Dohainiko antibirus programak
-
Upload
kzgunea -
Category
Technology
-
view
459 -
download
5
description
Transcript of Dohainiko antibirus programak
DOHAINIKO ANTIBIRUS PROGRAMAK
MEHATXU INFORMATIKOAK PREBENITZEA AVG
Existitzen diren mehatxu informatikoak ezagutu, ulertu eta
horietaz konsziente izatea.
Mehatxu informatikoen aurkako prebentzio-neurriak hartzen
ikastea.
AVG eta avast! Antivirus programen doaneko bertsioa
instalatzea eta erabiltzea.
DOHAINIKO ANTIBIRUS PROGRAMAK
2
Ikastaroaren edukia
1. Mehatxu informatikoak ........................................................................................ 4
1.1 Malwarea eta birus informatikoak ................................................................... 4
1.2 Jokaera ...................................................................................................... 4
1.3 Historia eta eboluzioa ................................................................................... 5
1.4 Kutsatzeko moduak ...................................................................................... 6
1.5 Sintomak .................................................................................................... 7
1.6 Egin dezaketena .......................................................................................... 7
2. Malware motak .................................................................................................... 9
2.1 Birusa ........................................................................................................ 9
2.2 Harra edo worm-a ........................................................................................ 9
2.3 Troiarra edo troiako zaldia ............................................................................ 9
2.4 Backdoor edo atzeko atea ........................................................................... 10
2.5 Rootkit ..................................................................................................... 10
2.6 Adwarea ................................................................................................... 10
2.7 Rogue softwarea ........................................................................................ 11
2.8 Spywarea ................................................................................................. 11
2.9 Dialer-a .................................................................................................... 11
2.10 Keylogger eta stealer-ak .......................................................................... 11
2.11 Bootnet-ak ............................................................................................. 12
2.12 Malwarea smartphone-tan (telefono adimendunak) ...................................... 12
2.13 Malwarea beste gailuetan ......................................................................... 13
3. Bestelako mehatxuak ......................................................................................... 14
3.1 Exploit-ak edo segurtasun-zuloak ................................................................. 14
3.2 Ingeniaritza soziala .................................................................................... 14
3.3 Phishing eta pharming ................................................................................ 14
3.4 Joke edo bromak ....................................................................................... 15
3.5 Hoak edo gezurrak ..................................................................................... 16
4. Segurtasun-gomendioak .................................................................................... 17
4.1 Ekipamendu informatikoa ............................................................................ 17
4.2 Posta elektronikoa ..................................................................................... 17
4.3 Nabigazioa eta internet ............................................................................... 18
DOHAINIKO ANTIBIRUS PROGRAMAK
3
4.4 Sare sozialak ............................................................................................. 18
4.5 Smartphone-ak eta telefono mugikorrak ....................................................... 18
5. Antibirusa .......................................................................................................... 19
5.1 Definizioa ................................................................................................. 19
5.2 Mahaigaineko antibirusa ............................................................................. 20
5.3 Online antibirusa ....................................................................................... 21
6. Avg Antivirus Free Edition .................................................................................. 22
6.1 Deskarga eta instalazioa ............................................................................. 22
6.2 Llizentzia aktibatzea ................................................................................... 28
6.3 Analisia .................................................................................................... 28
7. Avast! Free Edition ............................................................................................. 33
7.1 Deskarga eta instalazioa ............................................................................. 33
7.2 Lizentzia erregistratzea ............................................................................... 36
7.3 Analisia .................................................................................................... 39
8. Beste tresna erabilgarri batzuk eta informazio osagarria ................................... 45
8.1 Antibirusa osatzeko tresnak ......................................................................... 45
8.2 Internautaren segurtasun bulegoa ................................................................ 45
8.3 Infospyware .............................................................................................. 45
DOHAINIKO ANTIBIRUS PROGRAMAK
4
1. Mehatxu informatikoak
Geroz eta informazio gehiago darabilgu formatu digitalean eta geroz eta gailu gehiago
ditugu internetera konektatuta. Enpresetan lan-arriskuak prebenitzeko ikastaroak egiten
ditugun era berean, geroz eta garrantzi handiagoa du arrisku digitalen aurkako
prestakuntza. Kapitulu honetan mehatxu informatiko nagusiak, horien motak, historia eta
eboluzioa jorratuko ditugu.
1.1 MALWAREA ETA BIRUS INFORMATIKOAK
Malwarea (ingelesezko malicious software kontzeptutik) jabearen baimenik gabe
ordenagailu batera sartu eta kalteak eragiteko helburua duen software mota bat da. Birusak
malware mota bat dira, birus hitza jendartean malware mota guztiak izendatzeko erabiltzen
den arren (oker erabili ere).
1.2 JOKAERA
Malware eta birus informatikoek birus biologikoen antzera jokatu ohi dute. Hau da
prozesua:
Sisteman sartzen dira erabiltzaileen baimenik gabe.
Kalteak eragiten dituzte ekipamendu informatikoan edo informazioa lortzen dute
bertatik.
Beste ekipamendu informatikoetara hedatzen saiatzen dira.
Existitzen diren mehatxu informatikoak ezagutu, ulertu eta
horietaz konsziente izatea.
Mehatxu informatikoen aurkako prebentzio-neurriak hartzen
ikastea.
AVG eta avast! Antivirus programen doaneko bertsioa
instalatzea eta erabiltzea.
DOHAINIKO ANTIBIRUS PROGRAMAK
5
Prebentzioa da malwarearen aurka dugun antidotorik onena, behin kaltea eginda, zailagoa
baita sistema edo bertako informazioa guztiz berreskuratzea. Horretarako, babesteko
programak erabiliko ditugu, esaterako, antibirusa, su-ebakia, espioiena aurkakoak, etab.
1.3 HISTORIA ETA EBOLUZIOA
Lehen birus informatikoak unibertsitateko esperimentu, jolas edo gogaitzeko elementu gisa
sortu ziren, baina ez zuten zuzenean ekipamendu informatikoetan kalteak sortzeko helbururik.
Horrela bada, lehen birus informatikoak 70eko hamarkadakoak dira, oraindik ordenagailuak
asko erabiltzen ez ziren garaikoak. Lehen birus ezaguna Creeper (aihen-belarra) izan zen eta
mezu hau pantailan behin eta berriz errepikatzea besterik ez zuen egiten “Aihen-belarra bat
naiz… Harrapa nazazu ahal baduzu!” Horren aurka sortu zen lehen antibirusa, Reaper izenekoa
(segagailua).
80ko hamarkadatik aurrera hasi ziren birusak euren eragina handitzen eta, batez ere, 90eko
hamarkadan, ordenagailu pertsonalak arrunt bihurtzen hastean. Hala ere, motelago hedatzen
ziren, ordenagailuen artean informazioa igarotzeko modu bacará disketeak baitziren.
