ESKOLA PRAKTIKAK 2 EUSKARAZ - unavarra.es · • Eskola praktiken urteko plana bete dadin...

ES

KO

LA P

RA

KT

IKA

K 2

NAFARROAKO UNIBERTSITATE PUBLIKOA

http://www.unavarra.es/fac-humanasysociales/otra-informacion/practicas

[email protected]

GIDA DIDAKTIKOA

2013/14 IKASTURTEA

Haur Hezkuntzako eta Lehen Hezkuntzako Graduak

GIZA ETA GIZARTE ZIENTZIEN FAKULTATEA

2

NAFARROAKO UNIBERTSITATE PUBLIKOA


ESKOLA-PRAKTIKAK 2 Gida didaktikoa

HAUR HEZKUNTZAKO ETA LEHEN HEZKUNTZAKO GRADUAK

IKASTURTEA: 2013-14

IZAERA: Kanpo praktikak

IRAKASGAIA: Aipameneko eta orotariko praktikak

IKASMAILA: 4.a

SEIHILEKOA: 7.a

Kreditu kopurua 15 ECTS

3

AURKIBIDEA

1.Irakasle Graduetako Eskola Praktikak ............ ............................................... 4

1.1. Aurretiko gogoetak eta Konfidentzialtasunezko Konpromisoa …… 4

1.2. Egitura …………………………………………………………………… 5

1.2.1. 2013/14 ikasturteko praktikak ………………............... ........ 5

1.2.2. Hiru praktika-aldiak ………………………............………… 6

1.3. “Eskola Praktikak 2” …………………..………….....……………… 6

1.4. Eskola praktiketan parte hartzen duten organis mo eta erakundeak…. 7

2. "Eskola praktikak 2" irakasgairako orientazioak ……..............................…… 8

2.1. Praktiken izaera eta antolaketa ………...........…………… ………. 8

2.2. Gaitasunak ………………………………………………………………. 10

2.3. Helburuak …………………………………………………………………….. 14

2.4. Koordinazioa eta tutoretza ……………………………………………..... 17

2.5. Ebaluazioa ………………………………………………………………….. 18

2.5.1. Aurkezpena ………………………………………………………. 18

2.5.2. Prozesuaren jarraipena …………………………………………. 18

2.5.3. Azken balorazioa eta kalifikazioa ………………………… ………. 19

2.5.4. Praktiketako txostena ………………………………………......… .. 19

2.5.5. Ebaluazioari buruzko azken gogoetak ……………... .........……. 21

2.6. Eskola asegurua ……………………………….……………………………….. 22

1. ERANSKINA: ESKOLA PRAKTIKEN EBALUAZIO-ORRIA..... ...................... 23

2. ERANSKINA: KONFIDENTZIALTASUNEZKO KONPROMISOA …… …....... 28

GIBEL SOLASA …….................................... ............................................. 30

4

IRAKASLETZA GRADUKO "ESKOLA PRAKTIKAK 2" IRAKASGAIAREN GIDA

1. Irakasle Graduko Eskola Praktikak 1.1. Aurretiko gogoetak eta Konfidentzialtasunezko Konpromisoa Ikasketa Plan guztietan, eskolako praktikak funtsezko elementua dira irakasleen hasierako prestakuntzan. Aldi hori dela eta, ikasleek aukera izaten dute ikastetxe batean beren lanbidean aritzeko, Fakultateko eta Ikastetxeetako praktika-tutoreek bideratutako jardueren bidez. Eskola praktikei esker, ikasleak alderatzen ditu graduko edo aipamenetako irakasgaietan emandako eduki teoriko-praktikoak, eta, halaber, irakasle lanbidean aritzeko behar den jakintza eta trebetasunak, hau da, alderatzen ditu ikasketetan aztertutako egoerak eta ikastetxe batean benetan gertatzen direnak. Horrenbestez, hausnarketa kritikoa eskatzen dio jakintzen eta trebetasunen bi mota hauei buruz, lanbidean egokitu ahal izateko; horretarako Ikastetxeko eta Fakultateko tutoreen laguntza behar du. Praktika-aldia modu bat da ikasleek uler dezaten irakaskuntza-ikaskuntza prozesuen konplexutasuna eta eskolako bizimoduaren dinamika. Aldi berean, egiten dituzten hausnarketek laguntza emango diete irizpide pertsonala eratzeko, erabaki didaktikoak hartzeari begira. Halaber, ikastetxean egon bitartean, irakasleen arteko lankidetzaren balioa antzeman dezakete. Bestalde, praktikek, irakasle lanbidean sarbideratzen dutenez ikaslea, aukera ona ematen diote frogatzeko asmatu ote duen lanbide aukeran edo beste lan baterako bidea hartu behar ote duen. Azkenik, praktiketako irakaslearen jarduera profesionalari esker ikasleei, irakasleei edo ikastetxeen barne-funtzionamenduari buruzko hainbat datu, sekretu profesionalak babestuta daudenak, ezagutuko dituzte Graduko gure ikasle askok. Gure ikasleek badakite legez behartuak daudela sekretu horiek isilpean gordetzera, Datuei buruzko legea betetzera eta beren lana profesionaltasunez eta diskrezioz egitera behartzen dituen Konfidentzialtasunezko Konpromisoa sinatzera. Konfidentzialtasunezko Konpromisoa dokumentua Irakasletzako praktikei buruz Fakultateak daukan web-orrialdean dago. http://www1.unavarra.es/fac-humanasysociales/otra-informacion/practicas.

Halaber, gida didaktiko honen bukaeran dokumentuaren kopia bat dago II.

Eranskinean. Izenburu hau du: "Konfidentzialtasunezko Konpromisoa".

5

Ikasleek dokumentuaren kopia bat aurkeztuko diote ikastetxeko zuzendaritzari, eta beste kopia bat Fakultateari, eta, nahi izanez gero, beren irakasle tutoreez baliatuko dira horretarako. 1.2. Egitura 1.2.1. 2013/14 ikasturteko praktikak. Aurten Irakasle Gradu eskola praktikak hiru alditan banatuko dira: Seihileko honetan Eskola Praktikak 2 garatuko dira, aipamenekoak izenaz ere ezagutzen direnak, (batez ere Hezkuntza Fisikoko, Musikako, Pedagogia Terapeutikoko, Frantseseko eta Ingeleseko aipamenei lotuak daudelako), baina orotariko prestakuntzako praktikak ere badituzte. Eskola Praktikak 2 izenekoek 15 ECTS dituzte eta bi hilabeteko iraupena. Irakasletzako 4. ikasmailan egiten dira. Hain zuzen, horiek dira orain antolatu behar direnak, urriaren 7an hasiko baitira. Udaberriko seihilekoan beste bi praktika-aldi egingo dira; horietako bat "Eskola Praktikak 1" izenekoei dagokiena. Praktikak hauek sozio-psikopedagogikoak dira, eta gure ikasleek ikastetxe batekin duten lehen harremana dira. 6 ECTS kreditu dituzte eta hiru asteko iraupena. Irakasletzako 2. ikasmailan egiten dira. Udaberriko seihileko horretan orotariko Eskola Praktikak VI egingo dira. 18 ECTS dituzte eta bi hilabete eta erdiko iraupena. Irakasletzako 4. ikasmailako ikasleek egiten dituzte praktika hauek. Hurrengo orrialdeko grafikoan praktikek zenbat denbora iraun zuten eta noiz egin ziren agertzen da.

