1

AKTEA OSOKO BILKUREA

(2014/02)

Bilkurea: Ohikoa

Datea: 2014-02-27

Lekua: Kultura eta Gizarte Etxeko Gaztelekuko lokala

Hasiera-ordua: 19:00

Amaiera-ordua: 19:35

Bertaratuak Lehendakaria: Idurre Bideguren Gabantxo (BILDU) Batzarkideak:

Josu Imanol Unanue Astoreka (BILDU) Juan Carlos Agirre Santa Maria (BILDU) Aingeru Astui Zarraga (BILDU) Maria Amaya Elorza Elortegui (BILDU) Josune Barturen Ortega (BILDU) Gaizka Gabantxo Zabala (BILDU)

Xabier Legarreta Gabilondo (EAJ) Amaya Gaztelu Imatz (EAJ) Aritz Abaroa Cantuariense (EAJ) Carmen Zulueta Abaroa (EAJ) Jon Iñaki Unanue Astoreka (EAJ) Jon Garro Larrauri (EAJ)

Idazkaria: Karmele Muñoa Arrigain

Bertaratu ez diranak Batzarkidea/k:

Juan Karlos Goienetxea Beitia (BILDU) Irune Ormaetxea Legarreta (BILDU)

Asier Gabantxo Larandagoitia (EAJ) Alazne Zumeta Garro (EAJ)

2014/02

2

Aztergaiak

1. Aurreko aktea irakurri eta onestea. 2. Artikako OPU gunearen xehetasun azterlana behin betiko onartzea. 3. Bermeoko auzoetako jaiak sustatzeko diru-laguntzak arautzeko 2014.

urterako oinarri bereziak. 4. 2012. urteko fakturea onartzea. 5. 2013ko azaroaren 29ko Osoko Bilkurako 6. puntua zuzentzea. 6. Udaltzaingoaren ibilgailua renting bidez hornitzeko kontratua esleitzea. 7. Merkataritza establezimentuetan errotuluak euskeraz ipinteko 2014.

urteko diru-laguntza deialdia. 8. Lea-Artibaialdeko Hedabideak SL enpreseagaz lankidetza hitzarmena. 9. Itsuki irratiagaz lankidetza hitzarmena. 10. Azoka azpiko aparkalekuen erabilerea arautzeko ordenantza hasikeraz

onartzea. 11. Ezeztatutako diru-laguntza baten gaineko errekurtsoa. 12. 52. zenbakidun Alkatetza Dekretua berrestea. Euskara Biziberritzeko

Plan Nagusia: 2014ko kudeaketa Plana. 13. Emakumeen Nazinoarteko Egunari buruzko deklarazino instituzionala. 14. Haurdunaldia borondatez eteteari buruzko legearen aldaketeari buruz,

EAJ-PNV Udal Taldeak aurkeztutako mozinoa. 15. Ganerako organoen kontrola. 16. Eskariak eta itaunak.

1.- AURREKO AKTAK IRAKURRI ETA ONESTEA.

Udalaren Osoko Bilkureak hasikerea emon deutso batzarrari eta jarduneko idazkariak 2014ko urtarrilaren 9ko 01/2014 aktea irakurri ostean, batzordekide danen adostasunagaz zuzenketa honeek egitea adostu dabe:

Aritz Abaroa jaunaren eskariz, 5. orrialdeko 2. paragrafoari, esaldi hau

gehitzea: “diru sarrera bat egon ezkero inbertsinoetara bideratuko dala”

9. orrialdeko azken paragrafoan, “Negoziatzeko trebetasuna dala eta, esan dau, Gaizka

Gabantxok galdetu eutsola erabagia azkenean nork hartzen dauen eta berak erantzun deutsola

Ogasun batzordeko kide diran zortzirek erabagiten dabela” ipinten dauen lekuan, “Negoziatzeko trebetasuna dala eta, esan dau, Gaizka Gabantxok galdetu eutsola erabagia azkenean nork hartzen dauen eta berak erantzun deutsola EAJ udal taldeko zortzi kideek

erabagiten dabela”, ipintea.