Hasiera batean, birus gehienen jokabidea sistema kutsatu izanaren zantzu argiak ematea zen,
euren sortzaileen bandalismoaren eta ospe-nahiaren erakusgarri gisa. Birusik ospetsuenetako bi
izan ziren “barrotes” eta “ping-pong”.
DOHAINIKO ANTIBIRUS PROGRAMAK
6
Gaur egun malwarea askoz ere azkarrago hedatzen da, batez ere, interneti esker. Gainera,
gaur egun birusek ez dute nabarmentasunik bilatzen, guztiz kontrakoa baizik: sisteman
ezkutatuta geratzeko xedea dute, erabiltzaileak kutsatuta dagoela jakin ez dezan.
Bestalde, sistema kaltetzea ez da jada euren xede bakarra; ekipamendu informatikotik
informazio garrantzitsua atera dezakete (pasahitzak, kreditu-txartelen zenbakiak, etab.) edo
ordenagailua erabili dezakete handik beste sistema batzuei erasotzeko.
1.4 KUTSATZEKO MODUAK
Geure ekipamendu informatikoarekin informazioa partekatzen dugun bakoitzean eta programa
edo osagarri ez-ofizialak instalatzen ditugun bakoitzean malware baten erasoa jasotzeko
arriskua dugu.
Internet
Posta elektronikoa
Malwarea duten web-orriak
Txata
P2P programak
Arakatzailerako osagarri edo “plugin-ak” instalatzea
Sare sozialetarako egiaztatu gabeko aplikazioak instalatzea
USB gailuak konektatzea (memoriak, argazki-kamerak, mugikorrak, etab.)
Cd / Dvd / Disketeak
Jatorrizkoa ez den edo egiaztatu gabe dagoen softwarea instalatzea.
DOHAINIKO ANTIBIRUS PROGRAMAK
7
1.5 SINTOMAK
Hauek dira malware batek gure ordenagailua kutsatzen duenean nabaritu ditzakegun
sintomak, besteak beste:
Sistema-fitxategiak edo bestelako fitxategiak gure baimenik gabe ezabatzea.
Akats-mezuak pantailan.
Sagua edo leihoak guk nahi gabe mugitzea.
Irekitzen ez diren programak edo automatikoki ixten direnak.
Arazoak interneteko konexioarekin edo konexio motela.
Geuk instalatu ez ditugun programak (adibidez, antibirus faltsuak) ordenagailuan
agertzea eta ordainketa bat eskatzea bertsio osoa instalatzeko.
Ordenagailua moteltzea, blokeatzea edo nahi gabe berrabiaraztea.
Nahi ez den publizitatea edo bat-bateko mezuak gure arakatzailean.
Sintoma horiek izateak ez du nahitaez esan nahi ordenagailuan malwarea dugunik.
Adibidez, gerta daiteke disko gogorra beteta izatea edo txartel grafikoa kaltetuta, eta horren
ondorio izatea ordenagailuaren funtzionamendu okerra. Baina beste kasu batzuetan are
arriskutsuagoa den zerbait gerta daiteke: jakin gabe kutsatuta egotea. Hori ekiditeko,
jatorrizko antibirus eguneratua izan behar dugu, jakinaren gainean jar gaitzan.
1.6 EGIN DEZAKETENA
Malwarearen arriskuaz ongi jabetzeko, gure ordenagailuaren segurtasunarekin axolagabe
jokatzeak ekarri ditzakeen ondorioak ezagutu beharra dago.
Malwareak izugarrizko abiaduran eboluzionatzen du eta etengabe ari da ordenagailuetan
edo internetera konektatutako bestelako gailuetan (mugikorrak, kontsolak, etab.) sartzeko
modu berrien bila Gainera, parte batetik hona ordenagailua kaltetzea baino, informazio
garrantzitsua eskuratzea edo trikimailuen bidez etekin ekonomikoak lortzea bilatzen du
malwareak.
Besteak beste, hauek egin ditzake malwareak:
Hasiera-, erregistro- edo abio-programetan ezkutuan eta guk jakin gabe
exekutatzea. Birus batzuk ia detektaezinak dira.
Arreta deitzeko jatorrizkoa dirudien programa baten bidez sartzea (adibidez, bideo
bat edo pdf bat) eta exekutatzean ordenagailua kutsatzea.
DOHAINIKO ANTIBIRUS PROGRAMAK
8
Internet bidez bere burua bidaltzea. Ordenagailuko informazioa beste lekuetara bidali
dezakeen programa bat instalatzea (SMTP posta-bezero ezkutu baten antzekoa).
Gure posta elektronikoko kontaktuen edo gure nabigazioaren informazioa jasotzea
gero SPAMa bidaltzeko (zabor-mezuak).
Ordenagailuan gorde diren pasahitzak edo gure bankura internet bidez sartzeko
gakoak biltzea postara eta bestelako zerbitzuetara sartzeko.
Internet bidez ordaintzeko erabiltzen dugun kreditu-txartelaren zenbakiak jasotzea.
Teklatuko kolpekadak eta beraz, ordenagailuan idazten duguna jasotzea eta
bidaltzea.
Publizitate-mezuen bidez zerbait (zerbitzu edo produkturen bat) erostera
gonbidatzea.
Gure banku-erakundearen hasiera-orria iruzurra egiteko beste batekin ordeztea.
Gurekin elkarrizketa hasi nahi duen kontaktu baten itxurak eginez, txat baten bidez
fitxategi kutsatua bidaltzea.
Gure ordenagailua zonbi gisa erabiltzea, hau da, beste ordenagailu bati (esaterako,
web-orri baten zerbitzaria) erasotzeko tarteko puntu gisa.
Gure routerreko ataka batzuk irekita uztea beste malwarea erraz sartu dadin.
Gure sare sozialean argitaratzen dugunari buruzko informazioa biltzea.
DOHAINIKO ANTIBIRUS PROGRAMAK
9
2. Malware motak Jarraian malware mota ohikoenetako batzuk zerrendatuko ditugu. Gaur egun existitzen
diren malwareetako asko mota askotakoak izan daitezke aldi berean, era desberdinean
jokatu dezakete exekutatzen diren unearen arabera edo erreplikatu ahala era askotan
kodetu daitezke (polimorfiko edo mutanteak).
2.1 BIRUSA Benetako programak kutsatzen ditu bere kodearen zati jakin batzuk programa horien
barrura kopiatuz; horrela, benetako fitxategia exekutatzean birusa ere exekutatzen da.
Programa edo fitxategia exekutatzea behar du aktibatzeko. Birusetako asko fitxategiaren
hasieran edo bukaeran itsasten dira. Iturburu-kodeari eragiten badiote, baliteke fitxategiak
ezin berreskuratzea.
