Bizkaiko Teknologi Parkea, 101 • 48170 Zamudio – Bizkaia

Tel: 944 03 23 00 • Fax: 944 03 23 01www.itelazpi.eus • itelazpi@itelazpi.eus

N.I.F

.: A-

9528

2216

Reg

istro

Mer

cant

il de

Bizk

aia,

Hoj

a BI

-380

47, F

olio

102

, T 4

347

, Ins

crip

ción

I. – S

ocie

dad

Unip

erso

nal

I.F.Z

.: A-

9528

2216

Bizk

aiko

Mer

kata

ritza

Erre

gist

roa,

BI-3

8047

O.a

, 102

Oh.

a, T

434

7 , I

. Ida

zp.a

– Pe

rson

a Ba

karre

ko

Baltz

ua

2017KO KUDEAKETA-PLANA

AURKIBIDEA

1. SARRERA................................................................................................3

2. ALDERDI OROKORRAK ETA TESTUINGURUA..............................................4

3. ESTRATEGIA, KALITATEA ETA GARDENTASUNA.........................................5

4. PERTSONEKIKO KONPROMISOA...............................................................6

5. INGURUMENAREKIKO KONPROMISOA.......................................................7

6. BROADCAST ZERBITZUAK........................................................................8

7. TETRA ZERBITZUAK................................................................................9

8. AZPIEGITURA FISIKO ETA LOGIKOEN KUDEAKETA...................................10

2-13etik

1. SARRERA

Dokumentu honetan jasotako Urteko Planak antolakuntza osatzen duten prozesuen plan desberdinetan 2017ko ekitaldirako aurreikusitako jarduketa nagusien laburpen bat aurkezten du.

Era berean, aipatu beharra dago plan honek 2017-2020 Plan Estrategikoa hedatzen duela, 2017. urteari dagokionez. Hortaz, aurkezten den plangintza elikatzen duten iturriak, funtsean, plan estrategikoaren zehaztapenek eta gure interes-taldeen edo interesdunen itxaropenek osatzen dituzte; izan ere, horiek erabili dira prozesuen urteko plan desberdinak hornitzeko.

Hemen jasotako plangintza aldizka berrikusten, eguneratzen eta neurtzen da.

Dokumentu honetan jasotako jarduketekin lotutako magnitude ekonomikoak honako webgunean kontsulta daitezke: Euskal Autonomia Erkidegoko aurrekontu ofizialak

Gorago adierazi egin den bezala, urteko plangintza hau 2017-2020 Plan Estrategikoaren aldi baterako hedapenean sartzen da, hain zuzen ere, honako koadroan islatzen dena:

3-13etik

2. ALDERDI OROKORRAK ETA TESTUINGURUA

Gure inguruan, testuinguru ekonomiko orokorraren bilakaera positiboa izan da; hala ere, horren ondorioak oraindik ezin dira erraz antzeman gizarte-mailan, parametro makroekonomikoen bidez hobeto antzeman daitekeen hobekuntza bat delako. Hobekuntza horrekin batera, enpleguaren suntsipena geldiarazi da eta diru-sarrera publikoak areagotu dira, oso gutxi bada ere. Horrenbestez, mozketen dinamika alde batera utzi zen eta horrek nabarmen eragin zion ITELAZPIri. Hala eta guztiz ere, zuhurtziaz jarduteko eta defizita murrizteko printzipioak aurrekontu publikoak eusten ditu eta, horrela, krisialdian ezarritako gastu-atalaseak mantentzen dira. Horrek, kontuan hartuta ITELAZPIk sektore publikoan diharduela, itxaropenei eusteko gune orokor batean kokatzen gaitu, hain zuzen ere, oraingo eta balizko bezeroei eskainitako zerbitzuei dagokienez.

ITELAZPIren jardueran eragiten duen beste esparruetako bat da juridikoa-arauzkoa. Lurreko Telebista Digitalari dagokion espazio zehatzean, akordio garrantzitsu batera heldu da Europar Batasunaren mailan; hala, Europako hiru instantzia nagusiek (Parlamentua, Kontseilua eta Batzordea) itun bat sinatu dute, telebista 2030era arte sub 700 bandan hedatzeko espektroari dagokionez. Kontu hori bereziki garrantzitsua da gure jarduera nagusia finkatzearen ikuspegitik. Hala ere, 2017an, jarduketak burutuko dira ukitutako arloan; izan ere, oraindik ez dago ministerio-plangintzarik "bigarren dibidendu digitala" deritzonari aurre egiteko.

