1

GENERO INDARKERIAREN ESPARRUKO URRUNTZE AGINDUEN SEGIMENDUA BITARTEKO TELEMATIKOEZ EGITEKO JARDUERA PROTOKOLOA EZARTZEKO JUSTIZIA MINISTERIOAREN BARNE-ARAZOETARAKO MINISTERIOAREN, BERDINTASUN MINISTERIOAREN, BOTERE JUDIZIALEKO KONTSEILU OROKORRAREN ETA MINISTERIO FISKALAREN ARTEKO AKORDIA

Madril, 2009ko uztailaren 8a

BATZARTU DIRENAK

Francisco Caamaño Domínguez jauna, Justizia Ministroa, otsailaren 13ko 240/2009 Errege Dekretu bidez aipaturiko Ministerioaren izenean eta ordezkapenean izendatua, Estatuko Administrazio Orokorreko Antolamendu eta Funtzionamendurako apirilaren 14ko 6/1997 Legearen 13.3. artikuluan ezarritakoaren arabera, Alfredo Pérez Rubalcaba jauna, Barne-arazoetarako Ministroa, apirilaren 12ko 436/2008 Errege Dekretu bidez aipaturiko Ministerioaren izenean eta ordezkapenean izendatua, Estatuko Administrazio Orokorreko Antolamendu eta Funtzionamendurako apirilaren 14ko 6/1997 Legearen 13.3. artikuluan ezarritakoaren arabera, Doña Bibiana Aído Almagro andrea, Berdintasun Ministroa, apirilaren 12ko 436/2008 Errege Dekretu bidez (hilaren 14.eko BOE) aipaturiko Ministerioaren izenean eta ordezkapenean izendatua, Estatuko Administrazio Orokorreko Antolamendu eta Funtzionamendurako apirilaren 14ko 6/1997 Legearen 13.3. artikuluan ezarritakoaren arabera, Inmaculada Montalbán Huertas andre txit gorena, Botere Judizialeko Kontseilu Orokorreko Batzordekidea, beronen ordezkapenean, aipaturiko Organoko Presidenteak ekitaldi honetarako berariaz ordezkaritza emanda.

2

Soledad Cazorla Prieto andre txit gorena, Emakumearen kontrako Indarkeriaren kontrako Fiskaltzaren Aretoko Fiskala, Ministerio Fiskalaren ordezkapenean, Estatuko Fiskal Orokorrak ekitaldi honetarako berariaz ordezkaritza emanda.

ADIERAZTEN DUTE Lehenengoa. Genero Indarkeriaren kontrako Babes-neurri Integralen abenduaren 28ko 1/2004 Lege Organikoak (aurrerantzean Lege Integrala) duen helburua ondokoa dela: diskriminazio adierazpen gisa, ezberdintasun egoera gisa eta gizonek emakumeekiko duten botere harreman gisa ageri den indarkeriaren kontra jardutea; emakumeen kontrako indarkeria hau euren bikotekideek edo bikotekide ohiek erabiltzen dute edo baita emakumeokin, elkarbizitzarik izan ez arren ere, antzeko harreman afektiboa duten edo izan duten gizonek ere. Bigarrena. Lege Integralak bere 32.1. artikuluan ondokoa ezartzen duela: “botere publikoek genero indarkeriadun gertakarien prebentzio, laguntza eta jazarpenera zuzenduriko jarduerak agintzea bermatzen duten lankidetza planak garatuko dituzte, eta Osasun Administrazioak, Justizia Administrazioak, Segurtasun Indar eta Gorputzak eta gizarte-zerbitzuak eta berdintasun erakundeak inplikatu beharko dituzte planotan".

Hirugarrena. Kode Penaleko 48.4. artikuluak ondokoa ezartzen duela: epaile edo auzitegi batek biktimarengana hurbiltzea debekatzeko zigorra adosten duenean, halaber, aipaturiko neurri honen kontrola "ahalbidetzen duten bitarteko elektronikoen" bidez burutzea agindu ahal izango du. Gorputz legal beraren 57. artikuluak aukera bera ezartzen du falta bat burutzeagatik jarritako hurbiltzeko debeku zigorren balizko kasuetarako. Laugarrena. Lege Integralaren 64.3. artikuluak urruntze neurrien haustea berehala baieztatzeko egokiak diren tresna teknologikoen erabilera adostu ahal izango dela aurreikusten duela. Modu honetara, hasiera batean zigortuengan burutzeko aurreikusitako mekanismook erabiltzeko aukera beste esparru batera ere zabaltzen da: Lege Integralaren alorrean genero indarkeriagatiko prozeduretan ezarritako kautelazko izaeradun urruntze neurrien kontrolera, alegia.

