COVID-19CÓDIGO NORMATIVO

UNIVERSIDADE DESANTIAGO DE COMPOSTELA

UNIVERSIDADE DE SANTIAGO DE COMPOSTELA

EDICIÓN: COMITÉ DE CRISE COVID-19 DA USC

DATA:  5 DE MAIO DE 2020

VERSIÓN 1.5

1

ÍNDICE

INTRODUCIÓN .................................................................................................................... 2

I. DISPOSICIÓNS XERAIS .................................................................................................. 3

I.1 Disposicións xerais de suspensión de actividades .........................................................3

I.1.1 Comunidade Autónoma de Galicia .................................................................. 3

I.1.2 Estado ............................................................................................................... 3

I.2 Disposicións que afectan aos prazos procesais..............................................................4

I.3 Disposicións que afectan ao procedemento administrativo ............................................4

I.4 Disposicións que afectan á contratación pública ............................................................6

I.5 Disposicións que afectan a convenios .............................................................................8

I.6 Disposicións que afectan ao emprego público ................................................................9

I.7 Disposicións que afectan a órganos colexiados e órganos de goberno ...................... 11

II. DISPOSICIÓNS QUE AFECTAN Á UNIVERSIDADE DE SANTIAGO DE

COMPOSTELA .................................................................................................................. 13

II.1 Disposicións sobre a suspensión de actividades e peche de instalacións ................. 13

II.2 Disposicións sobre xestión económico-orzamentaria ................................................. 15

II.3 Disposicións sobre a actividade docente..................................................................... 15

II.4 Disposicións sobre axudas públicas ............................................................................ 16

II.5 Disposicións sobre órganos colexiados....................................................................... 17

II.6 Disposicións sobre persoal .......................................................................................... 17

II.7 Disposicións sobre prevención de riscos laborais ....................................................... 19

II.8 Disposicións sobre protección de datos e seguridade da información ....................... 20

2

INTRODUCIÓN

Na presente recompilación de normas recóllense as disposicións normativas de carácter

xeral na súa versión consolidada e as ditadas pola USC que, como consecuencia da

pandemia do COVID-19, modificaron as disposicións de carácter xeral e ordinario que

inciden directa ou indirectamente na actividade docente e investigadora da Universidade.

Este documento ten un carácter meramente informativo e será actualizado diariamente en

tanto dure a situación de alarma sanitaria.

O Boletín Oficial do Estado dispón dun código electrónico de normativa estatal e

autonómica da Crise Sanitaria COVID-19 en permanente actualización e que se pode

consultar no seguinte enlace:

Código electrónico COVID-19 BOE

3

I. DISPOSICIÓNS XERAIS

I.1 Disposicións xerais de suspensión de actividades

I.1.1 Comunidade Autónoma de Galicia

RESOLUCIÓN do 12 de marzo de 2020, da Secretaría Xeral Técnica da Consellería de

Sanidade, pola que se lle dá publicidade ao Acordo do Consello da Xunta de Galicia, do

12 de marzo de 2020, polo que se adoptan as medidas preventivas en materia de saúde

pública na Comunidade Autónoma de Galicia, como consecuencia da evolución da

epidemia do coronavirus COVID-19.

No apartado Primeiro. Medidas preventivas. d) No eido do ensino universitario suspéndense as

actividades académicas no ensino universitario mantendo residencias universitarias e bibliotecas

cun terzo da capacidade. Así mesmo, suspéndense as prácticas en centros sanitarios da

Comunidade Autónoma.

I.1.2 Estado

Real decreto 463/2020, do 14 de marzo, polo que se declara o estado de alarma

ocasionada polo COVID-19. [Modificado polo Real decreto 465/2020, do 17 de marzo, polo

Real decreto 487/2020, de 10 de abril e polo Real decreto 492/2020, do 24 de abril]

Artigo 9. Suspende a actividade educativa presencial en todos os niveis de ensinanza e dispón a

continuidade da docencia a través das modalidades a distancia e «on line» sempre que resulte

posible.

Real decreto 476/2020, do 27 de marzo, polo que se prorroga o estado de alarma

declarado polo Real decreto 463/2020, do 14 de marzo, polo que se declara o estado de

alarma para a xestión da situación de crise sanitaria ocasionada polo COVID-19.

Vigor: 28 de marzo de 2020. Vixencia: ata as 00:00 do 12 de abril de 2020

Real decreto lei 10/2020, do 29 de marzo, polo que se regula un permiso retribuído

recuperable para as persoas traballadoras por conta allea que non presten servizos

esenciais, co fin de reducir a mobilidade da poboación no contexto da loita contra o COVID.

Reduce a prestación de servizos ás actividades declaradas esenciais entre o 30 de marzo e o 9 de

abril de 2020 co obxecto de diminuír os desprazamentos.

4

Real decreto 487/2020, do 10 de abril, polo que se prorroga o estado de alarma

declarado polo Real decreto 463/2020, do 14 de marzo, polo que se declara o estado de

alarma para a xestión da situación de crise sanitaria ocasionada polo COVID-19.