Araudiaren atalari dagokionez, aipatu behar da nahiko posiblea dela Sektore Publikoko Kontratuen Legea indarrean sartzea; lege horrek, bere proiektu-testuan, berezko bitarteko instrumentalen arauketa berria jasotzen du. Horrez gain, botere adjudikaziodunen enkarguak horietarantz artikulatzeko araubidea jasotzen du. Zehazki, bereziki nabarmentzekoa da proiektuan jasotako arauketa-proposamena, enkarguak egiteko baldintzei dagokienez.

Gure interes-taldeei dagokienez, ez da eman talde horien itxaropenak aldatzen dituen inguruabarrik edo beharrik, bere garaian identifikatutakoekin alderatuta. Aurrekoa gorabehera, enpresaren helburuetako bat da, Plan Estrategiko berriaren esparruan, Broadcast bezeroei hitzemandako zerbitzu-mailak nabarmen hobetzea eta hori aldebakarreko prozesu gisa burutzea, hain zuzen ere, hobetzeko erronkatzat hartuta; izan ere, hori islatzen da 2017rako aurreikusitako jarduketetan.

Barne-ingurunean eta Gobernu berria eratzearen ondorioz, Administrazio Kontseilua partzialki berritu da eta, horren ondorioz, besteak beste, kontseiluaren presidentetza aldatu egin da. Hala ere, eta kontseilua eratzeko modua kontuan hartuta, bertan egindako aldaketek ez dute aldaketa nabarmenik eragin behar sozietatearen funtzionamenduan.

Antolakuntzari dagokionez, organigrama berria ezarri da; bertan, eginkizunen aldaketa txikiez gain, aldaketarik garrantzitsuena koordinatzailearen figura berriarena izan da,

4-13etik

bezeroen atalean eta euskarri-atalean sortu dena. Edonola ere, antolakuntzak jadanik barneratu ditu aldaketa horiek eta ez dute aldaketa nabarmenik eragiten funtzionamendurako jarraibideetan.

5-13etik

3. ESTRATEGIA, KALITATEA ETA GARDENTASUNA

Atal honetan, zalantzarik gabe, jarduketarik nabarmenena da Plan Estrategiko berriaren ezarpena, behin eztabaida-etapa gaindituta eta lotutako eragile desberdinek parte hartu ostean.

2017ko ekitaldiari dagokionez, aipatutako plana hedatzeak prozesu desberdinen urteko planetan eragiten du, zehazki, aurrerago adieraziko den moduan. Baina aurrekoaz harago, planaren garapenaren segimendua eta neurketa egiteko metodologia zehaztu beharko da.

Kalitateari erreparatuz, aurrerapausoak eman behar ditugu prozesuak eta gure bezeroekiko emaitzak hobetze aldera, azken batean, gure kalitate-politika oinarritzen duen PDCA zikloa garatu behar dugu. Horrenbestez, ISO 9001:2015 arauaren auditoretza bikoitza egiten dugu enpresan, barnekoa eta kanpokoa; arau horren ziurtagiria daukagu jadanik.

Betetze penalari dagokionez, behin sistema garatuta, bidezkoa da hori onesteko egintzak burutzea eta, UNE 19601:2017 araua indarrean sartu dela baliatuz, ezarritako sistemaren auditoretza egitea, ziurtatua izan dadin.

2017. urtean, arriskuen tratamenduarekin jarraituko da, hain zuzen ere, aurreko ekitaldietan ezarritako eta garatutako dinamika berarekin. Era berean, arlo horren eremuan, identifikatutako berrikuntza-proiektuen segimendua egiten da.

Gardentasunari erreparatuz, gaur egun ezarritako gardentasun-atariaren edukia mantendu behar da, erkidegoko legea onestearen zain gaudelarik. Izan ere, lege horrek gaur egun publizitate aktiboaren bidez jakinarazi daitezkeen edukiak alda ditzake.

2017an, Jarduera-memoriak idazteko kontratua esleituko da, hurrengo urteetan zentro-sarearen egoera legeztatze aldera. Paraleloki, hirigintza-erregularizazio prozesu bat abiaraziko da; horren jarduketa, 2017an, informazioa biltzean eta prozesua abiaraztean oinarrituko da.

Horrez gain, atal honetan, komeni da BikainZilarra ziurtapena lortzeko hartutako konpromiso estrategikoa sartzea; hori betetzeko, 2017an zenbait jarduketa burutu beharko dira, hain zuzen, helburu hori lortzeko aurrera egiteko.

