Informe final da Consulta Preliminar ao Mercado do ... · Santiago de Compostela para o proxecto...

3

Informe final da Consulta Preliminar ao Mercado do Concello de Santiago de Compostela no marco da iniciativa SMARTIAGO de contratación pública de innovación

Reto 2: XESTIÓN SOSTIBLE E INTELIXENTE DE RESIDUOS SÓLIDOS URBANOS

Abril de 2020

4

1. Introdución ................................................................................................................................................................ 8

2. Descrición do reto ................................................................................................................................................... 12

Antecedentes ............................................................................................................................................................................................... 13 Estado da cuestión ...................................................................................................................................................................................... 15 Necesidades non cubertas .......................................................................................................................................................................... 15 Obxectivos estratéxicos ............................................................................................................................................................................... 17 Obxectivos específicos ................................................................................................................................................................................ 18 Resultados esperados ................................................................................................................................................................................. 25 Indicadores .................................................................................................................................................................................................. 26

3. Consulta Preliminar ao Mercado (CPM) ................................................................................................................. 28

Cuestionario para as empresas ................................................................................................................................................................... 29 Xornada de presentación das CPM ............................................................................................................................................................. 30 Obradoiro informativo .................................................................................................................................................................................. 32 Empresas participantes ............................................................................................................................................................................... 33 Entrevistas coas empresas participantes .................................................................................................................................................... 34

5

4. Resultado das CPM ................................................................................................................................................ 40

Conclusións extraídas ................................................................................................................................................................................. 43 Mapa de demanda temperá ........................................................................................................................................................................ 55

Anexo I: Resumo das propostas ................................................................................................................................. 58

Altia Consultores SA y Citic (UDC) .............................................................................................................................................................. 59 Amodo Soluciones S.L. ............................................................................................................................................................................... 60 ATOS Spain S ............................................................................................................................................................................................. 61 Bahía Software ............................................................................................................................................................................................ 62 Balidea Consulting & Programming ............................................................................................................................................................. 63 Cástor Casas Tojo ....................................................................................................................................................................................... 64 Citius - Centro Singular de Investigación en Tecnoloxías Intelixentes (USC) ............................................................................................. 65 Centro de Observación e Teledetección Espacial S.A.U. ........................................................................................................................... 66 DooingIT Ciberseguridad S.L e BitNeutro S.L. ............................................................................................................................................ 67 Eptisa Servicios de Ingeniería S.L. e Eptisa Tecnologías de la Información S.A. ....................................................................................... 68 Everis Spain, S.L.U. .................................................................................................................................................................................... 69 Ferrovial Servicios, S.A. .............................................................................................................................................................................. 70 Future Street LTD ........................................................................................................................................................................................ 71

6

Indra Soluciones Tecnologías de la Información, S.L.U. ............................................................................................................................. 72 Ingeniería Insitu S.L. .................................................................................................................................................................................... 73 Sistemas Audiovisuales Itelsis, S.L. ............................................................................................................................................................ 74 Little Electric Car España, S.L. e Movelco (colaboración con CTAG) ......................................................................................................... 75 Movistat (marca comercial de Tecnomovilidad Sociedad Cooperativa) ...................................................................................................... 76 SEYS Medioambiente, S.L. ......................................................................................................................................................................... 77 Sixtema (Soluciones y Proyectos de Información, S.L) ............................................................................................................................... 78 SRM Consulting – Universidad Politécnica de Madrid (UPM) ..................................................................................................................... 79 Teimas Desenvolvemento S.L. .................................................................................................................................................................... 80 Telefónica .................................................................................................................................................................................................... 81 T-SYSTEMS ITC IBERIA S.AU. e Aporta Plataforma Cooperativa SCCL .................................................................................................. 82 Uro, Vehículos Especiales S.A. ................................................................................................................................................................... 83 Wellness TechGroup ................................................................................................................................................................................... 84

8

1. INTRODUCIÓN

O 4 de decembro de 2017 o Ministerio de Economía, Industria e Competitividade, en diante, MEIC (agora, Ministerio de Ciencia e Innovación – MICI), e o Concello de Santiago de Compostela, en diante CSC, asinaron un convenio (con referencia CPI-2017-10-SMARTIAGO), para contribuír á mellora dos servizos públicos para a cidadanía impulsando o desenvolvemento de proxectos singulares de innovación tecnolóxica. Realizarase a través do fomento da innovación empresarial, mediante a selección das actuacións e proxectos relacionados coa resolución de retos de sustentabilidade e mellora da eficiencia en prestación de servizos públicos de recollida e tratamento de residuos, limpeza viaria, mobilidade e iluminación pública a nivel local. En diante, estes retos denominaranse así: Reto 1. Mobilidade intelixente e sostible, Reto 2. Xestión sostible e intelixente de RSU e Reto 3. Iluminación ornamental intelixente para a conservación do patrimonio.

O convenio enmárcase na liña FID - Fomento da Innovación desde a Demanda e da Compra Pública Innovadora, que xestiona o MEIC e que persegue a mellora dos servizos públicos a través do fomento da innovación empresarial no desenvolvemento de solucións para necesidades non cubertas dos servizos públicos baseadas na demanda. O desenvolvemento destas solucións cofinanciarase nun 80 % polo Fondo Europeo de Desenvolvemento Rexional 2014-2020 (Feder).

9

Desde principios do ano 2013, o Concello de Santiago está a traballar na elaboración da Estratexia Smartiago, que se traduce nunha folla de ruta formada por unha combinación de solucións tecnolóxicas innovadoras no campo das cidades intelixentes, orientada a converter a Santiago de Compostela na primeira iniciativa que busca a eficiencia, a máxima aplicabilidade e a adaptación da I+D+i aos problemas das cidades patrimonio da humanidade para que os resultados sexan altamente escalables noutras cidades ou contornas nos que o patrimonio histórico é un atributo distintivo.

A Estratexia Smartiago permitirá converter Santiago de Compostela e a súa cidade histórica nun conxunto eficiente, intelixente e cun mellor servizo para a súa cidadanía.

Esta estratexia non só tratou da definición de proxectos concretos baseados en necesidades propias da cidade, senón que mobilizou recursos financeiros e humanos propios para o seu despregamento.

O reto da Estratexia Smartiago fundaméntase, por tanto, en impulsar o desenvolvemento de proxectos singulares de innovación tecnolóxica para contribuír á mellora dos servizos públicos dirixidos á cidadanía. Para iso, apóstase pola Compra Pública de Innovación (CPI).

Con carácter previo á licitación da compra, o CSC considerou de interese recadar información dos operadores económicos, os axentes sociais e os axentes de coñecemento para estar ao tanto da situación, e identificar e especificar as características das posibles solucións que mellor se adapten aos requisitos do servizo e ás necesidades dos usuarios e usuarias.

10

En consecuencia, convocouse unha Consulta Preliminar ao Mercado sobre as tres necesidades non cubertas. O presente informe recolle os resultados da consulta para o reto 2: Xestión sostible e intelixente dos residuos sólidos.

O núcleo fundamental destas iniciativas é a existencia dunhas necesidades do Concello de Santiago non cubertas, ou cubertas de maneira insuficiente, susceptibles de ser atendidas polos axentes do Mercado.

É, por tanto, a definición destas necesidades non cubertas a que xustificou e articulou a definición dos retos que o Concello de Santiago lles formula aos axentes do mercado para o desenvolvemento de solucións mediante un proceso formal de licitación pública.

12

2. DESCRICIÓN DO RETO

O reto fundaméntase en desenvolver solucións innovadoras para un novo modelo de depósito e tratamento descentralizado da fracción orgánica dos residuos, que posibilite alcanzar os obxectivos marcados pola UE; para unha nova forma de relación coa cidadanía que premie o comportamento axeitado en canto ao depósito de RSU e a limpeza viaria. Isto aumentaría a corresponsabilidade e a transparencia e serviría para un novo modelo de fiscalización da calidade do servizo, especialmente en canto a recollida e limpeza na cidade histórica, tal e como se recollía no convenio entre o

Ministerio de Economía, Industria e Competitividade e o Concello de Santiago de Compostela para o proxecto Smartiago, cofinanciado con fondos Feder.

Pode verse unha descrición completa do reto nas bases da convocatoria das CPM na web do proxecto.

As seguintes especificacións da necesidade non cuberta son orientativas e poderán evolucionar a medida que se vaia actualizando o estado da cuestión en cada un dos ámbitos.

13

Antecedentes

Os residuos constitúen un grave problema ambiental en si mesmos e, ao mesmo tempo, están na orixe doutros como a contaminación das augas, do solo e do aire, cos correspondentes riscos asociados para a saúde pública.