Bosgarrena. 2008ko azaroaren 21ean Ministro Kontseiluak Berdintasun Ministroari, eta Justizia eta Barne-arazoetarako Ministroei eman ziela genero indarkeriazko erasotzailearen hurbiltzea detektatzeko gailu elektronikoak ezartzeko beharrezko neurriak hartzeko ardura, Genero Indarkeriaren kontrako Babes-neurri Integraleko 1/2004 Lege Organikoaren 64.3. artikuluan

3

ezarritakoaren arabera epaileek adostutako urruntze neurriak bermatzeko. Seigarrena. Ministro Kontseiluko Akordioa betez, Berdintasun Ministerioak martxan jarri duela genero indarkeria alorreko urruntze neurrien segimendua bitarteko telematiko bidez egiteko sistema bat. Zazpigarrena. Sistemaren guztizko eraginkortasunerako egoera hauetan esku hartzen duten pertsonen partaidetza eta jarduera aurreikusten duen Protokolo baten beharra dagoela, eta baita aipaturiko pertsonok Protokoloaren funtzionamendua eta birtualtasuna ezagutzeko beharra ere, balizko kasu bakoitzean egin beharreko esku-hartzea egokia izan dadin.

Halaber, sistema berri honen funtzionamendu egokiak eta berau modu egokian ezartzeak babes neurriak hartu eta kontrolatzeko prozeduran parte hartzen duten hainbat erakunderen arteko jarduera bateratua eskatzen du.

Zortzigarrena. Helburu horrekin, parte guztiek adierazten dute Akordio hau formalizatzeko borondatea ondoko klausuletara lotuz:

KLAUSULAK

Lehenengoa: Helburua

Akordio honen helburua Justizia Ministerioaren, Barne-arazoetako Ministerioaren, Berdintasun Ministerioaren, Botere Judizialeko Kontseilu Orokorraren eta Ministerio Fiskalaren arteko jarduera bateraturako markoa ezartzea da genero indarkeria alorreko urruntze neurrien segimendua bitarteko telematikoen bidez burutzeko sistema ezartzeko, erantsitako Protokoloaren arabera.

Bigarrena: Parteen konpromisoak

Parteek Akordio honen helburuak eraginkortasunez betetzeko beharrezkoak diren jarduera eta neurriak eurei dagokien eskumen esparruan koordinazioz garatzeko konpromisoa hartzen dute.

4

Hirugarrena: Segimendu Batzordea Batzorde bat eratzen da, akordio honen aplikazioa bultzatzeko eta beronen segimendua burutzeko, eta baita Protokoloak ezarritako genero indarkeria alorreko urruntze neurrien segimendua bitarteko telematikoen bidez burutzeko sistema ezartzeko beharrezkoak diren akordioak hartzeko ere; Batzorde hau bost kidek osatuko dute: kideok sinatzen duten parteek izendatuko dituzte eta euron ordekari izango dira. Halaber, Batzorde honen ardura izango da organo judizialek adostutako urruntze neurrien kontrol telematikoaren eraginkortasuna bermatzeko koordinazio tresna egokiak hartzea. Batzordeak bere barne funtzionamendurako arau propioak ezarriko ditu, nahiz eta aplikazio osagarrizkoa izango den Administrazio Prozedura Komunaren eta Administrazio Publikoen Erregimen Juridikoaren azaroaren 26ko 30/1992 Legearen II. Tituluaren II. Atalburuan Organo Elkargokideen inguruan ezarritakoa. Segimendu Batzordea urtean behin batzartuko da izaera arruntarekin eta, gainera, edozein partek batzartzea eskatuko balu ohiz kanpoko izaerarekin bilduko litzateke. Protokoloren interpretazioa dela eta edota beronen aplikazioa dela eta sor daitezkeen balizko eztabaidak elkarren arteko akordio bidez konponduko dira segimendu Batzordean. Akordiorik lortzen ez den kasuetan, indarrean dagoen araudian ezarritako 10 xedapenen arabera konponduko dira eztabaidak. Laugarrena: Komunitate Autonomoen ekarpena Segimendu Batzordeak Komunitate Autonomoek Protokoloan aldi baterako txertatzeko egiten dituzten iradokizunak aztertuko ditu.

