UDAL WEBGUNEKO ESTILO LIBURUA

2

AURKIBIDEA

1. SARRERA…………………………………………………………………………… 3

2. WEBGUNEKO IDAZKERA: JARRAIBIDE OROKORRAK …………………… 4 2.1 Zerbitzu publikoa ematea 2.2 Elebitasuna 2.3 Korredakzioa 2.4 Banerrak 2.5 Hizkera sexista baztertu 2.6 Idatzi aurreko lana 2.7 Idazkera entziklopedikoa 2.8 Pantaila eta dokumentuaren tamainaren arteko lotura

3. ORRIEN EGITURA ………………………………………………………………. 9 3.1 Orrialdearen goiburua eta oina 3.2 Erdiko sekzioa 3.3 Gaiarekin erlazionatutako informazioa

4. TESTUAREN OSAGAIEKIN NOLA LAN EGIN ………………………………. 10 4.1 Testuak 4.2 Izenburuak 4.3 Estekak 4.4 Letra larriak eta xeheak nola erabili 4.5 Marra jartzea 4.6 Letra lodiak, etzanak eta komatxoak nola erabili 4.7 Laburdurak eta siglak nola erabili 4.8 Zenbakiak 4.9 Ehunekoak 4.10 Data eta ordua 4.11 Tenperatura 4.12 Helbideak/Telefonoak/Posta elektronikoak/Web orrialdeak 4.13 Kaleak 4.14 Hainbat hitz nola idatzi

5. ELEMENTU GRAFIKOEKIN NOLA LAN EGIN ………………………………. 26

5.1 Irudiak – Argazkiak 5.2 Taulak 5.3 Ikonoak 5.4 Bideoak

3

1. SARRERA Eskuliburu honen helburua arauak eta jokabide irizpideak ezartzea da, Vitoria-

Gasteizko Udalaren webguneko edukiek eta diseinuak egitura homogeneoa izateko eta

web-orrialde berrien garapena eta eguneraketa errazteko.

Arau hauek beharrezkoak dira Vitoria-Gasteizko Udalaren webgunean iturri

desberdinetatik datorren informazioa dagoelako eta hainbat pertsonak bertan lan

egiten dutelako.

Webgunea herritarren zerbitzura dagoela kontutan hartuta, edukiak eta diseinua

homogeneoa izateak berekin ekarriko du:

� Herritarra ardatz den gune baten garapena bultzatzea.

� Herritarrak sarbide zentralizatua izatea Udalak eskaintzen dizkion eduki

eta zerbitzuetara.

� Udal Administrazioaren adiera bakarreko irudia helaraztea, erakunde

bakarra denaren pertzepzioa errazteko.

Webgunean eduki berriak gehitzean funtsezkoa da eskuliburu honetako arauak eta

iradokizunak jarraitzea; hori baita gune oso, erabilgarri eta baliagarria bat egiten ari

garela ziurtatzeko modua.

4

2. WEBGUNEKO IDAZKERA: JARRAIBIDE OROKORRAK

2.1 Zerbitzu publikoa ematea Webgunean edukiak sartzeko edota prestatzerako orduan, kontuan eduki behar dugu

zeintzuk diren hartzaileak : Vitoria-Gasteizko herritarrak. Hortaz, webgunean sartzen

den informazioa herritarrengan pentsatuz eta herritarrentzat idatzia egon behar da.

Gerta liteke, gero “igoko” diren testuak idazterako orduan, guk normalean erabiltzen

ditugun hitzak erabiltzea, eta horiek nahasgarriak izatea gure webguneko

erabiltzaileentzat.

Halaber, datu gehiegi emateko edo herritarrentzat garrantzia gutxi duen informazioa

argitaratzeko tentaldian erori ahal gara, kontuan izan gabe udaleko barne erabilerarako

informazioa dela.

Edukiak argitaratzeko orduan hartzailea nor den, zer kontatu behar diogun eta nola

kontatu behar diogun kontuan izan behar dugu beti.

2.2 Elebitasuna

Euskara eta gaztelania, biak ere zerbitzu eta lan-hizkuntzak direnez udalean,

herritarrei eta erabiltzaileei egiten zaizkien komunikazio guztiak euskaraz eta

gaztelaniaz egon behar dira.

Hori dela eta, Euskara Zerbitzuak behar beste laguntza eskainiko die udaleko

langileei: idazkiak bidali ahal dira Euskara Zerbitzura, bertako teknikariek gainbegira

eta zuzendu ditzaten, kontsultak egin ahal dira.. Laguntza eskeak posta elektronikoz,

barne postaz edota telefonoz egin daitezke, eta Euskara Zerbitzuak ahalik eta lasterren

erantzungo du.

Webguneko edukiak euskaraz eta gaztelaniaz egotea sail bakoitzaren ardura da.

Lehenetsitako ataletako langileek eta, horrelakoetan lan egiten ez badute ere,

derrigorrezko hizkuntza eskakizuna egiaztatua duten langileek euskaraz sortu behar

dituzte testuak Itzulpen Atalera jo gabe. Edonola ere, Euskara Zerbitzuak laguntza

5

eskainiko die. Gainerako langileek honako hauek izan behar dituzte kontuan itzulpenak

eskatzeko:

- Dokumentu baten itzulpena eskatzerakoan, beharrezkoa den informazioa eman behar

da, hala nola, nork eskatzen duen, noizko behar den...

- Itzulpena egitea eskatutako dokumentuek ezinbestez Word formatuan egon beharko

dute. Halaber, testuak itzulpen atalera garbi iritsi behar dira, hau da, aldaketa kontrola

aktibatu gabe eta eremu automatiko, testu koadro, buleta, numerazio eta hipertestuko

estekarik gabe.

2.3 Korredakzioa edo idazketa elebiduna

Euskararen Legearen 8. artikuluak zera dio:

Euskal Autonomia Erkidegoan kokatutako herri-aginteek esku hartzen duten egintza

guztiak eta baita administrazioaren jakinarazpen eta adierazpenak ere bi hizkuntzetan

idatzita egon beharko dute, salbu eta interesdun partikularrek Autonomia Erkidegoko

hizkuntza ofizialetako bat berariaz erabiltzea aukeratzen badute.

Hori horrela bada ere, normalean hau gertatzen da: hasieran testu bakar bat izan ohi

dugu, eta gehienetan testu hori gazteleraz egon ohi da. Legeak esandakoa betetzeko

testu hori euskarara itzultzen da. Itzulpenetan gaztelaniazko testuak markatzen du

euskal itzulpenak izango duen egitura, estiloa eta itxura. Ondorioz, itzulpenaren

eraginez, euskarazko testua gaztelaniazkoaren morroi bihurtzen da.