Os residuos poden ser ademais unha fonte significativa de emisións de gases de efecto invernadoiro, co que contribúen ao cambio climático. Evitar no posible os impactos ambientais causados polos residuos e facer unha correcta xestión dos inevitables son retos prioritarios da política ambiental do Concello de Santiago.

Os beneficios de prestarlle ao problema dos residuos a atención merecida son moitos, e non só na orde ambiental senón tamén desde o punto de vista tecnolóxico, económico e social. Ademais, no caso de Santiago de Compostela, tratándose dunha cidade que acolle una gran cantidade de peregrinos e visitantes, a imaxe dunha cidade limpa (e que coida o seu patrimonio histórico e monumental)

tamén é clave para manter unha reputación e unha imaxe de marca consolidada ao longo de moitos anos.

Por outra banda, cómpre aumentar a sensibilidade social ante o problema dos residuos. Así, a colaboración activa da sociedade é un requisito imprescindible para lograr atallar o problema a longo prazo, como tamén o é a implicación de todas as industrias de produtos de consumo, cuxos envases están a acrecentar o problema de contaminación ambiental con plásticos.

Aplicar o coñecemento e a innovación, e, en particular, as mellores técnicas dispoñibles, á xestión dos residuos debe facerse desde a participación e a potenciación da complicidade entre todos os axentes implicados na prevención e minimización dos residuos.

14

Así, o principal obxectivo desta iniciativa é lograr a implantación de sistemas intelixentes e sustentables de xestión dos servizos de recollida de residuos municipais e de limpeza viaria en Santiago de Compostela que, entre outros beneficios, permitan reducir ao mínimo posible o impacto dos residuos no medio.

Estes modelos sustentables de xestión de residuos e de xestión da limpeza viaria non só axudarán a Santiago de Compostela a reducir a súa contribución ao cambio climático, senón que achegarán outros beneficios ambientais como a redución da contaminación atmosférica na cidade, a diminución do tráfico (dos servizos de recollida de RSU, dos servizos de limpeza etc.) e os niveis de ruído asociados ás devanditas actividades.

Ademais, a optimización da xestión destes servizos tamén implicará vantaxes económicas e sociais, como a redución da partida municipal destinada a estas actividades ou a mellora da calidade dos servizos prestados á cidadanía.

15

Estado da cuestión

Para a descrición das necesidades que o Concello de Santiago necesita resolver no marco do proxecto Smartiago, levouse a cabo un estudo sobre o estado das diferentes tecnoloxías coas que actualmente é posible abordar estas problemáticas. Grazas a este estudo chegouse a unha serie de conclusións que poden consultarse na convocatoria.

Necesidades non cubertas Malia a da dispoñibilidade dunha ampla gama de solucións tecnolóxicas que poden axudar a resolver os problemas de xestión de residuos e limpeza viaria nunha cidade, no caso de Santiago de Compostela segue habendo necesidades non cubertas, como as seguintes:

Considerando que o punto de consumo (principalmente, a cidadanía, aínda que tamén o sector da hostalería) é clave para a redución da xeración de residuos ou a preclasificación destes para reducir os custos económicos e ambientais, a trazabilidade dos residuos desde o punto de consumo segue sendo un aspecto sen resolver. Neste sentido, a dispoñibilidade de información en tempo real sobre a xeración de residuos sería fundamental para deseñar novos modelos de xestión e aumentar a eficiencia e eficacia dos servizos. En relación co punto anterior, a separación da fracción orgánica ou dos envases segue a ser un reto para o Concello de Santiago, posto que depende da propia cidadanía. Neste sentido, os esforzos actuais de comunicación coa poboación ou o investimento en colectores para promover a separación de residuos no fogar non sempre teñen a repercusión esperada.

16

Así, considérase necesario buscar novas formas ou modelos de relación administración-cidadanía para lograr a consecución dos ambiciosos obxectivos e retos que se expoñen, tanto en relación con patróns de consumo, como en relación coa xeración de residuos.

Por outra banda, a supervisión e a auditoría dos servizos segue a ser un traballo intensivo de persoas e existen dificultades técnicas para establecer ou aplicar criterios de valoración de cumprimento de niveis de servizo.

Por último, aínda que os servizos de xestión de recollida de residuos ou de limpeza viaria son cada vez máis eficientes, considérase necesario aplicar toda a innovación ou tecnoloxía necesarias para facelos máis eficientes, tanto desde o punto de vista económico, como de sustentabilidade ambiental.

Neste sentido, a incorporación de solucións para aumentar a vida ou a eficiencia dos activos (de alto custo) dos servizos de recollida ou limpeza viaria considérase tamén vital.

17

Obxectivos estratéxicos

A continuación, identifícanse os obxectivos estratéxicos da iniciativa:

Situar o servizo de recollida e tratamento de residuos sólidos urbanos e limpeza viaria á vangarda da eficiencia

con tecnoloxías smart waste, participación cidadá e IA.

Lograr os obxectivos de 50 % de preparación para a

reutilización e a reciclaxe, partindo do 13 % actual, para que o espazo urbano e o mobiliario público se convertan en elementos de interacción para obter recompensa a

través da corresponsabilidade ambiental.

18

Obxectivos específicos

Tendo en consideración as necesidades non cubertas, expóñense os seguintes obxectivos específicos:

A. Deseño e posta en funcionamento dun sistema que permita medir ou inferir a cantidade real, por tipo de residuo, que unha persoa deposita na bolsa de lixo ou nun colector.

Requisitos básicos:

Posibilidade de identificar os tipos e as cantidades de residuos que unha persoa introduciu nunha bolsa de lixo sen ter necesidade de abrila.

Pódese optar por deseñar unha solución para o punto de consumo (por exemplo, para o fogar, app de crowdsourcing…) ou por unha solución para o propio colector de recollida.

Debe permitir a predición da xeración de residuos a escala de rúa en diferentes momentos temporais futuros e segundo condicións e factores determinados, co fin de planificar adecuadamente os servizos de recollida.

Debe permitir a asistencia aos servizos públicos a través da planificación (recomendación) automática dos recursos materiais e humanos postos a disposición dos servizos de recollida.

19

Debe ter unha fiabilidade elevada, superior ao 75 %.

Tecnoloxías de referencia:

Visión artificial.

Tomografía.

Ultrasons.

Condutividade eléctrica. RFID / Códigos de barras.

20

B. Deseño e posta en funcionamento de sistemas de visión artificial baseados en computación de bordo para a valoración do estado de limpeza e conservación da vía pública.


A execución de código terá lugar no propio hardware (sensor), polo que este deberá dispor dun SoC (System on Chip) para intelixencia artificial (por exemplo, para a execución de redes neuronais artificiais).

Debe permitir a identificación de diferentes tipos de beirarrúas e pavimentos e clasificalos segundo nivel de conservación ou sucidade.

Debe permitir a asistencia aos servizos públicos a través da planificación (recomendación) automática dos recursos materiais e humanos postos a disposición dos servizos de limpeza viaria.

Debe estar baseada en redes neuronais artificiais lixeiras e de código aberto.

Debe permitir a súa execución en arquitecturas sinxelas e de baixo custo (por exemplo, arquitecturas ARM con pouca RAM).


Debe permitir o readestramento de modelos de visión artificial dunha maneira fácil e rápida.


Bibliotecas de aprendizaxe profunda de código aberto: Tensorflow, Keras, MxNET, GluonCV, OpenCV.

21

C. Deseño e posta en funcionamento de sistemas intelixentes de enxeñería de mantemento para manter activos relacionados coa recollida de residuos urbanos ou a limpeza viaria


Debe abordarse o deseño de sistemas de enxeñería de mantemento ou mantemento preditivo aplicados a GMAO e sistemas de aprendizaxe automática para mellorar, axilizar e optimizar os procesos de mantemento dos activos (vehículos, colectores etc.) para incrementar a súa vida útil e reducir os custos de mantemento.

Debe permitir un diagnóstico avanzado do proceso de troubleshooting.

Debe permitir o deseño automático de recomendacións de xestión de mantemento (planificación de medios necesarios, rutas de mantemento, dimensionamiento da organización etc.) ou de redeseño de gamas de mantemento para os activos dos servizos.

Debe incluír a implementación dun framework de aprendizaxe automática de código aberto.

Debe permitir o readestramento de algoritmos dunha maneira fácil e rápida.


Debe permitir a integración de fontes de big data de operadores de telefonía e de empresas de banca ou cartóns de crédito. Debe ser totalmente integrable con sistemas de sinalización vertical dinámica (pantallas) para a xestión preditiva do tráfico.

22


Bibliotecas de algoritmos de aprendizaxe automática de código aberto: Weka.


D. Deseño produción e validación dun vehículo eléctrico modular e multifuncional (maximización da utilización) con control de tracción para evitar danos en pavimento.