Vigor: 11 de abril de 2020. Vixencia: ata as 00:00 do 26 de abril de 2020

Real decreto 492/2020, do 24 de abril, polo que se prorroga o estado de alarma

declarado polo Real decreto 463/2020, do 14 de marzo, polo que se declara o estado de

alarma para a xestión da situación de crise sanitaria ocasionada polo COVID-19

Vigor: 25 de abril de 2020. Vixencia: ata as 00:00 do 10 de maio de 2020

Orde SND/388/2020, do 3 de maio, pola que se establecen as condicións para a apertura

ao público de determinados comercios e servizos, e a apertura de arquivos, así como para

a práctica do deporte profesional e federado

Establece as condicións para a apertura ao público, realización de actividades e prestación de

servizos nos arquivos, de calquera titularidade e xestión

I.2 Disposicións que afectan aos prazos procesais

Real decreto 463/2020, do 14 de marzo, polo que se declara o estado de alarma

ocasionada polo COVID-19. [Modificado polo Real decreto 465/2020, do 17 de marzo, polo

Real decreto 487/2020, de 10 de abril e polo Real decreto 492/2020, do 24 de abril]

Disposición adicional segunda. Suspende os termos e suspende e interrompe os prazos previstos

nas leis procesais para todas as ordes xurisdicionais. O cómputo dos prazos reanudarase no

momento no que perda vixencia o real decreto ou, no seu caso, as súas prórrogas.

A suspensión anterior non afecta ao procedemento de protección dos dereitos fundamentais da

persoa previsto na Lei 29/1998, do 13 de xullo, da xurisdición contencioso-administrativa.

I.3 Disposicións que afectan ao procedemento administrativo

Real decreto 463/2020, do 14 de marzo, polo que se declara o estado de alarma

ocasionada polo COVID-19. [Modificado polo Real decreto 465/2020, do 17 de marzo, polo

Real decreto 487/2020, de 10 de abril e polo Real decreto 492/2020, do 24 de abril]

Disposición adicional terceira. Suspende os termos e interrompe os prazos para a tramitación dos

procedementos das entidades do sector público.

O cómputo dos prazos reiniciarase no momento en que perda vixencia o acordo ou, no seu caso,

as súas prórrogas. A suspensión de termos e a interrupción de prazos aplicarase a todo o sector

5

público definido na Lei 39/2015, do 1 de outubro, do procedemento administrativo común das

Administracións Públicas.

O órgano competente poderá acordar, mediante resolución motivada, as medidas de ordenación e

instrución estritamente necesarias para evitar prexuízos graves nos dereitos e intereses das

persoas interesadas no procedemento e sempre que este manifeste a súa conformidade, ou cando

a persoa interesada manifeste a súa conformidade con que non se suspenda o prazo.

A suspensión dos termos e a interrupción dos prazos non será de aplicación aos procedementos

administrativos de afiliación, liquidación e cotización da Seguridade Social.

Tampouco é de aplicación aos prazos tributarios, suxeitos a normativa especial, nin aos prazos

para a presentación de declaracións e autoliquidacións tributarias.

Disposición adicional cuarta. Suspensión de prazos de prescrición e caducidade

Os prazos de prescrición e caducidade de accións e dereitos quedarán suspendidos durante o

prazo de vixencia do estado de alarma e, no seu caso, das prórrogas que se adopten.

RESOLUCIÓN do 15 de marzo de 2020, da Secretaría Xeral Técnica da Consellería de

Presidencia, Administracións Públicas e Xustiza, pola que se dá publicidade ao acordo do

Centro de Coordinación Operativa (Cecop), mediante o que se adoptan medidas

preventivas en lugares de traballo do sector público autonómico como consecuencia da

evolución epidemiolóxica do coronavirus COVID-19.

Establece a suspensión de termos e interrupción de prazos administrativos nos mesmos termos

que o Real decreto 463/2020 do 14 de marzo. Así mesmo, dispón a suspensión da prescrición e

caducidade de accións e dereitos durante a vixencia do estado de alarma.

Informe da Avogacía Xeral do Estado do 20 de marzo de 2020 relativo á consulta sobre

a forma na que haberá de procederse no momento que perda vixencia a suspensión dos

prazos previstos polo Real decreto 463/2020. Interpretación da Disposición adicional

terceira.

Aclara a aplicación da disposición adicional terceira concluíndo que os prazos procedimentais aos

que se refire quedan suspendidos no momento da declaración do estado de alarma, continuando

polo período que reste cando desapareza o estado de alarma, inicial ou prorrogado, sen que en

ningún caso volvan a empezar desde cero.

Informe da Avogacía Xeral do Estado do 26 de marzo de 2020 relativo á cuestións

sobre a disposición adicional terceira do Real decreto 463/2020 e a súa aplicación en entes

publicos (AECID).

Entre outras cuestións aclara que as únicas excepcións á regra xeral de suspensión dos

procedementos administrativos tramitados polas entidades do sector público, son as enumeradas

con carácter taxativo na propia disposición adicional terceira do Real decreto 463/2020, apartados

6

tres e catro, na redacción dada polo Real decreto 465/2020 – procedementos administrativos

referidos a situacións estreitamente vinculadas aos feitos xustificativos do estado de alarma, ou que

sexan indispensables para a protección do interese xeral ou para o funcionamento básico dos

servizos - e, en todo caso, esixen que a continuación dos procedementos sexa acordada

motivadamente polo órgano competente.

