu de pasu cualquiera) pa cruciar la invisible raya que separta l´anterior “confesión” a la nueva “nación”: pa pasar a ser una Comunidá Mística.

Les iglesies tardo-antigües nada nun saben de patries y paisaxes, de races y de raigones echaos al tarrén, al fondu suelu de la tierra prieto. Son comunidaes d´almes y, poro, son per se transmigratories. El so apostoláu y proselitismu la fai dir d´un a otru lláu. Son almes viaxeres que nun son d´esti mundu. La patria de so ta al otru llau de la muerte.

Nesto coincidente sobre manera col cosmopolitismu de los estoicos, epicúreos, escépticos y demás racionalistes y agnósticos que-yos son contemporáneos. Paez qu´hai un pínfanu ente dambos mundos, pero dambos los dos son productu de les altes civilizaciones urbanes y, poro,

28

Ensayos sobre´l País d´Asturies: una Nación Europea

decadentes. Productu d´una especie d´home cansu y pacetible, que busca tranquilidá mental (ataraxia) o la muerte. Yá nun se trata de xente cenciello, que busca conquistar la tierra y nueves tierres, sinón que yá tien perdío abenayá tou contauto cola tierra, y pisa los empedraos urbanos, percorre foros y mercaos, y golismia de contino´l sudu del convecín.

El pacifista cultu del helenismu serondiegu, igual que´l proletariáu máxicu de primer hora (gnósticu, cristianu primitivu, neoplatónicu, etc.) son fíos de la gran ciudá antigua, enllena de parásitos, de proletariáu manteníu artificialmente pol Estáu, de residuos de pueblos y naciones yá vencíos y dilíos nel Imperiu. Ellí viven tamién los fellahs, nome col que se conocen los campesinos exipcios que viven baxo l´Imperiu Romanu, y prototipu de pueblu que Spengler considera inerte, ayenu a toa dirección propia, masa sobre la qu´esnidien foles socesives de nuevos señores.

La nación faústica, igual que´l cristianismu faústicu consiste en una triba d´alma distinta dafechamente. La nación faústica, ye dicir, la Occidental, la Europea, ñaz según Spengler al rodiu del sieglu X, más o menos. Elli la concibe arrincando del Imperiu Carolinxu: yera esti una agrupación de naciones d´aniciu xermánicu de les que diba a surdir la Europa d´anguañu. L´Asturorum Regnum fue un estáu independiente énte los carolinxos, y ente dambos los dos estaos hubo rellaciones diplomátiques, ha recordase.

Anchor d´horizontes, disparu de les mires dica´l futuru: esti ye l´espíritu qu´anima una nación faústica. Astures yéralo baxo tolos criterios indicaos por Spengler. Depúes d´una resistencia testonera tres la cordalera cantábrica, nun hai más que emburriar p´alantre,

salir al llanu a la gueta de futuru, de tierres, d´horizontes siempre postergables. Esi enclín guerreru vieno a pasar de lo defensivo a lo

conquistador. Asturies cuando pasa a ser reinu y nación faústica, más o menos en tiempos de Carlomagno, ye nación conquistadora, depredadora. Nel so enfotu de conquista dexa atrás el solar patriu y al entrar na meseta redescubre los vieyos campos cerealistes colos qu´una vez, enantes del contautu con Roma, esfrutó. Los ástures antiguos yeren una unidá humana al norte y al sur de la cordalera. La unidá étnica yera tamién unidá ecolóxica y productiva: la unidá que s´afita na más estricta complementariedá. Ástures transmontanos y cismontanos teníen pa si la homedancia y ganadería del más templáu clima oceánicu, atlánticu, tantu como la inmensa llanura lleonesa (y en parte zamorana y palentina) rica pal cereal. Roma france esa unidá natural pola mor de la conquista imperial. En colando esi imperialismu, los antiguos “indíxenes”, ye decir, ástures, vuelven a llevantar la cabeza col fin de sascudise d´otru xugu: el islámicu, esa nueva Roma sureña, esi nuevu imperiu estranxeru. Indíxenes mandaos por Pelayu y los de so sangre xunto a los aportaos pola casa de Pedru de Cantabria. Un alma indoxermánica que baxa al llanu como fieres xabaces, de manera nun mui distinta a la qu´amosaron los vikingos al embarcase en barcos p´hacia´l sur, los francos de Carlomgano pa espardir un Imperiu, o los de tou pueblu con vocación d´Imperiu y conquista. Un datu qu´hai que pescanciar ye qu´Asturies pierde´l so nome más allá de los cordales, xusto en cuantes ta afitada esa vocación d´Imperiu y conquista. Xusto cuando llega al sur de Lleón, y hai treslláu de la Corte a la ciudá que da nome al país de Lleón, antigua tierra de los ástures cismontanos, güei parte del País ástur.

29

Ensayos sobre´l País d´Asturies: una Nación Europea

****

**** ****

Los países faústicos de la Edá Media viven nuna tensión ente dos clases superiores que guarden una fisonomía dafechamente diferentes, un odiu y una complementariedá bultables: la nobleza y el sacerdociu.

El sacerdociu faústicu de la Edá Media cristiana yá nun tien un res que ver col de la dómina “máxica”. Ye un cristianismu diferente ensembre. Uviéu, Asturies, entren dientro la órbita de los francos. El Beatu de la Lliébana, un personaxe ástur, ta al cabu de les disputes ideolóxiques y acolumbra un futuru d´unión colos francos. Francos (nel sen xenéricu d´entós, ye dicir, xentes ultrapirenaiques) vendrán a Asturies y la van a coneutar col restu d´Occidente. El camín de Santiago ye´l gran inventu de los Reis Ástures pa estrenchar llazos fuertes cola Xermania, el “Franquistán”, como podríen dicir los muslimes de Toledo, Cordoba, Damascu o Bagdad. El Beatu tuvo la gran visión de curtiar les pontes pa col Arzobiespu toledanu, y dexar a los cristianos “collaboracionistes” col Islam na soledá de la cueva máxica d´esa relixón oriental y afromediterránia.

Vectores infinitos del alma fáustica énte l´universu de la Cueva Máxica. Spengler diz que la relixón islámica, másimu esponente de la mentalidá “máxica” ye´l puxu- verdaderamente- del puritanismu dientro del universu cueviforme (espresión tomada de Leo Frobenius). Unos cristianos cuasi recién convertíos, de castra celtoxermánica, nun podíen encaxar dientro d´esi universu cueviforme. Un universu pobláu por milenta fellahs, esto ye, campesinos ensin patria nin ñobleza propia, ensin lligamen pa cola Tierra, y plebe urbana, masa, que siempre viven a la espetativa de camudar d´amu (l

´ultimu amu, l´árabe) ensin querer garrar les riendes de los sos propios destinos. Al norte nun hai ciudades, nun hai residuos de cultura

helenístico-romana nin semítica. Hai pueblos prístinos de pastores que busquen tierra, busquen pastu, y hai tamién bandes de señores que nunca escaecieron lo que yera vivir en peligru, a caballu y con xelmu, enfataos en robar tierres a otros.

Les esplicaciones reduccionistes nunca son a talantar la Historia. Nunca nun debemos confundir un enfoque materialista d´esta ciencia con un reduccionismu económicu. Hebo quien desplicó l´orixe de la nomada “Reconquista” por una competencia ente ástures y bereberes polos pastos. Esti analísis pue ser válido pa momentos puntuales, pa detectar la casua próxima, ye dicir, la espoleta qu´afala secuencies de fechos que deriven directamente del alma de pueblos en llucha. Ente l´avanzáu Sur (Al-andalus) urbanu, cuasi capitalista, esclavista, y el retrasáu Norte (rural, pastoril, “bárbaru”) nun esiste metru comparativu dende un puntu de vista económicu. Únicamente hai que pescudar cuestiones cincantes a la “tierra de nadie” y al fracasu beréber de colonizar la zona mesetaria, fracasu árabe más bien, pa asina interponer unos bárbaros beréberes ente medies d´otros bárbaros, los del norte (ástures, galaicos, cántabros).

Güei Asturies podía ser un colonatu beréber, ye decir, una “marca” del Islam, o una especie de reserva indíxena d´una Alta Civilización sumamente decadente dende´l sieglu X. Pero non, l´alma incompatible de pueblos en llucha ye la que fai que s´establezan fronteres, y ye l´espíritu belicosu de los pueblos el que fai qu´eses fronteres vayan esmuzándose pelos cuatro puntos cardinales.

30

Ensayos sobre´l País d´Asturies: una Nación Europea

Anguaño Europa podía ser “mora” de nun ser poles victories “espolleta” de Pelayu y de Carlos Martel. El conceptu d´Europa naz únicamente a partir d´eses xóvenes naciones que buscaben lo que Spengler noma el so sinu. El sinu ye nel filósofu alemán l´equivalente alternativu a la causalidá de los materialistes y cientifistes. El sinu que, tres unes cuantes victories guerreres afítase col llabor “cultural” d´un sacerdociu de nuevu alcuñu. Volvemos equí a la tensión y complementaridá ente nobleza y sacerdociu. Lo que ficieron los monarques asturianos, lo que fizo el gran y terrible Rei Ramiro, fue dir a la guerra y llevantar Ilesies. Asina se vien a definir el reináu d´estos homes arrechos.

