GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4...

28
Azkoitiko herri aldizkaria, 2016eko otsaila - 351. zenbakia MAXIXATZEN GALDETU AHALA ERANTZUN Elkarlanaren eredu BA AL DAKIZU? TOKITTEKO PUNTEKO HERRITARRA Arlindo Augusto de Sousa Mareira IZENA TA DIZENA Badator kolore bizien festa ERREZETA: Idi buztanez beteriko piperrak Ainara Epelde TOKITTEKO PUNTETIK

Transcript of GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4...

Page 1: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

Azko

itiko

her

ri al

dizk

aria

, 201

6eko

ots

aila

- 35

1. ze

nbak

ia

MAXIXATZEN

GALDETU AHALA ERANTZUN

Elkarlanaren eredu

BA AL DAKIZU?

TOKITTEKO PUNTEKO HERRITARRAArlindo Augusto de Sousa Mareira

IZENA TA DIZENABadator kolorebizien festa

ERREZETA:

Idi buztanez beteriko piperrak

Ainara Epelde

TOKITTEKO PUNTETIK

Page 2: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan
Page 3: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

Kale Nagusia, 62Gipuzkoa, 20720 Azkoitia

943 85 36 17www.maxixatzen.eus

ARGITARATZAILEA:Maxixatzen Euskaldunon Elkartea.

ERREDAKZIO TALDEA ETA KOLABORATZAILEAK:

Naroa Olalde, Idoia Alberdi, Laida Beristain, Olaia Juaristi eta Ainhoa

Cuende.

KOORDINAZIOA:Olaia Juaristi.

MAKETAZIOA:Ane Larrañaga.

PUBLIZITATEA:Ainhoa Cuende. Tel.: 943 85 36 17

LOGOTIPOAREN DISEINUA:Amaia Guridi.

ZUZENTZAILEAK:Aitor Arruti eta Gema Lopez.

INPRIMATEGIA:Gertu inprimategia.

TIRADA:800 ale.

LEGE GORDAILUA:SS-706-97

ISSN: 1137-8891

Oharra:Maxixatzenek ez du bere gain hartzen IRITZIAN, KOMIKIAN eta GUTUNEAN adierazitakoaren erantzukizunik. Argitaratu ahal izateko, eskutitz guztiek ondo identifikatuta egon beharko dute. Ez ahaztu datu hauek jartzea: izen-abizenak, NA eta telefono zenbakia, nahiz eta gero izen-abi-zenak soilik argitaratu. Idatziek gehienez 25 lerro izan beharko dituzte eta [email protected] helbidera bidali beharko dira, hilabeteko azken astelehena baino lehen.

iritzixe Ekaitz Etxezarreta Ibañez

kalin galdezka Nola aukeratzen duzu mozorroa? Zein izan da zure mozorrorik orijinalena?

izena ta dizena Inauterietan mozorrotuko diren hiru kuadrilla

galdetu ahala erantzun Azkoitiko Caritas: harrera, jantzitegia eta janari biltegia

tokitteko puntetik Ainara Epelde, Katalunian bizi den azkoitiarra

tokitteko punteko herritarra Arlindo Augusto de Sousa Mareira, Azkoitian bizi den portugaldarra

iritzixe Irene Elorza Guereño

kejie ta desditxieBaserri bideetako pasabide estua

izena ta dizena Azkoitian sortu berria den Realeko peña: Eurree

maxixatzen maxixatuiez Baietz lortu 800 bazkide izatea!

hilebetin begixetatik

bertsoa paperean Erniarraitzeko Eneritz Artetxeren bertsoak

hara! Azkoitiko izoztegi zaharrak

ba al dakizu? Errezeta: Idi buztanez beteriko piperrak

eskure komeni agendie

4

5

6

10

12

13

14

15

16

18

22

20

23

25

24

26

06

24

16

Page 4: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

4 maxixatzen.eus

IRIT

ZIXE E

uskal zinemagintza bere garai onenean aurkitzen dela esan dezakegu. Alde ba-tetik, Loreak filmaren fenomenoa eta, bestetik, estreinatu berri den Asier Al-tunaren bakarkako lehen film luzea den Amama-ren arrakasta. Egunotan bizi dugun eztanda honek joan den Donostiako zinemaldiaren 63. edizioan bizi izan nuen pasarte bat dakarkit gogora.

Sanctuaire filmaren estreinaldian izan zen hain zuzen ere. Frantses jatorriko ekoizpen horrek 80ko hamarkadako euskal gatazka du hizpide. Zinemaldian ohikoa den bezala, emanaldiaren amaieran zuzendariarekin eta aktoreekin hitz egiteko aukera izan zuten ikusleek. Film horrek jorratzen duen gaiari buruzko euskal jatorriko film asko egin direla kontuan hartuta, ikusleetako batek horien inguruan dokumentatu al zen galdetu zion zuzendariari. Frantseserako itzulpenaren ondoren, zuzendariak honako hau eran-tzun zuen: “Batzuk ikusi ditut, baina oro har oso film txarrak dira”. Aretoa isiltasu-nean murgildu zen berehala, filma grinaz ikusten egon zirenek elkarri begiratzen zioten eta beraien aurpegiek harridura eta haserrea adierazten zuten. Pertsonalki, zuzenda-riak esandakoarekin ados egon nintekeen; hala ere, berarekiko gorroto puntu bat piztu zitzaidala sentitu nuen, zer arraio gertatu ote zitzaidan?

Euskaraz ekoiztutako kultur sorkuntza eta ekintzak euskaldunon identitate eta izaera-ren adierazle dira, eta existitzen da berauek kontsumitzera bultzatzen gaituen militantzia inkontziente delako bat. Gaur egungo munduaren logikari jarraituz, ikus-entzunezko ekoizpenek dute hegemonia eta euskaldunok trumilka joan ohi gara horrelakoetara, zinemara adibidez.

Olivier Masset-Depasse zuzendari frantziarrak euskal zinemagintzari buruz esan-dakoari men eginez, aipatu berri dudan militantzia hori itsu-itsukoa izateaz gain euskal zinemazalea kalitate txarraren jarraitzailea dela esatera ausar gaitezke, ezta? Bada, guztiz kontrakoa: 2014ko Loreak filma Oscar sarietarako espainiar hautagaia da, gure zinema-gintzaren kalitatearen errekonozimendutzat. Izendapen horrek, film hori saritzeaz gain, euskal zinemagintzak izan duen ibilbidea ere saritzen du, gaur egungo mailara iritsi ahal izateko lan handia egin izan baita hamarkadetan zehar.

Beraz, euskalgintzaren militante, ez dezagun gure filmen kalitatea gutxietsi eta jarrai de-zagun zinema aretoak bete eta gure zinemagintza babesten, historiak arrazoia emango baitigu.

Euskal zinemagintzazEkaitz Etxezarreta Ibañez

Page 5: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

KALIN GALD

EZKA

Gorka Zubizarreta“Kuadrillakuk gai bat aukeratze deu, ta horren arabera bakoitzek bere disfraza sortze deu. Azkenengo urtetan sarixek e irabazi dittou. Danetan earrena sanferminetakue izen zan, montau genun espektakuluatik”.

Ane Fernandez“Kaka mokordoz disfrazau ber deu kuadrillako bik, orijinala iruittu zikun ta. Urtero jazte naiz, eta oin arteko orijinalena piñan disfraza izen zan. Neuk etxin ein nun espumikin, eta earki erten zin”.

Ane Aramendi“Kuadrillako danok berdin jaztie intentatze deu, baino danok ados jartzie zaile izetea. Orijinalena “Jubilauek Port Aventuran” jantzi ginena izen zan. Bigarren sarixe irabazi genun.gañea”.

Igor Isuskiza“Normalin urtero mozorrotze naiz, karnabalak etzatxit asko re gustatzen baino. Cuatroko anuntzixoko monigotin disfraza izen zan earrena; urte hartan pasau nun ondona”.

Eneritz Garate“Nei asko gustatze zat mozorrotzie. Kuadrillako danok gai bat aukeratze deu, ta horrekin lotute bakoitze bere era mozorrotze gea. Oin arteko earrena zirko jantzi ginena izen zan”.

Gaizka Alberdi“Etxin lelena harrapatzetena jantzitte ertetzet kalea. Urtero disfrazatze naiz, nahiz eta etzatxiten asko gustatzen karnabalak”.

Nola aukeratzen duzu mozorroa? Zein izan da zure mozorrorik orijinalena?

Page 6: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

6 maxixatzen.eus

adator koloreizien festa

IZEN

A TA

DIZ

ENA

Olaia Juaristi Zabala

Duela zortzi urte hasi ginen mozorrotzen, eta, or-dutik, aurreneko bi sari eta bigarrengo bi irabazi ditugu. Lehen sariak Kinder arrautzaren eta Ac-

tivia jogurtaren mozorroengatik eraman genituen; biga-rrenak, berriz, gazta ataltxoak, “Barre egiten duen behia” eta loreak izan ziren. Guretzat, orain arteko originalena Kinder arrautza izan da.

