2003ko uztailaren 15a zen eta Mikel, bere
description
Transcript of 2003ko uztailaren 15a zen eta Mikel, bere
Bidaia
arriskutsua
2003ko uztailaren 15a zen eta Mikel, bere familiarekin batera,
Madrileko erdigunean zeukan etxean lo egiten zegoen. Mikel 30
urteko enpresaria zen, nahiz eta txikia zenean suhiltzailea izango zela
esan. Ile marroi ilun kizkurra, begi marroi argiak eta gorputza nahiko
landuta zuen, baina gehien nabarmentzen zuen ezaugarria ahoa zen.
Une oro aurpegiko eremu batetik beste eremura irribarre galanta
zeraman. Oso pertsona alaia zen, batez ere bere familiarekin oso
bateratua zegoelako eta bere lana primeran zihoalako. Bere emaztea,
Jone, eta semeak, Arkaitz eta Unai, mundu honetan zituen gauzarik
garrantzitsuenak ziren. Asti aldian bere semeekin jolasten edo bere
emazteari etxeko jardueretan laguntzen zion. Mikelek lagun asko
zituen, batez ere festa gogoko zuelako. Larunbata guztietan bere
emaztearekin eta haien lagunekin parrandan joaten zen eta bere
semeak bitartean aiton- amonaren etxean gelditzen ziren. Mikelek
Madrilen ospe handia zuen khapoeirako entrenatzailea zelako eta 5
urte jarraian Espainiako txapelduna izan zelako.
Bera bizi zen tokia Madrileko eremurik industrializatuena zen.
Etxetik ateratzean ikusten zuen lehenengo gauza Corte- Ingeleseko
merkatal zentroa zen. Jendez gainezka egon ohi zen, batez ere
merkealdietan. Ezkerretara begiratzean tren geltokia ikusten zuen
baina gehien nabarmentzen zena eraikin handiez beteriko tokia zen.
Eskumara egunero egunkaria erosten zuen kiosko polit- polit bat
ikusten zen. Kiosko hori denboraldi batean itxita egon zen
adingabekoei tabakoa saltzeagatik. Kiosko horren atzealdean parke
erraldoi bat ikusten zen. Hor ahateen putzu handi bat zegoen. Mikel
lotan zegoenean gehienetan hegazkinen zaratak esnatzen zuen.
Aireportua bere etxetik nahiko hurbil zegoen, horregatik zarata
ikaragarria entzuten zen. Mikel hona bizitzera etorri zenean urduri
jartzen zen, batez ere zaratarengatik. Duela hiru urte etorri zen hona
bizitzera, horregatik, orain oso lasai bizi da ohituta dagoelako.
Egun normal guztiak bezala lanera joan behar zuen. Erlojua
begiratu eta 9:00ak zirela ikustean arropa azkar jantzi eta lanerako
bidean abiatu zen. Lanera heldu zenean haren nagusia bere bulegoan
itxaroten zegoen eta Mikelek, urdurituta berandu zihoalako, atea
astiro ireki eta bafa egin zuen. Bulegoan sartzean sekulako agiraka
espero zuen, baina ez, eskuan zeukan fax bat eman zion. Honek, faxa
erne irakurri eta New yorkra bilera batera joan behar zuela jartzen
zuen. Asteburuko bidaia zen, horregatik, nagusiari galdetu zion ea
bere familia berarekin joan zitekeen. Honek ez zion kontraesanik jarri
eta etxerako bidea hartu zuen bere emaztearekin hitz egiteko.
Etxera heltzean bere emazteari proposamena eskaini eta honek
onartu zuenean, bidaia zorroa prestatzen hasi ziren eta konturatu
baino lehen arratsaldeko 20:00ak ziren. Ohera joan baino lehen
iratzargailua prest jarri zuen gaueko 03:00etan jotzeko, hegaldia
06:00etan ateratzen zelako. Zazpi ordu lo egin ondoren iratzargailuak
jo zuen, ohetik altxatu ziren eta bidaia zorroari azkenengo ukituak
eman zizkioten. Familia osoa prest zegoen aireporturantz abiatzeko.