Dir a la guerra. La nobleza surde de la propia Tierra. Una clas noble “cosmopolita”, desenraigonada del terruñu, como pasa güei coles Cases Reales y los descendientes d´aristócrates nel esiliu, ye una nobleza decadente. El llinax, la llínea perantigua d´ancestros ye l´aspectu temporal d´esa voluntá de perduración. L´otru aspectu ye l´espaciu: enseñorease d´un espaciu. El noble que pierde, de grau o a la fuerza, sos finques, feudos, solares y terruños rebáxase a la categoría de patriciu urbanu, de burgués distinguíu, rabáxase a una categoría meramente estética si ye que yá vive desposeíu de poder o influencia política. Pero la nobleza alto-medieval ye planta que manda sos raigones a estratos bien fondos del país qu´ella mesma echa a andar. Nos inicios malapenes hai estremancies ente´l noble y l´aldeanu. Un grau mayor de valentía na guerra, esi debió ser l´aniciu de toa distinción nuna dómina na que nun hai conceptu de propiedá sobre la tierra (propiedá “privada” que nun hai nel sen capitalista hasta la modernidá). Económicamente,

estos nobles de los entamos son indistinguibles, bien de veces, de los aldeanos, del pueblu. La rellación que se-y quixo dar a

Pelayu, por exemplu, cola nobleza goda, ye asuntu tan mitolóxicu como la mayor parte de les xenealoxíes conocíes na Historia, tan mítico como facer descender los césares romanos del troyanu Eneas. Más bien cabe imaxinar a un Pelayu como cabezaleru indíxena, colos vezos matrilineales qu´eso diba implicar nos casorios rexios posteriores, antítesis de los vezos godos que traín a la Monarquía Ástur los descendientes de Pedro, dux de Cantabria y el godu Alfonsu.

¿Y como vivíen estes cabeces floríes del mesmu pueblu? Sicasí ún pue pensar nesos reis (en rigor régulos) de la Iliada: ellí vense a los reis micénicos, en tiempos de paz, llabrar sos propios campos o construir barcos coles sos propies manes. Qu´un rei dexe´l llabiegu y conoza´l sudu del trabayu de campu tantu como los sos esclavos da cuenta de lo que debieron ser les alboraes de toa cultura. Solamente cuando suenen los glayíos de la guerra, el rei distínguese del esclavu o del vasallu por garrar la espada, teniendo que soltar entós el llabiegu y demás aperios. Pero cuando garra esa espada, el xelmu, la coraza, malapenes ye a estremase del pueblu llibre, el pueblu que tamién tien derechu a dir a la guerra y que de forma natural aconcéyase n´asamblees. Les Cróniques del Reinu Astur falen d´eses asamblees, y d´elles va salir aclamíau Pelayu como princeps, escurque como cabezaleru guerreru (tovía non rei nel se góticu, sinón régulu nel sen asambleariu ástur). El llector pue pensar guapamente nes asamblees xermániques de pueblos guerreros n´armes pa pescudar esti procesu.

Solamente cuando tan afitaes unes fronteres y una capacidá defensiva de

31

Ensayos sobre´l País d´Asturies: una Nación Europea

rempuesta pueden estos reis pensar en palacios (al entamu el palaciu de los reis ástures debio ser como una casería un pocu grande, y los cortesanos, unos criaos que viven baxo un mesmu techu, como los palacios vikingos), pensar n´Ilesies y n´otros llabores simbólicos. Ye entós cuando´l régulu guerreru nun solo afita un espaciu vital, per aciu la conquista y la espansión repobladora. Yá ye un rei que quier perdurar na memoria, y pa eso sofita la Ilesia, el sacerdociu, la casta-antiguerrera, tan necesaria por embargu pa la sobrevivencia anímica de la realeza y los nobles que van a la guerra col monarca. El templu, inda´l supuestu humile templu del arte asturianu, ye arguyu de guerreru alzáu al cielu. La cruz ye una espada vuelta abaxo, y el símbolu de la cruz ye, na dómina ramirense, por exemplu, la verdadera simbólica que sirve pa llantar batalla al sarracenu. Esa cruz ha mester un templu, otra simbólica que pon en contautu´l Reinu col Occidente, ye dicir, col país de los francos y xermanos. Ye tremendu´l xeitu nórdicu qu´amuesen les nueses ilesies d´Arte Asturianu. Tracamúndiase col estilu anterior, el visigodu y alviértense otros influxos, como nun podíen ser menos: romanos, bizantinos. Pero estes ilesies rurales, cencielles y al empar arguyoses, son d´una verticalidá y d´un calter políticu imperial que paez imposible de negar. Dan al país d´Asturies la midida de lo que fue: un Reinu echáu p´alantre, a la gueta de la inmensidá. Nun paez enquivocao comparar cómu l´ástur, l´home norteñu, va buscar la aventura frecuentemente lloñe de la Patria, dexando atrás el solar d´aniciu. Sieglos más tarde enllenamos de fíos América, dientro d´un procesu d´occidentalización del Nuevu Continente. El sureñu, l´español, pela cueta, mira de regüeyu l´África del Norte y dulda siempre si nun tará pa ellí la so espansión natural.

Nun sabemos lo que se tresmite de xeneración en xeneración y que da perdurabilidá a dellos rasgos del

alma d´un pueblu, d´una nación. Siempre s´usó´l mitu del sangre: “facer lo que nos pide´l sangre”. Los xenes, la raza… toa esa pseudobioloxía siempre tuvo mui presente a la hora d´afitar rasgos esenciales nel alma de los pueblos. Hai que decir equí que nel casu de Spengler, y en contra de la “mala prensa” que se derramó sobre él, el filósofu de La Decadencia d´Occidente nunca nun fue un nazi y nun compartió les tesis tosques y asesines de triba bioloxicista d´Adolf Hitler y los sos siguidores. La “raza” pa Spengler ye una entidá espiritual. Cuando escribe sobre “races”, dalgo habitual entá na so época, da por afitao qu´éstes son mestures de milenta pueblos. Raza celta, raza xermana, raza íbera, raza llatina… Estos pueblos son siempre heteroxéneos nos sos rasgos físicos, productu de mestizaxes. Ye la convivencia y fusión cultural lo qu´acaba dando llugar a les “races” como les mentaes. Inda Spengler deriva d´esi tonu y esperiencia anímiques un ciertu resultáu morfofísicu. Esa ye, precisamente, la idea d´una fisiognómica.

La fisiognómica más qu´una ciencia ye un tactu. De tolos sintíos, ye´l del tactu´l sintíu primixeniu. La vista, l´oyíu y los demás medios de recepción de lo esterno deriven realmente del tactu. La vida vexetal fáise animal tantiguando, a palpu, les circunstancies del mundu en tornu (Umwelt). La Historia, más qu´una ciencia ye un “conocimientu d´homes”. Un conocimientu nel qu´ha dase un olfatu, una esperiencia depurada que permite intuitivamente saber per aú vienen, aú van, y qué contestura tienen los seres humanos a lo llargo del so sinu. De la mesma manera qu´hai una güeyada intuitiva ya inmediata anque

32

Ensayos sobre´l País d´Asturies: una Nación Europea

val pa conocer a una persona individual, y esa impresión capta lo esencial d´ella, tamién hai esa mesma güeyada sobre una cultura, un pueblu, una civilización.

La fisiognómica nun se dexa engañar pola dominante económica del momentu. Detrás de la Economía, del Mou de Producción, que diría Marx, hai unes estructures secretes que se s´escuenden baxo les lleis inexorables y puramente materiales.

Anguaño, baxo´l férreu capitalismu nel que vivimos hai una clas esplotadora, otra esplotada. Pero tamién hai un territorio que se beneficia a costa d´otru, una cultura que secularmente s´impón sobre otra, un pueblu colonizáu por otru y que muerre pa que vivan otros.

3. Nacionalismu Asturianu y otros nacionalismos.

Teo nes manes el llibru de Xaviel Vilareyo Les Asturies y el Nacionalismu Bascu. Lo que diga, da igual la cantidá de papel que manche, va ser poco p´afitar la importancia d´esti curtiu volume. Importancia descomanada pal desendolcu del nacionalismu asturianu.

Porque ye una evidencia que´l nacionalismu vascu siempres fue l´espeyu onde los nacionalistes asturianos tenemos mirao col envís d´acolumbrar la nuestra propia figura. Ente dos nacionalismos non castiellanos, el gallegu y el vascu, nun sé mui bien por qué, ye´l vascu aquel que posee mayor gravedá, poder d´atraición, afinidaes sentimentales –pa lo bono y pa lo malo- muncho más que´l gallegu. En teoría, la llingua gallega, como la castiellana, ye cercana a l´asturiana, y hai un parentescu nidiu

ente dambos los dos pueblos. Tol Occidente d´Asturies podía sintise hermanu de Galicia, y hai mui poca distancia no que cinca a la historia

campesina y la etnoloxía de los dos países. El minifundiu, la esplotación señorial y eclesial a traviés de foros, el modelu de casería atlántica, el común celtismu. Sicasí, na Edá Moderna, Asturies y Galicia diéronse´l llombu, y a ello contribuyó la bayurosa industrialización d´Asturies (de la fastera central) énte l´arcaizante Galicia rural, clerical y caciquista. Yera un dichu mui en boca de mio güelu que “De Galicia venía tolo malo”, y con ello quedaba clara la constelación d´elementos non deseaos: en primer llugar, el vientu del Oeste, el famosu “vientu gallegu” que siempres barrunta lluvia, mal tiempu. Depués, llegaben otres resonancies más antropolóxiques: los guardies civiles, les tropes de Franco, el propiu Franco, un militar ferrolanu, al cabu. Más de recién, l´actitú gafienta de ciertu nacionalismu gallegu, talmente harmonizáu col españolismu del PSOE, sirvió p´afondar nesa mala intelixencia de lo galaico n´Asturies, y de lo astur en Galicia. Claro que pa meter goles de penalty, y p´allumar bastardíes nel monte de los partos, somos campiones los asturianos, defendiendo en casa tou esi inventu del “gallegu-asturianu” pa referise a la llingua del Eo-Navia…Yá hebo persones qu´incluyeron a Asturies nel ámbitu de la Lusofonía, por ciertu…

Pero ¿y al Oriente? Hai una proposición lluminosa nes páxines d´esti llibru: Les Asturies faen frontera col País Vascu. Les Asturies, asina, en plural. Qué gran conceptu, y qué rigorisidá la de Vilareyo. Ye tan impecable y necesario facer alcordanza d´esti plural como cuando antiguamente se falaba de Les Españes. Hai unes Asturies de Santiyana ya inda unes Asturies de Tresmiera. L´Estáu Lliberal del sieglu

33

Ensayos sobre´l País d´Asturies: una Nación Europea

XIX foi un llaboratoriu de creaciones artificiales, y foi un exemplu más nel llargu rosariu del tracamundiu de la Historia. Coles falcatrúes de los lliberales, ye decir, de los nacionalistes españoles y partidarios del centralismu más fanáticu, les antigües divisories históriques quedaron por completo anubríes, y formóse una divisoria provincial artificial, supuestamente calcada del racionalismu francés onde mandaba más el criteriu económicu del sistema caciquil.

