LEHEN JARDUERA:INFORMAZIO ETA KOMUNIKAZIORAKO TEKNOLOGIA BERRIEN (IKT)ESPERIENTZIEN AZTERKETA

YANIRE SARDUY BESANGUIZIRAKASGAIA: HEZKUNTZARI APLIKATUTAKO TEKNOLOGIA BERRIAKIKASTURTEA: 2011-2012IRAKASLEA: NERE AMENABAR

AURKIBIDEA

IKASTETXEAREN KOKAPENA ETA EZAUGARRIAK...............................3

IKASTETXEAREN BALIABIDE TEKNOLOGIKOAK..................................4ESKOLAKO HARDWAREA..............................................................8

ESKOLAKO SOFTWAREA.............................................................10

IKT-REN ERABILERA: IKASTETXEAN BURUTZEN DIREN PROIEKTUAK ETA IRAKASLEEN JARRERA............................................12

PROPOSATUTAKO JARDUERA DIDAKTIKOA.........................................15

BIBLIOGRAFIA...............................................................................................15

IKASTETXEAREN KOKAPENA ETA EZAUGARRIAK

Nik lan egiten dudan ikastetxearen izena Lezo Herri Eskola da,Gipuzkoako Lezo herrian kokatzen den eta 558 ikasle dituen eta eskola publikoa. Lezo Herri eskolak D eredua soilik eskaintzen du eta 2 eta 12 urte bitarteko haurrak hartzen ditu, gehienak Lezo eta Pasai Donibanekoak. Hau da 2 urteko gela, Haur Hezkuntzako bigarren zikloa (3, 4 eta 5 urteko gelak) eta Lehen Hezkuntzako lehen, bigarren eta hirugarren zikloak eskaintzen ditu (lehenengo mailatik seigarrenera). Ondoren ikasleak beste eraikin batera igarotzen dira DBH-ko ikasketak egitera.Ikastetxe honek bere nortasun propioa du: eskola publikoa, euskalduna, anitza, dibertsitatearen integratzailea,partaidetza eta hezkidetza bultzatzen dituena, laikoa eta doakoa bezala definitu daiteke.Lezo eta Donibanen dagoen ikastetxe publiko bakarra denez herri hauetako ikasleek lehentasuna daukate matrikula burutzerakoan, baina beste zenbait herritako ikasleak ere badaude eskolan, adibidez Pasaia eta Oreretakoak.Lezon ikastetxe honetaz gain beste ikastetxe kontzertatu bat dago, Pasaia Lezo Lizeoa hain zuzen ere. Ikastola honek Lezo, Pasaia eta Oreretako 900 ikasle inguru hartzen ditu. Hala ere Lezoko haur gehienak (%80 inguru) Lezo Herri Eskola publikora doaz.Lezo 6000 biztanle inguru dituen Gipuzkoa ipar-ekialdeko herri txiki bat da eta Oarsoaldea bailara osatzen du Errenteria, Pasaia eta Oiartzunekin batera. Iparraldean Jaizkibel mendiarekin egiten du muga, mendebaldean Pasaiako portuarekin, ekialdean Gaintxurizketako gainarekin, eta hegoaldean Errenteriarekin eta Oiartzun errekarekin.Gipuzkoako hiriburua, Donostia, oso gertu dagoen arren (10km) herriak hainbat zerbitzu dituenez (kirol instalazioak, osasun etxea, musika eskola, liburutegia, Udala, gizarte zerbitzuak, udaltzaingoa)Lezoarrek bizimodua herrian bertan egin dezakete.Garai batean herri hau nekazaritza eta itsasotik bizi izan bazen ere, gaur egun portuko aktibitateak herriarengan eragin zuzena daukan arren itsasora sarbiderik ez daukate eta beraz itsasoari bizkar emanez bizi dira. Nekazaritza ere nabarmen jetzi da azken urteetan, eta industriari egin dio lekua.

IKASTETXEAREN BALIABIDE TEKNOLOGIKOAK

Ikastetxean informatika gela bakarra dago. Hemen 12 mahaiko ordenagailu, 8 ordenagailu eramangarri txiki (Eskola 2.0 programakoak), bi ordenagailu eramangarri arrunt, inpresora bat, eskanerra eta pantaila digital bat daude.

