ESKOLEN KONPARAKETA
Irati AranburuLurdes GorostegiAinara EgañaAinhoa CenzanoHaizea Galarraga
AURKIBIDEA
1 SARRERA...............................................................................................................................3
2 ESKOLAK...............................................................................................................................4
2.1 Zizurkilgo San Millan Eskola..........................................................................................4
2.2 Lezoko Herri Eskola......................................................................................................5
2.3 Pedro Mª Otaño ikas komunitatea...............................................................................6
2.4 Aieteko eskola..............................................................................................................7
2.5 Zubietako eskola txikia.................................................................................................9
3 ESKOLEN ARTEKO KONPARAKETA TAULA...........................................................................11
4 ESKOLEN KONPARAKETA:...................................................................................................13
5 ONDORIOAK:......................................................................................................................15
1 SARRERA
Eskola desberdinek dituzten informazio eta komunikazio teknologien konparaketa
egiteko, gure praktikaldian ezagutu ditugun eskolak izango ditugu hizpide. Hauek, Zizurkilgo
San Millan eskola txikia eta P.M.Otaño Ikas komunitatea, Lezoko Herri eskola, Zubietako eskola
txikia eta Aieteko eskola dira.
Konparaketarekin hasi baino lehen esan beharra dago IKTtan dugun maila eta erabilera
oinarrizkoak direla: internet informazioa biltzeko, posta elektronikoa, word testu
prozesadorea, argazki makina eta bideo digitala …, azken finean, momentu bakoitzeko
beharretara moldatu gara eta horrela ikasi dugu.
Guzti honi abantaila ugari ikusten badizkiogu ere, lehen egin ezin zitezkeen gauzak egin
ditzakegulako, ez dugu ahaztu behar aurrez aurreko harreman pertsonala gutxituz doala. Bizi
garen gizartearen ondorio bat da, eta honi buruzko kezka azaldu da lana egiteko garaian.
Bestalde, gizarteko partaide garenez, eta irakasle izango garen aldetik, garrantzitsua
iruditu zaigu zein aukera dauden jakitea, eta behar denean erabiltzen jakitea. Teknologia
berriak aurrera doaz, garapenak aurrera jarraitzen du, eta gu hauekin batera aurrera egiten
saiatu behar gara.
2 ESKOLAK
2.1 Zizurkilgo San Millan Eskola
Zizurkil goian kokatzen den eskola txikia da. Eskolan Haur Hezkuntzako gela bakarra
dago, bertan bi, hiru, lau eta bost urteko haurrak elkarrekin daudelarik. Gela barruan
ordenagailu bat, inpresora, musika aparatua eta bideoa daude.
Ordenagailua irakasleak erabiltzen du,
batzuetan plastika txokorako marrazkiak ateratzeko
eta bestetan bere lanak egiteko eta informazioa
lortzeko. Haurrekin erabiltzen duenean gehienbat
talde handian argazkiak eta You Tubeko bideoren bat
ikusteko izaten da.
Bestetik, gelan gehien erabiltzen den aparatua musikakoa da, izan ere, irakasleak CD
ugari jartzen ditu dantzan ibiltzeko eta abestiak entzuteko. Txokoetan daudenean, batzuetan
ikasleak berak nahi duen musika jarri dezake, irakaslearen baimenarekin. Aitzitik, bideoa ez
dute asko erabiltzen, eta horren adibide, praktikaldian irakasleak gaztelerako orduan, Tom y
Jerry ren bideoa,hamabost minutuz jarri zuela da.
Eskolan mikroskopio elektroniko bat dute, eta honen bidez, ikusi nahi dena
ordenagailuan ikusi daiteke. Planteatutako jarduera batean mikroskopioa behar izan zen, eta
haurrek asko gozatu zutela aipatu behar da.
Bestetik eskolan WIFI-a badago eta irakasleek korreoa eta internet erabiltzen dute.
Horrekin batera eskolan, Kamara digitala eta bideoa grabatzeko makina badute. Lehenengoa,
Kamara, Haur Hezkuntzako irakasleak asko erabiltzen du, jarduera berrietan, gertaera berezi
batean eta abar. Bigarrengoa aldiz, bideoa, inauterietan erabili zuten, desfilea eta abar
grabatzeko. Ekipamenduarekin bukatzeko esan, musika gelan, proiektorea badagoela eta gela
guztietan gutxienez ordenagailu bat ere badagoela. Horretaz gain, irakasleen gelan hiru
ordenagailu, inpresora pare bat, fotokopiagailua, eskanerra eta faxa daude.