Porque hai que desplicar que de los dos lliberalismos que podíen implantase nesti Reinu d´España, el de raigón británicu y el d´aniciu xacobín francés, perdió´l primeru. El nuestru bienamáu Xovellanos, defendiera más bien el primeru. Asturies al norte tenía divisoria más bien col Reinu Xuníu, cola mar del Cantábricu metanes. La Constitución Histórica Asturiana que con tanta brenga defendió l´ilustre xixonés, yá yera un sistema lliberal dafechu, más acordies col principiu pluralista británicu: una Monarquía Tradicional que s´asienta sobre dellos parllamentos rexonales o nacionales, los “países”. Esti sistema ye´l que yo nomé, notres páxines, paleo-autonomismu. A nós, los asturianos, nun teníen que venir estos “doceañistes” españoles de secanu a enseñanos las virtúes d´un sistema constitucional y lliberal, porque nes Españes yá había ún, pesie a que´l mal del caciquismu, la falta d´afayaíza financiación y les tendencies centraliegues de la Corona lu dexaren, cuantayá, esgonciáu. Los asturianos yá cuntábemos con unes Cortes propies, la Xunta Xeneral del Principáu, que xurídicamente nun teníen nada qu´envidiar a les Xuntes Vascongades, si bien ye cierto que na práutica foron perdiendo poder y relevancia en comparación con aquelles a lo llargo de los sieglos. Les Españes del Antiguu Réxime yeren, consustancialmente, una

pluralidá. Yera la Corona la instancia cimera d´una unificación política, llendada, les más de les veces, a la estracción d´impuestos

pa mantenese, y a la lleva de soldaos. Los Borbones introducieron les Audiencies, cola fin d´unificar l´alministración de Xusticia, empobinando más y más haza´l centralismu, nuna dómina amás na qu´hai que tomar en cuenta que los trés poderes nun taban nidiamente dixebraos. En tolo que nun se refería a dar dellos impuestos y soldaos al Rei, los territorios norteños del Reinu yeren bien autónomos, y teníen qu´iguar los sos propios asuntos locales o provinciales, con un gobiernu propiu y soberanu (franquicies y privilexos propios). Que´l Principáu foi na práutica un país independiente masque venceyáu a la corona Castiellana, ye tesis xeneralmente reconocida, y paradóxicamente (tolo asturiano en rellación col so encaxe n´España ye paradóxico) fue nos tiempos de los Reis Católicos, paradigmes del procesu centralizador de los Hispano, cuando´l nuestru País algamó mayor cuota d´independencia política. Esta esistió de iure hasta´l cambeu de dinastía y frayóse enforma cola creación de l´Audiencia d´Uviéu.

Según dellos estudiosos, la Constitución Histórica Asturiana basábase no en llibros sagraos, al estilu francés (al estilu romanista), l´estudiu qu´aportó al testu gaditanu de 1812. Más bien ye´l modelu británicu de la primacía del usu, la costume, la tradición empíricamente interpretada pol pueblu y los sos representantes. Los procuradores de la Xunta, polo demás, siempres se vieron como representantes del Pueblu y representantes de los Conceyos, pues el Principáu yera –constitucionalmente- una hemandá o federación de Conceyos, verdaderu asientu de la soberanía popular. Como diz Spengler, el modelu

34

Ensayos sobre´l País d´Asturies: una Nación Europea

británicu del Drechu, fíu de les pautes celtoxermániques antes que de los estilos formalistes llatinos, foi´l que truxo esa Constitución y esi Drechu “non escritos”, empíricos y basaos en vieyes costumes. Con too y con eso, los miembros de les Xuntes asturianes foron unos adelantaos a los constitucionalistes de Cádiz al intentar bien de veces una Redacción d´unes Ordenances que pola so estensión y fondura bien puen interpretase como embriones de Constitución Asturiana. Nun ha cayer embaxu que´l Rei nun diera´l so preste oficial a munches d´eses Ordenances cola sida de que s´estrallimitaben, o que nun se pronunciara dafechu, permitiendo asina de facto una Autonomía al Principáu (pues les Ordenances aplicáronse inda ensin preste del Rei) que de iure nun quería reconocer. Hemos recordar, igualmente, que la Ceremonia de xuramentu real énte la Xunta Xeneral taba contemplada nos anicios de la mesma (haza 1388) asina como la fórmula de “obedezse masque nun se cumple”, que l´asemeya sobre manera a les xuntes vasco-navarres, que furrulaben baxo principios asemeyaos. En concretu, paez ser que la Xunta guipuzcoana yera la más asemeyaba institucionalmente a l´astur.

Hai munches semeyances ente´l País Asturianu y el Vascu, munches homoloxíes y entemecimientos, y el llibru de Xaviel Vilareyo da abondes pistes pa pescudales. Yo encamiento al llector que faiga un viaxe, a poder ser per carreteres secundaries y caleyes, dende Asturies hasta´l País Vascu Francés. Yo siempre tenía visto que yá nos arrabaldes orientales de Xixón, mio ciudá, escomienza un estilu oriental de casa aldeana, un tipu de balconada y de fachada (a esceición de la modesta casina mariñana) que recordaba sobremanera yá l´estilu oriental (por exemplu´l llaniscu y el montañés). Nes

cases nobles y nes casones aldeanes más riques, per tola Mariña hasta les Encartaciones, nótase que tamos nun mesmu país. Sicasí, al aportar a

l´actual Euskadi les agües del teyáu cambien d´ orientación. Lo que na casona asturiana y “montañesa” ye un llateral triangular, nel caseríu vascu tiende a ser la fachada. Pero la fechura del edificiu, les balconaes, el xeitu y la psicoloxía fecha piedra bien a ser la mesma. Estudiara na obra de don Julio Caro Baroja qu´esa fastera alpina, haza´l sur d´Alemaña, tien que tener orixe nuna cultura pervieya: ente la casa alpina y el caseríu vascu, too son continuidaes, al empar qu´ente ésti y les cases asturianes. L´exe cantábricu-pirenaicu-alpinu ye, dende la Prehistoria, ún de los gordones más ancestrales de l´antigua Europa, un exe qu´al oeste, pa contra Galicia, crúciase con otru, formando ángulu: ye l´exe qu´arrinca dende´l cabu Fisterre haza los mares del Norte, cantábricu arriba, haza la Bretaña, les Islles britániques y Escandinavia. Asturies ta nel centru occidental d´esos dos exes (celto-atláticu y cántabro-pirenaicu-alpinu). La Etnoloxía ufre munchos datos de la nuesa inclusión dientro d´eses dos llínees d´influeyencies ancestrales, davezu compendiaes baxo´l rótulu de “celta”, pero que, en delles ocasiones, bien puen ser más antigües tovía, indoeuropees dafechu.

Si ún sigui´l so camín per tola costa cantábrica –entós- pue comprobar que ta percorriendo un mesmu país, y asina lo rexistraben tolos viaxeros foriatos, dende los más antiguos hasta los del seiglu XIX. Non solo les cases campesines, que pa Spengler concetraben l´alma d´una cultura, sinón los horros (esaniciaos cuasimente nes Asturies de Santiyana y Trasmiera, asina como en Bizcaia, pero presentes antiguamente), la manera de cultivar la tierra o curiar los armentíos, la rellación

35

Ensayos sobre´l País d´Asturies: una Nación Europea

del home colos montes, viesques, un mesmu paisaxe, asemeyada sensibildá, práuticamente la mesma mitoloxía. Dende Fisterre hasta Aquitania tamos nel mesmu País no paisaxístico, no campesino, no ancestral, no anímico. L´alma mesetaria ye estremada dafechu d´esta rexón de la que falamos. Pero nun son causes puramente naturalistes les que determinen tales semeyances ente los norteños y los mesetarios. Los apuntes históricos que da Vilareyo ponen l´acentu no principal: La constitución y desendolcu del Reinu d´Asturies tres la victoria de don Pelayu en 722, y sobremanera, la política espansionista de los sos socesores.

Ye paradóxico que´l nacionalismu más puxante nel Reinu sía´l vascu. Ye paradóxico si comparamos la modesta entrada de los vascones nel procesu de la Reconquista, y la nula esistencia d´una unidá política de la supuesta Vasconia, que nun esistió hasta que Sabino Arana o F. Krutwig llanzaren les sos campañes publicístiques. Na Alta Edá Media, había vascones baxo dominiu astur (na Bizcaia orixinaria y nel Condáu d´Álava, pertenecientes al Asturorum Regnum), bascones baxo dominiu musulmán y, dacuando, islamizaos dafechu, otros baxo dominiu francu, y dalgunos había que vivíen al debalu, guardaos en biesques y montes, paganos ya independientes. La supuesta “independencia” ancestral de los antiguos vascones ye un mitu que, si garró brenga, fue gracies a la ideoloxía nacionalista vasca, anque tien oríxenes nel propiu nacionalismu español, tema nel qu´agora nun voi a entrar.

La historia del Reinu de Pamplona, depués Reinu de Navarra, ye un enguedeyu tremendu pal non especialista. Los sos anicios tres la invasión mora nun son los d´un Reinu, un Estáu, como asocediara claramente

col d´Asturies. Yera un núcliu onde ametieron la so pezuña d´ambición tolos poderes de la época tres la invasión de los moros: moros de

Córdoba y Zaragoza, llinaxes indíxenes (unos cristianos y otros mahometanos), francos, asturianos…Yera una estaya abegosa de frontera, escenariu de llucha ente los poderes, marca inestable, arranada. La tesis de Vilareyo consiste en decir que la so independencia estable y el so verdaderu status como Reinu fue obra de los Reis Asturianos. Llucharon xuntos asturianos y vascones de perende, ficieron alliances matrimoniales les cases astur y navarra, y vivieron de común alcuerdu na llucha contra les inxerencies franques y les invasiones mores. Al entamar una marca o tapón entre l´islam y el Reinu Astur, l´acertada política de los asturianos sirvió p´algamar una seguranza nes rexones orientales: los moros siempres facíen les aceifes pela xubiendo p´Alava.

