Boletín do Ceesg

2

Neste boletín: Tema do mes: VII Congreso Estatal de Educación Social. Sevilla 2016. Eva López.

CGCEES:

Conclusións do Congreso de Sevilla 2016.

O compromiso de Sevilla.

Actualidade:

Olladas dende a Educación Social.

Implicámonos nunha nova edición do Galisenior.

Presentación do libro de actas do I Encontro Luso-Galaico de Educación Social.

A diplomatura en Educación social ten recoñecido o nivel 2 do MECES. Que é isto e para

que serve?

Formación: 4ª Xornadas de Interpretación e Dinamización do Medio rural.

Aulas xurídicas para profesionais e estudantes de Educación Social.

A educación social e a peritaxe xudicial.

Formación con desconto para colexiadas e amigas. Formación externa.

Emprego

Grupos de traballo:

Fiadeiras: O Ceesg e Fiadeiras no mapa feminista de Compostela.

Informe da participación de Fiadeiras no Parlamento de Galicia.

Grupo de traballo de Saúde.

BloguES: 5 ideas clave para a educación dixital. Isaac Azor.

http://www.educadordemenores.es

Para ler e reflexionar: España. Un país de niños pobres. (Antonio Salvador Jiménez Hernández)

Qué fas ti pola Educación Social? Laura Vilaboy Romero.

Actuacións.

15 anos de historia. IV Congreso Estatal da Educadora e o Educador Social.

Os soños de todas. Tamén como agasallo.

Documentos profesionalizadores

Avisos

Boletín do Ceesg

Nº 102 - abril 2016

3

Mónica Serrano Soto Presidenta Colexiada nº 3795

Lito Prado Vicepresidente Área de Comunicación e Participación colexial Área de Acción Profesional Colexiado nº 3089

Maite Sío Docampo Secretaria Colexiada nº 3850

Alfonso Tembrás López Tesoureiro Área de Desenvolvemento Profesional Colexiado nº 0103

Daniel Alves Rivera Vogal Área de Acción Profesional Colexiado nº 3979

Antón Bouzas Álvarez Vogal Área de Acción Profesional Colexiado nº 0968

Beatriz Caneda Zamar Vogal Área de Desenvolvemento Profesional Colexiada nº 3901

Leticia Castro Torres Vogal Área de Desenvolvemento Profesional Colexiada nº 3892

Natalia Domínguez Galán Vogal Área de Desenvolvemento Profesional Colexiada nº 0398

Eva López Soto Vogal Área de Desenvolvemento Profesional Colexiada nº 0924

Andrea Maroñas Bermúdez Vogal Área de Comunicación e Participación colexial Colexiada nº 0118

Priscila Maximino Bento Vogal Área de Desenvolvemento Profesional Colexiada nº 3999

Belén Piñeiro Álvarez Vogal Área de Comunicación e Participación colexial Colexiada nº 3286

Eva Moldes Casal Vogal Área de Acción Profesional Colexiada nº 3195

Sofía Riveiro Olveira Vogal Área de Comunicación e Participación colexial Colexiada nº 3389

Laura Vilaboy Romero Vogal Área de Desenvolvemento Profesional Colexiada nº 3873

2015 - 2019

XUNTA DE GOBERNO

4

TEMA DO MES VII Congreso Estatal de Educación Social

Arredor de 650 persoas participamos en Sevilla no VII Congreso Estatal de

Educación Social, unha das citas máis importantes da profesión. Desde o 21

ao 23 de abril tivemos ocasión de encontrarnos en torno a un lema que

rezaba “A máis educación social, máis cidadanía”. E sobre estes dous

conceptos xiraron os diálogos dos catro eixos temáticos do Congreso:

Contribúe a educación social á construción da cidadanía e aos procesos de

transformación social que esixe o século XXI?

O estar da Educación Social.

Refacer a educación social para impulsar a construción da cidadanía e o

pensamento crítico na transformación social.

Revolucionando as emocións: formulando os malestares para propoñer

estratexias de mellora.

Penso que foi sentir xeral das aproximadamente 35 persoas que formamos a

representación galega no Congreso que os discursos xerados nestes eixos (re)

volveron mirar nos adentros da profesión como nos primeiros Congresos,

insistíndose en ideas como

“militancia da profesión”, “a

necesaria vocación”, .... Amén

de honrosas excepcións como

as do reitor honorario da

Universidade de Lisboa Antonio

Manuel Seixas Sampaio da

Novoa co que aprendemos o Algunhas/algúns das/os

congresistas procedentes de Galicia

Eva López Soto.

Referente do Ceesg na

organización do VII Congreso

Estatal de Educación Social.

Vogal do Ceesg.

Colexiada nº 0924.

5

termo de “capilaridade educativa”. Este profesor falounos de que estando

inmersas na terceira revolución tecnolóxica, cada vez máis os espazos

públicos escolares tenderían a saír dos espazos físicos para situarse nunha

rede de institucións e profesionais que conformarían os espazos educativos. A

nosa colexiada de honra, Ana Iglesias, membra do comité científico do

Congreso, tamén nos enorgulleceu coas súas verbas cando presentou a Marco

Marchioni, un dos grandes teórico-prácticos da intervención comunitaria,

unha palabriña que toda a educación social se esforza por sinalar como a nosa

ferramenta principal para construír esa cidadanía activa, política, e que

queremos encher de dereitos para que non sexa un concepto baleiro en

discursos demagóxicos na política do poder. O acto de agarimo e

recoñecemento a Marco Marchioni puxo un broche final e emotivo a un

Congreso que desatou o enfado de moitas persoas en relación aos recortados

espazos de debate, de encontro profesional e de participación fronte ao

demasiado extenso para os formatos comúns. As experiencias, as mesas, os

obradoiros e os espazos de reflexión si contribuíron á construción da

profesión, e aí estiveron as Fiadeiras, ocupando un espazo e un tempo

importantísimo do Congreso onde analizaron o programa desde a perspectiva

de xénero e puxeron de manifesto as desigualdades existentes, espazos e

tempos irrelevantes para as mulleres nunha profesión feminina e onde o

número de educadores presentes case nos igualaba. As comunicacións das

galegas Andrea Maroñas, Carmen Morán, Laura Cruz, María Barba, Naiara

González, Noelia Darriba,

foron moi aplaudidas e

serviron para propoñer

estratexias de abordaxe

desde a educación social

aos problemas da

cidadanía.