Wifi bidezko konexioa jarri nahi ez zutela eta ikastetxea Eskola 2.0 programatik kanpo gelditu zen, eta ondorioz lehengo ikasturteko 5. mailako ikasleek ez zuten programari zegozkion ordenagailu eramangarri txikiak jaso. Beraz, gela honetan dauden ordenagailu eramangarri txikiak duela bi urte programa honen barnean banatutakoak dira (kontuan hartuta asko matxuratu edo lapurtu egin ziztuztela) eta eskolako ikasle guztiek erabiltzen dituzte, baita ikastetxean dagoen pantaila digital bakarra ere.

Ikasgela bakoitzean ordenagailu bana daukate, inpresora aldiz solairu bakoitzean bakarra. Irakasleen geletan ere (ziklo bakoitzeko bat gehi Ingelesekoa, Gorputz Hezkuntzakoa eta Laguntza Gela) ordenagailu eta inpresora bana (haur hezkuntzakoan 2 ordenagailu).

Zuzendariak, ikasketa buruak, idazkariak eta aholkulariak beraien ordenagailu eta inpresora propioa dute.Eskolako ordenagailu guztiek daukate interneterako sarbidea kable bidez, eskolak ez baitu wifirik ezarri nahi osasunarentzat izan ditzakeen ondorio kaltegarriengatik.Honetaz gain eskolan beste lau eskaner, fax aparatu bat, hiru disko gogor, sei proiektore, ordenagailu eramangarri bat, terapia okupazionaleko ordenagailu bat, ordenagailu eramangarri txikiak kargatzeko bi armairu, hiru bideo kamera (bat digitala), bost argazki kamera, hiru grabagailu (bi zintza txikikoak eta bat zaharra zinta handikoa), bi telefono mugikor eta zazpi CD aparailu (HHko gela bakoitzean) daude irakaslegoak erabiltzeko, hainbat material informatikoz gain.

ESKOLAKO HARDWAREA

Honako hau da eskolan aurkitu dezakegun hardware eta bestelako aparailu teknologikoen zerrenda:MAHAIKO ORDENAGAILUAK42

ORDENAGAILU ERAMANGARRIAK3

ORDENAGAILU ERAMANGARRI TXIKIAK (ESKOLA 2.0)8

INPRESORAK14

ESKANERRAK5

DISKO GOGORRAK3

BATERIA KARGATZEKO ARMAIRUAK2

TERAPIA OKUPAZIONALEKO ORDENAGAILUA1

PANTAILA TAKTILA1

PROIEKTOREAK6

FAX APARAILUA1

BIDEO KAMERAK3

ARGAZKI KAMERAK5

GRABAGAILUAK3

TELEFONO MUGIKORRAK2

CD/IRRATI APARAILUAK7

ESKOLAKO HARDWAREAgrficoBESTELAKO IKUSENTZUNEZKO MATERIALAgrficoESKOLAKO SOFTWAREAEskolan hizkuntza, ingurune eta matematika lantzeko CD ROM-ak erabiltzen dira beste baliabide batzuen artean.

HIZKUNTZA LANTZEKO

HAUR HEZKUNTZAHH-RAKO JOLASAK, TTANTTO, XANGO

L.H.KO LEHEN ZIKLOATXANELA, MAKILAKIXKI, PATXI ERREMENTARIA

L.H.KO BIGARREN ZIKLOATXANELA

L.H.KO HIRUGARREN ZIKLOAJOLASTUZ IKASI

*Honetaz gain Word programa ere erabiltzen da ikasleekin.