6

1.2.2. Hiru praktika-aldiak

Eskola Praktikak 1 (2. urtea)



Iraupena Hiru aste. Aldia 2014ko urtarrilaren 27tik otsailaren 14ra Orientazioa Praktika sozio-psiko-pedagogikoak.

Iraupena Zortzi aste. Aldia 2013ko urriaren 7tik azaroaren 29ra arte. Orientazioa Aipamenekoa (Ingelesa, Frantsesa, Musika, Hezkuntza Fisikoa edo Pedagogia Terapeutikoa) eta/edo Orotariko Prestakuntza.

Iraupena Hamar aste. Aldia 2014ko otsailaren 17tik maiatzaren 9ra arte. Orientazioa Orotarikoak.

Testuinguru Ikastetxea Antolamendua 3- 5 ikasle.

Testuinguru Ikasgela Antolamendua Banakoa (praktikak beste ikasle batekin batera egiteko aukera dago)

Testuinguru Ikasgela Antolamendua Banakoa

Koordinazioa Ikastetxeetako zuzendaritzako arduradunak edo hauek eskuordetutako tutoreak.

Koordinazioa Irakaslea.

Koordinazioa Irakaslea.

1.3. Eskola Praktikak 2 Egun gutxi barru, urriaren 7an, "Eskola Praktikak 2" izenekoak hasiko dira eta pixkana aldatzen ari garen ikasketa planaren planteamenduari jarraituz egingo dira. Praktika hauek 15 ECTS kreditu dituzte eta bi hilabeteko iraupena, eta aipameneko aurreko praktikak (lehen hilabete batekoak) eta proiektu didaktiko zehatzen inguruan astebetez egiten ziren praktikak sartzen dira haien barruan. Batzuek zein besteak

7

elkartuta praktika-aldi luzeago bat (bi hilabete) lortu dugu, eta nahikoa denbora dugu bai aipameneko gaietan, bai orotarikoagoak diren gaietan sakontzeko. Beraz, praktika horiek aipamen bati, ikuspegi orotarikoagoa duen prestakuntza bati edo bi aukeren nahasketa bati lotuak egongo dira. Praktika hauetan oso ohikoa da irakasle tutore nahikorik ez izatea dugun ikasle kopuru handirako. Aipamen zehatz bati lotutako praktikak egin nahi dituzten ikasleen kopuruarekin alderatuta, txikiagoa da espezialisten kopurua ikastetxeetan. Kasu horretan, proposatzen dugun konponbidea da espezialista batek bi ikasle izatea, baina ez aldi berean nahitaez. Hau edo egoki jotzen den beste edozein neurri bereziki aipatzekoak dira Pedagogia Terapeutikoko aipameneko praktiketan, aipamen horretan ikastetxe sareko espezialista kopurua txikia baita. Bestalde, gure Fakultateko irakasle tutoreek aurkezten dituzten praktika proposamena zuen ikastetxeetako ordezkariekin eztabaidatu eta adostuko da gero (zuzendaria, ikasketa burua, irakasle tutoreak edo zuzendaritzak eskuordetutako pertsonak), halako eran non haur hezkuntzako eta lehen hezkuntzako gelan egiten diren lanak aldez aurretik adostu eta ikastetxeen oniritzia izango baitute. Unibertsitatea ez da ikastetxeen jardun esparruan sartuko bere proiektuak proposatuz, aurretiaz eskolei eta ikastetxeei aurkeztu gabe eta proiektuak beraiekin eztabaidatu eta adostu gabe. 1.4. Eskola praktiketan parte hartzen duten organis mo eta erakundeak Praktiken antolaketa konplexua da. Horregatik, Giza eta Gizarte Zientzien Fakultateak ezarri du organo kolegiatu eta lagun bakarreko hauek sortuko direla, eta jarraian azaltzen diren eskumenak izango dituztela: a) Jarraipen Batzordea Irakasle Graduko praktikak baldintza onenetan egiteko, hitzarmena sinatu zuten Nafarroako Gobernuaren Hezkuntza Departamentuak eta Nafarroako Unibertsitate Publikoak, eta hitzarmen hori gure web-orrialdean dago kontsultatzeko: http://www.unavarra.es/digitalAssets/180/180370_Convenio-Practicum-Magisterio-Cast.pdf Hitzarmen horretan ezartzen da eskola praktiken Zuzendaritza eta Jarraipen Batzordea sortuko dela. Batzorde hori osatzen dute Nafarroako Gobernuko Hezkuntza Saileko hiru ordezkarik eta Nafarroako Unibertsitate Publikoko beste hiru ordezkarik eta aldian behin biltzen da praktikak behar bezala egiten ari direla zaintzeko. b) Praktiketako irakasle arduraduna. Praktika, ikasle eta irakasleen ardura duen Irakasletzako dekanordeari dagokio kargua. Eginkizun hauek ditu:

8

• Eskola praktiken urteko plana bete dadin begiratzea. • Nafarroako Gobernuko Hezkuntza Departamentuarekin harremanetan egotea,

hitzarmena bete dadin begiratzeko. • Ikaspostuen banaketa ikastetxeka nola egin den gainbegiratzea. • Eskola praktiken esleipena ikastetxeei nola egiten den ikuskatzea. • Praktikak egitean ikasleek azaltzen dituzten kasu berezi guztiak ebaztea.

c) Fakultateko irakasle tutorea. Eginkizun hauek izango ditu:

• Praktika zentro moduan parte hartzen duen ikastetxearekin bilerak egitea, bai garatuko diren jarduerak adosteko, bai ikasgelako praktikak balioesteko.

• Aldian behin bilerak egitea praktika-ikasleekin, praktiken jarraipena egiteko eta

balioespena egiteko.

• Praktiketako txostena eta praktiketako mintegietan eskatzekoak diren lan edo jarraipen-egunerokoak balioestea.

d) Ikastetxeko irakasle tutorea. Sare konplexu honetan egiteko garrantzitsua dute ikastetxeetako zuzendaritza-taldeek eta irakasle tutoreek. Ikastetxeetako tutore edo zuzendaritza-taldeek eginkizun hauek dituzte:

• Fakultateko irakasle tutorearekin adostutako jardueren mandatuari ahozko edo idatzizko adostasuna ematea.

• Batera balioestea ikasgelan egindako praktiken emaitza.

• Aldian behin bilerak egitea praktika-ikasleekin, praktiken jarraipena egiteko eta balioespena egiteko.