Debe permitir a súa configuración como vehículo de transporte e recollida de residuos.

Debe permitir a súa configuración para transporte de pequenos grupos de persoas no centro histórico en determinadas épocas do ano (microbús), con número de prazas axustable.

Debe permitir a súa configuración como varredora.

Non debe emitir gases contaminantes e non debe emitir ruídos.


Vehículo eléctrico.

23

E. Deseño, adestramento e validación dun sistema de avaliación de parámetros e accións clave para incrementar a cantidade e calidade do compost xerado en illas de compostaxe comunitarias e individuais


Debe permitir o diagnóstico e predición da produción (en cantidade e calidade) do compost, tanto en illas de compostaxe comunitarias como individuais.

Basearase na captura de datos de temperatura, humidade relativa, produción de CH4, NO2, CO2.

Debe incluír implementación de framework de aprendizaxe automática de código aberto.

Debe permitir o readestramento de algoritmos dunha maneira fácil e rápida.


Debe permitir a integración de fontes de dato big data de operadores de telefonía e de empresas de banca ou cartóns de crédito.


Bibliotecas de algoritmos de aprendizaxe automática de código aberto: Weka.


24

F. Deseño e validación de técnicas, modelos e ferramentas de gamificación para promover a reciclaxe.


Traballaranse modelos de negocio de plataforma na que todos os actores (industria, transporte, distribución, consumidores, centros de coñecemento ou Administración pública) contribúan con datos /información sobre patróns de consumo, pero que reciban a cambio contidos de valor.

Definiranse técnicas para influenciar nos patróns de consumo e reciclaxe da poboación e para conseguir que se interesen por consumir contidos que consigan influenciar.

Definiranse novos modelos de intercambio económico que poidan pór en valor os datos de trazabilidade de intercambios materiais e patróns de consumo da poboación.


Modelo de negocio de plataforma.

25

Resultados esperados

Redución do custo de limpeza viaria (LV) nun 3 % anual.

Redución nun 10 % dos quilómetros percorridos polas máquinas varredoras.

Adecuación da frecuencia de LV segundo demanda e redución do custo de xestión de activos nun 5 %.

Grao de cumprimento do servizo de LV maior ao 95 %, con mellora do 5 % da produtividade do persoal de campo.

Redución do 25 % (media de cantidade de residuos de bolsa negra). Aumento do 10 % (media) en ingresos por cantidade e calidade selectiva. Redución do 10 % en quilómetros e tempo dedicado a rutas de recollida. Grao de cumprimento do servizo recollida maior ao 95 %, con mellora 5 % da produtividade do persoal de campo. Redución nun 5 % do custo do servizo de recollida de RSU.

26

Indicadores

Indicadores para o servizo de recollida de RSU:

Redución do 25 % da cantidade de residuos de bolsa negra.

Aumento do 10 % en ingresos por cantidade e calidade selectiva de residuos.

Redución do 10 % en quilómetros e tempo dedicado a rutas de recollida.

Grao de cumprimento de recollida maior ao 95 %, con mellora de 5 % da produtividade do persoal de campo. Redución dun 5 % do custo do servizo de recollida de RSU.

Indicadores para o servizo de limpeza viaria:

Redución do custo de limpeza viaria nun 3 % anual.

Redución nun 10 % dos quilómetros percorridos por maquinas varredoras. Adecuación da frecuencia de limpeza viaria segundo demanda e redución do custo de xestión de activos nun 5 %. Grao de cumprimento de servizo de limpeza viaria maior ao 95 %, con mellora de 5 % da produtividade do persoal de campo.

28

3. CONSULTA PRELIMINAR AO MERCADO (CPM)

O pasado 21 de novembro de 2019 púxose en marcha o proceso de Consulta Preliminar ao Mercado, de acordo co establecido no artigo 115 da Lei 9/2017, de 8 de novembro de contratos do sector público.

O anuncio da convocatoria foi publicado e difundido, para os efectos de non distorsionar a competencia, no Perfil do Contratante do Concello de Santiago, na Plataforma de Contratación do Sector Público, onde se incluían os seguintes aspectos:

O obxecto da convocatoria.

O órgano de contratación. As condicións de presentación das propostas.

A aplicación dos principios de transparencia, igualdade de trato e non discriminación nin falseamento da competencia. O prazo e as actualizacións da Consulta Preliminar ao Mercado.

Todo o anterior para os efectos de que poidan ter acceso e posibilidade de realizar achegas todos os posibles interesados, en cumprimento do previsto no artigo 115 de Lei 9/2017, de 8 de novembro, de contratos do sector público.

29

Así mesmo, o Concello de Santiago de Compostela, coa finalidade de garantir a transparencia do procedemento e a participación das empresas, creou un portal específico do proxecto (https://smartiago.santiagodecompostela.gal/), onde se publicou toda a documentación relativa ao reto, incluídos vídeos, presentacións, preguntas frecuentes, listaxe de asistentes ao taller informativo etc.

Cuestionario para as empresas

Coa finalidade de poder obter a maior cantidade de información sobre as propostas de solución e as características das empresas, dentro da consulta incluíuse un anexo cun formulario de proposta, que se dilixenciou por parte de todas as empresas participantes. Este cuestionario púxose a disposición do público nas seguintes URL:

https://contrataciondelestado.es/wps/wcm/connect/PLACE_es/Site/area/docAccCmpnt?srv=cmpnt&cmpntname=GetDocumentsById&source=library&DocumentIdParam=52d2c84c-2b7c-44f4-8b59-3268ccd722aa y

https://smartiago.santiagodecompostela.gal/gl/participacion-nas-consultas/anexo-III-formulario-solicitude.

O uso do contido da información proporcionada non é vinculante e limítase exclusivamente á súa posible inclusión no proceso de definición do proxecto e nas especificacións dun eventual procedemento de contratación posterior por parte do Concello de Santiago de Compostela.

30

Xornada de presentación das CPM

Para dar visibilidade a este proceso, levouse a cabo unha xornada informativa de lanzamento da Consulta Preliminar ao Mercado, para a que se realizaron labores de difusión a través de correo electrónico e da páxina web do proxecto.

A xornada desenvolveuse en Santiago, o 21 de novembro de 2019 e os seus obxectivos principais foron os seguintes:

1. Presentación do proxecto Smartiago.

2. Explicación das fases do programa: expresións de interese, Consultas Preliminares do Mercado e licitación

3. Participación no programa

Esta xornada de apertura, á que asistiron 128 persoas, supuxo un primeiro contacto entre a entidade contratante e as empresas asistentes. Ademais da representación institucional por parte do Concello de Santiago, contou coa participación da secretaria de Estado de Universidades, Investigación, Desenvolvemento e Innovación, do Ministerio de Innovación, Ciencia e Universidades, Ángeles Heras Caballero.

Na xornada, e durante todo o período da CPM, recibíronse preguntas formuladas por algunhas das empresas participantes no proceso, que foron resoltas por parte do equipo técnico do programa e publicadas na páxina web de referencia da consulta do CSC.

O documento de preguntas e respostas, así como as presentacións utilizadas polos relatores da xornada de información nas súas intervencións, foron postas a disposición das persoas interesadas na páxina web do proxecto:

https://smartiago.santiagodecompostela.gal/gl

31

Ilustración 1: Xornada de Presentación CPM Smartiago, 21 de novembro de 2019.

32

Obradoiro informativo

O 2 de decembro de 2019 celebrouse un taller informativo dirixido ás entidades interesadas en participar na Consulta Preliminar ao Mercado do proxecto Smartiago.

Durante a sesión, que contou coa presenza de 72 entidades (https://smartiago.santiagodecompostela.gal/sites/portalsmartiago/files/Smartiago-Listado_asistentes_taller.pdf), explicouse o funcionamento das Consultas Preliminares ao Mercado e resolvéronse as dúbidas e as cuestións remitidas previamente polas entidades, que poden ser consultadas a través da seguinte ligazón:

https://smartiago.santiagodecompostela.gal/gl/consultas-ao-mercado/preguntas-frecuentes

Ilustración 2: Obradoiro informativo sobre a CPM de Smartiago, 2 de decembro de 2019.

33

Empresas participantes Trinta entidades (empresas, centros tecnolóxicos e universidades) presentaron as súas propostas para o Reto 2 do proxecto a través do cuestionario de consulta ou vía correo electrónico.

A continuación, enuméranse estas entidades:

34

Entrevistas coas empresas participantes

Tras a recepción e a análise das propostas presentadas polas entidades participantes, o equipo do proxecto mantivo entrevistas individuais coas entidades con propostas sobre as que se necesitaba conseguir un maior nivel de detalle.