2014/02

3

2.- ARTIKAKO OPU GUNEAREN XEHETASUN AZTERLANA BEHIN BETIKO ONARTZEA. Alkate andreak gaiaren inguruko argibideak emon dauz. Xedea Artikako OPU gunearen xehetasun azterlana behin betiko onartzea. Aurrekariak Lehenengoa: 2013ko azaroaren 4an Tokiko Gobernu Batzarrak Artikako OPU gunearen xehetasun azterlanari hasikerako onespena emotea erabagi eban. Bigarrena: 20 eguneko epean jendaurrean egon ondoren, ez da alegazinorik aurkeztu. Argudioak Bakarra: Espediente honetan legezko urrats guztiak bete dira, eta Tokiko Araubideari buruzko 1985eko apirilaren 2ko Oinarrizko Legeko 22. artikuluaren arabera, xehetasun azterlana behin betiko onartzea Osoko Bilkureari jagoko. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: Artikako OPU gunearen xehetasun azterlana behin betiko onartzea. 3.- BERMEOKO AUZOETAKO JAIAK SUSTATZEKO DIRU-LAGUNTZAK ARAUTZEKO 2014. URTERAKO OINARRI BEREZIAK. Alkate andreak gaiaren inguruko argibideak emon dauz eta informatu dau aurten 36.000 euro banatzea proposatzen dala eta oinarri honeetan diru-laguntzak zelan eskatu, e.a. arautzen dala. Xedea 2014an Bermeoko Auzoetako jaiak sustatzeko diru-laguntzak arautzeko oinarri bereziak onartzea.

2014/02

4

Aurrekariak Bakarra: 2014an Bermeoko Auzoetako jaiak sustatzeko diru-laguntzea arautzeko oinarri bereziak prestatu dira. Argudioak Bakarra: Prestatutako oinarriak diru-laguntzen legediaren arabera egin dira eta, ondorioz, lege izapide guztiak bete dira. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: 2014an Bermeoko Auzoetako jaiak sustatzeko diru-laguntzak arautzeko oinarri bereziak onartzea eta deialdia zabaltzea. 4.- 2012. URTEKO FAKTUREA ONARTZEA. Alkate andreak azaldu dau jaube alkarte bateko gastuak dirala eta 2012. urteko gastua dan heinean onartzeko eskumena Osoko Bilkurearena dala Xedea Ondarraburu kalea 9ko lokaleko 2012. urteko gastua. Aurrekariak Bakarra: 2014ko urtarrilaren 13ko 383 sarrera erregistro data eta zenbakiagaz, Ondarraburu kalea 9ko jaube alkartearen izenean, honen adminstratzailea dan Estibaliz Moreno andreak agiria aurkezten dau, 2012. urteko loietako alkarteko kuotak ordaintzeko eskatuz. Argudioak Lehenengoa: Eraikin horretan bada udal jaubegoko loia, eskoikoa. Egun, Arraun Elkartearen erabilpenean. Partizipazino kuotea: % 4,21 Bigarrena: Kontsignazino nahikoa dago gastu hau burutzeko.

2014/02

5

Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: Ondarraburu kalea 9ko jaube alkarteak aurkeztutako eskaria onartzea eta 2012. urteari jagokon 29,56€ko kuotearen gastua onartzea, xedatzea eta agintzea. 5.- 2013-KO AZAROAREN 29-KO OSOKO BILKURAKO 6. PUNTUA ZUZENTZEA. Alkate andreak zuzendu beharreko akatsaren inguruko azalpenak emon dauz. 2013ko azaroaren 29ko Osoko Bilkurako 6. puntua, aho batez, zuzentzea erabagi dabe batzordekideak, eta holan geratuko da:

*6.- APIRILEKO SUTEKO DIRU-LAGUNTZEK SORTUTAKO ARAZOAK.

Xedea Suteko diru-laguntzak.

Aurrekariak Lehenengoa: 2013ko apirilaren 11n sute handia gertatu zan herriko alde zaharrean. Horren ondorioz hainbat eraikin kaltetu ziran eta ezbeharraren aurrean instituzino publikoek diru-laguntza eta hobariak emoteko erabagiak hartzen hasi ziran.

Bigarrena: Bermeoko Udala be, bere eskumeneko tributuetan kaltetuei laguntzea emoteko asmoz erabagiak hartzen hasi zan. Nahiz eta, 2013ko apirilaren 26an Bermeoko Udaleko Ekonomia, Ondare eta Errenta Saileko teknikariak bere txostenean argi itzi zein moetatako bideak egozan laguntza horreek gauzatzeko, Bermeoko Udalak diru-laguntzak emotea onartu eban, ohartarazota gelditu arren, diru-laguntzak, gastuetako aurrekontuan kreditua euki behar ebala. Hirugarrena: 2013ko maiatzaren 2ko Osoko Bilkureak kaltetuak izan diran eraikinetako obren ondoriozko zergen kostuak diruz laguntzeko oinarri bereziak onartu ebazan, eta BAOn 2013ko uztailaren 2ko dateagaz kaleratu ziran.

2014/02

6

Argudioak

Lehena: Diru-laguntza horreek onartzeko arautzen dauen ordenantzearen lehenengo artikuluaren 6tik 10era arteko atalek esaten dabenaren arabera, jarraitu beharreko prozedurea hauxe da:

“6. Lizentziaren erabakian espresuki aitatuta egon beharko dau 2013ko

apirilaren 11ko sutean kaltetutako higiezina zaharberritzeko,birgaitzeko edo eraikitzeko obra lizentzia dala, tributu kudeaketako izapideetan egin beharrekoak behar dan lez aurreikusi ahal izateko.