Aireportura heltzean, hegazkinera joan baino lehen zerbait jan
zuten, egunkaria erosi eta Unai eta Arkaitzentzako komiki batzuk
erosi zituzten, nahiz eta komikiak haien gustukoak ez izan. Guzti hori
egin ondoren hegazkinera sartu baino lehen egin beharreko kontrolak
gainditu eta hegazkinean sartu ziren. Haien eserlekura abiatzen ziren
bitartean, Mikel, liluratuta gelditu zen hegazkinaren tamainarekin. Bi
solairuko hegazkin erraldoia zen eta eserleku guztiak beteta zeuden.
Eserlekuetara ailegatzean Arkaitz eta unai borrokan hasi ziren biek
leihoaren ondoan jesarri nahi zutelako. Mikelek ez zuen istilurik nahi
horregatik leiho alboan jesarri eta Unai eta Arkaitz, Mikel eta amaren
artean. Gaueko 06:00ak ziren eta oraindik jendea sartzen zegoen.
Bat-batean Mikelek pare bat preso ikusi zituen baina ez zion garrantzi
handirik eman, gainera goiko solairurantz abiatu ziren. Komandanteak
bere burua aurkeztu eta bidai ona izan zezaten esaten zuen bitartean
motorrak martxan jarri eta aireratu ziren.
Arkaitz eta Unai trankil- trankil zeuden PSP-arekin jolasten, Jone
egunkaria irakurtzen zegoen eta Mikel bilerarako paperak prestatzen
zegoen. Bidaia oso ondo zihoan, baina komandanteak turbulentzia
eremu batean sartu zela jakinarazi zuen. Hegazkina asko mugitzen
hasi zen eta bidaiari guztiak urduritu eta oihukatzen hasi ziren. Mikel
ez zen asko ikaratzen baina bere emazteari eta semeei begiratu eta
dardarka hasi zen. Ezin zituen bere hankak kontrolatu. Bat-batean
argiak itzali eta hegazkina lehen baino askoz gehiago mugitzen hasi.
Segurtasun uhala jarrita ez zeramaten pertsonak eserlekuetatik jausi
eta pasabideetan pilatu ziren. Komandanteak egin al zuen guztia
egiten zuen, hala ere, oso zaila zen hegazkina kontrolpean eramatea
eremu horretan eta, gainera, haize korronte handiak zeuden.
Megafonotik lasai egoteko mesedez eskatu zuen. Mikelek Joneri eskua
hartu eta otoitz egiten hasi ziren. Guztien onerako hegazkina bere
egoera normalera bueltatu eta pixkanaka- pixkanaka argiak pizten
joan ziren. Mikelek egin zuen lehenengo gauza bere emazteari eta
semeei begiratzea izan zen. Bere eserlekuan zeudela ikustean lasaitu
zen baina pasabideetara begiratzean jende asko ikusi zuen lurretik
botata eta laster batean laguntza eskaintzera joan zen, bere familiari
eserlekutik ez altxatzeko esan eta gero.
Mikel oso pertsona lagungarria zen, gainera lehengo laguntzazko
kurtso bat eginda zeukan. Bidaiarien artean zenbait mediku
laguntzeko prest zeuden. Mikeli goiko solairura igotzea bururatu
zitzaion eta bidean zebilela eskaileretatik polizia bat ikusi zuen
botata. Laster batean laguntzera joan eta tiro bat zeukala ikusi zuen.
Asko urduritu zen eta ez zekien ezta zer egin ere. Bere alkandorako
zati bat moztu eta zaurian jarri zuen, odol isuria gelditzeko asmoz.
Mikel hori ikustean txarrena pentsatzen hasi zen. Ez zekien zer egin,
bere eserlekura joan edo eskailerak igo eta aurpegia eman. Oso
ausarta zenez eskailerak igotzea erabaki zuen. Mantso- mantso joan
zen inor ez entzuteko eta azkeneko eskaileretan zegoenean preso bat
jaisten hasi eta bidean gurutzatu ziren. Mikel eskailerak behera
korrika hasi zen baina pistolarekin apuntatzen zegoela ikustean
gelditu egin zen. Lasai- lasai eta lelokeriarik egin gabe jaistea esan
zion. Mikel kasu egin eta presoaren aurrean beheko solairuko bidaiari
guztiengana joan ziren. Bidaiariak presoak pistola batekin Mikeli
apuntatzen ikustean oihukatzen hasi ziren. Mikelen familia oso
arduratuta eta ikaratuta zegoen. Atxilotuak Mikeli ukabilkada bat
emanez bakean utzi eta beste bidaiariekin joan zen. Hegazkineko bi
solairuko bidaiari guztiak lehenengo solairuan utzi zituzten, presoa
zelatatzen. Bitartean beste presoa komandantearen kabinara joan
zen. Atea tiro batekin zabaldu zuen eta komandantearekin hitz egiten
jarri zen:
- Non dago irratia ?- galdetu zion atxilotuak komandanteari.