2. "Eskola praktikak 2" irakasgairako orientazioak 2.1. Praktiken izaera eta antolaketa "Eskola Praktikak 2" izenekoak presentzialak eta nahitaezkoak dira, eta ikastetxera ez joatea, justifikatu egin behar da beti. Praktiken antolaketari dagokionez, bi talde nagusitan banatuak daude, eta talde bakoitza sei irakasgaitan banatzen da:

• Gradua Haur Hezkuntzako Irakasletzan

o 301740 EP 2: Orotariko prestakuntza o 301741 EP 2: Atzerriko Hizkuntza: Ingelesa o 301742 EP 2: Atzerriko Hizkuntza: Frantsesa o 301743 EP 2: Musika o 301744 EP 2: Gorputz Heziketa o 301745 EP 2: Pedagogia Terapeutikoa

9

• Lehen Hezkuntzako Irakasle Gradua

o 302740 EP 2: Prestakuntza osagarria o 302741 EP 2: Atzerriko Hizkuntza: Ingelesa o 302740 EP 2: Atzerriko Hizkuntza: Frantsesa o 302743 EP 2: Musika o 302744 EP 2: Gorputz Heziketa o 302745 EP 2: Pedagogia Terapeutikoa

"Eskola Praktikak 2" izenekoak lehengo eskola praktika hauek elkartzearen emaitza dira: "Eskola Praktikak III" (orotarikoak, aste batekoak, ikastetxean), "Eskola Praktikak IV" (orotarikoak, eta hauek ere aste batekoak) eta "Eskola Praktikak V" (aipamenekoak, hilabete batekoak). Beraz, "Eskola Praktikak 2" berriek aipameneko parte bat daukate (hilabete bat) eta orotariko parte bat daukate (gainerako hilabetea). Hala, Eskola Praktikak 2 berriak egiteko, "aipameneko" aurreko Eskola Praktikak V (hauei lotuak: Pedagogia Terapeutikoa, Ingelesa, Frantsesa, Gorputz Hezkuntza, Musika Hezkuntza eta Orotariko Prestakuntza) lehen aldi bakoitzean astebetez egiten ziren orotariko Eskola Praktikak III eta IV direlakoekin elkartu dira. Praktika hauen ezaugarri berriak direla-eta, ikastetxeetara joaten diren ikasleek ez dute nahitaez aipameneko lanak egiten egon beharko Eskola Praktikak 2 (V, IV, III) izenekoen aldi osoan, halako eran non praktiketako bi ikaslek beren aldia txandakatzeko aukera izango baitute. Hilabete bat aipameneko tutore batekin lan egingo dute eta beste hilabete bat orotariko tutore batekin, eta batzuek besteen tokia hartuko dute. Aipamen zehatz bati lotutako praktikak egin nahi dituzten ikasleen kopuruarekin alderatuta, litekeena da praktika hauetan txikiagoa izatea espezialisten kopurua. Kasu horretan, proposatzen dugun konponbidea da espezialista batek bi ikasle izatea, baina ez aldi berean nahitaez. Hau edo egoki jotzen den beste edozein neurri bereziki aipatzekoak dira Pedagogia Terapeutikoko aipameneko praktiketan, aipamen horretan ikastetxe sareko espezialista kopurua txikia baita.

10

2.2. Gaitasunak 2.2.1. Gaitasun orokorrak HAUR HEZKUNTZA GO6 Hizkuntzaren bilakaera ezagutzea lehen haurtzaroan, egon

daitezkeen disfuntzioak ezagutzea eta haren bilakaera egokia zaintzea. Eraginkortasunez aztertzea hizkuntzen ikasketa-egoerak testuinguru kulturaniztun eta eleaniztunetan. Ahoz eta idatziz azalpenak ematea eta adierazpen teknika desberdinen erabilera menderatzea.

GO7 Informazio eta komunikazioaren teknologiek hezkuntzan duten inplikazioa, eta bereziki telebistak lehen haurtzaroan duena.

GO8 Haurren dietetikaren eta higienearen hastapenak ezagutzea. Laguntza goiztiarraren hastapenak eta lehen haurtzaroko prozesu psikologikoak, ikaskuntza prozesuak eta nortasunaren eraikuntzari buruzkoak ulertzen laguntzen duten oinarri eta garapenak ezagutzea.

GO9 Lehen hezkuntzako ikastetxeen antolaketa eta bere funtzionamenduaren barruan sartzen diren jarduerak ezagutzea. Irakaslana hobetu eta bizi osoan zehar gertatzen diren aldaketa zientifiko, pedagogiko eta sozialetara egokitu behar dela onartzea.

GO10 Gurasoen orientatzaile gisa aritzea 0-6 urte bitarteko eperko familia hezkuntzari buruzko gaietan, eta ikasle bakoitzaren familiarekin nola familia guztiekin harremanak garatzeko gizarte-trebetasunak edukitzea.

GO11 Ikasgelako praktikei buruz gogoeta egitea, irakaskuntza berritu eta hobetzeko. Azturak eta trebetasunak eskuratzea ikasketa autonomo eta kooperatiborako, eta ikasleen artean sustatzea.

GO12 Gaurko gizartean hezkuntzaren funtzioa, aukerak eta mugak zeintzuk diren ulertzea, eta haur hezkuntzako ikastetxeak eta beren profesionalak ukitzen dituzten oinarrizko gaitasunak zeintzuk diren ulertzea. Ikastetxeetan aplikagarriak diren kalitatea hobetzeko ereduak ezagutzea.

LEHEN HEZKUNTZA GO1 Lehen Hezkuntzako curriculum-arloak, beren diziplinen arteko

harremanak eta ebaluazio irizpideak ezagutzea, baita dagozkien irakaskuntza eta ikasketa prozeduren inguruko ezagutza didaktikoen multzoa ere.

GO2 Irakaskuntza eta ikaskuntza prozesuak diseinatzea, planifikatzea eta ebaluatzea, banaka zein beste irakasle batzuekin eta ikastetxeko profesionalekin lankidetzan.

GO3 Eraginkortasunez aztertzea hizkuntzen ikasketa-egoerak testuinguru kulturaniztun eta eleaniztunetan. Eskola curriculumeko zientzia eta kultura eremuetako testuen irakurketa eta iruzkin kritikoa sustatzea.

GO4 Ikasteko espazioak dibertsitatearen testuinguruetan diseinatzea eta erregulatzea, arretaz hartuz, genero berdintasuna, ekitatea eta herritarren prestakuntzako balioen funtsa diren giza eskubideentzako errespetua eta sustapena.

11

GO5 Ikasgelan eta hortik kanpoan bizikidetza sustatzea, diziplina arazoak konpontzea eta gatazkak era baketsuan konpontzen laguntzea. Ikasle bakoitzaren ahalegina, konstantetasuna eta diziplina sustatzea eta balioestea.

GO6 Lehen hezkuntzako ikastetxeen antolaketa eta bere funtzionamenduaren barruan sartzen diren jarduera desberdinak ezagutzea. Ikasleekin eta beren familiekin tutoretza lanak eta orientazio lanak egitea, ikasleek dituzten hezkuntza-behar bereziak kontuan hartuz. Irakaslana hobetu eta bizi osoan zehar gertatzen diren aldaketa zientifiko, pedagogiko eta sozialetara egokitu behar dela onartzea.

GO7 Hezkuntza komunitateko eta inguruneko hainbat sektorerekin lankidetzan jardutea. Irakaskuntzaren eginkizun hezitzailea norbereganatzea, eta hiritartasun aktibo baterako heziketa demokratikoa sustatzea.

GO8 Harreman kritikoa eta autonomoa edukitzea, jakintzei, balioei eta gizarte erakunde publikoei eta pribatuei buruz.

GO9 Etorkizun jasangarria izateko norbanakoen eta gizartearen erantzukizuna balioestea.

GO10 Ikasgelako praktikei buruz gogoeta egitea, irakaskuntza berritu eta hobetzeko. Azturak eta trebetasunak eskuratzea ikasketa autonomo eta kooperatiboa ikasleen artean sustatzeko.

GO11 Informazioaren eta Komunikazioaren teknologiak ezagutzea eta ikasgelan aplikatzea. Ikasketetan, herritar prestakuntzan eta kultura aberastasunean laguntzen duen ikus-entzunezko informazioa aukeratzea.