Blog-a ere badute, http://sanmillanikt.blogspot.com , baina ez dute batere erabili 2011
urtean; azkeneko sarrera 2010eko azaroan egin zuten.
Azkenik esan Lehen Hezkuntzako haurrak, zehazki 5. eta 6. mailakoak , Eskola 2.0
sarturik daudela, beraien gelan arbela digitala eta ordenagailu eramangarriak dituztelarik.
2.2 Lezoko Herri Eskola
Eskola guztietan bezala, Lezoko Herri Eskolan ere IKTak erabiltzen dira etapa guztietan.
HHn ordenagailuari dagokionean Jolasak eta
ipuinak ikusteko erabiltzen da. Jolasetan haurrak bakarrik
aritzen dira, baina ipuinetan irakasleak erabiltzen du.
Multimedia-tresnak Irrati-kaseta, bideoa eta DVDa dituzte.
Bideoan eta DVDan marrazki bizidunak eta pailazoen
aktuazioak ikusten dituzte soilik. Gutxitan bada ere, irrati-
kasetaren bidez musika entzuten dute. Bestalde, argazki kamera irakasleak erabiltzen du
taldeko argazkiak ateratzeko.
LHn ordenagailuak aplikazio informatikoak eta Internet erabiltzen dituzte. Aplikazio
informatikoak lantzen ari diren gairen batean sakontzeko erabiltzen dituzte, esate baterako
matematikak lantzeko. Internet, berriz, ikasgairen batean informazioa bilatzeko, Naturan
adibidez. Eskola 2.0 programan sartuta daude, baina wifi bidezko konexioa erabiltzera ukatu
direla-eta, EJk programan parte hartzea ukatu die. Multimedia-tresna gisa Irrati-kaseta, bideoa
eta DVDa dituzte. Kasu honetan, irrati-kaseta atzerriko hizkuntza lantzeko erabiltzen dute
(Ingelesa) eta bideoa eta DVDa, berriz, gairen batean sakontzeko dokumentalak ikusteko.
Bestetik, argazki/bideo kamera lanak egiterako garaian lantzen ari direnari buruzko argazkiak
ateratzeko erabiltzen dituzte, ondoren lanean bertan argazkiak itsasteko helburuz. Bideo
kamara prozesu nahiz aktuazioren bat grabatzeko erabiltzen dute.
2.3 Pedro Mª Otaño ikas komunitatea
Ikastetxe honetan IKT-ak hezkuntzan uztartzeko bidean dabiltza. Ordenagailuak,
internet, inpresorak, eskanerrak, argazki kamerak, eskola 2.0, proiektorea, arbela digitala,
irratia emisioak, mediateka, telebista, DVD-a, bideoa… eskolan egon badago, baina,
orokorrean irakasleak mundu teknologiko honetan nahiko galdurik daudela iruditu zait.
IKT-ei dagokionez, HHko geletan, alde
batetik, interneterako konexioa duen ordenagailua
eta inpresora bana daukate; bestetik, musika
entzuteko aparatua eta gelaz gela eraman
dezaketen telebista eta DVD-a ere erabiltzen dute.
Haurrek autonomoki gehien erabiltzen dutena ordenagailua da. Bertan, txokoetako
lana amaitzean Urtxintxa proiektuko jolasekin matematika eta hizkuntza arloak lantzen dituzte.
Irakaslearekin batera, perretxikoen inguruko proiekturako internetetik informazioa jaso,
argazkiak aurkitu eta ordenagailuz idatziriko fitxak sortzeko ere erabili zuten. Bestalde,
“pelutxe” proiektu telematikoa aurrera eramaten ari dira Asteasuko Pello Errota ikastetxeko
haurrekin. www.pellotarrak.blogspot.com blogaren bitartez informazio trukaketa egiten dute.