Hori guztia saihesteko, posible den neurrian, korredakzioa (idazketa elebiduna)

estrategia erabiltzen saiatuko gara. Teknika horren bidez, testua ez da idazten

hizkuntza batean eta bestean itzultzen gero; testuak bi erredaktore izaten ditu, bakoitza

hizkuntza batean aditua dena (baina elebiduna biak). Idatzi beharreko testuaren

edukia eta ezaugarriak zein diren jakin ondoren, bi korredaktoreak ados jarri behar dira

testuaren helburu, plan, aurkezpen, estilo, hiztegi, aipamen-testu, tonu eta

gainerakoetan. Horrela informazio bera ematen duten bi testu sortuko dira, baina

bakoitza hizkuntzaren eta irakurleen kulturaren ezaugarrietara moldatuta.

Teknika horren bidez bi hizkuntza ofizialak maila berean jartzen dira.

6

2.4 Sortu Banerrak hizkuntza bakoitzean

Askotan baner bat diseinatzerakoan edota leloak asmatzerakoan gaztelaniazko testuak

markatzen du euskal itzulpenak izango duen egitura, estiloa eta itxura, eta horren

ondorioz, euskarazko testua gaztelaniazkoaren morroi bihurtzen da; gaztelaniazkoa

irakurri behar izaten dugu euskarazkoa ulertzeko.

Hori saihesteko, banerrak diseinatzerakoan edota leloak asmatzerakoan kontuan

hartuko dira euskararen eta gaztelaniaren ezaugarriak; hau da, hizkuntza bietan

testuek ondo funtzionatu behar dute. Saiatu behar dugu, bai euskaraz, bai gaztelaniaz

testu komunikatiboak atseginak eta erakargarriak egiten. Horretarako, ezinbestekoa da

mezua bi hizkuntzatan sortzea eta euskarazko komunikazioa zaintzea, mezu edo

idazki jatorrak, zuzenak, ulergarriak eta egokiak sortzea, alegia.

2.5 Hizkera sexista baztertu

Euskarak ez du genero morfologikorik; hala eta guztiz ere, hizkerarekin kontuz ibili

behar da. Gaztelaniak, ordea, badu eta “politikoki zuzen” idazteko abstrakziora jotzen

du, multzokari baten barruan genero biak sartzen ditu, hau da, los alumnos esan

beharrean, el alumnado esaten da.

Euskarak berak dituen baliabideak erabili behar dira, gaztelaniaz bezala

multzokarien erabilera saihestuz : La clase trabajadora esateko langileak edo

langileria esatea zuzenagoa da eta ez langilegoa, edota la ciudadania esateko

hiritarrak erabiliko da eta ez hiritargoa.

Gizon: nahiz eta hiztegi askok “gizon” hitza modu generikoan bai gizonezkoak eta

emakumezkoak izendatzeko erabili, “gizon” zentzu espezifikoan (pertsona arra

izendatzeko) soilik erabili behar dugu. Bestalde, hainbat hitz elkartu daitezke “gizon”

osagaiarekin: lege-gizona, enpresa gizona, itsasgizona... Hitz konposatu horiek

erreferentzia egiten badiote talde handi bati, edo ezagutzen ez dugun generoko

pertsona bati, “gizon” osagaia aldatu beharko dugu, “-ari” atzizkia, “langile”,

“pertsona”... erabiliz: legelaria, enpresaria, itsas langilea...

Generoa daukaten izenen plurala edo generikoa : generoa daukaten izenekin (alaba,

semea, aita, ama,...) plurala erabiltzean edo izendatutako pertsonaren generoa ez

7

dakigunean, femeninoa eta maskulinoaren elkartea erabiliko da: seme-alabak,

neska-mutilak, jaun-andreak…

2.6 Idatzi aurreko lana

Edozein testu mota idatzi baino lehen aurre lana egitea komeni da. Modu batera edo

bestera idatziko dugu, galderen erantzuna zein den kontuan hartuz:

� Zertarako idatziko dugu testu hau? (konbentzitzeko, informatzeko,

erantzuteko…).

� Nori idatziko diogu? (gazteei, helduei, gurasoei…)

� Irakurleak zer daki gaiari buruz? (erantzunaren arabera, azalpen gehiago

ala gutxiago emango ditugu, kontzeptuak errepikatuko ditugu, oinarrizko

terminoak eta kontzeptuak azalduko ditugu…)

� Irakurlearen beharrak zeintzuk diren kontuan hartu. (Zein datu behar

ditu?, Zer interesatzen zaio?...)

2.7 Idazkera entziklopedikoa

Idazterako orduan kontuan izan behar dira idazkiak egitea eta irakurtzea errazten

duten zenbait aholku:

� Perpausen orden logikoa subjektua + objektua + aditza da.

� Erabili esaldi aktiboak . Esaldi pasiboek informazio gutxiago ematen dute,

egileak eta hartzaileak ezkutatzen dituztelako; horrez gain, esaldiak luzeagoak

izaten dira eta erritmoa moteldu egiten dute.

� Informazio garrantzitsua esaldiaren hasieran jarri.

� Ez erabili estilo nominala, bai ordea aditz nominalizatua .

� Gerundioak behar bezala erabili.

� Ez erabili erlatiboak .

� Ez nahastu euskalkiak.

� Paragrafo bakoitzean ideia nagusi bat garatu. Ez da komeni paragrafo

bakoitza 5 edo 6 lerro baino gehiago izatea.

� Esaldi motzak idazten saiatu eta horiek puntuekin banatu. Mendeko perpaus

eta perpaus koordinatu gehiegi ez erabili.

8

� Itzulinguruak (gauza bat azaltzeko milaka buelta ematea) saihestu.

2.8 Pantaila eta dokumentuaren tamainaren arteko lo tura

Pantaila batek eduki asko baldin baditu eta barra mugikorrak erabiltzera behartzen

bagaitu, horrek nahasmena eragin lezake webgunea erabiltzen ari den

pertsonarengan. Orria luzeegia bada, erabiltzaileak esfortzu handia egin beharko du

pantailan ikusten ari den informazioa gogoratzeko, eta informazioaren testuingurua

ahaztu dezake.

Hori dela eta, informazio idatzia, Times 10ean idatzita, Word orri bat baino luzeagoa

ez izatea gomendatzen da. Edukiak egiteko Word programa erabiliko dugu. Programa

hori erabiltzeko behar den informazioa Edukiak Kudeatzeko Eskuliburua aurkituko

duzu.

Gehitu nahi dugun informazioak orri bat baino gehiago betetzen badu, markagailuak

jarri edota informazioa orri ezberdinetan banatuko dugu.

Edukiak Kudeatzeko Eskuliburua kontsulta dezakezu markagailuak nola sartzen

diren jakiteko…

Erabiltzaileak barra mugikorra erabili behar badu, informazioaren hasierara joateko

lotura bat eman behar zaio. Horretarako, orriaren edo informazio bakoitzaren bukaeran

hiperesteka bat jarriko dugu, >> igo izendatuko da eta adibidean azaltzen den

moduan idatziko da.