Ideiak botatzen urte osoan aritzen gara, baina batez ere azaro aldera hasten gara serio. Mozorro originala lortzeko, inspirazioa behar da, eta, horretarako, burua astintzen dugu; beti ez da erraza izaten, ordea. Imajinazioa berreskuratu eta ilusioa berpiztu beharra dago. Gureak ez dira izaten parrandarako mozorroak. Landarez jantzi ginenean ezin ginen ia tabernetara sartu ere egin, eta jogurtez mozorrotu ginean, berriz, oholtzara igotzeko komeriak izan genituen, zirrikitu batetik bakarrik ikusten baikegunen, eta oso zaila zen mugimenduak egitea. Ikuskizuna emateko orduan ere, mozorroak asko mugatzen gaitu: ez da gauza bera sanferminetako entzierroa irudikatzea edo landarez janztea.

Taldea hiru lagunek osatzen dugu. Lankideak izateaz gain, familiakoak gara. Koktel mundiala, ezta? Modu ho-rretan, erraza izaten da ados jartzea. Gauza horietarako

bat etorri ohi gara. Guk nahiago izaten dugu nor garen ez antzematea, xarma berezia baitauka horrek, baina gero eta zailagoa izaten da.

Mozorrotzeko, beharrezkoa da bizipoza edukitzea, gatza eta alaitasuna izan behar da. Geure buruaz barre egite-ko aitzakia aproposa da. Egunerokotasuna apurtzen du mozorrotzeak: formaltasunetik ateratzen gaitu, eta be-rriz ere ume txiki bihurtzen gara. Egun horretan dena da posible. Betidanik gustatu izan zaigu egun hori.

Familian jostunik ez dagoenez, normalean herriko jos-tun bati eskatzen diogu mozorroa egiteko. Ideia azaltzen diogu, eta, horren arabera, jostunak esaten digu egitea badagoen edo ez. Horrez gain, gehigarriek lan dezen-te ematen dute, jantzi batzuek eskulan handia eskatzen baitute. Batzuetan, aurpegia margotzeak ere lanak eta kezkak ematen dizkigu.

Sarietan beti ematen dugu izena; ez irabazteagatik, gi-roa sortzeagatik baizik. Beti esaten dugu sariak ez digula tapatzen gastatzen duguna, baina herrian giroa ipintzea polita dela uste dugu, eta Udalak giro hori sustatzeko prestatzen duen lehiaketa izatea beharrezkoa da gure iritziz.

Ñam Ñam-eko lankideak:“Imaginazioa berreskuratu eta ilusioa berpiztu beharra dago”

Azkoitiko inauteriak ez dio inbidiarik beste inongo inauteriari. Aurten ere hainbat haur, gazte eta heldu irtengo dira kalera mozorrotuta, otsailaren 5ean eta 6an. Maxixatzen

herriko hiru talderekin bildu da: Ñam Ñam goxoki dendako lankideak, Txintxarri lokaleko gazteak eta 25 urtez mozorrotu den lagun taldea.

Page 7: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

IZENA TA DIZENA

Aurten 25. urtez mozorrotuko gara. Duela 26 urte hasi ginen, eta urte batean huts egin genuen. Jantzi ez ginen hartan esan genuen: “Gehiago ez gara

geldituko jantzi gabe”. Arabiarrez jantzi ginen aurreneko urtean, baina orain ez ginateke horrela jantziko. Denok armairuan gordeta dauzkagu 25 urteetako mozorro ia guztiak.

Hamalau bat gizon-emakume irteten gara mozorrotuta; denok lagunak gara. Mozorroaz gain, beti kantuak auke-ratzen ditugu, dantza egin nahi izaten dugulako. Mozo-rrotuta bakarrik kalera irteteak ez du hainbesteko gra-ziarik; guk dantza egin nahi izaten dugu. Behin zingara mozorrotuta atera ginen, eta ez zitzaigun batere gustatu, ez genuelako ezer egin. Kalean gora eta behera ezer egin gabe ibiltzeak ez du grazirik.

Taldeko denoi asko gustatzen zaigu mozorrotzea, eta horretan jarraituko dugu beste urte batzuetan. Tama-lez, gizonak geroz eta gutxiago animatzen zaizkigu, eta aurten hirurekin bakarrik gelditu gara. Gu baino maka-lagoak sentitzen dira, zahardadea gehiago antzematen dute. Beste batzuek, berriz, aukeratutako mozorroaren arabera erabakitzen dute irten ala ez.

Guri ez zaigu axola herritarrek nor garen antzematea. Gazteago gineneko lotsa hura galdu egin dugu adina-rekin. “Inori kalterik ez diot egiten eta ondo nago”, pentsatzen dugu eta listo. Geuk ondo pasatu nahi izaten dugu, eta herritarrak ere gure ikuskizuna ikusteko go-goz egoten dira: “Aurten ere zeozer egingo duzue, ba?”, galdetzen digute askok. Iaz, adibidez, gospelak kantatu genituen, eta jendetza hurbildu zen gu ikustera. Txalo zaparrada jo ziguten. Tolosan ere izaten al da, ba, horre-lakorik? [barrez]. Gurea diferentea izaten da. Guk serio hartzen dugu gure rola. Itxura ona ematen saiatzen gara, eta ahal dugun ondoena egiten.

Umorea eta gogoa eduki behar da mozorrotzeko. Morala baxu izanda ere, egun horretan gora joaten da automa-tikoki. Ez da alkoholik edan behar mozorrotuta ondo pasatzeko; magikoa da. Giro onenean pasatzen lagundu diguten mozorroak Abba, gospela, idi probak eta abar-ketariena izan dira.

Mozorro gehienak geuk egiten ditugu, batak besteari lagunduta. Telak erosten ditugu, eta geuk josten dugu. Film bateko pertsonaia bada aukeratutako mozorroa, denok filma ikusten dugu janzkerak eta dantzak ikuste-ko, eta gero ahal den ondoena imitatzen saiatzen gara. Hasierako ideia izatea da zailena; Gabonen ondoren has-ten gara buruari bueltaka. Afaltzeko biltzen gara, eta han erabakitzen dugu zertaz mozorrotu. Mozorro dibertiga-rria baldin bada proposatutakoa, erraz jartzen gara ados.

Inauterien aurreko asteetan, ordenagailuarekin eta boz-gorailuekin dantza entseatzera joaten gara hiru bat egu-netan lagun baten lantegira. Hori mundiala izaten da. Taldeko zaharrenak 77 urte ditu; sekulako meritua du. Gazteenak, berriz, 52 ditu, eta beste denok 60tik go-rakoak gara. Edozein saltsatara apuntatzen gara: danbo-rradan ere zaharrenak gara, baina gustura gabiltza.

Abarketari eta idi probalari mozorrotu ginean irabazi genuen mozorro lehiaketako lehenengo saria. Satisfazio handia izaten zen lehiaketa irabaztea, baina azken urtee-tan ez dugu parte hartzen; afaldu eta lasai egoten gara mahaian berriketan. Gu askotan saritu gaituzte, eta orain gazteek merezi dute.

Urteko egunik onenetakoa izaten da inauterietako zapa-tu gau hori. Taldeko denok dakigu zertaz mozorrotuko garen, baina, hala ere, oso barregarria izaten da egunean bertan banan-banan taldekideak mozorroarekin ikustea. Ez duzu imajinatzen emaitza nolakoa izango den, eta au-rreikuspen guztiak gainditzen dira.

Gaur egun ikuskizuna jende gutxiagok ematen du, baina, aldi berean, jende gehiago animatzen da mozorrotzera. Orain, ordea, mozorro asko erositakoak izaten dira, gu-reak ez bezala; gu etxeko arropak aprobetxatzen saiatzen gara, beste modu batera josita. Lan handia hartzen dugu, baina gustura egiten dugu eta ez gara damutzen. Lanik handiena musikak ematen digu, kalean ozen entzute-ko material ona behar baita. Aurten ere musika ekipoa alokatuko dugu.

Taldekideon etxekoek bakarrik jakiten dute aurrez zertaz mozorrotuko garen. Sekretuan gordetzea gustatzen zai-gu, bestela ez baitu graziarik.

25 urtez mozorrotu den kuadrillako bi kide: Lurdes Iturbe (Azkoitia, 1951) eta Rosa Mari Errazu (Azkoitia, 1952)

“Guk serio hartzen dugu gure rola”

Page 8: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

8 maxixatzen.eus

IZEN

A TA

DIZ

ENA

Bi aldiz irten gara, eta kasualitatez bietan irabazi dugu [barrez]. Aurreneko urtean danborrada egin genuen: hiru kantineraz, hainbat danbor jolez eta

bi paelleroz mozorrotu ginen, eta kalejira ere egin genuen, Azkoitiko Musika Bandak lagunduta. Beste behin, san-ferminetako entzierroa egin genuen: San Fermin santua, zezenak, lasterkariak, zezenen atzetik makilekin joaten direnak, udaltzainak eta anbulantziako kideak izan ziren ordurako aukeratu genituen pertsonaiak. Hainbat aldiz erori ginen eliza alboko bihurgunean, Estafeta kalea irudikatu nahian. Guretzat, sanferminetakoa izan zen ederrena. Guztira 30 bat kuadrillako mozorrotu ginen, eta, horrenbeste izanda, jokoa ematen zuen giro ona sortzeko eta geuk ondo pa-satzeko.