Musika entzun nahi dutenean irakasleari eskatu behar die martxan jartzea, ikus-
entzunezkoak ikusteko, ostegunero mediatekara igotzen dira, lanen baten inguruko argazkiak
atera behar badituzte irakasleak maneiatzen du kamera, LHko ikasleek zuzenean egiten
dituzten irrati saioetan txertatzeko hilean behin gelan grabaketa txiki bat egiten dutenean ere
irakasleak maneiatzen du grabagailua.
2.4 Aieteko eskola
Aieteko eskola, hazten ari den eskola da.
Duela 4 urte sortu zen HH2ko gela batekin, eta gaur
egun LH2rarteko 4 gela ditu: HH2, HH3, HH4-HH5 eta
LH1-LH2. Eskolan informazio eta komunikabide
teknologia desberdinak dituzte: ordenagailuak,
inpresora, fotokopiagailuak, eskanerra, argazki
kamerak, musika aparailuak, telebista, DVD
erreproduzitzailea eta proiektorea.
Eskola guztian zehar WIFI konexioa dago, eta HH2ko ikasgelan izan ezik beste guztietan
ordenagailu bat dago. Haur hezkuntzako geletan ordenagailuaren txokoa dago, eta haur batzuk
irakaslearen laguntza behar duten lanak edo jarduerak burutzen dituzten bitartean, beste
batzuk ordenagailuan ibiltzeko aukera dute. HH4-HH5 gelan, horretarako dituzten softwarrak
Urtxintxa proiektuko CD-romak dira. 5 urtekoek tarteka korreo elektronikoa erabiltzen dute
gurasoei mezuak bidaltzeko.
Irakasleak bere lanerako IKT desberdinak erabiltzen ditu. Batetik argazki kamara.
Haurrek jarduera desberdinak burutzen dituzten bitartean irakasleak argazkiak ateratzen
dizkie. Gero argazki hauetaz baliatzen da haurrek bizitutako esperientzietan oinarritutako
fitxak egiteko. Idazten ez dakiten geletan, argazkiak erabiltzen dituzte egindakoaz hitz egiteko
gelan eta etxean. Programa desberdinak erabiltzen ditu horretarako, Microsoft office, Picassa,
PPT…
Bestetik, proiektuko lan egiten dutenez, irakasleak sarea erabiltzen du landuko duten
gaiaz informazioa bilatzeko.
Azkenik, guraso guztiek ikasgelako helbide elektronikoa dute, eta irakaslearekin
harremanetan jarri nahi badute, edo haurrekin egindako jarduera bati buruzko argazkiak bidali
nahi badituzte posta elektronikoa erabiltzen dute.
Ikasgela barruan, haurrekin ere gaiari buruzko informazioa bilatzeko internet
erabiltzen dute. Musika entzuteko, musika aparailua edo ordenagailua erabiltzen dute, eta
pelikulak ingelesez ikusteko, ingeleseko klaseetan, ordenagailua eta proiektorea. Horretarako
jatorrizko DVDak erabiltzen dituzte.
Eskola 2.0 proiektua oraindik urruti gelditzen bazaie ere, bilera batean aipatu zutenez,
ordenagailu eramangarriak sartzen dituztenerako, helburu argi bat jarri nahi dute. Hau da, ez
dituzte besterik gabe sartu nahi, sartu sartzeagatik.
Aurtengo kurtsoan pelutxe proiektua telematikoki egin behar ez badute ere, hau da, ez
dute beste ikastetxe batekin harremanetan jartzeko asmorik, beste urte batzuetan egin dutela
esan didate. Gelan maskota bat daukate, eta denbora batez maskota beste eskola batekin
trukatzen dute. Denbora tarte honetan pelutxeari buruzko informazioa internet bidez
bidaltzen diote elkarri.
Irakasleak orokorrean IKT desberdinekin oso kontzientziatuta daudela esango nuke.
Beraien lanerako asko erabiltzen dituzte, eta haurrek erabili ditzaten saiatzen dira. Haur
Hezkuntzan erabilera mugatua bada ere, azalpen asko ematen dizkiete hauen erabilerari
buruz. Beraiek ere, ikastaroren bat jaso badute ere, bere kabuz saltseatzen saiatzen direla esan
behar dut.
Eskolak web orri bat dauka, baina gurasoek kudeatzen dute.