2. kasuan fitxategiaren eduki osoa berreskuratzeko aukera genuke, kode gaiztoa hasieran
eta bukaeran itsatsi delako. Baina 3. kasuan iturburu-kodeari eragin dio eta beraz,
jatorrizko fitxategia ezin da berreskuratu.
2.2 HARRA EDO WORM-A
Ugaltzeko eta komunikazio-kanal bat edo gehiago erabiliz (posta elektronikoa, baliabide
partekatuak, txata, P2P, torrent…) bere burua oso bizkor bidaltzeko gaitasuna du. Sareetan da
bereziki arriskutsua, baliorik gabeko datu kopuru handiak bidalizkomunikazioa eten baitezake.
2.3 TROIARRA EDO TROIAKO ZALDIA
Benetako fitxategi baten itxura hartzen du erabiltzailea engainatzeko eta exekutatzean sistema
kutsatzen du. Adibidez, bideo batean edo beste programa baten serie-zenbakia bidegabe
lortzeko aplikazio baten barruan sartu daiteke. Aplikazioaren funtzioa hori baino ez dela eman
dezake, baina beste alde batetik malwarea instalatzea. Normalean sistemara sartu eta bertatik
informazio garrantzitsua biltzeko erabiltzen dira (pasahitzak, fitxategiak…).
DOHAINIKO ANTIBIRUS PROGRAMAK
10
2.4 BACKDOOR EDO ATZEKO ATEA
Kutsatutako sisteman segurtasun-zulo bat irekitzen du, hirugarrenek sisteman sartzeko
aukera izan dezaten. Horrela, ohiko autentikazio-mekanismoak ekiditen dituzte. Bigarren
plano batean geratzen dira.
2.5 ROOTKIT Sistema eragilea aldatzen dute eta malwarea ezkutatuta geratzen da. Fitxategi-
arakatzailean fitxategiak eta sistema-prozesuak ezkutatu ditzakete eta beraz,
ordenagailuaren kontrola hartzen dutenez, ia detektaezinak izaten dira. Malware
arriskutsuenen artean dago.
2.6 ADWAREA
Produktu edo zerbitzu desberdinen publizitatea bistaratzen du. Bat-bateko leihoetan edo
pantailako nahiz interneteko arakatzaileko barra batean agertu ohi dira. Batzuek Google-n
emaitza faltsuak txertatzeko gaitasuna dute. Hau da, benetako emaitzak erakutsi
beharrean, adwareari interesatzen zaizkionak erakusten ditu.
DOHAINIKO ANTIBIRUS PROGRAMAK
11
2.7 ROGUE SOFTWAREA
Normalean jada ordenagailuan instalatutako antibirus faltsu gisa agertzen diren programak
izaten dira eta mehatxu faltsuak detektatzen dituzte. Prozesu batzuk blokeatu ditzakete eta
gero ordenagailuko ustezko arazoak konpontzeko antibirus faltsuaren bertsio ordaindua
erostera gonbidatzen gaituzte.
2.8 SPYWAREA
Pertsona edo erakunde bati buruzko informazioa biltzen du, berak jakin gabe. Programa
hauen funtziorik arruntena da erabiltzaileen informazioa bildu eta publizitate-enpresen nahiz
interesatutako bestelako erakundeen artean banatzea. Esaterako, autoen munduko zaletuak
izan gaitezke eta spyware batek guri buruzko informazioa bildu dezake. Une jakin batean
gure posta helbidera auto modelo zehatz baten publizitatea iritsi dakiguke, guk aurretik
autoei buruzko informaziorik batere eskatu gabe. Badira publizitate-enpresei saltzeko
informazioa biltzen duten hacker-ak.
2.9 DIALER-A
Modem bidezko konexioetan baino ez da gertatzen (ez ADSL-an). Internet-hornitzaileari
egindako deia deskonektatu eta tarifa-gehigarria duen zenbakia markatzen du.
2.10 KEYLOGGER ETA STEALER-AK
DOHAINIKO ANTIBIRUS PROGRAMAK
12
Keylogger aplikazioen bidez teklatuan idazten ari garen guztia jaso eta bidali daiteke.
Askotan internet bidez erosten dugunean aktibatzeko programatzen dira, gure kreditu-
txartelaren zenbakia jasotzeko helburuarekin.
Aurreratuenek pantailako argazkiak atera eta bidali ditzakete, adibidez, internet bidezko
banku-kudeaketak egiteko dugun zenbakia asmatzeko.
Stealer aplikazioek ordenagailuan gordetako informazio pribatua lapurtzen dute (adibidez,
arakatzailean gordetako pasahitzak, postara sartzekoak, etab.).
2.11 BOOTNET-AK
Software ilegala instalatzean sartu ohi dira. Helburua ordenagailu asko urrunetik
kontrolatzea da (zonbi ordenagailuak), horiek baliatuz beste ordenagailuei erasotzeko edo
SPAM bidalketa masiboak egiteko.
2.12 MALWAREA SMARTPHONE-TAN (TELEFONO ADIMENDUNAK)
Telefono mugikorrek izan duten eboluzioaren ondoren, ia ordenagailu pertsonal baten
funtzionaltasun berberak dituzte gaur egun. Agenda, GPS-a, argazki kamera, Bluetooth-a,
Wifi-a, web-arakatzaileak, posta elektronikoa, sare sozialetarako sarbidea, aplikazioak,
bideo eta musika erreproduzitzaileak eta abar dituzte. Eta garrantzitsuena, datu pertsonal
asko biltzen dira horietan.
Teknologia horien erabilpenak gora egin duen hein berean egin dute gora gailu mota horien
aurkako mehatxuak. Hala ere, gutxitan izaten dute erabiltzaileek mehatxu horien berri.
DOHAINIKO ANTIBIRUS PROGRAMAK
13
Batez ere, segurtasun-sentsazio faltsua dago, normalean gailua soinean daramagunez
ezezagunen eskuetatik urrun dagoela uste baitugu. Horren ondorioz, oinarrizko segurtasun-
neurriak ahazten ditugu maiz. Smartphone-tarako pentsatutako malwarea bere hasierako
fasetik atera da jada. Hasiera batean SMS bidezko ekintzak ziren, erabiltzailea kostu
handiko “Premium” zerbitzuetara harpidetzeko.
Gaur egun, informazio pertsonala lapurtzeko joera dute malware horiek (agendako datuak
eta informazio pertsonala). Bestelako ekintzak ere bideratu ditzakete, hala nola, oharkabean
kostu handiko zerbitzuetara SMS-ak bidaltzea (malwarea bidaltzen duen pertsona izaten da
horien jabea). Beste malware batzuek banku-zerbitzuen phishing-a egin dezakete
mugikorraren bidez (geroz eta gehiago erabiltzen da). Gainera, malware horiek euren burua
SMS bidez bidaltzeko gaitasuna izateaz gain, internet edota Bluetooth-a ere baliatu
dezakete horretarako.