E como non podía ser

6

doutra maneira os extras do Congreso foron os que maior satisfacción

xeraron, o compartir mesas de xantar, o (re)encontro coas educadoras sociais

doutros territorios, as reflexións, as apertas e as risas anímannos a seguir

apostando por novos encontros profesionais, e aínda que quedan outros

antes, o VIII Congreso de Educación Social será en Aragón, así que… xa

podemos comezar a pensar. Agradecementos tamén a todo o equipo

organizador e científico polo seu grande traballo para que este evento saíse

adiante. Sabemos que as avaliacións serven para avanzar e desexámoslle ao

Colexio de Educadoras e Educadores Sociais de Aragón bo traballo e o noso

apoio para os próximos catro anos. Vémonos alí no 2020!!

Quixera rematar trasladándovos o acto que me pareceu máis intenso e

relevante, a entrega do Compromiso de Sevilla a un representante de cada

territorio. Por Galicia foi a colexiada e membra da xunta de goberno Andrea

Maroñas. Neste documento saliéntase o noso compromiso como profesión

para educar pola consecución dos dereitos humanos de todas as persoas,

“desde unha posición ética, respectando as decisións das persoas e xerando

contextos dialogantes para un pacto para a convivencia”.

Acto de entrega do “Compromiso de Sevilla”

7

CGCEES Conclusións do Congreso de Sevilla 2016

O pasado sábado 23 de abril tivo lugar en Sevilla a xornada de clausura do VII

Congreso Estatal de Educación Social, organizado polo Colexio Profesional de

Educadoras e Educadores Sociais de Andalucía xunto ao Consello Xeral de

Colexios de Educadoras e Educadores Sociais, onde se realizou a lectura das

conclusións e retos dos catro eixos-diálogos.

As conclusións e retos foron expostos nun diálogo final, xunto á intervención

maxistral de Marco Marchioni -traballador e investigador social, experto no

campo da intervención comunitaria e a participación-, que serviu de

inspiración ás e aos profesionais da Educación Social alí reunidas/os e as/os

insuflou de enerxía positiva animando a continuar na súa tarefa cotiá e

imprescindible de transformación social e que “se non fan política deixen de

chorimicar”, remarcando tamén

que "non se pode tolerar a

desigualdade desde os

primeiros anos de vida" e que

temos o deber de poñer a

infancia no centro de todo para

conseguir unha sociedade máis

xusta e igualitaria.

Ver as conclusións

Marco Marchioni e Marichu Cal-vo de Mora (vicepresidenta do

CGCEES) durante o acto de clau-sura do Congreso.

Final do acto de clausura, o público en pé aplaudindo a

Marco Marchioni

8

No acto de clausura do VII Congreso Estatal de Educación Social leuse o

Compromiso de Sevilla, froito do debate e participación dos dezaseis colexios

profesionais e a última asociación de educadoras e educadores sociais de

Cantabria, do Comité Científico, do Comité Organizador, e tamén de maneira

participativa coas e cos asistentes do VII Congreso.

Tras a súa lectura, chamouse a cada un dos colectivos de educadoras/es

presentes e foilles entregado o un pergamiño co texto do Compromiso de

Sevilla para que fose levado a cada un dos territorios. Un compromiso

colectivo.

COMPROMISO DE SEVILLA

O tránsito que vai desde o Congreso de Valencia á celebración do VII Congreso

de Educación Social de Sevilla, remítenos a tempos de cambio social e político.

Este Congreso puxo a énfase explicitamente na capacidade de xerar unhas

cidadanías centradas nos dereitos e nunha vida digna das persoas. Temos a

responsabilidade de colocar nunha certa centralidade o a compoñente de

utilidade social da acción das e dos profesionais da Educación Social. Este é o

noso compromiso para a transformación do noso contexto máis próximo,

exercer con profesionalidade e humildade aquilo que mellor sabemos facer: o

cambio social mediante a Educación Social.

Os diferentes actores, reunidos neste VII Congreso, interconectados polo

Dereito de cidadanía que é a Educación Social, e desde a promoción de valores

solidarios e a potenciación do pensamento crítico e autocrítico,

comprometémonos a:

O compromiso de Sevilla

9

Implicarnos na transformación social que se concrete de maneira

efectiva na implantación dos Dereitos Humanos e Sociais Fundamentais,

desenvolvendo a Educación Social, nas diferentes esferas ao longo da

vida das persoas, sendo estas as protagonistas das súas historias e da

Historia.

Esixir unhas políticas que creen contextos baseados en a xustiza social e

a igualdade, promovendo a mediación como proceso educativo que nos

empodera como persoas e como suxeitos activos da sociedade.

Incrementar a nosa presenza nos escenarios políticos e sociais

defendendo unhas políticas de benestar que permitan o pleno

desenvolvemento das persoas, renovando a maneira de facer a Política e

creando unhas relacións económicas que aseguren unha maior cohesión

social desde o respecto á dignidade de todas e de todos.

