HAUR ETA GAZTE LITERATURA  

AZKEN ARGITALPENAK   

ARRE! ARRE! Antton Kazabon. Marraz. Jon ZabaletaTRISTAN, TRISTE. Antton Kazabon. Marraz. Mattin

ZAINTXO. Pello Añorga. Marraz. Jokin MitxelenaBELAR-OLATUETAN. Karlos Santisteban. Marraz. Iban Izagirre

GURE BIZILAGUNA SORGINA OTE DA? Carmen Gil. Mar. EscletxaASIER BURUHANDIAGAREN OKERRAK. María Bas & Juan Bas

ATE ATZEKO ZULOA. Josep SampereNUR ETA HERENSUGEAREN TENPLUA. Toti Martínez de Lezea

NUR Y EL TEMPLO DEL DRAGON. Toti Martínez de Lezea  

www.erein.com

TRISTAN, TRISTE

Beti ez da erraza izaten barruko penak, nahigabeak eta tristeziak gordetzen. Lehentxeago edo beranduxeago kanporatu egiten zaizkigu barruko samin horiek.

Horixe da Tristan pailazo maitatuari gertatuko zaiona. Baina negar egitea ez da berez txarra edo ona. Horrelako une zailetan, garrantzitsuena lagunen laguntza eta kontsolamendua izatea da. Tristan pailazo gozo eta maitagarriak izango ote du horrelako lagunik?

ARRE! ARRE!

Pirulok oso ezberdin tratatzen ditu Petra astoa eta Kaxinto Zaldia. Ziurrenik ere, ohartu gabe, baina tratu txarra astoari eta ezin hobea zaldiari.

Pirulo ez, baina zaldia ohartzen da horretaz, eta berehala hasten da Petrari laguntzen. Astoaren bizitza zeharo aldatzen da ukuiluan bere ondo-ondoan bizi den zaldiaren laguntza eta babesari esker. Zaldia ederra da, liraina, gorri-gorria. Eta Petra ere oso asto polita. Errekan bainatu ondoren, zuri-zuria eta distiratsu agertu zaio Kaxinto zaldiari.

Maitasun historiarik sor ote daiteke astoa eta zaldiaren artean? Piruloren ilobek hala uste dute, baietz.

ZAINTXO

- Zaintxo? Eta nor da Zaintxo?- Hara, mundu guztiak dauka Zaintxo: nik daukat Zaintxo, zuk daukazu

Zaintxo… eta denok dugu Zaintxo.

Horrela hasten da Zaintxo ipuina. Dena den, ipuin honetako protagonistak, Paulok, gehiago jakin nahi du. Amona hil berria da eta galde egingo du. “Eta non dago amonaren Zaintxo?”

Aitak ez daki zer erantzun. Ez da erraza. Dolua egiten ari dira familiako denak. Amonaren hutsunea handia da, oso handia. Hain handia ezen etxeko txakurrak ere nabaritu duela amonaren falta; baita etxeko arrainak, kanarioak eta zuhaitzak ere, amonak besarkatzen zuen zuhaitz handia. Aitak ez daki zer erantzun. Ez da erraza esatea nor den Zaintxo. Eta honela erantzungo dio Paulori: “Sumatzen al duzu, Paulo? Nahiz eta ez ikusi, orain amonaren Zaintxo gurekin dago, hementxe, gure Zaintxorekin, GUREKIN, BETI GUREKIN”.

Lehendik banuen heriotzari buruz beste liburu bat idatzia: Adio, adio. Orain dela 6 urte aterea. Eta gogoa neukan berriro ere hitz egiteko heriotzaz. Asisko Frantziskok esango zukeen moduan, gure arreba ere badelako heriotza. Hau da, gure familiakoa, airea den bezalakoa, edo lurra, edo ura. Baina, nahi nuen beste era batera hitz egitea oraingoan: ez orduan bezain zuzen, baizik askoz ere zeharkakoago, elipsia lagun. Eta, bide batez, eroso sentitzea sinestunak zein sinesgabeak; eroso zuriak zein beltzak; eroso ateoak zein agnostikoak. Horretarako, Patxi Izagirre psikologoaren laguntza ere izan dut; eta baita dolua egiten ari diren pertsona batzuen testigantza zuzena ere; eta, noski, Jokin Mitxelenaren marrazki zainduena; eta, nola ez, Erein argitaletxearen konfiantza. Zeren, ulertu behar duzue, horrelako liburua sekulan ez dela izango best sellerra, baina bai beharrezkoa haur askorentzat. Hala izatea espero dut. Ni, behinik behin, saiatu naiz jartzen nire eskuetan zegoen onena, eta letra txiki hauek harremantzen mundu handiaren misterioarekin.

Pello Añorga, 2009ko azaroa

BELAR OLATUETAN

Ipuin honen abiapuntua etxean bertan aurkitu nuen, nire semea surfzale porrokatua delako. Ipuinean agertzen den bezalaxe egunero-egunero entzun behar izaten ditugu geurean eguraldiari eta itsasoari buruzko berriak eta gora-beherak: haizeak nondik joko duen, tenperatura, olatuen tamaina…

Semea hondartzarik hondartza eramaten surfaren mundua eta Euskal Herriko hainbat itsas bazter sakonago ezagutzeko parada izan dut. Eta, Donibane Lohitzunen aurrean urtean behin edo birritan baino agertzen ez den Belharra olatu handiari buruz ere ikasi dut. Ikaragarria eta beldurgarria da olatu hori, munduko handienetakoa. Orain ez dakit baina lehen Biarritzeko aireportuan bertan Belharraren horma-irudi handi bat zegoen apaingarri.