Pue resumise la tesis de Vilareyo diciendo que´l Reinu Navarru foi creación del Reinu Asturianu, como marca y barrera énte l´islam. Ente elli y la tierra de naide que yera lo qu´anguaño ye la provincia guipuscoana, el Reinu Asturianu evitaba contautos fronterizos colos carolinxos (imperialismu espansionista a la fin, y colos moros de la rexón oriental). Pela cueta, más al Occidente, los asturianos, especialmente el Gran Alfonsu III llevó´l so puxu imperialista al sur del Dueru, llegando mui abaxo na meseta y resguardando bien el bierzu del so Reinu: les Asturies.

Y agora ye onde tien d´encaxar la pieza clave d´esti llibru, el plural al falar de Les Asturies. Dende l´entamu del Reinu hai una mecedura pergrande ente astures y cántabros. Que´l duque Pedru de Cantabria mandara a Asturies al so fíu Alfonso a casar cola fía de Pelayu,

36

Ensayos sobre´l País d´Asturies: una Nación Europea

indica bien l´alianza política ente dos pueblos que llucharon xuntos yá contra Roma, y que calteníen llindes imprecises, por exemplu alrodiu del territoriu de los vadinienses, onde surdirá Cangues d´Onís como primer Corte de la Monarquía Astur. Yo siempres sospeché qu´astures y cántabros yeran una mesma etnia, y eses sospeches espresárales en La Nación Asturiana. A fin de cuentes les denomaciones y xentilicios que los romanos emplegaron pa referise a pueblos bárbaros, de los que los escritores facién mención de segunda o tercer mano, esto ye, esin conocimientu directu, nun son material nel que se poder enfotar muncho. Al faltar la unidá política que surdiriía en 722, nun territoriu montunu y xabaz, de milenta valles y requexos, ye lóxico tracamundiar les unidaes étniques vistes dende fuera. Pero nun tamos en condiciones de demostrar científicamente la tesis de la supuesta unidá étnica de astures y cántabros: abástanos con creer que yeren pueblos de siempre hermanos, alliaos, asemeyaos, y que Alfonsu I, xenru de Pelayu, personificó esa unidá política dafechu.

Güei tamos condenaos a ver les unidades étniques baxo los llentes distorsionantes del “Estaú de les Autonomíes”, solución de compromisu que´l Reinu d´España iguó pa satisfacer les demandes vasques y catalanes, como ye persabío. Con ello, esti Reinu en 1978 volvió a prauticar lo que dellos damos en nomar “españolismu separatista”. Esta ideoloxía, traducida n´ordenamientu xurídicu, políticu y alministrativu, consiste en separtar les unidaes étniques y les nacionalidaes históriques, con divisories pantasioses y arbitraries “mayor gloria d´España”. L´españolismu separatista ye conocíu de sobra na prohibición d´amesar autonomíes yá consagraes na Carta

Magna de 1978: Vascongaes y Navarra (masque hai un calce abiertu pa facelo constitucionalmente), Países

Catalanes (Valencia, Cataluña, Balleares), les dos Castielles, etc. Hai autonomíes uniprovinciales ensin xacíu dalu (Rioxa, Murcia, Cantabria, Madrid) que solo tienen desplicación a lo último en contrarrestar a les nacionalidades que daquella verdaderamente demandaben autonomía : la vasca y catalana. Nel fondu trátase del famosu “café pa toos”, si bien ye verdá que nun mos dieron la mesma calidá de café a toos y quedó n´evidencia qu´había necesidá política d´inventar autonomíes pa gran parte de lo que siempres fue, ye y sedrá territoriu castiellán o español.

Pues bien, la provincia de Santander pasó a denomase “Cantabria”, y l´autor camenta, con toa razón, que más alló del hipotéticu Ducáu de Cantabria na dómina goda, apurrióse dende 1982 al xentiliciu de los moradores d´esti trozu peninsular, los cántabros, con poca o nula vixencia y tradición nos usos populares. Cuasimente podíen tener inventao otres autonomíes en basa de tal criteriu, el de los indíxenes prerromanos qu´habitaron una rexón: Autrigonia, Caristia, Oretania…Nun mos engañemos más. Les Asturies quedaron frayaes como consecuencia del imperialismu castiellán, y el so procesu castiellanizador aceleróse (como nes mesmes Asturies d´Uviéu, les del Principáu) a partir del sieglu XII. Lo que nel sieglu XIX formó la Provincia de Santander rempondió a intereses puramente comerciales de la ciudá asina llamada, en detrimentu d´otres villes importantes (Laredu, por exemplu). La Provincia de Santander fue un inventu de los lliberales, a costa de tierres de Burgos, Asturies, Lleón. Por exemplu, basta con ir a la Lliébana pa decatase del so arume asturianu, país onde amás

37

Ensayos sobre´l País d´Asturies: una Nación Europea

se completó´l llabor lliberador de Cuadonga en 722 con otra derrota sobre los moros fugaos. Basta saber un pocu d´historia pa ver los venceyos de la Lliébana coles Primories vecines (Cangues d´Onís y redolada) amás de con Lleón. Y en cuantes a les Asturies de Santiyana, ye evidente que la pervivencia de l´asturianidá del territoriu yera reconocida tovía pol Padre Carballo, y cuasi hasta´l propiu sieglu XIX, cuando don Gumersindo Laverde lluchó por volver a formar una rexón supraprovincial de los dos territorios. Quiciás un viaxe nel tiempu fuera la única manera de comencer a tantos provincialistes d´Uviéu: podríen comprobar entós qu´una mesma llingua, unes mesmes tradiciones, unos mesmos paisaxes, y hasta horros, gaites y tolo que ye signu inequívocu de lo asturiano, había de caltenese hasta´l sieglu XVIII. Pero ellí la castiellanización fue xabaz, talo como en Lleón, y güei los mesmos nativos rebautizaos como “cántabros” asumieron el romanticismu pantasiosu de los lliberales españolistes, asumiendo la idea de qu´ellos yeran el raigón de Castiella.

Cantabria un Inventu. Provincia de Santander un Inventu. Les Asturies llegando a formar frontera col País Vascu, una realidá.

Comparemos agora dos nacionalismos, l´asturianu y el vascu, que ye a onde hai qu´aportar pa trabar bien les secciones del llibru y pa pescudar la tesis de conxunto.

1. N´Asturies nun hai un sentimientu o movimientu panasturianu. En Vasconia sí: la territorialidá (tovía más que la independencia) ye un clavu camburante pa España, Navarra, Francia… La “Gran” Euskalherria ta na cabeza de los abertxales, tanto peneuvistes como de la izquierda independentista. Ente ellos hai

consensu. N´Asturies solo hai consensu en que somos fatos ya inorantes.

N´Asturies, sacantes el llabor de don Gumersindo Laverde, malapenes nadie defiende un panasturianismu, o polo menos un hermanamientu de lo que, yá en tiempos recientes, se nomó País Astur (ye decir, el conxuntu de rexones y comarques que falen o falaron asturiano y que caltienen dellos otros llazos d´asturianidá, por exemplu Lleón y Zamora mirando más pal Sur). Don Gumersindo faló d´una Civilización Asturiana y por supuestu ésta llega a les puertes mesmes de Bilbáu. Nes villes de les Encartaciones (l´antigua Autrigonia) fálense entá bien de pallabres asturianes a pesar de la presión eusquérica tan descomonada que sufren. Les Encartaciones formaron parte del Reinu Astur cuasi dende los entamos y foron repoblaes a instancies de los Reis asturianos. Metanes, les rexones de l´actual Comunidá Autónoma de Cantabria, son territorios con gran crisis d´identidá (la “cántabra”, que nun cuaya, la castellanista, que choca coles identidaes llocales y comarcales bien fuertes menos na capital, y la minoritaria, pro-asturiana). Al oriente, la presión del nacionalismu vascu qu´enguedeya non poco les coses, sirve güei pa reforzar más tovía aquel ultraespañolismu que defendieran les élites burgueses santanderines va un sieglu.

2. Nel País Vascu siempre hebo dineru pal nacionalismu: una bauyra d´empresarios, instituciones eclesiástiques y universitaries que lo sofitaron. N´Asturies nun hai nin agua pal nacionalismu. Por eso nun esiste. Porque nos enfotamos namái que nel voluntarismu, que ye movedizu, pasaxeru, frustrante. Con idealismu y utopismu nacionaliegu nun se contrúi un nacionalismu asturianu, y menos col

38

Ensayos sobre´l País d´Asturies: una Nación Europea

emperramientu qu´hai en xuntar les demandes obreres, revolucionaries, sociales, ecoloxistes, etc. –toes elles mui respetables en Democracia, pero ayenes a un discursu nacional- cola defensa nacional de la nuestra identidá. Ye amestar la velocidá col tocín, pero n´Asturies bebemos cócteles envede sidre (y dalgunos quieren que bebamos los cócteles de Molotov).

¿Xuntances? ¿Partidinos de xuguete? ¿Más asociaciones? Non, perres. Ensin atropar empresarios ya instituciiones que sofiten un movimientu nacional asturianu, y ensin mecanismos intelixentes empobinaos a recaldar dineru (editoriales, chigres, cooperatives) nun va haber nacionalismu asturianu.