2.5 Zubietako eskola txikia
Zubietako eskola eskola txikien sarean dago
sartuta.
Eskolan teknologia berriak egon badauden
arren, hauen erabilera ez da oso handia eta esparru eta
eginbehar jakinetara mugatua dago.
4- 5 urteko gelan, bi ordenagailu dituzte. Hauek oso gutxitan erabiltzen dituzte, inoiz
jolasen batetara jolasteko. Haurrak txoko librean zeudenean inor harrotu xamar edo ikusiz
gero, irakasleak lasaitzeko teknika bezala ordenagailuan aritzera gonbidatzen duen , “ Klik”
izeneko jolas bilduma erabiltzen dute. Gainontzekoan, 5 urteko haurrek zerbait idazteko ere
erabili ohi dute. Irakasleak ordea, ez du gelako ordenagailua erabiltzen. Ordenagailuak badu
interneterako aukera baina ni han izan naizen bitartean behintzat ez da ezertarako erabili.
Ordenagailuez gain, musika entzuteko aparatua dago gelan. Hau ere, oso gutxitan
erabiltzen dute, musika orduan kantaren bat edo beste entzuteko. Egia da, musika aparatuak
CD batzuk irakurtzen ez zituela eta askotan ezin izaten zen musikarik entzun; ordenagailuan
probatu eta zortea izanez gero kanta entzun ahal izaten genuen.
Telebista eta bideoak ikusteko aparatua egon bazegoen, komunean izkina batean
gordeta. Zahar xamarra eta altzari modura komunean nahiko baztertuta.Nire egonaldian ez da
ezertarako erabili.
Argazki kamera irakasleak askotan erabiltzen zuen,ia egunero esango nuke.
Proiektuarekin lan egiten zenean, ekintza berri batean, … argazkiak ateratzen zituen. Ondoren,
irakasle gelako ordenagailuan deskargatzen zituen. Proiektuaren inguruko bildumatxo bat egin
genuen eta bertan irakasleak beraien argazkiak inprimatuta eraman zituen eta hauen
behealdean egin zuten hori idatzi behar zuten.
Irakasle gelan bi ordenagailu zeuden eta batik bat , argazkiak deskargatzeko eta
interneten informazioa bilatzeko erabiltzen ziren.
Orokorrean, oso gutxi erabiltzen direla esango genuke.
3 ESKOLEN ARTEKO KONPARAKETA TAULA
Zizurkilgo San Millan Ikastetxea (Eskola txikia) 2-5 urtekoak
P.M. Otaño Lezoko Herri eskola Zubietako eskola txikia
Aieteko eskola
HARDWARE
Ordenagailua
H.H-ko gelan ordenagailu bat. Irakasleak erabiltzen zuen.
HH eta LHko geletan, ordenagailu gelan, irakasle gelan eta mediatekan.
HHko gelan ordenagailua. Ipuinak ikusteko eta jolasteko.
HHko gelan 2,LHko gelan 2 eta irakasle gelan.
H.H.ko 3, 4 eta 5 urteko gelan, LH1 eta 2n, irakasle gelan eta liburutegian
Inpresora Ikasgelan eta irakasle-gelan.
HH eta LHko geletan, ordenagailu gelan, irakasle gelan eta mediatekan.
Irakasle-gelan. Irakasle gelan Irakasle gelan, zuzendariaren bulegoan eta liburutegian
Eskanerra Irakasle-gelan, irakasleek soilik erabiltzen zuten.
Irakasle gelan, eta ordenagailu gelan.
Irakasle-gelan. Irakasle gelan. Irakasle gelan irakasleek erabiltzeko
Argazki-makina digitala
Eskola osorako bakarra. Eskola osorako bi Irakasle-gelan. Eskola osorako bakarra.
Eskola osorako bi
Bideo-Kamera
Eskola osorako bakarra. EZ Ez. Ez. EZ
Telebista Gelan bai, bideoak ikusteko.
Mediatekan eta HH 3 eta 4ko geletan
Bideo gelan. Gelara eramaten da marrazki bizidunak ikusteko
Bai.Komunean. Psikomotrizitate gelan (gela anitza)
Bideo-aparatua
Bai. Bai Bai. Ez. EZ
DVD Ingeleseko gelan. Mediatekan Bai. Bai. Liburutegian
Musika aparatua
Gelan bai.Ikasleek erabili zezaketen.
