ISBN: 978-84-936802-6-8

Premiu “María Josefa Canellada”de Lliteratura Infantil y Xuvenil 2008

agua y maízArroz,

Berta Piñán

ilustráu por Elena Fernández

agua y maízArroz,

Berta Piñán

ilustráu por Elena Fernández

Promueve:Gobiernu del Principáu d’Asturies

Editen:Conseyería de Cultura y TurismuEditorial Pintar-Pintar

Primera edición: mayu de 2009

de los testos: Berta Piñán

de les ilustraciones:Elena Fernández

Imprime: G.Rigel, S.A. - AsturiasDepósitu de Llei: ISBN: 978-84-936802-6-8

Impreso na UE

Nun se permite la reproducción total nin parcial d’esti llibru,nin el so tratamientu informáticu, nin la tresmisión en nengunaforma nin por nengún mediu, yá seya ellectrónicu, mecánicu, por fotocopia, por rexistru o otros medios, ensin el permisupreviu y escritu de los titulares del copyright.

©

©

“A Santiago, Alfonso, Celia, Sofía, Andrés y la pequeña Jasmine. A Andrea y Alma. Por elles son tolos mios versos”.

Berta Piñán

“Pa mio ma, que m’enseñó a mirar”.

Elena Fernández

“...Nun cantes a la lluvia, poeta, fai que llueva”.

Anónimu Aymará

“Arroz, agua y maíz”, de Berta Piñán Suárez, ganó’l I Premiu “María Josefa Canellada” de Lliteratura Infantil y Xuvenil (añu 2008), que convoca la Conseyería de Cultura y Turismu del Gobiernu del Principáu d’Asturies.El xuráu, presidíu por Consuelo Vega Díaz, Directora Xeneral de Política Llingüística, taba formáu por Alejandro Vega Riego, Alonso Zamora Canellada, Severino Antuña, Ignacio Fonseca Alonso y María Xosé Rodríguez López, actuando como secretaria María Antonia Pedregal Montes.

Muriel, 11 años,Oaxaca, México.

Soi’l maíz, soi la panoya,tengo manes de simiente,el mio piel ye sal de tierra,los mios deos la pendiente.

Soi’l sucu de llabieguque va llabrando la sierrasoi la “tortita” na mesa,soi’l trabayu y la herba,los campos, la muchedume,soi quien te quita la pena.

Soi’l maíz, soi la panoya,tengo manes de simienteel mio piel ye sal de tierralos mios deos la pendiente.

Alex, 9 años,Chernóbil, Ucrania.

Perriba la ñeveDe dos en dos

Les güelgues de cuervesSol mi re do

Perriba la ñeveDe dos en dos

Pentagrama leveSol mi re do

Embaxo la ñeveDe dos en dos

Raíces y bulbosSol mi re do

Embaxo la ñeve,Dime si non

Primavera duermeSol mi re do.

Tengo atopao neños y neñes en toles partes del mundu onde anduvi. A veces, namás crucié un instante coles sos miraes, otres, senté al par suyo y compartimos una naranxa, una fotografía, un dibuxu o unes palabres. Nos llugares más duros o castigaos pola fame, la guerra o la inxusticia, la so manera de tar y de mirar el mundu cásique siempre consiguió deprendeme dalguna cosa. A elles y a ellos quixi dar voz nestos versos, a les sos inquietudes, a los sos mieos, a los sos deseos, a les sos esperances. Tamién, n’ocasiones, quixi rindir un pequeñu homenaxe a les formes y tradiciones poétiques que les sos cultures y llingües representen, dende la oralidá de tantos pueblos del mundu que tan bien-y cuadra al xuegu infantil, hasta dalgunes formes de la tradición culta tamién mui antigües, como los haikus japoneses. Otros poemes reproducen fórmules y modos de la poesía contemporania más cercana que tomo en préstamu nesti xuegu de voces y ecos.

Epílogu.

BERTA PIÑÁN Ellí mesmo cuerre un ríu y xunto al ríu hai un pueblu y nesi pueblu un xardín y nel xardín una casa y nesa casa nací yo recién antamaba la primavera de 1963. Por eso los mios versos lleven siempre un ríu dientro y arrastren agua y madera, piedres y herba. Ellí mesmo, xunto al ríu Sella, na aldea de Cañu, nuna casa grande de piedra, lleí con sorpresa les mios primeres palabres y yá pa siempre quedé empapada de tinta y papel.

ELENA FERNÁNDEZ Madrid, 1967. Ye llicenciada en Bellas Artes pola Universidá Complutense de Madrid nes especialidaes de Pintura y Grabáu.Ye ma d’un neñu de cuatro añosy profesora d’Educación plástica y visual nun institutu d’Avilés. La so producción artística ta basada principalmente nel grabáu y na ilustración.