• Enrique de Castro González nació el 23 de setiembre de 1949 n’Uvieu, capital del Principáu d’Asturies, anque pasó la so infancia nel barriu avilesín de Llaranes. Yera fiu d’Enrique Castro (cuyo nomatu, Quini, heredará), y María Elena González, siendo’l primeru de los tres fios del matrimoniu. Los sos hermanos son Jesús, que foi porteru del Sporting de Xixón durante diecisiete años y falleció afogáu en 1993 na playa cántabra de Pechón; y Rafael, Falo, que xugó tamién de porteru nel Sporting Atléticu, filial del equipu xixonés

• La so segunda temporada nel equipu supón un importante hito doble: el Sporting consigue, tras diez años na categoría de plata del fútbol español, l’ascensu a Primera División; no personal, Quini obtien el primeru de los sos siete trofeos Pichichi tras marcar 24 goles y, xunto colos tamién sportinguistes Castro, Herrero II y Xosé Manuel, consigue’l campeonatu d’ Europa cola Selección Española amateur baxo les órdenes de Xosé Santamaría, marcando cuatro goles na final celebrada en Forti di Marmi ante la selección italiana.

• Tales éxitos faen que Ladislao Kubala, seleccionador nacional absoluto, fixese en Quini, convocándolu por primera vez en 1970. Tras una serie de entrenamientos, debuta col combináu nacional el 28 d’ochobre de 1970 en La Romareda, en Zaragoza, ante Grecia. Tras comenzar el partidu como suplente, sustituye a Gárate y marca unu de los dos goles d’España, que vence a los griegos por dos goles a un.