7. Beste edozein kasutan egiten den moduan, Errenta Sailak lizentziaren

erabagiaren barri daukanean egingo dauz ordenantza fiskalean araberako kitapenak eta interesdunari jakinarazoko jakoz.

8. Jakinarazpen datea erregistratuko da eta Diruzaintzeak borondatezko

diru-bilketa epea galdiarazoko dau. 9. Interesdunak aurretiaz egindako diru-laguntza eskaria kontuan izanda

aztertuko dau Errenta Sailak diru-laguntzea lortzeko eskubidea. Baldintza bete ezkero, Alkatetzearen dekretuz onartuko da.”

Bigarrena: Kitapenak egin ezkero ordaindu egin behar dira Diruzaintzan betiko ez gelditzeko eta ez da ikusten egoki interesdunak lehenago ordaintzea gero diru-laguntzearen bitartez itzultzeko ordaindutakoa. Konpentsazinoa Diruzaintzan egin beharko da, baina diru-laguntzea onartu eta gero. Arazoa da, edozein diru-laguntza onartzeko, aurretiaz kreditu nahikoa egon behar dala eta, gure kasuan, 2012ko aurrekontu luzatuan ez dagoala krediturik. Hirugarrena: Orain arte egindako kitapenak honeek dira:

EIOZ TASEA ALDAMUAK

Nardiz tar Jon 15 jaube alkartea Nardiz tar Jon 25 jaube alkartea Nardiz tar Jon 7 jaube alkartea Nardiz tar Jon 16 jaube alkartea Erremedio 22ko jaube alkartea Intxausti 9ko jaube alkartea

4.506,25.-

1.130,32.-

70,38.-

3.890,74.-

350,45.-

2.733,81.-

140,21.-

1.402,06.-

60,07.-

1.402,06.-

28,21.-

1.402,06.-

23,10.-

GUZTIRA 12.681,95.- 4.434,67.- 23,10.-

17.139,72 euro dira guztira. Diru-laguntza modura ezin dira kopuru horreek onartu ez dagoalako krediturik.

2014/02

7

Erabagia Goian aitatutako guztia kontuan hartuta, gehiengo osoz, BILDUko zinegotzien (9) aldeko botoakaz eta EAJko zinegotzien (7) abstentzinoagaz, honako hau erabagi dau Udal Osoko Bilkureak: LEHENENGOA: Orain arte daukaguzan kitapenen diru-laguntzak ezeztea ez dagoalako kreditu nahikorik. BIGARRENA: Udal tributuetan salbuespenak edo hobariak ezartea onartzea, horretarako jagokon ordenantza fiskaletan baldintzak jarrita, (tasa %100 eta EIOZ %100) aldaketak hasikeraz onartzea eta argitaratzea. Zerrendatutako tributu honeetan aplikatuko dira hobariak:

- Eraikuntza, instalazino eta obren ganeko zergea - Urigintza lizentzien tasea - Herri erabilerako lurrak merkantzia, eraikuntzako material,

obra hondakin, hesi, eskora, aldamino eta antzeko instalazinoakaz okupatzeagaitik ordaindu beharreko tasea.

Ordenantza fiskaletako aldaketak, hasikeraz onartzen diranak, honeek dira:

►ERAIKUNTZA, INSTALAZINO ETA OBREN GANEKO ZERGEA ARAUTZEN DAUEN ORDENANTZA FISKALeko 10. artikuluari d) atala gehitzea: d) 2013ko apirilaren 11ko sutean kaltetutako higiezinak zaharberritzeko, birgaitzeko edo eraikitzeko obretan % 100eko hobaria eukiko dabe. Obra lizentzia eskariagaz batera eskatu ahal izango dabe hobaria, beti be, kaltetua izanaren ziurtagiria aurkeztuta. Sutearen ondorioz partzialki bakarrik edo sua amatatzeko botatako urak kaltetutako kasuetan egin beharreko obrak dirala-eta kaltetutakoak konpontzeko ez diran beste batzuk be egiteko aprobetxatuz egiten badira, horreek ez dabe hobaririk eukiko. Halanda ze, horrela bereiztuta deklaratu beharko dabe interesdunek.

2014/02

8

► URIGINTZA LIZENTZIEN TASEA ARAUTZEN DAUEN ORDENANTZA FISKALelo 9. artikuluari 5. atala gehitzea: 5- 2013ko apirilaren 11ko sutean kaltetutako higiezinak zaharberritzeko, birgaitzeko edo eraikitzeko obretan % 100eko hobaria eukiko dabe. Obra lizentzia eskariagaz batera eskatu ahal izango dabe hobaria, beti be, kaltetua izanaren ziurtagiria aurkeztuta.