Loitar para conseguir institucións sensibles coas problemáticas sociais,

que aposten por políticas de prevención e pola promoción duns valores

solidarios.

Poñer no centro da nosa acción socioeducativa as persoas, os colectivos

e as contornas máis vulnerables da nosa sociedade, desde unha posición

ética, dando voz a a cidadanía e xerando contextos dialogantes e

participativos reais que posibiliten un novo pacto social para a

convivencia.

Compartir e transferir o coñecemento que se xera desde a reflexión

sobre a práctica creando espazos de confluencia con aqueles que teñen

o encargo social de formar ás e aos profesionais.

Revisar o noso modelo organizativo para dar resposta ás novas formas

de participación e ao noso compromiso social, baseado como mínimo

nos principios de solidariedade, xustiza social, igualdade e

transparencia.

10

Consolidar o desenvolvemento profesional das educadoras e dos

educadores sociais desde unha formación inicial que nos capacite para o

desenvolvemento das nosas funcións e desde unha formación

permanente que actualice as nosas capacidades de dar resposta aos

cambios sociais.

Construír un espazo profesional amplo que necesariamente se

complemente con outras disciplinas e perfís profesionais, que

desenvolvan melloras das condicións do exercicio profesional en

beneficio das persoas, dos colectivos e das comunidades coas que

traballamos, desde redes colaborativas entre os diferentes profesionais

de todos os ámbitos que conforman o Estado do benestar.

Promover a incorporación da educadora e do educador social nos

espazos de toma de decisións para influír no deseño e implementación

das políticas públicas.

As organizacións que representan nosa profesión orientaranse á mellora de

vida das cidadanías e difundir a utilidade social do exercicio profesional, sendo

un instrumento para o recoñecemento da Educación Social.

11

ACTUALIDADE Olladas dende a Educación Social

Chega unha nova edición, e xa imos pola terceira, do Concurso de fotografía

“Olladas dende a Educación Social”, cunha importante novidade, pois

amplíase a posibilidade de participación a todas as persoas colexiadas do

Ceesg, sumándose así ao estudantado, profesorado e PAS das universidades

galegas.

Este concurso de fotografía xurdiu no 2014 como iniciativa do PIC (Punto de

Información Colexial) da Universidade da Coruña, un grupo de dinamización

formado por alumnado voluntario do Grao en Educación Social cuxa

finalidade é crear un vínculo entre o Colexio de Educadoras e Educadores

Socias de Galicia (Ceesg) e o estudantado. Á segunda edición con concurso

sumáronse tamén os PIC da Universidade de Santiago e da Universidade de

Vigo (Campus de Ourense). Nesta terceira edición, o Ceesg toma o relevo

dunha iniciativa que une fotografía e educación social, coa finalidade de

inmortalizar en imaxes a nosa mirada socioeducativa da vida cotiá e da

contorna que nos rodea.

As bases prevén a posibilidade de participar enviando ata tres fotos (orixinais,

inéditas, realizadas por ti). Cada unha delas debe ir acompañada dun pé de

foto, que debe incluír o título da fotografía e unha pequena reflexión sobre a

imaxe. Moi pronto faremos públicas as bases de participación con todos os

detalles.

As persoa que resulte gañadora do concurso poderá participar de xeito

gratuíto noutro proxecto fotográfico do colexio: os soños do Ceesg.

12

Implicámonos nunha nova edición do Galisenior

GALISENIOR, Salón galego das persoas maiores é unha feira especialmente

dirixida ás persoas maiores, ás súas familias e a profesionais que traballan

neste sector.

Ten o obxectivo de conceptualizar a vellez como unha etapa máis da vida,

participando na sociedade, a través de todo tipo de actividades e da

aprendizaxe, coa colaboración das institucións públicas e privadas.

Configúrase tamén como un punto de encontro de profesionais do sector

xerontolóxico, a través das Xornadas Técnicas de Galisenior, que no 2016 se

desenvolverán seguindo os seguintes bloques temáticos:

Fraxilidade e envellecemento poboacional.

Nutrición e recomendacións dietéticas (pautas da Sociedade Española

de Nutrición).

Política social, servizos sociosanitarios e oportunidades empresariais ou

de emprendemento.

I+D+i aplicada ao envellecemento saudable.

Apoios técnicos.

O Ceesg forma parte do seu Comité Asesor, e o Geix terá un stand no salón e

participará en diversas actividades dentro do salón.

Será en Expourense os días 25 e 26 de maio.

Toda a información en www.galisenior.es

Actividades para maiores, na anterior edición da feira.

Unha das mesas da Xornada teécnica para profesionais, na que o Geix tivo alta presenza.

13

Presentación do Libro de Actas do

I Encontro Luso-Galaico de Educación Social

En marzo do 2015 tiña lugar en Vigo o I Encontro Luso-Galaico de Educación

Social, que organizamos xunto coa Asociação Proffisional de Técnicos

Superiores en Educação Social.

Démonos cita profesionais da Educación Social de máis acá e máis alá da raia,

tendo lugar un debate e reflexión que nos permitiu coñecernos máis e mellor,

crear vínculos de traballo común.

Temos agora xa por escrito todo o alí exposto, para quen non tivese

oportunidade de asistir, e a presentación oficial deste Libro de Actas ímola

facer en Pontevedra, previsiblemente no mes de maio. Será un acto aberto ao

público, polo que estade atentas, informaremos por aviso online do lugar e

data nos próximos días.

14

A diplomatura en Educación Social ten recoñecido o

nivel 2 do MECES. Que é isto e para que serve?