Edukiak Kudeatzeko Eskuliburua kontsulta dezakezu hiperestekak nola sartzen

diren ezagutzeko.

9

3. ORRIEN EGITURA

Vitoria-Gasteizko Udalaren webgunea osatzen duten orrialde guztiek trinkotasuna eta

batasuna emateko osagai batzuk dituzte.

3.1 Orrialdearen goiburua eta oina

Webguneko orrialde guztietan goiburua eta oina berdinak dira, aldaketak goiburuaren

izenburuan bakarrik egin daitezke . Beraz, web-orrialdeko gainontzeko elementuak

aldaezinak dira.

Goiburuan Hiriaren Marka dago, ezkerreko aldean goi-muturrean. Erdian izenburua

dago. Beheko aldean bilatzailearen barra, esteka zuzenak eta hizkuntza aldatzeko

aukera daude.

Oinak ixten du orrialde bakoitza; bertan daude lotura interesgarriak (harpidetzak, lege

kontuak, laguntza, web mapa, erabilerraztasuna ...) eta udaleko helbideen

direktorioa , hau da, telefonoak eta webguneak.

3.2 Erdiko sekzioa

Gure edukiak ezker-erdialdeko sekzioan jarriko ditugu. Eduki horiek eduki

kudeatzailea erabiliz sortuko ditugu.

3.3 Gaiarekin erlazionatutako informazioa

Eskuineko zutabea gaiarekin lotutako informazioa jartzera bideratua dago. Bertan

daude orrialde bakoitzeko edukiekin erlazionatutako estekak eta sarbideak.

10

4. TESTUAREN OSAGAIEKIN NOLA LAN EGIN

4.1 Testuak

Gehienetan webguneko edukiek Word dokumentu batean dute beren jatorria. Guk

sortutako Word dokumentua web formatura bihurtzen denean (dokumentua

kudeatzailera igotzen dugunean), kudeatzaileak sistemaren berariazko formatu eta

estiloak bakarrik hartzen ditu kontuan, eta gainontzeko guztia alde batera uzten du.

Hau da, testua idazterakoan erabiltzen ditugun letra eta gorputz motak ez dute

garrantzirik; izan ere, dokumentua kudeatzailera igotzen dugunean, erabili dugun

tipografia sisteman ezarritako estilo-orrietara aldatzen da.

Titulu eta azpitituluen formatu eta estiloa ere, aldez aurretik zehaztuta daude; baita

estekak ere. Sistemak horiek guztiak berde kolorean sortzen ditu.

Horrekin guztiarekin ziurtatua dago webgunean estiloa homogeneoa izatea. Horren

gainean gehiago sakondu nahi izanez gero (tipografia, tituluak, azpitituluak...),

kontsultatu Edukiak Kudeatzeko Eskuliburua .

Paragrafoak

Word programak paragrafo bat sortzen du “intro” tekla sakatzen den bakoitzean.

Dokumentuak kudeatzailera igotzean, paragrafo horiek errespetatu egiten ditu; hutsik

dauden paragrafoak, berriz, automatikoki ezabatzen ditu.

Testu bat idazterakoan paragrafoen arteko tartea oso handia dela iruditzen bazaigu,

testua doitzeko jauzi bat (maiuskula + intro) sartu ahal da. Aukera hori bakarrik erabili

behar da horretarako arrazoia denean, eta edukiaren ezaugarriak hala eskatzen

duenean.

Gogoan izan paragrafo bakoitzean idei nagusi bat garatu behar dela eta ez dela

komenigarria 5 edo 6 lerro baino gehiagoko paragrafoak egitea.

11

Zerrendak

Elementu-zerrendak baliagarriak dira webgunean nabigatzeko eta elementuak modu

txukunean zerrendatzeko . Horretaz gain, webguneko beste orrialde batzuetara

estekak egiteko erabil daitezke.

Zerrendak horiek erabiltzen baditugu beste orrialde batzuetara estekak egiteko,

kontuan izan behar dugu estekako testuak erlazio zuzena izan behar duela lotzen den

orrialdeko tituluarekin.

4.2 Izenburuak

Webgunean nabigatzerakoan bisitatzen ditugun orrialde guztiek izen bat eduki behar

dute. Hortaz, kudeatzailera igotzen ditugun Word dokumentu guztiek izenburu bat

izango dute.

Orrialde baten izenak, gaia deskribatzeaz gain, bertara esteka batetik sartu bagara,

estekaren izenarekin bat etorri behar du. Hau da, “Gai anitzen inguruko turismo-

ibilbideak” estekan sakatzean, “Turismo-ibilbideak” izendatzen den orrialdera joan

behar gara edo horrekin erlazioa daukan beste izenburu batera, adibidez “Bisita

gidatuak eta hiri ibilbideak”.

Goiburuan edukia deskribatzeko izenburu orokorregia jarriz gero (esaterako, heziketa

jarduerak, informazio erakundeak…), gerta liteke webgunean nabigatzen ari direnak

“galtzea” eta ez jakitea nola iritsi diren bertara. Kasu horretan heldu garen orriaren

izenburuan , bertara iristeko erabilitako orriaren izenburua jar daiteke (hizkera

arruntean horri ogi-apurrak deitzen zaio). Adibidez: “Ingurugiroa” deitzen den orrialde

batetik “Heziketa jarduerak” edo “Informazio erakundeak” orrialde batera sartzen

bagara, komenigarria da orrialde horiek izenburu hauek izatea:

� Ingurugiroa – Heziketa jarduerak

� Ingurugiroa – Informazio erakundeak

( jatorrizko orriaren izena_gidoia_ gauden orriaren izena)

Hala ere, ez dugu ahaztu behar ogi-apurren errekurtsoa bi orrialde erlazionatzeko

bakarrik erabil daitekeela; ezin dugu errekurtso hau erabili sartzen garen orrialdeak

sarrera bat baino gehiago baditu. Adibidez, “Ingurugiro Gaietarako Ikastegia” deitzen

12

den orrira sartzeko “Ingurumena” orrialdetik sar gaitezke, baina baita webguneko

beste toki batzuetatik ere. Hortaz, ez dugu Ingurumena – Ingurugiro Gaietarako

Ikastegia izenburua jarriko.

Izenburuak nola jarri

Esan dugunez, izenburuen formatuak zehaztuta daude aurretik. Formatu horiek noiz

erabili jakiteko, hauxe izan behar da kontuan:

� 4 izenburu ezberdin sartzeko aukera dago (Título 1, Título 2, Título 3, Título 4).

� Pantailako izenburuek Título 1 formatua izan behar dute. Ezin da Títulu 2

erabili aldez aurretik Títulu 1 erabili ezean.