Sutearen ondorioz partzialki bakarrik edo sua amatatzeko botatako urak kaltetutako kasuetan egin beharreko obrak dirala-eta kaltetutakoak konpontzeko ez diran beste batzuk be egiteko aprobetxatuz egiten badira, horreek ez dabe hobaririk eukiko. Halanda ze, horrela bereiztuta deklaratu beharko dabe interesdunek. ► HERRI ERABILERAKO LURRAK MERKANTZIA,

ERAIKUNTZAKO MATERIAL, OBRA HONDAKIN, HESI,

ESKORA, ALDAMINO ETA ANTZEKO

INSTALAZINOAKAZ OKUPATZEAGAITIK ORDAINDU

BEHARREKO TASEA ARAUTZEN DAUEN ORDENANTZA

FISKALari 7. artikulua gehitzea:

7. artikulua: Hobariak 2013ko apirilaren 11ko sutean kaltetutako higiezinak zaharberritzeko, birgaitzeko edo eraikitzeko obrei lotutako herri jabariaren okupazinoek % 100eko hobaria eukiko dabe. Obra lizentzia eskariagaz batera eskatu ahal izango dabe hobaria, beti be, kaltetua izanaren ziurtagiria aurkeztuta.

HIRUGARRENA: Sutean kaltetutakoen aldeko tributu diru-laguntzearen ordenantzea bertan behera iztea. LAUGARRENA: Orain arte egindako kitapenei bajea emotea, eta Errenta Sailari kitapen barririk ez egiteko agintzea.

6.- UDALTZAINGOAREN IBILGAILUA RENTING BIDEZ HORNITZEKO KONTRATUA ESLEITZEA. Alkate andreak azaldu dau aurten ibilgailua barriztu behar izan dala eta, eskaintza bakarra jaso danez, eskaintza horren aldeko proposamena egiten dala.

2014/02

9

Xedea Udaltzaingoaren ibilgailua renting bidez hornitzeko kontratua esleitzea. Aurrekariak Lehenengoa: 2013ko azaroaren 29ko Osoko Bilkureak baldintza-agiriak onartzea eta deialdia zabaltzea erabagi eban. Bigarrena: Partehartzeko gonbitean ondorengo enpresei bialdu jake, espedientean kreditatuta geratu dan moduan: KUTXABANK, BBVA, BANCO SANTANDER, QUICK RENT, ALPHABET. Eskaintzak aurkezteko epea, hamabost (15) egun, urtarrilaren 14tik 28ra biak barru. Hirugarrena: Eskaintza bakarra aurkeztu da horretarako emondako epearen barruan: BBVA, 39.202,56€ gehi BEZ %21ari jagokona 8.232,54€. Danetara: 47.435,10€ Argudioak Lehenengoa: 2014ko otsailaren 12an Udaltzainburuak bere txostena emon dau, BBVA AUTORENTING SA enpresearen eskaintzea, udalak jarritako baldintza plegu tekniko eta administratiboak beteten dauzala adierazota. Bigarrena: Kontsignazino nahikoa dago gastu honetarako, espedientean kreditatu dan moduan RC2014/135 agiri bidez. Hirugarrena: Azaroaren 14ko 3/2011 Legegintzako Errege Dekretuak onartzen dauen Sektore Publikoko kontratuen Legearen Testu Bateratuak xedatutakoa jarraituz burutu da espediente hau. Erabagia

Goian aitatutako guztia kontuan hartuta, aho batez, honako hau erabagi dau Udal Osoko Bilkureak: LEHENENGOA: BBVA AUTORENTING SA enpresearen eskaintzea onartzea, ondorengo kontratazinoa esleituz: Kontratu moetea: Bermeoko Udaleko Udaltzaingoaren erabilerarako FORD C-MAX ibilgailuaren hornidurea renting sistema bidez, baldintza plegu tekniko eta administratiboetara lotuta. Kontratu epea: Berrogeita zortzi (48) hilabete. Kontratuko kilometroak: 200.000 km. Kontratuaren Prezioa: 39.202,56€ gehi BEZ %21ari jagokozan 7.004,16€ Ordainketa erea: Hileroko kuota domiziliatua BBVAn. Kuotea: 988,23€ BEZ barru.

