EGU (Enciclopedia Galega Universal) de Ir Indo

EGU é a maior obra editada en galego que existe na rede. Conta con máis de 200.000 entradas con equivalencias en castelán, portugués, inglés e alemán. As buscas tamén poden facerse partindo das entradas en castelán, portugués, inglés e alemán. Pódense escoitar todas as entradas polo altofalante e facendo dobre clic sobre calquera delas aparece o dicionario.

Digalego (Dicionario de Galego) de Ir Indo

Digalego é o máis completo dicionario normativo da rede. Inclúe etimoloxías, equivalencias en castelán, portugués, inglés e alemán, así como sinónimos, antónimos e variantes, etimoloxías e conxugacións de verbos.

Biblioteca Municipal de Ferrol Plaza de España, 2

15403 Ferrol Tlf.: 981 944 182 – Fax: 981 944 196

biblioteca@ferrol.es www.ferrol.es/biblioteca

BIBLIOTECA MUNICIPAL

© Biblioteca Pública de Santiago

A BIBLIOTECA DIXITAL

A biblioteca dixital permite achegar ao cidadán unha serie de recursos electrónicos sen necesidade de desprazarse á biblioteca para a súa consulta: libros e enciclopedias electrónicas, unha hemeroteca de diarios dixitais, recursos audiovisuais... Esta biblioteca atópase en constante evolución, polo que o número de recursos vai crecendo continuamente. O único requisito para acceder a este servizo é ser usuario dunha das bibliotecas da Rede de Bibliotecas de Galicia.

Para realizar a consulta, o usuario tan só ten que entrar no apartado “Recursos electrónicos en liña” da sección “Biblioteca dixital da rede” en:

http://rbgalicia.xunta.es

escoller o recurso, a súa biblioteca e introducir o seu número de socio e a súa clave de acceso. A biblioteca dixital, ofrece, ademais, unha selección de recursos web dispoñibles en acceso aberto gratuíto.

LIBROS ELECTRÓNICOS

Acceso a obras de diversas temáticas en formato electrónico (Antigo Exipto, historia da música, filosofía...). Esta colección está en constante crecemento, co obxectivo de atender as necesidades de todos os nosos usuarios

E-JUNIOR.NET

Enciclopedia electrónica multimedia dirixida aos rapaces de primaria e primeiro ciclo de secundaria, adecuada aos contidos curriculares que se desenvolven nestas etapas.

ENCICLONET

Extensa enciclopedia electrónica multimedia dirixida a ciclos superiores de ensino secundario e a adultos.

Abrangue todas as áreas do saber (arte e literatura, ciencias da vida, ciencia e tecnoloxía..) e proporciona información sobre efemérides, etc.

HEMEROTECA1. Hemeroteca Dixital Iconoce de Sarenet

A Hemeroteca Dixital Iconoce de Sarenet é un servizo de novas aparecidas en medios dixitais de todo o mundo: prensa, publicacións especializadas en economía, deporte, tecnoloxía..., blogs e confidenciais. Presenta dúas seccións:

– "Noticias del día", en constante actualización para ofrecer a información máis recente.

– "Hemeroteca", permite a consulta de noticias retrospectivas e presenta dous tipos de busca (rápida e avanzada), que poden acoutarse por áreas xeográficas, seccións de prensa, períodos cronolóxicos e medios concretos.

2. Hemeroteca de prensa histórica

Acceso libre a varias coleccións de prensahistórica dixitalizada. Non se require ter carné de usuario de biblioteca para a súa visualización.