Bosgarrena: Iraunaldia

Akordioa hau sinatu osteko egunean sartuko da indarrean, urtebeteko iraunaldia izango du eta automatikoki berrituko da denbora-tarte berbererako, baldin eta parteren batek iraunaldia amaitu baino hilabete bi lehenago salatzen ez badu.

Seigarrena: Erregimen Juridikoa

5

Akordio honek jatorri juridiko-administratiboa du, bere hitzarmen propioen eta administrazio legediko irizpide eta arauen bidez gidatuz. Zazpigarrena: Iraungitzeko arrazoiak Akordio hau konplimenduz, ebazpen bidez, elkarren arteko akordioz, betetzeko ezintasunagatik edo ezinbestez iraungiko da.

Eta adostasun froga gisa, Akordio hau bost aldiz sinatzen da goian adierazitako data eta lekuan.

JUSTIZIA MINISTROAK BARNE-ARAZOETARAKO MINISTROAK

Francisco Caamaño Domínguez Alfredo Pérez Rubalcaba

BERDINTASUN MINISTROAK BOTERE JUDIZIALEKO KONTSEILU

OROKORRAK

Bibiana Aído Almagro Inmaculada Montalbán Huertas

MINISTERIO FISKALAK Soledad Cazorla Prieta

6

GENERO INDARKERIA ALORREKO URRUNTZE

NEURRIEN KONPLIMENDURAKO BITARTEKO

TELEMATIKO BIDEZKO SEGIMENDU SISTEMA

EZARTZEKO JARDUERA PROTOKOLOA

Genero Indarkeriaren kontrako Babes-neurri Integralen abenduaren

28ko 1/2004 Lege Organikoaren 64.3. artikuluak ondoko aurreikusten du:

organo judizialek genero indarkeriagatiko prozeduretan ezarritako kautelazko

izaeradun urruntze neurrien kontrolerako egokitutako tresna teknologikoen

erabilera adosteko aukera izatea.

Berdintasun Ministerioak, 2008ko azaroaren 21eko Ministro

Kontseiluko Akordioa betez, “Genero Indarkeria Alorreko Urruntze Neurrien

Bitarteko Telematiko bidezko Segimendu Sistema” (aurrerantzean Sistema)

martxan jarri du, eta beronen helburu nagusiak biktimaren segurtasuna eta

babesa hobetzea eta beronen oneratzeari ekin ahal izateko konfiantza sortzea

dira.

Sistemak genero indarkeriagatiko prozeduretan beharrezkotzat jotzen

direnean ezartzen diren kautelazko urruntze neurriak betetzen direla

baieztatzea ahalbidetuko du, Agintaritza Judizialak, bere kasuan, ezarritako

ildo eta arauen arabera eta Protokolo honetan ezarritakoen arabera. Era

berean, ezarritako neurrien betetzeari edo ez betetzeari loturiko gertakarien

inguruko informazio gaurkotua eta une orokoa eskainiko du Sistemak, eta

baita zaintzarako erabilitako elementuen funtzionamenduan izandako balizko

arazoen informazioa ere, bai ustekabeko arazoenak eta bai nahita

eragindakoenak.

7

Segurtasunaren testuingurua Sistema honen bitartez hobetzeak hiru oinarrizko

ondorio bilatzen ditu:

� Biktimak bere segurtasunerako duen eskubidea eraginkor

bihurtzea

� Urruntze neurriaren balizko haustea dokumentatzea

� Erasotzailea konbentzitzea

Polizia Judizialaren Koordinaziorako Batzorde Nazionalaren Batzorde

Teknikoak bere 2009ko uztailaren 6ko batzarrean onartutako Protokolo honen

helburua Sistemaren eraginkortasun osoa bermatu eta homogeneizatzea da,

xede horretarako egoera hauetan esku hartzen duten pertsonen arteko

komunikazio eta jardueretarako jarraibide orokorrak ezarriz, eta baita esku

hartzen duten pertsonok beronen funtzionamendua eta birtualtasuna ezagutzen

dutela bermatuz ere, kasuan kasuko esku hartzea egokia izan dadin.

1. HURBILTZEA DETEKTATZEKO TRESNAK INSTALATZEKO JARDUERAK.

1.1 Instalazio aurreko jarduerak:

1.1.1. Ezarritako urruntze kautela-neurria sistema bidez kontrolatzea adosten duen organo judizialaren ebaspena.

Kontrol Zentroak gailuen erabilgarritasuna une oro ziurtatu ahal izateko prozedura bat izango du.