Real decreto lei 11/2020, do 31 de marzo polo que se adoptan medidas urxentes

complementarias no ámbito social e económico para facer fronte ao COVID-19.

[Modificado polo Real decreto lei 13/2020, do 7 de abril e polo Real decreto lei 15/2020,

do 21 de abril]

De especial interese a Disposición adicional oitava sobre a ampliación do prazo para presentar

recursos en vía administrativa ou para instar procedementos de impugnación, reclamación,

conciliación, mediación e arbitraxe que os substitúan en procedementos dos se que poidan derivar

efectos desfavorables ou de gravame para o interesado.

I.4 Disposicións que afectan á contratación pública

Real decreto lei 7/2020, do 12 de marzo, polo que se adoptan medidas urxentes para

responder ao impacto económico do COVID-19. [Modificado polos Reais decretos lei

8/2020 do 17 de marzo e 9/2020 do 27 de marzo]

Establece a tramitación de emerxencia para os contratos que deban celebrarse polas entidades do

sector público para atender as necesidades derivadas da protección das persoas e outras medidas

adoptadas polo Consello de Ministros para facer fronte ao COVID-19 e o libramento de fondos a

xustificar cando sexa necesario.

Real decreto lei 8/2020, do 17 de marzo, de medidas urxentes extraordinarias para

facer fronte ao impacto económico e social do COVID-19. [Modificado polo Real decreto

lei 11/2020, do 31 de marzo]

Artigo 34. Establece medidas en materia de contratación pública para paliar as consecuencias do

COVID-19. Destacan os seguintes aspectos:

Contratos públicos de servizos, de subministracións de prestación sucesiva e de obras, entre

outros:

- quedan suspendidos desde que se producira a situación de feito que impide a súa prestación e

ata que se poida continuar cando o órgano de contratación, a instancia do contratista e no prazo

de cinco días naturais apreciara a imposibilidade de execución do contrato. Transcorrido o prazo

indicado sen notificarse a resolución expresa ao contratista, deberá entenderse desestimatoria.

Esta suspensión non constitúe en ningún caso causa de resolución. O contratista poderá ser

indemnizado unicamente polos danos e prexuízos que estipula o artigo.

7

- cando ao vencemento dun contrato non se tivera formalizado o novo contrato que garanta a

continuidade da prestación como consecuencia da paralización dos procedementos de contratación

derivada do disposto no Real Decreto 463/2020, do 14 de marzo, e non se puidera formalizar o

novo contrato, poderá aplicarse a prórroga contemplada no artigo 29.4 da Lei 9/2017, do 8 de

novembro, de contratos do Sector Público con independencia da data de publicación da licitación

do novo expediente.

O previsto nese artigo non será de aplicación en ningún caso aos seguintes contratos:

a) Contratos de servizos ou subministracións sanitarias, farmacéuticas ou de outra índole, cuxo

obxecto estea vinculado coa crise sanitaria provocada polo COVID-19.

b) Contratos de servizos de seguridade, limpeza ou de mantemento de sistemas informáticos.

No caso dos contratos de servizos de seguridade e limpeza, si será posible a súa suspensión total

ou parcial, nos termos establecidos no apartado 1 do artigo 34, a instancia do contratista ou de

oficio, se como consecuencia das medidas adoptadas para combater o COVID 19, algún o algúns

dos seus edificios ou instalacións públicas quedaran pechados total ou parcialmente resultando

imposible que o contratista preste a totalidade ou parte dos servizos contratados.

c) Contratos de servicios ou subministracións necesarios para garantir a mobilidade e a seguridade

das infraestruturas e servizos de transporte.

[...]

Real decreto lei 10/2020, do 29 de marzo, polo que se regula un permiso retribuído

recuperable para as persoas traballadoras por conta allea que non presten servizos

esenciais, co fin de reducir a mobilidade da poboación no contexto da loita contra o COVID.

A Disposición adicional 5ª dispón que o permiso retribuído recuperable non resulta de aplicación ás

persoas traballadoras das empresas adxudicatarias de contratos de obras, servizos e

subministracións do sector público que sexan indispensables para o mantemento e seguridade dos

edificios e a adecuada prestación dos servizos públicos.

Real decreto lei 11/2020, do 31 de marzo polo que se adoptan medidas urxentes

complementarias no ámbito social e económico para facer fronte ao COVID-19.

[Modificado polo Real decreto lei 13/2020, do 7 de abril e polo Real decreto lei 15/2020,

do 21 de abril]

Adopta novas medidas dirixidas a traballadores, consumidores, familias e colectivos vulnerables e

medidas dirixidas ao empresas e autónomos. Inclúe un conxunto de medidas para axustar o

funcionamento da Administración ás necesidades actuais.

De especial interese a modificación do Real decreto lei 8/2020, do 17 de marzo no relativo á

contratación pública.

8

Informe da Avogacía Xeral do Estado do 19 de marzo de 2020 sobre o artigo 34.1 do

Real decreto lei 8/2020 (parágrafos primeiro e sétimo).