GO12 Gaurko gizartean hezkuntzaren funtzioa, aukerak eta mugak zeintzuk diren ulertzea, eta haur hezkuntzako ikastetxeak eta beren profesionalak ukitzen dituzten oinarrizko gaitasunak zeintzuk diren ulertzea. Ikastetxeetan aplikagarriak diren kalitatea hobetzeko ereduak ezagutzea.

2.2.2. Gaitasun espezifikoak HAUR HEZKUNTZA GE1 Haur Hezkuntzaren helburuak, curriculum-edukiak, antolaketa,

metodologia eta ebaluazio-irizpideak ezagutzea. GE2 Lehen haurtzaroko ikasketak dimentsio kognitibo, emozional,

psikomotore eta bolitiboak batzen dituen ikuspegi globalizatzaile eta integratzaile batetik sustatzea.

GE3 Diseinatzea ikasteko espazioak dibertsitatearen, kulturaniztasunaren eta eleaniztasunaren testuinguruetan, arretaz hartuz ikasle bakoitzaren hezkuntza beharrak, genero berdintasuna, ekitatea eta giza eskubideentzako errespetua.

GE4 Ikaskuntzako eta eskola bizikidetzako testuinguruei buruz gogoeta egitea. Behaketa sistematikoa egiten jakitea, ongi egindako lana baliozkotzea, arauak onartzea eta besteak errespetatzea.

GE5 Ikasgelako praktikei buruz gogoeta egitea, berrikuntza sustatzeko. Azturak eta trebetasunak eskuratzea ikasketa autonomo eta

12

kooperatiboa ikasleen artean sustatzeko, eta kalitatea kudeatzeko ereduak ezagutzea.

GE6 Haurtzaroaren aldian hizkuntzak duen bilakaera ezagutzea eta egon daitezkeen disfuntzioak identifikatzea. Hizkuntzaren garapena sustatuko duten teknikak hartzea, ahoz eta idatziz azalpenak ematea eta adierazpen teknika desberdinak menderatzea.

GE7 Informazioaren eta komunikazioaren teknologiek hezkuntzan duten inplikazioa ezagutzea.

GE8 Arreta goiztiarraren funtsak, oinarrizko prozesu psikologikoen funtzionamendua, ikasketaren gakoak eta nortasunaren eraikuntza ezagutzea, eta higienearen eta dietetikaren funtsak haurtzaroan ezartzea.

GE9 Haur hezkuntzako ikastetxeen antolaketa ezagutzea, eta bere funtzionamendua, hezkuntza komunitatearen eta gizarte inguruaren sektore batzuen laguntzarekin.

GE10 Lankidetza, bizikidetza, motibazioa eta ikasteko nahia sustatzea, ikastetxeko proiektuetan aktiboki parte hartzea eta familiekiko harremanak zaintzea.

GE11 Harreman kritikoa eta autonomoa edukitzea, hezkuntzan inplikatutako jakintzei, balioei eta erakundeei buruz.

GE12 Era aktiboan antolatzea Lehen Hezkuntzakoak diren edukien irakaskuntza eta ikaskuntza prozesuak, gaitasunak garatzeko ikuspeg batetik.

LEHEN HEZKUNTZA GE1 Lehen Hezkuntzaren helburuak, curriculum-edukiak, arloen esanahia

eta antolaketa, metodologia eta ebaluazio-irizpideak ezagutzea. GE2 Irakaskuntza eta ikaskuntza prozesuak diseinatzea, planifikatzea eta

ebaluatzea, kontuan hartuz diziplina arteko eta diziplinako irizpideak, baita beste hainbat irizpide profesional ere.

GE3 Zientzia eta kultura eremuetako testuen irakurketa eta iruzkin kritikoa sustatzea. Ahoz eta idatziz azalpenak zuzen ematea, eta hizkuntzak dibertsitatearen testuinguruetan ikasteko teknikak menderatzea.

GE4 Ikasteko espazioak dibertsitatearen, kulturaniztasunaren eta testuinguruetan eta testuinguru eleanitzetan diseinatzea eta erregulatzea. Ikasle bakoitzaren hezkuntza beharrak, genero berdintasuna, ekitatea, begirunea eta giza eskubideak aintzat hartzea.

GE5 Eskola ikasketa eta bizikidetza testuinguruetan, arauen onarpenean, jarraikitasunean, norberaren diziplinan eta besteekiko begirunean sakontzea.

GE6 Lehen hezkuntzako ikastetxeen antolaketa ezagutzea, baita bere funtzionamendua ere, hezkuntza komunitatearen eta gizarte inguruaren sektore batzuen laguntzarekin.

GE7 Lankidetza, motibazioa eta ikasteko grina sustatzea, eta ikastetxeko proiektuetan aktiboki parte hartzea.

GE8 Harreman kritikoa eta autonomoa edukitzea, hezkuntzan inplikatutako jakintzei, balioei eta erakundeei buruz.

13

GE9 Azturak eta trebetasunak eskuratzea ikasketa autonomo eta kooperatiborako, ikasleek aktiboki parte har dezaten beren garapen sozial eta pertsonalean.

GE10 Ikasgelako praktikei buruz gogoeta egitea, irakaskuntza berritu eta hobetzeko, eta oinarrizko psikologia prozesuen funtzionamenduan, eredu pedagogikoetan eta aldiaren diziplina irizpideetan ezartzea.

GE11 Informazioaren eta komunikazioaren teknologiek hezkuntzan duten inplikazioa ezagutzea.

GE12 Era aktiboan antolatzea Lehen Hezkuntzakoak diren edukien irakaskuntza eta ikaskuntza prozesuak, gaitasunak garatzeko ikuspegi batetik. Kalitatea hobetzeko ereduak ezagutzea.

GE13 Ikasleekin eta beren familiekin tutoretza, orientazio eta gatazkak konpontzeko funtzioak betetzea. Ongi egindako lana baliozkotzen jakitea.

CE14 Aldaketa politiko, sozial eta pedagogikoen testuinguruan ezartzea irakaskuntza-ekintza, hezkuntza demokratikoa eta etorkizun iraunkorraren aldeko hiritar aktiboen garapena sustatzea.}

2.2.3. Zeharkako gaitasunak (NUPeko gradu guztietan) HAUR HEZKUNTZA ZG1 Ingelesez, frantsesez, alemanez edo italieraz Europako

Kontseiluaren "Hizkuntzen Erreferentziako Europako Esparru Komuna: ikaskuntza, irakaskuntza eta ebaluazioa"ren B1 mailako gaitasun linguistikoa erakustea.

ZG2 Gaztelaniaz, edo, hala badagokio, euskaraz Europako Kontseiluaren "Hizkuntzen Erreferentziako Europako Esparru Komuna: ikaskuntza, irakaskuntza eta ebaluazioa"ren C1 mailako gaitasun linguistikoa erakustea.

LEHEN HEZKUNTZA ZG1 Ingelesez, frantsesez, alemanez edo italieraz Europako

Kontseiluaren "Hizkuntzen Erreferentziako Europako Esparru Komuna: ikaskuntza, irakaskuntza eta ebaluazioa"ren B1 mailako gaitasun linguistikoa erakustea.