2014/02

10

Entregatzeko epea: 60 egun. BIGARRENA: Jagokon kontratu administratiboa sinatuko da esleipendunagaz. HIRUGARRENA: Erabagi hau, esleipendunari jakinarazo eta kontratugilearen profilean argitaratuko da. 7.- MERKATARITZA ESTABLEZIMENTUETAN ERROTULUAK EUSKERAZ IPINTEKO 2014. URTEKO DIRU-LAGUNTZA DEIALDIA. Alkate andreak azaldu dau aurten 1.000 euroko aurrekontua aurreikusten dala eta deialdi honen bidez urte osoan zehar egiten diran eskarietarako oinarriak onartu eta iragarriko dirala. Xedea Dendetako, tabernetako edo zerbitzu-enpresa txikietako errotuluak euskeraz ipinten dauenari diru-laguntzea emoteko modua arautzea. Argudioak Lehenengoa: Udalerriko hizkuntza paisajean merkataritza establezimentuetako errotulazinoa elementu garrantzitsua da hizkuntzea zabaltzeko eta indartzeko. Bigarrena: Horixe sustatzearren, Bermeoko Udalak laguntzak emoten dauz, merkataritza establezimentuetan errotuluak euskeraz ipinteko eta urteko deialdia zabaldu behar dau, 38/2003 Legeak xedatzen dauenaren arabera. Horretarako, 2014. urteko Euskera Sailaren aurrekontuan, 1.000 euroko partidea aurreikusita dago. Erabagia Goian aitatutako guztia kontutan hartuta, aho batez, honako hau erabagi dau Udal Osoko Bilkureak:

BAKARRA: Merkataritza establezimentuetan errotuluak euskeraz ipinteko 2014. urteko diru-laguntza deialdia onestea. Zenbatekoa: 1.000 euro.

2014/02

11

8.- LEA-ARTIBAIALDEKO HEDABIDEAK SL ENPRESEAGAZ LANKIDETZA HITZARMENA. Alkate andreak adierazo dau Hitza aldizkariaren bidez bertoko informazinoa euskeraz emoten dala bermatzen dala eta aurtengo diru-laguntzea 20.000 eurokoa izango dala. Xedea Hitzagaz hitzarmena sinatzea. Aurrekariak Bakarra: Lea-Artibaialdeko Hedabideak SLgaz, sinatuta egon zan hitzarmenaren iraunaldia igaz amaitu zanez, lankidetzea bultzatzeko, hitzarmen barri bat sinatu beharra dago.

Argudioak Lehenengoa: Lankidetzeagaz jarraitzea egoki ikusten da eta, ondorioz, ezinbestekoa da Lea-Artibaialdeko Hedabideak SLgaz lankidetza hitzarmen barri bat sinatzea. Bigarrena: Lankidetza honek suposatzen dauen gastuari aurre egiteko kontsignazino nahikoa dago. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: Hitzagaz lankidetza hitzarmena sinatzea eta alkate andrea ahalmentzea horretarako. Hitzarmenaren gastua danetara: 20.000,00€

9.- ITSUKI IRRATIAGAZ LANKIDETZA HITZARMENA.

Alkate andreak adierazo dau hitzarmen honen bidez irratian bertoko informazinoa euskeraz emotea bermatzen dala eta aurtengo diru-laguntza 18.000 eurokoa izango dala. Xedea Itsuki Irratiagaz hitzarmena sinatzea.

2014/02

12

Aurrekariak Bakarra: Itsuki Irratiagaz sinatuta egon zan hitzarmenaren iraunaldia igaz amaitu zanez, lankidetzea bultzatzeko, hitzarmen barri bat sinatu beharra dago. Argudioak Lehenengoa: Lankidetzeagaz jarraitzea egoki ikusten da eta, ondorioz, ezinbestekoa da Itsuki Irratiagaz lankidetza hitzarmen barri bat sinatzea. Bigarrena: Lankidetza honek suposatzen dauen gastuari aurre egiteko kontsignazino nahikoa dago. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak:

BAKARRA: Itsuki irratiagaz lankidetza hitzarmena sinatzea eta alkate andrea ahalmentzea horretarako. Hitzarmenaren gastua danetara: 18.000,00€ 10.- AZOKA AZPIKO APARKALEKUEN ERABILEREA ARAUTZEKO ORDENANTZEA HASIKERAZ ONARTZEA. Alkate andreak azoka azpiko aparkalekuen inguruko argibideak emon dauz eta adierazo dau Ordenantza honen bidez aparkalekuen funtzionamentua erregulatu gura dala. Xedea Azoka azpiko aparkalekuen erabilerea arautzeko ordenantzea hasikeraz onartzea. Aurrekariak Bakarra: 2014ko otsailaren 24ko Ogasun batzordean azoka azpiko aparkalekuen ordenantza proposamenaren aldeko erispena emon zan. Argudioak Bakarra: Ordenantzen onarpenari buruz, Toki Erregimenaren Testu Bateratua onartzen dauen 781/1986 EDLk, bere 56. artikuluan, hauxe jasoten dau: “La

aprobación de las Ordenanzas locales se ajustará al procedimiento establecido en el artículo 49 de la Ley 7/1985, de 2 de abril.

