Recetas con queixo do cebreiro castelo-aportadas por Jesús Perez

PRÓLOGO

O queixo natural do Cebreiro, se é peculiar polo seu sabor e a súa forma, semellante a dun cogomelo ou a dun gorro de cociñeiro, tamén o é pola súa traxectoria ó longo da historia.No ano 1989 era un produto a punto de desaparecer, tan só un pequeno grupo de mulleres o facían para autoconsumo nas súas casas.No ano 1990 xorde a primeira queixería artesá, Castelo, á que se unen despois a queixería Castro e a queixería Xan Busto. O ano 1991 concédeselle a Denominación de Produto Galego de Calidade. Ó longo destes anos tratouse de dalo a coñecer ofrecendo un produto de coidada presentación e exquisita calidade, introducindo garantías hixiénico-sanitarias e sen perder todos aqueles elementos tradicionais e artesáns que o fan peculiar e característico. Un produto totalmente natural ó que non se lle engaden conservantes nin aditivos.As tres queixerías fixeron un excelente produto, respectando a tradición ó máximo, con grandes dificultades ó principio.Tamén recolleron gran cantidade de publicacións e documentos que facían referencia ó queixo do Cebreiro. A día de hoxe o Consello Regulador do Queixo do Cebreiro segue a traballar na procura de novas referencias bibliográficas e documentais e na revisión das atopadas ata agora. É de destacar a importancia que na historia do queixo do Cebreiro e na súa difusión, tiveron os numerosos peregrinos que entraban e entran en Galicia, camiño de Compostela, polo poboado do Cebreiro. Eles levaron e levan noticias acerca da singularidade das construcións, da hospitalidade da súa xente, do Santo Milagre que escoitaron relatar e, sen dúbida, do sabor e presentación dos queixos elaborados nesta zona da alta montaña de Lugo.Estas novas chegaron a oídos dos Reis españois. Sábese e téñense probas, como o confirman documentos que se conservan nos arquivos de Madrid e Simancas, que nos permitiron bosquexar curiosos apuntes relativos ó despacho, con anual periodicidade, do queixo do Cebreiro.Hai traballos, como un publicado por D. Antonio Meijide, que falan do tema. No século XVIII fixo acto de presencia, por especial encargo da coroa, un curioso fornecemento de certos produtos de Galicia con destino ás mesas reais de España e Portugal, entre eles estaba o queixo do Cebreiro.Sábese que en 1762, era o queixo máis caro de España pagándose a libra a doce reais e doce marabedís, sendo o cuarto máis caro de Europa, despois do Brie, do Marolles e do suízo Neufchatel.Na Historia General del Reino de Galicia, escrita por P. Según e publicada en 1750, dise dos queixos do Cebreiro que “son dos mellores gustos os máis delicados do mundo”. E así deberon pensar na Casa Real cando dispuxeron (Orde de 1746) o envío semanal do queixo do Cebreiro para o seu propio consumo. O Rei Carlos III regaláballo a súa irmá a raíña de Portugal, encargándolle ó cura de Vila Vella que “velase polo coidado que se lle encomendou na fábrica dos queixos para que fosen de gran calidade”.O cura recibía seis libras de tabaco en pago deste traballo, 800 reais era a cantidade que se lle pagaba ó arrieiro que transportaba a mercancía dende Santiago a Lisboa, 600 reais recibía o empregado de Rendas Provinciais de Galicia, sendo o prezo dos queixos 376 reais. Os intercambios de correspondencia entre os Ministerios de Estado e Facenda, a Embaixada de España en Lisboa e a Administración de Rendas Provinciais de Galicia permiten seguir, paso a paso, os avatares da adquisición do queixo do Cebreiro polas

Casas Reais de España e Portugal. Son curiosidades da historia deste queixo que nos sorprenden se nos trasladamos ó ano 1989, cando moi pouca xente o probara e case ninguén coñecía a súa existencia en moitas zonas de Galicia.Segundo unha enquisa publicada no xornal El Progreso, o 7 de decembro de 1993, so ó 26,9% dos galegos coñecían o queixo do Cebreiro, unha porcentaxe baixa aínda que honrosa, pois dos catro queixos galegos, segundo esta enquisa, era o segundo máis coñecido despois do de Tetilla. A nosa intención dende o Consello Regulador vai máis alá queremos que todos os galegos o coñezan. A través de múltiples campañas de promoción estamos a conseguilo.Hoxe interésanos que o consumidor coñeza a aplicación tan ampla que se lle pode dar ó queixo do Cebreiro na cociña.Gracias a colaboración de restauradores, reposteiros, asociacións e particulares nace este receitario de pratos feitos co queixo do Cebreiro como ingrediente. Dende estas liñas queremos agradecer a súa axuda a todos os que achegaron algo a este proxecto, contribuíndo a facer posible que o queixo do Cebreiro sexa hoxe unha realidade consolidada.

Xesús Pérez FreijoPresidente do Consello Regulador da Denominación de Orixe Queixo do Cebreiro

DENOMINACIÓN DE ORIXE QUEIXO DO CEBREIRO

Produto:Queixo de leite de vaca, de pasta branda e textura granulosa, de pel fina e de consumo en fresco lixeiramente madurado.

Orixe:A zona de produción abrangue os concellos de Baralla, Becerreá, Navia de Suarna, As Nogais, Triacastela, Cervantes, Pedrafita e O Caurel, todos eles na parte oriental da provincia de Lugo.O leite utilizado é o de gando vacún saneado das razas rubia galega, pardo alpina e frisona, criado na zona.O queixo elabórase con leite pasteurizado e callo animal ou outros autorizados.

Características:Queixo con forma de seta, cunha base cilíndrica de diámetro variable e cun sombreiro lixeiramente máis ancho. O seu contido en materia graxa estará comprendido entre o 45 e o 60%. O peso pode variar entre 0,5 e 2Kg. cunha humidade superior ó 50%. A pasta é granulosa, branda, untuosa e fundente no padal, de cor abrancazada e sabor lácteo lixeiramente ácido. A pel é fina, firme e de cor variable, dende a branca ata a marela, segundo o grao de maduración.

Presentación:Normalmente en unidades etiquetadas, nesas etiquetas faise referencia á súa condición de “Denominación de Orixe”.

Regulamento:Denominación de Orixe recoñecida provisionalmente por Orde da Consellería de Agricultura, Gandería e Desenvolvemento Rural do 5 de marzo de 1996 (DOG 11/03/99)

Na actualidade réxese polo Regulamento aprobado por Orde do 22 de marzo de 1996 (DOG 23/04/96)

Datos técnicos:Produción prevista para 2002: 30 Tm.

ENSALADAS E ENTRANTES

BOCADIÑOS DE XAMÓN E QUEIXO

Ingredientes para 4 persoas:

12 rebandas de pan de moldequeixo do Cebreiro100 g. de xamón de York 75 g. de manteiga 2 ovos pan relado aceite

Preparación:

Mesturamos a manteiga derretida coas xemas de ovo, o queixo e o xamón cortado en tiras finas. Untamos con esta pasta a metade das rebandas de pan, cubrímolas coas restantes e cortámolas en triángulos. Pasamos os bocadiños pola clara do ovo batida a punto de neve e fritímolos en aceite.

CANAPÉS CON QUEIXO CREMOSO


torradasgalletas salgadasqueixo do Cebreiro

Preparación:

Úntanse as torradas e as galletas co queixo e bótaselles algún dos seguintes ingredientes:

- leituga picada e noces- perexil picadiño- ameixas de California- xamón York e perexil

COSTRADA DE QUEIXO DO CEBREIRO


200 g. de fariña100 g. de manteiga100 g. de queixo do Cebreiro2 ovos1 copa de viño branco secounha presada de queixo reladoaceite

Preparación:

Fórmase un montonciño de fariña sobre a táboa, engádeselle a manteiga derretida, un chisco de sal e unhas culleradas de aceite. Amásanse ben todos os ingredientes durante uns dez minutos. Déixase repousar a masa nun recipiente tapado durante unha hora. Namentres bátense os dous ovos noutro recipiente, engádense dúas culleradas do queixo relado e un pouco de sal e dilúese a mestura co viño branco. Esténdese a masa co rodete e fórrase con ela o molde de 25 cm. de diámetro, untado de manteiga. Ponse enriba o queixo cortado en cadradiños e cóbrese cos ovos. Métese ó forno durante case corenta minutos. Déixase arrefriar ben a costrada.

COSTRADA DE XAMÓN E QUEIXO DO CEBREIRO


Para o recheo:300 g. de xamón200 g. de queixo do Cebreiro100 g. de manteiga1 xema de ovo

Para a pasta:200 g. de fariña200 g. de manteigasal1 ovo1 xema

Preparación:

Faise coa fariña un montonciño sobre a táboa, ábrese un burato no centro e vértese nel a manteiga derretida, unha xema, un ovo enteiro, un chisco de sal. Amásase rapidamente ata que todos os ingredientes queden ben mesturados e déixase repousar a masa durante media hora. Esténdese a masa formando unha folla non moi fina e reservando un pouco nas beiras. Pícase o xamón en anacos grosos e cóbrese con el o fondo do molde xunto con algúns petiscos de manteiga. Nunha fonte fonda mestúrase o queixo cunha xema de ovo, sálgase e bátese durante uns minutos. Esténdese unha capa desta mestura encima do xamón e coa masa sobrante fórmase nas beiras un cordón, esmagando ben coa punta dos dedos. Coa masa que se reserve fanse uns cordóns moi

finos cós que se forma unha reixa na parte superior da costrada. Métese no forno quente e déixase cocer durante corenta minutos. Antes de cortala hai que deixala arrefriar.

CREMA DE AGUACATES


2 aguacates ben maduros40 g. de queixo do Cebreiro1 ovo duro1/2 l. de caldo de carne 1/4 l. de nata líquida 1 limónsal

Preparación:

Pele os aguacates e quítelles os ósos. Páseos polo batedor co queixo, o caldo e o zume de limón ata obter unha crema suave. Quéntea, engada a nata e sazónea co sal. Sírvaa en cuncas de consomé salferida co ovo picado moi miúdo.

CREMA DE LEITUGA


2 leitugas80 g. de queixo do Cebreiro2 patacas medianas1/2 l. de leite40 g. de manteigasal - pementa - perexil

Preparación:

Férvense as patacas partidas en auga con sal. Cócense as follas de leituga ó vapor. Pásanse polo batedor co queixo, as patacas, a manteiga e o leite ata obter unha crema fina; sazónase a crema con sal e pementa. Pode servirse quente con cadradiños de pan frito ou ben fría, zarrapicada con perexil picado.

CREMA DE LICOR Ó QUEIXO


320 g. de queixo do Cebreiro2 ovos5 culleradas de azucre3 culleradas de ron 1 cullerada de zume de laranxa1 cullerada de zume de limón1 sobre de vainilla

reladura de limón e laranxa

Preparación:

Mesture o queixo coas xemas de ovo, o zume de laranxa, o zume de limón e o ron. Bata as claras a punto de neve, engada o azucre e a vainilla e mesture coa preparación anterior. Reparta a crema en copas e adórneas coa reladura de limón e laranxa.

CREMA DE QUEIXO DO CEBREIRO CON ANCHOAS

Ingredientes:

queixo do Cebreiro sen sal1 lata de anchoas

Preparación:

Cóllense 3 ou 4 anchoas, pícanse moi miúdas e desfanse ben cun garfo.Nun recipiente fondo bótanse as anchoas desfeitas e un pouco de queixo do Cebreiro e esmágase todo cun garfo para obter unha pasta de aspecto cremoso. Vanse engadindo máis anchoas ó queixo e séguese traballando todo moi ben co garfo ata que a mestura adquira unha cor uniforme e non se noten os anaquiños de anchoa. Isto tamén se pode facer cun batedor. Próbase un pouco da mestura e engádeselle máis queixo ou máis anchoas segundo o gusto de cada un. Sérvese untada en anaquiños de pan de diferentes clases.

CREMA DE QUEIXO DO CEBREIRO CON NOCES E MEL

Ingredientes:

queixo do Cebreirounhas poucas nocesun pouco de mel

Preparación:

Pélanse as noces e pícanse en anaquiños moi pequenos. Cóllese un pouco de queixo e desfaise ben cun garfo ata que teña aspecto de crema. Engádenselle as noces ben picadas e vólvese mesturar todo moi ben. Repártese esta mestura sobre anaquiños de pan de diferentes clases e bótaselle o mel por enriba. Tamén se pode tomar como unha sobremesa, para isto sérvese a mestura de noces e queixo nun prato e ponse o mel por enriba.

CREMA DE QUEIXO DO CEBREIRO CON PEMENTOS

Ingredientes:

queixo do Cebreiro1 lata de pementos morrónsun pouco de sal

Preparación:

Cóllese un pemento morrón, córtase en anaquiños moi pequenos e desfaise moi ben cun garfo. Bótase un pouco de queixo do Cebreiro nun recipiente fondo e reméxese moi ben esta mestura ata que non se noten os cachiños de pemento e a crema resultante presente unha cor uniforme. Engádese o sal, próbase e rectifícase ó gusto de cada un engadindo máis sal, pementos ou queixo. Sérvese untada en anaquiños de pan de diferentes clases.