Horrez gain, Smartphone-en etengabeko eboluzioak aurrera jarraitzen duenez, malware
mota berriak ere sortuko dira. Adibidez, pertsona bat urrunetik lokalizatuta izateko bere
mugikorreko GPS-aren bidez. Orain arteko eraso gehienak Symbian plataformen aurkakoak
izan diren arren, IOs (Iphone) eta Android plataformek ere mehatxuak antzematen hasi
dira.
Hortaz, kontutan izan beharko genuke segurtasunari dagokionez, ordenagailu batek
bezainbeste informazio garrantzitsu edo gehiago duela Smartphone batek. Jada ez da
telefono soila bezala tratatu behar.
2.13 MALWAREA BESTE GAILUETAN
Malwarea informatikoak ez dire gailuetan ere sartzen da (telefono mugikorrez gain).
Adibidez, Stuxnet automatetan sartzen da eta industria prozesuak aldatu ditzake.
Bideokontsoletarako malwarea ere existitzen da, adibidez, online jokoen pasahitzak
lapurtzeko.
DOHAINIKO ANTIBIRUS PROGRAMAK
14
3. Bestelako mehatxuak
Malwareaz gain, badira beste mehatxu informatiko batzuk. Horietako batzuek segurtasun
informatikoaren kateko alerik ahulena dute helburu: erabiltzailea.
3.1 EXPLOIT-AK EDO SEGURTASUN-ZULOAK
Erabiltzen ditugun sistema eragileek eta programek gure ordenagailuari erasotzeko erabili
daitezkeen ahulguneak izan ditzakete batzuetan. Hortaz, oso garrantzitsua da uneoro gure
sistema eragilearen segurtasun-eguneratzeak deskargatzea eta instalatzea. Gauza bera egin
behar dugu beste programekin ere, adibidez, arakatzaileekin. Azken bertsioak interneten
nabigatzeko seguruagoak izaten dira beti.
3.2 INGENIARITZA SOZIALA
Internet bidez edo telefono mugikorraren bidez erabiltzailea engainatzean datza, datu
konfidentzialak eman edo diru kopurua bat ordaindu dezan. Normalean, erabiltzailearen
fede onean oinarritzen dira iruzur horiek, edo bere inozentzian. Askotarikoak izan daitezke
metodoak; ordenagailu bateko pasahitzak lortzeko sistema-administratzailearen plantak
egitea, diru kopuru jakin bat kontu zenbaki batean sartu arte kobratuko ez diren herentzien
berri ematen duten mezu elektronikoak, etab.
3.3 PHISHING ETA PHARMING
Phising-a da ingeniaritza soziala erabiliz gehien egiten den delituetako bat. Gure banku-
erakundearena omen den mezu faltsu bat jasotzen da eta bertan segurtasun arrazoiak
direla eta, gure kontu elektronikoa egiaztatzeko eskatzen zaigu. Horretarako, bankuaren
orrira (faltsua, baina benetakoaren identikoa) garamatzan esteka bat sakatu behar dugu,
eta orrian gure sarrera-gako osoa sartzeko eskatzen zaigu. Ez diegu inoiz mezu horiei
jaramonik egin behar, ezta datu horiek eskatzen dizkiguten deiei ere, banku-erakundeek
sekula ez baitizkigute kanal horien bidez eskatuko.
DOHAINIKO ANTIBIRUS PROGRAMAK
15
3.4 JOKE EDO BROMAK
Programa kaltegabeak dira eta gogaitzea edo broma bat egitea da euren helburua. Adibidez,
ordenagailuko eduki guztia ezabatzen ari direlako plantak egin ditzakete edo CD/DVDaren
sarrera etengabe itxi eta ireki. Ez dute arriskurik erabiltzaileak ez badu ezer egiten.
DOHAINIKO ANTIBIRUS PROGRAMAK
16
3.5 HOAK EDO GEZURRAK
Normalean katean edo birbidalita datozen mezu elektronikoak dira, zirkunstantziaren batez
ohartarazi eta erabiltzailearen esku-hartzea eskatzen dutenak. Baliozko helbide
elektronikoak biltzeko erabiltzen dira (geroago SPAM mezuak bidaltzeko), erabiltzaileak bere
pasahitzak erakutsi ditzan edo erabiltzaileak funtsezko sistema-fitxategiren bat ezabatzeko,
nahi gabe bere ordenagailua kaltetu dezan. Mezu horiek ez dira sekula birbidali behar eta ez
zaie kasurik egin behar. Adibidez, Hotmail itxiko dela dioen mezu bat jaso dezakegu, gure
helbide elektronikoarekin jarraitu nahi badugu, helbide jakin batera mezua bidali eta kopia
kontaktu guztiei helarazi behar diegula esaten diguna. Pertsona horrek baliozko milaka
helbide elektroniko lortuko ditu, gero, adibidez, SPAM-a bidaltzeko.
DOHAINIKO ANTIBIRUS PROGRAMAK
17
4. Segurtasun-gomendioak
Behin existitzen diren mehatxu informatikoak ezagututa, arriskuak minimizatzeko neurriak
hartu behar ditugu. Informatikan ezin digu inork segurtasun osoa %100ean bermatu, baina
jarraibide batzuei jaramon eginez arazo asko aurreztuko dugu. Kasu askotan
garrantzitsuena gure sen ona aplikatzea da.
4.1 EKIPAMENDU INFORMATIKOA
Jatorrizko antibirus eguneratua izatea. Aldizkako analisiak egitea.
Segurtasun-tresna osagarriak erabiltzea (anti-spy, etab.)
Sistema eragilea eguneratuta izatea segurtasun-eguneratzeen bidez.
Ordenagailuan gordetako datu garrantzitsuen segurtasun kopiak egitea aldizka.
Jatorrizko softwarea erabiltzea.
Pasahitz seguruak erabiltzea: zenbat eta luzeago eta konplexuago, hainbat eta
zailago izango da asmatzea. Ez dira post-it batean idatzi eta monitorean edo
teklatuaren azpian itsatsi behar.
Pertsona gonbidatuaren kontua erabili behar da (pribilegio murriztuekin) eta
administratzailearen kontua programak instalatzeko bakarrik erabili. Kontu
guztietarako pasahitz seguruak erabiltzea.
Wifi sare publiko batera konektatzean (pasahitzik gabekoa), besteek gure datuak
ikusi ditzakete eta beraz, hobe da informazio garrantzitsurik ez atzitzea sare
horietan.
4.2 POSTA ELEKTRONIKOA
Ez dira ezagutzen ez diren bidaltzaileengandik jasotako mezuak ireki behar eta
jaramonik ere ez zaie egin behar.