Aclara a aplicación do carácter automático da suspensión dos contratos públicos.

Consulta Informe da Avogacía Xeral do Estado do 1 de abril de 2020 sobre a

interpretación e aplicación do artigo 34 del Real decreto lei 8/2020, do 17 de marzo.

Aclara cuestións relativas á aplicación do artigo 34 do Real decreto lei 8/2020 na súa redacción

modificada polo Real decreto lei 11/2020, do 31 de marzo.

Informe do 7 de abril de 2020 da Xunta Consultiva de Contratación Pública do

Estado en relación coa suspensión da tramitación e do cómputo do prazo de interposición

do recurso especial en materia de contratación durante o estado de alarma no caso dos

contratos amparados pola Disposición adicional 3a.4 do Real decreto 463/2020, do 14 de

marzo, polo que se declara o estado de alarma para a xestión da situación de crise

sanitaria ocasionada polo COVID-19.

Interpretación sobre a interposición do recurso especial en materia de contratación no caso de

contratos públicos que son indispensables para a protección do interese xeral ou para o

funcionamento básico dos servizos.

Real decreto lei 15/2020, do 21 de abril, de medidas urxentes complementarias para

apoiar a economía e o emprego.

Habilita a interposición e tramitación, en procedementos de contratación cuxa continuación fose

acordada polas entidades do sector público de conformidade co previsto no apartado 4 da

disposición adicional terceira do Real decreto 463/2020, do 14 de marzo, de recurso especial nos

termos establecidos na Lei 9/2017, do 8 de novembro, de contratos do Sector Público, sen que o

procedemento de recurso poda considerarse suspendido.

Modifica a letra d) do apartado 4 do artigo154 da Lei 9/2017, do 8 de novembro, de contratos do

Sector Público eliminando a esixencia de que a apertura dos sobres teña lugar en todo caso

mediante acto público.

I.5 Disposicións que afectan a convenios

Real decreto lei 8/2020, do 17 de marzo, de medidas urxentes extraordinarias para

facer fronte ao impacto económico e social do COVID-19. [Modificado polo Real decreto

lei 11/2020, do 31 de marzo e polo Real decreto lei 15/2020, do 21 de abril]

O artigo 39 establece un réxime especial para os convenios relacionados co COVID-19 reducindo

os trámites preceptivos para a súa elaboración.

9

I.6 Disposicións que afectan ao emprego público

RESOLUCIÓN do 15 de marzo de 2020, da Secretaría Xeral Técnica da Consellería de

Presidencia, Administracións Públicas e Xustiza, pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19.

Establece o carácter preferente do traballo a distancia, a Administración facilitará fórmulas de

teletraballo ou de traballo a distancia agás para o persoal que desempeñe funcións de carácter

esencial definidas no artigo Terceiro da resolución. Esta medidas son de aplicación á

Administración xeral da Comunidade Autónoma, así como ás entidades instrumentais do sector

público autonómico.

Real decreto lei 6/2020, do 10 de marzo, polo que se adoptan determinadas medidas

urxentes no ámbito económico e para a protección da saúde pública. [Modificado polo Real

decreto lei 13/2020, do 7 de abril]

Establece a consideración excepcional como situación asimilada a accidente de traballo dos

períodos de aillamento, contaxio ou restrición nas saídas do municipio onde teñan o domicilio as

persoas traballadoras como consecuencia do virus COVID-19.

Real decreto lei 8/2020, do 17 de marzo, de medidas urxentes extraordinarias para

facer fronte ao impacto económico e social do COVID-19. [Modificado polos Reais

decretos lei 9/2020 do 27 de marzo, 11/2020 do 31 de marzo e 13/2020 do 7 de abril]

O artigo 5 establece o carácter preferente do traballo a distancia.

O capítulo II dispón medidas de flexibilización dos mecanismos de axuste temporal de actividade

para evitar despidos. Os artigos 22 e 23 regulan os procedementos de suspensión de contratos e

redución de xornada por causa de forza maior así como os procedementos de suspensión e

redución de xornada por causa económica, técnica, organizativa e de produción derivados do

COVID-19.

De conformidade coa Disposición adicional décimo sétima do Estatuto dos Traballadores estas

medidas non son aplicables a Administracións públicas pero si a entidades dependentes ou

vinculadas que se financien maioritariamente con ingresos obtidos de operacións realizadas no

mercado.

10

Real decreto lei 9/2020, do 27 de marzo, polo que se adoptan medidas

complementarias, no ámbito laboral, para paliar os efectos derivados do COVID-19.

Destaca que as medidas de suspensión de contratos e redución de xornada previstas no Real

decreto lei 8/2020, do 17 de marzo, non se poderán entender como xustificativas da extinción do

contrato de traballo nin do despido.

Real decreto lei 10/2020, do 29 de marzo, polo que se regula un permiso retribuído

recuperable para as persoas traballadoras por conta allea que non presten servizos

esenciais, co fin de reducir a mobilidade da poboación no contexto da loita contra o COVID.