Organización

Ante o volume de propostas recibidas na consulta e a diversidade tecnolóxica destas, o equipo do proxecto decidiu recorrer ao asesoramento de especialistas, de conformidade co previsto no artigo 115.1 da Lei 9/2017 de contratos do sector público.

Estes asesores expertos acompañaron o equipo do Concello de Santiago de Compostela nas reunións coas entidades, para proporcionar o seu coñecemento e experiencia no ámbito da compra pública de innovación e en solucións para o ámbito dos residuos sólidos urbanos e a limpeza viaria, e a aplicación das novas tecnoloxías para a resolución de problemas neste campo.

Equipo CSC:

Gumersindo Guinarte Cabada – concelleiro de

Presidencia, Relacións Institucionais e Turismo Pablo Martín – xefe de sección de Medio Ambiente e

Sanidade

Luís Alberto López – técnico de Medio Ambiente e

Sanidade

Jesús Rodríguez – xefe de servizo da área de

Informática

Rafael Rodríguez – técnico da área de Informática Antón Varela – asesor do Goberno municipal

35

Asesores expertos:

Gonzalo Pellejero - socio director de TechFriendly, empresa especializada en smart cities, desenvolvemento urbano, innovación e comunicación. Asesor experto externo en compra pública de innovación da OTA. Jose Abella - asesor experto externo en compra pública de innovación da OTA. Pablo J. Martínez - asesor experto externo en compra pública de innovación da OTA. María Santiago, Asesora externa especializada en compra pública de innovación da OTA.

Os asesores expertos externos forman parte da UTE SILO-Red2Red, adxudicataria da oficina técnica de apoio (OTA) do proxecto Smartiago. No caso da empresa TechFriendly, está subcontratada pola UTE adxudicataria da OTA para, entre outras

tarefas, prestarlle apoio técnico especializado na fase de Consultas Preliminares ao Mercado.

Adicionalmente, estes especialistas apoiaron o equipo do Concello de Santiago noutras tarefas, como a difusión da convocatoria, a organización e a participación en xornadas de presentación, soporte na avaliación das propostas recibidas, participación en reunións internas de seguimento etc.

Todas as interaccións do equipo do CSC e dos asesores cos propoñentes da consulta recóllense nas correspondentes actas de reunión.

36

Fase de entrevistas

No marco do proceso de Consultas Preliminares ao Mercado do proxecto Smartiago, as entrevistas realizáronse entre os días 9 e 27 de xaneiro de 2020. No reto 2 de xestión sustentable e intelixente de RSU realizáronse un total de 19, que se amosan a continuación:

Entidade Data entrevista Entidade Data entrevista

Altia e Citic 09/01/2020 Telefónica 20/01/2020

Bahía Software 09/01/2020 T-Systems e Aporta 20/01/2020

Insitu 09/01/2020 Itelsis 21/01/2020

Balidea 10/01/2020 Movisat 21/01/2020

Wellness TechGroup 10/01/2020 Urovesa 21/01/2020

SRM e UPM 10/01/2020 Eptisa 21/01/2020

Ferrovial 13/01/2020 Citius 27/01/2020

Future Street 14/01/2020 ATOS 27/01/2020

Everis 14/01/2020 Amodo Soluciones 27/012020

Indra 20/01/2020 --- ---

37

En todas as reunións mantidas cos diferentes operadores económicos, seguiuse un guión e tratáronse os seguintes aspectos:

► Introdución sobre funcionamento e tempos da reunión por parte do Concello de Santiago [2 min]

► Presentación do Concello de Santiago [3 min]

Procedemento da consulta

Próximos pasos e prazos estimados

Visión xeral sobre a/s proposta/s por parte do Concello de Santiago.

► Presentación da empresa propoñente [25 min]

Exposición da proposta por parte da empresa propoñente (incluíndo todas as demostracións consideradas necesarias). A entidade podía apoiarse en presentacións. A información ou o soporte audiovisual utilizado para a presentación da proposta debía enviarse previamente para que estivese dispoñible. De non ser posible, en calquera caso, era necesario remitir toda a información presentada para unha revisión máis detida por parte do Concello.

► Preguntas sobre a proposta por parte do Concello [20 min]

* O Concello de Santiago podía solicitarlle ao propoñente nova información adicional, a cal debía enviarse ao correo do proxecto no prazo indicado durante a entrevista.

► Dúbidas e preguntas á empresa propoñente [8 min]

► Finalización da entrevista [2 min]

Todos os membros do equipo técnico asinaron o correspondente compromiso de confidencialidade en relación co acceso e coñecemento da información achegada polos operadores económicos nas solucións propostas.

38

Conclusións das entrevistas

As propostas recibidas e as entrevistas mantidas coas empresas participantes no reto 2 de xestión sustentable e intelixente de RSU serviron para entender mellor o alcance das solucións propostas e o seu nivel de desenvolvemento comercial (TRL). Isto, á súa vez, permitiu confirmar a oportunidade de innovación que o proxecto ofrece, tanto ao Concello de Santiago como aos distintos operadores económicos.

Doutra banda, o proceso de xestión da información para os trámites da CPM funcionou correctamente, o que permitiu que en todo momento estean dispoñibles os formularios e demais documentos que as empresas presentaron para participar nas consultas coa súa solución.

Das propostas e entrevistas extraéronse conclusións preliminares que servirán para unha mellor definición das necesidades dos pregos de futuras licitacións.

40

4. RESULTADO DAS CPM

O pasado 16 de decembro de 2019 pechouse o prazo de recepción de solicitudes e procedeuse á súa análise. Os resultados foron os seguintes:

Propostas recibidas na consulta para o reto 2 de Xestión Sostible e Intelixente de RSU

Entrevistas realizadas.

Entidades participantes na consulta no reto 2:

41

Un total de 28 empresas privadas

Unha proposta dun centro de investigación universitario

Dous proxectos contan coa colaboración ou foron presentados por centros tecnolóxicos

Dez propostas de empresas multinacionais líderes globais en diferentes áreas de negocio

Oito grandes empresas

Un total de 17 pemes (entre 10 e 250 empregadas/os)

Cinco micropemes (menos de 10 empregadas/os)

Maioritariamente, os propoñentes afirman ter experiencia en desenvolvementos funcionais e técnicos relacionados co proxecto exposto.

De igual forma, a maior parte dos propoñentes expoñen experiencias previas en desenvolvementos ou proxectos de tecnoloxías semellantes ás necesarias para a resolución do reto proposto.

42

Procedencia das propostas:

Dez dos propoñentes dispoñen de sede tanto no territorio nacional como en territorio internacional. Trinta entidades contan con sede en España..

Dedicación e tempo de reacción no proceso de consulta.

Gran parte das propostas foron innovadoras.

Dada a complexidade técnica do reto, o prazo outorgado para a súa resposta e o período do ano no que se levou a cabo a consulta, cómpre resaltar a ampla resposta e o interese mostrado polo Mercado en proporcionar solucións. Igualmente, a participación de empresas de procedencia rexional e local foi moi alta.

A participación incluíu axentes privados do mercado de todo rango, tanto grandes multinacionais, como pequenas e medianas empresas, así como empresas de nicho.

De igual forma, presentáronse catro propostas de forma conxunta. Todas elas definiron especificamente as entidades que son parte da alianza.

Aspectos destacables:

43

Conclusións extraídas

En termos do procedemento, o proceso de xestión da información para os trámites da Consulta Preliminar do Mercado funcionou correctamente. Non se produciron incidencias e en todo momento estiveron dispoñibles os formularios, documentos e presentacións na sede electrónica do perfil do Concello de Santiago de Compostela na Plataforma de Contratación do Sector Público.

Todas as empresas que participaron, entre as que se atopan multinacionais e referentes nos seus respectivos sectores, así como empresas especialistas no desenvolvemento de solucións tecnolóxicas e loxísticas, dispoñen de solucións, algunhas mesmo no mercado, que dan resposta aos diferentes subretos do reto, aínda sendo, maioritariamente, de forma parcial.

Desta forma, e de acordo coa información recibida do mercado, establécese que, neste ámbito, existen diversas solucións baseadas en tecnoloxías existentes, aínda que non sempre cumpren totalmente coas necesidades expostas no reto, de forma que se prevé a necesidade de que exista algún tipo de integración, adecuación específica e/ou desenvolvemento tecnolóxico para a execución do proxecto.

Por este motivo, considérase oportuno iniciar un procedemento para a Compra Pública de Tecnoloxía Inovadora.

As conclusións que a continuación se dispoñen son resultado, exclusivamente, da análise do contido das propostas.