Jasotzen ditugun fitxategi erantsiak analizatu behar ditugu exekutatu aurretik.
Mezu elektroniko kopuru bat birbidaltzeko, sistemako fitxategiren bat ezabatzeko edo
gure banku-kontua egiaztatzeko eskatzen diguten mezuei jaramonik ez egitea.
Ikatz kopia ezkutua (BCC edo CCO) erabiltzea mezu bat jasotzaile bat baino
gehiagori bidaltzen diogunean.
DOHAINIKO ANTIBIRUS PROGRAMAK
18
4.3 NABIGAZIOA ETA INTERNET
Izan arakatzailea beti eguneratuta (Internet Explorer, Mozilla Firefox, Google
Chrome, Safari, Opera...) Ahal izanez gero, erabili beti azken bertsioa.
Programak euren orri ofizialetatik baino ez deskargatu.
Ez gorde pasahitzak zurea ez den ordenagailuetan (batez ere, ordenagailu
publikoetan). Itxi beti saioa zure posta elektronikoa, sare soziala, etab. bisitatzen
amaitzerakoan.
Internet bidez erosten baduzu, egiaztatu konexioa datuak edo kreditu-txartela
sartzerakoan (https).
On-line ordainketak egiteko, erabili zure kreditu-txartelari lotutako txartel birtual bat
edo ordainketak on-line egiteko baino balio ez duen, dirua mugatuta duen eta zure
kontuari lotuta dagoen kreditu-txartela.
Ez klikatu publizitate-banner susmagarrietan edo sariren bat irabazi dugula
diotenetan (normalean lehenago diru kopuru bat ordaintzeko edo kostu handiko
mezu bat bidaltzeko eskatuko digute).
P2P sareak erabiltzen baditugu, deskargatzen dugun guztia analizatu eta
partekatutako karpetari lehenetsitako izena aldatuko diogu. Birus askok programa
horiek erabiltzen dituzte hedatzeko.
Txatetan ez da datu konfidentzialik eman behar eta fitxategi susmagarriak ez dira
onartu behar. Ez dugu ezagutzen ez dugun pertsonarik onartu behar.
4.4 SARE SOZIALAK
Egiaztatu zure pribatutasun-ezarpenak jakiteko nork ikusi ditzakeen zure
argitalpenak.
Pentsatu argitaratu baino lehenago informazio horrek zein balio duen eta nork ikusi
ahal izango duen.
Ez dugu ezagutzen ez dugun pertsonarik atxiki behar.
Ez ditugu jatorri susmagarriko aplikazioak instalatu behar.
Erabili inork ezagutzen ez dituen pasahitz seguruak, inork zure profila lapurtzeko
aukera izan ez dezan.
4.5 SMARTPHONE-AK ETA TELEFONO MUGIKORRAK
Desaktibatu Bluetooth-a, Wifi-a eta infragorriak erabiliko ez dituzunean.
Konfiguratu gailua ezkutuko moduan, erasotzaileek antzeman ez dezaten.
DOHAINIKO ANTIBIRUS PROGRAMAK
19
Nahi ez dituzun edukiak transferitzea ekiditeko, ez onartu konexiorik ezagutzen ez
duzun gailuetatik.
Malwarearen aurka babesteko, instalatu antibirus bat eta izan ezazu eguneratuta.
Bidaltzaile ezezagunen SMS-ekin edo MMS-ekin ezikusiarena egin eta ezabatu itzazu,
potentzialki arriskutsuak diren deskargak egiteko estekak edo web-orrietarakoak
badituzte.
Aktibatu PIN bidezko sarbidea (Bluetooth-erako nahiz mugikorrerako), kodea
ezagutzen duenak baino ez erabiltzeko mugikorraren funtzionaltasunak.
Gailua galtzekotan, blokeatu SIM txartela ahalik eta azkarren, hirugarrenek gastuak
zure kontura kargatzea ekiditeko. Zure hornitzaileak telefono mugikorra blokeatu
ahal izateko izan beti eskura IMEI zenbakia (ekipamendu mugikorraren nazioarteko
identitatea). Ez baduzu gogoratzen, markatu mugikorrean kode hau.
Potentzialki gaiztoak diren programak sartzea eragoztea, ez deskargatu softwarerik
leku ez fidagarrietatik edo itxura susmagarria dutenetatik.
Instalatzen duzun softwarearen erabiltzaile-hitzarmenak irakurri nahi ez dituzun
osagaiak instalatuko direla ohartarazten duten egiaztatzeko (spywarea).
Konfiguratu Smartphonea aktibitaterik gabeko minutu batzuk igarotakoan blokeatu
dadin.
Izan sistema eragilea eguneratuta.
Egin informazioaren babes-kopiak.
Bereizi zure informazio pertsonala eta zure lanari edo enpresari buruzkoa.
Ez erabili Wifi sare publiko ez seguruak.
Informazio gehiago jasotzeko, bisitatu “Internautaren Segurtasun Bulegoa” web-gune
ofiziala: http://www.osi.es/ABC_Seguridad/Consejos_de_Seguridad/
5. Antibirusa
Gure ekipamendu informatikoaren segurtasunari dagokionez, tresnarik garrantzitsuena dira
antibirusak. Horien ezaugarri batzuk azalduko ditugu jarraian.
5.1 DEFINIZIOA
Birus informatikoak detektatu eta ezabatzeko diseinatu diren programa informatikoak dira
antibirusak. Denborak aurrera egin ahala eboluzionatzen joan dira eta gaur egun, birusez
gain bestelako malwarea ere detektatzen dute. Gainera, beste tresna batzuk integratuta
DOHAINIKO ANTIBIRUS PROGRAMAK
20
izaten dituzte, esaterako su-ebakia (ekipamenduak inetrnetera egiten dituen konexioen
kontrola), anti-spyware, anti-phishing, anti-spam, etab. Hortaz, segurtasun-soluzio osatua
dira.
Oso garrantzitsua da instalatuta dugun antibirusa jatorrizkoa izatea. Gure ordenagailuan
antibirus pirata instakatzen badugu, antibirusak berak malwarea izateko arriskua dugu eta
babestu beharko gintuzkeen tresnak segutasun arazo larria sortu dezake.
Bestalde, eguneratuta izatea ere funtsezkoa da. Gaur egun antibirus guztiak internetera
konektatzen dira azken mehatxuei aurre egiteko sinadurak deskargatu eta eguneratzeko.
Egunero edo ordu gutxiro eguneratzen dira. Antibirus enpresek milaka malware berri
jasotzen dituzte egunero eta 24 ordu dute gehienez antidotoa aurkitu eta bezeroen
antibirusak eguneratzeko. Hortaz, antibirusa eguneratuta izan ezean (berdin dio zein ona
den), milaka mehatxu berriren arriskua izango dugu batere babesik gabe.