1.1.2. Neurria adosten duen Ebaspen judizialaren berri ematea Segurtasun

Indar eta Gorputzei. Idazkaritza Judizialak berehalakotasunez eta 24 orduko gehiengo epearen barruan eman beharko dio Ebaspenaren berri lurraldetasunaren arabera eskumena duten Segurtasun Indar eta Gorputzei eta lurralde bakoitzean izendatutako harrera puntu zentralizatuei, bide telematikoz edo fax bidez; eta berau jaso dutela ziurtatu beharko da.

8

1.1.3. Neurria adosten duen Ebaspen judizialaren berri ematea Kontrol Zentroari: Idazkaritza Judizialak hurbiltzea detektatzeko sistema teknologikoa ezartzea adostu duen ebaspenaren berri emango dio berehala Kontrol Zentroari, eta baita neurria betetzeko ezinbestekoak diren datuen berri ere, ebaspena eta bere edukia hartu izana adieraziz. Kontrol Zentroak biktimaren eta akusatuaren datuak sartu beharko ditu sisteman, eta baita biktimaren babesaren ardura duen gorputz polizialaren datuak eta neurria indarrean egongo den hitzartutako denbora tartea ere, organo judizialak emandako informazioaren arabera.

Aurreko abisua jaso ostean, Kontrol Zentroak instalatu behar diren gailuen prestaketarako zerbitzuaren eskaera egingo dio berehala enpresa instalatzaileari. Ondoren, Kontrol Zentroak biktimarekin harreman pertsonala izango du biktimarentzako gailuen (BG) instalaziorako unea eta lekua adosteko; harremanetarako beste pertsona batzuen inguruko informazioa eskatuko dio (senitartekoak, eta abar), eta sistemaren funtzionamenduaren inguruko edozein zalantza argituko dio. Neurria betetzeko beharrezkoa den kasuetan, Kontrol Zentroak biktimaren babesaren ardura duen gorputz polizialaren inguruko datu osagarriak eskatuko ditu.

1.2 Hurbiltzea detektatzeko gailuen instalazioa.

1.2.1. Kontrol Zentroak hurbiltzea detektatzeko sistema erabiltzea adosten duen ebaspenaren berri jasotzen duen unetik aurrera, 24 orduko gehiengo epearen barruan, instalazioaz arduratzen den enpresako langileek ekipamendua instalatu eta biktimari eskura emango diote, beronen funtzionamendua azalduz eta berau mantentzeko oinarrizko arauak ere azalduz, eta, gainera, gailuen erabilerarako dagokion dokumentazioa emango diote.

Biktimari beti emango zaio BG-a akusatuarentzako gailuaren (AG) instalazio egin aurretik.

BG-a, ahal izanez gero, biktimaren bizilekuan bertan eskura emango da. Hau posible ez den kasuetan, egoitza judizialean edota bere bizilekutik gertuen dagoen polizia egoitzan emango zaio, ahal

9

den neurrian biktimaren iradokizunei kasu eginez.

Biktimak idatziz jasota utziko du BG-a eman diotela, beronen funtzionamendua azaldu diotela eta berau mantentzeko oinarrizko arauak azaldu dizkiotela, azalpen guzti horiek ulertu dituela eta bere oniritzia ematen duela datu pertsonalen babeserako araudian aurreikusitako helburuetarako.

1.2.2 Neurria ebatsi zuen organo judizialaren egoitzan jarriko zaio AB-a akusatuari, beronek jakinarazpena jaso ostean eta agintaritza judizialak adostutako epearen barruan. Leku berean aurkeztuko dira instalazioaz arduratzen den enpresako langileak gailu hau jartzeko, eta horretarako, organo judizialak Kontrol Zentroari AG-a instalatzeko aurreikusitako data eta orduaren berri emango dio.

Akusatuak idatziz jasota utziko du AB-a eman diotela, beronen funtzionamendua azaldu diotela eta berau mantentzeko oinarrizko arauak azaldu dizkiotela, eta azalpen guzti horiek ulertu dituela.