Destaca que o permiso retribuído recuperable non é aplicable ás persoas traballadoras que poidan

seguir desempeñando a súa actividade con normalidade mediante teletraballo ou calquera das

modalidades non presenciais de prestación de servizos.

A Disposición adicional 5ª dispón que o permiso retribuído recuperable non resulta de aplicación ás

persoas traballadoras das empresas adxudicatarias de contratos de obras, servizos e

subministracións do sector público que sexan indispensables para o mantemento e seguridade dos

edificios e a adecuada prestación dos servizos públicos.

No ámbito do emprego público, a Disposición adicional primeira habilita aos órganos competentes

nas diferentes administracións para ditar as instrucións e resolucións que sexan necesarias para

regular a prestación de servizos co obxecto de manter o funcionamento dos servizos públicos que

se consideren esenciais.

Real decreto lei 11/2020, do 31 de marzo, polo que se adoptan medidas urxentes

complementarias no ámbito social e económico para facer fronte al COVID-19. [Modificado

polo Real decreto lei 13/2020, do 7 de abril e polo Real decreto lei 15/2020, do 21 de abril]

Adopta novas medidas dirixidas a traballadores, consumidores, familias e colectivos vulnerables e

medidas dirixidas ao empresas e autónomos. Inclúe un conxunto de medidas para axustar o

funcionamento da Administración ás necesidades actuais.

De especial interese as Disposicións adicionais décimo segunda e décimo terceira que establecen

as regras aplicables á duración determinados contratos de persoal docente e investigador

celebrados polas universidades e aos contratos de traballo subscritos con cargo a financiación de

convocatorias públicas de recursos humanos no ámbito da investigación.

Así mesmo, a Disposición adicional décimo oitava que regula a colaboración de persoas

empregadas públicas en calquera administración, nas áreas de carácter sanitario, sociosanitario,

de emprego, para a protección de colectivos vulnerables e aquelas outras que requiran un reforzo

en materia de persoal como consecuencia da situación provocada polo COVID-19.

ORDE do 31 de marzo de 2020 da Consellería de Economía, Emprego e Industria, pola

que se acorda a ampliación do prazo máximo de resolución e notificación do procedemento

11

de suspensión de contratos e redución de xornada por causa de forza maior que teñan a

súa causa directa en perdas de actividade como consecuencia do COVID-19, incluída a

declaración do estado de alarma, tramitados pola Secretaría Xeral de Emprego así como

polas respectivas xefaturas territoriais en función dos respectivos ámbitos territoriais de

afectación.

Acordo de ampliación en cinco días do prazo previsto no artigo 22 do Real decreto lei 8/2020, do

17 de marzo, de medidas urxentes extraordinarias para facer fronte ao impacto económico e social

do COVID-19 para a emisión de resolucións da autoridade laboral autorizando ou denegando as

solicitudes de suspensión de contratos e redución de xornada por causa de forza maior.

I.7 Disposicións que afectan a órganos colexiados e órganos de goberno

Real decreto lei 7/2020, do 12 de marzo, polo que se adoptan medidas urxentes para

responder ao impacto económico do COVID-19. [Modificado polos Reais decretos lei

8/2020 do 17 de marzo e 9/2020 do 27 de marzo]

De especial interese a Disposición final primeira que modifica a Lei 50/1997, do 27 de novembro,

do Goberno introducindo como medios electrónicos válidos as audioconferencias e

videoconferencias para celebrar sesións, adoptar acordos e aprobar actas a distancia por medios

electrónicos, sempre que os membros participantes se atopen territorio español e quede

acreditada a súa identidade.

Real decreto lei 8/2020, do 17 de marzo, de medidas urxentes extraordinarias para

facer fronte ao impacto económico e social do COVID-19. [Modificado polos Reais

decretos lei 9/2020 do 27 de marzo, 11/2020 do 31 de marzo e 13/2020 do 7 de abril]

De interese as medidas do artigo 40 aplicables ao funcionamento dos órganos de goberno de

persoas xurídicas de dereito privado aínda que non estivera previsto nas normas de creación. As

reunións poderan celebrarse por videoconferencia ou por conferencia telefónica múltiple, sempre

que todos os membros do órgano dispoñan dos medios necesarios, o secretario do órgano

recoñeza a súa identidade, e así o exprese na acta, que remitirá de inmediato aos enderezos de

correo electrónico de cada un dos concorrentes.

Así mesmo, o artigo 41 regula no mesmo sentido o funcionamento dos órganos de Sociedades

Anónimas.

Real decreto lei 11/2020, do 31 de marzo, polo que se adoptan medidas urxentes

complementarias no ámbito social e económico para facer fronte al COVID-19. [Modificado

polo Real decreto lei 13/2020, do 7 de abril e polo Real decreto lei 15/2020, do 21 de abril]

A Disposición final segunda modifica a Lei 7/1985, do 2 de abril, reguladora das bases do réxime

local introducindo como medios electrónicos válidos as audioconferencias, videoconferencias, ou

12

outros sistemas tecnolóxicos ou audiovisuais que garantan adecuadamente a seguridade

tecnolóxica, a efectiva participación política dos seus membros, a validez do debate e votación dos

acordos que se adopten.