Hai xa uns meses á titulación de Diplomatura en Educación Social recoñecéuselle o Nivel 2 no Marco Español de Cualificacións para a Educación Superior (MECES).

Este nivel para a Educación Social recoñécese a través dunha resolución do Ministerio de Educación, Cultura e Deporte publicada no BOE casualmente o Día Mundial da Educación Social 2015 (2 de outubro), pero é no Real Decreto 967/2014, de 21 de novembro sobre homologacións e correspondencias onde se regula este aspecto.

Hai certa confusión sobre este recoñecemento de nivel, polo que recollemos a continuación algunhas cuestións básicas intentando aclarar as dúbidas máis frecuentes.

Que é o MECES?

A implantación do Espazo Europeo de Educación Superior (EEES) estableceu un marco de referencia académico aplicable a toda Europa, para poder determinar claramente o nivel das diferentes cualificacións académicas que se impartían en todos os países europeos. Este marco de referencia, chamado FQ-EHEA (The Framework for Qualifications of the European Higher Education Area) establecía catro niveis. Os países adheridos ao EEES debían implantar este marco, e en España materializouse co MECES (Marco Español de Cualificacións de Educación Superior), nos que os niveis académicos son:

Nivel 1. Técnica/o superior

Nivel 2. Grao

Nivel 3. Mestrado

Nivel 4. Doutoramento

Real Decreto 1027/2011, de 15 de julio, por el que se establece el Marco Español de Cualificaciones para la Educación Superior

15

Homologación, equivalencia, correspondencia…. son o mesmo?

Non. O RD 967/2014 regula todos estes procedementos, pero non son o mesmo.

A homologación e a equivalencia fan referencia a procesos que se poden aplicar a títulos ESTRANXEIROS.

A correspondencia fai referencia aos niveis do MECES para os títulos anteriores á implantación do EEES (como as diplomaturas)

Este recoñecemento, significa que as persoas diplomadas obteñen automáticamente o título de grao?

Non. É unha correspondencia de nivel, non unha homologación ou equipara-ción directa. As persoas que cursaron diplomatura seguen sendo diplomadas, non graduadas.

Entón, para que serve?

É unha aclaración destinada sobre todo ao ámbito europeo, onde diplomatu-ras/licenciaturas non existen, que determina a qué nivel formativo correspon-de a diplomatura en Educación Social. Así, quen cursase a carreira antes da implantación do EEES, non terá tantos problemas á hora de traballar ou com-plementar estudos noutros países.

En calquera caso, o recoñecemento de nivel non é válido para oposicións.

RD 967/2014, Disposición adicional oitava: “O previsto neste real decreto non resulta de aplicación ao réxime de titulacións esixible para o ingreso nas Administracións Públicas, que se rexerá, en todo caso, polo previsto na Lei 7/2007, de 12 de abril, do Estatuto Básico do Empregado Público, e o resto da súa normativa específica que resulte de aplicación.”

Que pasa coas persoas que fixeron ou están a facer cursos de adaptación (ou cursos ponte) ao grao?

Xa explicamos que o recoñecemento de nivel MECES non supón a equivalencia directa do grao. Polo tanto, quen realice un curso de adaptación ou curso ponte para obter o grao, si serán graduadas en Educación Social. Dito de outra forma: quen queira obter o título de grao terá que facer estes cursos ou os procedementos que estableza cada universidade.

16

Teño que ter algún título ou documento para demostrar que a miña diplomatura ten o nivel 2 de MECES?

Non. O artigo 27 do RD 967/2014 di que “A posesión do nivel MECES correspondente por titulado ou titulada quedará acreditada coa mera referencia da publicación no BOE, presentada de forma conxunta co título de que se trate”. Polo tanto, é innecesario solicitar unha certificación explícita.

Aínda así, o Ministerio habilitou a través da Sede Electrónica de Educación un procedemento polo cal unha persoa titulada pode solicitar e obter directamente un certificado de correspondencia ao nivel MECES. Como xa dixemos, isto supón un certificado de correspondencia, non un título oficial directo.

Quero ter un certificado da correspondencia do meu título. Que teño que facer?

Solicítase e obtense a través da Sede Electrónica de Educación (é imprescindible dispoñer de certificado ou DNI electrónico, ou acceso co sistema Cl@ve)

Convén sinalar que o número do título é o que se indica no diploma como Número de Registro Nacional de Títulos (non confundir co número de rexistro universitario) Se o título non ten número, marca o recadro no que se autoriza á consulta dos datos e a súa xestión segundo a normativa vixente (clic na lapela “Obtener correspondencia”), a continuación, en “formulario de incidencias”; cumprimenta os datos persoais, o nome do título que figura no diploma, a universidade que o expediu e a data de expedición, finalmente preme en “comunicar incidencia”. A unidade competente resolverá a incidencia e facilitará o certificado de correspondencia.

O prazo de solicitude está permanentemente aberto.

Consultas ou dúbidas sobre o procedemento deben dirixirse ao Ministerio de Educación a través das canles que pon a disposición:

Formulario de contacto https://www.educacion.gob.es/consultas-informacion/

Teléfono: 910 837 937

17

FORMACIÓN

O Ceesg colabora coa Asociación Carballo Vivo para a organización destas

xornadas, que pretenden contribuír a promover o interese pola cultura e

tradicións propias da parroquia de Carballo e do Concello de Friol, ademais de

supor unha oportunidade para analizar a situación do rural e poder coñecer

experiencias e estratexias que nos permitan contribuír a impulsar iniciativas

de desenvolvemento social e económico na nosa contorna.