44

Conclusións xerais

De acordo cos resultados obtidos das fichas presentadas polas empresas, recibíronse propostas que oscilan entre os 72 000 e os 2,6 millóns de euros (media de 703. 596 €) con diferentes períodos de execución, de entre 6 e 30 meses (media 17,5 meses de execución), así como niveis de madurez tecnolóxica TRL3 a TRL 9 (media 6).

A partir das solucións e as conclusións obtidas como resultado da consulta, detallaranse as especificacións funcionais e as condicións que formarán parte do prego de cláusulas administrativas particulares (PCAP) e do prego de prescricións técnicas (PPT) do proceso de licitación.

A información obtida ao longo das diferentes fases das Consultas Preliminares ao Mercado terase en conta por parte do órgano de contratación na elaboración dos pregos.

Conclusións non técnicas

Dada a complexidade dos retos que se van abordar polo proxecto Smartiago, as propostas deben ser integradoras. Isto significa que deben ofrecer unha solución chave en man, cun alcance completo sobre todos os requirimentos especificados no reto.

Así, espérase que os propoñentes abarquen todos os aspectos deste de forma integral. O anterior, pola complexidade técnica do reto, que require unir diferentes tecnoloxías, tales como big data, cloud, intelixencia artificial, visión artificial, machine learning etc., e áreas de coñecemento nun mesmo sistema que, coordinado, lle dea solución. Das propostas recibidas, poucas son as que expoñen unha solución deste tipo, de tal forma que a maioría proporcionan acceso a algunha tecnoloxía particular que require de integración con outras.

Polo anterior, sería moi positivo, á vista dos seus resultados, a unión de empresas e diferentes capacidades e coñecementos para a proposta dunha solución integral, tal e como se solicita.

45

Desta forma, as solucións propostas deberán integrarse nos sistemas e repositorios de código fonte dos que dispón e fai uso habitual este organismo. No caso de non facelo, deberá cederse a este o código fonte propio do propoñente, así como toda a documentación técnica e todos os elementos necesarios para permitir o correcto funcionamento no tempo dos desenvolvementos que se realicen.

Por tanto, á vista dos resultados da Consulta Preliminar do Mercado, a información que dela se obtivo, os prazos de execución que se definiron e os prazos impostos polo propio período de programación Feder, considérase a licitación correspondente nun prazo breve de tempo.

Conclusións técnicas: Alcance do proxecto

Neste apartado realízase un resumo e unha aproximación ás tecnoloxías e solucións propostas por todos os axentes participantes no proceso de Consulta Preliminar ao Mercado.

Así, a continuación, ponse en marcha unha agrupación lóxica por subretos expostos no ámbito da xestión de residuos e limpeza viaria e a súa potencial vinculación coas solucións expostas que encaixan cos retos expostos.

Xeral: Plataformas smart city e sistemas de soporte para integrar solucións

As conclusións sobre plataformas smart city aplicadas no reto de mobilidade son, de maneira similar, aplicables ao caso do reto residuos e limpeza viaria, onde a parte de solucións funcionais, varios provedores potenciais propuxeron plataformas de integración de sensores.

46

Reto 2.A. Deseño e posta en funcionamento dun sistema que permita medir ou inferir a cantidade real, por tipo de residuo, que unha persoa deposita na bolsa de lixo ou nun colector

Dentro do marco deste subreto expuxéronse diversas alternativas, como as seguintes que se indican a continuación.

Proponse a utilización de sensores que realicen varridos de ultrasons para a caracterización en tempo real do volume de residuo depositado por fracción, creando mapas 3D do contido dun colector e asignando a diferenza de depósitos a cartóns RFID cidadáns, cartóns que permitirían vincular volume depositado con persoas. Este tipo de solucións exponse tamén con medición en tempo real do peso do colector.

Tamén se propón o despregamento de “narices electrónicos” capaces de determinar (vía medición de gases) as composicións dos residuos orgánicos depositados.

Así mesmo, propóñense colectores intelixentes, baseados en “cerebros ” intelixentes e abertos de baixo custo, que se adapten a calquera tipo de colector e que dispoñan de comunicacións de baixo custo e baixa enerxía (nb-IoT ou LoRa). Poden incorporar diversas funcións: apertura por usuarios (con cartón RFID, móbil ou cartón bancario), apertura remota de colectores en sectores e franxas temporais, detección da introdución de bolsas no colector, control de volumetría e peso, movemento (acelerómetro e GPS) ou temperatura (control de fermentación ou lume).

Por outra banda, en relación cos sistemas de captura de datos, proponse o emprego de motores de cálculo para escenarios multicriterio que permitan realizar simulacións, predicións ou mesmo prescricións para actuar na xestión do servizo de recollida de residuos ou na súa planificación dinámica. Para iso, os provedores potenciais propoñen solucións principalmente baseadas en algoritmos de aprendizaxe automática: predición de enchedura de colectores (con redes neuronais LSTM e algoritmos xenéticos) ou técnicas de hierarchical clustering.

47

Tamén se expoñen solucións para a caracterización de residuos depositados en colectores, baseadas en métodos de aprendizaxe automática, adestrando modelos vía caracterización de residuos in situ nos propios colectores ou nas plantas de tratamento (por exemplo, planta de Sogama) e a través do modelado de datos enriquecidos con información socioeconómica a nivel de sección censal ou rúa.

Desde o punto de vista de papeleiras, propóñense tamén papeleiras compactadoras con control de nivel de enchedura e transmisión de datos sen fíos, aínda que son produtos comerciais consolidados en mercados internacionais e non aplica a súa compra a través de mecanismos de CPI. En calquera caso, este tipo de produtos considérase como elementos do espazo público para albergar puntos de acceso wifi, routers ou equipos para prover de 5G.

Como aspectos complementarios, tamén se propoñen simuladores de recollida porta a porta con capacidades preditivas e prescritivas ou esquemas de pago por xeración de residuos, aínda que se trata de solucións xa existentes.

Neste ámbito, obsérvase una proposta dispar de aproximación ao reto e un nivel de madurez tecnolóxica, en xeral, alto (TRL 8-9), aínda que a ampliación de posibilidades de uso de tecnoloxía IoT en colectores para ampliación de funcións, xunto coa aplicación de algoritmos para a predición de enchedura e caracterización de residuos, combinado co aproveitamento de datos abertos como fontes para enriquecemento de modelos de predición con información contextual, supoñen un elevado grao de innovación.

48

Reto 2.B Deseño e posta en funcionamento de sistemas de visión artificial baseadas en computación de bordo para valoración do estado de limpeza e conservación da vía pública

No reto 2.B, os provedores potenciais fixeron unha aproximación similar (falando de tecnoloxías de procesamento de imaxe ou de enfoque edge computing) ás realizadas para os retos 1.B e 1.C, empregando técnicas, frameworks e modelos preadestrados de visión artificial para a identificación de danos e patróns de deterioración no espazo público, tanto en vías como en fachadas.

Con todo, apúntanse certas ideas e propostas enfocadas ao ámbito concreto do estado de limpeza e conservación da vía pública que paga a pena mencionar e que se describen a continuación.

No caso concreto do vandalismo contra o patrimonio, propóñense modelos de visión artificial que se poidan empregar para estimar a posición dunha persoa nunha imaxe ou vídeo, así como onde están as articulacións clave do corpo en tempo real, utilizando os datos xerados para identificar patróns de comportamento das persoas que poidan clasificarse como de risco para o patrimonio monumental.

Por outra banda, e aínda que non é un aspecto especialmente innovador, os provedores expoñen o uso de cámaras en vehículos para realizar análises de superficies mentres estes circulan.

Neste ámbito, obsérvase un nivel de madurez tecnolóxica medio (TRL 5-6), no campo do uso da detección de posicións para analizar situacións de risco para o patrimonio creadas por persoas. Por outra banda, do mesmo xeito que nos retos de mobilidade, a principal innovación reside na definición de novas arquitecturas de cámaras e dun cambio de paradigma na videovixilancia. Pásase de empregar persoas na análise de imaxes a utilizar intelixencias artificiais que realicen ese traballo, tras ser adestradas por persoas no desempeño de certas funcións, onde nos atopamos cun nivel de madurez tecnolóxica media (TRL5-6) e onde é necesario probar o rendemento destas novas arquitecturas (e de integración de compoñentes) en situacións e contornas reais baixo as condicións de clima dunha cidade.

49

Reto 2.C. Deseño e posta en funcionamento de sistemas intelixentes de enxeñaría para o mantemento de activos relacionados coa recollida de residuos urbanos ou a limpeza viaria

Neste subreto non se recibiron propostas que satisfagan as expectativas do Concello de Santiago, aínda que se identificaron ideas (que non propostas concretas e minimamente desenvolvidas) relacionadas cos seguintes aspectos:

Uso de simuladores de escenarios de mantemento

Utilización de lentes de asistencia remota

Localización QR para trazabilidade de servizos de limpeza

Sistemas de compliance management para establecer procedementos e medidas de control para supervisar, xestionar e facer un seguimento do cumprimento de estándares establecidos (por exemplo, de calidade de limpeza)

Así, neste ámbito, consideramos moi difícil incorporar requisitos dentro de pregos técnicos relacionados con limpeza viaria.