2. ZG Gaztelaniaz, edo, hala badagokio, euskaraz Europako Kontseiluaren "Hizkuntzen Erreferentziako Europako Esparru Komuna: ikaskuntza, irakaskuntza eta ebaluazioa"ren C1 mailako gaitasun linguistikoa erakustea.

14

2.3. Helburuak 2.3.1. Helburu espezifikoa "Eskola Praktikak V" izenekoen helburu operatibo espezifikoa da aipamenean hartutako ezagutzak praktikan jartzea, neurri batean edo osotasunean, edo bere garrantziagatik sakontasun handiagoarekin lantzea merezi duen alderdi zehatzen bat nabarmenduz. Ezagutzan sortzen duen toki gisa unibertsitatetik sortzen den zeinahi proposamen, ikastetxearekin berretsi eta adostu beharko da hezkuntza jarduera egiten den gunea den aldetik. Honenbestez, oso garrantzitsua da Fakultateko irakasle tutoreak gelako errealitatea eta Haur Hezkuntzako edo Lehen Hezkuntzako ikasleen curriculum egoera zehatza sakon ezagutzea. Ikastetxeko arduradunekin aurretiaz bilera pertsonal eta presentzial bat egit ea nahitaezkoa da. 2.3.2. Helburu orokorrak Bestalde, helburu operatibo nagusi honetaz gain, Irakasletzako praktika guztietako helburu orokor komunetan arreta jarriko da, eta puntu hauetan laburbiltzen dira: 1.- Eskola erakundearekin mailaz maila eta modu sistematikoan harremanean jartzea, bere funtzionamendura eta bertako hezkuntza praktikara hurbiltzeko. Horrek ekartzen du hauek ezagutu behar direla eta horiekin ohitu: eskolako ingurune soziala, ikastetxea antolamendua den aldetik, eskolako komunitatea, hezkuntza maila eta zikloak, ikasgela hezkuntza praktiken ingurune soziala den aldetik eta ikasleen eboluzio ezaugarriak. 2.-“Ezagupen teorikoak” hezkuntza praktikan proiektatzeko beharraz jabetzea. Halaber, ikasleak aukera izango du egiaztatzeko zein den bere interesa irakasle lanbidearekin, geroko irakaslearen estilo pertsonala gauzatuko duten jarrerak garatuko baititu. 3.- Irakasleen lanbide jardunaren esparruak bereiztea: hezkuntza, antolaketa eta kudeaketa, eta irakaskuntza (planifikatzea, programatzea eta balioestea). Aurreko eskola praktiketan egindako behaketak eta bizitako esperientziak irizpide zientifiko eta profesionalez aztertzea, eskolako egoera askotarikoei buruz hausnartzeko eta kritikatzeko gaitasuna indar guztiz erabiliz. 2.3.3. 342/2013 Ebazpena Azkenik, helburu hauek guztiek, bai orokorrek, bai espezifikoek bete egingo dute 2013ko ekainaren 24ko 342/2013 EBAZPENA, Hezkuntzaren, Lanbide Heziketaren eta Unibertsitateen zuzendari nagusiak emana. Haren bidez Nafarroako Foru Komunitatean Haur Hezkuntzako bigarren zikloa, Lehen Hezkuntza, Derrigorrezko Bigarren Hezkuntza eta Batxilergoa ematen duten ikastetxe publikoen

15

antolaketa eta funtzionamendua 2013-2014 ikasturtean arautzeko jarraibideak onesten dira. 2.3.3.1. Musika Hezkuntza Musika Hezkuntzako praktikak prestatzeko, Nafarroako Gobernuaren web-orrialde hauek kontsultatzea aholkatzen dizuegu: http://www.educacion.navarra.es/documents/57308/57790/lenguaje.pdf/3e014459-cc87-4288-9b30-de142bec756a http://www.educacion.navarra.es/documents/57308/57790/educ.artixtica.pdf/ed9747dc-3e90-421c-8a55-bb7eb58cf8e3 2.3.3.2. Gorputz Hezkuntza Gorputz Hezkuntzako praktikak prestatzeko, Nafarroako Gobernuaren web-orrialde hauek kontsultatzea aholkatzen dizuegu: http://www.educacion.navarra.es/documents/57308/57790/autoconocimiento.pdf/3f6f88b5-8118-4c1c-9cb8-015458ba4737 http://www.educacion.navarra.es/documents/57308/57790/ed.fisica.pdf/b40adfb2-c30d-496b-ba39-7676ec2e0552 2.3.3.3. Ingelesa/ frantsesa Atzerriko Hizkuntza:Ingelesa aipameneko praktikak prestatzeko: Nafarroako Gobernuaren web-orriralde hau kontsultatzea aholkatzen dizuegu: http://www.educacion.navarra.es/documents/57308/57790/ingles.pdf/2fffa7da-4e60-4f8d-9537-fa1363ee067f Halaber, hona hemen aipameneko praktika hauei eragiten dieten Foru Aginduak: 139/2009 Foru Agindua. (Programa eleaniztunetan Irakaskuntzak ingelesez emateko beharrezkoak diren hizkuntza betekizunak). 2009/8/19ko Nafarroako Aldizkari Ofiziala. 110/2011 Foru Agindua (Ingeleseko ikaskuntzako programen oinarrizko alderdiak). 2011/8/16ko Nafarroako Aldizkari Ofiziala. Bestalde, Hezkuntza Sailak atzerriko bigarren hezkuntza bat ikasteko baimena eman du. Beraz, atzerriko hizkuntza: frantsesa aipameneko praktikak. Curriculum indardunak Hizkuntzen Tratamendu Integratuaren aldeko apustua egiten du, baina ez dauka atal espezifiko bat hizkuntza honentzat. Beraz, Lehen Hezkuntzako ikastetxeetan 2Hren irakaskuntzarako ematen diren curriculumeko jarraibideak hurbiletik jarraituz egingo dira.

16

http://www.educacion.navarra.es/web/dpto/segundo-ciclo-de-educacion-infantil-y-primaria/contenidos-y-areas-de-conocimiento-de-primaria http://centros.educacion.navarra.es/caps/tic/index.php/normativa-compet-digital/21-decretoforalprimaria?format=pdf 2.3.3.4. Pedagogia Terapeutikoa Pedagogia Terapeutikoko aipameneko Eskola Praktikak 2 izenekoei dagokienez, Urteko Programazio Orokorraren barruan egingo dira, goian aipatutako 342/2013 Ebazpenaren 3. puntuari, Aniztasunari arreta ematea izenekoari, lotuak (cf. NAO/Aldizkariak/2013 y Aniztasunari arreta emateko plana). Ebazpen honetan ezarritakoaren arabera: "Ikasle guztiek arreta egokia jaso behar dute. Horretarako, ikastetxeek premiei egokien erantzuten dieten arretarako neurriak antolatuko dituzte, indarreko araudi indardunean xedatutakoaren arabera. Premia horien artean ikastearen nahasmendutik eta arreta faltagatiko nahasmendutik (hiperaktibitatearekin) eratorriak daude, bai eta gaitasun intelektual handietatik eratorritakoak ere. Hezkuntza arretarako neurri bat da curriculumaren egokitzapenak eta ikastetxean sartzekoak diseinatzea, oinarrizko gaitasunak garatu eta lortzen laguntzeko bereziki. Horri dagokionez, erantzukizuna irakasle guztiena da, dagokion zikloko koordinatzaileen laguntzarekin eta hezkuntza orientazioaren arduradunen aholkularitzarekin. Ikasleengan detektatzen diren premia guztiei erantzuteko, behar diren proba egokitzapenak, metodologia aldaketak eta abarrak garatuko dira." Gure ikasleek, etorkizuneko irakasle-tutore gisa, Pedagogia Terapeutikoko espezialistaren laguntza duten arlo desberdinetako irakasleen ikuspegitik egingo dituzte eskola-praktikak: "Berariazko egiturei atxikitako ikasleen curriculum egokitzapenak Pedagogia Terapeutikoko irakasleek egin behar dituzte. Gainerako curriculum egokitzapenak egiteko ardura arloko irakasleek izango dute. Nolanahi ere, egokitzapen horien jarraipena egitea ikaslearen tutoreari dagokio. Horretarako, Hezkuntza sostengurako unitatea koordinatzen duen orientatzailearen aholkularitza izango du."