Ikasgela guztietan Bai, baina hondatua.
Bai. Ikasgela guztietan
Besteak Mikroskopio digitala, eskola osorako.
Irratia - grabazio estudioa-
Irratia - grabazio estudioa-. Soilik LHkoentzat.
SOFTWARE
Pakete Ofimatikoa
Word, Excel, Nero,... (Irakasleek erabiltzen dituzte)
Microsoft office HHko gelako ordenagailuan ez. Irakasleen gelan eta informatika gelan.
Microsoft office. Microsoft office
CDak eta edukiak
Musika ugari, ordenagailuan jolasteko ezer ez dut ikusi.
Musika eta jolasen CD-ROM-ak (Urtxintxa...)
Musika, jolasak Musika Musika ugari, Urtxintxako cd-romak
Ipuin Multimedi
Ez dut ikusi Urtxintxakoak Ttantto (Ikastolen Elkartea)
Ez dut ikusi Ingelesez
a
Bideoak eta DVD
Marrazki bizidunak. Euskarazko marrazki bizidunak
Marrazki bizidunak. Marrazki bizidunak.
Euskaraz, gazteleraz eta ingelesez
Internet Bai. WIFI. Irakasleen erabilerako.
Bai, ikasle eta irakasleen erabilerarako. WIFI eskola osoan.
HHko geletan irakaslearentzat, kable bidezkoa.LHn informazioa bilatzeko.
Bai. Irakasle gelan eta ikasle gelan.
Korreo elektronikoa
Bai. Irakasleen erabilerako
Bai. (irakasleek, HHko gelan proiektu telematikorako, LHko ikasleek...)
Bai. Irakasleen erabilerako
BAi. Irakasleen erabilerarako.
Bai. Irakasleek bakoitzak berea, eta beste bat gela bakoitzeko
Bloga/Web gunea
Bai. http :// sanmillanikt . blogs pot . com orain utzita dute.
Bai.Eskolako web gunea sortzen.HHko gelako bloga www . pellotarrak . blosp ot . com LHn ere blogak dituzte.
Bai. http :// lezoherrieskola . net
Eskola txikien orria . www . eskolatxiki ak . org
Bai. www . azkaratene a . com Gurasoek kudeatzen dute.
TXOKOA Gelan ez dago teknologia txokorik.
Ipuin txokoan ordenagailua dago.
Ez. Matematika txokoan dago ordenagailua.
Ordenagailu txokoa geletan
PROIEKTU TELEMATIKOA
HH.ez dago proiekturik. Pelutxe proiektua Eskola 2.0 programa, baina kendu egin diete
Ez. Aurten ez baina egon da.
Irakaslegoaren Prestakuntza
Oinarrizkoa. OinarrizkoaFormakuntza jasotzen ari dira
Oinarrizkoa. Oinarrizkoa. Oinarrizkoa
4 ESKOLEN KONPARAKETA:
Eskoletako HHko geletan ordenagailuak dituzte eta Aieteko eskolan izan ezik LHko
ikasleak eskola 2.0 proiektuan sarturik daude. Guztiek dituzte programa ofimatikoak,
Urtxintxako jokoak... Erabilerari dagokionez, interneteko kontsultak egiteko, Urtxintxako
jokoetan jolasteko, proiektu telematikorako, blog-ak ikusteko, posta elektronikoa
kontsultatzeko... erabiltzen dute. Baina, batez ere, gehienetan haurrak txokoetan daudenean
irakaslearen presentzia eskatzen ez duen espazioa lortzeko baliabide moduan erabiltzen
dituzte ordenagailuak. Hala ere, irakasleen formazio falta da eta teknologiari ematen zaion
erabilera oso oinarrizkoa da. Inpresora eta eskanerrak irakasleek bakarrik erabiltzen dituzte.
Argazki kameraren erabilera zabalduagoa dago. Eskola guztietan dago argazki kameraren
bat, baina, irakasleek bakarrik erabiltzen dute. Oso maiz erabiltzen da argazki kamera,
egunerokotasunean. Haurrek argazki kamerak erabiltzea faltan bota dugu. Bideo kamera, aldiz,
eskola bakar batean ikusi dugu.