50

Reto 2.D. Deseño, produción e validación dun vehículo eléctrico modular e multifuncional (maximización da utilización) con control de tracción para evitar danos en pavimento.

(É similar ao subreto 1.F, dentro do reto de mobilidade). As conclusións correspondentes ao subreto do vehículo eléctrico modular e multifuncional publicaranse en datas posteriores a este informe.

Reto 2.E. Deseño, adestramento e validación dun sistema de avaliación de parámetros e accións clave para incrementar a cantidade e calidade do compost xerado en illas de compostaxe comunitarias e individuais

Neste subreto recibiuse una única resposta por parte dos provedores, que propón un sistema de compostaxe intelixente e compacto.

Concretamente no ámbito hardware, desenvolverase un tag especial e específico para telemetría en colectores de compostaxe que contará coas seguintes características:

Medición do peso do tanque mediante a lectura dun conxunto de células de carga situadas baixo as patas do depósito.

Sensorización de temperatura en tres alturas diferentes do depósito, integradas nas propias paredes illadas termicamente do compostador, para garantir que se alcanzan os 55 graos durante, polo menos , 14 días en todos os puntos do colector.

51

Comunicación primaria de datos a un servidor mediante tecnoloxías sen fíos para garantir o envío de telemetría en tempo real e garantir a actuación do compostador de modo automático.

Así mesmo, proponse o desenvolvemento dunha plataforma de control e xestión do proceso de compostaxe.

Neste ámbito, obsérvase un nivel de madurez tecnolóxica medio (TRL 5-6), polo que a compra vía CPI sería factible, aínda que se debe garantir a concorrencia a unha potencial licitación.

52

Reto 2.F. Deseño e validación de técnicas, modelos e ferramentas de gamificación para promover a reciclaxe

Neste subreto recibíronse diversidade de propostas por parte dos provedores, aínda que non se identificaron innovacións sobre solucións xa existentes no mercado.

En calquera caso, a continuación, indícase un resumo das propostas tipo recibidas:

• Sistema para segmentar e clasificar audiencias segundo o comportamento ambiental e as características socioeconómicas.

• Personalizar comunicacións en función das actuacións do cidadán para mellorar os seus hábitos de reciclaxe.

• Deseño de novos modelos de fiscalidade e cálculos de taxas ou incentivos segundo a conduta ambiental.

• App de gamificación a través do uso de fotos de cidadanía en combinación con recompensas/reputación (proponse o uso de blockchain, aínda que non se explica ben o motivo).

• App de gamificación con recompensas para turistas responsables e sustentables con premios (propoñen moeda local).

• Creación de experiencias de usuarios personalizadas (RRSS) e formatos (vídeo, imaxe).

• Xerar datos de valor para a mellora dos servizos de recollida de residuos ou como inputs para campañas municipais de concienciación.

Neste ámbito, obsérvase un nivel de madurez tecnolóxica moi alto (superior a TRL 9), polo que a compra vía CPI non sería factible, aínda que algunhas ideas ou propostas poderían enriquecer proxectos de carácter máis tecnolóxico.

53

Aspectos relacionados coa propiedade intelectual e dereitos de explotación

Non se entenderá por dereitos de propiedade intelectual e industrial (en diante DPII) os que apliquen sobre os resultados xerados fóra do ámbito do presente procedemento, é dicir, DPII sobre resultados preexistentes, DPII sobre resultados posteriores á finalización e peche do presente procedemento e DPII sobre resultados xerados no ámbito doutros procedementos distintos a este.

Tendo en conta isto último, asúmese que a xestión e a compartición dos DPII orixinados do desenvolvemento das solucións derivadas do cumprimento do procedemento é una característica inherente aos procedementos de CPI, a cal será regulada en cada procedemento de acordo co estipulado na Lei 9/2017, de 8 de novembro, de contratos do sector publico.

Calendario estimado de publicación dos pregos

Partindo do anterior, pódese concluír que se recolleu suficiente información como para dar por cerrada a consulta do reto 2 de xestión sustentable e intelixente de RSU e pasar á redacción do prego, que se estima estará publicado no segundo trimestre de 2020.

A continuación, amósase o calendario preliminar que detalla o proceso de licitación:

1. Publicación da licitación: 2T 2020

2. Adxudicación: 3T 2020

3. Execución: 3T 2020 – 2T 2022

54

Periodo de execución

Prevese un período máximo de execución de 20 meses a partir da sinatura do contrato, con posible definición de fases de execución dentro dese período.

Ilustración 3: Calendario tentativo de licitación y ejecución.

NOTA: as datas aquí expostas son orientativas e poderían verse alteradas ata a derrogación do Real decreto 463/2020 sobre a declaración do estado de alarma para a xestión da situación de crise sanitaria ocasionada pola COVID-19.

55

Mapa de demanda temperá

Tendo en consideración os resultados e as conclusións da consulta, defínese a continuación un primeiro borrador de mapa de demanda temperá, o cal permitirá anticiparlle ao mercado os plans de contratación previstos por parte do Concello de Santiago para o reto 2 de Xestión Sostible e Intelixente de RSU.

Proxectos RSU e limpeza viaria Contía estimativa

Licitación aprox.

Licitación 1

1. Colectores intelixentes para a recollida de residuos sólidos orgánicos, con compoñentes de gamificación e integrable con redes de comunicacións

400.000 euros

2T 2020

58

ANEXO I: RESUMO DAS PROPOSTAS

Para a análise das propostas presentadas tívose en conta a información non confidencial procedente das fichas cubertas por cada unha das empresas, de acordo co previsto no artigo 115 de Lei 9/2017, de 8 de novembro, de contratos do sector público:

En ningún caso durante o proceso de consultas, o órgano de contratación poderá revelarlles aos participantes as solucións propostas polos outros participantes, que só este coñecerá integramente. Con carácter xeral, o órgano de contratación, ao elaborar os pregos, deberá ter en conta os resultados das consultas realizadas. De non ser así, deberá deixar constancia dos motivos no informe ao que se refire o parágrafo anterior. A participación na consulta non impide a posterior intervención no procedemento de contratación que no seu caso se tramite.

A continuación, preséntase un breve resumo de cada unha das propostas recibidas por orde alfabética:

59

Nome da proposta

Oráculo IA: Sistema polivalente de inferencia e visión artificial

Descrición da proposta

Sistema polivalente de inferencia composto para facer fronte a varios dos subretos expostos na contorna da visión artificial e a aprendizaxe máquina.

A solución proposta inclúe os seguintes compoñentes principais:

Centro integrado de control Software de xestión da plataforma. Plataforma polivalente de intelixencia artificial Módulos conectores con distintas orixes de datos e sistemas externos Kit de visión artificial baseado en edge computing

Sobre esta plataforma horizontal crearanse, validaranse e implantaranse os modelos de visión artificial e modelos preditivos para a resolución de varios subretos concretos.

Altia Consultores SA e Citic (UDC)

60

Nome da proposta

A ferramenta I+D: Compliance para xestión sustentable e intelixente de residuos sólidos urbanos (RSU) e limpeza viaria propón unha solución para auditar todos os procesos relativos ao servizo de xestión de residuos, asegurando o cumprimento normativo e fomentando a aplicación de boas prácticas. Así consegue detectar, clasificar e previr riscos en tempo real e a distintos niveis de usuarios.

A ferramenta Compliance realiza un mapeo e unha estandarización que identifica e valora os riscos de cada proceso, estandarizándoos e traballando pola prevención dos riscos. Realiza un seguimento dos expedientes, ofrecendo trazabilidade e transparencia, ao proporcionar información confiable en tempo real. Un aspecto fundamental é a súa portabilidade, pois é adaptable a distintos dispositivos móbiles, o que permite a calquera tipo de usuario ofrecer información constante e relevante dos procesos.

Amodo Soluciones S.L.


Monitorización e optimización de cumprimento de servizos

61

Nome da proposta

Plataforma urbana para a xestión intelixente da cidade de Santiago de Compostela


Proponse unha plataforma aberta e interoperable para integrar todos os datos dos diferentes casos de uso provistos nos retos 1, 2 e 3, e ofrecer os servizos que en cada subreto se comentan. Como plataforma base proponse a solución Urban Data Platform de Atos (AUDP).