CREMA DE QUEIXO DO CEBREIRO CON SALMÓN E GAMBAS

Ingredientes:

queixo do Cebreirosalmón afumadogambasun pouco de sal

Preparación:

Cócense as gambas, pélanse e córtanse en anaquiños moi pequenos. Cóllese un pouco de queixo e desfaise cun garfo ata que teña aspecto de crema. Pícase o salmón e esmágase ben co garfo ata que estea ben desfeito. Mestúrase o queixo co salmón e séguese remexendo ata que case non se note o salmón. Bótanselle as gambas á mestura anterior e dáselle outra volta co garfo. Próbase e, segundo o gusto de cadaquén, bótaselle ou non un pouco de sal. Esta crema sérvese untada en anaquiños de pan de diferentes clases.

CROQUETAS DE XAMÓN E QUEIXO


100 g. de xamón250 g. de queixo do Cebreiro150 g. de fariña2 ovos1/2 l. de leiteaceitepan reladosal noz moscada

Preparación:

Mesture o leite coa fariña e os ovos e coza a mestura a fogo suave durante 50 minutos, sazone con sal e noz moscada, engada o xamón picado e o queixo relado e déixeo arrefriar. Forme unhas croquetas, páseas polo ovo batido e o pan relado e frítaas en abundante aceite quente. Sírvaas cunha ensalada verde.

CROQUETAS DE PATACA E QUEIXO


500 g. de puré de pataca200 g. de queixo do Cebreirosal - pementanoz moscada reladaaceite2 ovos

Preparación:

Engádese en frío ó puré de pataca, o queixo e os ovos batidos, sazonando todo con sal, pementa e noz moscada relada. Mestúrase ben cun garfo. Cóllense anacos de masa entre dúas culleres ou fórmanse coas mans as croquetas. Frítense en abundante aceite deixando que collan cor. Sérvense nun prato quente.

EMPANADILLAS DE QUEIXO


250 g. de queixo do Cebreiro 130 g. de manteiga350 g. de fariñaaceitesal - pementaviño brancounhas anchoas leite

Preparación:

Sepáranse 280 g. de fariña para preparar a pasta e engádense 100 g. de manteiga derretida , un chisco de sal e auga suficiente para conseguir unha masa elástica e consistente que se traballa durante 10 minutos. Déixase repousar durante unha hora. Entrementres córtase en anaquiños o queixo. Ponse ó lume unha cazola coa restante manteiga, coa fariña e o leite e prepárase unha bechamel. Sazónase con sal e pementa e botáselle todo o queixo remexendo ata que se derreta e se incorpore homoxeneamente á bechamel. Esténdese a pasta co rolo, formando unha folla moi fina e, coa axuda dun vaso bastante ancho córtase en discos. Colócase no centro de cada disco unha cullerada de mestura e encima un cachiño de anchoa. Dóbranse pola metade os discos premendo ben as beiras, de maneira que non se abran ó fritilas. Frítense as empanadillas en moito

aceite fervendo (para fritilas ben teñen que nadar en aceite) e unha vez fritidas escórrese o aceite sobre unha folla de papel secante. As empanadillas vanse reservando nun recipiente quente a medida que se friten.

ENSALADA CAMPESTRE


1 leituga1 cebola3 patacas6 culleradas de aceite de oliva300 g. de queixo do Cebreiro2 culleradas de vinagre de viño4 talladas de xamón magro1 ramo de agróns1/2 cullerada de mostazasal - pementa

Preparación:

Lave as patacas e cózaas con pel en auga con sal, péleas e córteas en aros. Limpe a leituga e corte as follas en anacos grandes, lave os agróns e retire os talos grosos. Poña a leituga e os agróns no fondo dunha ensaladeira coas patacas , poña por enriba o queixo e as talladas de xamón. Esparexa por riba de todo a cebola picada moi miúda. Prepare unha salsa vinagreta batendo o aceite co vinagre, a mostaza e unha miguiña de sal. Verta a vinagreta sobre a ensalada e revolva a modiño para que as patacas non rompan.

ENSALADA DE ARROZ


250 g. de arroz de grao longo120 g. de queixo do Cebreiro50 g. de noces1 pemento verde1 cebola2 dentes de allo1 leituga4 culleradas de perexil picado1/2 cunca de salsa de vinagretasal- pementa

Preparación:

Ferva o arroz durante 20 minutos en abundante auga con sal, páseo por auga fría e escórrao. Corte o pemento en anacos e pique a cebola e os allos, parta as noces.

Mesture o arroz co queixo cortado en anacos, o pemento, a cebola, os allos, o perexil, e as noces; engada a salsa vinagreta e remova a modiño. Deixe a ensalada no frigorífico para que arrefeza. No momento de servir, coloque as follas da leituga no fondo da fonte e dispoña encima a ensalada de arroz.

ENSALADA DE ENDIVIAS


3 endivias80 g. de queixo do Cebreiro50 g. de noces peladas2 peras8 culleradas de aceite2 culleradas de vinagresal

Preparación:

Lave as endivias e córteas en toradas, pele as peras e córteas en dados, pique as noces. Mesture todo co queixo do Cebreiro. Prepare unha salsa vinagreta co aceite, o vinagre e o sal. Vértaa sobre a ensalada e mestúrea suavemente.

ENSALADA DE MACARRÓNS CON QUEIXO DO CEBREIRO


500 g. de macarróns200 g. de queixo do Cebreiro1 lata de atún en aceite300 g. de tomates maduros5 ovosaceitesalpementa moída

Preparación:

Coza os ovos, quítelles a casca e córteos en discos. Lave, pele e corte os tomates como para ensalada. Escorra ben o atún e pártao en anacos. Corte o queixo en anaquiños. Coza a pasta en auga con sal. Escorra os macarróns e arrefríeos con auga. Mesture todos os ingredientes nunha ensaladeira grande. Aliñe con aceite, sal e pementa moída. Sirva frío.

ENSALADA DE PATACA CON QUEIXO


4 patacas grandes125 g. de queixo do Cebreiro2 tomatesunhas follas de leituga

Para o adobo:4 culleradas de aceite1 cullerada de mostazasal pementa

Preparación:

Ferva as patacas con pel en auga con sal. Escórraas e deixe que arrefríen. Péleas e córteas en cadrados. Parta o queixo en tacos cadrados, os tomates e as follas de leituga en anaquiños. Poña os ingredientes nunha ensaladeira e mesture. Tamén pode engadir ceboliñas tenras.

ENSALADA DE POLO E PIÑA


1/2 polo asado1 bote de piña de piña de 500 g. 100 g. de xamón de York nunha rebanda80 g. de queixo do Cebreiro1 leituga1 mazá50 g. de noces peladas4 culleradas de salsa de tomate4 culleradas de salsa de maionesa

Preparación:

Desose o polo e córteo en anacos. Escorra a piña e córtea tamén en anacos. Corte o xamón, a mazá e o queixo. Mesture todo coa maionesa e a salsa de tomate. Limpe a leituga e poña as follas enteiras nunha ensaladeira; coloque no medio a preparación anterior e decore coas noces. Deixe a ensalada no refrixerador ata o momento de servila.

ENSALADA DE TOMATE Ó QUEIXO


tomates para ensaladaqueixo do Cebreiroalbahacaouregoaceite

sal

Preparación:

Cortar os tomates en rodas e colocalas unha ó lado da outra en cada prato. Sazonalas con sal, regalas con aceite e cubrilas co queixo cortados en anaquiños. Esparexer un pouco de ourego e albahaca picada e servir a ensalada ben fría.

ENSALADA Ó QUEIXO


escarolas en follasqueixo cortado en anacosatún en aceitetiras de pemento roxo en conservanoces partidas en dous cachos

Para a salsa de queixo do Cebreiro:1 vaso de leite en po6 culleradas de viño branco secosalpementa

Preparación:

Para facer a salsa poña nun cazo o queixo e un pouco de leite. Arrime ó lume e cando o queixo estea derretido engada o resto do leite e o viño branco, salpemente e deixe cocer a lume lento ou suave ata que espese. Deixe arrefriar e utilice. Poña todos os ingredientes nun prato e condimente coa salsa de queixo.

ESPETOS DE QUEIXO


un pouco de queixo do Cebreirorebandas de pan de molde1 ovo salsa de tomateleitefariñaaceite

Preparación:

Corte o pan de molde en anacos, úntelle bastante queixo, poña outro anaco de pan enriba, volva a untar o queixo, poña outro anaco de pan e repita esta operación varias veces. Crave os anacos de pan e queixo no espeto e báñeos con leite. Páseos por fariña, por ovo batido e frítaos en abundante aceite quente. Sírvaos coa salsa de tomate.

“ÑOQUIS” Ó QUEIXO DO CEBREIRO


50 g. de sémola30 g. de queixo do Cebreiro

1 ovo45 g. de manteigasalunha presa de queixo relado

Preparación:

Nunha cazola de barro verta a sémola, o ovo, o queixo do Cebreiro e 20 g. de manteiga. Traballe os ingredientes, formando unha masa ben homoxénea. Faga con esta masa unhas boliñas nas que se abre un pequeno burato co dedo polgar. Poña ó lume unha pota con auga salgada, cando ferva deixe caer os “ñoquis”, poucos á vez, e sáqueos coa espumadeira. Sérvense coa manteiga fundida e o queixo relado.

OVOS CON QUEIXO DO CEBREIRO


100 g. de queixo do Cebreiro2 rebandas de pan inglés2 dedos de leite2 ovos10 g. de fariña30 g. de manteiga10 g. de queixo relado

Preparación:

Úntase o queixo do Cebreiro no pan inglés para formar uns “canapés”. Pásanse polo leite, logo pola fariña e frítense na manteiga. Nunha tarteira colócanse os “canapés” cun ovo encima de cada un, cóbrese co queixo relado e déixase callar no forno durante uns minutos a lume suave.

OVOS CON QUEIXO E XAMÓN


9 ovos100 g. de xamón de York100 g. de queixo do Cebreiro25 g. de manteiga

sal

Preparación:

Úntase unha fonte refractaria coa manteiga. Á parte, bátense nove claras de ovo a punto de neve e cando estean sólidas mestúranse coidadosamente con 75 g. do queixo. A fonte ponse sobre o lume, e no momento en que a manteiga comece a derreterse, esténdense as claras de ovo e o queixo para que cubran ben o fondo. Colócase en cada ? un deles unha xema, bótaselle o queixo ben desfeito e un pouco de sal e métese no forno —que xa quentamos antes a temperatura alta—por tempo duns 10 minutos. Cando estea dourado, sácase e sérvese co xamón picado por enriba.

PIZZA ROSA


250 g. de pan de molde250 g. de queixo mozzarela250 g. de queixo do Cebreiro100 g. de queixo relado4 ovos3 ou 4 champiñóns1 vaso de leite1 vaso de zume de tomate1 pemento morrónourego - sal

Preparación:

Pase polo batedor os ovos, o leite e o pan ata obter unha masa ligada. Sazónea con sal e vértaa nun molde redondo e pouco fondo. Poña a cocer a forno medio ata que a pasta calle. Ferva o zume de tomate, salfira co ourego, coloque enriba a mozzarella esmigallada, o queixo do Cebreiro, o pemento morrón cortado en tiras e os champiñóns en láminas. Engada o queixo relado e poña no forno medio ata dourala. Sirva a pizza quente ou fría.

PRATO FRÍO


4 tomates4 rebandas de touciño4 rebandas de xamón York ou curadoun pouco de queixo do Cebreiro4 ovos duros8 cogombros

Preparación:

Frita as rebandas de touciño sen nada de graxa ata que estean ben pasadiñas. Coloque nunha fonte de forma alternada o xamón en cucuruchos, o touciño, o queixo, os tomates cortados pola metade, os ovos duros e os cogombros en forma de abano.

PRATO SORPRESA


600 g. de patacas500 g. de tomates maduros250 g. de carne picada50 g. de queixo do Cebreiro50 g. de manteiga1 cebola pequena1 vasiño de caldo de carneaceite - sal

Preparación:

Coza as patacas partidas en auga con sal, escórraas, páseas polo “chino” e engada a metade da manteiga, mesture ben. Frita a cebola relada e a carne picada nun pouco de aceite, engada os tomates relados e coza durante 15 minutos, sazone co vasiño de caldo. Poña a metade do puré nunha fonte do forno, coloque enriba a mestura de carne e tomate e cubra co resto do puré. Reparta por enriba a manteiga sobrante ata que estea dourada (pode engadir un pouquiño de xerez seco á carne).

QUEIXO REBOZADO


200 g. de queixo do Cebreiro1 ovopan reladoaceitesal - pementa

Preparación:

Bata o ovo e sazóneo con sal e pementa. Colla anacos de queixo e déalles algo de forma (rectangular, redonda, cadrada...). Pase os anacos de queixo polo ovo e rebóceos no pan relado, déixeos repousar no refrixerador. No momento de servir frítaos en abundante aceite quente.

QUEIXO DE CEBREIRO E XAMÓN Á CAMPESIÑA


1 presa de ceboliños100 g. de xamón cocido moi magro400 g. de queixo do Cebreiro1/4 de cullerada de sal1 chisco abundante de pementa moída gorda

Preparación:

Lave, escorra e pique os cebolos. Quite calquera graxa visible ó xamón e córteo en dados. Mesture o queixo co sal, pementa e os anacos de xamón e salfira cos ceboliños.