� Título 1 barruan kategoria handiak sartzeko erabiltzen da Título 2.

� Título 3 eta 4 sartzeko ez da beharrezkoa aurretik Título 2 erabiltzea; horiek

testuko idazpuruak azpimarratzeko erabiltzen baitira. Letra lodiek testuko

alderdi garrantzitsuenak ere azpimarratzen dituzte, baina testuko diskurtsoaren

barruan sartzen dira eta ez idazpuruan.

Edukiak Kudeatzeko Eskuliburua azaltzen da Word dokumentuak nola egin eta

aldatu, dokumentuaren formatuak ezabatzea eta udal webguneak ezarritakoak sartzea.

4.3 Estekak

Estekak edo loturak eduki batzuk beste batzuekin lotzeko erabiltzen dira. Lotura horiek

zentzua izan behar dute: esteketan “hemen klikatu” edota “gehiago ikusi” idatziz gero,

idatzi dugun horrek ez du atzean ikusiko dugunari buruzko informaziorik ematen.

Esteka batek eduki berri batera eraman behar gaitu, eta ez aurreko edukira; era

berean, eduki berri gehiago eman behar ditu. Gainera, zuzenean joan behar du

mintzatzen den gaiarekin zerikusia duen orri batera. Beste orrialde batera lotura

egiteko lehenengo hitza letra xehean idatziko da normalean horrela idazten bada.

Estekak ezarri ahal dira udal barruko edo kanpoko orrialdeetara eta bestelako artxibo

motetara (.pdf, .jpg, eta abar.). Loturaren lekua edozein izanda ere, udaleko

webguneko estekek itxura bera dute, kolore berdeko hitzak , alegia.

13

Ez da komeni esteka gehiegi jartzea, askotan erabiltzen irakurketa oztopatzen du eta.

Esteka bat jarri baino lehen geure buruari galdera bat egin behar diogu: Informazio

honek ekarpenik egiten al du? Erabiltzaileak orrialde honetatik alde egitea nahi al

dugu? Azken galdera hori oso garrantzitsua da estekak erabiltzailea kanpoko webgune

batera eramaten badu, udaleko webgunetik “ateratzen” dugulako.

Gure guneetan estekak jartzeko bi modu daude (etiketen bidez eta urls bidez). Horiek

hobeto ezagutzeko kontsultatu Edukiak Kudeatzeko Eskuliburua

Irudiak esteka bezala erabiltzea

Irudietara loturak egitea batzutan intuitiboa da; halere, horrek zera eragin dezake:

erabiltzaileak irudia esteka moduan ez atzematea, irudi eta esanahiaren arteko erlazioa

ez ulertzea, orrialdeak kargatzeko denbora gehiago behar izatea, lekua alferrik galdu

eta eduki bat ikustea oztopatzea...

Hortaz, irudietan loturak egitea arrazoitua egon behar da, eta loturak bakarrik egingo

ditugu, onurak eragozpenak baino gehiago direnean.

Pdf-etara estekak

Ohikoa da PDF formatuko artxibo batera joateko esteka jartzea. PDFak neurriz erabili

behar dira, eta ahal bada, informazioa HTML testuen bitartez (Word erabiliz sortua),

eman behar da.

PDF formatuko artxibo batera eramaten duen esteka jartzen bada, erabiltzaileari

adierazi egin behar zaio sakatuko duen botoiak PDF batera eramango duela. Kontuan

izan behar dugu udalaren webguneko orrialdetara eramaten duten estekak ere

erabiltzen ditugula eta erabiltzaileak jakin egin behar duela zein motatako informaziora

sartuko den. Esteka batek PDF formatuko artxibo batera eramaten duela horrela

adieraziko dugu:

� Hau beste informazio batera doan esteka (3 MB) da

Hau da, esteka bezala erabiliko dugun hitzaren atzealdean (hitz hori kolore berdez

agertuko da automatikoki) jarri behar dira, batetik, PDF artxiboaren ikonoa, eta

bestetik, artxiboaren tamaina parentesi artean.

Tamaina adierazi behar da, artxiboak 2 MB baino gehiago dituen bakoitzean.

Bestalde, kontuan izan behar dugu ez dela gomendagarria 3 MB baino gehiago dituen

14

PDFrik igotzea. Kudeatzaileak ez du uzten 10 MB baino gehiago dituzten artxiboak

igotzen.

Tamainaz aparte, PDF-ekin lan egiterako orduan, gomendagarria da trazatu gabeko

artxiboak izatea, editagarriak izatea, alegia.

PDF-a webgunean jartzeko lehendabizi kudeatzailera “igo” behar da; ondoren, esteka

bat jarri behar da webguneko eduki batetik PDF horretara. Kudeatzailera nola igo eta

esteka nola jarri jakiteko Edukiak Kudeatzeko Eskuliburua kontsulta dezakezu.

4.4 Letra larriak eta xeheak nola erabili

Letra larriak neurriz erabili behar dira eta ahalik eta gutxien. Zalantzarik izanez gero,

letra xehez idatziko dugu.

� Bi puntu eta gero letra xehez idazten da. Baina, letra larriz idatziko dugu izen

berezi bat bada, dokumentu baten goiburuari jarraitzen badio, hitzak zehatz-

mehatz errepikatzen baditu edo jarraian datorrena puntuak baino lehen

dagoenarekiko independentea bada. Beste orrialde batera esteka egiteko

hitza letra xehez idatziko da normalean horrela idazten bada.

Afari ederra izan genuen: legatza, otarraina, lanpernak...

Hainbat tokitan izan ditugu bilerak: Donostian, Bartzelonan...

Errefrau batez erantzun zion: “Txerri goseak, ezkurra amets”.

� Sortze-lana bada, tituluaren lehen letra larriz idazten da: liburuak, filmak,

koadroak, abestiak, irrati eta telebista programak eta abar. Tituluaren

gainerako hitzak, izen bereziak aparte, letra xehez idazten dira. Saihestu egin

behar da titulua osatzen duten izen eta adjektibo guztiak letra larriz idaztea,

anglizismo ortografikoa da eta.

� Aldizkako argitalpenetan , ordea, letra larriz idazten dira titulua osatzen duten

izen eta adjektiboak. Esaterako: Filologia Espainiar Aldizkaria

� Esaldia zenbaki batekin hasten bada , zenbakiaren ondoren dagoen hitza

xehez idatziko da. Izan ere, zenbakia da esaldiko lehen hitza, nahiz eta

15

zenbakia zifra moduan idatzita egon. Zenbaki erromatarrekin ere, berdin jokatu

behar da.

� Nahiz eta Word programak “Web” idaztea gomendatu, “webgune” edo “web

orri” idatziko dugu, gehienetan horrela idazten da eta.