2017rako helburu nagusiak:

- 2017-2020 Plan Estrategikoa ezartzea

- Plan Estrategikoa eta berrikusteko eta neurtzeko metodologia hedatzea

- ISO 9001:2015 ziurtapena berritzea

- Betetze Penalaren Sistemaren Ziurtapena (UNE 19601:2017)

6-13etik

- Jardueren erregularizazioa

7-13etik

4. PERTSONEKIKO KONPROMISOA

ITELAZPIren antolakuntzan eta jardueran, pertsonak dira erdigunea eta antolakuntzak arreta berezia ematen die pertsonei. Horrela, lau alderdik bereizten dute arreta hori:

- Prestakuntza-politika: urteko prestakuntza-plana zehaztea eta egikaritzea, kasu bakoitzean zehaztutako eskumenen ondoriozko errekerimenduak abiapuntutzat hartuz. 2017an, antolakuntzako pertsonen eskumen-esparrua berrikusiko da eta berrikuspen horrekin, neurri batean, ondorengo prestakuntza-planak eratuko dira.

- Segurtasun eta Lan-osasuneko Politika: hori da antolakuntzaren erronka nagusietako bat, hedatutako jarduera eta hori burutzen den ingurunea aintzat hartuta. Gai horri dagokionez, enpresak badauka plan espezifiko bat eta, 2017ko ekitaldira begira, planaren ahalegin nagusiak jarriko dira zentroen ikuskapenetan eta ebaluazioetan. Horrez gain, ahaleginak egingo dira maiztasun modulatuko hedapena duten zentroen igorpen irrati-elektrikoen kontrolak eguneratzeko eta maiztasun baxuko igorpenen neurketak egiteko, hain zuzen, energia-kontsumo handiagoko zentroetan. Zentzu horretan, nabarmentzekoa da ITELAZPIk izan behar duen trakzio-efektua, bereziki ingurune hurbileneko enpresetan. Hortaz, 2017an, prestakuntza-ekintza funtsezko hornitzaileekin burutuko da. Sistema ziurtatu bat denez, 2017an, auditoretza egingo da, berritze aldera.

- Berdintasun-politika: berdintasun-politikak ere garatzen dira plan espezifiko baten bidez, sentsibilizazio-jarduketetan eta hizkuntzaren erabilera kontrolatzean oinarritzen dena, besteak beste. 2017an, kontratazio-pleguetan sartzeko klausula-tipo batzuk ezartzeko aukera aztertuko da.

- Parte-hartze eta aitorpen politikak: azpimarratzea, egin ohi den bezala, parte hartzeko barneko foruak ezarri behar direla enpresaren jarduketa-ildo nagusien diseinuan eta ezarpenean eta hori eremu guztietan, baita aitorpen-sistemak mantendu ere.

2017rako helburu nagusiak:

- Eskumenen eredua berritzea

- Urteko prestakuntza-plana egikaritzea

- SSL urteko plana garatzea eta egikaritzea

- OHSAS 18001 ziurtapena berritzea

- Urteko berdintasun-plana garatzea eta egikaritzea

8-13etik

5. INGURUMENAREKIKO KONPROMISOA

Ingurumen-jarduketak ohiko sistematikaren barruan sartzen dira eta hori gure jarduketak egindako kenketen batez bestekorako proportziozko itzuleraren printzipioan dago oinarrituta.

Horrela, “Zuhaitz Eguna” ekitaldietako sentsibilizazioko eta zuhaitzak berriz landatzeko ekintzak burutuko dira; hala, ekitaldi horiek ikastetxeetan garatzen dira.

Bestalde, kontratazio-pleguei ingurumen-izaera esleitzeko prozesua mantenduko da, hain zuzen ere, ITELAZPI sortu zenetik kide den STOP CO2 ekimenaren esparruan. Halaber, 2017an, ahalegin nabarmena egingo da gure jarduerak sortzen dituen hondakinak tratatzearekin lotutako jarduketen sistematizazioan eta kontrolean, bereziki, ekipoak eta sistemak instalatzeko eta desinstalatzeko lanen ondorioz sortzen diren hondakinak dira horiek.

2016an ezin izan zen Hirumugetako zentroan elikadura elektrikoko sistemen instalazioa burutu energia-sistema alternatiboen bidez. Jarduketa garrantzitsu hori, azkenik, 2017an burutuko da.

Azkenik, eta gure trakzio-eginkizuna garatzeko, hornitzaile nagusiei zuzendutako prestakuntza-kontzientziazio ekintza bat burutuko da.

ITELAZPIren ingurumen-ekintzako sistemaren gainean, EMAS Araudiaren ziurtapena egiten da eta, hori mantentzeko, sistemaren urteko auditoretza egin beharra dago.