Dos cultures tan asemeyaes, la asturiana y la vasca, que comparten mar -el mar cantábricu, que formen un mesmu paisaxe en bona midida –paisax atlánticu al norte- estrémense abondo no político: rescampla la impotencia del nacionalismu asturianu énte la gran conciencia nacional de munchos vascos, asina como pola fuerte presencia nes Vascongaes de los partíos identitarios y el gran procuru pol defensa del so idioma, la raxura con que los vascos defenden privilexos y peculiaridaes, etc. Ensin embargu, dende un puntu de vista obxetivu, especialmente dende´l güeye de la Historia, solamente Asturies ye una Nación. Nel sieglu VIII el conceptu de nación ye imposible de separtar del conceptu de dinastía reinante, del conceptu d´estáu qu´esistía na dómina. Y velequí qu´Asturies aprució como entidá política soberana, que cola fuerza de les armes algamó la so independencia y defendió un espaciu territorial y políticu propiu énte los dos grandes poderes de la dómina, el moru de Córdoba, y el francu, ultrapirenaicu. Los pequenos reinos peninsulares que,

al abellugu d´asturianos y francos, foron surdiendo baxo´l signu de la Cruz y con independencia de Córdoba, escomenzaron siendo,

namái, que marques o condaos con valor estratéxicu. La pretensión de ciertu nacionalismu vascu de remontase al Reinu de Pamplona (y depués, Navarra) como aniciu d´una entidá política vasca na Edá Media ye problemática y confusa: 1) muncha xente vascón nun taba dientro d´esi reinu, sinón baxo xurisdiccón precisamente astur, 2) muncha otra xente vascón vivía baxo dominiu francu (Aquitania, gascones), 3) otros, llibres y al debalu, ensin amu pero ensin poder políticu reconocible, mui espardíos y dividíos, en clara fragmentación primitiva.

La falta d´una sólida conciencia nacional n´Asturies motivó que nun se reconociera lo bastante, n´Europa y n´España, el papel del Asturorum Regnum a la hora d´afalar nueves nacionalidaes europees y cristianes énte la marexada afrosemítica que vieno col Islam, y énte les pervivencies antigües de la civilización mediterránea (les pseudomorfosis, n´espresión d´Osawald Spengler). Apocayá un profesor de la Universidá de Deusto, don Armando besga Marroquín, vien insistiendo na crítica de les tesis indixenistes que Barbero y Vigil defendieran a la hora de pescudar “los oríxenes sociales de la Reconquista”. El profesor Besga defiende les tesis del gran historiador don Claudio Sánchez Albornoz que, de xuro, basaba´l so métodu nun respetu a les fontes, especialmente les Cróniques Asturianes. Ye verdá qu´hai delles dosis d´ideoloxía –el neogoticismu de la dómina d´Alfonsu III, yá reconocible inda n´Alfonsu II- xustificador de les conquistes, del “imperialismu” de los monarcas astures. Pero tomando en consideranza tala ideoloxía, tuvo razón don Claudio en que 1) don Pelayu, con

39

Ensayos sobre´l País d´Asturies: una Nación Europea

independencia de la so adscripción étnica individual (¿astur?¿godu?), tema irrelevante o polo menos menor na historiografía, nun pudo facer la so sublevación ensin l´elmentu “indíxena”, ye dicir, astur y cántabru, 2) los godos que lu acompañaron na sublevación debieron ser –al entamu- minoría énte les xentes astures que s´alliaron contra los moros, masque tuvieron relevancia a la hora d´imprimir goticismu a la Monarquía nueva, y 3) la Monarquía Astur yera un Estáu de nueva fechura, nun pue ser considerada una mera continuación de la Monarquía Toledana, anque simbólicamente haya un claru intentu restaurador dende Alfonsu III. Convién tener en cuenta que don Claudio ye´l gran defensor del calter inéditu, non continuista, de la rebelión de Pelayu y de los sos astures. Nun hai que se dexar engañar cuando esti historiador llama “españoles” a los rebeldes de Cuadonga y a todos los protagonistas de la Reconquista y Repoblación, pues de la mesma manera emplega esi términu a los vascones, a los mozárabes, y a los habitantes islamizaos d´Al-andalus, tengan orixe romanu, godu, etc. Foi Sánchez Alobornoz el que de verdá frayó pa siempres el mitu goticista remanáu pola historiografía castiellanista y españolista como verdá incuestionable: frayó dafechu´l mitu que´l Reinu d´Asturies yera la continuidá direuta del Reinu Toledanu.

Y, nesta llínia, el profesor Besga desmonta la tesis indixenista de Barbero y Vigil. Son delles crítiques les de Besga: 1) Barbero y Vigil son hipercríticos coles fontes cristianes, coles Cróniques Asturianes, cuando ye de lo poco que tenemos pa conocer los fechos, y nun too ye ideoloxía y mentira ellí, 2) nun ta demostrada la independencia política de los astures y cántabros nel baxu Imperiu y, más importante, na dómina visigoda, y 3)

munches de les aseveraciones que ficieron sobre la realidá social y política de los astures y los cántabros son estrapolaciones

inxustificaes a partir de los datos conocíos sobre los vascones, un pueblu bien distintu al asturcántabru.

Besga Marroquín critica xustamente la feble base documental nes fontes pa defender la esistencia d´una continua independencia de los asturcántabros énte romanos y godos. La tesis “indixenista” más moderada bien podía contentase con afirmar que cola perda de poder de romanos y godos, éstos pueblos tan belicosos siempre foron peligru pal poder centralizáu ya invasor de Roma o Toledo, escasamente romanizaos o cristianizaos (en comparanza col Llevante y Sur peninsular) y llibres dafechu cuando se retiraba la presión imperialista sobre ellos. Y nun ha escaecese que´l propiu Sánchez-Albornoz dio pie a la tesis indixenista, afitando na ciencia que´l Reinu Astur nun yera continuación del godu, que yera creación ex novo onde l´elemntu étnicu astur-cántabru yera cosa imposible de negar. Pero´l profesor Besga, faciendo usu de la metodoloxía comparativista diz, pela cueta, que los vascones foron l´únicu pueblu que n´efeutu gozó d´independencia énte los godos (sicasí, los vascones sedríen inda alliaos de los romanos, a diferencia de los asturcántabros, y nun foron romanizaos por falta d´interés per parte de los imperiales). Magar nun queremos llegar a ver un enclín vasquista nel autor, ye difícil ver “independencia” a un pueblu prepolíticu como´l vascón. Que don Rodrigo, xusto anantes de Guadalete, los taba combatiendo nun ye cosa d´ablucar, pues tamién los reis astures combatieron revueltes vascóniques a lo llargo de la esistencia de la nuestra monarquía, pero tamién hebo alliances matrimoniales y

40

Ensayos sobre´l País d´Asturies: una Nación Europea

polítiques, y hebo sangre vasco na dinastía astur, como ye persabío.

Talmente pienso que´l pueblu vascu, precisamente por dar más que falar anguaño col so posible “separatismu”, y por cuntar con una conciencia política nacional más desarrollada, tien esperimentao una proyeición retroactiva, y quier vese más independentismu nel so pretéritu del que realmente se dio. Y yá nun recalcamos más la dependencia que gran parte d´esti pueblu esperimentó de manes de los reis astures. Asturies, la verdá, nun foi la Ma d´España, porque España nun esistía nos sieglos VIII al X, pero sí que foi la Ma de los demás pueblos del Norte peninsular, pues al federase con ellos, fízolos lluchar pola llibertá contra l´imperiu de la Media Lluna.

Si avanzáramos pelos carreros del Tiempu, talantariamos cómo depués, el Señoríu de Vizcaya fue, neto, un territoriu de lo más castiellano, y que tantu nesti Señoríu como en gran parte del Reinu Navarru, l´elementu “étnicu”, que tan importante apienzó a ser dende´l Romanticismu decimonónicu, nun se tenía en cuenta. Ye una vergoña pa nós, nacionalistes asturianos, que la clase política ya intelectual del País Vascu ameta Asturies nel sacu de la más pura españolidá, y qu´asuman el más crudu Cuadonguismu, talmente como faen les élites Madrilanes y Uvieínes. Ye la cuenta pa les sos pretensiones pantasioses.

Nun esistió una España como proyeutu nacional hasta´l sieglu XIX. Y tampocu una Euskal Herria, hasta´l XX. Unes provincies vasques autogobernaes, pero separtaes ente sí, onde´l vascuence taba en claru retrocesu, y que se teníen elles mesmes –hasta la dómina de don Sabino- como “más españoles que naide” (el mitu, cuasi covadonguista,

del vascu como “español primixeniu”)…nun paecía ser la meyor base pa un separatismu identitariu. Y agora, miráilos. El

mitu d´una Gran Euskal Herria cuayó, nun teniendo muncho más de cien años nin base histórica, pero sí munches perres y munches sotanes xesuítiques detrás. Pela cueta, los Asturianos pretendemos resucitar la nuesa vena cuadonguista una y otra vegada, “armándola” cola dinamita o sofitando al pantasma que percorrió Europa, el d´un Proletariáu Universal. Ye evidente qu´otros se beneficien de la nuestra tochura y que reivindicar les Asturies, faciendo frontera colos vascos al oriente, diba ser un misil al corazón de los nacionalismos xovinistes y pantasiosos, neto vascos o españoles.

Llibru pa tomar en serio, el de Vilareyo.

4. L´Allianza colos antepasaos.

Los tiempos qu'agora nos tocaron vivir son confusos y camudables. El capitalismu reorganiza los sos mecanismos de dominación, y acelera peruquier el procesu de nivelación social y cultural, requisitu de la so esistencia. La producción de la plusvalía ye l'imperativu máximu, y el cursu de la so centralización y concentración ye imparable. Unos pocos puntos nel espaciu, unes escases manes anónimes, impersonales, reciben les mases de plusvalía producida. Esto nun quier dicir que los bloques xeopolíticos que nos yeren familiares reorganícense, estácense, camuden. Un gran tresformamientu ta asocediendo cola “cayida d'occidente”. Tenemos de ser bien conscientes (n'Europa y n'América, sobremanera) de que yá nun rixe la sinonimia ente “mundu capitalista” y “civilización occidental”. El desarrollismu en rexones

41

Ensayos sobre´l País d´Asturies: una Nación Europea

tradicionalmente atrasaes, dependientes y colonizaes dio pie a nuevos centros de poder, a destinos finales de plusvalía, a estreamos “motores económicos”. La patria orixinal del capitalismu, la vieya Europa, otra manera, abandonó'l so dinamismu. La vieya Europa ye güei un llugar sometíu a enclinos que nun controla. Sufre un procesu d'avieyamientu demográficu y una crisis de valores y d'identidá.