- Ez egin ezer mesedez, ez egin ezer- erantzuten zion ikaratuta.
- Non dago irratia! Ez dizut berriro errepikatuko!- urduritu zen
atxilotua.
- Irratia hor dago, orain utzi bakean mesedez- erantzun zion
komandanteak.
- Ez eman abisurik irratitik!- oihu egin zion.
- Ez dut horrelakorik egingo.
Presoa kabinatik irteten zegoenean komandanteak pilotu
automatikoa jarri, bere bila joan eta honek tiro bat jaso zuen.
Hegazkina komandanterik gabe, hau da piloturik gabe gelditu zen.
Beste presoa tiroa entzutean harengana joan zen eta eztabaidatzen
hasi ziren. Bitartean bidaiariak zerbait planeatzen zeuden. Presoak
asko urduritu ziren eta ez zekiten zer egin. Hauek nahi zutena
aireportua ez zen beste toki batean lurreratzea zen, seguritatea ez
egoteko eta horrela ihes egiteko. Mikel ezin zen besoak gurutzatuta
gelditu bi arrazoirengatik: alde batetik, presoak bakarrik ziren bi eta
bidaiariak gutxienez 500, bestetik zerbait egiten ez bazuten presoek
ihes egingo zutelako. Horregatik presoak oraindik heldu ez zirela
ohartuta, Mikel komunean sartu zen atxilotuak hortik pasatu arte.
Beste bidaiari bat eskaileren azpian ezkutatu zen. Presoak eskailerak
jaitsi eta ez zuten ezer ikusi. Mikelek pausoak berarengandik hurbil
entzutean, atea indar handiz zabaldu eta preso bati eman zion eta
pistola lurrera jausi egin zen. Beste atxilotua atzerago zegoelarik
berak zeukan pistolarekin Mikel apuntatu eta orduan, laster batean,
tiro egin baino lehen beste bidaiaria ezkutalekutik atera eta
presoaren bila joan zen. Presoa horretaz konturatu eta tiro egin zuen
eta bidaiariari eman zion. Presoak guztia kontrolatuta zeukala
pentsatzen zuen, baina ez. Bat-batean Mikelek, khapoeira zekiela
aprobetxatuz, ostikada bat eman zion buruan eta hau lurrera
konorterik gabe erori zen. Presoak soka batekin lotu zituzten
komuneko baranda batean.
Bidaiari guztiek dena alde zeukatela pentsatu zuten baina
oraindik ez zekiten hegazkina komandanterik gabe zihoala. Bat-
batean Hegazkina mugitzen hasi eta metroak galtzen zituen. Mikelek
komandantea hilda zegoela suposatu zuen , horregatik oihu egin zuen
norbait hegazkinetan trebea bazen timoia har zezan. Ez zuen inork
ezer esaten baina ez zuten denbora galtzeko aukerarik, horregatik
Mikel otoitz egiteko esan zien bidaiariei eta kabinara joan zen
hegazkina lurreratzeko. Bidean zehar bere bizitzaren momentu
guztiak gogoratu zituen. “Bidaiari guztien bizitzak nire eskuetan
daude, zerbait egin behar dut. Ez dut inoiz hegazkinik pilotatu eta
beldur handia dut. Beno, egun batean enpresan nengoela
hegazkineko joko batera jolastu nuen, baina ez zen izan nire jokorik
hoberena. Ez dut lortuko, ez dut lortuko… Baina gutxienez ausarta
izango naiz eta hiltzen banaiz saiakeran izango da”. Kabinara
heltzean botoi asko ikusten zituen eta ez zekien zein botoiri eman
hegazkina kontrolatzeko. Hegazkina bakarrik 500 metrora zegoen
horregatik lurreratzeko palanka hartu eta hegazkina kontrolpean egon
barik lurreratzen hasi zen. Mikel izerditan blai zegoen baina azkenean
guztia ondo atera zen. Bidaiari guztiak poz pozik jarri ziren eta txaloka
hasi ziren, Mikelen lana eskertzen.