2017rako helburu nagusiak:

- EMAS ziurtapena berritzea

- "Zuhaitz Eguna" ekitaldiak egitea

- Hirumugetan elikadura-sistema alternatiboa instalatzea

9-13etik

6. BROADCAST ZERBITZUAK

Jarduketa-eremu desberdinek osatzen dute 2017ko plana, Broadcastaren eremuan. Ekintzen lehenengo multzoa irrati publikoa hedatzeko sistemak berritzearekin dago lotuta, zehazki, sareko lau zentro nagusiei dagozkien sistemak abiaraztearekin. Ganeta, Zaldiaran, Jaizkibel eta Oiz. Bestalde, proiektu berritzaile bat garatuko da FMren isomaiztasun-sarea ezartzeko aukeraren inguruan; horrek irisgarritasun zaileko eta maiztasunik ez duten guneetako estaldura-arazo batzuk konponduko lituzke. Jarduketa horiek euskal irrati publikoa hedatzeko sistemak modernizatzeko hainbat urtetarako proiektuan sartzen dira.

Horrez gain, irratiaren hedapenaren eremuan, voting-sarean burutuko den bilakaera teknologikoa nabarmendu behar da.

Telebistaren esparruan, burutuko diren jarduketak, funtsean, bigarren dibidendu digitala egikaritzearekin eta MPE4 eta MPE5 anizkoitzen hedapenarekin lotutako etorkizuneko jarduketak planifikatzeko atazak dira. Hori guztia Energia, Turismo eta Agenda Digitaleko Ministerioak kateen plangintza egikaritu arte, 2018 baino lehen egingo ez dena.

Ohiko jarduketen artean, besteak beste, nabarmentzekoa da monitorizazioa garraio-sarerik ez duten zentroen pakete gehigarri batera hedatuko dela; horri esker, pixkanaka eta urrunetik, broadcast hedapeneko ekipo eta sistema guztietarako sarbidea bermatuko da eta, horrekin, mantentzeko kostuak aurreztuko dira eta oraingo zerbitzu mailak hobetu egingo dira.

Era berean, 2017an, Plan Estrategikoan aurreikusitako jarduketa-ildoetako bat hedatuko da, hain zuzen, Kontingentzien Planaren berreraketa; izan ere, horren tratamendua egiteko, sareko zentro nagusien broadcast zerbitzuetatik hasi behar da.

Azkenik, eta Plan Estrategikoan hartutako konpromisoekin bat etorriz, lehenengo fase batean, gure broadcast bezeroekin konprometitutako zerbitzuen maila areagotuko da. Erronka horrek inplikazio teknologiko eta zerbitzua kudeatzeko inplikazio nabarmenak dakartza eta, aldi berean, antolakuntzak etengabeko hobekuntzarekin duen konpromisoa argi islatzen du, baita bezeroen itxaropenak beste alderdi batzuengandik gailentzen direla ere.

2017rako helburu nagusiak:

- Lau zentro nagusietako irrati publikoaren hedapen-sistema berriak abiaraztea.

- FMren isomaiztasuna hedatzeko proiektua garatzea.

- Bigarren dibidendu digitalaren plangintza eta MPE4 eta MPE5 hedapena.

- Kontingentzien Planaren lehenengo fasea

10-13etik

- Zerbitzu mailako akordioak igotzeko lehenengo fasea

11-13etik

7. TETRA ZERBITZUAK

TETRA sareari eta zerbitzuei dagokienez, ekitaldiko jarduketak estaldura hedatzeko eta hobetzeko lanetara mugatuko dira, bereziki trenbide-sarean, baita zerbitzu-mailak optimizatzera ere.

Aurreko atalean aipatutako urruneko zentroen monitorizazioaren hedapena TETRA sarea euskarritzat hartuz burutzen da; bertaz, hori gauzatzea arlo honi dagokio. Zentroak apurka-apurka gehitzen dira proiektura, hain zuzen ere, urtero hogei bat zentro atxikitzen dira proiektura eta hori da 2017rako ezarritako xedea.

Aurrekoa gorabehera, Plan Estrategikoa ezartzen denetik arlo honetan sortzen den agertokiaren oinarriak bi proposamen nabarmen dira: batetik, jarduketa-eredu bat diseinatzea Gauzen Interneteko proiektuetan oinarrituz eta, bestetik, orain dela gutxi ITELAZPIri atxikitako sareko azpiegiturak balioztatzea.