2014/02

13

Para la modificación de las Ordenanzas y Reglamentos deberán observarse los mismos trámites que para su aprobación.”

Eta Toki Erregimena arautzen dauen 7/1985 Oinarri Legeak, bere 49. Artikuluan, honakoa arautzen dau: “La aprobación de las Ordenanzas locales se ajustará

al siguiente procedimiento: a) Aprobación inicial por el Pleno. b) Información pública y audiencia a los interesados por el plazo mínimo de treinta días para la presentación de reclamaciones y sugerencias. c) Resolución de todas las reclamaciones y sugerencias presentadas dentro del plazo y aprobación definitiva por el Pleno. En el caso de que no se hubiera presentado ninguna reclamación o sugerencia, se entenderá definitivamente adoptado el acuerdo hasta entonces provisional”.

Beraz, Ordenantzearen onarpenerako eskumena Osoko Bilkureari jagoko eta aitatutako prozedurea jarraitu behar da horretarako. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: LEHENENGOA: Azoka azpiko aparkalekuen erabilerea arautzeko ordenantzea hasikeraz onartzea. BIGARRENA: Erabagi hau Bizkaiko Egunkari Ofizialean argitaratzea, 30 eguneko jendaurreko epea zabalduz. Epe honetan alegazinorik egongo ez balitz, Ordenantzea behin betiko onartuta geratuko litzateke.

11.- EZEZTATUTAKO DIRU-LAGUNTZA BATEN GANEKO ERREKURTSOA. Alkate andreak gaiaren inguruko argibideak emon dauz eta proposamena errekurtsoa ezeztatzea dala azaldu dau. Xedea Ezeztatutako diru-laguntza baten ganeko errekurtsoa. Aurrekariak Lehenengoa: 2013ko abenduaren 30ean, D.Z jaunak egindako Gizarte Beharrizan Larrialdietarako diru-laguntza eskaria ezeztatu zan aurrekontu faltagaitik. Bigarrena: 2014ko otsailaren 3an, D. Z jaunak erabagi honen aurrean errekurtsoa aurkeztu dau bere egoera ekonomikoa oso larria dala esanez.

2014/02

14

Argudioak Bakarra: Gizarte Larrialdietarako Laguntzak arautzen dauzan urtarrilaren 18ko 4/2011 Dekretua; abenduaren 23ko 18/2008 Legea, Herri Administrazinoen Araubide Juridikoaren eta Administrazio Prozedura Erkidearena; eta oro har eta batera aplikatu beharreko ganerako lege-arauen arabera, aurrekontu faltea ezezko erantzuna emoteko arrazoia da. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: D. Z jaunari ezeztatutako diru-laguntzearen ganeko errekurtsoa ezeztatzea. 12.- 52. ZENBAKIDUN ALKATETZEAREN DEKRETUA BERRESTEA. EUSKARA BIZIBERRITZEKO PLAN NAGUSIA: 2014-KO KUDEAKETA PLANA. Alkate andreak azaldu dau Plan Estrategikoa onartu zala eta orain datorrena urteko garapena dala. Behin berretsita Eusko Jaurlaritza eta Foru Aldundira bialdu behar dala adierazo dau.

Jarraian, 52. Alkatetzearen Dekretua, aho batez, berrestea erabagi dabe batzordekideek:

*52. Dekretua.

Xedea

2014ko Kudeaketa Plana onartzea. Aurrekariak Lehenengoa: Osoko Bilkurak 2012ko abenduaren 20an 2013-2017ko Plan Estrategikoari onespena emon eutson, Euskerearen Aholku batzordeak eta Euskera batzorde informatzaileak egindako proposamenaren arabera. Bigarrena: Euskera Sailak 2014ko Kudeaketa Plana prestatu dau, urteko ekintzakaz osotuta eta Euskera batzordean eztabaidatu eta ontzat emon da 2014ko urtarrilaren 29an.

2014/02

15

Argudioak Lehenengoa: Euskerea sustatzeko udalak egiten dauen lana Plan Estrategikoan jasoten da eta Kudeaketa Planen bidez urtez urte garatzen da. Bigarrena: Plan Estrategikoa tresna dinamikoa da, beharrizan barriak aintzat hartzeko eta urtez urte plana egokitzeko eta aberasteko aukerea emoten dauelako.

Erabagia

Goian aitatutako guztia kontuan hartuta, honako hau erabagi dot:

LEHENENGOA: 2014ko Kudeaketa Plana onestea. BIGARRENA: Hartutako erabagiaren barri emotea Eusko Jaurlaritzako Hizkuntza Politikarako Sailburuordetzako EBPNren Zerbitzuari eta Bizkaiko Foru Aldundiko Euskera Zuzendaritzari.