1.2.3 Arestian aipaturiko jarduerok burutu ostean, Kontrol Zentroak sistema instalatu denaren berri emango dio berehala biktimaren babesaren ardura duen gorputz polizialari, bide telematikoz edo fax bidez, biktimak jaso duen BG-aren azalpena eta ulermenaren eta akusatuak jaso duen AG-aren azalpena eta ulermenaren sinatutako kopia bana erantsiz.

2. ABISUEN KUDEAKETA.

Sistemak sortzen dituen abisuak bi motatakoak dira: alarma eta alerta, arrisku handienetik txikienera mailakatuta. 2.1. Alarmak:

2.1. Arazo tekniko larria: sistemaren edozein osagarriri eragiten dion eta bere funtzionamendua bertan behera gelditzea suposatzen duen arazo oro.

2.1.2 Akusatua baztertze gunean sartzea. 2.1.3 Biktimarengana hurbiltzea eta baztertze gunera hurbiltzea kokapen

10

sistemaren estaldura galduz.

2.1.1. Arazo tekniko larria:

Segurtasun Indar eta Gorputzei berri ematea Kontrol Zentroak arazoaren berri emango dio biktimaren babeserako ardura duen gorputz polizialari.

Kontrol Zentroak harremana mantenduko du eskumena duen Unitate polizialarekin arazoaren konponketaren garapenari buruzko informazioa eskaintzeko helburuarekin.

Babeserako operatibo poliziala beharrezkoa den guztietan aktibatuko da eta, nolanahi ere, besokoa apurtzen denean, apurtu ez arren besokoa ateratzen denean, besokoa 2Track unitatek bereizten denean edota AB-aren bateria deskargatzen denean.

Arazoaren konponketarako akusatuarekin egotea beharrezkoa den kasuetan, Kontrol Zentroa eskumena duen unitate polizialarekin harremanetan jarriko da arazoa konpontzeko akusatua polizia egoitzaren batera joatea beharrezkoa ote den erabakitzeko. Kasu horretan, Kontrol Zentroak akusatuari zein polizia egoitzatara joan behar duen azaldu beharko dio.

Akusatuak arazoaren konponketan kolaboratzeari uko egiten dion kasuetan, eskumena duen unitate polizialak neurria ebatsi zuen organo judizialari honen berri emango dio berehala, edo bestela, guardia epaitegiari eman beharko dio abisua honek dagokiona adostu dezan, edonola ere, dagozkion babes neurri polizialak aktibatuz. Biktimari berri ematea Kontrol Zentroak biktimari sistemaren akatsaren berri emango dio, Segurtasun Indar eta Gorputzek akatsaren berri jaso dutela ere azalduz. Behin arazoa konpondu ostean, Kontrol Zentroak konponketaren berri emango dio biktimari, eta arazoaren berri beste instantzia batzuei ere eman zaien kasuan horiei ere konponketaren berri emango zaie.

2.1.2 Akusatua baztertze gunean sartzea.

11

Segurtasun Indar eta Gorputzei berri ematea Kontrol Zentroak arazoaren berri emango die lurraldetasunagatik eskumena duten Segurtasun Indar eta Gorputzei dagozkien larrialdi telefonoen bidez (091, 062 eta polizia autonomiko eta lokalei dagozkienak) eta baita biktimaren babesaren ardura duen unitate polizialari ere.

Kontrol Zentroak harremana mantenduko du eskumena duen Unitate polizialarekin akusatuaren eta biktimaren kokapena emateko helburuarekin. Babeserako operatibo poliziala aktibatuko da berehala. Biktimari berri ematea Kontrol Zentroa biktimarekin harremanetan jarriko da bere egoera eta kokapenaren berri izateko eta bere egoerarako egokienak diren jarraibideak eskaintzeko; dena dela, eskumena duen unitate polizialak autobabesaren inguruko informazioa zuzenean eman beharko dio biktimari. Biktimari jarraibide egokienak eskaintzek xedearekin, eskumena duen Unitate polizialak akusatuaren egoerari buruzko informazioa emango dio Kontrol Zentroari. 2.1.3. Biktimarengana hurbiltzea eta baztertze gunera hurbiltzea

kokapen sistemaren estaldura galduz. Kokapen sistemak estaldura aldi batez galtzen duen kasuetan, kasuan kasuko baldintza zehatzek horrela eskatzen dutenean, Kontrol Zentroak arazoaren berri emango dio lurraldetasunez eskumena duten Segurtasun Indar eta Gorputzei larrialdietarako telefonoen bidez (091, 062 eta polizia autonomiko eta lokalari dagozkienak) eta baita biktimaren babesaren ardura duen unitate polizialari ere, babeserako operatibo poliziala aktibatzeko helburuarekin.