Gauzen Interneteko proiektuei dagokienez, botere publikoen esku-hartzea beharrezkoa izan daitekeen agertokiak aztertu behar ditugu, berri ere ekiditeko lurralde-desorekak sortzea. Zentzu horretan, azterketa-lana egin behar da bideragarriak diren proiektuak ulertzeko eta zehazteko, hain zuzen, administrazio desberdinen beharrak asetze aldera. Hori egingo dugu inguru zehatz batzuetan, non, ziur aski, ekimen pribatuak arreta emango ez dien, errentagarritasun ekonomikoko ikuspegia urria edo nulua delako.

Bestalde, orain dela gutxi, Eusko Jaurlaritzak ITELAZPIri atxiki dizkio zuntz optikorako kanalizazioen soberako azpiegiturak. Atxikipen hori kanalizazio horiek balioztatzeko aukera gisa aurkezten da, bai sare publikoak osatzeko, bai merkaturatzeko, hain zuzen, indarreko legeriak ezarritako termino eta baldintzetan. Hori guztia aztertu behar da eta, azterketa horretatik, hurrengo ekitaldietan hedatuko diren jarduketen agertoki berri bat sortuko da.

2017rako helburu nagusiak:

- TETRA proiektu zehatzekin lotutako estaldura-hobekuntzak

- Gauzen Internetari buruz garatuko diren proiektuen azterketa

- Soberako kanalizazioen azpiegiturak balioztatzeko aukera aztertzea.

12-13etik

8. AZPIEGITURA FISIKO ETA LOGIKOEN KUDEAKETA

Azkenengo zerbitzuak ematen dituzten sistemen euskarriak azpiegitura horizontalak dira eta horien garrantzia berebizikoa da horiek ziurtatzeko. Horregatik daukate arreta-araubide berezia eta horregatik, hain zuzen, baliabide ekonomiko, tekniko eta giza-baliabide gehiago bideratzen dira horretara.

Obren arloak, zentro-sarea osatzen duten azpiegiturak konpontzeko, mantentzeko eta hobetzeko beharrak asetzeaz harago, hurrengo ekitaldietan ordeztu behar diren komunikazio-dorreak egokitzeko hedatu beharreko jarduketak aztertu eta planifikatu behar ditu, baita lotutako zerbitzuen euskarri egokia bermatzeko bereziki garrantzitsuak diren bestelako jarduketa batzuk ere. Halaber, aurreko ekitaldietan hasitako eta garatutako aire zabaleko zentroak berriz eratzeko proiektuarekin jarraituko da.

Energiari dagokionez, nabarmentzekoa da hornidura ziurtatzeko elementuen ordezkapen planifikatua (artezgailuak, bateriak, onduladoreak...). Hala, jarduketa horiek guztiak bereziki garrantzitsuak dira ITELAZPIk kudeatzen duen komunikazio-sarea osatzen duten zentroak dauden kokapen bereziengatik.

Aurrekoa gorabehera, zeharkako azpiegituren atal honetan, seinaleko garraio-sarearen gainean burutuko den jarduketa-estrategia bereziki garrantzitsua da. Plan Estrategikoan jasotzen den bezala, helburuak ezartzen du oraingo sarea guztiz migratzea IP-MPLS sare berri batera. Migrazio hori hurrengo bi urteetan egikaritzeko diseinatu da; migrazioa, batetik, sareko nodoen bilakaerarekin dago lotuta eta, bestetik, oraingo irrati-teknologia ordeztearekin. Hortaz, indarreko sarearen migrazio osoa egingo da.

2017rako aurreikusitako jarduketen helburua da sareko nodo guztiak ordeztea eta horiek IP-MPLSra migratzea. Irratiari dagokionez, ekitaldi honetan, jarduketa bakarra irrati-loturen sare berria erosteko prozesua artikulatzea izango da: pleguen definizioa, lizitazioa eta dagokion espedientea esleitzea eta hedapenarekin hastea, parte txiki batean bada ere.

Seinaleko garraio-sarearekin lotutako jarduketa horiek erreferente nabarmena dira barne-mailan; izan ere, horien emaitzak agertoki berritzaile baten sorrera ekarriko du berekin, etorkizunera begira zerbitzuen prestazioa diseinatzeari dagokionez. Halaber, horri esker, kostuak nabarmen aurreztuko dira, espektro-erabilera optimizatuko delako.

2017rako helburu nagusiak:

- Aire zabaleko zentroen hornikuntza hedatzea

- Seinaleko garraio-sarearen nodoak migratzea

- Irrati-loturen sarearen hornikuntza esleitzea

13-13etik