Será os días 30 de abril, e 7 e 14 de maio no centro social da parroquia de

Carballo - Friol (antiga escola)

A xornada do 30 de abril xirou en torno á figura do lobo (experiencias

educativas, tradición oral asociada a el, a percepción do alumnado, e

proxectarase o filme “Entre lobos”). O 7 de maio estará centrado na saúde e

na alimentación; e o día 14 terá lugar unha homenaxe ao escritor Xerardo

Quintiá e un contacontos.

É unha actividade aberta a todos os públicos do concello de Friol, de todas as

idades e profesións. Todas as actividades son gratuítas excepto o xantar, para

o que hai que anotarse antes do 11 de maio no email

carballovivo@gmail.com.

Xornadas de Interpretación e Dinamización

do medio rural

18

Aulas xurídicas para estudantes e profesionais de

Educación Social

12 DE MAIO

Alfabetización xurídica. Como funciona a xustiza? (actrices/actores, leis, xurisdicións)

19 DE MAIO

Fundamentos básicos do dereito laboral.

26 DE MAIO

Fundamentos básicos do dereito administrativo.

2 DE XUÑO

Fundamentos básicos do dereito penal e penitenciario, Estatuto profesional dos /as Educadores/as.

Rúa Lisboa, 20, baixo.

Santiago. (Sede do Ceesg)

de 17:00 a 19:00

Inscricións en www.ceesg.org

ABERTO PRAZO DE INSCRICIÓN

No mes de maio comezaremos unha nova edición das Aulas xurídicas, nas que

o noso servizo xurídico, A Sensu Contrario, explicará nocións básicas para

comprender o sistema xudicial, afondando en cuestións que nos interesan

pola nosa profesión.

Serán catro sesións, dedicadas cada unha a un tema diferente, e hai a

posibilidade de inscrición en todas elas, ou ben en sesións soltas.

A inscrición para educadoras/es sociais colexiadas/as ou amigas/os do

Ceesg é gratuíta; outras persoas poderán asistir abonando unha cota de 5€

por sesión.

19

A actividade pericial consiste na valoración por parte de persoal experto

dunha determinada situación ou feito, que pode ser influinte para a decisión

xudicial, e pode ser empregado como proba nun xuízo.

A comezos de cada ano, os colexios profesionais envían a xulgados e tribunais

o listado de persoas dispostas a actuar como peritas/os, por se necesitan dos

seus servizos. Para formar parte desta listaxe de educadoras/es sociais

recomendamos encarecidamente ter unha formación básica previa, e algunha

experiencia profesional no ámbito socioeducativo. Consideramos

imprescindibles uns coñecementos básicos en canto á redacción de informes,

coñecer como funcionan os procedementos xudiciais, chamamentos e

incompatibilidades, como actuar durante un xuízo no caso de ter que

comparecer...

Esta formación básica organízase precisamente coa finalidade de comprender

e coñecer a actividade pericial por parte das educadoras/es sociais

interesadas nesta actividade.

Encargarase de impartilo a nosa asesoría xurídica, A Sensu Contrario.

Será en Ourense, nos locais das Asociacións Universitarias (Parque dos

Parrulos, tras o Edificio de Ferro, Facultade de Ciencias da Educación) o

vindeiro 28 de maio, en horario de 9:30 a 14:30.

Información detallada.

A educación social e a peritaxe xudicial

20

Formación de outras entidades

1º Congreso Internacional sobre as necesidades e dereitos da Infancia: como crecer valentes, confia-dos e confiables. A Coruña. 19 e 20 de maio. Asociación Xornalística, de Estudios e Comunicación (P-Estudio). www.congresoinfancia.es

Información detallada de

todas estas accións

formativas en

www.ceesg.org

21

EMPREGO

Profesor/a asociado/a. Santiago. Estas son as ofertas de

emprego publicadas o mes

pasado na web do Ceesg.

Para ver a información

completa e actualizada,

recorda consultar

frecuentemente a web do

Ceesg

Docente. Familia prof. servizos sociosanitarios. Arteixo.

Técnica/o de inclusión sociolaboral. Santiago.

Técnica/o dinamizador/a do plan de inclusión dixital. Betanzos.

Autor/a para manuais de certificado de profesionalidade. Pontevedra.

Técnica/o de intervención familiar. A Coruña.

Profesionais de apoio social para Oxdfordshire. Reino Unido. Selección en Vigo.

Corpos de profesorado de formación profesional e secundaria. Galicia.

22

Axente TIC. Arzúa.

Educador/a familiar. Cariño.

Educador/a familiar. Arzúa.

Formador/a titor/a para aprender traballando. A Coruña.

Técnica/o de intervención familiar. Vigo.

23

GRUPOS DE

TRABALLO

O Ceesg e Fiadeiras, no mapa feminista de Compostela

Dende hai uns meses, a Concellaría de Igualdade do Concello de Santiago está

a traballar no proxecto Compostela, territorio das mulleres. Dentro deste

proxecto estiveron incluídas diversas actuacións do 8 de marzo, entre as que

se encontra un mapa con perspectiva de xénero

de Compostela, que servirá por unha banda, para

poñer en valor lugares e espazos que teñen

relevancia no relato histórico das mulleres da

cidade e, por outra, apoiar e promover aos

axentes sociais e económicos que fan unha aposta

pola igualdade de oportunidades entre homes e

mulleres en Compostela.

O Ceesg e o seu grupo Fiadeiras estamos neste

mapa, que poderemos ver moi pronto.