13.- EMAKUMEEN NAZINOARTEKO EGUNARI BURUZKO DEKLARAZINO INSTITUZIONALA. Alkate andreak punturik garrantzitsuenak azaldu dauz eta zer onartu gura dan irakurri dau. Adierazo dau martxoaren 8rako Erroxapek eta Sareginek antolatutako ekimenetan parte hartzeko deia egingo dala. Jarraian, Martiaren 8ko adierazpena, I. Eranskinean idatzita agertzen dan moduan, aho batez, onartzea erabagi dau Udal Osoko Bilkureak. 14.- HAURDUNALDIA BORONDATEZ ETETEARI BURUZKO LEGEAREN ALDAKETEARI BURUZ, EAJ-PNV UDAL TALDEAK AURKEZTUTAKO MOZINOA. Xabier Legarreta jaunak argibideak emon dauz eta jarraian mozinoa irakurri dau.

2014/02

16

Haurdunaldia borondatez eteteari buruzko legearen aldaketeari buruz, EAJ-PNV udal taldeak aurkeztutako mozinoa, II. eranskinean idatzita agertzen dan moduan irakurri ostean, aho batez, onartzea erabagi dau Udal Osoko Bilkureak. 15.- GANERAKO ORGANOEN KONTROLA.

Batzarkideek ez dabe ezelako gairik aurkeztu. Legarreta jaunak adierazo dau beste mozino bat aurkeztu gura izan dabela baina astirik ez dabela euki aurkezteko eta, ondorioz, Saharako Errepublikearen 38. urteurrena dala eta, Osoko Bilkura honetan irakurteko testu bat ekarri dauela. Jarraian testua irakurri dau. Alkate andreak, preminatasuna onartu ezkero, gai zerrendatik kanpo bozkatzeko proposamena egin dau eta batzarkideak ados agertu dira. Hori horrela, preminatasuna guztien aldeko botoagaz autortuta, eguneko gai zerrendatik kanpo, erabagi hau hartu da: 16.- SAHARAREN ALDEKO DEKLARAZINO INSTITUZIONALA, EAJ-PNV UDAL TALDEAK AURKEZTUTA. Sahararen aldeko deklarazino instituzionala, III. eranskinean idatzita agertzen dan moduan irakurri ostean, aho batez, onartzea erabagi dau Udal Osoko Bilkureak. 17.- ESKARIAK ETA ITAUNAK. Abaroa jaunak esan dau aurreko Osoko Bilkuran eskatu ebela saihesbidea dala eta batzorde edo lan talde bat sortzea eta astelehenean batzar bat egon zala, talde politiko biak, plataformako kideak eta arkitektoak egon zirana. Adierazo dau batzar horretan teknikarien aldetik argi geratu zala ez dala legezkoa Bizkaiko Foru Aldundiari egiteko eskatzen joatea eta, batzar horretan geratu zirala batzar bat eskatzeko Foru Aldundiari, teknikariakaz joateko. Hori horrela, bere taldeko kideren bat be batzar horretara joateko arazorik ete dagoan galdetu dau.

2014/02

17

Alkate andreak erantzun deutso arraunean batera egiteko bada baietz baina beste zer edo zer egiteko ezetz, eta egingo dabela berba. Abaroa jaunak esan dau urtenbide teknikoa konpartitzen dabela eta batzarra planteamentu tekniko horreen alde egiteko bada, eta ez politikoa, joan gurako leukela. Alkate andreak esan deutso egingo dabela berba eta zintzotasunagaz jokatzeko bada eta konpromisoa badago, bere erantzuna baiezkoa dala. Abaroa jaunak erantzun deutso zintzotasuna alde bietatik egon behar dala. Alkate andreak esan dau gorabeherak egon zirala eta hori ez dala. Amaya Gaztelu andreak galdetu deutso zintzotasuna zalantzan jartzen ete dauen. Alkate andreak erantzun deutso ez dala debate horretan sartuko. Gaztelu andreak esan dau berak alkatearena ez dauela zalantzan ipinten eta galdetu dau ea alkateak zergaitik ipinten dauen zalantzan eurena. Alkate andreak galdereari erantzun deutsola eta ez dala debatean sartuko errepikatu dau. Gaztelu andreak ez dauela erantzun esan deutso. Alkate andreak beste galderarik dagoan galdetu dau. Jon Iñaki Unanue jaunak portuko egoereari buruz galdetu dau. Alkate andreak erantzun dau Sailburuordeagaz egon dala berbetan eta biharko alerta laranjea dagoala, egoera larria aurreikusten dalako. Hori dala eta, kontuan hartzeko, “ronpeolas” zarratuta egongo dala azaldu dau. Obrei jagokenez azaldu dau hainbat erakundetako ordezkariak eta alkateak batzartu zirala Eusko Jaurlaritzan, egoera orokorrari errepasoa emoteko. Gero udalerri bakotxeko egingo dirala batzar honeek baina une honetan balorazinoak egiten eta nork erantzungo deutson gauza bakotxari adosten ari dirala esan dau, ezer ez geratzeko erantzun barik. Udal teknikariak be txostenak egiten ari dirala esan dau, portua bereziki kaltetua izan bada be, Aritzatxu, Harribolak, San Juan, e.a. be, kaltetuta dagozalako eta erantzuten joan behar dalako, batzuk lehenbailehen eta beste batzuk epe erdi eta luzera.