17

2.4. Koordinazioa eta tutoretza Gida honetako 1.4 puntuan adierazten denez, Eskola Praktikak 2 izenekoen garapena koordinatzeko ardura duten bi pertsona daude: a. Unibertsitatearen aldetik, Fakultateko irakasle tutorea (FIT). Aipatu puntuan era orokorrean aipatzen dira bere eginkizunak, eta hemen zehaztasun handiagoz ezartzen dira. Beraz, FITak eginkizun hauek ditu:

• Eskola praktikak 2 izenekoen edukiak diseinatzea, aipameneko gainerako irakasleekin elkarlanean, beharrezkoa bada, eta diseinu hori ikastetxeei proposatzea adosteko edo aldatzeko.

• Ikastetxeetako irakasle tutoreen iritziak biltzea, ikastetxerako balioduna eta bere une kurrikularrerako egokia izango den mandatu bat erabakitzeko.

• Ikastetxeekin adostutako praktika jardueren eta lanen berri ematea

ikasleei.

• Eskola praktikak 2 izenekoen jarraipena egitea ikastetxeko ikasleekin mintegiak eta tutoreekin bilerak eginez.

• Aholkularitza ematea eta praktiketako ikasleen azken ebaluazioa

egitea. b. Eskola eta ikastetxeen aldetik, Haur Hezkuntzako edo Lehen Hezkuntzako ikastetxeko irakasle tutorea, zeinak eginkizun hauek baititu:

• Ikasleak orientatzea, emandako lana bete dezaten.

• Ikasleei irakaskuntzan hasteko orientazioak ematea.

• Praktiketan ari diren ikasleei laguntzea gertatzen diren arazo psiko-sozio-pedagogikoak interpretatzen eta ebazten.

• Txostena egitea ikasleen praktiken garapena balioesteko.

Guztiarekin, praktika hauen aipameneko eta orotariko izaera dela-eta, ikastetxean bi tutore izateko aukera du: bat orotarikoa izango da, eta lau astez egongo da berarekin, eta beste bat aipamenekoa, eta berarekin egongo da gainerako lau asteetan. Ikastetxeetako irakasle tutoreek egindako lanaren aitortza Bestalde maiatzaren 31ko 287/2013 Ebazpenak (unibertsitateko ikasleen prestakuntza praktikoan parte hartzen duten ikastetxe eta irakasleei aitorpena. 2013ko ekainaren 7ko Nafarroako Aldizkari Ofiziala) hau ezartzen du:

18

“Ikasturte bakoitzean praktiken tutore edo tutore-koordinatzaile aritzen diren irakasleei aitorpen bikoitza emango zaie: Tutorizazio urte bakoitza merezimendu gisa aitortzen da. Dagokion ziurtagiria Hezkuntza Departamentuak edo praktiken unibertsitate erantzuleak emango du. Ikasturte bakoitzeko tutoretza-lana prestakuntza-ordutzat hartuko da, praktiken iraupena kontuan hartuta, gehienez ere 35 ordu arte. Hezkuntza Departamentuak prestakuntza hau egiaztatzen duen ziurtagiria emango du praktikak antolatu dituen unibertsitateak emandako informazioa kontuan hartuta. Bestalde, praktikak egiteko ikasleak hartzen dituen ikastetxeak "Prestakuntza-ikastetxe" gisa aitortuak izango dira. Praktiketa ikastetxearen aitorpena balioetsiko da Hezkuntza Departamentuak ikastetxeentzat ezarritako Hezkuntza Berrikuntzako Proiektuen deialdietan, betiere aipatu deialdietan jasotzen bada eta haietan ezarritako moduan«». 2.5. Ebaluazioa "Eskola Praktikak 2" izenekoak egiten diren aldian gertatzen den prozesu jarraitua da ebaluazioa. Horretarako Fakultateko irakasle tutoreak (FIT) eginkizun hauek izango ditu: 2.5.1. Aurkezpena (ikasle taldeak ikastetxeei esleitzeko zozketa egin ondoren):

• Ikasle taldeek Unibertsitatean izango duten irakasle-tutorea (FIT) ezagutzeko saioa, praktikak hasi baino lehen.

• FITak dagokion ikastetxea ezagutzeko saioa (telefonoz hitzordua hartu

ondoren), praktikak hasi baino lehen. 2.5.2. Prozesuaren jarraipena:

• Ikasleekin: presentziazko tutoretza saio bat, nahitaezkoa, praktika-aldian astero, ikasleek jakinarazi dezaten nola ari diren bizitzen praktika prozesua (beharrak, arazoak, etab.) eta praktiken amaierako lanaren prestakuntza zuzendu ahal izateko.

• Ikastetxeekin: telefono-harremana edukiko dugu, posta elektronikoaren

bidezko trukea eta, oso garrantzitsua, topaketa presentzialak , bai Unibertsitateko irakasleak eskatuta, bai ikastetxeak berak eskatuta. Guztiarekin, Iruñetik eta Iruñerritik kanpoko ikastetxeek kontuan izan beharko dute unibertsitatearentzat oso zaila dela gure tutoreak Nafarroako herri guztietara bidaltzea, eta horregatik egoera ulertzeko eskatzen dizuegu, ezinezkoa baita NUPeko tutorea ikastetxe guztietan egongo dela bermatzea, bai, ordea, harreman jarraitua telefonoaren eta posta elektronikoaren bidez. Halaber, ikastetxeetako tutoreek unibertsitatera etortzeko aukera dute beharrezkoak diren bilera presentzialak egiteko.

19

2.5.3. Azken balioespena eta kalifikazioa:

• Ikastetxeekin: ebaluazio-saio presentziala, tutoreekin, ikasle bakoitzaren kalifikazioa proposatzeko. Praktika-aldian landu eta lortu diren gaitasunak kontuan hartuko dira.

• Ikasleekin: nahi izanez gero, ikaslearen txostena defendatzeko eta

ikaslearen lana autoebaluatzeko saio bat egiteko aukera dago. Praktiken ebaluazioak alderdi hauek edukiko ditu:

• Fakultateko eta Praktiketako ikastetxeko irakasle tutoreek prestatutako prestakuntza eta jarraipen saioetan parte hartzea.