Uste dugu taldea handia izateak ikuski-zuna emateko balio duela, eta aurten ere jendeari barrea ateratzen saiatuko gara.

Inauteriak aitzakia ederra izaten dira lagun guztiak elkartzeko eta elkarren kontura umo-rez betetako gau alai bat pasatzeko. Egun be-reziak izaten dira, eta, zaletasuna baino gehiago, elkarri barre egiteko eguna izaten da. Gainera, ohiko janzkera edo arropak mozorroaren parte izatearen aldekoak gara:

nork ez du gustuko amonaren soinekoa jantzita kalera irtetea?

Gure mozorroa ez da originala izaten, baina originalta-suna lortzeko gakoa bakoitzari dagokigun rola ondo be-tetzea da; guk horretan asmatzen dugu.

Mozorroa aukeratzeko, beti korrika eta presaka ibiltzen gara. Azken hilabetean hasten gara ideiak botatzen eta gustuko gauzak aukeratzen.Urtean zehar zerbait origina-la ikusten dugunean, hauxe esan ohi dugu: “Hurrengo urtean horretaz mozorrotuko gaituk!”, baina garaia iris-

ten denean ahaztu egiten zaigu.

Bestalde, mozorroari laguntzeko, beti saiat-zen gara zerbait eraikitzen. Esaterako, san-ferminetakoa egin genuenean egurrezko anbulantzia bat egin genuen, eta ordu asko kendu zigun horrek.

Mozorro lehiaketan izena ematen saiatzen gara, jokoan egoten den diru saria

beti delako ongietorria. Saria ematerakoan, taldeak ikuskizuna ematen duen edo ez eta

mozorroak zenbateko lana duen hartu beharko lukete kontuan. Urtero ia-ia talde berberek parte hartzen dute; lehia estua izaten da. Mozorro dibertigarri asko ikusi ditugu azken urteetan.

Txintxarri lokala:“Elkarri barre egiteko eguna

izaten da”

“ORIGINAL-TSUNA LORTZEKO

GAKOA BAKOITZARI DAGOKIGUN ROLA ONDO BETETZEA

DA”

Page 9: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

GALD

ETU AHALA ERANTZUN

Caritasen laguntza behar duten herritarrek harrera bulegotik pasatu behar izaten dute lehendabizi. Hiru boluntarioz osatutako lantaldea egoten da han, norbanakoen edo familien egoera eta diru-sarrerak aztertze-

ko eta bakoitzari zenbaterainoko laguntzak egokitzen zaizkion azaltzeko. Harrera etxean lege berberak dituzte denentzat. Batzuek diru laguntza jasotzen dute, eta bes-te batzuek, berriz, janaria eta jantziak. Bakar batzuek, etxea ere bai; gaur egun hiru etxe daude Azkoitian Cari-tasenak, eta hamabi lagun bizi dira horietan.

Gutxieneko diru-sarreretara iristen ez direnei oinarrizko gauzak debalde ematen dizkie Caritasek. Hortik aurrera zerbait nahi badute, ordaindu egin behar izaten dute.

Caritaseko harrera bulegoan 418 lagun izan ziren 2015ean, 2014an baino gehiago. Horietatik %30 inguru-ri aholkuak bakarrik eman dizkiete, ekonomikoki gu-txiengora iristen zirelako.

Harrera bulegoaren arduradunek azaldu dutenez, gero eta gehiago daude larrialdian, ezer gabe alegia, eta horie-tako gehienak Saharatik etorritakoak dira.

Elkarlanaren redu

Hilean behin, Azkoitiko Caritas osatzen duten bolunta-rio guztiak elkarrekin biltzen dira, eta talde bakoitza zer-tan ari den eta bakoitzean zer-nolako beharrak dauden jakinarazten dute.

Gipuzkoa osorako irizpideak berberak izaten dira, baina gero, herri batzuetako baliabideen arabera, zerbait al-datzen dute. Autonomia pixka bat badauka, beraz, herri bakoitzak.

Azkoitiko Caritasek urtarrilaren 2an inauguratu zuen Baztartxo antzokiaren eta Gurea pilotalekuaren artean ireki duten lokal berria. Inaugurazio ekitaldian, Felix Azurmendi Azkoitiko erretoreak lokala bedeinkatu zuen, eta azaldu zuen lokal horretan senide elkartasuna eraiki behar dela mundu berri bat eraikitzeko, azken ba-tean janarien eta arropen beharra dutenek adierazten dutelako egungo mundua ez dela oso zuzena. Ildo ho-rretatik, nabarmendu zuen mundu zuzenagoa eta duina-goa eraikitzen saiatu beharra dagoela. Bukatzeko, lokal berria askoren artean egina dagoela azpimarratu zuen, eta denei eskerrak eman zizkien.

Azkoitiko Caritasek Aingeru kaleko 32. zenbakiko lokal berria ireki zuen joan den urtarrilaren 2an. Gaur egun Caritasek hiru zerbitzu eskaintzen ditu: harrera, jantzitegia eta janari bankua. Jantzitegia eta janari bankua bateratu egin dituzte 300 metro karratuko lokal berri horretan. Harrera bulegoa, berriz, parrokian mantenduko dute. Olaia Juaristi Zabala

Page 10: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

10 maxixatzen.eus

GAL

DET

U AH

ALA

ERAN

TZUN

Jende asko etortzen al da jantzitegira?

Bai, asko. Etorkinak izaten dira gehienak, eta, batez ere, musulmanak. Guk bertakoei dei berezia egin nahi die-gu gure lokalera etortzeko. Oso egoera onean dagoen arropa daukagu, estreinatu gabea asko, baina guk nahi baino azkoitiar gutxiago etortzen dira. Noski, ez dakigu herritarrek beharra duten edo ez. Hala ere, oso aukera ona da, eta zer dagoen ikustera animatzen ditugu.

Arropa bakarrik al duzue?

Ez, mantak, izarak, oinetakoak eta lo zakuak ere edukitzen ditugu. Baina gehienbat arropa daukagu: umeena, gizonezkoena eta emakumezkoena. Emakumezkoena sobratzen zaigu gehiena. Gizon etorkinak euskaldunen antzera janzten dira, eta gizonena eta umeena saltzen da gehiena. Umeen kasuan, 6 urtetik gorakoena daukagu gutxiena; prakak-eta asko puskatzen dituzte adin inguru horretan.

Denda batek bezala funtzionatzen al duzue?

Bai, hori da, baina ezohiko prezioak ditugu. Oso merke saltzen dugu: esaterako, neguko beroki bat 10 euroan eta praka pare berri bat 5 euroan. Hain merkeak izanda, batzuek jarritako prezioa baino gehiago ere uzten digute, borondatez. Bestalde, gehienak gauza onenen bila etortzen dira; askotan geurekoi bihurtzen gara. Batzuetan ikusten dutena nahi izaten dute, ez egokitu arren, eta desorosoa izaten da guretzat ezetz esatea. Bitxia bada ere, batzuk tratua egiten saiatzen dira, hain prezio merkeak izanagatik. Marokon, adibidez, horretarako ohitura handia dute, eta hemen ere ahalegintzen dira hasieran.

Zerbait aldatu al da aurreko lokaletik?

Lehen debalde ematen genuen arropa, eta orain, berriz, erosi egin behar da. Gehiago kontrolatuta daude, eta

haiek ere konturatu dira horrekin; orain gehiago begi-ratzen dute benetan zer behar duten.

Bestalde, arropa antolatuago daukagu orain: neurrien arabera sailkatzen ari gara, askotan denbora asko pasatzen baitute behar duten horren bila. Urteetan saltzen ez duguna, berriz, Olberrira bidaltzen dugu, Caritasek Gipuzkoa osorako Donostian duen biltegira. Bestela, asko pilatzen da.

Zenbat urte ditu jantzitegiak?

Bederatzi bat urte. Bost boluntario hasi ginen orduan.

Zenbat boluntario zaudete orain jantzitegian la-nean?

Guztira hamalau bat gabiltza, txandaka: astelehenean eta asteazkenean 10:00etik 12:00etara, eta ostiralean 17:00etatik 19:00etara. Hemen beti edukitzen dugu lana: ordenatzen, klasifikatzen, neurrika jartzen… Aspertze-ko astirik ez dugu izaten.

Nola lortu duzue lokal berria?

Azkoitiar batek oparitu dio Caritasi, eta aroztegi batek apalak eman dizkigu. Askori gaude eskerrak eman beharrean. Eta, nola ez, baita herritarrei ere; arropa ekartzen dutenei, asko ekartzen dutelako.

Elkarlanaren eredu zarete.

Denok gara beharrezko proiektu honetan: arropa ekartzen digutenak, Gurutze Gorria,

gure taldeko boluntarioak… Elkarlana behar da gauzak aurrera ateratzeko. Denok artean errazago

egingo dugu aurrera, eta, zenbat eta boluntario gehiago izan, orduan eta sare indartsuagoa osatuko dugu. Proiektu berriak eskaintzea ere nahi dugu: joskintzako, sukaldaritzako eta berrerabiltzeko ikastaroak, esate baterako. Eta, hori guztia bideratzeko, ezinbestekoa da erlazio ona eta giro ona izatea, bai geure artean, bai hona datozenekin.