Ikus entzunezkoak ere erabiltzen dituzte, baina, marrazki bizidunak ikustera mugatzen
dira. Txokoetan lanean ari direnean, jardueraren arabera, girotze musika jartzeko musika
aparatuak dituzte.
Bi eskoletan irrati saioak grabatzeko estudioa daukate. Bertan, astero eskola guztiaren
artean prestaturiko irratsaioa prestatzen dute. HHko ikasleak grabazioak prestatzen dituzte
LHkoek saioetan txertatzeko.
Irakasleen prestakuntza oinarrizkoa da, beharren arabera ikasten joan dira eta ikasteko
prest agertzen dira. Jarrera irekia dute honen aurrean.
Urtxintxaren erabilera zabalegia dela iruditu zaigu. Bost eskoletatik hirutan ordenagailuan
Urtxintxako jokoak askotan erabiltzen dituzte. Bertan, hizkuntza, matematika eta plastikako
edukiak lantzen dituzte, baina, irakaslearen presentziarik gabe. Azken finean, denbora pasa
hutsa dirudi.
Proiektu telematikoei dagokionez, Zizurkilgo Pedro Mari Otaño eskolan aurrera
daramaten “Pelutxe proiektua” daukagu; Aieten egon bazen ere, aurten ez dago eta
gainontzekoetan ere ez.
Eskola guztiek duten beraien web orria Zubietako eskola txikiak izan ezik. Hala ere, azken
hau Gipuzkoako eskola txikien orrian sartuta dago.
5 ONDORIOAK:
IKTen presentzia eskoletan oso handia da. Eskola guztietan daude ordenagailuak,
hardware eta softwarrak, argazki kamerak, eskanerrak... Azken urteetan teknologia berriak
gizartean ziztu bizian garatzen eta hedatzen ari dira, eta eskola gizartearen isla besterik ez da.
Erabilerari dagokionean, bi erabilera desberdindu behar ditugu: irakaslearena eta
ikasgelakoa. Irakasleari lana asko erraztu diote IKT desberdinek. Ordenagailuari esker fitxak,
jarduerak prestatu, horma-irudiak egin, interneti esker lehen eskura ez zuen informazio asko
dauka, argazki kamera digitalarekin momentuan ateratako argazkiak ordenagailuan sartu
ditzake eta hauekin lan egin... Aurrerakuntza handia izan dela onartu beharra daukagu, alegia.
Ikasgela barruan ematen zaion erabilera, aldiz, ez dugu argi ikusi ze helbururekin egiten
den. Orokorrean, eskolan helburu jakinik gabe sartu direla iruditu zaigu. Ordenagailuaren
kasuan, haurrak entretenitzeko tresna bezala erabiltzen da, beste edozein joko bezala; argazki
kamera, irakasleak bakarrik erabil dezake. Halaber, uste dugu ikasgela barruan eskolan dauden
IKT desberdinei ez zaiela benetako probetxua ateratzen. Geletan inork zalantzan jarri gabe
sartu dira, gizartearen eraginez eta interes ekonomikoei erantzunez, eta ez, behar lukeen
bezala, eskolako curriculumean txertatuta daudelako.
Honez gain, esan beharra dago irakasleen artean ere diferentziak nabarmenak direla. Alde
batean IKTei probetxua ateratzen saiatzen direnak daude, eta bestean, oinarrizkoarekin
nahikoa dutenak. Hau honela izanik, argi dagoena da eskolako metodologian txertatu ezean,
hau da, irakaslearen esku jarraitzen badu IKTak era batera edo bestera erabiltzean,
diferentziak gero eta handiagoak izango direla.
Informazioaren gizartean bizi gara eta ezin diegu IKTei kontra egin. Haur hauek heziko
diren gizartearen ezaugarria da, eta guk, hezitzaile izango garen aldetik, lagundu egin behar
diegu bide horretatik jarraitzen. Honek ez du esan nahi Haur Hezkuntza honetara mugatuko
dugunik. Haurrak bere nortasuna finkatu behar du, autonomia garatu behar du, ingurunea
ezagutu behar du eta komunikatzeko era desberdinak ikasi behar ditu, eta horretarako IKTak
tresna bat besterik ez dira izango.
Top Related