• Ikastetxeen txostena, orientazio moduan, irizpide hauetan oinarritua:

o Lana betetzeari dagokionez: garaiz iristea eta bertaratzea o Integrazioa ikastetxean o Jarduera desberdinekiko erakutsitako interesa o Prestasuna eta laguntza o Teoria/praktika arteko lotura o Ekimen eta motibazio profesionala o Gogoetarako jarrera eta jarrera praktikoa o Konfidentzialtasunezko Konpromisoa betetzea o Beste batzuk

2.5.4. Praktiketako txostena: Ikasleak bere esperientzia praktikoetan izan duen prozesua jaso behar du praktika amaierako txostenak. Praktika-aldian egindako behaketa eta analisiaren emaitza izan behar du, eta ikasleak saiatu behar du hausnarketa kritikoa eta eraikitzailea egiten, eta horretan proiektatzen etorkizunean irakasle bihurtzeko izan duen bilakaera, eta egin duen aipamenean izan duen esperientzian jarriko du arreta batez ere. Nolanahi ere, argi eta garbi bereizi beharko ditu egintzak iritzi eta balorazioetatik. Bere jarrerei buruzko argudioak emanez eta beti errespetuzko ikuspegi eraikitzaile batetik. 2.5.4.1. Praktiketako txostenaren ezaugarriak

Kasu bakoitzean erabakitzen den praktiketako txostenaren berri bi tutoreek izango dute, eta horretan balioetsiko da nolakoa izan den behaketa maila eta azterketa burutu diren jarduerei buruz, bizi izandako esperientziari buruz, hausnarketei buruz, zorroztasun zientifikoari buruz, eta, halaber, lan materialen adierazpen kalitatea eta aurkezpena.

Praktiketak txostenak 25 orrialde edukiko ditu , honela banatuta:

• Ikastetxea (gehienez ere 4 orrialde)

20

o Ikastetxearen, ikasmailaren eta ikasgelaren historiaren eta ezaugarri orokorren deskripzioa.

• Bere esperientzia didaktikoari buruzko txostena (15 orrialde)

o Praktika-aldian garatutako jardueren behaketa.

o Aipamen jakin bateko praktiketako irakasle gisa egindako esku-

hartzeen aipamena.

o Ikaslearen parte-hartzea irakaskuntza-ikaskuntza prozesuan (egindako unitate didaktikoen diseinua, garapena eta ebaluazioa).

o Aniztasunari arreta ematea.

• Praktika-aldiaren analisia (6 orrialde)

o Eskola Praktikak 2 izenekoekin norberak dituen itxaropenak

o Hasierako itxaropenen eta errealitatearen arteko aldea.

o Banakako gogoeta, praktikek bere hasierako prestakuntzari zer ekarri dioten hausnartzeko. Hausnarketa honen kalitatea balioetsiko da.

Tutoreak txostenaren garapenaren jarraipena egingo du astero.

21

2.5.4.2. Praktiketako txostenaren alderdi formalak

a) Azala i. Ikaslearen datu pertsonalak ii. Zein gradutakoa den: iii. Zein aipamen egin duen iv. Ikastetxearen izena v. Ikastetxeko tutorearen izena vi. Fakultateko tutorearen izena vii. 2013/2014 ikasturtea VIII. Giza eta Gizarte Zientzien Fakultatea Gizarte eta Giza Zientziako Fakultatea ix. Nafarroako Unibertsitate Publikoa/ Nafarroako Unibertsitate Publikoa

b) Orrialdeen aurkibidea. c) Txostenean idatzitako testua.

i. Letra mota: Arial. ii. Tamaina: izenburuak 14; testua 12. iii. Lerroartekoa: arrunta.

d) Bibliografia e) Eranskinak: ikastetxearen dokumentuak, ikasleen ekoizpenak,

argazkiak, eta oro har ezinbestekotzat jotzen diren eta Datuei buruzko Legea eta gure ikasle guztiek sinatu behar duten Konfidentzialtasunezko Konpromisoan ezarritakoa urratzen ez dituzten elementu guztiak.

2.5.5. Ebaluazioari buruzko azken gogoetak:

Praktikak gainditzeko, beharrezkoa izango da ikastetxearen aldeko txostena

eta oroitidazkia gainditua izatea. Edonola ere, azken ebaluazioak kontuan hartuko ditu ikaslearen autoebaluazioa, ikastetxeetako tutoreek egindako ebaluazioa eta derrigorrezko mintegietara joan izana. Azken kalifikazioa ez gainditua izango da bi tutoreek modu negatiboan balioesten badute praktika-aldia. Kasu honetan, ikasleak "Eskola Praktikak 2" izenekoak osorik egin beharko ditu berriz. Halaber, azken kalifikazioa gutxiegi izango da praktiketako txostena eteten denean. Txosten hori ezarritako epean aurkezten, egiten edo defendatzen ez bada, gutxiegi kalifikazioa izango du.

Fakultateko irakasle tutoreak esleituko du "Eskola Praktikak 2" izenekoen behin betiko kalifikazioa.

22

2.6. Eskola asegurua

Eskola Aseguruaren helburua da ikaslea babestea egoera desegoki, ustekabeko eta aurrez ikusteko modukoen aurka. Nafarroako Unibertsitate Publikoko Giza eta Gizarte Zientzien Fakultateko 28 urtetik beherako praktiketako ikasle guztiei ematen zaie babes hau. Guztiarekin, ikasleak adin hori betetzen duen ikasturtean ere, ikasturte osoa beteko du Eskola Aseguruak. Beraz, 28 urtetik gorako ikasleek horren berri eman behar

diete nahitaez beren irakasle tutoreei, Giza eta Gizarte Zientzien Fakultateko Idazkaritzari jakinaraz diezaioten eta beharrezkoak diren neurria har daitezen. Alderdi hauei eta beste batzuei buruzko informazio gehiago nahi baduzue, kontsulta ezazue gure web-orrialdean jarri dugun liburuxka: http://www.unavarra.es/digitalAssets/180/180373_seguro_escolar.pdf Nolanahi ere, aseguru honen ezaugarriei buruzko informazio gehiago nahi baduzue, deitu Gizarte Segurantzaren Institutu Nazionalera (INSS), 900 16 65 65 doako telefonora deituz.

23

ES

KO

LA P

RA

KT

IKA

K 2

NAFARROAKO UNIBERTSITATE

PUBLIKOA


EBALUAZIO

ORRIAK

2013/14 IKASTURTEA


GIZA ETA GIZARTE ZIENTZIEN FAKULTATEA, NUP

24

IKASTETXEA:

Ikastetxearen tutorea:

Tutorearen NAN zk.:

Ikaslearen izena eta deiturak:

1.a. Tutorearen balioespena ikaslearen lanari buruz .

Gutxiegi Maila

txikikoa Tartekoa

Maila

handikoa

Bikaina

Alderdi orokorrak

Puntualtasunez betetzen du egutegia eta

eskola-ordutegia.

Lankidetzarako eta esleitzen zaion

lanerako jarrera azaltzen du.

Ahozko eta idatzizko adierazpen maila

ona dauka.

Profesionaltasuna

Ikaskuntzako eta irakaskuntzako gaiekiko

interesa dauka.

Ikastetxearen antolakuntzarekiko

interesa dauka.

Ikastetxearekin lotutako gaiekiko

interesa dauka.

Eman zaizkion lanak behar bezala egiten

du.

Irakasleek emandako jarraibideak

betetzen ditu.

Zehaztasunez azaltzen du zein egiteko

dituen, eta, akatsen bat baldin badago,

konpontzen saiatzen da.