INGURUNE LANTZEKO

HAUR HEZKUNTZA

*EZ DA ORDENAGAILUAN LANTZEN

L.H.KO LEHEN ZIKLOA

TXANELA, BIRRAITONAREN MUSEOA, GIZON HARRIGARRIAK, URPEKO ERREINUAN, EUSKAL HERRIKO FAUNA, RECICLATOR, EZAGUTU LEZO

L.H.KO BIGARREN ZIKLOA

TXANELA, NIRE GORPUTZA BARRUTIK, CIVI RALLY, EZAGUTU LEZO

L.H.KO HIRUGARREN ZIKLOA

GEOGRAFIA, JOLASTUZ IKASI GEOGRAFIA

MATEMATIKA LANTZEKO

HAUR HEZKUNTZAHIRU HARTZ, TXOKOLATEZKO ETXEA

L.H.KO LEHEN ZIKLOAMATES BLASTER JUNIOR, MATEMATIKA, FORMAREN MATEMATIKAK

L.H.KO BIGARREN ZIKLOAMATES BLASTER, PIRATEKIN MATEMATIKAREN MUNDUAN

L.H.KO HIRUGARREN ZIKLOAPIRATEKIN MATEMATIKAREN MUNDUAN

CD eta DVD ugari ere erabiltzen dira:

CD-AKDVD-AK

HAUR HEZKUNTZATXIKIA IZANIK, DOKTOR DO-RE-MI, MARI MOTOTS, TORTOLIKA, MAITE ZAITUT, HAU HUMOREA, PARRANDAN, URTXINTXA ABESTIAKDOKTOR DO-RE-MI, PIPI GALTZALUZE, JULIETA FOKATXO XELEBREA, LAGUNDU ARRAINA NAIZ, ANTXETA KATUA, TRIKI TRAKA TRON, OZEKO GALAXIA, ZORAGARRIA, MARI MOTOTS

L.H. KO LEHEN ZIKLOADILIN DALAN, MUSIKA, TXANELA 2, 25 URTE ZUEKIN, MARI MOTOTS, GURE MUNDU TXIKITIK, FAUNA TXIKI BAT, ANTTON VALVERDE, KANTARI, SADESHERLOCK HOLMES, PIPI GALTZALUZE

L.H.KO BIGARREN ZIKLOATXAPARRO MIX, MAIXA ETA IXIAR, MIKEL URDANGARIN, OSKORRIASTERIX BRITANIAN, ZIENTZIA FIKZIOA, AZTI IKASLEA