Estaldura berreskuratu bezain laster, Kontrol Zentroak berehala emango die beronen berri biktimaren eta akusatuaren kokapenerako polizia unitateei.

2.2. Alertak:

2.2.1. Arazo tekniko arina: sistemaren edozein osagarriri eragiten dion eta bere funtzionamendu anormala suposatzen duen arazo oro, nahiz eta ez duen bere funtzionamendua geldiarazten.

2.2.2. Akusatua baztertze gunera hurbiltzea.

2.2.3. Biktimak izuaren botoia sakatzea.

12

2.2.1. Arazo tekniko arina Izaera orokorrarekin, arazo tekniko arin bat izatean Kontrol Zentroak ez du berehala arazo arin horren berri eman beharko. Hala eta guztiz ere, arazo tekniko larrientzako aurreikusitakoen arabera jokatuko da arrisku egoeraren bat egon daitekeela uste denean.

2.2.2. Akusatua baztertze gunera hurbiltzea Kontrol Zentroa akusatuarekin harremanetan jarriko da berau baztertze gunera hurbildu delako gune horretan berehalako sarrera egin beharra dagoela uste izaten denean, hain zuzen ere berehalako sarrera hau saihesteko asmoz.

Sarrera burutzen baldin bada, egoera alarma egoera gisa izendatuko da eta 2.1.2. atalean aurreikusitakoen arabera jokatuko da.

2.2.3. Biktimak izuaren botoia sakatzea Kontrol Zentroa biktimarekin harremanetan jarriko da nahi gabeko deia izan den ala arrisku egoeragatiko deia izan den egiaztatzeko. Harremanetan jartzea lortzen ez denean zein arrisku egoeran dagoela egiaztatzen denean, 2.1.2. atalen alarma kasuetarako aurreikusitakoen arabera jokatuko da.

2.3. Alarma mota guztientzako neurri komunak:

2.3.1 Alarma bat sortzen denean, Kontrol Zentroak txosten bat egingo du

eskumena duen unitate polizialari, Agintaritza Judizialari eta Ministerio Fiskalari igortzeko, esku hartu duen unitate polizialak, bere kasuan, egin behar lukeen atestatuari kalterik egin barik.

3. SEGIMENDU NEURRIA ETETEA ETA KONTROL TEKNOLOGIKORAKO GAILUAK KENTZEA

3.1. Idazkaritza Judizialak neurria etetea adostu duen ebaspen judizialaren

berri emango dio, berehalakotasunez eta 24 orduko gehiengo epearen barruan, lurraldetasunaren arabera eskumena duten Segurtasun Indar eta Gorputzei eta lurralde bakoitzean izendatutako harrera puntu zentralizatuei, bide telematikoz edo fax bidez; eta berau jaso dutela ziurtatu beharko da.

3.2. Idazkaritza Judizialak segimendua etetea adostu duen ebaspenaren berri

emango dio berehala Kontrol Zentroari, ebaspena eta bere edukia hartu izana adieraziz.

13

Behin aipaturiko komunikazioa jaso ostean, instalazioaz arduratzen den enpresako langileek ezarritako gailuak kentzeari ekingo diote, organo judizialak ezarritakoen arabera.

3.4. Akusatuari egoitza judizialean kenduko zaizkio gailuak. Biktimaren kasuan,

bere bizilekuan, egoitza judizialean edota bere bizilekutik gertuen dagoen egoitza polizialean kenduko zaizkio gailuak, ahal den neurrian biktimaren iradokizunei kasu eginez.

3.5. Behin gailuak kendu ostean, Kontrol Zentroak gailuen kentzearen berri

emango dio berehala agintaritza judizialari eta biktimaren babeserako ardura duen unitate polizialari.

4. KONTROL TEKNOLOGIKORAKO GAILUAK ALDI BATERAKO KENTZEA

4.1. Agintaritza judizialak adostuko du arrazoi medikoengatik, segurtasun

arrazoiengatik eta espetxean edota ziegan sartzeagatik gailuak aldi baterako kentzea, eta instalazioaz arduratzen den enpresako langileek burutuko dute aipaturiko gailuen kentzea, baimentzen duen ebaspenean ezarritakoen arabera. Era berean, gerora berriz ere instalatzeko, agintaritza judizialak erabakitakoaren arabera jokatuko da.