13

II. DISPOSICIÓNS QUE AFECTAN Á UNIVERSIDADE DE SANTIAGO DE

COMPOSTELA

II.1 Disposicións sobre a suspensión de actividades e peche de instalacións

RESOLUCIÓN do 12 de marzo de 2020, da Secretaría Xeral Técnica da Consellería de

Sanidade, pola que se lle dá publicidade ao Acordo do Consello da Xunta de Galicia, do

12 de marzo de 2020, polo que se adoptan as medidas preventivas en materia de saúde

pública na Comunidade Autónoma de Galicia, como consecuencia da evolución da

epidemia do coronavirus COVID-19.

No apartado Primeiro. Medidas preventivas. d) No eido do ensino universitario suspéndense as

actividades académicas no ensino universitario mantendo residencias universitarias e bibliotecas

cun terzo da capacidade. Así mesmo, suspéndense as prácticas en centros sanitarios da

Comunidade Autónoma.

Real decreto 463/2020, do 14 de marzo, polo que se declara o estado de alarma

ocasionada polo COVID-19. [Modificado polo Real decreto 465/2020, do 17 de marzo, polo

Real decreto 487/2020, de 10 de abril e polo Real decreto 492/2020, do 24 de abril]

Artigo 9. Suspende a actividade educativa presencial en todos os niveis de ensinanza e dispón a

continuidade da docencia a través das modalidades a distancia e «on line» sempre que resulte

posible.

Resolución do reitor da Universidade de Santiago de Compostela do 12 de marzo

de 2020 pola que se establece a suspensión temporal da actividade docente presencial e

outras medidas preventivas e recomendacións de saúde pública como consecuencia da

situación, evolución e perspectivas do coronavirus (COVID-19)

Suspende de xeito temporal a actividade docente presencial incluíndo as actividades docentes

prácticas que se realizan en empresas, organismos e institucións.

Resolución reitoral de 13 de marzo de 2020 pola que se adoptan medidas para a

execución do acordo de suspensión de actividades da USC. [Modificada parcialmente pola

Resolución reitoral do 14 de marzo de 2020 pola que se o peche das instalacións da

Universidade de Santiago de Compostela]

Dispón medidas sobre a suspensión da actividade docente presencial e a continuidade sempre que

sexa posible serán substituídas por actividades non presenciais atendendo ás particularidades de

cada titulación.

14

Establece a celebración de reunións a distancia das reunións mediante correo electrónico,

videoconferencia ou calquera outro medio electrónico admisible.

Establece con carácter xeral os horarios para os edificios docentes, de investigación e

administrativos e o peche de determinadas instalacións (instalacións deportivas e museos entre

outros).

Dispón medidas relativas ao persoal, reorganización do traballo, persoal especialmente sensible,

prohibición de desprazamentos fóra da USC do persoal por cuestións laborais e procesos selectivos

iniciados.

Resolución reitoral do 14 de marzo de 2020 pola que se dispón o peche das instalacións

da Universidade de Santiago de Compostela [Modificada parcialmente pola Resolución

reitoral do 16 de marzo de 2020 pola que se establecen os protocolos de actuación na

USC durante o estado de alarma]

Constitúese un Comité Permanente de Crise formado pola Reitoría, a Secretaría Xeral e a Xerencia

para o seguimento da situación e a adopción de cantas medidas sexan necesarias durante o tempo

que se prolongue o estado de alarma. Dispón o peche xeral das instalacións agás as residencias e

aqueloutras indispensables para o funcionamento esencial.

Resolución reitoral do 16 de marzo de 2020 pola que se establecen os protocolos de

actuación na USC durante o estado de alarma. [Modificada parcialmente pola Resolución

reitoral do 30 de marzo de 2020 pola que se declaran servizos esenciais relacionados coa

xestión da crise polo COVID-19]

Dispón a creación dun Comité Operativo para a xestión da crise do COVID-19 encargado da

autorización e seguimento do acceso ás instalacións así como das disposicións relativas á

seguridade, limpeza, e mantemento necesarios. Regula o réxime de prestación de servizos para

todo o persoal da Universidade e declara servizos que deben prestarse con presenza de persoal.

Regula así mesmo o acceso e permanencia ás instalacións da USC.

Resolución reitoral do 30 de marzo de 2020 pola que se declaran servizos esenciais

relacionados coa xestión da crise polo COVID-19

Establece a sede da Xerencia como edificio administrativo de referencia e as funcións esenciais

que se deben manterse con presencial de persoal, así como o procedemento para a acreditación

destinada a xustificar os desprazamentos de persoal.

15

II.2 Disposicións sobre xestión económico-orzamentaria

Instrución VII/2020 da xerencia de 26 de marzo pola que se establece a xestión

orzamentaria como consecuencia da crise polo COVID-19

Establece a dotación dunha partida para atender os gastos extraordinarios de calquera natureza

derivados da situación de estado de alarma coa denominación “Subministracións crise COVID-19”.

Dispón a suspensión de cobros e a devolución de cotas en determinados servizos prestados á

comunidade universitaria.

Así mesmo, establece un procedemento extraordinario para a autorización e execución de gastos

durante o estado de alarma e o carácter preferente de determinados gastos para os efectos de

xestión da Tesourería da USC.