L.H.KO HIRUGARREN ZIKLOAEZ DAGO ZIKLO HONETARAKO MATERIALE ESPEZIFIKORIK

3 IKT-REN ERABILERA: IKASTETXEAN BURUTZEN DIREN PROIEKTUAK ETA IRAKASLEEN JARRERA

2007-2008 ikasturtean Hezkuntza Sailak ikastetxearen heldutasun teknologikoa aztertzeko egindako informe batetik abiatuz, eskola IKT ikastetxe eredua izeneko proiektuan murgildu zen hurrengo hiru ikasturteetan zehar.Proiektu honek bere fruituak eman zituen, besteak beste, irakasleen eta gurasoen formakuntza IKT-en inguruan, IKT batzordearen berrantolaketa, ikastetxeko baliabide teknologiko finko eta mugikorren ordutegiak ezartzea eta ikasgeletan IKT-en erabilera areagotzea.2008-2009 ikasturtean ikastetxeak Eskola 2.0 proiektuan parte hartzea onartu zuen baina baldintza bat jarri zuten horretarako, Wifi-a erabili beharrean interneterako konexioa kablez egitea. Eskola bera kable horren instalazioa bere gain hartzeko prest azaldu zen.Erabaki hori hartzeko, hainbat adituren informeetan eta Europako Legebiltzarrak 2008 eta 2009 urteetan egindako ebazpenetan jasotako irizpideetan oinarritu ziren. Erabaki horietan, Europako Legebiltzarrak gobernuei eskatzen zien haurrak eta nerabeak hari gaineko errediazioetatik babesteko neurriak hartzeko teknologia mota horrek osasunarekiko izan zitzakeen ondorioez erabateko ziurtasunik ez zegoelako, ezta kaltegarriak ez zirela frogatzen zuen ikerketarik ere. Honetaz gain, Britania Handian Lehen Hezkuntzako ikasgeletan egindako neurketa batzuk wifi-ra konektatutako ordenagailuen uhin elektromagnetikoen mailak telefono mugikorreko antena batek sortzen dituenak hirukoizten dituela frogatu zuen. Lezo Herri Eskolako Eskola Kontseiluaren ustez gaur egun eskola batek ere ez luke horrelako antena bat onartuko bere inguruan, zergatik ordea wifi konexio bat?Gainera eskoletan duela hamar bat urte ezarritako PREMIA proiektuak ikastetxeak informatizatzea zuen helburu, eta ordutik Lezo Herri Eskolako ikasgela guztiek dute kable bidezko konexioa, zergatik ez aprobetsatu kable hau Eskola 2.0 programarako?Programa martxan jarritako lehen ikasturtean (2008-2009) ikastetxean proiektuari zegokion hardwarea jaso eta instalatu zuten. Hurrengo ikasturtean aldiz (2009-2010) jaso ondoren Hezkuntza Sailak berriro eraman zuen, proiektuan parte hartzeko ezinbestekoa zen wifi-a ezartzeari ezezkoa eman ziotelako.Beraz, Eskola 2.0 programari dagokionez gaur egun duela bi ikasturte instalatutako hardwarea bakarrik gelditzen da eskolan: ordenagailuak kargatzeko bi armairu, arbela digital bat eta 8 ordenagailu eramangarri txiki, beste guztiak matxuratu, galdu edo lapurtuak izan direlako.Lezo Herri Eskolak badu bere web orrialde propioa ere: www.lezoherrieskola.net. Bertan eskolako ezaugarri nagusiak, funtzionamendu orokorra, eskeintzen dituen zerbitzuak, hezkuntza proiektuaren ardatz nagusiak, berriak, ospakizunetako argazki zein bideoak etab. edonorentzat eskuragarri daude. Orrialde hau etengabe eguneratzen dute eta bere helburua batez ere gurasoak informatzea da.IKT baliabideen inguruan badago eskolan burutzen den eta aipatzea merezi duen jarduera interesgarri bat, ZABARRE izeneko eskolako irratia alegia. Irrati honen helburuak ikasleei tresna erakargarri bat eskaintzea, egoera desberdinetan euskaraz komunikatzea eta norberaren autonomia eta autoestimua suspertzea dira.Irratia astean bi egunetan grabatzen da (asteazken eta ostegunetan) eta 5 urtekoek eta lehen hezkuntzako haur guztiek hartzen dute parte. Asteazkenetan 1, 3 eta 5. mailakoek grabatzen dute eta ostegunetan aldiz 2, 4 eta 6. mailakoek (egun batean A taldeetakoek, hurrengoan B taldeetakoek eta hurrengo txandan C taldeetakoek). 5 urtekoek tarteka hartzen dute parte. Egutegia oso zehaztua dago.Bestalde, asteazkenetan 1, 3 eta 5. mailakoek eta 5 urtekoek entzuten dute eta ostegunetan 2, 4 eta 6. mailakoek eta 5 urtekoek. Irrati programako atal batzuk finkoak dira (eguraldia, eguneko menua, urtebetetzeak, asmakizun edo txisteak...) baina beste batzuk ikasleek proposatzen dituzte irakasleen laguntzarekin. Programa guztiak eskolako web orrialdean zintzilikatzen dira gurasoek entzun ahal izateko.Lezo Herri Eskolako irakasleek IKT-en gainean duten jarrera aipatzekotan, hau oso aldakorra dela esango nuke. Oro har irakasle gazteek helduagoek baino gehiago erabiltzen dituzte teknologia berriak; formakuntza handiagoa dute, jarrera irekiagoa, aurre iritzi gutxiago...Zenbait irakasle espezialistek beraien blog propioak dituzte (ingelesekoek, musikakoak etab.). Blog hauek beraien lanerako erreminta izateaz gain haurrek etxean gurasoen laguntzarekin gelan landutako bideoak, abestiak...birpasatu ahal izateko oso erabilgarriak dira.

Beste irakasle batzuk egiten duten teknologia berrien erabilera nahiko eskasa da baina orokorrean baliabide hauek gero eta txertatuago daude ikasgelako egunerokotasunean. Irakasleen IKT-en inguruko formakuntza areagotzen doan heinean beldur eta aurre iritziak murriztuz doaz erabiltzeko ohitura sustatzen.Ikastetxeko irakasleek arestian aipatutako IKT ikastetxe eredu proiektua, PREMIA, Eskola 2.0 eta Internet zuretzat izeneko proiektuen eskutik jaso izan dute formakuntza azken urte hauetan. Ikasturte honetan aldiz, ez dago arlo honen gaineko formakuntzarik aurre ikusita.