4.2. Arestian aipaturiko balizko kasuetan, gailuak berehala kentzea eskatzen

duten larrialdizko arrazoiak suertatzen direnean, esku hartzen duen edota gertakarien berri duen unitate polizialak gailuak kentzearen inguruko eta horretarako arrazoien inguruko informazioa emango dio ahalik eta azkarren neurria ebatsi zuen epaitegiari, eta honen berri emango dio kontrol zentroari. Gailuak kentzeko arrazoi izan zirenak desagertzen direnean, eskumena duen unitate polizialak horren berri emango dio neurria ebatsi zuen epaitegiari, edo besterik ezean, guardia epaitegiari, honek dagokiona adostu dezan. Azken kasu honetan, unitate polizialak guardia epaitegiak adostutakoaren berri emango dio neurria ebatsi zuen epaitegiari.

4.3. Nolanahi ere, eskumena duen gorputz polizialak biktimaren babeserako

beharrezkoak diren neurriak hartuko ditu.

14

ERANSKINA. SISTEMAREN OSAGARRIAK.

1. AKUSATUARENTZAKO GAILUAK (AG)

Akusatuak bere gorputzari atxikitako transmisorea eta GPS bidezko arakatze-unitatea izango ditu soinean.

1.1 Gorputzari atxikitako Radiofrekuentziazko Transmisorea (RF)

Transmisorea akusatuaren eskuturrean edo orkatilan modu seguruan lotuta egongo da manipulazioa detektatzen duen uhal baten bidez. Transmisorea arakatze-gailuarekin uztartzen da eta radiofrekuentzia (RF) seinaleak igortzen ditu berehala, akusatuak GPS bidezko arakatze-gailua soinean daramala egiaztatzeko erabiltzen direnak. Litiozko baterien bidez hornitzen da transmisorea, eta 6 hilabetetan zehar funtzionamendu osoan aritzeko bizitza baliagarria du. “Bateria baxua” egoera gutxi gora behera bateria guztiz gastatu aurretiko 7 eta 10 egunen artean ezarri eta transmititzen da. Behin transmisorea egoera horretan dagoenean, GPS bidezko arakatze-unitateak "TX-aren bateria baxua" mezua detektatu eta erregistratzen du, eta kontrol zentrora bidaltzen du. Transmisorea material hipoalergenikoz egina dago eta ura jasaten du.

15

1.2. GPS bidezko 2Track Arakatze-unitatea

Akusatuak GPS bidezko arakatze-unitatea darama, GPS teknologia erabiliz une oro bere mugimendu eta kokapena arakatzen duena. GPS bidezko arakatze-unitateak RF hargailua du; honek akusatuaren transmisorearen seinaleak jasotzen ditu eta bere hurbiltasuna egiaztatzen dio GPS bidezko arakatze-unitateari. 2. BIKTIMARENTZAKO GAILUA (BG)

2.1 2Track alerta unitatea mugimenduan

Biktimak soinuzko, irudi bidezko edota bibrazio bidezko alerta ahalbidetzen duen GPS bidezko mugimenduzko alerta gailua du, akusatuaren transmisorea ezarritako irismen mailako eremuan sartzen denean pizten dena.

Biktimaren gailuak akusatuaren transmisorearen RF seinaleak detektatzen dituenean, honek izu alerta bidaltzen dio kontrol zentroari.

Izu egoera batean, biktimak larrialdietarako botoia erabil dezake aurretiaz ezarritako larrialdietarako zenbaki batera deia sortzeko.

16

3. 2TRACK UNITATEEN FUNTZIONALTASUN KOMUNAK

- 2Track unitateak kokapen sistema globala (GPS) eskaintzen du.

- 2Track unitateak erabiltzailearekin testu bidezko (SMS) komunikazioa eta norabide biko ahots komunikazioa izatea ahalbidetzen du. - 2 Track unitateak alarma mezuak sortzen ditu murrizketa agindua hausten denean. Alarma mezuak, bere kokapena bezala, GPRS sare mugikorraren bidez igortzen dira kontrol zentrora.

- GSM kokapena: unitateak GPS seinalea galtzen duen kasuetan, automatikoki kommutatzen du

4. KONTROL ZENTROA

Gertatzen diren alarmen monitorizazio, segimendu eta kontrol lanak operazio postuek burutuko dituzte egunean 24 orduz urteko 365 egunetan zehar.