ROLIÑOS DE XAMÓN


8 rebandas de xamón de York40 g. de queixo do Cebreiro500 g. de arroz500 g. de tomates maduros50 g. de manteiga1 cebolaaceitesal

Preparación:

Ferva o arroz durante 20 minutos en abundante auga con sal, páseo por auga fría e escórrao. Refogue a cebola picada nun pouco de aceite, engada os tomates relados e cózao 20 minutos a lume suave. Sazóneo con sal e mesture o arroz. Póñao sobre as rebandas de xamón e enróleas. Coloque os rolos nunha fonte do forno, bótelles o queixo, reparta a manteiga en anaquiños por enriba e gratíneos no forno ata que estean dourados.

SOÑO DE CAMPESIÑO


250 g. de pan en anacos200 g. de queixo do Cebreiro4 ovos1 cunca chea de nata líquidamanteigasal

Preparación:

Engraxe unha tixola con manteiga, cubra o fondo coa metade do pan, estenda o queixo de forma uniforme e poña o resto do pan. Bata os ovos coa nata líquida e sazóneos con sal. Verta a metade desta mestura sobre o pan e frita a tortilla tapada a lume suave, ata que estea dourada. Déalle a volta, engada o resto da mestura de ovos, tápea e dóurea polo outro lado. Sírvaa con verduras ou ensalada.

SOPAS E PURÉS

PURÉ DE VERDURAS REFORZADO


2 cenorias1 verza pequena2 patacas1 nabo2 allos porros120 g. de queixo do Cebreiro25 g. de queixo reladoun litro e medio de caldo2 rebandas de pan de molde4 culleradas de aceite1 dente de allosal

Preparación:

Corte as verduras en anacos e refógueas uns minutos no aceite. Verta o caldo quente, probe de sal e déixeas cocer ata que estean tenras. Pase todo polo batedor xunto co queixo ata obter un puré fino. Sírvao con pan fritido ou torrado ou fritido con allo e cortado en cadrados. Salfira co queixo relado.

PURÉ DE LENTELLAS Ó QUEIXO


300 g. de lentellasun pouco de queixo do Cebreiro1/2 l. de caldo de carne2 tomates maduros1 cebola pequena4 culleradas de aceiteperexil

Preparación:

Deixe as lentellas en remollo durante unhas horas. Póñaas despois nunha cazola con auga e sal e cózaas ata que estean tenras. Escórraas, páseas polo batedor e despois por un coador para eliminar as peles. Refogue a cebola picada no aceite, engada os tomates relados e coza uns 10 minutos máis. Engada o puré de lentellas e o resto do caldo quente, remexa ben, salfira co perexil moi picado e o queixo.

PURÉ DE PATACAS GRATINADO


1 kg. de patacas2 ovos50 g. de queixo do Cebreiro50 g. de manteigasal

Preparación:

Coza as patacas cortadas en auga con sal durante 20 minutos. Páseas polo “chino”, engada a metade da manteiga e as dúas xemas de ovo e mesture ben. Coloque o puré nunha fonte do forno e cúbrao coas claras montadas a punto de neve, bótelle o queixo, reparta por enriba o resto da manteiga en anaquiños e poña no forno ata que se doure.

PURÉ DE VERDURAS


500 g. de chícharos500 g. de leituga250 g. de xudías verdes250 g. de patacas100 g. de cenorias60 g. de queixo do Cebreiro30 g. de manteiga3 ovossal

Preparación:

Corte todas as verduras en anacos e cózaas en auga fervendo con sal durante 20 minutos. Escórraas e páseas polo batedor xunto co queixo e a manteiga. Sirva o puré quente. Se resulta moi mesto acláreo cun pouco da auga das verduras.

PURÉ DE XUDÍAS BRANCAS


700 g. de xudías brancas cocidas50 g. de touciño40 g. de queixo do Cebreiro1 l. de caldo de carne1 cebola1 cullerada de pementoaceite

Preparación:

Poña as xudías nunha cazola ó lume co caldo, o touciño e a metade da cebola e cózao durante uns 10 minutos. Á parte refogue nun pouco de aceite a outra media cebola relada. Cando estea tenra engada o pemento e incorpóreo ás xudías. Engada o queixo; retire o touciño e páseo todo polo batedor. Sirva o puré quente.

SOPA


150 g. de pan2 ovos40 g. de queixo do Cebreiro4 culleradas de aceite1 dente de allosal pementa

Preparación:

Poña nunha cazarola ó lume 1 litro de auga, o allo picado, o aceite, o sal e a pementa. Cando rompa a ferver engada o pan e deixe cocer durante 30 minutos (o pan debe quedar coma unha papa). Bata os ovos, engada o queixo e bote esta mestura na sopa cando a retire do lume. Deixe repousar uns minutos antes de servir. Se o desexa pode poñer a sopa no forno ata que a superficie quede dourada.

SOPA CASEIRA


4 allos porrosunhas follas de repolo150 g. de fideos finos40 g. de queixo do Cebreiro1 l. de caldo de poloperexilsal

Preparación:

Corte a parte branca dos allos en aros e o repolo en tiras. Refogue todo xunto no aceite, verta o caldo quente, salgue e deixe cocer uns 15 minutos. Engada os fideos e o perexil picado e coza 5 minutos máis. No momento de servir bótelle o queixo.

SOPA DE MEXILLÓNS


400 g. de mexillóns400 g. de tomates80 g. de fideos grosos1 l. de caldo de peixe40 g. de queixo do Cebreiro1 pemento verde1 cebolaaceite - sal

Preparación:

Límpanse os mexillóns, póñense nun cazo, tápanse e déixanse a lume maino ata que abran. Retíranse, quitáselles a cuncha e resérvase o líquido que soltaron despois de pasalo por un coador fino. Refógase a cebola picada nun pouco de aceite, cando estea dourada engádense os tomates relados e o pemento en anacos; tápase e déixase cocer 15 minutos a lume baixo. Vértese o caldo e o líquido dos mexillóns, cócese uns minutos máis e pásase por un coador, rectifícase de sal. Ponse de novo no lume e cando rompe a ferver engádense os fideos. Déixase cocer 10 minutos máis a lume suave e engádense os mexillóns. Sérvese a sopa cun anaco de queixo en cada prato.

SOPA DE OVOS E QUEIXO


4 ovospan 1 cullerada de queixo do Cebreiro1 litro de caldomanteigasal

Preparación:

Nunha cazola de barro ou material refractario ponse o caldo fervendo, cáscanse os ovos sobre o caldo e engádense unhas sopas finas de pan torrado. Bótaselle o queixo en anacos moi pequechos e métese ó forno uns cinco minutos, servíndose a sopa de contado.

SOPA DE PAN Ó VIÑO TINTO


150 g. de pan (mellor do día antes)40 g. de queixo do Cebreiro1 cebola1 l. de caldo de carne4 culleradas de aceite de oliva3 culleradas de viño tintosalnoz moscada

Preparación:

Nunha cazola de barro refogue a cebola picada no aceite, engada o pan cortado en rebandas finas, verta o caldo quente e o viño e sazone con sal e noz moscada. Deixe cocer uns vinte minutos e sirva co queixo por enriba.

SOPA DE PASTA

Ingredientes de 4 persoas:

200 g. de macarróns50 g. de queixo do Cebreiro1 l. de caldo de carnesal

Preparación:

Coza os macarróns en auga fervendo con sal, cando estean no seu punto escórraos. Poña o caldo nunha cazola ó lume. Cando rompa a ferver, bote os macarróns, engada o queixo e a manteiga en anacos, e mestúreo ben. Sirva a sopa moi quente.

SOPA DE PEIXE


1 cabeza de peixe sapo1 cabeza de pescada40 g. de queixo do Cebreiro150 g. de fideos1 cebola duns 150 g.4 tomates vermellos8 améndoas tostadas4 culleradas de aceite1 folla de loureiro

sal - pementa - azafránperexil

Preparación:

Frita no aceite durante uns 5 minutos a cebola picada, os tomates partidos e unha ramiña de perexil. Engada as cabezas do peixe e o loureiro, sazone co sal e a pementa e bótelle un litro e medio de auga quente. Coza a lume vivo durante 15 minutos, engada as améndoas machucadas no morteiro e unhas febras de azafrán e coza outros 15 minutos máis. Coe o caldo e deixe que ferva. Cando rompa a ferver bote os fideos e déixeos cocer ata que estean no seu punto. Sérvese a sopa co queixo.

SOPA DE QUEIXO DO CEBREIRO


3 xemas de ovo50 g. de queixo do Cebreiro1 l. de caldo de carne1 culleradiña de fariñasal

Preparación:

Poña o caldo nunha cazola ó lume (reserve unha cunca). Cando empece a ferver engada a fariña disolta nun pouco do caldo reservado, mesture ben cunha culler de madeira. Engada o queixo e coza durante 5 minutos remexendo continuamente, rectifique de sal. Retire do lume, engada as xemas mesturadas co resto do caldo reservado e bata enerxicamente para que as xemas queden ben incorporadas. Sirva a sopa de contado.

SOPA QUEIXO DO CEBREIRO (2)


6 patacas50 g. de touciño40 g. de queixo do Cebreiro1 l. de caldo de polo1 cebola3 ramas de apio3 ramas de perexil1/2 vaso de leite2 torradas4 culleradas de aceitesal - pementa

Preparación:

Pele a cebola, córtea e refóguea no aceite a lume suave, cando empece a tomar cor engada o touciño cortado en anaquiños e frita durante uns minutos. Engada as patacas cortadas en dados e as ramas de apio e frita, sempre a lume suave, uns 10 minutos máis. Bote o caldo e coza tapado ata que as patacas estean case desfeitas. Retire o apio e engada o leite e o perexil ben picado. Sérvese co queixo e o pan cortado en anaquiños.

VERDURAS E PASTAS

ALLOS PORROS CON SALSA BECHAMEL


8 allos porros grandes100 g. de queixo do Cebreiro1 cullerada de fariña1/4 l. de leite40 g. de pan relado25 g. de manteigasal pementanoz moscada

Preparación:

Limpe os porros deixando só a parte branca e cózaa en auga fervendo con sal durante 15 minutos, escórraos e reserve a auga de cocción. Refogue a fariña na manteiga, antes de que tome cor. Verta o leite e 1/4 litro de auga de cocer os porros e cózao durante 20 minutos removendo continuamente, sazóneo con sal, pementa e noz moscada. Coloque os porros nunha fonte de forno, cúbraos coa salsa e bótelles o queixo e o pan relado. Gratíneos no forno ata que a superficie estea dourada.

APIO CON BECHAMEL TOSTADO


1 apio150 g. de queixo do Cebreiro50 g. de manteiga1/2 l. de leite2 culleradas de fariñasalpementanoz moscada

Preparación:

Retire as follas máis verdes do apio, córteo en anacos e cózao en abundante auga con sal durante 10 minutos, escórrao e resérveo. Prepare unha salsa bechamel; refogue a fariña na manteiga ata que empece a tomar cor. Verta o leite de moi a modiño

remexendo seguido e cózao a lume lento durante 20 minutos sen deixar de remover. Sazóneo con sal, pementa e noz moscada. Unte unha fonte de forno con manteiga e coloque capas alternadas de apio e de queixo ata rematar os ingredientes. Cúbrao coa bechamel, bótelle outro pouco de queixo e póñao no forno ata que estea dourado.

ARROZ Á MILANESA


280 g. de arroz100 g. de queixo do Cebreiro150 g. de xamón150 g. de chícharos1/2 kg de tomates1 cebola50 g. de manteigacaldo de carneperexilsal - pementa branca - noz moscada

Preparación:

Refogue na manteiga o xamón cortado en anacos e a cebola picada. Cando a cebola empece a tomar cor, engada os tomates relados, o arroz e os chícharos. Frítao todo xunto uns minutos e verta o caldo ou auga suficiente (2 veces e media do volume do arroz), sazóneo con pementa e noz moscada. Cando empece a ferver engada o queixo e un pouco de perexil picado e déixeo cocer uns 18 minutos a fogo suave. Uns minutos antes de rematar a cocción rectifique o sal.

ARROZ CON MEXILLÓNS


400 g. de arroz500 g. de mexillóns400 g. de chícharos (peso neto)50 g. de queixo do Cebreiro50 g. de manteiga 2 culleradas de aceite1 litro e medio de caldo de peixe ou de auga1/2 cebola pequenasal - pementa

Preparación:

Limpe os mexillóns, póñaos nun cazo, tápeos e déixeos a lume suave ata que se abran; pase o líquido que solten por un coador fino e resérveo. Refogue a cebola picada na manteiga, engada os chícharos e o arroz e verta o caldo quente e o líquido reservado

dos mexillóns. Sazóneo con pementa e un pouco de sal e déixeo cocer uns 15 minutos removendo de vez en cando. Coloque os mexillóns nunha fonte e bótelles o queixo. Sírvao inmediatamente.