A plataforma recolle e integra os datos unha vez normalizados a NGSI. Os datos estarán dispoñibles tanto para a súa visualización a través do cadro de mando avanzado da plataforma como para o consumo a través de API REST. Para a maioría dos retos, farase necesario combinar a plataforma cunha solución de visión artificial que, grazas a algoritmos de intelixencia artificial avanzados, permitirán a identificación dos elementos que require cada reto e enviará á plataforma as incidencias, alarmas ou metadatos que sexan necesarios para ofrecerlle os servizos á cidadanía ou á cidade que se indican.

ATOS Spain S

62

Bahía Software

Nome da proposta

SmartWaste


O alcance do proxecto céntrase en dotar dunha plataforma tecnolóxica que permita analizar información en tempo real do estado de limpeza e conservación de vía pública no centro histórico e arredores para dar apoio á toma de decisións de usuarios expertos. Permitirase, así, planificar rutas de limpeza da vía, horas de recollida e xestionar os recursos necesarios en función do estado de limpeza das rúas. A ferramenta poderá identificar obxectos tirados na vía pública a través dun sistema de visión artificial. A partir de aquí, a ferramenta establece un diagnóstico preciso das rúas e determina o seu nivel de limpeza, ademais de ofrecer estatísticas e consulta de históricos. A partir da información proporcionada pódense implementar mecanismos de apoio á toma de decisións dos usuarios expertos.

63

Balidea Consulting & Programming

Nome da proposta

CleanTiaGO! - Limpeza de Santiago, baseada en tecnoloxías de intelixencia artificial

Descripción de la propuesta

Os alicerces tecnolóxicos da proposta son deep learning combinado con técnicas de visión artificial para a detección de actos de vandalismo e a valoración do estado de limpeza e conservación. Uso de técnicas de minería de procesos para extraer patróns de comportamento. Utilización do machine learning para a xeración dun modelo preditivo e avisos con base nos patróns previamente identificados e no adestramento realizado. Sensores/equipos de captación e análise de imaxes, portátiles, de fácil instalación e con opción de autonomía temporal. Capacidade de adaptación a distintas arquitecturas de despregamento. Sensor móbil. Plataforma de Blockchain. Estratexias de gamificación 3.0, para fomentar a participación cidadá. Aplicacións de usuario, que permitan facer uso óptimo de todas as funcionalidades da plataforma.

64

Cástor Casas Tojo

Nome da proposta

Gama Alternativa Movilidad


Trátase dunha gama de equipos eléctricos destinados á mobilidade das persoas, materiais e realización de servizos, grazas á especial multifuncionalidade destes. Todos os equipos propostos son moi sinxelos, abordables, prácticos, amigables e respectuosos co medio e o patrimonio. O seu ámbito de aplicación é a última milla, especialmente os recintos de acceso restrinxido. Os equipos son os seguintes: TLS Tren Loxístico Sustentable, ME Mula eléctrica, VPM Vehículo Persoal Multifuncional, ATW All terrain Whelchair. A excepción do ATW, os equipos poden ser explotados para mercadorías, servizos ao transporte de persoas. Só está prevista a explotación das mercadorías, por depender de permisos especiais municipais.

65

Citius - Centro Singular de Investigación en Tecnoloxías Intelixentes (USC)

Nome da proposta

Capacidades CiTIUS para a xestión sustentable e intelixente de residuos sólidos urbanos


Póñense posibles solucións para os seguintes subobxectivos:

Deseño e implementación de sistemas de cámaras de visión artificial para a valoración do estado de limpeza: propóñense dúas alternativas, unha baseada en imaxe LiDAR, desenvolvendo solucións para o procesamento eficiente e a identificación de posibles residuos, e outra baseada en imaxe RGB, por medio de tecnoloxías de deep learning.

Deseño e validación de técnicas, modelos e ferramentas de gamificación para promover a reciclaxe: proponse e a aplicación de técnicas de minería de procesos para analizar e optimizar os sistemas de gamificación.

66

9zCentro de Observación y Teledetección Espacial S.A.U.

Nome da proposta

Tics en Servizos Urbanos e PAYT


TIC en Servizos Urbanos e PAYT. Inclúe deseño e implementación dun sistema que permite medir a cantidade real que unha persoa deposita e mellora o sistema de control de enchedura de colectores con optimización de rutas de recollida mediante análise preditiva de datos. Inclúe: dispoñibilidade en tempo real sobre a xeración de residuos desde o cidadán, comunicación administración‐cidadanía, supervisión de servizos, novos sensores de enchedura de colectores, implementación de tecnoloxías xa existentes, sistema de recollida de residuos porta a porta, colector intelixente, sistemas para control de servizos, app para smartphones para a xestión dos servizos urbanos, aplicación web para o cidadán e software de xestión.

67

DooingIT Ciberseguridad S.L e BitNeutro S.L.

Nome da proposta

Sistema de aproveitamento e reutilización de alimentos e promoción da compostaxe


Sistema para o aproveitamento e a reutilización de alimentos e promoción da posterior compostaxe, mediante unha plataforma colaborativa entre os axentes que xeran excedentes e perdas irreversibles e entidades que poden reutilizar os devanditos excedentes e xerar unha separación posterior.

68

Eptisa Servicios de Ingeniería S.L. e Eptisa Tecnologías de la Información S.A.

Nome da proposta

AI aplicada á conservación e xestión de RSU


Desenvolverase un sistema que permita a inspección das vías urbanas de Santiago e avalíe mediante intelixencia artificial o nivel de conservación deste en base á súa limpeza e degradacións do pavimento, e identificando e cualificando o estado de conservación dos activos relacionados coa recollida de residuos urbanos e limpeza. Grazas á integración destes datos nun sistema de información xeográfica, poderase realizar unha xestión eficiente dos servizos municipais co consecuente aforro de recursos. Espérase lograr un desenvolvemento cun nivel de confianza superior ao 75 %.

69

Everis Spain, S.L.U.

Nome da proposta

eCompostela, o camiño da xestión sustentable e intelixente de

RSU

Exponse unha solución global que desagrega o reto en catro subretos: 1. Recollida de residuos: optimización do proceso a través dun modelo de planificación de rutas dinámico baseado nun modelo preditivo. 2. Reciclaxe e compostaxe: introdución dun modelo de incentivos articulado a través dunha app/cartón cidadán que introducirá elementos de gamificación, acompañado de campañas de comunicación. 3. Limpeza viaria: optimización do proceso a través da aplicación da visión artificial para identificar elementos e intelixencia artificial como elemento para establecer predicións. 4. Prolongación de vida útil de activos e xestión do proceso de inspección: modelo preditivo baseado en IoT, big data e intelixencia artificial. A solución sustentarase tecnicamente tanto en software específico como en dispositivos de sensórica en colectores, cámaras fixas e móbiles e telemetría nos distintos vehículos.


70

Ferrovial Servicios, S.A.

Nome da proposta

B-INtelligent


Desenvolvemento dunha solución intelixente para os colectores, completamente aberta, que permita a integración de diferentes periféricos como sensores volumétricos, de peso, localización, cámaras de visión artificial, sistemas de apertura e peche e identificación de usuarios. O éxito da solución exposta reside na modularidade do sistema e a súa facilidade de escalado. Os datos enviaranse a unha plataforma centralizada de análise de datos. A modularidade do sistema favorecerá o desenvolvemento de novas capacidades e permitirá que teña una adaptabilidade total ao mercado, ademais de ser máis económico. A solución non só incluirá unha capa horizontal, tamén poderá incluírse un módulo de gamificación para o usuario/cidadán que estea conectado coa información do sistema en todo momento.

71

Future Street LTD

Nome da proposta

Sistema intelixente de recollida de residuos e reciclaxe


Proponse o uso de colectores intelixentes que se alimentan con enerxía solar e están equipados con sensores que comunican o seu estado en tempo real aos equipos de recollidas, o que aumenta a eficiencia na xestión e a redución de custos nunha media do 70 %. A plataforma baseada na web, conectada á nube, ofrece información útil sobre a súa operación de residuos. A solución Bigbelly inclúe un modelo intelixente que permite compactar os residuos das súas áreas de alto tráfico, ademais dun modelo de capacidade estándar intelixente para as súas áreas menos concorridas. A solución é personalizable e modular en función da súa capacidade, fluxo de residuos e necesidades de accesorios, incluídos os complementos de aplicacións de smart city, como sensores IoT, wifi, plataforma 5G. Propoñeninstalar 100 colectores intelixentes nas diferentes áreas elixidas pola cidade.

72

Indra Soluciones Tecnologías de la Información, S.L.U.