Itziar Larrañaga Elortza (Azkoitia, 1944) Caritasen jantzitegiko arduraduna.

“BERTAKOEI DEI BEREZIA EGIN NAHI

DIEGU GURE LOKALERA ETORTZEKO. OSO EGOE-

RA ONEAN DAGOEN ARROPA DAUKAGU”

Page 11: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

GALD

ETU AHALA ERANTZUN

Zer aldatu da lehengo lokaletik oraingora?

Lehen, bi egunetan banatzen genuen, eta askok ordu eta erdian zain egon behar izaten zuten janaria hartzeko. Orain, berriz, lau egunetan banatzen dugu, eta bakoitzak bere ordua du. Haiek oso gustura daude aldaketarekin: “Honek merezi zuen, bai”, esaten digute. Gainera, denbora gehiago hartzen dugu haiekin egoteko.

Gertuko tratua ematen saiatzen zarete, beraz? Zergatik?

Uste dugu askoz hobea dela hori, jendeari harrera ona egitea. Kontua ez da jatekoa hartu eta ospa egitea; be-raien beharrei eta arazoei entzuteko gaude, eta ahal dugun guztian laguntzen diegu. Janari bila datozenak irribarre batekin hartzen saiatzen gara. Izan ere, janaria aurpegi onarekin ematen bada, askoz gehiago balio du.

Zenbat boluntario zaudete gaur egun janari bankuan?

Hamalau kidek osatzen dugu Azkoitiko Caritas parro-kiala. Gurean ez da sinesmenik, politikarik eta kolorerik bereizten. Kontziente gara herrian mesfidantza dezente dagoela etorkinekin, eta batzuetan oso zaila da pentsae-ra hori aldatzea. Caritasen ez da bereizketarik egiten; guk denei berdin banatuko diegu janaria. Bestela, gu geu izango ginateke arrazistak.

Zenbat lagun etortzen dira janari bankura?

109 familiak jasotzen dute astero gure laguntza. Horietatik oso gutxi dira herrikoak. Kopuru hori hazten ari da urtez urte. Ni duela bost urte hasi nintzen janaria banatzen; orduan, 17 familiari banatzen genion, eta haiei barkamena eskatzen jarduten genuen, ja-teko gutxi genuela esanez. Behar horrek ate gehiago jotzera bultzatu gintuen. Ora-in, pertsona askori ematen diogu, ziurrenik, janari asko banatzen dugulako. Gu ere egoe-ra horretan egongo bagina, gehiena ematen den herrira joango ginateke.

Orain janari gehiago lortzen duzue, hortaz?

Hilean behin, Bergaratik ekartzen ditugu oinarrizko elikagaiak: dilistak, olioa, arroza eta abar. Horrez gain, lehen, astean behin Eroski handira joaten ginen. Baina

jendearen eskaera handitu zitzaigun, eta supermerkatu gehiagotan eskatzen hasi ginen. Orain, igandean izan ezik, egunero joaten naiz janari bila Lidlera, Eroski txikira eta handira eta Azpeitiko Gureak-en Eroskira. Janari asko sobratzen zaie dendei, eta zaborretara doana hartzen dugu guk. Lan asko ematen digu, baina merezi du. Horri esker, denetariko janaria lortzen dugu, inguruko herriekin konparatuta. Gainera, astero banatzen dugunez, elikagai freskoak banatzeko aukera daukagu Azkoitian: jogurtak, frutak eta berdurak, esaterako.

Zuek emandakoa nahikoa al da bizitzeko?

Ez. Dudarik gabe, guk emandakoarekin bakarrik ezin da bizi, baina laguntza txiki bat da. Guk emandakoaz gain gauza asko gelditzen zaizkie erosi beharrekoak.

Herri solidarioa al da Azkoitia?

Atzera begiratuta, konturatzen gara sekulako zortea izan dugula. Azkoitiar askori gaude eskerrak emateko, jende jakin batek izugarrizko mesedeak egin dizkigulako: doan eman dizkigute lokala, autoa eta apalak –Iratzar liburu dendakoak–. Lokala berritzeko dirua, berriz, Azkoitiko Gerdauk eman digu.

Inoiz pentsatu al duzu lana uztea?

Askotan. Oso lan lotua da, eta leher eginda bukatzen dut egunero. Urtean astebete jai egiteko pozarekin egoten

naiz. Neure buruari askotan esaten diot zertarako hartu dudan horrelako ardura. Baina oraindik

ez dut ikasi gauzei ezetz esaten, eta inor ez dago nire ardura hartzeko prest. Gurega-na jende gehiago hurbiltzea nahiko nuke, denon artean lanak gehiago banatzeko. Modu horretan, izugarri arinduko litzai-guke lana.

Jendeari laguntzeak bete egiten al zaitu?

Ondo gaudenok erantzukizuna daukagu gizartean gaizki daudenekin, baina batzuk neurriz

kanpo gabiltza horretan. Bizitza honetan gozatu baino gehiago sufritzen dut. Etxekoekin denbora gehiago egotea gustatuko litzaidake. Nire ilusioa da zaharren egoitzara joan eta han dauden zaharrak paseora ateratzea.

Luis Arregi Aramendi “Izpizu” (Azkoitia, 1947) Caritasen janari biltegiko arduraduna.

“GUREGANA JENDE GEHIAGO

HURBILTZEA NAHIKO NUKE, DENON ARTEAN LANAK

GEHIAGO BANATZEKO”

Page 12: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

12 maxixatzen.eus

TOKI

TTEK

O P

UNTE

TIK

Idoia Alberdi Etxaniz

Zerk eraman zintuen Kataluniara?

2007an iritsi nintzen. Karrera amaitu eta Hondurasen kooperazio proiektu batean parte hartu ondoren, bizitzako beste fase bat hastera nindoan, eta Bartzelonara jo nuen. Hemen, lan esperientzia lortzeko eta ikasketekin jarraitzeko aukera handia zegoela eta, lana eta ikasketak uztartu nituen. Orain, Matarón bizi naiz, Maresmeko hiriburuan.

Erraz moldatu al zara?

Kataluniara erraz moldatu naiz, bertako jendeak eskuak zabalik hartu nauelako. Zailagoa izan da lan mundua: hor ez dut laguntzarik jaso, eta neure erara asko ikasi behar izan dut.

Gaur egun, zertan ari zara?

Dentista lanetan nabil Mataróko zenbait hortz klinika-tan. Odontologia holistikoan, neurofokalean eta bioe-nergetikoan ari naiz lanean, eta baita ohiko hortz trata-menduen alorrean ere.

Kataluniartzen ari den euskalduna zarela esan al daiteke?

Bai, gero eta katalanagoa sentitzen naiz, eroso ber-tako baten moduan. Hala ere, neure jatorria ez dut ahazten, eta beti esan ohi dut Azkoitikoa naizela, dudarik gabe. Hemengoek, asko-tan, bilbotartzat hartzen naute.

Kataluniako gizartetik zerk erakartzen zaitu gehiena?

Kulturen arteko nahasketa eta aberastasuna nabarmena da. Pentsaera irekiagoa dutela esango nuke, eta ezberdinen artean bat egiteko joera ere badute, casteller-en antzera. Izan ere, askotan, elkartzen gaituen hori bereizten gaituena baino handiagoa da.

Euskal Herria eta Katalunia: zertan gara berdin? Eta ezberdin?

Norbere hizkuntzaren, kulturaren eta politikaren de-fentsan gara berdinak, identitateaz harro gauden bi he-

rri. Gainera, uste dut bietan indar handia dutela auzola-nak eta giza proiektu kolektiboek ere. Bereizten gaituen zerbait esatearren, katalanak oro har eskuzabalagoak dira kanpokoak integratzeko orduan, eta euskaldunak, berriz, hitzeko pertsonak.

Katalanez bizi al zara?

Bertako gehienak elebidunak direnez, batzuekin katañol gisako nahasketa bat egiten dut. Hirietan integratzeko ez da ezinbestekoa katalana menderatzea, baina herrietan bizitzeko ezinbestekoa da bertako hizkuntza ulertzea behintzat.

Kataluniako egungo garai politiko-historikoa be-te-betean bizitzen ari al zara?

Bai, eta ilusioz erreparatzen diet gaur-gaurko berriei komunikabideetan. Azken urteetako Diada egunak, azaroaren 9ko erreferenduma eta hauteskundeak gogoz bizi izan ditut, eta sarri hitz egiten dut politikaz. Kontziente naiz aldaketaren garai historikoan gaudela.

Kalean, eguneroko bizimoduan, nola daramazue prozesua?

Egunero nor bere lanean, arazoetan eta aisian murgilduta ibiltzen gara, baina egun seinalatuak

gerturatzean asko nabaritzen da sentimendu independentista, estelada-k nonahi jartzen

baitituzte eta kaleko giroa berotzen baita. Baina prozesua luzea eta zaila izaten ari da, eta hasi besterik ez da egin, gainera.

Zer ekarriko zenuke Kataluniatik Eus-kal Herrira? Eta Euskal Herritik Katalu-

niara?

Kataluniatik bertako eguraldia eramango nuke, eta Euskal Herritik, berriz, euskara,

bertsolaritza, musika, poteoa... Euskal kultura ekarriko nuke.