La vieya Europa abrió les puertes, tres los procesos de descolonización empecipiaos nos dos guerres mundiales, a toa una población forana pa la que'l so encaxe ente los anfitriones inda ye difícil, munches vegaes conflictivu, en dellos aspeutos, lletal. El peligru de nuevos y mayores biltos de xenofobia ente los “vieyos europeos”, nun ye descartable. Les actitúes inocentes de los sectores pro-inmigracionistes, la ideoloxía multiculturalista, la concepción universalista fanática alrodiu d´un “Ser Humanu” astractu, descarnáu, ensin cultura nin tradición, tráxonos esto. Munches vegaes pue afirmase que'l mayor peligru pal respetu de los derechos humanos finca en convertir precisamente los “Derechos Humanos” nuna relixón fanático y astracto, que nun sabe o nun quier reconocer les nacionalidaes, les tradiciones, los grupos de pertenencia y la inconmensurabilidá ente les cultures. Un continente, hasta agora llamáu Europa, pobláu por una metá de xentes musulmanes, va ser a les clares “otru continente”. La identidá d'esi ensame de naciones, los valores lliberales, de tolerancia, democracia, respetu escontra la muyer y igualdad ante'l varón, el pluralismu, etc. foi una identidá amodo xestada a lo llargo de la Edá Media.

Como dicía Adam Müller, xuntu al espíritu caballerescu de la dómina

feudal, surde de forma callada pero aportunante l'aguada femenina de la nuesa civilización y de la nuesa alma. Énte esi principiu del respetu

(de primeres caballerescu) a lo femenino, amuésensenos como brutales y odiosos los usos patriarcales del mundu antiguu, grecorromanu, y del Islam, en parte herederu d'él. Dende'l norte celtoxermanu espandióse un aire nidio: el del respetu escontra la muyer y la reconocencia del so papel na cultura, cosa que poco tien que ver colo qu'agora vien llamándose “feminismu”.

Los principios astractos, desencarnados de toa realidá, presenten la cara anoxenta de tener de topetase cola realidá. Los doctrinarios y xacobinos de toles dómines siempres pretendieron reformar la realidá cuando los sos conceutos nun s'ateníen a ella. Pero'l problema finca precisamente na rixidez de los sos conceutos. L'universalismu, un “ismu” como tantos, que tuvo los sos oríxenes na creencia nun Derechu Natural, y el so epítome na Revolución de 1789, ye güei una ideoloxía destructiva. Al empeñase en nun querer ver los fechos, al nivelar toles cultures y ver namá lo común a elles, una suerte de constantes biolóxiques y antropolóxiques innegables, los universalistes, los partidarios d'una Cosmópolis utópica, consiguen xustamente los oxetivos contrarios a tou humanismu. Un home astractu que, a última hora, ye un home puramente animal, un home-masa. Na Cosmópolis utópica na que quieren zarranos los partidarios d'un Derechu Natural Universalista, yá nun hai seres humanos con una Tradición, con una Identidá, con una Cultura y una Patria. Nada d'eso importa y entá estorba nel proyectu fanáticu empobináu escontra la nueva realidá, una la realidá pueda “progresar” (esto ye, reformar). El progresismu d'anguaño, como'l de toa dómina dende 1789, consiste en negar

42

Ensayos sobre´l País d´Asturies: una Nación Europea

la realidá –qu'inclúi la Tradición- y torturar la realidá hasta que s'afaiga a lo proxectao. Apodera nel progresismu, necesariamente, la razón instrumental. So esta especie de razón too apuerta oxetu y, por tanto, ye susceptible de cálculu, control y manipulación. Convertir la realidá social nun macro-oxetu niveláu, un espaciu horizontal sobre'l cual proxectar les operaciones de dominiu y previsión, xeneralizar la techné, faer del mundu orgánicu y humanu una máquina pa prever, calcular y imperar mecánicamente sobre tolos asuntos humanos, velequí l'espíritu qu'anima a tou revolucionariu, reformista y progresista.

Pero'l mundu ye, como sostenía Müller, tamién un mundu históricu y de xeneraciones. Hai un llazu ente les xeneraciones. Tamos los homes, por fuerza por ser homes y non animales ensin alma, venceyaos a los nuesos antepasaos y a los nuesos sucesores. El venceyu xeneracional ye lo que puede estremar la Hestoria del simple trescurrir del tiempu. Sobre la piedra, sometida a la erosión y tolos demás efectos del pasu del tiempu, nun hai hestoria, nin tampoco sobre l'animal individual o la especie biolóxica. Nellos hai cambeos evolutivos: lo nuevo ye cambéu escoyíu sobre'l material anterior, pero nun se trata d'un influxu de les xeneraciones pasaes sobre les vinientes.

Na familia dase, in nuce, la tresmisión intergeneracional que nes grandes cases ye'l llinaxe y la dinastía (orixe de los estaos faústicos, según Spengler), y nel pueblu ye la esencia del mayoralgu llabrador (idénticu n'espíritu al nobiliariu), el sentíu de la propiedá y del enraigono na tierra. La Europa medieval, nel campu ensin ciudaes, brota esi conceutu de nación indixebrable de la tierra y esa

concepción orgánica de la propiedá, que depués el capitalismu de la edá moderna va a cosificar. Na familia, como nel Tou social,

danse los opuestos. El machu y la fema, la guerra y la paz. Ye impensable la unión ensin la separtación. La constitución del Estáu, nel precisu sentíu xurídicu-políticu, sedría inconcebible ensin los llazos orgánicos que los sos individuos, grupos, instituciones, etc. afechisquen. Dende la Edá media, son los llazos orgánicos na so totalidá los que conformen un Estáu. Nun pue pensase ésti como una mera maquinaria, un ensamblaxe de pieces muertes. Como diz Müller, estos son los conceutos del Estáu, non la idea. La idea correspúendese col movimientu mesmu de lo real. Los marxistes, al criticar el conceutu o'l sistema muertu de la Política, solo pudieron ver el legáu Iusnaturalista,roussoniano, hobbesiano, etc. , esto ye la tradición mecánica y contractualista.

Nunca nun vieron los historiadores esi contratu en momentu dalgunu de la Hestoria. Primero que les coses fueren universalmente enaxenables, como imperativu fundamental de la burguesía (la tierra, el trabayu, tou), l'Estáu –esto ye, la sociedá en movimientu como un Tou, según Adam Müller- trescurría de xeneración en xeneración, y de parte a parte, como un gran organismu. La Política endolcaba la Economía y subordinábala cuando yera mester. Nun hai necesidá de pactos cuando les partes integrar nun Tou y ésti ye´l que las anima, vivifica, y-yos dota de sentíu y de funciones más amplies. Les corporaciones, los estamentos, les instituciones, tolos escenarios onde un individuu desempeñaba les sos funciones sociales, satisfaíen la necesidá humana del venceyu. L'home nun ye home ensin venceyos sociales y espirituales. El marxismu critica la doctrina burguesa del Estáu, l'Estáu

43

Ensayos sobre´l País d´Asturies: una Nación Europea

lliberal, esto ye, la oficina y l'aparatu mecánicu que, n'efectu, allá pol sieglu XIX “xestionaba los intereses del Capital”. Lliberalismu y Marxismu comparten una visión mecanicista del Estáu: conceutos de ciencia política que se correspuenden con engranaxes, polees y resortes. L'acción política del estadista, del partíu, del sindicatu, llendóse a la manipulación d'este o d'aquel mecanismu por que el aparatu “funcione meyor”.

El intervencionismu estatal, de socialistes o keynesianos, tantu como l'astencionismu de los lliberales, nun ven nel Estáu la idea: el movimientu mesmu de lo real. Anque a munchos nun-yos preste, o se respiguen con alpenes sintir el so nome, ye la guerra la que nos pon delantre de la esencia de la vida Estatal. Una considerancia puramente estática del Estáu, talmente como máquina dispuesta a producir uniformemente, ye la qu'alimentaron toles ideoloxíes pacifistes de la nuesa Modernidá. Los lliberales, una vegada que se dieron les condiciones violentes de la prehistoria capitalista (l'Acumuladura Orixinaria” de Marx) solo deseyen paz pa enllenar los sos bolsos, por que reine el Mercáu. Los comunistes y socialistes, otra manera, una vegada que trunfó la Revolución, en verdá una guerra civil, una empresa violenta, deseyen decretar la Paz y faela “perpetua”. ¿Qué otra cosa ye la paz, sinón la imposición de los vencedores sobre los vencíos y la vixencia de la so llei percima de toa antigua y derogada llei, la llei muerta de el perdedores? Siempres que se fala d'Economía fálase d'un periodu de paz tres una guerra y un sometimientu. La llei de los mercaos, o los planes quinquenales, hubieron d'actuar so calabres escaecíos, sangre esparnao, vencíos y trataos de rindición, yá sía la rindición de potencies estranxeres o de rebeldes del interior.

L'Estáu “ponse en forma” na guerra, vien dicinos Müller. La paz ye solo una preparación pa la guerra, y la tranquilidá civil que

riquen los mercaos ye garantizada poles guerres, poles guerres victorioses.