� Araudi bati erreferentzia egiten diogunean (araua, errege-dekretu legegilea,

foru-araua, proposamenak...), eta izen ofizial guztia aipatzen denean, letra

larriz idatziko ditugu araudia horren izenaren izen eta adjektiboak. Adibidez:

125/1983 Errege Dekretua / ...aipatutako errege dekretuak

Hezkuntza Sistema Antolatzeko Lege Orokorra / hezkuntza legea, lege salikoa...

- Zarata eta Bibrazioei buruzko Udal Ordenantza Arautzailea (2000)

- Zarata eta Bibrazioak Arautzen dituen Udal Ordenantza (2000)

- 339/1990 Legegintzako Errege Dekretua, martxoaren 2koa, Trafikoari,

Ibilgailu Motordunen Zirkulazioari eta Bide Segurtasunari buruzko

Legearen testu artikulatua onesten duena

- Hegazti Basatiei buruzko Zuzendaritza

� Izen ofizial osoetan :

Erakunde publiko nahiz pribatuen izenak eta hauei dagozkien administrazioak

letra larriz idatzi ohi dira, izen osoa agertzen denean:

Vitoria-Gasteizko Udala, Oinarrizko Gizarte Zerbitzua, Eusko

Legebiltzarra, Zuzendaritza Nagusia, Udaltzaingoa...

Hala ere, izen ofizial hori pluralean dagoenean, letra xehea erabiliko dugu:

Bi probintzietako foru-aldundiak, Gasteizko eta Bilboko udalak...

Halaber, erakunde hauetatik sortzen diren batzordeen izenak ere letra larriz

idatzi ohi dira, batzorde hitza letra xehez doalarik: Gazteria batzordea...

� Erakunde horiei dagozkien karguak, ordea, gehienetan letra xehez idatziko

dira: zuzendaria, alkatea, lehendakaria...

Kargu hori pertsonaren izenarekin edota dagokion leku edo eremuarekin

egonez gero, letra xehez:

Mikel Galarza sailburua, Nikaraguako presidentea

Hala ere, pertsona bakarra adierazten dutenean, maiuskulaz idazten dira:

Atzo Zinegotziak esan zuen...

16

� Jarduerak, ekimenak, ekitaldiak, ospakizunak, plan, proiektu, programa...

Letra larriz idazten dira erakunde ofizialek edo gizarteko edozein elkarte edo

taldek antolatutako jarduerak. Hala, letra larriz idazten dira biltzar, jardunaldi,

topaketa, txapelketa, lehiaketa, kongresu, azoka, ekitaldi, konferentzia,

programa, politika eta abarren izenak. Esaterako:

Nafarroa Oinez, Nazioarteko Terminologia Biltzarra, Literatura Jardunaldiak,

Berlingo Olinpiar Jokoak, Espainiako Lehen Mailako Liga, Europako Gizarte

Fondoa, Ikerketa eta Garapenerako IV. Esparru Programa, Euskal Herriko Itzulia,

Bilboko Nazioarteko 37. Argazki Lehiaketa, Munduko Igeriketa Txapelketa,

Ureztatzeen Plan Nazionala, Kronos Proiektua...

Izaera generikoa dutenean, berriz, letra xehez: Esaterako:

Lau urtez behin antolatzen dira olinpiar jokoak.

Egun nonahi antolatzen dira argazki lehiaketak.

� Jentilizioak nongo (-ko) kasuarekin osatutakoak letra larriz idatziko dira, eta

(–tar) atzizkiarekin osatutakoak, berriz, letra xehez :

Gasteizko, Bilboko... gasteiztar, bilbotar... � Historiako aro nagusiak, gertakari nabarmenak, entzute handiko egunak letra

larriz idatziko dira: Maiatzaren Lehena, Lehenengo Mundu Gerra…

� Erreferentzi kardinal hutsak letra larriz: Hegoa, Iparra… baina, Arabako

iparraldean…

4.5 Marra jartzea

� Marra erabiltzea hautazkoa da normalean:

eskola umea / eskola-umea

ardi gazta / ardi-gazta

baina batzuetan egokiagoa da marratxoz idaztea, zenbait kasutan gerta daitezkeen

gaizki ulertzeak saihesteko:

ume-lapurra (umeak lapurtzen dituena) / ume lapurra (lapurra den umea)

makina-garbitzaile (langilea) / makina garbitzaile (garbigailua)

Noiz jarri behar da nahitaez marra?

� Gizon-emakumea adierazten duten bikoteak:

17

seme-alabak

osaba-izebak

aiton-amonak

� Indartzeko egiten diren errepikapenetan:

gorri-gorria

apurka-apurka

zehatz-mehatz

� Arlo semantiko bereko hitzak elkartzean:

zuri-beltzak

hego-ekialdean

izen-deiturak

� Leku izenetan (biak euskarazkoak badira):

Gernika-Lumo

Etxarri-Aranatz

Itzulpenetan, berriz, Lizarra/Estella, Salvatierra/Agurain

Hitza errepikatzen denean, deklinabideko atzizkia azken hitzak badu:

bat-batean (bat+bat+EAN)

behin-behineko (behin+behin+EKO)

Noiz ezin daiteke jarri?

� Hitza errepikatzen denean, deklinabideko atzizkia lehen hitzak badu:

batik bat / batik-bat* (bat+IK+ bat)

behinik behin / behinik-behin* (behin + IK behin)

etxez etxe / etxez-etxe*

� Hitz elkarte hauetan: egin, eragin, eman, hartu, aurrean, barruan, bila, eske,

falta…

diru eske / diru-eske*

etxe aurrean / etxe-aurrean*

Lehen osagaiaren “-a” galdu ala ez

� ”-ia” amaiera duten hitzek amaierako "-a" gal dezakete hitz-elkarketan:

bidai agentzia / bidaia agentzia

ekonomi arazoak / ekonomia arazoak

� Sei hitz hauek bukaerako “-a” gal dezakete:

18

eliza, hizkuntza, kultura, natura, literatura eta burdina

kultur aretoa / kultura aretoa

literatur lehiaketa / literatura lehiaketa

bukaerako "-a" galduz gero, ez da marrarik jarri behar, bestela aukerakoa da:

kultur aretoa/ kultura aretoa / kultura-aretoa / *kultur-aretoa

ekonomi arazoa / ekonomia arazoa / ekonomia-arazoa / *ekonomi-

arazoa

� Gainerako hitz-elkarketa berri guztietan ez da zilegi amaierako “-a” galtzea:

finantza egoera / *finantz egoera

eskola kontseilu / *eskol kontseilua

4.6 Letra lodiak, etzanak eta komatxoak nola erabil i

� Komatxoak:

Ahalik eta gutxien erabili behar dira, eta erabiltzekotan komatxo altuak ( “ “ )

jarriko ditugu. Testuaren gorputzean doazen sortze-lanen izenak (liburu, film,

koadro, abesti, telebista edo irrati programa...) letra etzanez idazten dira.