Real decreto lei 15/2020, do 21 de abril, de medidas urxentes complementarias para

apoiar a economía e o emprego.

O artigo 8 establece o tipo impositivo 0 por cento para entregas de bens, importacións e

adquisicións intracomunitarias de bens necesarios para combater os efectos da COVID-19 cuxos

destinatarios sexan entidades de dereito público entre outras.

A disposición adicional décimo segunda dispón o adiamento de cotas de préstamos ou anticipos

concedidos a entidades promotoras de parques científicos ou tecnolóxicos en virtude das

convocatorias xestionadas exclusivamente polo Ministerio de Ciencia e Innovación ou o competente

en investigación, desenvolvemento e innovación desde o ano 2000 e que venzan no 2020.

A disposición final segunda modifica o número 2º do apartado dous.1 do artigo 91 da Lei 37/1992,

do 28 de decembro, do imposto sobre o valor engadido establecendo o tipo impositivo do 4 por

cento para libros, periódicos e revistas cando teñan a consideración de servizos prestados por vía

electrónica.

II.3 Disposicións sobre a actividade docente

Resolución reitoral do 23 de marzo de 2020, sobre modificación das guias docentes como

consecuencia da suspensión temporal da actividade docente presencial.

Establece medidas para a modificación das guías docentes co obxecto de adaptalas á nova

situación derivada da suspensión da docencia presencial.

Resolución reitoral do 27 de marzo de 2020 sobre as practicas académicas externas do

curso 2019/2020 como consecuencia da súa suspensión temporal derivada da situación

de crise sanitaria.

16

Dispón medidas de carácter extraordinario en relación coas prácticas académicas externas,

curriculares e extracurriculares, do curso académico 2019/2020 que se estaban impartindo no

momento da suspensión ou que estaban programadas para o segundo semestre do curso e aínda

non se iniciaran.

Resolución reitoral do 7 de abril sobre obrigas referidas á docencia non presencial

Destaca a suspensión definitiva da docencia presencial polo que resta de período lectivo do

segundo cuadrimestre do curso 2019-2020. Establece as obrigas docentes con respecto á docencia

non presencial.

Resolución reitoral do 14 de abril de 2020 sobre presentación e tramitación de teses

por medios telemáticos

Establece o sistema para a tramitación de solicitudes de defensa das teses e o procedemento de

lectura por medios telemáticos

Resolución reitoral do 04/05/2020, pola que se acordan determinados cambios nos

prazos de matricula como consecuencia da suspensión da docencia presencial pola

COVID-19

Regula as modificacións e anulacións de matrícula derivadas da suspensión da docencia presencial

pola COVID-19.

Instrución da Secretaría Xeral 2/2020 para a aplicación do artigo 4.3. do acordo do

Consello de Goberno do 22 de abril de 2020, polo que se regula o réxime especial de

avaliación do curso 2019/2020 como consecuencia da suspensión da docencia presencial

pola COVID-19

II.4 Disposicións sobre axudas públicas

Real decreto lei 15/2020, do 21 de abril, de medidas urxentes complementarias para

apoiar a economía e o emprego.

17

A disposición adicional novena establece regras aplicables ás axudas con cargo a financiamento

de convocatorias públicas no ámbito universitario dirixidas a estudantes universitarios, persoal

investigador e/ou profesorado universitario.

A disposición transitoria cuarta establece disposicións aplicables a determinados préstamos

universitarios.

II.5 Disposicións sobre órganos colexiados

Protocolo para o uso de medios electrónicos nas reunións de órganos colexiados da USC

[publicado o 28 de abril de 2020]

II.6 Disposicións sobre persoal

Resolución reitoral do 15 de marzo de 2020, pola que se dispón o aprazamento do

desenvolvemento dos concursos de PDI

Regula o desenvolvemento diferentes concursos de prazas de Profesorado Docente e Investigador

de conformidade co momento do proceso no que se atopen.

Resolución reitoral do 16 de marzo de 2020 pola que se establecen os protocolos de

actuación na USC durante o estado de alarma. [Modificada parcialmente pola Resolución

reitoral do 30 de marzo de 2020 pola que se declaran servizos esenciais relacionados coa

xestión da crise polo COVID-19]

Regula o réxime de prestación de servizos para todo o persoal da Universidade e declara servizos

que deben prestarse con presenza de persoal. Regula así mesmo o acceso e permanencia ás

instalacións da USC.

Resolución reitoral do 30 de marzo de 2020 pola que se declaran servizos esenciais

relacionados coa xestión da crise polo COVID-19

Establece as funcións esenciais que se deben manterse con presencial de persoal, así como o

procedemento para a acreditación destinada a xustificar os desprazamentos de persoal.

Real decreto lei 11/2020, do 31 de marzo, polo que se adoptan medidas urxentes

complementarias no ámbito social e económico para facer fronte al COVID-19. [Modificado

polo Real decreto lei 13/2020, do 7 de abril e polo Real decreto 15/2020, do 21 de abril]

De especial interese as Disposicións adicionais décimo segunda e décimo terceira que establecen

as regras aplicables á duración determinados contratos de persoal docente e investigador

18

celebrados polas universidades e aos contratos de traballo subscritos con cargo a financiación de

convocatorias públicas de recursos humanos no ámbito da investigación.