BERENXENAS CON QUEIXO


4 berenxenas grandes1 lata grande de tomates ó natural200 g. de xamón graxoourego ou perexil2 ceboliñaspan relado30 g. de manteiga2 culleradas de aceitesal - pementa

Preparación:

Cortar as berenxenas en rebandas, poñelas nun prato inclinado e cubrilas de sal para que desprendan o zume amargo. Dourar en dúas culleradas de aceite a ceboliña picada, engadir os tomates pelados, salferir co ourego ou perexil picado, sazonar co sal e a pementa e deixar cocer durante media hora a lume moderado. Asar á prancha as toradas das berenxenas ben secas e lixeiramente untadas de aceite. Nunha pota ou nun prato para o forno , colocar unha primeira capa de berenxenas, regadas cun pouco de salsa de tomate, cubrir co queixo e con anaquiños de xamón e ir alternando as capas na orde indicada, rematando cunha capa de berenxenas. Esparexer o pan relado, repartir por enriba anaquiños de manteiga e poñer ó forno a torrar durante uns trinta minutos.

BERENXENAS RECHEAS


300 g. de carne picada (tenreira ou polo)50 g. de queixo do Cebreiro4 berenxenas1 cebola pequena1 ovo duroaceite

Preparación:

Coza as berenxenas en auga con sal durante 10 minutos, escórraas; pártaas pola metade e retire parte da polpa. Frita a cebola relada nun pouco de aceite, cando comece a dourarse engada a carne e a polpa da berenxena cortada en anacos, frítao durante uns minutos e fóra do lume engada o ovo picado, sazóneo con sal. Reencha as berenxenas

con esta preparación, póñaas nunha fonte de forno, esparexa por enriba o queixo relado e gratíneas no forno.

CANELÓNS DE ESPINACAS


1 caixa e media de canelóns (18 placas)1 quilo e medio de espinacas750 g. de tomates maduros100 g. de queixo do Cebreiro1 ovoaceitesal

Preparación:

Ferva os canelóns en abundante auga con sal durante 20 minutos, escórraos e mergúlleos en auga fría, colóqueos sobre un pano de cociña e séqueos para que o recheo non esvare. Coza as espinacas ó vapor durante 5 minutos cun pouco de sal, escórraas, córteas e mestúreas con ovos batidos e a metade de queixo. Reencha os canelóns con esta preparación e colóqueos nunha fonte de forno. Frita os tomates relados nun pouco de aceite durante 10 minutos, sazóneos con sal, cubra os canelóns con esta salsa, bótelles o resto do queixo e tósteos no forno ata que estean durados.

CANELÓNS ROSSINI


1 caixa de canelóns50 g. de xamón1 miolo50 g. de queixo do Cebreiro50 g. de graxa de porco1 peituga de polo2 fígados de polo45 g. de manteiga200 g. de carne de cocho3 culleradas de fariña1/2 l. de leite1 cebola1 copa de xerezsal - pementanoz moscada

Preparación:

Refogue na manteiga a cebola, a peituga, a carne e os fígados; cando a carne estea dourada, verta o xerez, baixe o lume e deixe cocer durante 15 minutos. Pase todo pola picadora, póñao de novo na neveira e engada o xamón picado e os miolos previamente cocidos e cortados en anacos. Sazone con sal; engada unha cullerada de fariña e medio vaso de leite, e coza a lume maino durante 10 minutos. Ferva os canelóns en abundante auga con sal durante 20 minutos, escórraos, mergúlleos en auga fría e colóqueos sobre un pano de cociña. Énchaos coa preparación anterior e colóqueos nunha fonte do forno. Prepare unha salsa bechamel co resto do leite, da fariña e a metade da manteiga. Sazónea con sal, pementa e noz moscada e vértaa sobre os canelóns. Bótelles o queixo, reparta por enriba o resto da manteiga en anaquiños e métaos no forno ata que estean dourados.

CEBOLAS RECHEAS


4 cebolas grandes150 g. de carne picada50 g. de manteiga25 g. de fariña1 vaso pequeno de leite1/2 vaso pequeno de aceitesal - pementa branca - noz moscada

Preparación:

Pele as cebolas e retire a parte central facendo un oco grande, corte en anaquiños a parte extraída e refóguea no aceite a lume suave. Cando empece a tomar cor engada a carne, frítaa uns minutos e engada a fariña. Verta o leite sen deixar de remexer e coza todo xunto uns minutos, sazone con sal, pementa e noz moscada. Reencha as cebolas con esta preparación e colóqueas nunha fonte de forno, poña un pouco de manteiga encima de cada cebola, bótelles o queixo por enriba e déixeas asar durante 30 minutos a forno forte.

COGOMELOS Ó QUEIXO DO CEBREIRO

Ingredientes para 1 ración:

1 fonte de cogomelos “pleurotus ostreatus”nata líquidaqueixo do Cebreiroallo - sal - pementa

Preparación:

Frítense os cogomelos nunha tixola e bótaselles un pouco de allo, sal e pementa. Engádeselles un pouco de nata e o queixo do Cebreiro e déixase ata que espese a salsa.

ENDIVIAS CON XAMÓN


12 endivias1 limón 12 rebandas finas de xamón de York100 g. de queixo do Cebreiro100 g. de manteiga1/2 l. de leite2 culleradas rasas de fariña de millosal - pementa - noz moscada

Preparación:

Poña as endivias nunha cazola coas 3/4 partes de manteiga, un pouco de sal, o zume de medio limón e 1/4 litro de auga. Coza as endivias a lume medio durante 40 minutos, escórraas e envolva cada unha delas cunha rebanda de xamón, reserve a auga de cocción. Desfaga a fariña de millo nun pouco de leite fría, quente o resto do leite sazonado con sal, pementa e noz moscada e cando empece a ferver verta a fariña. Deixe cocer durante 2 ou 3 minutos removendo cunha culler de madeira, retire do lume e engada unha cullerada de manteiga e auga da cocción das endivias. Coloque os roliños na salsa, bótelles o queixo e reparta por enriba o resto da manteiga. Cociñe no forno ata que a superficie estea dourada.

ESPAGUETES Ó QUEIXO DO CEBREIRO


400 g. de espaguetes50 g. de queixo Emmental50 g. de queixo do Cebreiro50 g. de queixo de bóla50 g. de queixo relado50 g. de manteigasal

Preparación:

Cócense os espaguetes en auga con sal, un chorriño de aceite ou media cullerada de manteiga uns 10 ou 15 minutos. Non poden quedar moi cocidos. Nun recipiente fondo póñense os queixos cortados en tiras finas mesturadas co queixo relado. Cando os espaguetes estean cocidos escórrense e bótanse no recipiente dos queixos, revólvense mesturando ó mesmo tempo a manteiga. Se quere, pódeos condimentar coa pementa branca moída.

ESPINACAS CON XAMÓN


1/2 kg de espinacas4 ovos1 rebanda de xamón 30 g. de queixo do Cebreiro1 cebola1 dente de allo3 culleradas de nata líquidaaceitesal - pementa

Preparación:

Se as espinacas son frescas cózaas ó vapor durante 3 minutos, se son conxeladas férvaas en auga con sal uns 10 minutos. Frita no aceite a cebola e o allo picados e o xamón en tiras. Cando a cebola empece a tomar cor, engada as espinacas ben escorridas e refogadas uns minutos. Bata os ovos coa nata e o queixo e sazóneos coa sal e a pementa. Incorpóreos ás espinacas, póñaas nunha fonte e déixeas no forno a uns 174 graos durante 30 minutos.

ESPIRAIS CON CREMA DE QUEIXO DO CEBREIRO


1/2 quilo de pasta tipo espirais400 g. de queixo do Cebreiro1 lata de nata líquidaazucrepementanoz moscadacanela - sal

Preparación:

A pasta cócese en abundante auga fervendo cun pouco de sal durante 10 minutos, removéndoa varias veces nese tempo. Entre tanto, nun cazo quéntase a lume moi lento a nata líquida. Despois, engádese un pouco de azucre, canela en po, noz moscada, pementa e sal, removendo constantemente para que quede todo ben unido. Neste punto engádese a modiño o queixo e reméxese ata conseguir unha crema fina e homoxénea, se fose necesario pódese engadir un pouco de leite.

Cando a pasta estea cocida escórrese e disponse nunha fonte de servir, onde se mestura coa crema para servila de seguido.

FOLLADO DE ACELGAS E QUEIXO DO CEBREIRO


500 g. de fariña

3 madas de acelgas 2 presadas de queixo relado

4 ovos500 g. de queixo do Cebreiroaceitemanteiga

Preparación:

Facer coa fariña unha pía sobre a mesa, abrir un burato no medio e verter nel cinco culleradas de aceite, un chisco de sal e medio vaso de auga (ou algo máis), traballando os ingredientes de maneira que se consiga unha masa suave; deixar repousar a masa durante unha hora. Namentres, lavar moi ben as acelgas e fervelas en pouca auga e unha presa de sal. Escorrelas, exprimilas ben e refogalas nunha cazola cun anaco de manteiga ata que perdan totalmente a auga. A continuación pasalas polo “chino” e agregar 2/3 do queixo relado, mesturar ben. Dividir a masa en dez partes, estender cada unha delas en follas delgadas do tamaño dun molde redondo de 25 cm. de diámetro; untar con aceite, colocar a segunda, pincelala e continuar así ata 5 follas. Colocar enriba a mestura de acelgas e queixo do Cebreiro, abrir nela 4 buracos, en cada un deles romperase un ovo. Salgar lixeiramente e salferir co queixo relado restante. Cubrir coas outras 5 follas pinceladas en aceite. Untar tamén a última folla que se furará repetidamente cun escarvadentes. Meter no forno durante unha hora. Pódese servir o pastel frío ou quente.

FONDUE DE QUEIXO DO CEBREIRO


400 g. de queixo de Arzúa-Ulloa200 g. de queixo do Cebreiro1 vaso de viño branco1 copa pequena de licor kirsch1/2 limónpan1 dente de allopementa

Preparación:

A fondue prepárase tallando todo o queixo en cadrados non moi grandes ou relándoo para que se derreta máis facilmente. O recipiente da fondue úntase co allo e introdúcense nel os queixos. Despois engádense o viño e o zume de medio limón. Ponse o recipiente a lume lento, removendo sen parar ata que o queixo se derreta. Entón engádese unha pouca de pementa -ou calquera outra especie que se prefira- e o licor, manténdoo sobre o lume dous minutos máis. Sérvese colocando o recipiente co queixo na mesa sobre o quentador de alcohol co lume moi baixo. Para degustar este prato, córtanse uns tacos de pan, pícanse cun espeto e móllanse no preparado do queixo. Na

fondue pódense empregar outros tipos de queixos combinados ademais dos que se mencionan nesta receita.

FONDUE DE QUEIXO


500 g. de queixo de Arzúa-Ulloa500 g. de queixo do Cebreiro3 vasos de viño branco seco1 dente de allo1 cullerada rasa de maicena2 vasos de licor de kirschpementa acabada de moernoz moscada acabada de relarpans de diferentes tipos

Preparación:

Fregar co allo as paredes da marmita, botar o queixo cortado en anacos moi pequenos, engadir o viño e a pementa. Quentar ó lume removendo cunha culler de madeira coma se fixésemos un oito. Cando comece a ferver, botar a maicena diluída no kirsch e a noz moscada, movendo sempre. Poñer o recipiente no quentador da fondue na mesa. Cortar o pan en dados, dispoñer os espetos e ir mollando na fondue as diferentes clases de pan e tamén taquiños de mazá. Servir con té ou viño branco, nunca con auga.

GRELOS PEREGRÍN

Ingredientes para 1 ración:

2 cunchas de follados150 gr. de grelostouciñocebolaallo - caienasalsa bechamelqueixo do Cebreiro

Preparación:

Pique a cebola, o touciño e o allo moi fino e póñao a fritir lentamente cunha miguiña de caiena. Cos grelos, previamente cocidos, e a salsa bechamel mesture sofrito. Con esta mestura e co queixo do Cebreiro reencha dúas cunchas de follados e gratine no forno a 170º durante 20 minutos.

GRUDITES CON SALSA DE QUEIXO DO CEBREIRO


125 g. de queixo do Cebreiro1 cullerada de mostazazume de limón1 presa de ravos4 cenorias4 endivias1 cebola tenra1 apio1 cogombro2 cogombros pequenosnata líquidaperexil - sal - pementa

Preparación:

Mesture a mostaza co zume de limón e o queixo ata obter unha crema fina, engada os cogombros pequenos, a cebola tenra e un pouco de perexil, todo picado, e verta a nata líquida removendo continuamente ata que a salsa adquira a consistencia desexada, sazóneo con sal e pementa. Corte as cenorias, o apio, os ravos e o cogombro en pauciños duns 8 cm. e as endivias en 8 anacos. Coloque as verduras nunha fonte e cúbraas coa salsa do queixo.

LASAÑA


1 caixa de canelóns1/2 kg. de carne picada de tenreira50 g. de touciño100 g. de queixo do Cebreiro1 cebola1 dente de allo75 g. de manteiga1 lata de champiñóns2 culleradas de tomate concentrado1/2 l. de leite2 culleradas rasas de fariñaouregosalpementanoz moscada

Preparación:

Refogue na metade da manteiga a cebola e o allo picados, a carne e o touciño cortado en tiras. Cando a carne estea dourada, engada os champiñóns en láminas e o tomate. Frítao uns minutos máis, sazóneo con sal e un pouco de ourego. Prepare unha

salsa bechamel co leite, a fariña e o resto da manteiga, sazónea con sal, pementa e noz moscada.