Adam Müller inscríbese dafechu na reacción romántica en contra del formalismu ilustráu. Percima y per debaxo de les Constituciones escrites, del llegalismu fríu y mecánicu del Derechu Natural y del Derechu Positivu, atópense la Costume, la Tradición, los vieyos usos y fueros. Inglaterra constitúi'l modelu a siguir: ¿Cómo foi posible'l desenvolvimientu d'un peravanzáu lliberalismu económicu? Edmund Burke y Adam Müller viéronlo, y dempués, más cerca de nós, Ortega y Gasset. La Monarquía Tradicional (velequí Xovellanos, como Müller, más cerca d´Inglaterra que de la guillotina gala) nun foi una torga pal desenvolvimientu de les fuerces granibles y pal pasu críticu d'un lliberalismu políticu al lliberalismu económicu. Énte la rixidez romanista, despótica y ordenancista de les Constituciones continentales, el tradicionalismu políticu y xurídicu inglés amosóse cimeru, como una vacunación permanente contra les revoluciones. Namái la Economía mesma permitióse'l luxu d'estrozar, llaceriosamente, el mundu llabrador de les Islles, les sos vieyes tradiciones locales, etc. La protesta inicial de los románticos como Burke, Müller, etc. nun foi tantu en contra del lliberalismu en sígo mesmo, sinón en contra de que pretendiera faese tabla rasa cola Tradición: que los pueblos pierdan la fe, qu'a la Ilesia déase-y el llombu, que la familia se desintegre, que la tierra pase a ser una mercancía más, y non de les más cotizaes… Nel ámbitu católicu, llatinu, De Maistre, Bonald y Donoso Cortés sumen estes protestes romántiques a un Providencialismu

44

Ensayos sobre´l País d´Asturies: una Nación Europea

neomedieval. Esti últimu romanticismu providencialista, teocráticu, y, poro, nun llega a cuntar coles virtualidades nacionalistes de Adam Müller y de la tradición xermánica. Nos países alemanes había protestantes y católicos, y percima d'esos credos aprucía con fuerza “la Nación”. Y frente al usu revolucionariu francés de “la Nación” como nación de ciudadanos, na Germania afírmase agora, con intensa rotundidá, el Pueblu (Das Volk). El Catolicismu, el romanismu hispanu, torgó siempres el puxu de los Pueblos. Tronu y Altar (entendíu “católicamente”, ye dicir, universal) afogaron al Pueblu. Esti Pueblu, y ello claramente vese en Herder, ye posesor d'una mitoloxía, una llingua, una relixón nacional, un derechu propiu, y tou ello ye parte de la so alma viva con independencia, les más de les vegaes, de toa codificación constitucional o formalista. Frente a un capitalismu incipiente, que los sos horrores inda non podíen abarruntase del tou, los románticos foron con aceñu intuitivos: la Ilustración, pretendidamente lliberadora del home, hubo d'averase al despotismu, primero (el Despotismu Ilustráu), y ser un tou con él (el Terror, Robespierre).

Establezse, cola matinada de la Revolución y nel trance de les guerres napoleóniques, un contraste ente'l ciudadanu y el paisanu. El ciudadanu apaézse-y al románticu como una astracción descarnada, un átomu mecánicamente xuníu a una maquinaria. La mesma metáfora del Estáu como maquinaria, o fábrica empobinada a fines prosaicos (codalosos y ordenancistes) paez-yos repugnante. No fondero, l'Estáu ye'l Tou. Pero sedría inxusto inferir d'equí'l Totalitarismu. Hai de recordase que los Totalitarismos del sieglu XX (Hitler, Stalin y tantos otros) nun dexen de representar

perfechamente la idea hobbesiana y mecanicista del Estáu como bisarma mecánica y ensin vida, como cuartel, cárcel y establu pa

les vides humanes. Nada d'esto hai nel pensamientu, digamos, “totalista”, non totalitariu de Müller: l'Estáu ye la comunidá mesma. Lo mercantil nun ye otro qu'un aspeutu del so infinitu dinamismu (y esto sostener Müller, quien yera un economista). El paisanu, l'habitante del País, el fíu del Pueblu, tien de salir de la escuridá medieval, el trubiecu aldeanu d'onde salieron tolos europeos modernos y recrear el so pasáu- n'ocasiones borrinosu. L'habitante del País y fíu del Pueblu tien de sentise miembru d'una Comunidá nunca formada por átomos sueltos y enclasados d'una manera economicista (burgueses, proletarios). Nun habría llucha de clases si hubiera milenta pautos sociales ente los paisanos y tolos organismos entemedios que faen d'ellos verdaderes partes del Organismu social.

5. Europa muerre.

Europa muerre, Europa sángrase. Les dos guerres mundiales, y toa una plétora d'humildaciones (Xugoslavia, Dictadura de los Mercaos, Invasión islamista…) faen d'esti continente un vieyu cascarón al debalu. Les dos tiñaces, la yanki y la bolchevique, fueron capaces d'afogala pela metá. La Europa del Mediu, Centroeuropa, yá partida pela metá, dexó de tener vida cola llegada del Telón d'Aceru. El proyectu francoxermánicu de construyir una Europa dende'l centru, xuniendo xermanismu y llatinidá, fixo agües. Los bolcheviques colaron, dexando ruina, caos y mafia tres de sigo. Los yanquis quedáronse, coles sos bases, los tanques y los misiles fayadizos pa siguir embozando Europa.

45

Ensayos sobre´l País d´Asturies: una Nación Europea

El disfraz llamóse entós, dende 1945, Occidente. La trampa taba sirvida. Europa cuntaba, de manes del american way of life, col so natural allongamientu, América. Esti allongamientu podía complementase con Australia, Xapón, etc. La perspeutiva d'una Europa continental xunida por ancestrales llazos étnicos y culturales y entá viva percima (y a pesar) de les fronteres artificiales de los sos estaos, esleyóse por culpa d'esi niciu conceptual de “Occidente”.

Y ye que “Occidente” sigue significando demasiaes coses. Democracia formal y consumista, obediencia al guardián yanqui, capitalismu ensin control políticu, dictadures financieres, sacrificios al Mercáu, competitividá. Occidente ye un inventu americanu, y cualquier subespecie del mesmu (Hispanidá, Francofonía, Commonwealth) tamién lo ye.

La Europa del Carbón y del Aceru foi faciéndose la Europa de los Comerciantes. Una rula de mercaderes que progresivamente diben dotándose d'un marcu xurídicu apropiáu pa los sos intereses puramente crematísticos. Un marcu xurídicu creciente, con enclín hipertróficu. Una ballena burocrática, un Leviatán de decretos, de chupatintes, de directrices afogadices y d'obligáu cumplimientu.

Entrín y non, la Europa de los pueblos, la de les naciones (tan distinta ella de la Europa de los Estaos) fina lenta y calladamente. Fina tres les ruines de 1945 (n'España, les de 1939). Los Estaos d'Europa Occidental fueron dotándose imaginariamente de personalidá col fin d´aportar a daqué más qu'una Corona estendida sobre territorios varios y entós esixeron, cola llegada de la Modernidá, la muerte de los pueblos, de les nacionalidaes. Asina

trabayaron duramente nun procesu cruel ya implacable de centralización alministrativa lleváu a cabu dende'l sieglu XV.

Pero esos mesmos Estaos son güei un moñecu de trapu que dalgunos ximielguen, pero que nun escuende alma propia. Manda'l Capital, manda'l Mercáu. Manda una UE al serviciu d'éstos.

Esos Estaos, antaño duros ya implacables coles sos comunidaes naturales, llabradores, étniques, esos “creadores de mercaos” per vía d'una imprescindible uniformización de les condiciones de vida y de producción, güei son peleles. España aportó güei n'unu de los más risibles y absurdos peleles de cuantos son socios na O.N.U. , tres d'una reforma constitucional impuesta y decidida nel esterior.

Dalgunos van poder glayar a favor de “La Roxa” y cayer en tontos mecanismos identitarios d'un estáu-nación inventáu, como casi tolos de la nuesa órbita, en plenu sieglu XIX, l'Estáu de España. Pero esto ye siguir viviendo nel ayeri. Otros, como solombres reflexaes nun espeyu, van poder cayer n'otros iconos anti-españoles : los tics “separatistes”, pero, al faelo, colos sos rituales d'identificación tribal y llingüística, nun van despintar lo que de castizu tien el so españolismu “en negativu”, sofítese ésti na gaita, el chistu o la sardana. El nacionalismu clásicu nun tien enforma futuru. Los vientos que tán percorriendo Europa van barrer con tou ello. Sentise español o anti-español (y análogamente francés o anti-francés, etc.) nun va sirvir de nada. Ye como la fueya que queda barrida pola torbonada.

L'Estáu español ta en manos d'instituciones europees que dirixen los sos carreros, y estes instituciones yá tán

46

Ensayos sobre´l País d´Asturies: una Nación Europea

imponiendo retayos o llimitaciones na soberanía. Retayos de soberanía que yá s'atopaben presentes antes de toa esta nube financiera. Aquella Constitución de 1978, sagrada, intanxible, inmarcesible, aquel Frutu del Consensu, güei yá se podreció. Ye lo que tien ser “europeísta” como sinónimu estándar de “demócrata español”. Que la Moncloa o la Carrera de San Jerónimo son sedes d'una especie de Diputación Provincial qu'acata les directrices d'Europa, la Francoxermania de siempre.

Pero nun mos engañemos. Esa enorme superestructura llamada Unión Europea nun tien entidá cultural. Ye un marcu xurídicu p'apoderar un territoriu. Namás. Ta estrada de poros y desigualdaes. Poros: empecemos poles porosidaes étniques. La Europa enllena de minaretes qu'hai y va haber escontra 2050 yá nun ye la Europa “Occidental”, “Cristiana” o “Laica” qu'imaxinábamos. La Europa multirracial, productu del enfotu desatamañáu pola ultraexplotación de trabayadores y poles matinaes del colonialismu, nun ye la Europa burguesa, aseada, uniforme, que dalgunos suañaron n'otres dómines. Nos barrios periféricos de les grandes ciudaes tán –para lo bono y para lo malo- los otros cuatro continentes, toles races y relixones, y un tercer mundu cada vez más fondu y interiorizáu nel primeru. Les grandes burocracies parten d'un xacobinismu ciegu: territoriu y población qu'habita esi territoriu. Nun hai más pa ellos. Ente medies, ta'l Derechu: y la Forma Xurídica discrimina: humanos de primera, de segunda, de tercera. Esa ye la U.E., Un nuevu Imperiu Romanu, grande, formalista, ordenancista. Y les cloaques humanes en mediu, bien dientro. Los bárbaros non solo acesmen fora de les fronteres. Acesmen tamién na barriada.

