MARIKANKA BILANicaragua Kuntrika Asamblea Nacional tawan uplika nani ra marikisa, La No. 693, “Wan Piaika bara karnika Bri Pata Yus Munaia Laka” (S.S.A.N) lilka praki ulbi saki wal, wapnika mangkan sa, Kuntri karnika kum apiska palmaia na wina, li kati 18 yua 2009 mankara, Gaceta Diario Oficial ra ulbisakan, Pastara kati 16 yua sim mankara. Ulbanka na karnika pura kaiki wapnika mangkan sa, gabamint apiska nani, naha tilara dimi tabaikan daknika nnai bui, wibia kaka: MAGFOR, MINED, MINSA bara INTA baha purkara San Juan de Limay tasbaia piskara gabamint uplika wark taki daknika bara mamangkra daknika bara gabamint uplika sim.

1997 mankara naha Laka paski ta krikan wina naiwa kat, tanka pliki kaikanka satka nani daukan sa, kau pali ba sika, “Wan Piaika bara Karnika Bri Pata Trabilka br ba tanka: Nicaragua Laka Plamaia ra Trabilka kum sa” tanka tanka plikaia munan ba.

Baku sim, wauhtaya satka ailal alki kaikan kan, wan kuntri bila kat, bara lata tani ra wark daukan wauhkataya nani sim, baha tilara sim bara sa, Kuntri nani daukaia wisi Roma tasbaia ra pramis takan nani ba, kau pali ba, FAO bui wan kuntri ra kupia kraukan dukia nai ba.

Sim natkata, diputado daknika satka ailal nani ra, bara, tawan upika asla takan daknika satka nani ra sim makabi walanka daukan kan, wibia kka, Diara tanka Kasak Pliki kaiki daknika nani, Wan Piaika bara Karnika Bri Pata Yus Munaia ra tabaiki Daknika (GISSAN), DIARA MAMANGKRA DAKNIKA NANI, COSEP, bara gabamint apisk asirpi nani sut, wibia kaka, MAGFOR, MINED, MINSA bara wala nani sim.

Laka na lika Nicaragua luhpika nani sut dukaira daukan sa, ai piaiaka aitani kat, pitka katm bara ai wina tara ra karnika yabi pata nani ai brinak kat, yus munaia sip kaia dukaira ridi daukan sa; pata nani ba briaia sanska bara kaia sa, atki briaia lalahka bara nitka piua kat briaia sip kaia sa, bara piua wihka dukia sim; baku sim, gabamint bui tabaikka pata nani ba aitani kat, bara piua wihka ra yus munaia sip yabalka nani yaban kaia sa, baha ba Wan Piaika bara Karnika Bri Pata warkka dauki wina tabaikan kaia sa.

Laka aisi nani ba kat daukaia dukiara, Wan Piaika Bri kaia raitka bri ba, Upla raitka kau tara kum baku, baha tilara bara sa, Sanglang wauhaia apia raitka bri ba, bara sanglang mapara wan kaina kahbaia raitka bri ba, baku sim, wan piaika kasak yamni kum , bara karinika bri pata dukiara, kaukan sa, Wan Piaika Bara karnika Bri Pata Yus Munaia warkka daukaia natka kum, (SINASSAN), baha tilak sika nahki daukaia Laka nani sim bapan sa. Naha warkka natka tilara sa, gabamint apìska daknika satka, kamapani nani, tawan uplika asal takan daknika, ani nani, Wan Piaika bara karnika Bri Pata Yus Munaia warkka dauki nani ba sut tilara sa.

Naha Laka na alki warkka daukbia ba wal, Wan Piaika bara Karnika Bri Pata Yus Munaia warkka ba karna takan kabia sa, baku sim wan kuntri bilara warkka daukaia apiska ai plamaia brin kabia sa.

