NIETZSCHE kontzeptuak
-
Upload
joselgomez -
Category
Documents
-
view
222 -
download
0
Transcript of NIETZSCHE kontzeptuak
-
8/7/2019 NIETZSCHE kontzeptuak
1/2
NIETZSCHE KONTZEPTUAK
.BALIOA. Kultura batean eta gizarte batean tradizionalki ontzat, egiazkotzat,
baliotsutzat jo dena. Nietzschek bitan banatzen ditu: balio zaharrak eta balio berriak.
Balio zaharrak dekadenteak dira eta bizitzaren kontra doaz. Platonismotik eta
kristautasunetik eratorriak dira. Balio zaharrak kritikatzen ditu bizitzaren kontrakoak
izateagatik eta balioen zeharo aldaketa proposatzen du. Balio berriak Supergizakiak
sortuko ditu Jainkoaren heriotzaren ondoren eta nihilismoaren garaia bukatzean.
.BALIOEN ZEHAROALDAKETA edo TRANSMUTAZIOA. N-ren formula
Mendebaldean indarrean egon diren balio dekadenteak eta antibitalak gainditzeko.
Batetik, milurtetako gezur metafisikoen salaketa. Bestetik, gezur metafisikoak
gainditzea, gizaki sortzailearen eta mundu lurtarraren goreneko baieztapenaren bidez.
Balioen transmutazioa aldarrikatzea da N-ren egin behar historikoa, bere patu
beldurgarria bezain alaia.
.BIZITZA. Errealitaterik funtsezkoena. Izatea Bizi Izatea da. Bizitzaren zerizana botere
edo aginte nahia da. Bizitza Macht ( indarra, boterea ) da, beraz, dinamismoa,
aldakuntza, eragozpenen aurkako borroka. Bizitzan ez dago ezer absolutorik, baina
bizitza gauza guztiak baloratzeko erreferentzia da; ona da bizitzari laguntzen diona
Nietzscheren bizitza kontzeptua etengabeko jario bat da; non kontrakoen arteko borroka
nagusitzen baita, Heraklito edo Darwinen antzera. Bzitzaren zenbait aspektu
garrantzitsuak gustiz irrazionalak dira, eta ondorioz bizitza ezin da ulertu kontzeptu
arrazionalen bidez.
.BOTERE edo AGINTE NAHIA. Bizitzeko grina da, izaki bizidun oro ezaugarritzen
duen sen bitala biziraupenerako eta autogainditzeko. Boterea edo domeinua helburuduten indar eta bulkada bitalen multzoa. Botere nahia bizirauteko borondatea da, beraz,
bizitzaren zerizana. Botere nahia supergizakiarengan mamitzen da, zeren eta honengan
aginte nahia borondate konsziente bihurtzen baita. Supergizakiaren botere nahia,
sortzeko borondate bihurtzen da; balioak suntsitzeko eta berriak sortzeko ahalmena,
hain zuzen.
.DEKADENTEA. Bizitzari oztopatzen dion oro dekadentea da. Ahulezia edo
gaixotasunaren sintoma da. Dekadentziak ez du suntsitzeko beste indarrik, ez eta
sortzeko ahalmenik ere; bizitza beherantz darama. Batez ere moral kristaua eta gizaki
dekadentea kritikatzen ditu N-k. Moral kristaua dekadentea da norbere buruaren
ukapenaren balioak sortarazten dituelako- desinteresa, altruismoa, sakrifizioa- eta senbital nagusiak gorputza, norbere buruarekiko maitasuna, sexualitatea- akabatu nahi
dituelako. Gizaki zintzoa dekadentea da, gaixoa, ahula eta inpotentea delako bizitzaren
erronkan.
ERLIJIOA. Erlijio oro beldurretik sortzen da. Gizakiak heriotzari dion beldurretik, hain
zuzen. Erlijioak hilezkortasunaren promesa eginez lasaitu egiten du gizakiaren egoneza.
N-ren kritika erlijio kristauari zuzentzen zaio. Kristautasunak filosofia platonikoaren
gezur berberak defendatzen ditu: beste mundu bat, zerutiarra, dagoen mundu bakarra
gutxiesteko, arimaren hilezkortasuna. Gainera erlijio kristauak esklaboen balioak
aldarrikatzen ditu eta balio horien bidez bizitzaren kontrako erasoa burutzen du.