Territorio de mulleres

@CompostelaTM

Informe da participación de Fiadeiras no Parlamento de Galicia

Despois da súa participación na Comisión non Permanente de estudo para a

Igualdade e para os Dereitos das Mulleres do Parlamento de Galicia, o pasado

2 de marzo, o grupo Fiadeiras presentou recentemente un informe sobre esta

comparecencia pública.

Descargar informe.

24

Grupo de traballo de Saúde

O vindeiro 6 de maio, na sede do Ceesg, está prevista unha reunión entre

varias persoas interesadas en crear un novo grupo de traballo centrado en

Educación Social e Saúde, que englobaría tamén o traballo de prevención e

intervención sobre o uso de drogas.

A xuntanza é aberta a quen lle interese, se te animas, pregamos confirmes

asistencia.

Lugar: Sede do Ceesg.

Rúa Lisboa, 20, baixo. Ver ubicación

Data: 6 de maio.

17:00 h.

25

BloguES 5 ideas clave para a educación dixital

Despois de dous días de reflexións en #formaredes aquí déixovos as miñas

ideas clave sobre o uso educativo das redes sociais como profesionais da

educación de menores.

Claro é que son conclusións persoais, e en que en cada ámbito de traballo

poden e serán distintas ou que á fin e ao cabo é o equipo educativo quen e

como decide que se debe de traballar neste campo das Tic e as redes sociais,

aínda un mundo por explorar pero ao que temos que empezar a ter menos

medo.

1. As redes sociais son os novos patios/rúas, a nosa presenza é necesaria.

É sinxelo. Non vin nunca un educador que mentres no patio ou na rúa os

menores xogan ou falan, el se atopa cara á parede e alleo ao que alí

ocorre.

É unha realidade que todos os menores están nas redes sociais e nós non

podemos permanecer alleos a iso, debemos entrar e compartir ese espazo

con eles, dándolle un uso educativo e transformador, tal e como fariamos

no patio. Sinxelo.

2. A cuestión non é se debemos usar ou non as redes, senón como

integralas como ferramenta educativa.

As discusións nos equipos educativos sobre se debemos usar ou non as

redes sociais son eternas, con mil posicionamentos ou teorías, pero se

partimos desde o punto 1, o debate non se atopa en se debemos ou non

usar as redes, o debate atópase en como debemos usalas para darlles un

uso educativo. Agora ben, a partir de aí podemos debater como as imos a

usar e de que maneira.

Isaac Azor

Educador Social

https://educadordemenores.com/

Educador de menores

@EducadorMenores

26

3. Relación por Whatsapp profesional ou persoal?

Outro eterno debate. Onde termina a implicación laboral ou onde chega

esta? Ben, eu penso que non debe de ser unha decisión persoal, senón de

equipo educativo. Se un menor me escribe un WhatsApp ás 23:30 , debo

contestalo? Primeiro, sentido común e segundo, debería ser decisión do

equipo educativo poñer límites neste tema. O ideal e o máis profesional,

segundo o meu criterio e escoitando as achegas dos meus compañeiros en

#formaredes, debería de haber un WhatsApp da entidade, onde se

centren todas as mensaxes, sendo un lugar “publico” para todo o equipo

educativo e onde o límite de horario se establece co horario laboral do

proxecto e dos seus profesionais. Ao día seguinte todo se pode solucionar,

seguro.

4. Debemos ser referente nas Redes Sociais.

Consideramos importante ser referentes dos menores na vida cotiá, Por

que non nas redes sociais? Xa o dixemos, as redes son os novos patios, as

novas rúas un novo espazo para as persoas. Por iso nós debemos de ser

referentes no bo uso das redes sociais, ensinándolles todas as vantaxes e

preocupacións que teñen as redes. Se ven que nós facemos un bo e

interesante uso das redes sociais, poderemos conseguir que eles tamén o

fagan, sendo referente en como manexar este novo espazo.

5. Un reto: Conectar aos desconectados.

As redes sociais son un novo espazo de normalización. É interesante poder

conectar aos desconectados sociais, para normalizar e non crear fenda

dixital. En moitos barrios de España lévase traballando desde hai tempo

este tema, ofrecer espazos de encontros dixitais para os máis

desfavorecidos.

Publicado en https://educadordemenores.com/ en outubro de 2015

27

PARA LER E

REFLEXIONAR

España. Un país de niños pobres (GEU editorial) Ano: 2015

Autor: Antonio Salvador Jiménez Hernández

Este libro non fai referencia exclusiva á pobreza económica,

senón que fala tamén de outros tipos de pobrezas, que son

invisibles e que igualmente padecen os nenos e nenas.

Neste libro podemos atopar as claves para salvar dun empo-

brecemento integral a moitos nenos e nenas.

Este é o libro oficial da Xira “España por la infancia”, que co

lema “Despertando conciencias, compartiendo responsabili-

dades” percorreu durante varios meses todas as provincias

españolas, coa finalidade de deseñar o Plan Estratéxico Espa-

ña pola Infancia.

Podes consultar esta publicación na

28

QUÉ FAS TI POLA

EDUCACIÓN SOCIAL

Dende ben pequena loitaba polos dereitos das persoas máis indefensas,

axudaba aos demais, analizaba todo con detalle, gustábame que se fixera

xustiza… Podo dicir que dende ben pequena tiña claro que a miña profesión

sería no eido do social; e podo dicir que son Educadora Social por vocación,

involúcrome no meu traballo, intento reciclarme profesionalmente, intento

fomentar as miñas relacións sociais con profesionais do ámbito social para

seguir tecendo redes e estar sempre “na onda” e actualizada.

Son coordinadora do grupo Geix, Grupo de estudos e investigación

xeragóxica, e vogal da Área de Formación da Xunta de Goberno do Ceesg.

