Splikashon di e reglanan di konsentrashon den e Ordenansa Nashonal enkuanto Kompetensia

Obligashon pa mèldu fushon, traspaso

i joint venture

Kiko e foyeto akí ta trata?

Den e foyeto akí por lesa tokante e obligashon pa mèldu sierto konsentrashon, manera: fushon, traspaso i joint venture (empresa konhunto), ku ta na vigor for di 1 di sèptèmber 20171. Por lesa den e foyeto akí kiko ta konsentrashon, ki tipo di konsentrashon mester mèldu, i kiko e konsekuensia ta si keda sin mèldu un konsentrashon òf duna informashon inkorekto.

Tin mas regla di kompetensia ku mi mester ta na altura di dje?

E obligashon pa mèldu konsentrashon ta reglá den Ordenansa Nashonal enkuanto kompetensia. Banda di e obligashon pa mèldu konsentrashon, e Ordenansa Nashonal enkuanto Kompetensia ta pone tambe regla relashoná ku:• kartel; i• mal uso di posishon di poder ekonómiko.

Tin foyeto separá tokante prohibishon di kartel i mal uso di posishon di poder ekonómiko disponibel. Tambe tin un foyeto general disponibel tokante e Ordenansa Nashonal, i un ku ta trata destaho i prohibishon di kartel.

Por haña tur foyeto na ofisina di Fair Trade Authority Curaçao (FTAC) i riba e website www.ftac.cw

Kiko ta un konsentrashon?

Na momentu ku bo tin di aber ku fushon, traspaso òf joint venture, bo por haña bo ta atendé ku e reglanan tokante konsentrashon di empresa den e Ordenansa Nashonal enkuanto kompetensia. Un konsentrashon por ta tur poder di desishon ku atkerí òf kambio di esaki den un empresa2.

Dikon tin obligashon pa mèldu konsentrashon?

Konsentrashon por kondusí na empresa ku un posishon di poder ekonómiko i esaki ta hiba na ménos kompetensia. E obligashon pa mèldu ta duna FTAC e posibilidat pa sigui formashon òf fortifikashon di posishon di poder ekonómiko di empresa.

Tin un posishon di poder ekonómiko no ta prohibí segun e Ordenansa Nashonal enkuanto Kompetensia, pero hasi mal uso di esaki sí. Den kaso ku hasi mal uso di un posishon di poder ekonómiko, òf pa evitá esaki FTAC por intervení kaminda esaki ta nesesario. Por haña mas informashon tokante esaki den e foyeto tokante mal uso di posishon di poder ekonómiko.

1 E foyeto akí ta kontené informashon general ku meta pa informá. No por derivá niun derechi for di e informashon den e foyeto akí.

2 E término “konsentrashon” ta konektá ku e konsepto di konsentrashon den e Ordenansa Oropeo (EG) nr 139/2004 di Hunta di 20 di yanüari 2004, referente kontròl riba konsentrashon di empresa.

Pa ken e obligashon pa mèldu konsentrashon ta konta?

E obligashon pa mèldu konsentrashon ta konta pa tur empresa lokal, internashonal i asosashon di empresa ku ta desplegá aktividat ekonómiko na Kòrsou. E aktividatnan ekonómiko por konsistí di produkto i/òf servisio ku e empresanan ta ofresé riba merkado. E empresanan no ta únikamente e esnan komun, pero tambe por ehèmpel un profeshonal independiente, kompania di estado i sierto fundashon.

No ta nesesario pa mèldu tur konsentrashon, mas abou ta amplia riba esaki.

Ki tipo di konsentrashon mi mester mèldu na FTAC?

E obligashon pa mèldu ta aplikabel solamente riba konsentrashon relativamente grandi na Kòrsou. Mester mèldu e konsentrashon, den kaso ku un di e siguiente situashonnan ta aplikabel.1. E volúmen di benta kolektivo di e empresanan enbolbí

ta suma mínimo 125 mion florin antiano den e aña kalendario anterior. Banda di esei, por lo ménos dos di e empresanan enbolbí ta optené un volúmen anual di benta di por lo ménos 15 mion florin antiano na Kòrsou; òf

2. E empresanan enbolbí ta forma òf fortifiká huntu un kuota di merkado di mínimo 30% den un òf mas merkado relevante na Kòrsou.

E volúmen di benta ku ta relevante pa e barera pa mèldu ta e volúmen neto manera alkansá den funshonamentu normal di e empresanan embolbí. Basá riba e merkado di produkto i e merkado geográfiko por kalkulá e kuota di merkado. Den e splikashon huntu ku e formulario pa mèldu konsentrashon (ku ta disponibel riba e website www.ftac.cw), por haña mas informashon tokante kalkulashon di volúmen di benta i kuota di merkado. Ta rekomendabel pa konsultá un spesialista pa evaluá si e fushon, traspaso i joint venture ta kumpli ku e barera pa mèldu konsentrashon.

Na ki momentu mi mester mèldu un konsentrashon na FTAC?