Así mesmo, a Disposición adicional décimo oitava que regula a colaboración de persoas

empregadas públicas en calquera administración, nas áreas de carácter sanitario, sociosanitario,

de emprego, para a protección de colectivos vulnerables e aquelas outras que requiran un reforzo

en materia de persoal como consecuencia da situación provocada polo COVID-19.

Real decreto lei 13/2020, do 7 de abril, polo que se adoptan determinadas medidas

urxente en materia de emprego agrario.

A Disposición adicional quinta, referida a concesión de licenzas e abono de retribucións ao

mutualistas de MUFACE e MUGEJU en situación de incapacidade temporal durante a vixencia do

estado de alarma.

A Disposición final primeira, que supón a modificación do Real Decreto-lei 6/2020, de 10 de marzo,

no referente a consideración de situación asimilada a accidente de traballo.

Resolucion do 13 de abril de 2020, da Mutualidade Xeral de Funcionarios Civís do

Estado, pola que se garante durante o estado de alarma a continuidade do abono do

subsidio por incapacidade temporal, risco durante o embarazo e risco durante a lactación

natural dos mutualistas.

Establece, para situacións de longa duración, o sistema de acreditación mediante declaración responsable da persoa mutualista en substitución de partes de confirmación cando non sexa posible o recoñecemento médico e a correspondente expedición do parte. Así mesmo, substitúe as licenzas expedidas polos órganos de persoal por unha comunicación mensual para os efectos de continuar percibindo o subsidio.

Nota informativa do Ministerio de Ciencia e Innovación e da Axencia Estatal de

Investigación sobre a aplicación do Real decreto lei 11/2020, do 31 de marzo, polo que

se adoptan medidas urxentes complementarias no ámbito social e económico para facer

fronte ao COVID-19, no que respecta á disposición adicional décimo terceira. Versión 02

de data 6/4/2020.

Da publicidade á Resolución da Axencia Estatal de Investigación pola que se autorizará a prórroga

de contratos laborais subscritos ao amparo das convocatorias de recursos humanos da Axencia.

Real decreto lei 15/2020, do 21 de abril, de medidas urxentes complementarias para

apoiar a economía e o emprego.

19

A disposición adicional décimo cuarta establece regras aplicables aos contratos predoutorais para

persoal investigador en formación subscritos no ámbito da investigación.

Resolucion da presidencia da Axencia Estatal de Investigacion pola que se amplian os

prazos para a incorporación dos investigadores aos centros de I+D no marco das axudas

Juan de la Cierva-incorporacion 2018.

As axudas do programa Juan de la Cierva – incorporación 2018 que tiñan programadas para o 1

de abril e o 1 de maio de 2020 as incorporacións de investigadores aos seus centros de I+D, en

virtude desta Resolución, poderán incorporarse se o necesitan ata o 1 de xullo de 2020 inclusive.

Resolucion da presidencia da Axencia Estatal de Investigacion pola que se amplian os

prazos para a incorporación dos investigadores aos centros de I+D no marco das axudas

Juan de la Cierva-Formacion 2018.

As axudas do programa Juan de la Cierva – formación 2018 que tiñan programadas para o 1 de

abril e o 1 de maio de 2020 as incorporacións de investigadores aos seus centros de I+D, en virtude

desta Resolución, poderán incorporarse se o necesitan ata o 1 de xullo de 2020 inclusive.

Resolucion da presidencia da Axencia Estatal de Investigacion pola que se amplian os

prazos para a incorporacion dos investigadores aos centros de I+D no marco das axudas

Ramon y Cajal 2018.

As axudas do programa Ramón y Cajal que tiñan programadas para o 1 de abril e o 1 de maio de

2020 as incorporacións de investigadores aos seus centros de I+D, en virtude desta Resolución,

poderán incorporarse se o necesitan ata o 1 de xullo de 2020 inclusive.

II.7 Disposicións sobre prevención de riscos laborais

Guía de actuación fronte ao coronavirus covid-19 para centros e persoal da USC con

traballo presencial.[Versión actualizada o 4 de maio de 2020]

Criterios de actuación en servizos prestados con presenza de persoal.

Información preventiva relativa ao uso de pantallas de visualización de datos fora do lugar

habitual de traballo (remitida o 27 de marzo de 2020)

20

Recomendacións e método de autoavaliación para o traballo con pantallas de visualización de datos

fóra do lugar de traballo.

Información sobre o coronavirus (COVID-19) para empresas externas con actividades na

USC

Recomendación de prevención de riscos laborais para empresas alleas que continúan prestando

servizos na USC.

II.8 Disposicións sobre protección de datos e seguridade da información

Medidas de seguridade para o traballo non presencial.

Criterios para realizar o traballo non presencial na USC.

Informe da Axencia Española de Protección de datos sobre a protección de datos na

actual situación derivada do coronavirus

Análise da incidencia do estado de alarma por coronavirus sobre a protección de datos de datos

de carácter persoal.

FAQ da Axencia Española de Protección de datos en materia do coronavirus