Etorkizuna non ikusten duzu?

Auskalo. ‘Hemen eta orain’ bizi nahi dut, etorkizunaz gehiegi kezkatu gabe.

“Gero eta katalanagoa sentitzen naiz”

“Gero eta katalanagoa” den euskalduna da, baina ez du ahaztu jatorria zein duen. 2007tik bizi

da Katalunian Ainara Epelde (Azkoitia, 1984). Odontologia ikasketak EHUn amaituta joan zen,

eta odontologia neurofokalean espezializatu zen han. Alor horretan ari da lanean, “gustura, kultura

ezberdinen artean nahastuta”.

“‘HEMEN ETA ORAIN’ BIZI NAHI

DUT, ETORKIZUNAZ GEHIEGI KEZKATU

GABE ”

Ainara Epelde, Katalunian bizi den azkoitiarra

Page 13: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

TOKITTEKO

PUNTEKO HERRITARRA

Maite Rodriguez Soreasu

“Azkoitian etxean bezala sentitzen naiz”

“AZKOITIARRAK ATSEGINAK ETA OSO SANOAK DIRA ORO

HAR: BETI LAGUNTZEKO PREST AGERI DIRA,

ETA HORI ASKO ESKERTZEN DA”

Noiz etorri zinen Azkoitira?

2003. urtean etorri nintzen, baina hona iritsi aurretik Alemanian ibili nintzen eraikuntza lanetan zazpi urtez. Hango bizimodua ez zen erraza, eta, beraz, berriro Por-tugalera bueltatu nintzen. Handik hilabetera, Euskal Herrian eraikuntzarako langileak behar zituztela eta, Tolosan lana aurkitu nuen bitartekari baten bidez. Lan egonkorra zen, eta kondizio onetan lan egiten genuen. Ondoren, Azpeitira bidali ninduten, eta zortzi hilabetez egon nintzen han. Nahiz eta Azpeitian egon, Azkoi-tian egiten nuen bizimodua; giro atsegina zegoen he-men, eta, horregatik, asko erakartzen ninduen Azkoitira etortzeak. Azkenik, hemen lana aurkitu eta hona etorri nintzen.Hemengo egoera sozioekonomiko duinak gelditzeko apustua egitera bultzatu ninduen. Baina nire familia –emaztea eta hiru seme– Portugalen zeuden. Ez zen erraza izan, nire emazteak lan egonkorra baitzuen eri-zaintzan. Familiakoei hau ezagutzera etortzeko dei egin nien, eta hamar egun pasatzera etorri ziren. Nire iru-dipen berberarekin itzuli ziren Portugalera, eta 2004ko uztailean etortzea erabaki zuten.

Asko kostatu zitzaizuen hona egokitzea?

Beti kostatzen da herria utzi eta bizimo-du berri bat egiten hastea, baina orain-dik harrituta nago emaztea zer-nolako azkar egokitu zen, berehala integratu baitzen. Semeak eskolatu, eta bizi-modu berria indarrez hartu genuen. Izan ere, familiaren ongizatea ber-matzea ezinbestekoa da guraso gare-nontzat.Semeen integrazioari dagokionez, des-berdina izan zen: eskola berriak, hizkuntza berriak eta halakoek zailtasunak jartzen di-tuzte, eta are gehiago nerabe izanda, nire semeek orduan 16, 11 eta 4 urte baitzituzten. Txikiarentzat erra-zagoa izan zen, baina, dena dela, beti eduki ohi dituzte oztopoak. Oztopo horietatik asko ikasten da, ordea, eta gaur ez dugu inolako damurik.

Zer-nolako egoera zegoen Portugalen?

Facos de Ferreiran, altzairuen hiriburu deitzen dioten herrian, egurraren arloa oso garatua zegoen, eta arotzok ez genuen inolako arazorik lana aurkitzeko. Lana edukitzea, ordea, ez da guztia; izan ere, lan egoera prekarioek, soldata baxuek eta aukera berdintasunik ezak ezegonkortasuna ekartzen dute. Osasunean eta hezkuntzan ere gabeziak zeuden, eta, batzuek prestakuntza jaso ahal bazuten ere, askok oso gazte hasi behar zuten lanean.

Euskararen berri bazenuten Portugalen?

Nik ez nuen euskara ezagutzen, baina hona iristean ga-rrantzi handia eman genion. Semeek euskaraz ikastea nahi genuen, integrazio egokia eta osoa izan zezaten, horretan euskarak asko laguntzen du eta. Berehala mol-datu ziren, baina guri askoz gehiago kostatzen zaigu; ez dakit urteen pisuagatik edo zergatik den, baina 59 urte-rekin gehiago kostatzen dira horrelakoak.

Azkoitira iristean nolako inpresioa eman zizuten he-rritarrek?

Herritarrak oso itxiak zirela ohartu nintzen berehala; izan ere, portugaldarrak

oso irekiak gara hasiera-hasieratik. Baina segituan konturatu nintzen euskaldun bat ezagutzen duzunean berehala irekitzen dela. Azkoitiarrak atseginak eta oso sanoak dira oro har: beti laguntzeko prest ageri dira, eta hori asko eskertzen da.

Baduzu Portugalera bueltatze-ko asmorik?

Egia esan behar badut, hemen gelditzea erabaki nuen egunean bertan banekien be-

rriro ez nintzela itzuliko; oporrak familiarekin pasatzera bai, baina nik Azkoitian dut egina bizimodua. Sakrifizio handia izan bada ere, errekonpentsa jaso dugu, eta hori sekulakoa da. Hemen etxean bezala sentitzen naiz.

Arlindo Augusto de Sousa Mareira, Azkoitian bizi den portugaldarra

Page 14: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

14 maxixatzen.eus

IRIT

ZIXE

Klima aldaketari buruz Namoi Kleinek idatzi duen This changes everything. Capitalism Vs the Climate (Honek dena aldatzen du. Kapitalismoa klimaren aurka) liburua irakurtzen hasi eta orrietan aurrera joan

ahala, ideia bat gero eta argiago geratu zait: diru-goseak eramango du gizateria hondamendira. Baina ingurura begiratu, eta ez dut arazoaren neurriko egonezinik igartzen. Esan nahi dut, inkestetan jendeari galdetzen zaionean zein arazok arduratzen duten, erantzunak beti izaten dira langabezia, terrorismoa, osasungintza, ustelkeria (besteena), drogak edo bestelako gai potoloak. Kodizia, ez.

Diru-gosea gaixotasun bat da, beste edozein bezain kaltegarria. Jatorri bat du, eta ondorio batzuk ere bai. Ia denoi eragiten digu, baina batzuen kasuan eritasuna larria da. Sexu adiktoak, drogen menpekoak, ludopatak edo bestelako adikzioak dituztenak identifikatu eta haientzat egindako tratamenduak sortzen baditugu, zergatik ez dugu gauza bera egiten diruari katigatuta bizi diren gaixoekin? Diruagatik edozer egiteko kapaz den jende gehitxo dago munduan, eta euren jokabideak eragin itzela du famlian, gizartean, munduan. Zergatik ez jarri soluzio bat gaitz larri horri?

Hasteko, Dirugelak sor daitezke auzo aberatsetan. Bes-teen dirua lapurtu, metatu, ustelkerian erori edo lagun hurkoa esplotatzeko gogoari eutsi ezinik dagoenarentzat babesa eskaintzen duen toki bat, alegia. Diruzalekeria krisiak gainditzeko Monopoly partidak edo gezurretako diruarekin baretzen laguntzen duen bat-bateko terapia. Behin-behineko irtenbidea litzateke, baina epe luzerako emaitzak lortzeko terapia zentro bereziak sortu beharko lirateke. Dirurik gabe bizi daitekeela frogatzeko balioko luketen tutoretzapeko egonaldiak, esaterako. Lukurre-

Zaleak eta adiktoakIrene Elorza Gereño

riak jotako gaixoak gizarteratzeko terapiak Osakidetzak ordainduko lituzke, ordainketa partekatuaren bitartez.

Epe luzerako laguntza moduan, Aberats Anonimoen bilerekin indartuko litzateke adikzioa atzean uzteko aha-legina. “Kaixo, Josu Jon naiz eta hiru aste daramatzat neure diruarekin konforme eta inoren jabetza desiratu gabe”, entzungo litzateke kez eta kafe usainez betetako bilera geletan, eta beste gaixoentzat oso lagungarria litza-teke Josu Jonen testigantza entzutea.

Bestalde, zekenkeriarekin zerikusi zuzena duten tokiek edo sinboloek nolako egoera kritikoak sorrarazten dituz-ten jabetu beharko genuke. Bankuetan, kasinoetan, bin-goetan, loteria administrazioetan eta bestelako toki arris-kutsuetan ohar ikusgarriak jarriko genituzke. “Lapurtzeak

hil egiten du”. “Umeak babestu: ez utzi diru zikina eskuekin ukitzen”. “Dirua pilatzeak zure (eta

besteen) bizi-kalitatea kaltetzen du”. “Dirua oso adiktiboa da. Ez kontsumitu”.