Coza os canelóns en abundante auga con sal durante 20 minutos. Escórraos, mergúlleos en auga fría e escórraos de novo. Coloque nunha fonte do forno capas alternativas de pasta e carne (remonte cunha capa de pasta). Cúbrao coa bechamel sobrante e bótelle o queixo. Cociñe no forno ata que a superficie estea dourada.

MACARRÓNS CON QUEIXO


400 g. de macarróns1 pastilla de caldo de carne100 g. de queixo do Cebreiro50 g. de manteiga

Preparación:

Ferva os macarróns en abundante auga coa pastilla de caldo. Cando estean tenros pero firmes, páseos por auga fría e escórraos ben. Refógueos na metade da manteiga e póñaos nunha fonte do forno; bótelles o queixo, engada o resto da manteiga en anaquiños e gratíneos no forno.

PASTA CON QUEIXO DO CEBREIRO


500 g. de pasta400 g. de queixo do Cebreiro100 c.c. de nata líquida2 follas de menta frescasal - pementaazucrenoz moscadacanela en po

Preparación:

Quentar nun cazo a nata líquida a lume moi suave. Engadir o azucre, sal, pementa, noz moscada e canela, todo en cachiños e sen deixar de remexer. Engadir pouco a pouco o queixo esmigallado, mesturar e traballar coa espátula ata conseguir unha fina crema engadindo, se fai falla, un pouquiño de leite. Probar, rectificar sabores e reservar. Cocer a pasta en abundante auga fervendo, lixeiramente salgada. Escorrela ben, vertela nunha fonte de servir. Cubrir coa crema de queixo. Adornar coas follas de menta. Servir quente.

PASTEL DE CEBOLA


100 g. de queixo do Cebreiro100 g. de rafa de pan2 cebolas medianas1/2 litro de leite25 g. de manteiga4 ovossalpementa

Preparación:

Refogue as cebolas cortadas en discos finos na manteiga, engada o leite e cando empece a ferver incorpore a rafa de pan, o queixo relado e os ovos batidos. Mesture ben e sazone con sal e pementa. Poña o pastel nunha fonte de forno ou nun molde engraxado e cózao no forno a 200 graos ata que suba e estea dourado. Sírvao acabado de facer.

PATACAS BOÍSIMAS


2 kg de patacas100 g. de queixo do Cebreiro1/2 l. de leite2 culleradas de fariña50 g. de manteigaaceite - pementanoz moscada

Preparación:

Pele as patacas, córteas en aros e sazóneas con sal. Frítaas en aceite quente e colóqueas nunha fonte de forno. Prepare unha salsa bechamel co leite, a fariña e a manteiga, sazónea con sal, pementa e noz moscada. Vértaa sobre as patacas, bótelle o queixo e póñaas no forno a 200 graos durante uns 15 minutos. Logo gratíneas ata que a superficie estea dourada.

PATACAS Ó ESTILO DO CEBREIRO


1 kg de patacasun pouco de queixo do Cebreiro3/4 l. de leite2 ovos50 g. de manteiga

salpementa

Preparación:

Lave as patacas e cózaas coa pel en auga con sal. Cando estean case feitas escórraas, péleas, córteas en rodas e sazóneas con sal e pementa. Unte unha fonte do forno con manteiga e énchaa con capas alternadas de patacas e queixo. Remate cunha capa de patacas. Bata os ovos, mestúreos co leite e sazóneos co sal. Vértaos sobre as patacas e métaos no forno ata que o líquido se reduza e a superficie quede dourada.

PATACAS Ó FORNO


1 kg de patacas50 g. de queixo do Cebreiro50 g. de manteiga1/4 l. de leite2 ovosperexilsal

Preparación:

Pele as patacas, córteas en láminas finas e póñaas nunha fonte de forno untada con manteiga. Bata os ovos, mestúreos co leite, o queixo e a manteiga e sazóneos con sal. Verta a preparación anterior sobre as patacas, cubra a fonte con papel de aluminio e déixea no forno uns 20 minutos. Cando as patacas estean tenras, destape a fonte e deixe que se douren. Sírvaas salferidas co perexil picado.

REVOLTO DE CABACIÑAS


1 quilo e medio de cabaciñas4 ovos40 g. de queixo do Cebreiroaceitesal

Preparación:

Pele as cabaciñas e córteas en cadradiños. Refogue os anacos durante 15 minutos nun pouco de aceite a lume suave e sazóneos con sal. Engada os ovos batidos e deixe facer uns minutos máis, sen deixar de remexer, ata que os ovos callen. Coloque o revolto nunha fonte de forno co queixo por enriba e gratine no forno ata que estea dourado.

ROLIÑOS DE SETA


400 g. de cogomelos150 g. de queixo do Cebreiro4 talladas de xamón York10 g. de manteiga1 cunca de viño branco1 cunca de nata líquida1 ovo25 g. de queixo relado

Preparación:

Limpar os cogomelos, refogalos na manteiga, engadir o viño e deixalos cocer a lume suave durante uns minutos. Retirar os cogomelos e cortalos, engadir o queixo ó líquido de cocción e volver a poñer os cogomelos. Deixar arrefriar a salsa e poñer 2 culleradas, sobre cada tallada de xamón, envolver e colocar os roliños nunha bandexa de forno. Mesturar o resto da salsa co ovo batido e a nata líquida, vertela sobre os roliños de xamón e salferir co queixo relado. Tostar no forno ata que estean dourados. Servir moi quente.

SOFRITO DE PATACAS Ó QUEIXO DO CEBREIRO


600 g. de patacas250 g. de tomates vermellos e carnosos100 g. de queixo do Cebreiro2 cebolas1/4 l. de leite2 xemas de ovo50 g. de manteigasal

Preparación:

Escalde os tomates, péleos e corte a polpa en anaquiños. Refogue na manteiga as cebolas picadas, o tomate e as patacas cortadas en dadiños. Verta o leite mesturado coas xemas dos ovos batidos e a metade do queixo, sazone con sal e deixe cocer ata que as patacas estean tenras. Poña o sofrito nunha fonte de forno, bótelle o resto do queixo e gratíneo no forno ata que estea dourado.

ESPAGUETES CON TOMATE ÁS HERBAS


400 g. de espaguetes500 g. de tomates maduros50 g. de queixo do Cebreiro2 cebolasouregotomiñoaceitesal

Preparación:

Ferva os espaguetes en abundante auga con sal e un chorriño de aceite, escórraos e mantéñaos quentes. Refogue as cebolas picadas nun pouco de aceite, engada os tomates relados, sazone con sal, ourego, tomiño e deixe cocer durante 30 minutos a lume maino , páseo polo “chino”. Mesture os espaguetes coa salsa e sírvaos co queixo (se desexa pode gratinalos no forno).

TALLARÍNS CON MANTEIGA E QUEIXO


400 g. de tallaríns 150 g. de queixo do Cebreiro

100 g. de manteiga6 culleradas de nata líquidapementa negra acabada de moeraceitesal

Preparación:

Para a salsa mesture a manteiga abrandada coa nata e o queixo. Ferva os tallaríns en abundante auga con sal e un chorriño de aceite ata que estean tenros pero firmes (10 minutos aproximadamente). Escórraos e mestúreos ben coa salsa. Sazóneos con pementa e bótelles un pouco de queixo. Sírvaos de contado.

TALLARÍNS ÓS CATRO QUEIXOS


500 g. de tallaríns75 g. de manteiga50 g. de emmental50 g. de queixo do Cebreiro100 g. de queixo de Gruyèresalpementa en grao

Preparación:

Cocer a pasta en abundante auga fervendo, algo máis salgada do normal e ó dente. Mentres a pasta coce, cortar os queixos para derreter en tiras ou en anacos e poñelos nunha fonte que quentamos antes. Derreter a manteiga ó baño María. Cando a pasta estea cocida, escorrela e vertela, aínda goteando, na fonte que contén os queixos. Engadir a metade da manteiga derretida e abundante pementa acabada de moer. Mesturar de contado. A continuación engadir a outra metade da manteiga e o queixo relado. Mesturar e levar á mesa ben quente.

TALLARÍNS VERDES CON SALSA DE AMÉNDOA


400 g. de tallaríns verdes100 g. de améndoas moídas500 g. de queixo do Cebreiro50 g. de manteiga1 cunquiña de nata líquidaaceiteleitesal

Preparación:

Ferva os tallaríns en abundante auga con sal e un chorriño de aceite ata que estean tenros pero firmes. Escórraos e mantéñaos quentes. Derreta a manteiga en lume suave, engada as améndoas, a nata líquida e a metade do queixo e mestúreo todo ben (se o desexa pode aclarar a salsa cun pouco de leite). Verta a salsa sobre os tallaríns e bótelles queixo.

XUDÍAS VERDES CON TOMATE


1 kg. de xudías verdes500 g. de tomates maduros50 g. de queixo do Cebreiroaceitesal

Preparación:

Pique as xudías verdes en anacos e férvaas en auga con sal durante 20 minutos. Escórraas e colóqueas nunha fonte de forno. Fría os tomates relados nun pouco de aceite durante 10 minutos, sazóneos con sal. Verta o preparado anterior sobre as xudías, bótelles o queixo e tósteas uns minutos no forno.

CARNES E PEIXES

BACALLAO Ó QUEIXO


1/2 kg. de bacallao en anacos150 g. de queixo do Cebreiro3 allos porros1 anaco de pel de limón1 cullerada de mostaza2 culleradas de manteigaperexil - sal

Preparación:

O bacallao unha vez desalgado, límpase de arganas. Nunha fonte apropiada para o forno póñense as dúas culleradas de manteiga e os porros cortados en aros (só a parte branca). Introdúcese a fonte, tapada con papel transparente, no forno á máxima potencia durante 8 minutos. Pasado este tempo, revólvese e engádese o bacallao conectando o forno 4 minutos. Á parte prepárase unha salsa. Para iso bótase nunha cunca o queixo, a mostaza, a pel do limón relada, un anaco de perexil e unha miguiña de sal. Desfaise todo ben co batedor e sérvese o bacallao, presentando a salsa nunha cunca á parte.

CARPACCIO


500 g. de solombo de tenreira100 g. de queixo do Cebreiro4 culleradas de aceite de oliva1 limón1 trufa pequenasal pementa

Preparación:

Deixe a carne durante media hora no conxelador, sáquea e córtea en filetes moi delgados, colóqueos nunha fonte de servir. Prepare unha salsa batendo o aceite co zume de medio limón, sal e pementa. Vértaa sobre a carne, bótelle o queixo e decórea coa trufa cortada en discos finos. Este prato sérvese inmediatamente despois da súa preparación.

COSTELETAS DE PORCO RECHEAS CON QUEIXO


4 costeletas de porco3 pementos en vinagreabundante perexil1 cullerada de puré de tomate2 dentes de allo2 filetes de anchoa1/2 vaso de aceite1 limónsal - pementa50 g. de queixo do Cebreiro

Preparación:

Pícanse o perexil e o allo moi miúdos, sofrítense nunha cazola a lume moi lento. Engádese o puré de tomate diluído nun cullerón de auga morna, os pementos e as anchoas cortadas en anacos e o queixo. Faise espesar o líquido engadindo o queixo. Namentres ásanse as costeletas de porco sobre unha prancha quente, colócanse nunha fonte, réganse coa salsa preparada e adórnanse con discos de limón.

GUISO DE PATACAS CON CARNE


500 g. de carne picada de tenreira100 g. de xamón curado1/4 litro de caldo de carne40 g. de queixo do Cebreiro300 g. de patacas4 tomates3 culleradas de pan relado1 dente de alloperexil - aceitesal

Preparación:

Pele as patacas, córteas en discos finos e colóqueas nunha fonte de forno. Encima poña a carne, o xamón picado e os tomates partidos pola metade, sazóneo con sal, régueo con aceite, bótelle o pan e o queixo relado e verta o caldo. Cocíñase no forno prequentado a 220 graos durante 30 minutos. Uns minutos antes de finalizar a cocción engada o allo e unha rama de perexil picado.

LINGUADO Ó FORNO CON LAGOSTINOS


4 filetes de linguado8 lagostinos40 g. de queixo do Cebreiro50 g. de manteiga1 cullerada de fariña1/4 de litro de aceite1 folla de loureirofariña - aceite - sal - pementanoz moscada

Preparación:

Ferva os lagostinos en auga con sal e o loureiro, retíreos e péleos. Limpe os filetes de linguado, sazóneos con sal e enróleos, páseos por fariña e frítaos no aceite quente. Colóqueos nunha fonte de forno cos lagostinos. Prepare unha salsa bechamel coa fariña, o leite e a manteiga. Sazónea con sal, pementa e noz moscada. Verta a bechamel sobre o linguado e os lagostinos. Bótelle o queixo e gratíneo ata que estea dourado.

LINGUADO Ó XEREZ


4 racións de linguado2 ovosun pouco de queixo do Cebreiro4 culleradas de nata líquida1 limónsal

Preparación:

Sazone os filetes de linguado con sal e póñaos nunha fonte do forno, régueos co zume de limón. Bata as xemas co xerez e a nata e verta sobre os linguados. Póñaos no forno forte durante 10 minutos, retíreos do forno e cúbraos coas claras montadas a punto de neve, engada o queixo. Volva a fonte ó forno ata que estea dourado.