1
-
8/7/2019 NIETZSCHE kontzeptuak
2/2
ESKLABUEN MORALA. Kristautasunaren moralaren ezaugarrietako bat da.
Esklabuak matxinatu egiten direnean eta haien erresuminagatik balioak sortzen
dituenean agertzen da, boteretsuei bekaizkeria izatean. Bizitzari ezetz esaten dio, eta
menpekotasunean bizi da (artaldearen morala). Elkartasuna, berdintasuna, apaltasuna...
dira taldeari dagozkion balioak. Mendebaldeko kulturan indarrean egon den morala da.
Platonismotik eta kristautasunetik dator. Gaitzondoaren morala da. Erruduntasunarenmorala da gorputzari errua botatzen diona. Nietzschek aurkako kritika egiten du eta
nagusien morala proposatzen du.
IDEALISMOA. Aurreko filosofia Idealista da N-ren iritsiz. Egiazko eta itxurazko
munduen arteko bikoiztasunetik abiaturik, egiazko mundua mundu Ideala dela
baieztatzen da ( Ideien mundua, mundu zerutiarra). Idealismo forma orok, bizi dugun
mundua itxurazkoa dela uste duen neurrian, dekadentziaren sinboloa da, bizitzatiko ihes
egite koldarra.
INMORALISTA. Nietzschek bere burua lehenengo inmoralistatzat jotzen du, balio
zaharrak suntsitu nahi dituelako. Inmoralistak bi ukapen egiten ditu: alde batetikindarrean egon den gizaki mota (ahula, mantsoa) eta, beste aldetik, moraltasun mota
bat ( gainbeheraren morala edo kristautasunaren morala). Balio berriak proposatzen
ditu, bizitzaren aldeko balioak hain zuzen ere. Inmoralista jarrera dionisiakoaren
aldekoa da.
NAGUSIEN MORALA. Nietzschek nagusien morala proposatzen du, supergizakiaren
eredu moral bezala. Honen arabera, bizitzaren alde dauden balioak dira baliagarriak.
Nagusiak bere balio propioak sortzen ditu eta bere instinto eta nahien arabera bizi da.
Berak erabakitzen du zer den ona eta zer txarra. Inork ez du aginterik bere buruaren
gainean. Nagusien moralaren ikuspuntutik ona da gizabanakoaren indar bitala handitzen
duena. Nagusia eta esklabuak ez dira ekonomikoki bereizten, psikologikoki baizik.
Nagusiak nik nahi dut esaten du, eta esklabuak nik behar dut.
NIHILISMOA. Balio eza, balio moralik ez dagoen garaia. Gaua da. Gizakiak igaro
behar duen garaia da. Jainkoaren heriotzaren ondorio zuzena da. Indarrean zeuden
balioak baliogabetu egiten dira (eguzkia eskutatzen da) eta gizabanakoa baliorik gabeko
egoeran bizi da. Dena dago onartuta. Itxaropen guztiak galdu egiten dira. Gizakia
noraezean dabil, nora joan jakin gabe, erreferntzi puntu guztiak galduta. Transzizio bat
da balio berriak agertu arte. Zaratustraren arabera, nihilismoaren sinboloa lehoia da.
SUPERGIZAKIA. Supergizakia Jainkoaren heriotzaren ondorio zuzena da.Supergizakiaren etorrera posiblea da, baldin eta soilik Jainkoa hiltzen bada. Gizaki mota
berri bat da: botere edo aginte nahia ezagutzen duen izaki naturala eta jaunen balioen
sortzailea. Historikoki, supergizakia artaldetik bereizten den salbuespen gizakia da.
Supergizakia agertu ahal izateko gizakiak hiru eraldaketa jaso behar ditu, Zaratustrak
aldarrikatzen duen eran: Gamelua; zuk egin behar duzu. Lehoia; balio eza. Umea: Nik
nahi dut.
ZARATUSTRA: Pertsiak jakintsu eta profeta ( K.a. 600 inguru?) . Monoteismoa eta
ongiaren eta gaizkiaren arteko borroka irakatsi zuen. N-ren Honela mintzatu zen
Zaratustra lanaren pertsonaia nagusiak, Jainkoaren heriotza eta supergizakiaren
etorrera irakasten ditu. Zaratustrak joera dionisiakoa ordezkatzen du eta supergizakiarenprofeta da.
2