2014/02

18

Hurrengoko batzarrak lurraldeka egingo dirala esan dau. Adierazo dau be, gaur Bakion Itsasertz Mugarteko ordezkariakaz batzarra izan dabela eta adierazo deutsela Gipuzkoan eta Bizkaian zenbat gastatuko dan. Bermeora datorren astean etorriko dirala adierazo dabela esan dau. Eusko Jaurlaritzaren aldetik lehenengo “ronpeolas” konponduko dabela eta kaia eta Frantxunatxak konpontzeko proiektu ezbardinak aztertzen ari dirala informatu dabela esan dau. Lonjekaz batzarra gaur izan dala eta berdelan kanpaina hasten dala kontutan eduki dabela esan dau. Aseguruak eta Aseguruen Partzuergoa be, Eusko Jaurlaritza lez, badabilzala gaia lantzen esan dau. Adierazo dau, ahal dala, datorren asterako gura dala dana finkatuta itzi: kalte guztiak, erantzuleak, e.a. Agertu dau San Juan biotopoa izanda, Bizkaiko Foru Aldundiak lagunduko dauela uste dauela eta, Aritzatxuren kasuan be. San Juaneko egoereari buruz batzar berezi bat eskatu dala esan dau, turismoa, biotopoa, eta bestelako ikuspuntuak aztertzeko. Adierazo dau Talapeko eskaileren eskumena be zalantzan dagoala baina helburua dala ezer ez geratzea artatu barik, 2009ko tenporaltzatik konpondu barik egon diralako eta, konpontzen ez badira, txarragora egingo dabelako. Esan dau be, Talako bidean arrakalak dagozala aspalditik eta gero eta txarrago dagoala. Hori dala eta, esan dau, pentsa egin beharko dala zer egin, kosta guztiko errepasoa egin beharko litzakelako eta ondo mantendu, bestela gero eta txarrago egongo dalako. Pabimentua nahiko kaltetuta dagoala esan dau eta, obra esleitzeko prest egon diran arren, kamioiakaitik dana atzeratu dala esan dau, nahiz eta zulorik handienak tapa egingo diran. Esan dau, lehen artatu ez dana ez dala itziko orain artatu barik, nahiz eta dana dirutzea izan. Gaztelu andreak adierazo dau aste honetako Ogasun batzordean faktura bat onartu dala, baleontziaren aseguruari jagokona, 31.000 euro ingurukoa eta horrek burura ekarri deutsola hainbat hilabetetan lotuta egon dana: egin behar zan proiektua. Esan dau langileak kaleratu zirala, proiekturik ez dagoala eta, ondorioz, etekinik be ez.

2014/02

19

Gogorarazo dau baleontziaren inguruko espediente bat egon zala eta horren kudeaketea zelan dagoan galdetu dau. Alkate andreak erantzun deutso horreen inguruko informazinoa Merkataritza, Sustapen eta Turismo batzordean emoten dala eta han galdetzeko eskatu deutso. Legarreta jaunak esan deutso Osoko Bilkuran be galdetzeko aukerea daukiela. Alkate andreak esan dau proiektuagaz lanean ari dirala eta oso luzea danez, batzordean teknikari eta zinegotziek hobeto azalduko dabela eta hobeto ulertuko dala. Gaztelu andreak espedienteari buruz be ari diranez galdetu dau eta alkate andreak baietz erantzun deutso. Eta aztertzeko gai gehiago barik, lehendakari andreak amaitutzat emon dau batzarra goiburukoan aitatutako ordu, egun eta leku berean, eta eztabaidatutakoa eta erabagitakoa jasota geratu daiten, nik, idazkariak, agiri hau egin eta izenpetzen dodanak, horren fede emoten dot, lehendakariaren oneritxiagaz. Agiri hau Euskal Autonomia Erkidegoko toki administrazinoko ........(e)tik .......(e)ra arteko zenbakidun papelean jaso da.