MEDALLÓNS PARA FESTA


8 medallóns de solombo de porco4 talladas de xamón York150 g. de queixo do Cebreiro8 toros de piña en xarope8 guindas

panaceitesalmanteigapementa

Preparación:

Sazone os medallóns con sal e pementa e dóureos polos dous lados nun pouco de aceite quente. Coloque nunha fonte de forno untada con manteiga e poña enriba de cada un deles media tallada de xamón, unha oitava parte de queixo e un toro de piña. Cociñe a forno forte ata que o queixo estea derretido. Corte oito discos de pan e frítaos. Coloque os medallóns de carne sobre os discos de pan e sirva de contado adornándoos coas guindas.

PESCADA CON QUEIXO DO CEBREIRO E NATA


4 filetes de pescada1/2 limón 250 g. de queixo do Cebreiro6 culleradas sopeiras de pan reladosal pementa

Preparación:

Lave os filetes, quítelles a pel, séqueos e salpeménteos. Régueos con zume de limón e téñaos así revolvéndoos de vez en cando durante 10 minutos. Á parte, mesture ben o queixo coa nata e unte cun coitelo os filetes ata que estean ben untados polos dous lados. Bótelles pan relado e métaos no forno que xa debe estar quente. No forno deben estar uns 15 minutos.

PESCADA RECHEA CON SALSA DE GAMBAS


un pouco de queixo do Cebreiro4 rebandas de xamón curado1 ovo8 filetes de pescadafariña - aceite - sal

Salsa:150 g. de gambas peladas1 rebanda de xamón curadosalsa de asado4 culleradas de salsa de tomate

aceite

Preparación:

Sazone a pescada con sal e coloque entre cada dous filetes un pouco de queixo e unha rebanda de xamón picado, a salsa de tomate e a salsa do asado (se é concentrada engádalle un pouco de auga quente), cociñe todo xunto no forno durante uns minutos. Cubra o pescado coa salsa moi quente.

POLO RECHEO DE QUEIXO DO CEBREIRO, MAZÁ E NOCES


1 polo dun quilo e medio100 g. de queixo do Cebreiro1 mazá25 g. de noces peladas2 ceboliñas1/2 vaso de brandypementa - aceite - sal

Preparación:

O polo limpo e seco sazónase con sal e pementa por dentro e reénchese coas ceboliñas picadas e unha mestura feita co queixo, a mazá, e as noces -todo picado-. Cérrase a abertura coséndoa con escarvadentes. Nunha cazola grande, sobre o lume, bótase un chorro abundante de aceite. Cando se quente colócase o polo e cociñase por todos os lados. A continuación retírase da cazola e pásase a unha fonte. O brandy quéntase na mesma cazola e flaméxase ben, incorporando novamente o polo. Tápase o recipiente e deixase cocer a lume lento ata que o polo estea tenro -unha hora máis ou menos-, engadindo un vasiño de auga pouco a pouco se fose necesario. O polo sérvese cortado, co líquido de cocelo por enriba e o recheo ó redor.

SOLOMBO Ó QUEIXO DO CEBREIRO


200 g. de solombo100 g. de queixo do Cebreiroun anaco de manteiga 100 g. de nata líquida

Preparación:

Derrétese o queixo coa manteiga e antes de que se desfaga de todo engádeselle a nata e lígase ata formar unha crema suave. O solombo cocíñase á prancha, pouco feito, retírase e ponse entre dous pratos á calor da cociña e o líquido que solta mestúrase coa crema de queixo. Un pouco antes de servilo cóbrese o solombo coa crema.

TENREIRA RECHEA


650 g. de aleta de tenreira150 g. de queixo do Cebreiro100 g. de xamón curado50 g. de olivas sen óso2 rebandas de pan de molde3 culleradas de aceite1 cullerada de Maicena1 cebola grande1 ovo duro1 dente de allo1 copa de viño branco seco1/2 litro de caldofariñasalpementaloureiroun cordón fino para atar

Preparación:

Pique o xamón, as olivas, o ovo duro e a rafa de pan e mestúreo todo co queixo. Estenda a carne, sazónea con sal e pementa, poña por riba o recheo de antes e átea co cordón para que o recheo non se bote fóra. Nunha cazola ancha, refogue no aceite a cebola e o allo picados, poña a carne enfariñada e dóurea por todos os lados a lume lento para que non se pegue. Verta o viño e o caldo, engada o loureiro e cózaa tapada durante unha hora dándolle a volta de vez en cando. Cando estea cocida retírea da cazola, déixea arrefriar, quítelle o cordón e córtea en toradas un pouco grosas. Póñaas nunha fonte e rodéeas con patacas palla. Engada á salsa de cocción a Maicena disolta en medio vaso de auga. Cózaa uns minutos para que espese.

VOL -AU -VENT DE POLO


4 vol- au-vents2 peitugas de poloun pouco de queixo do Cebreiro1/2 l. de leite2 culleradas de fariña50 g. de manteiganoz moscadaaceitesal - pementa

Preparación:

Ase as peitugas nun pouco de aceite e córteas en anacos pequenos. Prepare unha salsa bechamel co leite, a fariña e a manteiga, sazónea con sal, pementa e noz moscada. Engada o queixo e o polo picado. Reencha os vol e quénteos no forno antes de servir.

SOBREMESAS

BLINCHIQUIS RECHEOS DE QUEIXO DO CEBREIRO


Masa:2 ovossal500 ml. de leite200 g. de fariña cribada

Recheo:250 g. de queixo do Cebreiro1 xema de ovo1 cullerada de manteigauvas pasas e noces

Preparación:

Póñense nunha cunca dous ovos e un pouco de leite, todo ben mesturado. Engádese pouco a pouco 200 g. de fariña cribada e movendo constantemente para non facer grumos. Engádense outros 250 ml. de leite. Ó final resulta unha masa cunha textura parecida a unha natilla líquida. Se quedaron grumos cóase. Engráxase con manteiga unha tixola pequena antiadherente, cando estea quente cóbrese o fondo coa mestura. Déixase facer por un lado ata que as beiras empecen a dourarse. Neste intre dáselle a volta, colócase unha cullerada de recheo no centro, prégase o blinchik como se fora un paquetiño coa axuda dunha espátula e déixase facer na tixola. Sérvense mornos.

Recheo: Esmáganse 250 g. de queixo cunha xema de ovo e unha cullerada de manteiga. Se quere, pode engadir uvas e noces picadas.

BRAZO DE XITANO DE QUEIXO E COCO


100 g. de queixo do Cebreiro400 g. de azucre1 coco relado75 g. de manteiga40 g. de fariña6 ovos

3 culleradas de marmelada de framboesa

Preparación:

Bata os ovos ata que estean espumosos, incorpore o azucre, o coco relado -reservando un pouco-, 3/4 partes da manteiga derretida e a fariña e reméxao ben sen batelo. Vértao nunha fonte para o forno untado co resto da manteiga. Métao no forno ben quente durante 12 minutos. Desmoldee o biscoito sobre un trapo de cociña salferido co coco relado que reservou . Estenda por encima a marmelada, despois o queixo e enróleo.

BUDÍN DE QUEIXO DO CEBREIRO


500 g. de queixo200 g. de azucre150 g. de froita adozada1 cullerada de fariña3 ovos30 g. de manteiga1 presa de grisines reladospel de laranxa reladaun pouco de canela

Preparación:

Engadir ó queixo o azucre, a fariña, a froita endozada, a canela, a pel de laranxa relada moi fina, as xemas e por último as claras batidas a punto de neve moi forte. Untar de manteiga un molde para budín cun burato central, salferindo cos grisines relados, sacudíndoo para quitar o que sobre e despois verter nel o budín de queixo. Cocer no forno durante uns cincuenta minutos.

CALLADA GALEGA


1/4 kg. de queixo do Cebreiro120 g. de manteiga250 g. de azucre2 ovos100 g. de fariña1 copa de coñac, whisqui ou augardente

Preparación:

Bater os ovos co azucre, botar a manteiga, a fariña e o queixo, e por último a copa de coñac. É importante que cada vez que se bote un ingrediente se traballe ben a masa. Metelo no molde untado con manteiga e no forno ata que estea cocido. Ó sacalo do forno non se debe poñer inmediatamente nun sitio fresco senón nun sitio con menos calor.

COROA DE QUEIXO DO CEBREIRO


4 culleradas de azucre2 xemas de ovos250 g. de queixo do Cebreiro250 g. de nata montadao zume dun limón1/2 sobre de xelatina1/4 kg. de amorodos1/4 kg. de amorodos grandesun chorro de zume de limón

Preparación:

Bátese o azucre coas xemas ata que se derretan. Ponse a xelatina a remollo no zume de limón e pásase polo microondas un minuto para que se derreta. Bátense o queixo e as xemas co azucre. Engraxase un molde, énchese e gárdase na neveira unhas horas. Desmoldéase mergullándoo en auga fervendo antes de vertelo nun prato. Acompáñase dunha salsa de amorodos mesturados co azucre e o zume de limón.

COUGERE DE QUEIXO DO CEBREIRO


130 g. de manteiga120 g. de fariña120 g. de queixo do Cebreiro50 g. de queixo relado4 ovos1 cullerada de sal

Preparación:

Ponse nun cazo ó lume, medio vaso de auga e 120 g. de manteiga. Cando rompe a ferver engádese a fariña cribada e o sal, e cócese a lume suave traballando fortemente cunha culler de madeira ata que a masa se separe das paredes do cazo. Retírase do lume e engádense 3 ovos, un a un, logo engádese o queixo e mestúrase ben. Úntase un molde de coroa co resto da manteiga e énchese coa preparación anterior coa axuda dunha manga pasteleira. Píntase co ovo batido sobrante, recóbrese co queixo relado e cócese a forno medio durante 3 minutos. Sérvese quente cortado en talladas.

FLAN DE QUEIXO DO CEBREIRO


75 g. de queixo do Cebreiro2 culleradas de azucre2 ovos1/4 de nata líquida4 culleradas de azucre para facer o caramelo

Salsa:150 g. de framboesaso zume de medio limón2 culleradas de azucre

Preparación:

Ponse o azucre nunha potiña, cunhas gotas de auga e achégase ó lume para facer caramelo. Báñase o fondo e as paredes de 4 moldes individuais co caramelo. Bátense os ovos co azucre e engádese o queixo e a nata. Mestúrase todo moi ben e vértese o preparado nos moldes. Cócese no forno ó baño María durante 10 minutos, ata que cravando no medio unha agulla saia limpa. Desmoldéase en frío. Adórnase con froitas e menta fresca.

Salsa: Machúcanse as framboesas co zume de limón e o azucre. Cóase se queremos que non se noten os grans.

FLAN DE QUEIXO DO CEBREIRO (2)

Ingredientes para 4 ou 5 persoas:

1/2 kg. de queixo do Cebreiro2 ovos50 g. de pasas de Corintoazucre

Preparación:

Nun molde axeitado para o forno microondas póñense dúas culleradas de azucre e unha de auga para facer o caramelo e cocíñase no microondas conectado ó 100% de potencia durante seis minutos. Quítase o molde do forno movéndoo para que o caramelo cubra as cantidades, bátense os ovos e 10 culleradas de azucre engadindo: o queixo, a reladura do limón e as pasas remolladas removéndoo todo ben. Entón vértese o preparado no molde caramelizado meténdoo no microondas por espacio de 15 minutos á máxima potencia. Unha vez no seu punto déixanse arrefriar antes de desmoldealo.

FLAN DE QUEIXO DO CEBREIRO (3)


6 ovos1 bote pequeno de leite condensado3 medidas do bote de leite normal300 g. de queixo do Cebreiro

Preparación:

Bátense os ovos co leite, engádense todo o demais e cando estea ben mesturado, bótase nun molde caramelizado e ponse ó baño María nunha pota.

FRITOS DE QUEIXO


200 g. de queixo do Cebreiro150 g. de fariña 1 clara de ovocervexa - aceite - sal - perexil

Preparación:

Mesture a fariña cun chisco de sal, unha cullerada de aceite e a cervexa suficiente para ter unha masa nin moi mesta nin moi rara. Engádalle o queixo relado e por último engada as claras montadas a punto de neve. Frita culleradiñas desta pasta en abundante aceite quente ata que os fritos estean dourados e renxentes. Sírvaos decorados cunhas ramiñas de perexil.

FROITAS CON QUEIXO DO CEBREIRO


froitas variadas250 g. de queixo do Cebreiro100 cc. de nata líquida1 cullerada de azucre vainillado2 culleradas de azucre2 ovos

Preparación:

Utilizar froitas de temporada para este sobremesa (mazá, plátano, laranxa, pera, kiwi,...) Todas elas peladas e cortadas en cascos ou toros. Colocar nunha fonte refractaria. Bater co batedor o queixo coa nata líquida, o azucre normal e os dous ovos, ata que estea cremoso. Cubrir as froitas con esta crema de queixo e levar ó forno, xa quente a 200 graos durante uns 15-20 minutos, ata que se doure lixeiramente a superficie.