Neurri horiek guztiek kale eginez gero, eta gizarteratu ezineko aberatsik ikusiz gero kalean, bere trajearekin, maleta-txoa esku batean, txartel beltza edo

urre kolorekoa krokodilo larruazalare-kin egindako diru zorroan gordeta, eta

iPhone garestiena beste eskuan duela “Ero-si!... Saldu!” edo antzeko oihuak botatzen, izan

errukia, mesedez. Ez gaizki begiratu eta saiatu nazka disimulatzen. Ez ahaztu gaixoak direla eta laguntza behar dutela. Inor ez dago salbu. Nork daki zein izango den hurrena erortzen? Dirua leku guztietan dago, eta gero eta merkeagoa da.

Soluzioa ilegalizazioan ikusten duenari, berriz, esango nioke errua ez botatzeko diruari. Dirua bitarteko bat besterik ez da, gauza on asko egin daitezke berari esker eta esperientzia zoragarriak ere eskain ditzake. Beti beza-la, neurrian dago kontua. Paracelsok esan zuen aspaldi: “Ezer ez da pozoia, dena da pozoia: dosian dago aldea”.

“NORK DAKI

ZEIN IZANGO

DEN HURRENA

ERORTZEN?”

Page 15: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

Pasabide estuaG. I. A.

Estrada auzoaren bukaerako eta Izarraitz auzoaren hasierako pasabidea geroz eta estuagoa da, eta bertako bizilagunok be-

lar gainetik pasatu behar izaten dugu sarritan.

Horren arrazoiak bi dira: batetik, edukiontzi berdea, eta bestetik, gaizki aparkatutako autoak. Kristalen edukiontzia jartzea oso ondo iruditzen zaigu, baina ez dugu ulertzen zaborra biltzeko eremuaren hesitik kanpo jartzea. Hori gutxi balitz bezala, zaborrontziaren atzean autoak egoten dira aparkatuta, eta oso pasabide estua gelditzen da bizilagunentzat. Izarraitz auzoko bizilagunok eskertuko genuke eskatutako aldaketa horiek lehenbailehen egitea.

KEJIE TA DESDITXIE

Page 16: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

16 maxixatzen.eus

IZEN

A TA

DIZ

ENA

Ametsen antzokiko metsa gauzatuta

Asko dira bi astean behin herritik Anoetara Realaren partidak ikustera joaten direnak, baina etxeko berotasuna galdu egiten du taldeak Donostiatik irteten

denean. Eurree taldeak hemendik urrun sua eta horrekin batera berotasuna eskainiko dizkio hemendik aurrera. Andoni Elduaien Soraluze

Lehen txinpartak Azkoititik 1.146,94 kilometrora sortu ziren. 2013ko urriaren 23a zen, eta Realak eta berekin batera Manchesterreko Ametsen Antzokira joan ziren zortzi mila zale txuri-urdi-nek betea zuten amets bat. Realak Champions Leagueko neurketa zuen Manchester United talde ingelesaren aurka, eta hainbeste zaleren

artean azkoitiar batzuk ere joan ziren. Haien artean zen Iban Sudupe ere, Eurree taldeko burua. Orduan oraindik ez zen taldea sortua, eta, berrogei azkoitiarrekin batera, Zumaiako Algorri taldeak antolatutako bidaiaren partai-de izan zen.

“Bidaia hartan eman genuen lehen pausoa”, dio Sudupek. “Besteak egiteko gai izan baldin badira, zergatik ez guk

sortu geurea?”, gehitu du. Ideia gauzatzerako, ia bi urte pasatu dira. 2014. urteko abenduaren amaieran, Sudupek eta haren lagun batek urte berrirako erronkak egin zituz-ten, eta Suduperena talde edo peña bat sortzea izan zen. “Nik nire erronka bete nuen, baina nire lagunak ez”, dio, barrez.

2015eko urtarrilean hasi ziren lanean, eta, Realarekin hitz egin, dokumentazioa bildu eta hilaren 15ean Anoetara joaten diren lagun guztien onespenarekin, taldearen so-rrerarekin aurrera jarraitzea erabaki zuten. Eurree taldea handik hamaika hilabetera jaio zen, Azkoitiko Otarre jatetxean. Udaleko, Anaitasunako eta, nola ez, Realeko ordezkarien artean, 50 bat lagun bildu ziren ordukoan: Loren kirol zuzendaria, Jon Ansotegi eta Alberto De la

Page 17: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

IZENA TA DIZENA

Bella jokalariak eta zuzendaritzako kideak izan ziren han. Eurree taldeko kideek bideotxo batekin hasi zuten orduan aurkezpen ekitaldia; hain zuzen, haziak erein zi-tuzten lekuko irudiekin. Manchesterreko grabazioekin, bideo hunkigarria erakutsi zuten.

Askok galdetuko dute zergatik jarri dioten Eurree ize-na, baina horretan ez zuten arazorik izan. Whatsapp aplikazioan Anoetara joaten direnen artean talde bat dute, eta Eurree izenarekin dute egina lotura. “Reala-ri, talde ona izateko, borrokarako sena falta zaio”, dio Sudupek. “Azkoitian sen horri egurre esaten diogu guk, eta hortik dator esanahia”. Haien asmoa garbia da: tal-deari borrokarako sena sorrarazi nahi diote. Orain 25 kide dira taldean, eta ez soilik herritarrak: Azpeitiko, Debako, Mendaroko, Donostiako eta Lasarteko jendea ere badago.

“NIK NIRE ERRONKA BETE NUEN,

BAINA NIRE

LAGUNAK EZ”

Lehen irteera, VallecaseraUrte berriaren bigarren egunean egin zuen Eurree taldeak lehen irteera ofiziala. Realak Real Madrilen aurkakoarekin amaitu zuen Urtezaharra, eta berria Vallecasen hasi, Rayo Vallecanoren aurkako neurketan. Bigarren neurketa horretan, Azkoititik 42 hauspo joan ziren autobusez egindako bidaia hartan. Batzuek autoz egin zuten bidaia, Madrilen egun gehiago aprobetxatzearren, baina autobusez joan zirenak larunbat goizean abiatu ziren Azkoititik. Egunean zehar Madril ezagutu, eta igande eguerdiko 12:00etan zuten hitzordua Vallecasen. “Hasieran beldur ginen dena ondo irtengo zitzaigun edo ez, baina dena zoragarri joan zen”, azaldu du Eurree taldeko buruak. Bidaiak antolatzeak “ardura pixka bat eskatzen du, baina ondo irten zen dena zorionez”. Haren hitzetan, “esperientzia bikaina izan da; konturik tristeena emaitza izan zen”, dio, barrez, Sudupek. Reala bi aldiz egon zen atzetik markagailuan, baina azkoitiarrek emandako bultzadak puntu bat batzeko balio izan zuen.

Lehena egin ostean, beste irteera batekin dabiltza orain bueltaka. Ez dute baztertzen aurtengo denboraldian beste irteera bat egitea. “Asmoa denboraldi bakoitzean bi irteera egitea da”, esan du Sudupek.

Lehen esperientzia ondo joan dela ikusirik, Andaluziara egin nahi dute orain bidaia. “Sanchez Pizjuanera joatea gustatuko litzaiguke, Sevilla eta Realaren artekoa ikustera”, gehitu du. Apirileko lehen asteburuan izango da neurketa hori, eta “oraindik ezer egiteke daukagu”, azaldu du Sudupek. Lehen kilometroak egin ditu taldeak, eta haien alaitasuna eta kolore txuri-urdinei dieten maitasuna ikurisik, talde txuri-urdina lasai egon daiteke, urteetarako babesa baitu atzetik.

Eurree taldeko kideak, Vallecasera egindako bidaian.

Page 18: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

18 maxixatzen.eus

MAX

IXAT

ZEN

MAX

IXAT

UIEZ

BAZKIDE ORRIA: Proiektuko BAZKIDE izateko, bete ondorengo datuak:Izen-abizenak: Helbidea:Herria:Telefonoa:Helbide elektronikoa:Kontu zenbakia: Hiru aukera dituzu: 1- Bete orri hau eta bidali Kultur Etxea, 110 p.k. helbidera (edo sartu doan gure Kultur Etxeko postontzian)

2- Bidali datu guztiak honako helbide honetara: [email protected] 3- Bete maxixatzen.eus webguneko formularioa OHARRA: Datu babesakIzaera pertsonaleko datuak babesteko abenduaren 13ko 15/1999 Lege Organikoak xedatutakoa jarraituz, jakinarazten dizugu, xedearen arabera biltzen diren datuak Maxixatzen herri komunikabideko (Azkoitiko kultur etxea) titularitatepeko fitxategi automatizatu batean sartuko direla. Era berean, jakinarazten dizugu, eskubidea duzula datu horietara jotzeko, zuzentzeko baliogabetzeko eta aurkatzeko, eskubide hori Maxixatzen herri komunikabideko (Azkoitiko kultur etxea) Erregistro Orokorrera zuzendu ahal izango duzularik.

Urtean 25 euro, hilean 2 euro inguru

BAZKIDEEGIN NAHI?

257 gehiago gara!

Herri Komunikabidearen proiek-tuari ekin genionetik, 2015eko maiatzetik, 257 bazkide gehiago

gara Maxixatzenen, guztira 635. Eske-rrik asko guztioi zuen babesagatik.