Antibirus enpresek gure beharren arabera aukeratu beharko ditugun produktu desberdinak
eskaintzen dituzte. Soluzioetako batzuk ordenagailua noizbehinka erabiltzen duten
pertsonentzat pentsatu dira eta beste batzuk, maiz erabiltzen dutenentzat eta erosketak
internet bidez egiten dituztenentzat. Ditugun beharrei hobekien erantzuten dien produktua
aukeratu beharko dugu eta ordenagailu bat baino gehiago badugu, erosten dugun lizentzia
kopurua ere kontutan izan beharko dugu. Doaneko soluzioak guztiz funtzionalak dira, baina
normalean, ordaindu beharreko bertsioek baino murriztuago izaten dituzte ezaugarriak.
Enpresek euren burua ezagutarazteko estrategia gisa erabiltzen dituzte, geroago
ordaintzeko bertsioa aurkezteko. Bestalde, laguntza tekniko pertsonalizatua izaten dute
ordaintzeko bertsioek.
5.2 MAHAIGAINEKO ANTIBIRUSA
Mahaigaineko antibirusa ordenagailuan instalatzen den programa informatikoa da. Hasiera
batean behintzat, antibirus bakarra izan dezakegu instalatuta ordenagailu bakoitzean.
Bestela, ordenagailua motelduko luketen gatazkak gerta litezke.
Antibirusa aldatu nahi badugu, lehendik dugun antiburusa desinstalatu behar dugu hasteko
eta ondoren, antibirus berria instalatu.
Programa hauek aktibo izaten dira uneoro, normalean euren kabuz eguneratzen dira eta
erne geratzen dira. Mehatxuren bat detektatzen badute horren berri ematen digute,
normalean arriskuaz ohartarazten gaituen bat-bateko leiho baten bidez.
DOHAINIKO ANTIBIRUS PROGRAMAK
21
Duela urte batzuk, antibirusek nabarmenki moteldu zezaketen ordenagailua. Baina gaur
egun, antibirusek nahiz ordenagailuek eboluzionatu egin dute eta ondorioz, errendimendua
ez da hainbeste murrizten.
5.3 ONLINE ANTIBIRUSA
Online antibirusak aplikazio txiki baten (plugin) bidez instalatzen dira gure arakatzailean.
Mahaigaineko antibirusekin gertatu ez bezala, nahi beste izan ditzakegu aldi berean
instalaturik. Arakatzailearen bidez, mehatxu posible guztien analisia egingo da eta emaitzak
jakinaraziko zaizkigu.
Normalean, “bigarren iritzi” gisa erabiltzen dira, ordenagailua malwarez libre dagoela
egiaztatzeko, mahaigaineko antibirusa izan arren. Ez dira antibirus egoiliarrak, hau da, ez
gaituzte uneoro babesten eta analizatu arren, askok ez dute konponketarik egiten. Hortaz,
ezin ditugu gure ekipamendurako segurtasun neurri bakartzat erabili.
DOHAINIKO ANTIBIRUS PROGRAMAK
22
6. Avg Antivirus Free Edition
AVG Antivirus enpresak esperientzia handia du segurtasun informatikorako softwarearen
arloan. AVG Antivirus doaneko antibirusik ezagunenetakoa da, baita aintzatetsienetakoa
ere, funtzionaltasun osagarriak dituzten ordaintzeko soluzioak ere badituen arren.
Windows nahiz Linux plataformetarako eskuragarri dago.
6.1 DESKARGA ETA INSTALAZIOA
AVG antivirus deskargatzeko, hemen sartu behar dugu: "AVG antivirus Free Edition"
(http://free.avg.com/es-es/inicio) laukian agertzen den “deskargatu orain” botoia sakatu
beharko dugu.
Hurrengo pantailan “deskargatu” sakatu behar dugu, “doanekoa” zutabean.
DOHAINIKO ANTIBIRUS PROGRAMAK
23
Azkenik, “deskargatu” sakatu beharko dugu azken pantailan. Orduan, antibirusaren
instalazio-morroia gure ordenagailura deskargatzen hasiko da.
Behin guztiz deskargatuta, klik bikoitza egingo dugu fitxategian exekutatu dadin. Windows 7
sisteman baimena eskatuko zaigu exekutatzeko.
DOHAINIKO ANTIBIRUS PROGRAMAK
24
Behin exekutatuta, instalazioa hasiko da. Lehenik eta behin, Instalatu aurretik onartu behar
ditugun legezko baldintzak ageri dira. “Onartu” botoia sakatuko dugu.
Geroago “oinarrizko babesa” jartzen duen laukia aukeratuko dugu (doaneko antibirusa) eta
gero hurrengoa > sakatuko dugu. Babes osoaren aukerak ordaintzeko bertsioa probatzeko
aukera ematen digu, baina 30 egunez bakarrik.
DOHAINIKO ANTIBIRUS PROGRAMAK
25
Instalazio azkarra egiteko aukera hautatu eta hurrengoa > botoia sakatuko dugu. Instalazio
mota horren bidez aukerarik ohikoenak hautatzen dira berez.
Gainera, gure arakatzailean “Link Scanner” barra instalatzeko aukera dugu, web-gune
susmagarrien berri emango diguna eta funtzionaltasuna osagarriren bat ere baduena.
Aukerakoa da eta instalatzeko bere laukitxoa markatu behar dugu. Hurrengoa > sakatuko
dugu.
Instalazioa automatikoki hasiko da. Lehenik eta behin softweare osoa deskargatuko da eta
azkenik, instalatu egingo da. Instalazioan zehar prozesua ikusi dezakegu. Produktuaren
ezaugarriak jasotzen dituzten mezuak ere agertuz doaz.
DOHAINIKO ANTIBIRUS PROGRAMAK
26
Azkenik, programa guztiz instalatutakoan, programak “instalazioa zuzen egin da" adieraziko
digu. Inkesta txiki bat dago, baina ez da beharrezkoa betetzea. “Bukatu” botoia sakatzen
badugu, programa funtzionatzeko prest izango dugu.
DOHAINIKO ANTIBIRUS PROGRAMAK
27
DOHAINIKO ANTIBIRUS PROGRAMAK
28
6.2 LIZENTZIA AKTIBATZEA
Behin AVG Antivirus Free Edition instalatuta, lizentzia aktibatu behar dugu. Horretarako
Laguntza aukera hautatuko dugu goiko menuan eta geroago Aktibatu sakatuko dugu.
Gure datuak sartu eta “Aktibatu” sakatuko dugu. Horrela, antibirusaren doaneko harpidetza
aktibatzen da. Hurrengo pausoa birusen sinadurak eguneratzea da. Horretarako, ezkerreko
menuko “Eguneratu orain” sakatuko dugu. Goiko aldean “Babestuta zaude” oharra ikusiko
dugu; horrek esan nahi du azken sinadurak instalatuta ditugula eta beraz, birusen aurkako
babes maila gorena dugula.