Servir morno.

MOUSSE DE QUEIXO DO CEBREIRO


250 g. de queixo do Cebreiro2 limóns6 culleradas de leite condensado3 ovos

Preparación:

Nun recipiente mestúrase o queixo coas xemas de ovo, o leite condensado, a reladura de limón e o zume deles. As claras bátense o punto de neve e engádese o preparado anterior con coidado para que non se baixen. A continuación repártese a mousse en copas individuais que se meten na neveira ata que estea ben fría. Sen máis, sérvese salferindo coa reladura do limón ou se o prefire con labras de chocolate.

PASTEL DE QUEIXO DO CEBREIRO


200 g. de queixo do Cebreiro3 ovos1 vaso de nata líquida1 vaso de leite1/2 bote de leite condensadamel e noces para acompañar

Preparación:

Ponse o queixo no vaso da trituradora, engádense os ovos enteiros, a nata líquida e o leite evaporado. Machúcase todo ata conseguir unha crema homoxénea. Engraxase un molde de flan de 20 cm. de diámetro, énchese coa preparación, tápase con papel de prata e cócese no forno durante 45 minutos. Envórcase cando estea completamente frío e báñase con mel morno. Acompáñase a sobremesa con noces peladas.

PASTEL DE QUEIXO DO CEBREIRO (2)


200 g. de froitas adozadas50 g. de pasas de Corinto1/2 kg. de queixo do Cebreiro6 ovos125 g. de manteiga50 g. de fariña de millo

1 iogur natural1 iogur de limón6 culleradas de azucreron

Preparación:

Derrétese a manteiga con lume suave, mestúrase co queixo, a fariña de millo, a pel relada do limón e o azucre. Engádense os iogures, os ovos batidos, as pasas remolladas en ron e escorridas e a froita cortada en anacos. Vértese todo nun molde untado coa manteiga e salfírese coa fariña. Métese no forno suave ata que estea callado.

PASTEL DE QUEIXO DO CEBREIRO (3)


250 g. de pasta de follado250 g. de queixo do Cebreiro100 g. de queixo relado1 cebola2 ovos1/4 de nata líquida25 g. de manteigasal

Preparación:

Estenda a pasta de follado cun rolo enfariñado e forre con ela un molde de torta desmontable, pinche o fondo varias veces cun garfo e coza no forno quente durante 10 minutos. Refogue a cebola picada na manteiga a lume lento; engada o queixo relado, o queixo do Cebreiro, a nata e os ovos batidos e rectifique o sal. Vértao nun molde e cózao no forno a 160 graos durante uns 25 minutos. Sirva o pastel quente.

PASTELIÑO DE QUEIXO E NOCES


queixo do Cebreiro100 g. de roquefort50 g. de manteiga1 cullerada de coñac1 chisco de pementagalletas salgadas e biscoitos

Preparación:

Pásanse polo batedor os queixos, o coñac, a manteiga e a pementa. Esténdese a mestura sobre un rectángulo de papel de aluminio, enrólase e prémese ben. Déixase no conxelador durante 2 horas. Desenrólase e pásase polas noces picadas de xeito que quede totalmente cuberto. Córtase en discos grosos e sérvese sobre as galletas ou biscoitos.

PERAS Ó QUEIXO DO CEBREIRO


4 peras grandes 1/2 kg. de queixo do Cebreiro6 culleradas de nata líquida 1 rama de canela2 culleradas de azucre

Preparación:

Pele as peras, pártaas á metade e quítelles o corazón. Póñaas en auga, engádalles a canela e o azucre. Cózaas 10 minutos e escórraas (o tempo de cocción pode depender do tipo de pera). Pase o queixo polo batedor coa nata ata conseguir unha mestura cremosa. Coloque as medias peras nunha fonte e poña no centro de cada unha un pouco de crema de queixo.

SOBREMESA DE QUEIXO TOSTADO


1 kg. de queixo do Cebreiro100 g. de nata líquida1 cullerada de azucre avainilladofroita fresca do tempo

Crema:100 g. de nata montada50 g. de azucre glass5 ovos

Preparación:

Parta a froita en anacos e póñaos nunha fonte para o forno. Bata a nata líquida con cachos de queixo e o azucre avainillado. Vértao sobre os froitos. Mesture as xemas co azucre glass, engadindo a nata montada e as claras batidas a punto de neve. Cubra con esta crema a mestura do queixo e cocíñea 2 ou 3 minutos no forno.

SOBREMESA DE QUEIXO Ó PORTO


4 peras200 g. de queixo do Cebreiro50 g. de orellóns tostados1 copa de viño do Porto

Preparación:

Pele as peras e córteas en láminas. Coloque nunha fonte o queixo e as láminas de pera de forma alternada, regue co viño do Porto e salfira cos orellóns picados.

SOBREMESA XELADA DE QUEIXO DO CEBREIRO


3 ovos 200 g. de azucre2 culleradas de esencia de vainilla1/2 kg. de queixo do Cebreironoces picadas 200 g. de crema de leite

Preparación:

Bata os ovos co azucre ata que se atope mesta a preparación: bótelle a esencia, engádalle o queixo e mestúreo ben todo cun batedor. Poña as noces picadiñas e, por último, engada a crema de leite batida e mesta. Coloque a preparación no molde e póñaa no conxelador ata o día seguinte. Pase o revés do molde por auga fría para desmoldear.

PUDIN DE QUEIXO DO CEBREIRO


1 kg. de queixo do Cebreiro200 g. de galletas María125 g. de manteiga4 xemas claras de ovo1/2 vaso de leite

Preparación:

Pase polo batedor o queixo co leite, as xemas, o azucre e a manteiga derretida, engada as galletas trituradas e mesture ben. Para rematar engada as claras a punto de

neve. Verta a preparación nun molde engraxado e enforne a 180 graos durante 20 minutos aproximadamente. Sirva frío.

PUDIN DE QUEIXO DO CEBREIRO (2)


8 ovos 600 g. de queixo do Cebreiro1 bote de leite condensada1 l. de leite normalaugacaramelo para o molde

Preparación:

Remóvese ben o queixo ata que quede moi cremoso e vánselle engadindo os demais ingredientes, reméxese todo moito ben e bótase toda a mestura nun molde caramelizado pasándoa por un coador. Ponse a cocer ó baño María.

PUDIN DE QUEIXO DO CEBREIRO CON CAFÉ


500 g. de queixo do Cebreiro2 culleradas de café moído1 cullerada de cacao amargo1 dl. de nata montada5 culleradas de mel2 ovos1 cunca de café100 g. de azucre1 dl. de nata líquida

Preparación:

Separamos as claras das xemas, montamos as dúas claras e reservámolas. Batemos as xemas e mesturámolas con dúas culleradas de azucre. Cando a mestura sexa homoxénea, botamos as dúas culleradas de café moído e logo a cunca de café e seguimos mesturando. Engadimos o queixo e, cando a masa estea uniforme, a nata montada. Engadimos as claras montadas e mesturámolas a modo para que non se baixen moito. Forramos un molde con papel encerado, reenchémolo coa mestura e metémolo no frigorífico durante cinco horas.

Poñemos ó lume un cazo coa nata líquida, engadimos cinco culleradas de mel e quentamos a lume lento ata que o mel se desfaga na nata, retiramos e deixamos arrefriar. Desmoldeamos o pudin, cortámolo e servímolo acompañado coa prebe de mel e nata.

QUEIXO DO CEBREIRO E FROITAS


1/4 de follado 1/4 de queixo do Cebreiro8 culleradas de nata líquida2 culleradas de azucre glass1/4 de amorodos pequenos1 mango1/4 de framboesaszume de 1/2 limón4 culleradas de azucre glassfollas de menta

Preparación:

Esténdese o follado nunha mesa con azucre glass, córtase en triángulos, salfírese con azucre glass e cocíñase a forno forte 12 minutos, resérvase. Bátese o queixo coa nata e o azucre glass. Gárdase na neveira. Machúcase a framboesa co zume de limón e dúas culleradas de azucre e cóase. Pélase o mango e tritúrase co zume de limón e as outras dúas culleradas de azucre glass. Repártese a crema de queixo nos pratos, cóbrese cos amorodos e tápase co follado.

QUEIXO DO CEBREIRO Ó CHOCOLATE


100 g. de queixo do Cebreiro1 onza de chocolate de 50 g.1 ovo1 cullerada de azucre1 cullerada de ron2 grisines

Preparación:

Poñer nunha cunca a xema co azucre e batela ata que, ó probala, non se noten os graos do azucre. Engadir o queixo e o ovo xunto co chocolate relado. Verter o ron gota a gota e finalmente montar a punto de neve dura e engadir o ovo sen remover mestura´. só levantándoa de abaixo arriba. Verter o doce nunha copa cravando ó redor os grisines. Se sobrou un pouco de chocolate relado, salferir por enriba. Servir de contado.

ROLO DE QUEIXO DO CEBREIRO


250 g. de queixo do Cebreiro

300 g. de fariña100 g. de manteiga7 ovos1 cullerada de sal

Preparación:

Ponse a fariña cribada nunha cunca, engádese a metade da manteiga derretida, os 6 ovos, 6 culleradas de auga morna e o sal. Bátese ata conseguir unha masa elástica. Amásase de 10 a 15 minutos (ata que a masa non se pegue nos dedos) e déixase repousar, cuberta cun trapo de cociña, durante 30 minutos. Esténdese co rolo sobre un pano grande recuberto con fariña ata que estea moi fina e ponse enriba o queixo mesturado cos ovos batidos. Enrólase coa axuda dun pano e colócase nunha fonte de forno untada con manteiga. Cócese a forno medio durante 50 ou 60 minutos untándoo a miúdo coa manteiga derretida.

TORTA DE LIMÓN E QUEIXO DO CEBREIRO


20 galletas María2 culleradas de manteiga1/4 kg. de queixo do Cebreiro4 culleradas de azucre2 ovosreladura de limón e medio12 culleradas de nata3 culleradas de zume de limón20 g. de xelatinaframboesasnata montada

Preparación:

Ponse a xelatina e remollo no zume de limón. Esmáganse as galletas, amásanse coa manteiga, o azucre, o zume e cócese no forno 15 minutos. Déixase arrefriar. Bátese o queixo coas xemas de ovo, a metade do azucre e a reladura de limón. Engádese a nata montada. Quéntase a xelatina e colócase sobre a crema de queixo. Métese na neveira uns minutos. Bátense as claras a punto de neve e mestúrase. Reénchese o molde e gárdase na neveira catro horas.

TORTA DE QUEIXO DO CEBREIRO (I)


3 iogures naturais3 ovos300 g. de queixo do Cebreiro

1 cullerada de fariña de millo5 culleradas de azucre

Preparación:

Nun molde póñense tres culleradas de azucre xunto con tres de auga e métense no forno microondas, por espacio de seis minutos, ó 100% de potencia, ata que se faga o caramelo. O molde axítase ben para que o caramelo se estenda por todo o seu fondo e despois resérvase. Á parte bátense os ovos e mestúranse co queixo e co resto dos ingredientes ata obter unha pasta que se verte nun molde tapada cun plástico. Cociñase a torta no microondas durante 13 minutos á máxima potencia. Cando estea no seu punto desmoldee como se fose un flan e sirva, se quere, cuberta de salsa de froitas.

TORTA DE QUEIXO DO CEBREIRO (2)


4 iogures 4 petitsuis200 g. de queixo do Cebreiro9 culleradas de azucre3 culleradas de fariña3 ovos

Preparación:

Vanse mesturando e batendo ben todos os ingredientes. Úntase un molde con manteiga, salfírense de fariña e vértese nel a mestura anterior. Métese no forno, que xa quentamos anteriormente durante 15-20 minutos. Báixase a temperatura do forno e déixase cocer durante unha hora ou máis.



Para base:40 galletas tostadas250 g. de manteigatamén se pose facer a base de pasta brisée ou quebrada

Recheo:400 g. de queixo do Cebreiro400 g. de nata líquida2 ou 3 culleradas de xelatinamarmelada de arandos ou framboesas

Preparación:

Prepárase a base moendo as galletas e amasándoas coa manteiga. Con esta pasta fórrase o fondo dun molde desmoldeable. Mestúrase ben a nata co queixo ata que quede todo moi cremoso, prepárase a xelatina e mestúrase. Ponse esta mestura encima do que lle puxemos de fondo ó molde e métese a arrefriar ou a repousar para que calle. Desde que está ben fría, adórnase con marmelada de arandos ou framboesas. Bótanse dúas culleradas de auga quente, desfaise alí a xelatina e mestúrase coa marmelada e cóbrese a torta con isto.

TORTA DE QUEIXO DO CEBREIRO (4).


6 ovos300 g. de queixo do Cebreiro2 iogures naturais2 medidas do iogur de azucre2 medidas do iogur de fariña2 medidas do iogur de leite2 medidas de iogur de nata1 cullerada de manteiga

Preparación:

Mestúranse todos os ingredientes co batedor, ponse a mestura nun molde engraxado e enfariñado, métese ó forno e cando estea callado xa está. Tamén se pode facer batendo as claras a punto de neve e incorporándoas á mestura anterior dos demais ingredientes.



galletas tostadas1/2 l. de nata600 g. de queixo do Cebreiro1 paquete de xelatina de amorodo4 ou 5 culleradas de azucreun pouco de manteiga

Preparación:

Esmáganse ben as galletas e fórrase un molde de base desmontable con elas. Métese no forno 5 ou 10 minutos. Mentres, móntase a nata e mestúrase co queixo e o azucre e bátese todo ben. Faise a xelatina e engádese removendo ben . Bótase no molde, déixase na neveira un par de horas. Adórnase con nata e guindas vermellas.