Belharra hori nire buruan jira-biraka ibili da luzaro eta halako batean Belar-olatuetan ipuinean itsaso eta lehorraren artean lotura egiteko eta, bidenabar, beldurraren gaia txertatzeko baliagarria izan zait. Izan ere haur garenean sarritan gertatzen da egundoko gogo eta irrika dugula zerbait egiteko baina aldi berean beldur garela. Ipuinean horixe agertzen da besteak beste, arrebatxoari surfarekiko grina piztu nahi dion mutila eta, ez zapuzteko aitortzen ausartzen ez den arren, olatu handiak amesgaiztoetan munstro bihurtzen zaizkion neskatoa. Baina azkenean aterabidea lortuko du neskak eta surf egingo du, olatuak diruditen belar metetan.

Karlos Santisteban, 2009ko azaroa

NIRE BIZILAGUNA SORGINA OTE DA?

Paula eta Migel landetxe batera joan dira gurasoekin asteburua pasatzera.

Inguru hauetan seguru maitagarri pila bizi dela, pentsatzen du Paulak, baina ez zuten maitagarririk aurkitu inguru haietan. Emakume bat bai aurkituko dute, sorgin itxura duen emakumea. Aurkikuntza horrek baldintzatuko du goitik behera neska-mutilaren asteburua.

Carmen Gil-en irudimenak eta marrazkigilearen maisutasunak atmosfera berezia lortzen dute liburu atsegin honetan.

“Matriuska” sail hau Estatuko lau hizkuntza desberdinetan argitaratzen da, eta 8-10 urteko umeentzat da egokia. Arrakasta handia duen saila da, eta bertan idazle katalan, gailego eta euskaldunek hartzen dute parte, gazteleraz idazten duten idazleekin batera.

ASIER BURUHANDIAGAREN OKERRAK

“Kontua da balbea daukadala diotela, besteei niregatik suerte txarra inguratzen zaiela, Roke Naxkari euliak bezala.

Batzuetan ezbehar katastrofikoak gertatzen dira nire inguruan, bale, ez dut ukatuko, baina ez daukat errurik”.

Ikusten duzuenez protagonista “gafe” baten aurrean gaude, eta doan lekura doala katastrofeak erakartzen ditu bere ingurura. Arreba bat du Arroxakoskor deitzen dena, eta hiru neska txolinek mendean hartu dute eta bizitza izorratu nahian dabiltza. Asier Buruhandiagak, ordea, bere koadrila konbokatuko du eta lanean jarriko ditu. Hortik ezin gauza onik etorri; baina hiru neska izorratzaileak jasango duten umilizioa ez da halamoduzkoa gertatuko.

Eleberri ganberroa da, eta umore handiz idatzita dago. Neska-mutil bihurrientzako liburu ezin aproposagoa.

ATE ATZEKO ZULOA

Gauza arrotzak gertatzen ari dira Olga eta Alexen portalean: istripuak, desagertzeak….Eta gainera igogailua bere kasa dabil. Bere kasa, edo norbaiten esanetara? Kontua da gutxien uste duzunean gelditu egiten dela, baina ez aberiarengatik, ez, modu kapritxoso batean baizik. Gure bikoteak abian jarritako ikerketak ezusteko bat baino gehiago emango diote. Emaitza onik ez, inondik ere. Bateren gurasoak istripuan hilda, bi ume txikitan desagertuta…Atzeko ate bat dago eraikuntzan eta handik antolatzen dira zoritxar asko.

Intriga handiko eleberria da gazteentzat. Eta aurtengo “Barcanova saria”

(2009) irabazi du.

Antton Olanok, itzulpeneko azken “Euskadi Saria”ren irabazleak, maisutasun handiz itzulitako eleberria da.

Toti Martínez de LezeaMarrazk.: Juan Luis Landa

www.nurplaneta.com / www.planetanur.com

Nur eta irlandar gnomoa / Nur y el gnomo irlandésAmamaren etxeko zakarrontzian gnomo bat agertu da eta, harrezkero, Nur zoriontsua da. Aitonak uste du arratoi bat dela, eta zepoak jarri eta jarri ari da. Bien bitartean, Nur, Ainara, Noelia Unai eta Peio jolas eta jolas ari dira Finn-ekin -halaxe deitzen da irlandar gnomoa-, eta haien abenturetako lagunik hoberena izango da aurrerantzean.

Nur eta oihan misteriotsua / Nur y la selva misteriosaNur eta bere lagunek oihan misteriotsuan gau bat pasatzea erabaki dute. Aritzen laguntzarekin motxilak kargatu dituzte bizkarrean eta oihanean jarri dute kanpin-denda. Sakutan ere sartu dira lo egiteko asmoarekin, baina ipuin eta prakagorrien istorioekin ezin lorik hartu, eta...

Nur eta herensugearen tenplua / Nur y el tenplo del dragónHirugarren emate honetan, Nur, bere gurasoekin batera, Txinara joan da bizitzera. Bertan, lagun berriak egiten ditu eta gaurko egunean hoietako baten urtebetzea ospatuko dute, Guo Guo-rena, hain zuzen. Horretarako, jolas parke erraldoi batean egin dute hitzordua eta jolastu bitartean omenduaren desagerpenaz ohartuko dira. Bere bilaketan, laberinto batean murgilduko dira eta bertatik ateratzeko, bidean aurkitutako igarkizunak ebatzi beharko dituzte eta ondorioz, topatzen joango diren herensugearen bederatzi ateak igarotzeko gai izango dira.