4 PROPOSATUTAKO JARDUERA DIDAKTIKOA

Lezo Herri Eskolan dauden ikusentzunezko azpiegitura eta baliabideak eta bertan ikasten duten Hezkuntza Premia Berezidun haurren ezaugarri eta beharrak aztertu ondoren, honako jarduera hau proposatuko nuke ikastetxean egiteko:Ikastetxean haur itsu bat dago Lehen Hezkuntzako 6. mailan. Haur honen adimen maila, ikasteko jarrera eta motibazioa oso positiboak dira, baina bere ikasketa prozesuan aurrera egiteko behar beharrezkoa du irakasleen laguntza. Irakasle Tutoreak, Hezkuntza Laguntzaile Teknikari Espezialista eta Irakasle Aholkulariaren artean materiala Brailez itzuli (garrantzitsuena, guztia itzultzea ezinezkoa litzatekeelako) eta behar duen atal edo arloetan errefortsua ematen diote.Laguntza guzti honi esker, ikasle hau bere ikasketetan aurrera doa. Hala ere, nire ustez ukimenezko baliabideak erabiltzeaz gain (Brailea) gelako azalpenak osatzeko entzunezko errefortsu bat jasotzea ere lagungarria litzateke bai berarentzat eta baita gainontzeko ikasleentzat ere, eta honetarako proposatu dut hain zuzen honako jarduera didaktikoa.Nire proposamena blog bat sortzea litzateke, bertan gelan lantzen ari diren edukirik esanguratsuenen laburpena zintzilikatzeko. Zintzilikatuko diren eduki hauek ahozko grabazioak izango dira eta ikasle honek zein gainontzekoek (bereziki errefortsu gehien behar dutenek) etxean entzun ahal izango dituzte gelan landutakoa birpasatu eta finkatzeko.Jarduera honen helburuak honako hauek dira:Hezkuntza Premia Bereziak dituzten haurrentzat zein bestelako premiak dituztenentzat errefortsu gisa baliagarri litzatekeen materiala sortzea.

Ikasleek gelako edukiak finkatzea (grabazioak entzunez zein laburpen lana burutuz)

Ikasleak ikusentzunezko baliabideekin harremanetan jarri eta honen inguruko jakin mina bultzatzea.

Ardurak eta egin beharrak konpartituz taldean lan egiten ikastea.

Jarduera hau burutzeko beharrezko baliabideak honako hauek dira:Interneterako konexioa duen ordenagailu bat (grabazioak blog-ean zintzilikatzeko)

Ahotsezko grabazioak egiteko programa instalatuta duen ordenagailu bat edo USB batean grabazioak egiteko aukera ematen duen grabagailua (eskolan bi aukerak daude)

Ordenagailura konektatzeko mikrofono bat (grabazioak ordenagailuan bertan egitekotan)

Grabatu beharreko edukiak aukeratzerako orduan ingurune, euskera eta gaztelera errefortsu gehien behar izaten duten arloak izateaz gain jarduera hau burutzeko aproposenak iruditu zaizkit. Ikasleek askotan matematika edo ingelesean ere errefortsua behar izaten dute baina matematika gehienbat eduki praktikoz osaturik dago eta hauek ez dute entzunez lantzeko aukera handirik ematen. Ingelesari dagokionez hau batez ere entzumena eta ahozkotasuna landuz ikasten da, beraz ez luke errefortsu mota honen beharrik izango.Proposamen hau 5 astean zehar burutuko litzateke hasiera batean, Maiatzaren 7-tik Ekainaren 8-ra. 5 aste horiek egokiak iruditzen zaizkit Aste Santuko oporrak eta Maitzaren 1-eko zubia igaro ondoren jaiegunik gabeko aste osoak direnez ikasleek jarduera prestatzeko denbora nahikoa izango luketelako. Bestalde, eskola honetan Ekainaren 12-tik aurrera ikasleak goizez bakarrik joaten hasten dira eta garai honetako ordutegiak moldatu eta murriztu egiten dira. Jarduera launaka burutuko denez 5 astean zehar guztiek izango lukete behin parte hartzeko aukera.Blog hau gelako tutoreak sortuko luke eta hasiera batean bere erabilera ikasgela honetara soilik mugatuko litzatekeen arren, aurrerago erabilera zabalagoa eman dakioke, jarduera bera ikasgela gehiagotan burutuz.Bloga sortzeko laguntza behar izanez gero honako orrialderen bat kontsultatzea lagungarria litzateke :www.bloger.comhttp://wordpress.comhttp://nireblog.com