Dende a miña colexiación, funme involucrando pouquiño a pouco no colexio

pois paréceme moi importante facer presente a profesión, loitar por ela e

defendela. Hai moito traballo por facer e temos que seguir a loitar por

facernos visibles en tódolos ámbitos nos que temos cabida profesionalmente,

e temos que unir forzas. E o Colexio é un bo “foro” para poder loitar pola

Educación Social.

A educación social pode aportar moito a nivel persoal e profesional, pois

crecemos como persoas, a educación vai con nós da man ao longo da nosa

vida, é transversal; e hai moitos colectivos, comunidades, suxeitos…

esperando a nosa intervención, que lles facilitemos información, orientemos,

facilitemos recursos, que lles ensinemos outras perspectivas e alternativas… A

través da educación social podemos axudar a crear suxeitos máis autocríticos,

con recursos e integrados na sociedade.

Son autónoma; debido á situación de crise que se está a vivir, dende o 2011

decidín traballar pola miña conta, tanto impartindo formación ocupacional e

Laura Vilaboy Romero

Educadora Social autónoma.

Vogal do Ceesg.

Colexiada nº 3873.

29

bonificada, como impartindo diferentes talleres de avellentamento activo,

coordinadora de campamentos urbanos, e como educadora social nunha

residencia de maiores. A situación laboral é moi complexa e hai que loitar nun

terreo onde existen moitos profesionais. Pero invito ao ánimo, ao

positivismo… temos que loitar polo que estudamos, pola nosa profesión, polo

noso traballo, pola sociedade que está á espera de profesionais coma nós

para realizar intervencións socioeducativas con éxito! E que sabemos traballar

en equipo! Sempre cos pes na terra, sendo obxectivos e analizando a

realidade. Unha vez escoitei: “non debemos ser pesimistas, senón optimistas

informados”, e creo que é unha boa premisa para tela en conta. Temos que

loitar polo que cremos. “A máis cidadanía, máis educación social”.

30

ACTUACIÓNS Achegas á normativa sobre os CIM Recentemente, dende o Ceesg, enviamos achegas ao Proxecto de

Decreto polo que se establecen os requisitos e o procedemento para o

recoñecemento, modificación e extinción dos centros de información á

muller. Propuxemos unha maior dotación de recursos humanos,

incorporando a figura da educadora social. Ademais, suxerimos unha

maior especialización do persoal, non sendo suficiente a formación

específica en materia de xénero que se recolle no proxecto.

Presentación da revista Galeduso en Santiago A Facultade de Ciencias da Educación acolleu a presentación do número 11

da revista Galeduso. Contamos para isto coa colaboración de Mª Carmen

Gutiérrez Moar, e de Celso F. Sanmartín, que publicaron sendos artigos na

revista, e con Sofía Riveiro, do consello de redacción. Este número 11 é un

número monográfico sobre educación social e persoas maiores, e estamos

xa traballando no seguinte número, que se centrará na historia da Educa-

ción Social organizada en Galicia. O 3 de maio faremos a presentación na

Universidade da Coruña.

Reclamacións sobre prazas convocadas nos concellos No mes de abril, interpuxemos recursos de reposición ás prazas de Auxiliar

de Animación Sociocultural do Concello de Lobeira, Auxiliar Administrativo

(con funcións de información xuvenil) do Concello de Xove (que foi desesti-

mado), técnico de servizos sociais do Concello de Miño, e educador/a fami-

liar dos Concellos de Cariño e Arzúa. Tamén recibimos notificación da deses-

timación do presentado á praza de Axente TIC en Burela e de Educador/a

familiar en Poio.

31

E tamén... Reunión da Comisión ética e de benestar profesional.

Inauguración da exposición Refuxiados sen Camiños.

Reunión da Plataforma ProCAPDOurense.

Reunión da Comisión específica de Regularización.

Reunión do Comité asesor do Galisenior.

Asemblea da Plataforma Feminista Galega—Ourense.

Reunións de traballo dos grupos aBeira e Escaravellan-do, así como da Área de Comunicación.

Xuntanza da Xunta de Goberno.

Reunión do Foro de Inmigración.

IV Congreso Internacional “A fenda dixital: TIC, NEAE, inclusión e equidade”.

Foro profesional de diálogo CEAVIGAL.

Participación no VII Congreso Estatal de Educa-ción Social.

Presentacións do libro “Machismos, de micro nada”, dentro da xornada Feminismos diversos(organizada pola Universidade de Santiago) e das IX Xornadas da abordaxe integral da violencia de xénero dende o ámbito local (organizada polo CIM de Ribadeo)

Realización de obradoiro dentro do VII Congreso Estatal de Educación Social (Fiadeiras).

Servizo xurídico do Ceesg, primeiro martes e ter-ceiro mércores de cada mes.

Asistencia ás II Xornadas de Atención á Diversi-dade, de Surgapa, en Vigo.

Participación na Asemblea do CGCEES.

Sesión presencial do curso sobre (Tran)sexualidade, infancia e intervención socio-educativa.

Asistencia e participación nas 4ª Xornadas de Interpretación e Dinamización do Medio Rural, organizadas pola Asociación Carballo Vivo, Friol.

Asistencia e participación no Congreso da Socie-dade Galega de Xerontoloxía e Xeriatría, como integrantes do Comité Organizador (Geix).

Reunión do Consello Galego de Benestar Social.

Asistencia á presentación do libro “Diseño de políticas sociales”, de Fernando Fantova, organi-zada polo Colexio Oficial de Psicoloxía de Galicia.