Oraindik elkartea sendotzen jarraitu nahi dugu ordea. Bazkideon ekarpena eta babesa ezinbestekoa da proiektua elikatzen, aberasten, hazten jarraitze-ko. 2016ko maiatza amaierarako 800 izango al gara?

Zabaldu Maxixatzen zuen inguruan eta ziur lortuko dugula.

Erronka bota dugu, 800 baietz!

Urrategi Anduezak irabazi du Maxixatzeneko Tableta.

Maxixatzen.eus mugikorrerako egokitu dute.

Page 19: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

HAURRENGANAKO ERRESPETUAN OINARRITUZ HEZTEN

Azkoitiko Xabier Munibe Haur Eskola 2004. urtean zabaldu zen, eta Haurreskolak Partzuergoaren sare publikoan dago.

Haur eskolako zerbitzua goizeko 07:30etik arratsaldeko 17:00etara arte dago zabalik, eta gurasoak nahi duen ordutegia egin dezake tarte horretan, betiere legeak agintzen dituen zortzi orduak gainditu gabe. Bestalde, malgutasuna dute haur eskola ixteko ordua beharraren arabera atzeratzeko.

Haur eskola 8 gelaz osatua dago, eta 0-2 urte arteko haurrentzat da.

0-1 urtekoen gela gehienez zortzi haurrez osatua egoten da, eta 1-2 urtekoen gela hamahiru haurrez. Bakoitzak une oro bi hezitzaileren laguntza izaten du. Horrez gain, aire zabaleko bi espazio handi ditu, eta baita psikomotrizitatea lantzeko gela bat ere.

Haurrarenganako errespetuaUrte hauetan, bertako hezitzaile taldeak hobetu egin du lan egiteko

modua, hainbat prestakuntza jaso baititu eta horrek ematen duen esperientziaz baliatu baita. Lan ildo horren oinarria haurraren ongizatea bermatzea da, hau da, haurra haur eskolan lasai, seguru eta pozik sentitzea. Horretarako, haur bakoitzaren beharrak asetzen saiatzen dira, bakoitzaren erritmoa errespetatuz.

Haurraren erritmoa arlo guztietan errespetatzen dute: atsedenean, jatorduetan, higienean, baita mugimenduan ere.

Jarduera autonomoaHaurrak, bere kasa “atseginez eginez”, esperientzia ezberdinak bizitzen

ditu eta horrek garapen motor nahiz kognitibo orekatua lortzen laguntzen dio.

Haurrak momentu oro jolas librean ibiltzen dira, eta hezitzaileek espazioa eta materiala hainbat modutan aurkezten dute. Haurraren garapenaren arabera, era askotako materialak eskaintzen dituzte: hondar kutxa, jolas heuristikoa, aurre jolas sinbolikoa, altxorraren saskia… Haurra, gauzak manipulatuz, “ikasten” ari da une oro.

Harreman afektibo pribilegiatuaHelduaren eta haurraren arteko interakzio momenturik garrantzitsuena

gorputz zainketan datza. Momentu horietan (pixoihala aldatzean, jatean…), haurra eta heldua elkar ezagutzen hasten dira. Hezitzaileak haurrari adierazten dio nor den, zer pasatzen zaion, zer egiten dion eta berak zer egiten duen, bere ingurunea zein den eta abar. Horrela, haurrak beraren eta ingurukoen kontzientzia hartzen du.

Aire zabaleko bizitzaXabier Munibe Haur Eskolako hezitzaileek garrantzi handia ematen

diote aire librean eta naturarekin harremanetan bizitzeari. Garbi dute kanpoko espazioan dabiltzan haurrak ikasten ari direla.

Gure ingurunean eragin dezaketela ikasten dute, gauzak alda daitezkeela, eta, aldi berean, ekintza zehatz batean kontzentratzen ere ikasten dute.

Nahi den emaitza lortzeko arrazoitzen ikasten dute, eta sortzaileak izanik egoerei orijinaltasunez aurre egiten; gaitasun hori ezinbestekoa da une oro aldatzen dabilen mundu honetarako.

Bide horretatik, haurren garapen orekatua eta osoa lortzea dute helburu, eta horretan dihardute eguneroko jardunean.

Azkoitia Auzmendi bidea, z/gTel. 943 08 07 37 [email protected]

Page 20: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

HILA

BETI

N BE

GIX

ETAT

IKHI

LABE

TIN

BEG

IXET

ATIK

05

02

03

06

01

04

07

Page 21: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

01_ 64 Odol emaile gehiago Azkoitian 2015ean; guztira, 1609.02_ San Sebastian Eguna, Floreaga ikastetxean.03_ San Sebastian Eguna Xabier Munibe ikastolan.04_ Etxetxo baserrian Gabonetako jaiotza lapurtu dute.05_ Udalak herriko espaloiak garbitu ditu.06_ Elkargunean ikus-entzunezko materiala jarri dute.07_ Erregeen pajeek eskutitzak jaso zituzten.08_ Hiru Errege Magoak kabalkadan.09_ Eire Lopetegik, Ane Urteagak eta Maite Alberdik irabazi dute Patata Tortilla Lehiaketa.10_ 11 kanpin denda, 24 lo zaku eta 124 manta, errefuxiatuei bidaltzeko.11_ Txantxangorriaren irudia erabiliko da administrazioan euskara sustatzeko.12_ Eskualdeko turismo bulegora inoiz baino bisitari gehiago hurbildu dira.

HILABETIN BEGIXETATIK

12

11

08

10

09

Page 22: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

22 maxixatzen.eus

Kortxoenea itxi diguteireki Tabakaleraantza sormena eta sormenaez baitira gauza bera (bis)hiriburutza hasi berritandatozkit hainbat galderaikusle hutsak bilakatzeramugatzen baldin bagerazer pasatuko ote dabi mila eta hamazazpikourtarriletik aurrera? (bis)

Bi mila eta hamaseia nahizizan leiken abenturazubi gaineko berrehun argikeragin arren lilura (bis)mamia baino indar gehiagozhauspotzen dugu itxurairudimenak eta sorkuntzakgaindi dezakete mugaez ote da ba kulturageure txikitik ta egunero sortu dezakegun hura? (bis)

Doinua: Arratsalde on ta aupa zuek

Eneritz Artetxe Eizagirre

GAIA: Kultur hiriburutza

BERT

SOA

PAPE

REAN

Page 23: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

Elurra jaso eta izoztegietan edo elurzuloetan gor-detzeak garrantzia izan du aurreko mendeetan. Izoztegiak herriaren aberastasun ikurtzat har-tzen ziren garai haietan, eta azkoitiarrak ere saia-tu ziren urteetan herriko mendietan izoztegiak

prestatzen, bertatik ateratako izotza herriratu eta saltzen aritzeko. Izotzak, elikagai freskoak kontserbatzeko eta edari hotzez disfrutatzeko bide emateaz gain, erabilera terapeutiko asko izan ohi zuen. Esate baterako, kolera izurriteak eragindako eta bestelako sukarrak arintzeko erabiltzen zen, meningitisaren lasaigarri moduan, hemo-rragiak geratzeko, kolpe edo bihurduren ondorengo han-ditzeak arintzeko eta, olio tantekin nahasita, erredurak leuntzeko.

Izoztegietako lana oso gogorra zen. Harri landuekin eraikitako hormen artean, elurra ondo zapaltzen zuten izotz bihurtu arte; kapa desberdinen artean garoa, pago hostoak edo bestelako landareak sartzen ziren, kapaka bananduz asko errazten baitzen lana izotza ateratze-rakoan. Ondoren, izotza ez urtzeko, normalean gauez eta zakuekin bilduta garraiatzen zuten.

Herrian izoztegirik ez izanez gero, kostu handia eragiten zuen kanpotik izotza ekartzeak. Horregatik, udalerriek, izoztegiak prestatu edo horretan lagundu ondoren, enkantean jartzen zituzten, kontratu bidez baldintza batzuk ezarriz. Ohikoa zen bost urtetik gora

HARA!

Azkoitiko izoztegi zaharrakKepa Alberdi Egaña

alokatzea, eta ardura hori hartzen zuenak ondo bete behar zuen bere lana maiatzaren hasieratik urriaren erdira arte, izotzaren horniketan inoiz hutsik egin gabe. Izan ere, denbora horretan herriko izoztegian elurrik ez bazegoen, derrigortuta zegoen beste nonbaitetik elurra herriratzera.

Azkoitiko agintariek, 1655eko ekainaren 20an, Domingo de Aguirre Olazabal jaunari lizentzia ematea erabaki zuten, Olazabal de Suso landetxean izoztegi bat eraikitzeko. Urte batzuk geroago, 1672ko martxoan, Pedro Aguirre Uzin jaunak beste izoztegi bat egin zuen Uzin izeneko bere baserriaren ondoan, herriak eginiko eskaerari erantzunez. Kortatxo baserriaren lurretan ere baziren izoztegi txiki batzuk, eta 1702an herriak baimena eskatu zion baserriko nagusiari, beraiek erabiltzeko. Handik urte gutxira, 1713an, Aittola baserriko izoztegiak konpontzen aritu zen udala. Dena den, agintariek ikusten zuten izoztegi handi bat beharrezkoa zela herria izotzez ondo hornitzeko, eta, 1716an, Madariaga auzoan amaitu zen horren eraikuntza. Dokumentu zaharretan, Kerejetakoa deituriko izoztegia ere ageri da. 1725ean, agintariek izoztegi hura konpontzea erabaki zuten, eta 1761ean lanean jarraitzen zuen; urte horretan, izoztegirako bideak egokitu zituzte. Orain Kerizeta deitzen zaio.