E konsentrashon mester ta sufisiente konkreto promé ku mèldu esaki. Mester eksistí por lo ménos un akuerdo di e liñanan general di e konsentrashon entre e empresanan embolbí, por ehèmpel basá riba akuerdo di intenshon.

Ken mester reportá den kaso di un Konsentrashon Obligá na Mèldu?

Den kaso ku traspaso, e kumpradó ta responsabel pa mèldu e konsentrashon. Den kaso di fushon òf joint venture tur dos empresa ku ta embolbí ta responsabel.

Ki informashon mi mester duna na momentu di mèldu un konsentrashon?

Den kaso ku ta mèldu un konsentrashon, mester duna informashon ku e Formulario pa Mèldu konsentrashon ta pidi. Por haña e formulario riba e website www.ftac.cw òf por tuma esaki na ofisina di FTAC. FTAC ta kontrolá si e informashon entregá ta korekto i por hasi petishon pa informashon adishonal. Den kaso ku tin pregunta tokante e Formulario pa Mèldu por tuma kontakto ku FTAC.

Ora mi mèldu, esaki ta bira konosí?

FTAC lo publiká un deskripshon kòrtiku di e konsentrashon riba e website www.ftac.cw. i den Landscourant. Lo no publiká informashon konfidensial di empresa.

E obligashon pa mèldu ta nifiká ku FTAC mester duna outorisashon promé ku un konsentrashon tuma lugá?

Nò, no mester di outorisashon di FTAC.

E Ordenansa Nashonal enkuanto Kompetensia

no ta kontené niun evaluashon di kontenido

di e konsentrashon di mèldu. Na aña 2022 na

momentu ku evaluá e Ordenansa Nashonal lo

investigá basa riba e konsentrashonnan di mèldu,

si ta deseá pa den futuro investigá kontenido di

e supervishon di konsentrashon.

Maske no mester di outorisashon, si ta obligatorio pa mèldu e konsentrashonnan ku ta kumpli ku e barera, i duna e informashon ku ta pidi den e Formulario pa Mèldu. E informashon duná mester ta korekto. Si keda sin hasi esaki, duna informashon inkorekto òf manipulativo, bo ta kore riesgo di haña un but.

Fair Trade Authority CuraçaoPietermaai 6Postbus 135, Pundaemail: info@ftac.cwwebsite: www.ftac.cw

Kiko ta FTAC su funshon?

FTAC ta kontrolá si ta kumpli ku e reglanan den Ordenansa Nashonal enkuanto Kompetensia, esta prohibishon di kartel, mal uso di posishon di poder ekonómiko i obligashon pa mèldu konsentrashon.

FTAC tin outorisashon pa investigá ku ta ankrá den e Ordenansa Nashonal enkuanto Kompetensia. Di manera ku nan por pidi un empresa dokumento komersial relevante, i lo por hasi un investigashon (sin anunsiá) na un empresa. Tambe FTAC por interogá e kolaboradónan di e empresa.

Kiko ta e sanshonnan den kaso ku violá e obligashon pa mèldu konsentrashon?

Tur empresa ta obligá na mèldu un konsentrashon ku ta kumpli ku e barera di konsentrashon na FTAC. Pa esaki mester yena un Formulario pa Mèldu. E informashon duná mester ta korekto i kompletu.

Den kaso ku no kumpli ku e obligashon pa mèldu òf duna informashon inkorekto òf manipulativo FTAC por imponé un but. Pa esaki FTAC tin e outorisashon pa investigá. E butnan akí por alkansá 1 mion florin antiano, òf si esaki ta mas tantu, 1% di e volúmen anual di e empresa.

E desishonnan di FTAC ta públiko i lo ta publiká riba e website: www.ftac.cw.

Kiko mi por hasi den kaso ku mi no ta di akuerdo ku un desishon di FTAC?

Si esnan ku nan interes ta afektá no ta di akuerdo

ku e desishon di FTAC, por entregá un opheshon òf

bai den apelashon pa esaki.

Kon mi por mèldu posibel violashon?

FTAC ta investigá keho di konsumidó i empresa ku tin molèster di falsifikashon di kompetensia di posibel violadó di e prohibishon di kartel i mal uso di posishon di poder ekonómiko. Tambe posibel violashon di e obligashon pa mèldu konsentrashon por tuma lugá na FTAC.

Siñal, tep i keho di empresa, i informashon tokante posibel violashon salí for di otro parti di komunidat ta di importansia pa efektividat di FTAC. P’esei tur hende por tuma kontakto ku FTAC pa duna un tep, siñal i/òf keho. Pa esaki manda un e-mail, hasi un yamada òf pasa na ofisina di FTAC.

E foyeto akí ta un publikashon di Fair Trade Authority Curaçao (FTAC). FTAC ta vigilá kumplimentu di e reglanan di Ordenansa Nashonal enkuanto Kompetensia. FTAC ta un supervisor outónomo i independiente.