� Letra lodiak:

Hitz bat edo testu zati bat azpimarratzeko erabiltzen dira. Dena letra lodiz

idatziz gero, ez da ezer bereiziko eta irakurlearentzat nekagarria izango da.

Baina, testu batean aurkakoa gertatzen bada, hau da, ez bada ezer bereizten,

irakurlea deseroso senti daiteke kontraste faltagatik.

4.7 Laburdurak, ikurrak eta siglak nola erabili

Siglak erabiltzen dira erakundeak, elkarteak, instituzioak, objektuak, sistemak…

izendatzeko. Letra larriz eta punturik gabe idazten dira: NAN, DBH, KPI, LAB…

Izen bereziak bezala deklinatzen dira, artikulurik gabe. Zenbaitetan, erabileraren

ondorioz, sigla batzuk izen arrunt bilakatzen dira eta artikulua hartzen dute: BEZa,

ihesa...

19

Marrarik gabe deklinatzen dira eta ahoskatzen den moduan deklinatzen da: ELA (ela),

EBko (e-be-ko), EHEk (e-hatxe-ek). Salbuespenak –k letrarekin amaitzen diren siglak

(AEK,BBK…) dira, hauei marra jarriko zaie: AEK-k, BBK-k…

Ikurrak nazioarteko balioa duten zientzia eta teknikako unitateak dira, munduko

txanponak, estatuak eta abar adierazteko erabiltzen dira: cm (zentimetroa), km

(kilometroa) EUR (Euroa).

Bukaeran ez da punturik jartzen eta deklinatzeko marra erabili behar da. Kasu marka,

berriz, hitz osoari jarriko bagenio bezala jarri behar da: 2 m-ko ( bi metroko ), 4 km-ra

(lau kilometrora), 6 cm-tik (sei zentimetrotik )…

Laburdurak hitz arruntak laburtuta emateko modua dira, haien isla; baina, irakurtzean,

hitz osoa irakurriko da. Puntua dute amaieran: tel., zuz., etab.,ezk.…

Deklinatzean ez zaie marrarik jartzen, eta kasu marka izango da hitz osoari dagokiona:

zuz. (zuzendari), zuz.ari (zuzendariari), zuz.arekin (zuzendariarekin).

4.8 Zenbakiak

� Puntua erabiliko da digituak hirunaka banatzeko. koma, berriz, zenbaki osoa

dezimaletatik banatzeko: 1.234.567,89

� Ez da punturik erabiliko urteak, orrialdeak, posta zenbakiak, dekretuak...

idazteko.

� Beti zifraz ematen dira: adina, data, ehunekoak, errepideen izenak, graduak,

hamarrenak dituzten zenbakiak, helbideak, ibilgailuen izenak, kiroletako

emaitzak, lege eta araudietako artikuluak, telefono zenbakiak eta lege eta

araudien atalak.

� Beti letraz : testu barruan, batetik hamarrerakoak, eta mila eta miloi zenbakiak.

Ehunekoak letraz nahiz zifraz eman daitezke: ehun edo 100, berrehun edo

200…

� Hiru eta lau zenbakiek bakarrik hartzen dute bokal arteko –r hori. Gainerako

zenbakiek ez: hirurehun, laurehun, seiehun, zazpiehun…

20

� Zenbakiak deklinatzeko: kasu-marka zenbakiari atxiki, marrarik gabe. Zenbakia

kontsonantez amaitzen bada, tartean -e- bat behar du kasu-marka lotzeko:

1ean, 2an, 3an, 5ean…

Kontuz hamaika eta lau duten zenbakiekin (11, 31, 51, 34…). Hamaika hitzak

–a berezkoa du; beraz, ez da kasu markan islatu behar, eta lau-z amaitzen

direnek ez dute -e-rik behar: 31n (hogeita hamaikan), 51ko (berrogeita

hamaikako), 44ko (berrogeita lauko)…

� Banatzaileak –na atzizkia baliatuz osatzen direnak edozein zenbakirekin

sortzen dira: hamarna, hogeita bina, ehuna…Hala ere, mila zenbakitik gora

daudenek beste eredu bat hartzen dute: mila bana, bosna mila, bina miloi…

4.9 Ehunekoak

Ehunekoak zifraz ematen dira, % zeinua aurretik dutela. Ez dugu tarterik utziko

ikurraren eta zenbakiaren artean.

Ehunekoak zenbaki arruntak bezala deklinatzen dira, zenbaki amaiera kontuan

hartuta: %5ek, %8ren...

Artikulurik gabe deklinatu behar dira ehunekoak: %5 etorri dira (ez *%5a etorri da).

Hala ere, artikulua beharrezkoa da inoiz, ehunekoa inguruak mugatua denean:

Gainerako %40a ez da etorriko.

Mugatua bada, artikulua erabili behar da: banku horretako %6a ez da gutxi.

4.10 Data eta ordua

� Datak formatu honetan izango dira: urtea/hilabetea/eguna (uuuu/hh/ee)

� Urtea punturik gabe idatziko da.

� Gutunetan eta antzeko idazkietan honela idatziko dugu:

Gasteiz, 2011ko ekainaren 18a Gasteizen, 2011ko ekainaren 18an � Orduak zenbakitan ematen direnean, 24 orduko formatuan idatziko dira. Bi

punturekin (:) bereizi behar dira orduak eta minutuak, bakoitzeko bi zifra erabili

behar dira beti: 00:12, 12:10, 09:25...

21

� Zifretan idazten ditugunean, honela deklinatuko ditugu:

� Ordu osoak pluralean (-etan): 13:00etan, 22:00etatik 23:00etara...

Salbuespena da 01:00ean (ordu batean), singularrean idatziko

dugu.

� Minutuak singularrean -(e)an: 05:05ean (bostak eta bostean),

05:20an (bostak eta hogeian).

� Laurdenak singularrean( -ean): 05:15ean (bostak eta

hamabostean, bostak eta laurdenean).

� Erdiak singularrean (–ean): 05:30ean (bostak eta hogeita

hamarrean, bost eta erdietan).

� Letraz idazten ditugunean, honela deklinatuko ditugu:

� Ordu osoak: ordu bata, ordu biak, hirurak, laurak, bostak…

� Erdiak: ordu bat eta erdiak, sei eta erdiak (lau t’erdiak)

� Laurdenak: ordu bat eta laurdenak, hiru eta laurdenak…

� Minutuak: hamabiak hogei gutxi, hirurak eta hogei, seiak eta

hamar…

4.11 Tenperatura

Tenperatura Celsius gradutan adieraziko da: 21,5 ºC

4.12 Helbideak / Telefonoak / Posta elektronikoak / Web orrialdeak

Posta helbidea:

Helbideak idazteko egitura honako hau da: Hartzailea nor den (izen-abizenak, saila…).

| Kalea, zenbakia eta pisua | Posta-kodea eta herria.