Adhesión á Plataforma ProCAPDOurense

Sumámonos á plataforma cidadá para a consecución en Ourense de

centros públicos e de xestión pública que atendan a persoas con

discapacidade, en especial, ás persoas maiores de 21 anos, e

participamos nas reunións mantidas neste mes. Nos últimos días,

publicouse en prensa o anuncio da creación dun centro deste tipo.

32

15 ANOS DE

HISTORIA IV Congreso Estatal da Educación Social. Santiago, 2004.

Acaba de celebrarse o VII Congreso Estatal de Educación Social. Antes de

Andalucía, outros seis territorios acolleron este evento, e foi en Galicia onde

tivo lugar a súa cuarta edición, organizada polo noso colexio profesional.

O Cesg e Asedes (Asociación Estatal de Educación Social) foron as entidades

encargadas de promover e organizar daquela cuarta edición, celebrada en

Santiago de Compostela do 30 de setembro ao 2 de outubro de 2004.

Os obxectivos fundamentais deste encontro, baixo o lema “Políticas

socioeducativas: Retos e propostas para o século XXI” eran:

Contribuír á realización dunha lectura política sobre a educación social e

unha lectura educativa sobre as políticas sociais a través da creación de

espazos de análise e reflexión sobre as relacións que rexen entre o

plano profesional e o político.

Suxerir pautas para orientar o marco normativo e lexislativo de cara á

mellora na calidade dos servizos e das prácticas das administracións

públicas e privadas.

Definir retos e propostas para as políticas socioeducativas no século XXI.

Durante máis dun ano traballouse na configuración do espazo científico

arredor de dúas conferencias, a presentación pública e oficial do Código

deontolóxico do educador e da educadora social, tres mesas redondas,

dezasete encontros por ámbitos, once grupos de traballo e outras actividades

lúdicas.

Entre as persoas encargadas das conferencias e relatorios: Cristina Almeida,

na conferencia inaugural, falando sobre educación igualitaria; Carmen

Cartaz do IV Congreso Estatal de Educación Social.

33

Sarmiento, que falou sobre xornalismo comprometido, ou Toni Juliá, naquel

momento responsable da Oficina Europea da AIEJI, que na clausura nos

emprazou ao Congreso Mundial de Educación Social que tería lugar ao ano

seguinte en Uruguay. Responsables políticos e técnicos de diferentes ámbitos,

xunto coa actividade dos “encontros por ámbitos” e os “grupos de traballo”

completaban o programa.

Entre os aspectos positivos, podemos destacar a colaboración de entidades,

tanto públicas como privadas, que achegaron financiamento, chegando a

acadar o 40% do gasto real do congreso. O resto dos gastos foron cubertos

coas inscricións dos congresistas xa que –outro dato positivo- as educadoras e

educadores sociais responderon moi ben en canto á participación. Foron en

total 490 profesionais procedentes de todo o territorio español, dos que 173

eran de Galicia.

Como aspecto menos positivo, a escasa atención dos medios de comunicación

a un evento de tal relevancia.

Como testemuño daquel evento queda

aínda a páxina web, para quen queira

esculcar no programa, comités,

comunicacións.... E tamén os libros e CDs

de actas que conteñen toda a

documentación xerada no congreso

(dispoñibles na biblioteca do Ceesg, para

quen non tivo oportunidade de estar no

congreso)

O remate do congreso non quedou

naquel 2 de outubro, senón que esas

conclusións, eses retos e propostas para

as políticas socioeducativas, foron

trasladadas a diferentes organismos,

O vestíbulo do Pazo de Congresos de Galicia, durante un dos

descansos.

Asistiron case 500 congresistas.

34

partidos políticos e administracións con responsabilidades na aplicación e

xestión de políticas socioeducativas.

Murcia, Madrid, Barcelona, Santiago, Toledo, Valencia e Sevilla xa acolleron as

citas profesionais máis importantes para a Educación Social. E moitas que nos

quedan. Próxima parada: Zaragoza 2020 (e aínda antes, no congreso

internacional, Brasil 2017).

35

“Os soños de todas” tamén pode ser un agasallo precioso. Que mellor maneira de celebrar un

aniversario agasallando cunha sesión de fotos “Os soños de todas”.

Moi pronto teremos os nosos paquetiños preparados para agasallar con soños e lembranzas.

Merillotes fotografía está traballando no deseño da tarxeta regalo coa Asociación Juan XXIII

adicada á formación e promoción integral das persoas con disCapacidade intelectual.

Informaremos en canto estean listas.

36

Principios deontolóxicos xerais Principio de respecto aos suxeitos da

acción socioeducativa

«O/A educador/a social actuará en interese

das persoas coas que traballa e respectará

a súa autonomía e liberdade»

DOCUMENTOS PROFESIONALIZADORES

37

AVISOS Colaboración co Boletín do Ceesg Podes enviarnos os teus artigos para publicar no Boletín do Ceesg. O prazo de envío é o día 20 de cada mes. A Área de Comunicación decidirá en cada caso se saen publicados, e resérvase o dereito a publicalos en boletíns posteriores. Todos os artigos se traducirán a galego ou castelán para publícalo en ambas linguas. Prégase axuntar fotografía do autor/a. Os artigos deben utilizar unha linguaxe non sexista.

38

Rúa Lisboa, 20, baixo C (Barrio das Fontiñas)

15707 Santiago de Compostela

ceesg.gal

Colexio de Educadoras e

Educadores Sociais de Galicia

@GaledusoCeesg

Boletín do Ceesg

http://fiadeirasceesg.blogaliza.org/

Fiadeiras Ceesg

Geix Ceesg

Escaravellando Grupo de

Infancia e Adolescencia

aBeira Ceesg

A Eira do Ceesg