Ondoren gelakideen artean laukoteak osatuko dira eta blog-eko arduraren egutegia finkatuko da. Hezkuntza Premia Bereziak dituen haurrak ere besteak bezala parte hartuko du, zenbait gauza egiteko laguntza puntualagoa beharko duen arren. Astero laukote batek izango du edukiak laburbildu, beraien ahotsez grabatu eta blog-ean zintzilikatzeko ardura. Ardura hauek beraien artean banatuko dituzte baina tutorea arduratuko da banaketa orekatua izan dadin.1.ASTEA

MAIATZAREN 7-TIK 11RA2.ASTEA

MAIATZAREN 14-TIK 18-RA3. ASTEA

MAIATZAREN 21-ETIK 25-ERA4. ASTEAMAIATZAREN 28-TIK EKAINAREN 1-ERA5. ASTEA

EKAINAREN 4-TIK 8-RA

JON, ANDER, GARAZI, MAIALENINGURUNE

EIDER, IKER, EAUT, MIKELEUSKERA

ITSASNE, LIDE, INHAR, XABIGAZTELERA

JOSEBA, NOA, YAGO, PATRICIAINGURUNE

NAROA, MIREN, UNAI, UGAITZEUSKERA

Tutoreak edukirik garrantzitsuenak aukeratzen lagunduko die (beharrezkoa bada materiala emanez), laburpenetan behar diren zuzenketak egingo ditu eta grabaketak burutzen lagunduko die. Azkenik beraiekin zintzilikatuko ditu blog-ean. Lan hauek egiteko aste horretan tokatzen den arloari dagozkion saioak (euskera, gaztelera edo ingurunekoak) erabiliko dituzte beste gelakideek beste lan bat egiten duten bitartean. Bi saio edukia prestatzeko erabiliko dira eta gainontzekoa grabaketa egiteko, beharrezkoa bada beste saioren bat edo tarte libreak (jolastorduak, jangela garaia) ere erabiliko dituzte eta etxera ere lana eramango dute.Jarduera hau bukatu ondoren ikasleek balorazioa bat egingo dute: zer ikasi duten, bloga erabilgarria gertatu zaien, asko kostatu zaien lanak burutzea, gustatu zaien, ze aldaketa proposatuko luketen...Irakasleak ere bere bere balorazioa burutuko du: helburuak lortu diren, aurkitu dituen zailtasunak, proposatuko lituzkeen aldaketak, baliabideak nahikoak izan diren...Balorazio hau oso garrantzitsua izango da hurrengo ikasturteari begira jarduera bera errepikatu eta beste ikasgela batzuetara zabaldu edo ikasleengan IKT-en erabilera sustatu eta aldi berean errefortsu gisa balioko duten tresna eraginkorragoak bilatzea erabakitzeko. 5 BIBLIOGRAFIA*Azterketa hau egiteko erabili ditudan informazio iturriak eskolako dokumentu ezberdinak izan dira.

LEHEN JARDUERA: INFORMAZIORAKO TEKNOLOGIA BERRIEN (IKT) ESPERIENTZIEN AZTERKETAHEZKUNTZARI APLIKATUTAKO TEKNOLOGIA BERRIAK. 2011-2012 IKASTURTEA.Columna 1

ORDENAGAILUAK53

INPRESORAK14

ESKANERRAK5

DISKO GOGORRAK3

ORDENAGAILUAK KARGATZEKO ARMAIRUAK2

TERAPIA OKUPAZIONALEKO ORDENAGAILUAK1

PANTAILA TAKTILA1

Columna 3

CD/IRRATI APARAILUAK7

PROIEKTOREAK6

ARGAZKI KAMERAK5

BIDEO KAMERAK3

GRABAGAILUAK3

TELEFONO MUGIKORRAK2

FAX APARAILUA1