Telefono zenbakiak:

Arabako telefono zenbakiak: aurre-zenbakia lehenik, eta ondoren, telefono

zenbakiaren digituak binaka idatzita: 945 10 10 10

Gainontzeko probintzietakoak eta mugikorren zenbakietako digituak hirunaka idatziko

dira: 945 101 010

Telefono zenbaki bat emateko laburdura erabiltzen badugu, honela idatziko dugu:

22

� «Tel.» edo «tel.» (puntu batekin, ez birekin).

� «Faxa» edo «faxa» (ez puntu batekin ez birekin).

� «Mug.» edo «mug.» (puntu batekin, ez birekin).

Telefono zenbakia emateko ikur grafikoa ere erabil daiteke:

Posta elektroniko helbideak:

Posta elektronikoko helbideak bi modutara eman daitezke, ikur grafiko

batekin edo ezer gabe, esaterako:

� Informazio gehiago behar izanez gero, jo helbide honetara:

izenabizenak@europa.eu

Posta elektroniko helbide bat idazten dugunean, komeni da kentzea automatikoki

sortzen den esteka.

Testuan ‘’posta elektroniko’’ hitza erabiliko dugu eta inoiz ez ingeleseko ‘’e-mail’’ hitza.

Web orrialdeetako helbideak

Web orrialdeetako helbideak aurkezpenik gabe jartzen dira:

� Informazio gehiago: http://www.europa.eu

� http://www.europa.eu web orrialdean informazio gehiago aurkituko duzu.

Web orrialde bateko helbidea idazterakoan saihestu behar da bukaerako puntua

jartzea; horrela errazagoa izango baita helbidea nabigatzailearen barran itsastea.

4.13 Kaleak

Bide mota guztiak (kale, ibilbide, plaza, kantoi, eskailera, aldapa, zidor, pasabide,

hiribide, bulebar, plazatxo) letra xehez idatzi behar dira.

� Latinoamerika plaza

� Senda ibilbidea

� Anorbin kantoia

� Odol emaileen zidorra

23

� Budapest hiribidea

� Larranganbidea

� San Bizente aldapa

Ateak ez dira bide mota bat, izenaren zati dira. Beraz, euskaraz ez da “kalea” hitza jarri

behar horien ondoan:

� Gamarrako atea. Eta ez: Gamarra atea kalea / Gamarrako atea kalea

� Lasarteko atea

Kale-izendegi osoa kontsultatu dezakezu (euskaraz eta gaztelaniaz)

4.14 Hainbat hitz nola idatzi

Gizarte etxeak

Honela idatziko ditugu:

Abetxukuko gizarte etxea

Aldabeko gizarte etxea

Araneko gizarte etxea

Ariznabarreko gizarte etxea

Hegoalde gizarte etxea

Ibaiondoko gizarte etxea

Iparralde gizarte etxea

Judimendiko gizarte etxea

Lakuako gizarte etxea

Landatxoko gizarte etxea

Pilarreko gizarte etxea

Klikatu edo sakatu? “-an” edo “gainean”?

Erabiltzaileei, behar denean, webguneko gune jakin baten –an sakatzeko esango

diegu. Esaterako: ikonoan sakatu, kontuan sakatu. Hortaz, alde batera utziko ditugu

“klikatu” bezalako hitzak.

Online? On-line? online?

Online idatziko dugu, gainerako erabilera guztiak baztertuz. Esaterako: informazioa

online, online zerbitzuak…

24

Igo? Hasiera? Itzuli?

Gehitu nahi dugun informazioa Word orri bat baino luzeagoa bada, markagailuak jarri

edota informazioa orri ezberdinetan banatu beharko dugu. Markagailuak adierazteko

>> igo erabiliko da.

Identifikazio txartel digitala

Identifikazio txartel digitala izena erabiliko dugu ziurtagiri digital guztiak (Izenpe,

ONA, NAN elektronikoa, HUT) izendatzeko. Beste izenik (identifikazio pertsonaleko

txartelak, txipdun txartelak…) ez dugu erabiliko.

Datuak eguneratzea (tasak, prezioak, datak, eta abar)

Web orri batean sarritan aldatuko diren datu zehatzak sartu behar ditugunean, ziurtatu

behar dugu datu hori momentu egokian eguneratuko dela. Ziurtasunik izan ezean,

onena da datu zehatzik ez ematea eta informazio orokorra bakarrik eskaintzea.

Hau da, ondasun higiezinen gaineko zerga ordaintzeko datari buruzko informazioa

eman nahi badugu, egokiena da, webgunean egunak espresuki jarri beharrean,

ordenantzan informazioa dagoen lekura (Zerga-Bilketa eta Ikuskaritzari Buruzko

Ordenantza Orokorra) eramatea, eta baita adieraztea ere, informazioa non dagoen

(sekzioa eta kapitulua). Adibidez: Vitoria-Gasteizko Udalak zergen egutegia egiten

badu zergak eta udal tasak ordaintzeko egunekin, informazio hori non dagoen honela

adieraziko dugu: Zergen eta Zuzenbide Publikoko Beste Diru-Sarrera Lokal

Batzuen Gestio, Zerga-Bilketa eta Ikuskaritzari Buruzko Ordenantza Orokorra,

I. Kapitulua, IV. Sekzioa.

Prezioen gaineko informazioa eman behar badugu, diruz lagundutako alokairuen

zenbatekoa ezagutzeko, honela adieraziko dugu: Prezio publikoak Udal zerbitzuak

eskaintzea Araudiko Ekonomia Sustapenerako Sailaren Lanaren Bidezko

Lanbide Prestakuntzarako Nahiz Etengabeko Prestakuntzarako Zerbitzuen Prezio

Publikoak atalean kontsultatu ahal da.

Edozein kasutan informazio bat modu argiagoan eman behar dugula erabakitzen

badugu, ziurtatu behar dugu informazio hori webguneko orri bakar batean bakarrik

agertuko dela. Horrela, aldaketak egin behar badira, nahikoa izango da orri horretan

bakarrik egitea.

25

Adibidez, autobus-txartelen prezioari buruzko informazioa prestatu badugu, lotura

egingo dugu orri honetara eduki honekin zerikusia duen edozein orritatik, esaterako:

prezioei buruz hitz egiten duen ohiko galderatik, edo garraio publikoei buruzko orritik,

edo prezioen gaineko informazioa emateko sortutako albistetik.