Bere jardunean autoanalisia eta

autokritika egiteko gaitasuna dauka.

Konfidentzialtasuna

Konfidentzialtasunezko konpromiso bat

sinatu du.

Gaitasun espezifikoen tratamendua

Eskola bizikidetzari buruz gogoeta egiten

du.

Badaki behaketa sistematikoa erabiltzen.

25

Gutxiegi Maila

txikikoa Tartekoa

Maila

handikoa

Bikaina

Eskola ikasketa eta bizikidetza

testuinguruetan, arauen onarpenean,

jarraikitasunean, norberaren diziplinan

eta besteekiko begirunean sakontzen du.

Praktikei buruz gogoeta egiten du.

Berrikuntzari buruz gogoeta egin eta

irakaskuntza hobetzen du.

Eskola antolamendua eta bere

funtzionamendua ezagutzen du.

Eskola komunitatea ezagutzen du, eta,

beharrezkoa denean, laguntzen du.

Hezkuntzaren esparruko ezagutza, balio

eta erakundeei buruz gogoeta egiten du.

Irakasle tutoreen irizpide profesionalak

kontuan hartzen ditu.

Ebaluazio orokorra: Ez gai (EG) Gai (G)

Ikaslearen ebaluazioari buruzko oharrak

……………………………………………………………………………………………………………………………………………………………………….

2.a. Ikastetxeak Fakultatearen lanari buruz egiten duen balioespena

Ebaluazio orokorra Gutxiegi Maila

txikikoa Tartekoa

Maila

handikoa

Bikaina

Oharrak

…………………………………………………………………………………………………………………………………………………………

…………….

(Ikastetxeko tutorearen sinadura)

.....................(e)(a)n, 2013ko .....................aren ..........................(e)(a)n

26

IKASTETXEAREN IZENA

1.a. Tutorearen, ikastetxearen zuzendariaren balioe spena

gure Fakultateko tutoreen baterako lanari buruz

UNIBERTSITATEKO TUTOREEN

EBALUAZIO OROKORRA

EZ

Gutxiegi

BAI

Maila

txikikoa

BAI

Tartekoa

BAI

Maila

handikoa

BAI

Bikaina

Bilera presentzialak egin zituzten

Behar bezala adostu zuten egin

beharreko lana

Ez zen bilera presentzialik egin, baina

beste bitarteko batzuk erabiliz

(telefonoa, posta elektronikoa) izan

zuten harremana honelakoa izan zen:

Fakultateko irakasle tutoreen lanari

buruz dugun asebetetze maila hau da:

2.a. Tutorearen, ikastetxearen zuzendariaren balioe spena

gure Fakultateko tutoreen baterako lanari buruz

UNIBERTSITATEKO TUTOREEN BANAKO EBALUAZIOA

ESKOLA-PRAKTIKAK 6

Fakultateko tutorearen izena:

EZ

Gutxiegi

BAI

Maila

txikikoa

BAI

Tartekoa

BAI

Maila

handikoa

BAI

Bikaina

Bilera presentzialak egin zituen

Harremana izan zuen beste bitarteko batzuen

bidez (telefonoa, posta elektronikoa...)

Behar bezala adostu zuen egin beharreko lana

Fakultateko tutoreak egindako lanari buruz

dugun asebetetze maila hau da:

27


EZ

Gutxiegi

BAI

Maila

txikikoa

BAI

Tartekoa

BAI

Maila

handikoa

BAI

Bikaina








EZ

Gutxiegi

BAI

Maila

txikikoa

BAI

Tartekoa

BAI

Maila

handikoa

BAI

Bikaina








EZ

Gutxiegi

BAI

Maila

txikikoa

BAI

Tartekoa

BAI

Maila

handikoa

BAI

Bikaina








EZ

Gutxiegi

BAI

Maila

txikikoa

BAI

Tartekoa

BAI

Maila

handikoa

BAI

Bikaina







(Tutorearen, ikastetxeko zuzendariaren balioespena

.....................(e)(a)n, 2013ko .....................aren ..........................(e)(a)n

28

ES

KO

LA P

RA

KT

IKA

K 2

NAFARROAKO UNIBERTSITATE

PUBLIKOA


KONFIDENTZIALTASUNEZKO

ENGAIAMENDUA

2013/14


GIZA ETA GIZARTE ZIENTZIEN FAKULTATEA, NUP

29

KONFIDENTZIALTASUNEZKO ENGAIAMENDUA Ikaslea:…………………………………………………………................................... NAN zk.:…………………………………..bizilekua:…………................................... ……………………………………………………………….…………………………... herria edo hiria:.......................................................... P.K.:………………………... Probintzia............................................telefono zenbakia ..…....…………………... ADIERAZTEN DU: Nafarroako Unibertsitate Publikoko .............................................Hezkuntzako Irakasle Graduko 7. seihilekoko 301408/302408 ESKOLA PRAKTIKAK 2” irakasgaian matrikulatua dagoela eta bere praktikak .........................................................................................................herriko/hiriko ......................................................................................................IKASTETXEAN egingo dituela. Halaber, KONPROMISOA HARTZEN DU: Bai Giza eta Gizarte Zientzien Fakultateak, bai bere praktiketako ikastetxeak ematen dizkion egitekoak betetzera. Ikastetxeak bere irakasle eta ikasleentzat ezartzen duen ordutegia betetzera. Praktikak egitean ezagutzen dituen datu guztiak lanbide-sekretupean gordetzera. Ez argitaratzera Praktiken Amaierako Lanean, ezta beste inon ere, Datuak Babesteko Legea (15/1999 Lege Organikoa, abenduaren 13koa) hauts dezakeen zeinahi argazki material, material idatzi edo bestelako materialik. Konpromiso honen kopia bat behar bezala sinatuta eta data jarrita Praktiketako Zentroaren Zuzendaritzari eta Giza eta Gizarte Zientzien Fakultateari aurkeztera, bere irakasle-tutoreen bidez.

...............................(e)(a)n, 2013ko.............................aren ....(e)(a)n

Stua.: (Ikaslearen izen-abizenak)

30

Nafarroako ikastetxeetako zuzendari, tutore eta pra ktiketako koordinatzaile agurgarriak:

Giza eta Gizarte Zientzien Fakultatearen eta ikastetxeen arteko harremana sendotzen jarraitzea da gure nahia, hainbat akats gainditu nahi ditugu, eta Unibertsitateko tutoreen, ikastetxeetako Zuzendaritzen eta praktiketako ikasleen tutoretza egingo duten irakasleen arteko koordinazioa zaindu nahi dugu. Era berean, asmoa da Unibertsitateak ikastegientzat erabilgarriak diren prestakuntza eta berrikuntza ematea. Hori da gure nahia eta hori da gure eguneroko ahalegina. Gida hau lagungarri suertatuko zitzaizuelakoan, zuek guztiok agurtzen zaituztet, zuen lankidetza, laguntza eta ahalegina bihotzez eskertuz. Eskerrik asko.

Iruñean, 2013ko irailaren 25ean

Juan Karlos LOPEZ-MUGARTZA Irakasletzako dekanordea

ESKOLA PRAKTIKAK 2 EUSKARAZ - unavarra.es · • Eskola praktiken urteko plana bete dadin...

Documents

Transcript of ESKOLA PRAKTIKAK 2 EUSKARAZ - unavarra.es · • Eskola praktiken urteko plana bete dadin...