6.3 ANALISIA
Analisi osoa egiteko, ezkerreko menuko “Analizatu orain” sakatu behar da, “Analizatu
ordenagailu osoa” botoia. Horrek bere denbora hartu dezake, ordenagailuaren arabera.
DOHAINIKO ANTIBIRUS PROGRAMAK
29
Behin analisia bukatuta, antibirusak aurkitu dituen mehatxuen berri emango digu. Ez badu
mehatxurik aurkitzen, horren berri ere emango digu. Gomendagarria da aldizkako analisiak
egitea gure ordenagailua malwarez garbi dagoela egiaztatzeko.
Baliteke beti ordenagailu osoa analizatu beharrean, fitxategi zehatz bat analizatu nahi
izatea, rootkit-ak bilatu nahi izatea edo analisi automatikoak programatzea. Aukera horiek
eskuratzeko “Analisi aukerak” saktu behar dugu. Analizatu fitxategiak edo karpetak
aukeraren bidez analizatu beharreko karpetak aukeratu ahal izango ditugu.
DOHAINIKO ANTIBIRUS PROGRAMAK
30
Analisi azkarra egiteko, adibidez, internetetik deskargatu berri dugun fitxategi baten
kasuan, saguaren eskuineko botoia klikatuz lasterbidea erakutsiko digu Windows
arakatzaileak. Fitxategiaren gainean jarri eta eskuineko botoiarekin “AVG-rekin analizatu”
sakatuko dugu. Ia antibirus guztiek dut funtzionaltasun hori.
Nahi izanez gero, aldizkako analisiak programatu ditzakegu eta horrela, ez dugu noizean
behin analisia egin behar dugula gogoratu beharrik izango, antibirusak automatikoki egingo
baitu, betiere, ordenagailua piztuta badago.
“Editatu analisiaren programazioa” saktuko dugu eta analisiaren maiztasuna hautatuko
dugu.
Ordenagailuen analizatzailea osagaia behin bakarrik erabili ahal izango dugu dohainik, baina
fragmentazio-analisia egingo du, erregistroarena, nahi ez diren fitxategiena, etab.
DOHAINIKO ANTIBIRUS PROGRAMAK
31
Antibirusa automatikoki eguneratzen den arren, sinaduren datu-basea edozein unetan
eguneratu ahal izango dugu ezkerreko menuan “Eguneratu orain” sakatuz. Eguneratze
berriren bat badago, programak jakinarazi egingo digu eta instalatuko da “Onartu”
sakatzean.
Tresna-barratik ere atzitu ditzakegu AVG Antivirus programaren oinarrizko aukerak,
pantailaren beheko aldeko eskuin aldean. Adibidez, interfazera sartu edo analisi azkarrak
egiteko.
DOHAINIKO ANTIBIRUS PROGRAMAK
32
DOHAINIKO ANTIBIRUS PROGRAMAK
33
7. Avast! Free Edition
Avast! Antibirus honek doaneko bertsioa du, baina erabilera pertsonalerako bakarrik
(merkataritza-erabilpenetarako ez). Avast! Free Edition programaren barruan antibirusam
antiespioia, antirootkit-a eta sarerako nahiz P2P programetarako babesa ditugu. Erregistratu
beharra dago produktuaren gakoa eta urtebeterako lizentzia lortzeko. Windows eta Mac
plataformetarako dago eskuragarri (azken bertsioa ordaintzekoa da).
7.1 DESKARGA ETA INSTALAZIOA
Avast! Free Edition deskargatzeko hona jo behar dugu: http://www.avast.com/es-es/free-
antivirus-download
“Free Antivirus” zutabean ageri den “Deskargatu” botoia
sakatu beharko dugu.
Ondoren "Ez, eskerrik asko, doaneko babesa nahi dut".
Deskarga automatikoki hasiko da. “Gorde” sakatu eta fitxategia guztiz deskargatu arte
itxarongo dugu.
DOHAINIKO ANTIBIRUS PROGRAMAK
34
Behin deskargatuta, fitxategia exekutatuko dugu instalazioa hasi dadin. Ziur aski,
segurtasun-oharra azalduko zaigu, baina “Exekutatu” sakatuko dugu.
Instalazioa hasterakoan Avast! Programak instalazio-hizkuntza aukeratzeko eskatuko digu.
“Gaztelania” aukeratu eta “Hurrengoa >” sakatuko dugu.
Aurrerago, avast! komunitatean parte hartu eta antibirusaren emaitzak era anonimoan
bidaltzeko aukera emango zaigu. Instalazio-aukera aurreratuak atzitzeko aukera ere
ematen digu. Instalazio arrunta egiteko, “Hurrengoa >” sakatzea baino ez dugu egin behar.
DOHAINIKO ANTIBIRUS PROGRAMAK
35
Programa instalatzen hasiko da orduan eta sistemaren analisi azkarra egingo du.
Dena zuzen joan bada, programak instalazioa
bukatu duela jakinaraziko digu. “Bukatu”
botoia sakatzea baino ez dugu egin behar.
Geroago, pantailaren beheko eskuin aldean
informazio-puxika aterako da eta bertan
klikatu beharko dugu Avast! antibirusa
erabiltzen hasteko.
DOHAINIKO ANTIBIRUS PROGRAMAK
36
7.2 LIZENTZIA ERREGISTRATZEA
Avast! Antivirus lehen aldiz erabiltzen dugunean produktua erregistratu eta urtebeterako
lizentzia aktibatu dezakegu. Lehenik eta behin “Erregistratu orain” aukera hautatu beharko
dugu Doaneko Erregsitroa menuan.
Antibirusaren inguruko gogobetetasun-inkesta ere bete dezakegu eta Avast! programa
twitter eta facebook-en dituen komunitateetarako estekak ere badaude.
DOHAINIKO ANTIBIRUS PROGRAMAK
37
Aurregao ordaintzeko bertsioa erosteko aukera emango zaigu. Baina doan erregistratzeko
“Geratu Avast! Free Antivirus-ekin” zutabean Erregistratu sakatu behar da.
Gure datuak sartu eta baliozko helbide elektronikoa emango dugu. “Erregistratu doaneko
lizentziarako” sakatuko dugu gero. Hori guztia eginda, antibirusa erregistratuta izango dugu
eta "Itxi" sakatuko dugu. Horrela, urtebetez izango dugu antibirusa erregistratuta.
DOHAINIKO ANTIBIRUS PROGRAMAK
38
“Mantentze-lanak > Erregistroa”
ezkerreko menuan gure antibirusa
urtebeterako erregistratuta dagoela
ikusiko dugu.