Tres de los poros, falemos de les desigualdaes. La Europa de los decretos, les directives, la burocracia, esa Unión neoimperial

y de raigón romana, despinta la materialidá mesma de la so razón de ser: la esplotación. P'atopase al altor (de China, India, Brasil, de los llamaos “países emerxentes”) ye de tou puntu necesariu imponer una “taiwanización”. Toos igual, blancos, negros, mariellos. Toos a trabayar so condiciones chines o tercermundistes. Fora la sensiblería del Estáu del Bienestar y los Derechos Social y Llaboral. Nun hai compromisu social dalgunu per parte del qu'escala y esplota. Precísase trabayu baratu y enforma multiculturalismu (escusa igualmente barata pa imponer el trabayu baratu) para asina entrar en competencia con países estracomunitarios qu'anden triando l'acelerador y van terminar por deslocalizar tola producción propia del continente européu.

En resume: Primero, al entrar so la robla de “Occidente”, Europa escaeció de sigo mesma, de la so heroica hestoria de llucha pola llibertá y la dignidá del home y de los pueblos. Foi la etapa yanki del olvidu d'Europa, la so americanización. Foi la matinada del plan Marshall y de la derrota de la Exa. Segunda etapa: la de los ataques financieros, la de la taiwanización de los sos trabayadores, de la de la filfa del multiculturalismu y la Nación-Estáu

Pa desaniciar esto solo cabe pensar nuna restauración de les comunidaes naturales (non por ello ahistóriques o ayenes a la llucha de clases) qu'habiten y malviven dientro de los Estaos-nación. Comunidaes qu'han lluchar por recuperar les sos propies maneres de producción autosuficiente, restaurando'l so propiu puxo demográficu y “desconeutando” de los procesos globalizadores de capital y mano d'obra. Europa solo puede restaurar la so

47

Ensayos sobre´l País d´Asturies: una Nación Europea

identidá per mediu d'esa alianza de lo que pueo llamar Mosaicu Familiar: mosaicu de pueblos, de nacionalidaes, toes elles xuníes pel aire de familia: llatines, celtes, eslaves, xermanes, etc. Esi mosaicu solo pue alicar so formes federatives, non so Imperios burocratizaos como la UE, que s'alzaron sobre artificios como'l “estáu-nación” o'l Mercáu, y que solo busquen el provechu de dalguna de les más fuertes entidaes fundadores, y no más fondo, el provechu único y esclusivo del Capitalismu caníbal.

6. La verdá sobre´l cosmopolitismu.

La verdá sobre´l Cosmopolitismu: decadencia y parasitismu

El métodu comparativu spenglerianu ye melecina contra los engaños.

Les relixones y les etnies, neto que los estilos artísticos y los idiomes, son tresversales pa les grandes Cultures. Cristianismu nun ye sinónimu de Civilización: hubo cristianismu máxicu y dempués faústicu; agora mesmu la Ilesia pretende un cristianismu planetariu, con munchos millones de fieles n'África o América, y bien pocos siguidores d'esa fe na atea, laica y islamizada Europa. El llatín tardoimperial o'l griegu de la koiné fueron, en dómines tardíes, llingües franques multirraciales, falaes yá ensin raigaños, como l'inglés comercial y tecnocientíficu de los nuesos díes: puru vehículu de comunicación, preséu ensin valor intrínsecu y ensin nenguna clase d'alma. Tamién-y asocederá daqué análogo a la ciencia y a la tecnoloxía: amenorgada la ciencia a mercancía esportable, ésta yá va tar –cada vez más- en poder de los chinos o d'otres potencies “emerxentes”. N'Europa,

n'España, los adolescentes indóciles y adocenaos fuxen de la ciencia como de la peste, y los rudimentos del esperimentu, el

cálculu y l'observación con métodu va tiempu que nun-yos son familiares. El trubiecu de la tecnociencia, la vieya Europa, ye, cada vez más, un araxal. El so “capital humanu” yá emigró cuantayá, y los patronos pagadores arralecen. Los estaos europeos van afaciéndose al so papel de parásitos que se duermen nos lloreos.

La Decadencia d'Europa amuésase en milenta síntomes, de los que Spengler, tantu como un críticu almirador so, Ortega, dexaron constancia. Síntomes que paecen güei muncho más evidentes que naquella agonizante Europa del primer terciu del sieglu XX. La so muerte demográfica, la esterilidá de los sos matrimonios, les matrices enfastiaes que nun deseyen fíos porque deseyen, en cuenta de ello, “realizase como persones”. N'Europa nun quieren tenese neños: toes quieren ser como toos. Ser madre ye visto agora como una carga, y el problema de los fíos, como'l de los coches, consiste en buscar “ónde aparcalos”. Con ello, nun ye d'estrañar que se tea dando un procesu de sustitución étnica. Les femes fértiles d'orixe estrañu van dar pobladores a esti continente que perdió los llazos del sangre y del suelu, los llazos qu'inda la vida aldeana recordaba con fuerza ya impertinencia a les puertes de les ciudaes hasta nun fai muncho.

Otros síntomes de singular gravedá son la obesidá rampante, la hipocondría, la farmacia en casa, la medicalización xeneral de tolos problemes, incluyendo la delincuencia, el gamberrismu xuvenil y la simple folgazanería escolar. La Europa de los consumidores consiste a

48

Ensayos sobre´l País d´Asturies: una Nación Europea

cencielles nuna masa de cuerpos flácidos y débiles, que tremecen énte la más mínima molestia, que s'esmuelen por nimiedaes, que s'esforcien en nun lluchar. Tala masa de débiles significa una verdadera reproducción d'aquel fenómenu que foi la plebe romana. L'Estáu, na so fase postrera de degradación, tien d'entornase nel subsidiu xeneralizáu de mases folgazanes. El pan y el circu d'antaño tienen güei una serie d'equivalentes precisos: sosidios a folganzanes en llugar d'indemnizaciones xustes por despidu, pisos gratis a minoríes escoyíes por criterios racistes, beques y ayudes sociales concedíes a los sectores más disruptivos de la mocedá, y un llargu etc.

Con ello, l'Estáu de la decadencia viola los vieyos principios del Estáu Social: un Estáu que se faía cargu de la cuestión obrera y qu'allegaba solícitu n'ayuda del trabayador desfavorecíu. Tala retórica del Estáu Social sigue presente nes lleis, discursos y parzamicos de los mass media, pero'l conteníu al que se ta faciendo referencia ye'l del caltenimientu d'una capa progresivamente marxinada de la Producción, el sostén d'una masa lumpen educada na ética del parasitismu. Una ideoloxía nueva que trate d'estremar tala casta parasitaria de los resortes del Estáu, ta destinada a atopar siempres una feroz resistencia. Como dicía Ortega, el “señoritu satisfechu”, el “neñu malcriáu”, pue ser tremendamente agresivu nel momentu que los sos caprichos nun son satisfechos. Asistimos a una verdadera corrupción del sentíu en que se fala de “protesta popular”. El verdaderu pueblu, el que trabaya y el que contribúi a un Estáu tan inxustu pagando con impuestos a los sos parásitos y vampiros, va en procesu de

convertise nun simple espectador d'eses protestes de nuevu alcuñu. El pueblu que sostién una superestructura tan xigantesca,

vuélvese cada vez más inactivu, pasivu, conformista. Siendo él el sostén d'esti capitalismu tardíu, el que paga a una hipertrofiada casta política que fixo de la política'l so oficiu, un oficiu vitaliciu destináu a que los mediocres sían a esguilar na sociedá, sicasí ye un pagador ensin derechu a protesta, ensin medios pa fiscalizar, ensin voces pa la quexa. La protesta y la quexa, dacuando la violencia caleyera y l'orquestación de los disturbios, queda en manes de mozos profesionalizaos en talos asuntos. El pueblu escaláu por impuestos crecientes, la clase obrera y la clase media que mientres décades s'educaron na ética del trabayu, de la responsabilidá y la disciplina, son clases qu'asisten ablucaes a una usurpación. Grupos teledirixíos de signu radical dicen falar nel so nome, y alcen una voz de “indignación” contra políticos y banqueros. El fechu de qu'estes célules de axitadores que se arroguen falar en nome de toos nun dispongan d'un discursu ellaboráu, y namá apelen a estaos d'ánimu (tal foi'l casu esplícitu n'España col movimientu recién de los “indignaos”) yá nos fala daveres del retrocesu que les lluches sociales conocieron n'Europa. En cuenta d´una utopía comunista o anarquista, en llugar d'una denuncia de la plutocracia, tan solo asistimos a un amiestu d'acampaes caleyeres y festives y periódicos conatos de violencia caleyera.

La masa, pa ser gobernada dende estes condiciones, tien de ser estremada en compartimientos. La masa sostenedora paga impuestos y produz riqueza, pero siéntese estrapada, como si fuera la parte inferior d'una pirámide invertida.

49

Ensayos sobre´l País d´Asturies: una Nación Europea

Cada vez son más los políticos profesionales, les minoríes étniques convertíes en parásites, los paraos profesionales, los colectivos sosidiaos, les ONGs superflues, los sindicatos y tentáculos del aparatu ideolóxicos del Estáu. Al so llau, al llau d'una masa sostén del sistema (la clase trabayadora que trabaya de verdá, esto ye, obreros, llabradores, funcionarios, clase media), atopamos la otra parte de la sociedá, la parasitaria.

Onde hai decadencia hai parasitismu: dende'l políticu qu'atropa ingresos de diverses fontes, estatales o privaes, dende'l puestu burocráticu creáu ad hoc por criterios de amiguismu, dende los continxentes “lliberaos” sindicales y cooperantes de ONGS, pasando pel lumpen que llogra vivienda y sosidios ensin merecimientu dalgunu, acasu por “discriminaciones positives” o como premiu por ser delincuentes reincidentes, gamberros escolares, peligros pa la salú pública y pa la tranquilidá caleyera.

50