26

5. ELEMENTU GRAFIKOEKIN NOLA LAN EGIN

Elementu grafikoak oso garrantzitsuak dira webgunerako, idatzizko informazioari

laguntzen diotelako edo ilustratzen dutelako. Gainera, ikuspuntu estetiko batetik

webgunea hobetzen dute (idatzizko informazioa bakarrik duen orrialde bat

kontsultatzea astunagoa da, idatzizko informazioa eta elementu grafikoak dituen bat

kontsultatzea baino). Kontua da elementu grafikoak erakargarriak izan daitezkeen

bezalaxe, arreta galtzea eragin dezaketela; hori dela eta, garrantzitsua da gehiegi ez

erabiltzea.

5.1 Irudiak – Argazkiak

Irudiak (argazkiak, bektore-grafikoak…) sartzerakoan, kontuan izan behar dugu beren

tamaina . Irudi batek asko pisatzen badu, irudia jaisteko denbora asko beharko da, eta

arriskua dago, jendeak webgunetik alde egiteko idatzizko informazioa irakurri gabe.

Kontuan izan behar da, erreferentzia moduan, irudiek ez dutela 650 pixel baino

zabalera handiagoa izan behar.

Argazkiak sartzeko formatu rik eraginkorrena JPEG da, nahiz eta GIF eta PNG

formatuetan ere sar daitezkeen.

Webgunean argazkiak jartzeko, argazki horiek argitaratzeko eskubideak eduki behar

ditugu, bestela ezin izango ditugu argitaratu.

Irudiak Word-etik sartu behar dira eta ordezko testua (ALT) izan behar dute, sagua

irudiaren gainetik pasatzean agertuko dena.

Argazkiak igotzeko arazorik ez izateko (nola igo, tamaina baldintzak, nola aldatu, ALTa

nola jarri…) kontsultatu Edukiak Kudeatzeko Eskuliburua .

Argazki galeriak Fickr-en

Flickr webguneak aukera ematen du argazkiak eta bideoak bilatu, partekatu, bildu eta

ordenatzeko. Udalak Flickr erabiltzen du webgunean erakutsiko ditugun argazkiak

biltzeko. Horrela argazki galeria handi bat erakutsi ahal da beste baliabiderik erabili

27

gabe. Nahiz eta argazkiak udaleko webgunean ikusi, Flickr zerbitzarian daude

kokatuta.

Flickr-en argazkiak igotzeko, udalaren kontuarekin sartu behar da. Kontu bat

eskuratzeko eskabidea egin behar da Intranetean dagoen araudi-prozedura jarraituz.

Flickr-en sartzeko baimena izanez gero, Edukiak Kudeatzeko Eskuliburua aurkituko

duzu lanabes hau erabiltzeko informazio guztia.

5.2 Taulak

Sistemak taulen egitura finkoa ezarria dauka eta ezin da aldatu. Hala ere, zutabe eta

lerro kopuruan ez dago mugarik. Taularen lehenengo lerroa zutabe guztiak

konbinatzen dituen gelaxka da; bertan titulu edo deskribapen bat idatziko dugu.

Bigarren lerroan zutabe bakoitzaren edukiaren adierazlea dago. Gainerako lerroetan,

aldiz, adierazleekin lotutako datuak daude. Gelaxka horiek ezin dira konbinatu eta

testua nahiz irudiak sar daitezke bertan.

Hona hemen adibide bat:

Zergak ordaintzea

Zergak Kopurua Data

EIOZ 33,33 10-09-10

OHZ 12,41 10-12-21

Taulak nola sartzen diren jakiteko kontsulta ezazu Edukiak Kudeatzeko Eskuliburua .

Taula barruko testuak

Taularen barruan ezin da aurrez zehaztutako titulurik sartu; baina, letra larriz edo lodiz

idatz daiteke bertan (nahiz eta gehiegitan erabiltzea ez komeni).

Taula barruan ezin da paragrafo berririk sortu “intro” tekla sakatuta. Testu lerro berriak

sortzeko testu-doitze jauzia (maiuskula + intro) aukera erabili behar da.

28

5.3 Ikonoak

Ikonoek webgunearen atal finkoak identifikatzen dituzte. Horrezaz gain, lagungarriak

dira testuz bakarrik osatutako orrialdeen monotoniarekin apurtzeko .

Gainera, estiloan batasuna mantentzeko, eta aldi berean orrialdeen tamaina txikitzeko,

gomendagarria da kudeatzailera igotzen ditugun ikonoak erabiltzea beti, eta ez

aldatzea. Ikonoak berrerabiltzeak (geziak, botoiak, sinboloak…) webgunean konfiantza

ematen du.

Hauek dira gehien erabiltzen diren ikonoetako batzuk, bakoitzaren esanahiarekin eta

edukiaren kudeatzailean dagokion etiketarekin. Ez dira derrigorrean erabili behar,

baina, ikonoren bat erabiliz gero, hauexek izan behar dira:

Irudia Esanahia Etiketa

Atal finkoetarako araudiak, ohiko galderak, albisteak, argitalpenak eta abar.

[[img:imagen_3530.gif ikonoa]]

Argazki galeria bat dagoela adierazteko [[img:imagen_7763.gif irudi galeria]]

Pdf bat dagoela adierazteko [[img:imagen_2954.gif pdf]]

Telefono baten berri emateko [[img:imagen_8435.gif

telefonoz]]

Helbide elektroniko bat sartzeko

[[img:imagen_8730.gif emailez]]

Posta helbide bat sartzeko

[[img:imagen_6925.gif posta helbidea]]

RSS kanalak adierazteko

V Bideo bat dagoela adierazteko

Audio bat dagoela adierazteko

Gogoratu ikono horiek guztiak irudiak direla, horregatik sartu behar da lehen aipatutako

ALTa. Irudiak nola sartzen diren jakiteko Edukiak Kudeatzeko Eskuliburua kontsulta

dezakezu.

Azkenik, irizpide orokorra da, udalaren webgunean ikono bizidunik ez erabiltzea.

29

5.4 Bideoak

Batzuetan interesgarria da bideo bat eranstea, webgunera igotako informazioaren

gainean argibide gehiago ematen duelako edota informazioaren osagarri gisa.

Egun bideoak Youtube kanalaren bidez igotzen dira webgunera, Vitoria-Gasteizko

Udalaren erabiltzaile kodeak erabiliz. Bideoak sartu ahal izateko, eskabidea egin behar

da.

Argazkiekin gertatzen den bezala, webgunera bideo bat igo baino lehen, argi izan

behar dugu bideoko irudiak eta musika erabiltzeko eskubideak baditugula.

Bideoak webgunera Edukien Ataletik igo behar dira. Ikusteko bi modu daude:

udalaren webgunean bideoaren leihoa ireki eta bertan ikustea, edo esteka bat jarri eta

bideoa Youtubeko orrialdean ikustea.

Bideoaren tamainari dagokionez, ez dago mugarik, baina ez da komeni 5 minutu

baino gehiago irauten duen bideorik jartzea.

30

Eduki Atala

Informazio Zerbitzua

Informazioaren Teknologien Saila