DOHAINIKO ANTIBIRUS PROGRAMAK
39
7.3 ANALISIA
Ezkerreko menuan, “Analizatu ordenagailua” aukeran, hainbat analisi mota egiteko aukera
dugu:
Analisi azkarra: Memoria eta disko gogorrak azkar analizatzen ditu.
Sistemaren analisi osoa: Azterketa sakona egiten du, baina motelagoa.
Unitate erauzgarrien analisia: Ordenagailura konektatutako kanpo-unitateak
analizatzen ditu.
Hautatutako karpeta baten analisia: Zehaztutako karpetak baino ez ditu analizatzen.
Analisia bukatzean, emaitzen berri emango zaigu eta malware motaren bat antzeman ote
den jakinaraziko zaigu.
DOHAINIKO ANTIBIRUS PROGRAMAK
40
Edozein analisi martxan dagoen bitartean, bigarren planoan utzi dezakegu antibirusa.
Pantailaren azpiko eskuin aldean ehunekoa adieraziko digun aurrerapen-barra agertuko da.
Windows-en arakatzailetik ere egin dezakegu analisia (adibidez, internetetik deskargatzen
ditugun fitxategietarako). Horretarako, saguaren eskuineko botoia sakatu beharko dugu
analizatu nahi dugun fitxategiaren gainean eta “Analizatu {fitxategiaren izena}"sakatu
beharko dugu.
Ezkerreko menuan, “Analizatu ordenagailua” aukeran, “Analizatu abiaraztean”
programatzeko aukera dugu: Horrela, antibirusak abiarazi aurretik analizatuko du
ordenagailua, abiaraztean exekutatzen den malwarea existitzen baita. Halaber, “Analisien
txostenak” ordenagailuan egindako analisien emaitzak erakusten dizkigu, data eta
emaitzekin.
“Dendora errealeko ezkutuek” uneoro babesten gaituzte
malwarea sartzetik. Atal bakoitzean hiru segurtasun-aukera
konfiguratu dezakegu:Ezkutuok honela banatzen dira:
Fitxategi-sistema
Posta elektronikoa
Web nabigazioa
P2P sareak
Berehalako mezularitza (txata)
Sarea
Script
DOHAINIKO ANTIBIRUS PROGRAMAK
41
Jokabideak
Ezkerreko menuan, “Babes osagarria” atalean, “Autosandbox” aurkituko dugu. Malwarea
izan lezaketen programak ingurune birtualean exekutatzeko aukera ematen digu, era
seguruan, kutsatuta egotekotan sistema kaltetzeko aukerarik izan ez dezaten.
“WebRep” arakatzailean instalatzen zaigun plugin bat da; web orrien ospea analizatu eta
susmagarriak diren esten digu.
"Blokeatu URLa" aukeraren bidez, aukeratu ditugun web-orriak ezin izango dira gure
ordenagailuan ireki.
DOHAINIKO ANTIBIRUS PROGRAMAK
42
Azkenik, ezkerreko menuan, “Mantentze-lanak” aukera ikusiko dugu, sinaduren datu-basea
eguneratzeko aukerak (internetera konektatuta egotean automatikoki eguneratzen da) eta
programaren aukerak. Avast antibirusaren ezaugarrietako bat da programa bere kabuz
eguneratzen dela azken bertsiora eta beraz, ez dela programaren bertsio berririk deskargatu
edo erosi behar.
"Motorea eta datu-basea eguneratzea" aukeraren bidez azken mehatxuen aurkako
sinadurak deskargatzen dira.
“Eguneratu programa” aukerak azken bertsioa deskargatzen du, bere hobekuntza guztiekin.
“Erregistroa” aukeraren bidez uneoro egiaztatu dezakegu gure erregistroaren egoera eta
iraungitzeko zenbat denbora geratzen zaigun. "Birusen kutxan" berrogeialdian ditugun
birusak ikusi ditzakegu.
Antibirusaren gainerako ezarpenak egiteko, goiko eskuin aldeko menuan sar gaitezke
“Aukerak” sakatuz.
Aukerak
Aukeretan antibirusaren ezarpen guztiak kudeatu ditzakegu. Adibidez,
programa automatikoki eguneratzea, soinuak, alertak, etab...
DOHAINIKO ANTIBIRUS PROGRAMAK
43
Avast! Ikonotik ere aukera azkarrak atzitu ditzakegu, sistemaren tresna-barran. Adibidez,
denbora batez desaktibatu dezakegu antibirusa.
DOHAINIKO ANTIBIRUS PROGRAMAK
44
DOHAINIKO ANTIBIRUS PROGRAMAK
45
8. Beste tresna erabilgarri batzuk eta informazio osagarria
Antibirusek mehatxu informatikoetatik babesten gaituzte, baina erabilgarri izan daitezkeen
beste tresna osagarri espezifiko batzuk ere badaude. Antibirusa osatzen dute tresna horiek.
8.1 ANTIBIRUSA OSATZEKO TRESNAK
Antispyware (espioien aurkakoak): Gure ordenagailuko informazioa lapurretatik
babesten dute.
Firewall (su-ebakia): Internet eta ordenagailuaren arteko komunikazioak
kontrolatzen dituzte.
G Data CloudSecurity: Internet Explorer eta Mozilla Firefox arakatzaileetarako plugin-
a da, gure antibirusa osatzen duena eta malwarea nahiz phishing-a duten orrietatik
babesten gaituena. Ez dio PC-aren errendimenduari eragiten. Dohainik deskargatu
daiteke web-orri honetan(https://www.free-cloudsecurity.com/es/): Karpetak
kodetzen dituzte, horietara sartzeko pasahitza beharrezkoa izan dadin.
Babes-kopiak: Gure babes-kopiak automatizatzeko programak.
Test-tresnak: Ordenagailuaren segurtasun-egoera egiaztatzen dute.
8.2 INTERNAUTAREN SEGURTASUN BULEGOA
Internautaren Segurtasun Bulegoa (http://www.osi.es/) Web-orri ofizialan segurtasun
informatikoari buruz ditugun ezagutzak jarri ditzakegu. Gainera, une bakoitzean jarraitu
beharreko gomendioak erraz azaltzen dizkigu.
Doaneko tresnak atalean, antibirusak osatzeko segurtasun-aplikazio osagarriak aurkituko
ditugu.
Edozein zalantza izatekotan, on-line eta telefono bidezko arreta dugu eskura.
8.3 INFOSPYWARE
Infospyware (http://www.infospyware.com/) Web-orriak segurtasun informatikoa du
helburu.
“Artikuluak” atalean segurtasunaren inguruko gomendioak eta artikuluak aurkituko ditugu.
DOHAINIKO ANTIBIRUS PROGRAMAK
46
“Programak” atalean gure ordenagailuaren segurtasuna hobetzen lagunduko digun softwarea
deskargatu dezakegu.