Gaur egun, ordea, Azkoitiko mendietan izoztegi haien hondakinak bakarrik ikus ditzakegu.

Zelai Luze baserriko izoztegia.Aittola Zar baserriko izoztegia.

Page 24: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

24 maxixatzen.eus

BA A

L D

AKIZ

U?

Osagaiak:(6 pertsonarentzat, gutxi gorabehera)

36 pikillo piper 500 g buztan

(hezurrik gabe) Azenarioa Porrua Tipula Piper berdea Esnea (litro 1) Gurina (1,30 g) Irina (1,20 g) Patatak

uztana egosi, bigundu arte. Buztana nahikoa egosita dagoen edo ez jakiteko, hezurra kentzen saiatu. Hezurra erraz askatzen bada, haragia ongi egosita dagoela esan nahi du. Piperrak betetzeko denez, hezurrak kendu eta haragia gorde. Haragia egosi ondoren, egosteko erabili den ura gorde, ondoren saltsan erabili ahal izateko.

Saltsa egiteko, tipula, azenarioa eta porrua txiki-txiki moztu, eta kazuela batean potxatu. Gatza bota, bakoitzaren gustura. Ondoren, dozena bat pikillo piper bota kazuelara, zapore pixka bat emateko. Sobera geratu den ura bota, eta, egosi ondoren, saltsa guztia birrindu. Oso fina geratu baldin bada, irina edo arto irina bota saltsari, loditzeko.

Betegarria egiteko, piper berdea, tipula eta azenarioa txiki-txiki moztu, eta zartagin edo ontzi batean potxatu. Azena-rioa, tipula, porrua eta piperra nork bere gustura egin. Behin guztia potxatu denean, haragiarekin nahastu.

Betegarriarekin amaitzeko, bexamela egitea falta da. Horretarako, litro bat esne, 1,30 gramo irin eta 1,20 gramo gurin nahastu. Lehenengo, gurina ontzi batean jarri behar da urtu arte, su apalean; ondoren, irina bota eta ondo nahastu gu-rinarekin, bueltak emanez, eta, azkenik, esne oso beroa bota irinari, pikorrik ez ateratzeko. Hori guztia ondo nahastu behar da ore bihurtu arte, eta hozkailuan utzi hozten 30-60 minutu bitartean. Azkenik, bexamela haragiarekin nahastu eta, koilara edo pastelgintzako mahuka baten laguntzarekin, piperrak bete.

Plater landuagoa egin nahi izanez gero, patata kremarekin osa dezakegu. Horretarako, patatak egosi eta, ondo bigun-duta daudenean, esnegaina edo esnea bota eta birrindu.

- ERREZETA -

Idi buztanez beteriko piperrakLaida Beristain Zubizarreta

Eneko Etxaniz eta Mikel Antsorregi

Page 25: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

maxixatzen.eus

ESKURE KOM

ENIEZ

ETZ

TOPA

U!

TELEFONO INTERESGARRIAK:

Udaletxea Udaltzaingoa Suhiltzaileak Epaitegia (Azpeitia) Azkoitia Lantzen Iraurgi Berritzen Abarketatxo ludoteka Artxamendi Gaztelekua(GIB) Zubiaurre Elkargunea KIUB KZ Gunea Ertzaintza San Martin ondareguneaMusikagunea Anbulatorioa Plaza Ondo Jubilatuen EtxeaBake Epaitegia San Jose Egoitza Aizkibel liburutegia AEK Baztartxo Gurutze Gorria DYALanbide (Azpeitia) SOS Deiak Txerloia Futbol Zelaia Gurea pilotalekua Torre Zuri erakustokia Txerloia Tenisa Kultur Etxea Postetxea Gipuzkoako Urak Xabier Munibe haur eskola Xabier Munibe ikastola Floreaga ikastetxea BiziloreUrola Ikastola BHI Garbigunea Mankomunitatea Tamaina handiko trasteakjasotzeko zerbitzuaAldalur Eusko TrenLa GuipuzcoanaPESAPiper elkarteaTaxiak

943 08 00 80943 85 71 71112943 02 51 91943 85 71 51943 85 08 43943 02 60 27

943 85 60 27943 85 25 44943 85 73 05943 02 36 19943 08 37 80943 85 71 70943 85 10 70943 00 76 10

943 85 21 68943 85 15 97943 85 13 23943 85 08 98943 15 10 89 943 85 19 86943 85 32 97943 46 46 22943 15 04 02112943 85 20 61943 85 36 39943 85 71 70669 62 18 02943 85 71 70943 85 33 93943 85 08 83943 08 07 37943 85 06 46943 85 30 43637 70 57 20 943 85 21 74696 67 64 56943 85 73 19

943 45 98 74943 85 27 18902 54 32 10943 85 11 59943 21 26 99943 85 25 87943 85 10 20

AzkoitiA: Jaen 943 85 07 85

AzpeitiA: Jakome 943 08 02 58

AzkoitiA: Gisasola 943 85 12 35

AzkoitiA: Azpiazu 943 85 29 89

AzkoitiA: Mendiola 665 49 67 44

egunez: 09:00 - 22:00

gAuez: 22:00 - 09:00

Farmaziak (otsaila)

Non dago Zakelmari?

Urtarrileko aldizkarian Zakel-mari non ezkutatuta ze-goen asmatu behar zen:

11. orrialdean zegoen. Asmatzai-leen artean zozketa egin ondoren, Saioa Arrizabalagak irabazi du Odriozola ardotegiaren saskia.

Datorren hilean Jausoroko Ogi Berri okindegiaren zortzi pertsonarentzako tarta zozka-tuko du Maxixatzenek Zakelmari aurkitzen dutenen artean. Bidali erantzuna otsailaren 18a baino lehen, Kultur Etxeko postontzira edo [email protected] helbide elektronikora.

Sorpresa!Oingun tartie!!!

5, 6, 7, 29. Martxoa: 1, 2, 3, 4, 5

11, 12, 16, 17, 22, 27, 28

9, 10, 15, 20, 21, 25, 26

8, 13, 14, 18, 19, 23, 24

Urte osoan irekita.

Garmendia auzunea, 19

Saioa Arrizabalaga, urtarrileko irabazlea.

Page 26: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan

26 maxixatzen.eus

AGEN

DIE

OTSAILA

05

13

20

14

28

Elkargunean, 21:30ean:

“ Declaración de Guillermo” monologoa (Bernardo Atxagaren relato bat). (Gaztelaniaz)

09:00etan, Orion elkarteak antolaturik, Oilagor txapelketa, Patxi Larzabal memoriala.Herriko Plazan, 23:00etan, Tabernarien elkarteak antolaturik, ENKORE etaMONDOKANE taldeen kontzertua.

Baztartxo antzokian, 12:30ean, Musika Bandaren kontzertua.

Bizkargi Musika eskolako XVII. Taldez Talde. Kontzejupean, 13:00etan,FOLK MUSIKA eta DANTZA.

Otsailak 5:Paulina

Otsailak 19-20-21 eta 22:

la gran aPuesta

Otsailak 7 eta 8:la quinta Ola

Otsailak 21:alvin y las ardillas

Otsailak 7:PaPerezkO hegazkinak

Otsailak 26-27-28 eta 29:

la verdad duele

Otsailak 12-13-14 eta 15:

el renacidO

ZINE KARTELDEGIA (Baztartxo)

16:00etan: Eskoletako umeen KALEJIRA.17:00etan: Herriko Plazan, umeentzako MERIENDA.17:00etan: Herriko Plazan, umeentzako dantzaldia EGAN taldearekin.17:00etatik 19:00etara: Abarketatxo Ludotekan hezitzaileekin INAUTERI FESTA nahi duenarentzat.21:30etik 23:30era: Elkargunean 12-17 urte bitarteko gazteentzat Disko Festa DJ Xabirekin eta MOZORRO LEHIAKETA. Sariak egongo dira.

18:15ean: SORGINAK kale ikuskizuna Herriko Plazatik abiatuta. 19:00etan: AZKOITIKO MUSIKA BANDAren kalejira.19:30ean: TXALKOR TXISTULARI taldearen kalejira. 22:30ean: DJ XABI Herriko Plazan.00:30ean: Herriko Plazan, Mozorro Lehiaketaren SARI BANAKETA.

06

INAUTERIAK

Odol ateraldiaOdol emaileek otsailaren 15ean izango dute hitzordua, 17:00etatik 21:00etara, Berdura plazan.

Page 27: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan
Page 28: GALDETU AHALA ERANTZUNElkarlanaren eredumaxixatzen.tok-md.com/pdf/351.alea_webguneako_banaka.pdf4 maxixatzen.eus IRITZIXE E uskal zinemagintza bere garai onenean aurkitzen dela esan