TORTA DE QUEIXO DO CEBREIRO CON AMORAS


500 g. de queixo do Cebreiro1 cullerada sopeira de Maicena10 ou 12 culleradas de Mesura3 ovos enteiros150 g. de amoras grandesmanteiga vexetal para untar o molde

Preparación:

Nunha ensaladeira poña o queixo en anacos, os ovos batidos como para tortilla, o azucre e a Maicena, e mesture todo moi ben.

Unte o molde coa manteiga poñendo no fondo un pouco de papel de prata, que tamén untará. Verta a masa no molde e métao no forno, previamente quentado, aumente a calor e deixe que suba a torta, póñalle por enriba arriba unhas poucas amoras, afundíndoas un pouco, sen sacar do forno, e siga cocéndoa outros quince minutos. Cando comecen a dourar ás beiras da torta estará lista. Sáquea do forno e deixe que se arrefríe no molde. Xa fría desmóldea nun prato, quítelle o papel de prata e volva a envorcala nunha fonte de servir. Adórnea co resto das amoras.

TORTA DE QUEIXO DO CEBREIRO E ARANDOS


1 molde de pasta brisée200 g. de nata montada con azucre200 g. de queixo do Cebreiromarmelada de arandos

Preparación:

Preparamos primeiro o recheo mesturando o queixo coa nata montada e tres ou catro culleradas de azucre. Batemos ata obter unha masa cremosa e deixámola arrefriar na neveira durante uns tres cuartos de hora. Estendemos unha capa fina de pasta brisée sobre un molde. Metémola no forno ata que a masa se doure. Reenchemos o molde coa masa de queixo e poñemos por riba a marmelada de arandos.

TORTA DE QUEIXO DO CEBREIRO E MELOCOTÓNS


100 g. de manteiga200 g. de galletas tipo María 500 g. de queixo do Cebreiro2 iogures de melocotón

50 g. de azucre1 sobre de xelatina3 ovos1/2 limón1 lata de melocotóns en xaropenata montada

Preparación:

As galletas machúcanse mesturándoas con manteiga derretida ata obter unha pasta que se estende no fondo dun molde redondo desmontable. Nunha cunca bátense o queixo, os iogures e o azucre para obter unha mestura espumosa á que se engaden a xelatina desfeita no zume de limón e dúas culleradas de auga morna. Unha vez mesturado todo, introdúcese na neveira. Namentres bátense as claras dos ovos a punto de neve e engádense ó preparado de queixo revolvéndoas cunha culler de madeira e coidando que non se baixen. Envórcase todo no molde que preparáramos antes e deixase arrefriar ata que a crema estea sólida. Neste punto desmoldéase e decórase con cordóns de nata montada e cos melocotóns no xarope. Esta torta tamén resulta deliciosa feita con framboesas ou con calquera outra froita.

TORTA DE QUEIXO DO CEBREIRO E NOCES


1/2 kg. de queixo do Cebreiro50 g. de manteiga200 g. de azucre3 ovoszume e reladura de limón100 g. de noces picadasun chisco de sal1 bote de marmelada de amorodos

Preparación:

Bátese o queixo e engádeselle a manteiga derretida, o azucre, os ovos enteiros, o zume e a reladura do limón e tamén o sal. Mestúrase todo coas noces picadas. Engráxase un molde rectangular, poñendo un papel vexetal no fondo para que non se pegue ó desmoldealo. Lévase ó forno, xa quente a 180 graos, durante 45 minutos. Pasado este tempo déixase arrefriar un pouco e desmoldéase. Consérvase na neveira ata a hora de servir. Preséntase coa marmelada de amorodos por enriba.

TORTA DE QUEIXO E REQUEIXO


250 g. de fariña170 g. de manteiga4 ovos

250 g. de queixo do Cebreiro1 mazáun pouquiño de sal1 limón

Preparación:

Ponse a fariña formando unha balsa na táboa, engádense 125 g. de azucre, un ovo enteiro, unha xema e o sal. Amásase rapidamente obtendo unha masa que se deixará repousar unha hora nun lugar fresco cuberta cun pano. Entrementres se pasa polo cedal o queixo, engádenselle as dúas xemas, o azucre restante, 30 g. de manteiga derretida e bátese a mestura cunha culler de madeira ata que se volva cremosa. Pélase a mazá, córtase en catro partes desbotando en cada unha delas o corazón e pícase en anaquiños. Colócanse nun prato, réganse co zume de limón e déixanse en maceración durante media hora. Transcorrida a hora de repouso estírase a pasta nun círculo non demasiado delgado co que se recobren o fondo e as paredes dun molde para torta previamente untado de manteiga. Vértese sobre a pasta a mestura de requeixo, nivelando a superficie e colócanse sobre a mesma os anacos de mazá. Fórmase unha especie de cordón coa pasta que pase a beira do molde beliscándoa cos dedos. Métese a torta no forno quente e déixase cocer durante uns corenta minutos.

TORTA DE TRES QUEIXOS


Tartaleta:150 g. de manteiga300 g. de galletas María2 culleradas de azucrezume de limón

Recheo:1/4 l. de leite50 g. de queixo da D.O. Arzúa-Ulloa50 g. de queixo da D.O.P. Queixo Tetilla300 g. de queixo da D.O. Queixo do Cebreiro4 ovos2 culleradas de Maicena200 g. de azucreazucre glass

Preparación:

Machúcanse as galletas. Mestúranse coa manteiga, co azucre e o zume de limón, engadindo unhas culleradas de auga ata formar unha pasta. Fórmanse tortiñas e fórrase un molde de fondo móbil. Cócese a forno frouxo 15 minutos. Mestúrase a nata co leite, o queixo de Arzúa-Ulloa e o de Tetilla. Bátense as xemas coa metade do azucre e a Maicena e mestúranse co queixo do Cebreiro. Móntanse as claras a punto de neve co

resto do azucre. Mestúrase a crema dos queixos co a das xemas e as claras. Reencha a tartaleta e enforne a 180 graos 30 minutos. Salfira de azucre glass.

TORTA DOCE DE QUEIXO DO CEBREIRO


100 g. de manteiga de cocho250 g. de fariña cribada2 culleradas de auga fría1 kg. de queixo do Cebreiro3 ovoscanela en po100 g. de fariña500 g. de azucrecáscara de 1/2 limón relado

Preparación:

Prepárase unha masa con 100 g. de manteiga de cocho, 250 g. de fariña cribada e dúas culleradas de auga fría. Amásase ata que quede fina. Estírase cun rolo e fórrase un molde redondo desmontable. Faise unha mestura cun kg. de queixo, tres ovos, canela en po, 100 g. de fariña, 500 g. de azucre e a cáscara de medio limón relado. Vértese no molde e enfórnase a temperatura media alta, ata que o recheo estea callado. Sérvese fría. Este sobremesa pódese acompañar con salsa de framboesas.

TORTA FRÍA DE QUEIXO DO CEBREIRO (1)


1 paquete de galletas María125 g. de margarina1 caixa de xelatina Royal de limón6 petitsuis naturais300 g. de queixo do Cebreiro

Preparación:

Desfanse as galletas ata que queden coma fariña, engádeselles a margarina e amásase coas mans ata facer unha pasta que se estenderá nun molde (mellor desmontable) colocándoa de forma convexa. Ponse a ferver un vaso de auga, retírase do lume e baléirase nel a xelatina de limón. Dánselle unhas voltas e déixase arrefriar ata que quede viscosa. Bótase nun recipiente xunto cos petitsuis e o queixo. Bátese todo co batedor e vértese nun molde sobre a capa de pasta. Déixase arrefriar e desmóntase. Adórnase e métese na neveira. Sérvese fría.

TORTA FRÍA DE QUEIXO DO CEBREIRO (2)


1 paquete de galletas125 g. de Tulipán1 caixa de xelatina de limón Royal250 g. de queixo do Cebreiro1 iogur natural

Preparación:

Desfanse as galletas ata que queden coma fariña, engádeselles o tulipán e amásase coas mans ata que se logre unha masa que se estenderá nun molde (mellor desmontable) colocándoa de forma convexa. Ponse a ferver un vaso de auga, retírase do lume e baléirase nel a xelatina de limón. Dánselle unhas voltas e déixase arrefriar ata que quede viscosa. Bótase no recipiente xunto co queixo e o iogur natural. Bátese todo co batedor e vértese no molde sobre a capa de pasta. Déixase arrefriar e desmoldéase.

TORTA SALGADA DE QUEIXO DO CEBREIRO


125 g. de fariña cun pouco de sal100 g. de manteigaun pouco de auga fría

Recheo:250 g. de queixo do Cebreirounha pouca de cebola3 ovos200 ml. de leite

Adorno:anchoasolivas negras

Preparación:

Críbanse 125 g. de fariña cun pouco de sal, póñense na mesa da cociña facendo un burato no centro. Neste burato póñense 100 g. de manteiga cortada en anacos e unha xema cunha culleradiña de auga fría. Líganse as tres cousas coas xemas dos dedos, recollendo a fariña cara ó medio, pouco a pouco. Vaise borrifando con auga fría a medida que vaia facendo falta. Cando xa estea a masa feita dáselle forma de bóla e esmágase dúas veces coa palma da man. Recóllese outra vez facendo unha bóla e vólvese esmagar coa palma da man ata que quede lisa. Envólvese a masa nun papel filme e gárdase na neveira durante unha hora. Quéntase o forno a 190 graos, estírase a masa co rolo e fórrase un molde de quiché. Prepárase o recheo da seguinte forma:

pícanse dúas cebolas e frítense en dúas culleradas de aceite a lume suave. Cando estean brandas cóbrese o fondo do molde. Encima ponse unha mestura feita con 250 g. de queixo esmigallado e sen líquido, tres ovos e 200 ml. de leite. Encima faise un enreixado con filetes de anchoas e olivas negras sen óso. Métese ó forno durante media hora aproximadamente. As anchoas pódense substituír por tiras de xamón ou de touciño entrefrebado.

TORTIÑAS DE ALBARICOQUE

Ingredientes:

8 mojicones2 copas de licor de albaricoque ou melocotón 1/2 kg. de albaricoques maduros pero enteiros4 culleradas de azucre300 g. de queixo do Cebreiro

Glasé de albaricoque:1/2 lata de marmelada de albaricoque1 cullerada de azucrezume de limón4 culleradas de mel4 culleradas de améndoa tostada e picada

Preparación:

Lávanse os albaricoques, sécanse e córtanse á metade suprimindo os ósos. Pícanse en aros finos. Póñense a remollo co licor elixido e o azucre durante unha media hora. Escórrense os albaricoques do licor e móllanse os mojicones neste líquido. Resérvanse uns dados de albaricoque para adornar e reénchense os mojicones co resto, xuntándoos de dous en dous para facer bocadiños. Bátese o queixo co mel e cóbrese a superficie e as paredes dos mojicones recheos. Reénchense os costados coa améndoa picada e colócanse nunha fonte ou nos pratos. Coróase cada un cunha pía de dados de albaricoque.

TORTIÑAS DE QUEIXO


Masa:100 g. de fariña1/4 l. de leite2 ovosmanteigasal

Recheo:

queixo do Cebreiro100 g. de queixo relado2 culleradas de fariña50 g. de manteiga1/2 l. de leitesal, pementa - noz moscada

Preparación:

Mestúrase a fariña cunha miguiña de sal, os ovos batidos e o leite; pásase por un coador fino e déixase repousar media hora como mínimo. Quéntase a manteiga nunha tixola duns 12 cm. de diámetro. Vértense dúas ou tres culleradas de pasta de forma que cubra ben o fondo e frítense as tortiñas polos dous lados. Fanse 12 tortiñas e resérvanse. Prepárase unha salsa bechamel co leite, a fariña e a manteiga. Sazónase co sal , a pementa e noz moscada e engádenselle as porcións de queixo en anaquiños. Reencha as tortiñas con esta salsa e colóqueas nunha fonte do forno, póñalles queixo relado e enfórneas ata que estean douradas.

TORTA DE CASTAÑAS

Ingredientes:

3 ovos4 iogures naturais500 g. de queixo do Cebreiro ( 1 queixo pequeno)3 ou 4 culleradas de fariña (ben cheas)10 culleradas de azucre1 bo chorro de nata ( aproximadamente medio vaso dos de auga)300 g. (aproximadamente) de castañas cocidas e pasadas polo pasapurés.Chocolate relado ou fideos de chocolate para adornar

Preparación:

Mesturar ben todos os ingredientes, poñer a cocer no forno prequentado durante media hora. Ó sacar do forno botar o chocolate relado por enriba. Deixar arrefriar e desmoldear.

Recetas con queixo do cebreiro castelo-aportadas por Jesús Perez

Business

Transcript of Recetas con queixo do cebreiro castelo-aportadas por Jesús Perez