Naiwa yua ra, wan kainara aiklabanka kum bapi sa, La SSAN ba warkak ai kainara dauki waia dukiara, baha sika, wan piaika, tasba aiskara, bara wan kuntri bila kat sim kau mana tara taki auya ba mapara bui wark daukaai tanak ba, tasba bitnika sins taki auya ba mapara, nanara pawi kuntrika nani, wan kuntri baku nani ra, lalah karnika nayara iwi trabilka prawi nani, baku bui munan umpir alaka ra iwi nani ba, wan piaka bara karnik abri pata apu nani ba, kau pali ba unta tilara iwi uplika trabilka mapra bui wark daukan kaia sa, kau pali ba, mairin nani, kiamka satka tawanka sirpi nani, baha sika kuntri baku pahpaia ra sa, tihuka winak wapni mangk waia sa.

Ing. Rene Nuñez TellezAsamblea Nacional Prisidintika

Naha wauhkataya ulbi sakan ba lika Organizacion de las Naciones Unidas para la Agri-cultura y la Alimentacion (FAO) nina maki ba, Nicaragua ra Asamblea Nacional kar-nika wal prawi daukan sa, wal prawi wark daukaia lukanka brih wal paskan sa, au takanka ai nina sain munan kan, yahbra kati 28 yua 2009 mankara, Dr. Gero Vaagt, FAO ta uplika Nicaragua tasbaia ra, wihki Nicaragua Asamblea Nacional ta bri uplika wal.

Naha laka warkka dauki nara, naha nani kulkanka nani ba bapi sa.

Naha Wauhkataya ulban nani na kau ailal daukan kaia brinka barasa kaka, wih makaban kaia sa, Wan Piaika bara Karnika Bri Pata Yus Munaia warkka Ni-caragua Asamblea Nacional apiska tara ra warkka dauki nani ra.

Wauhkataya na pawa wina pliki kaikaia sip sa, electronica ra sakaia kaka:

Pagina Web htt://www.asamblea .gob.niPagina Web htt://www.fao.org.ni

Kakamuk kati 2010.

Ulbi sakan bara alki kiakan nani:Dora Odily Zeledon ZeledonWan piaika bara karnika bri pata yus munaia warkka ta bri uplika.

Armando CerratoFAO wina Nicaragua nara ta bri uplika kum.

Ramon Eduardo Cabrales ArauzTa bri uplika tara kum, apis bila kat warkka dauki uplika.

Sinska laka bara nahki alki daukan ba:Danfer Lanzas

Nina sain munan uplika:Adelayle Rivas Sotelo.Diara tanka pliki kaiki uplika.

Efren Alcides ReyesUpla nani aikuki Aisaia ta bri uplika ba FAO, Nicaragua kuntirka nara.

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

BILA PRAHNI RA

AMUNIC: Nicaragua ra Alkaldi Tasbaia Asla TakankaCODESAN: Wan Piaika bara Karnika Bri Pata Yus Munaia Kamisanka Tasba Baiki Sakan Piskara COMUSSAN: Alkaldi Tasbaia Piskara Wan Piaika bara Karnika Bri Pata Yus Munaia KamisankaCONASSAN: Kuntri Aiska Wan Piaika bara Karnika Bri Pata Yus Munaia KamisankaCORESSAN: Klauna Tasbaia ra Wan Piaika bara Karnika Bri Pata Yus Munaia KmaisankaCORPES: Klauna Tasbaira pawanka warkka daukanka Kupia KrakraukraCOTESSAN: Daknika Satkna nani Wan Piaika bara Karnika Bri Pata Yus KamisankaFONASSAN: Wan Piaika bara Karnika Bri Pata Yus Munaia dukiara trabli mapara buaia lalahkaMACFOR: Insla Mangkaia bara Dus rayaka MinistiriukaMARENA: Tasba Rayaka bara Ritska Ministiriuka MIFIC: Pawanka, kmapani bara Markit Ministiriuka MINED: Skul Smalkanka MinistiriukaMINSA: Wan Wina Tara Yamnika ministiriukaMHCP: Gabamint Lalahka waki Plamaia MininstiriukaSESSAN: Wan Piaika bara Karnika Bri Pata Yus Munaia warkka daukaia daknikaSINAPRED: Sauhkanka Tara Mapara Kaina Kahbanka warkka Daukaia Apiska SINASSAN: Wan Piaika bara Karnika Bri Pata Yus Munaia warkka Daukaia Natka