Nombre da proposta

Big data e analítica avanzada aplicada á xestión da recollida de

residuos


BIDRES ten como obxectivo trazar a achega das distintas fraccións de residuos na zona monumental de Santiago, habilitando información e intelixencia de negocio para a supervisión de servizos e para unha comunicación máis avanzada cos habitantes e turistas, mediante a combinación de información de recollida de residuos en tempo real con información socioeconómica a nivel edificio, explotada a nivel de data analysis e big data en middleware. O sistema BRIDES permitirá consultar información socioeconómica por edificio e puntos de produción, permitirá inferir o peso achegado por habitante /comercio, os impropios xerados e outros patróns de comportamento na achega de residuos. Estes datos serán explotados utilizando software para a análise de datos, con algorítmica que permitirá alimentar un dashboard/GIS ao servizo do Concello.

73

Ingeniería Insitu S.L.

Nome da proposta

Seguimento viario mediante intelixencia artificial


Concíbese o desenvolvemento en tres niveis: nun primeiro nivel, sitúase a integración de sistema hardware móbil para captura informativa. Será acoplable con máxima sinxeleza en calquera vehículo. O segundo nivel desenvolverá a algoritmia necesaria, mediante técnicas machine learning para procesamento a bordo - tempo real de análise de estado de sucidade viaria a partir de información capturada, transferindo datos a geodatabase sobre servidor. O terceiro nivel desenvolverá sistema SIX, sobre base de datos de información xeocodificada de estado viario. Este visor permitirá a toma de decisións de planificación con base nun coñecemento a tempo real dos estados das vías. Funcionalmente, en fase despregamento, poderán existir varios sistemas de captura sincronizados, cubrindo, deste xeito, as áreas requiridas con maior taxa de refresco.

74

Sistemas Audiovisuales Itelsis, S.L.

Nome da proposta

Plataforma de Compostaxe Comunitario (Itelsis Compost)


Desenvolvemento dunha aplicación baseada na nube (SaaS), que asegure o acceso á aplicación e aos datos desde calquera dispositivo e lugar. O sistema deseñado contaría cunha aplicación móbil capaz de identificar o usuario, ler e enviar a información a unha base de datos, unha plataforma web capaz de recoller e tratar toda a información recibida a través dos sensores que estarán situados nos colectores. No que se refire á plataforma hardware, desenvolverase un tag especial e específico para telemetría en colectores de compostaxe que contará coas seguintes características: medición do peso do tanque mediante a lectura dun conxunto de células de carga situadas baixo as patas do depósito, sensorización de temperatura en tres alturas diferentes do depósito para garantir temperatura estable en todos os puntos do colector, comunicación primaria de datos a un servidor mediante tecnoloxías sen fíos e funcionamento con alimentación externa.

75

Little Electric Car España, S.L. e Movelco (colaboración con CTAG)

Nome da proposta

VEGALIUM - Vehículo Eléctrico Galego Lixeiro para repartición de Última Milla multipropósito


O obxectivo principal da proposta é o deseño e o desenvolvemento dunha plataforma de vehículo eléctrico modular, lixeiro e multipropósito para repartición de última milla, que permita tanto o transporte de persoas como de mercadorías no centro histórico do Concello de Santiago de Compostela, e que poida configurarse para diferentes servizos, como a recollida de residuos ou limpeza de rúas (varredora).

76

Movistat (marca comercial de Tecnomovilidad Sociedad Cooperativa)

Nome da proposta

Simulador de rede de recollida de residuos con capacidades preditivas e prescritivas con base en información histórica e de contexto


A través da adaptación/integración do simulador de redes de recursos á casuística e os sistemas de información existentes (variables de entrada, elementos considerados e criterios de comparación e priorización) obteríase un sistema de recomendación de óptimos mediante a aplicación de intelixencia artificial. O uso de sensores de VOC permitiría detectar a presenza de residuos orgánicos en colectores de fraccións reciclables. Utilizando técnicas de machine learning a series temporais de pesadas de colector en ruta, permitiría predicir o volume (e peso) de residuos xerados para as distintas fraccións de residuos cunha fiabilidade superior ao 80 % a escala inferior á rúa. Tamén se realizaría a detección de patróns e tendencias a partir dos datos e a evolución temporal da xeración de residuos a escala de colector/edificio, que permite ter información coa que crear políticas de incentivación.

77

SEYS Medioambiente, S.L.

Nome da proposta

Sistema Eco Seys


Trátase dun sistema que permite acumular “puntos eco” ao cidadán cando realice a súa xestión de residuos encamiñados á economía circular, separando adecuadamente orgánicos, vidro, plásticos etc. Estes “puntos eco” traduciranse nunha diminución de emisións, que, en última instancia, servirán para premiar o cidadán por medio dunha redución na taxa municipal de residuos. Cada abonado terá unha aplicación móbil, xeralmente integrada na smart city municipal, que permitirá a lectura código QR ou sistema RFID. Cada colector terá un QR de identifica a posición e o tipo de residuo. Ao utilizar o cidadán este sistema achegará a aplicación ao QR do colector, que identificará diversos parámetros. O colector, dotado dun sistema de detección volumétrico, informaría á aplicación móbil e a central de que se efectuou a recollida.

78

Sixtema (Soluciones y Proyectos de Información, S.L)

Nome da proposta

Plataforma para a Xestión Integral de RSU


Plataforma de xestión integral de RSU baseada no acceso a información detallada do estado de colectores e papeleiras para a detección de desviacións de recursos, e deseño e optimización de rutas de vehículos de recollida de RSU e de vehículos de limpeza urbana mediante procesos SIX. Integración da plataforma con servizos complementarios de información temática relacionada coa limpeza como, por exemplo, a densidade de poboación, zonas hostaleiras etc. Módulo de aplicación móbil de colaboración cidadá para envío de avaliación, necesidades do servizo e incidencias. Inclusión de algoritmos de intelixencia artificial para a análise da información previa e realización de predicións relativas ás necesidades de baleirado futuras de cada punto de recollida con base en potenciais aglomeracións, incrementos de necesidade do servizo etc.

79

SRM Consulting – Universidad Politécnica de Madrid (UPM)

Nome da proposta

Plataforma integradora para a xestión, análise e visualización de datos


Plataforma integradora (ImpsilumSmart) capaz de recibir, analizar e mostrar os datos solicitados mediante calquera outra solución. Unha plataforma distribuída despregada por colectores que se pode executar en calquera equipo coas máximas garantías de compatibilidade. Accesible a través dunha aplicación web. Implementando métodos para recibir información a través de numerosos protocolos de comunicación. Achegando toda a potencia dos servidores en backend e a versatilidade e lixeireza dunha contorna web para visualización. Complementándose cun sistema de alertas segundo o resultado das diferentes análises e previsións, que levaría á actuación da Administración de forma efectiva, rápida e en tempo real. Ademais, é unha plataforma colaborativa e escalable. É transversal para as solucións de mobilidade e RSU.

80

Teimas Desenvolvemento S.L.

Nome da proposta

ZERØ Concello circular: concentración e explotación de datos

de sustentabilidade


Implantación, adaptación (desenvolvemento) e integración dunha plataforma de captación e explotación de datos de produción de residuos e outros valores de sustentabilidade do Concello, como un complemento necesario ás actuacións en materia de RSU do proxecto SmartIago. ZERØ será de grande utilidade para encamiñar un concello cara á circularidade. É necesario adaptalo, por exemplo, á captación de datos típicos de RSU (a nivel de colector), así como incrementar as súas capacidades para outros índices de utilidade para o Concello.

Obxectivos: 1.- Poder almacenar e tratar a información do proxecto SMARTiago pero tamén doutros puntos de produción de residuos e outros valores relacionados coa sustentabilidade do consistorio. 2.- Proporcionar mecanismos de explotación desa información para os técnicos e persoal interno. 3.- Pór a disposición do cidadán a información de sustentabilidade do municipio.

81

Telefónica

Nome da proposta

Smart RSU

Descrición da proposta Obxectivo A: deseño e implementación de sistema recollida porta a porta que permita medir ou inferir cantidade real, por tipo residuo, que unha persoa deposita en bolsa lixo ou colector, con identificación e lectura RFID, así como adaptación/integración de simulador de redes de recursos a casuística Santiago e os sistemas información existentes. Obteríase un sistema de recomendación de óptimos mediante a aplicación intelixencia artificial. O uso sensores de VOC permitiría detectar a presenza de residuos orgánicos en colectores de fraccións reciclables e predicir volume/peso de residuos xerado, distintas fraccións de residuos con fiabilidade superior a 80 % a escala inferior á rúa. Obxectivo F: detección de patróns e tendencias a partir de datos e evolución temporal de xeración de residuos a escala colector/edificio, que permite ter información fundamental para crear políticas de incentivación, que pode ser complementada con datos achegados pola cidadanía (gamificación).

82

T-SYSTEMS ITC IBERIA S.AU. e Aporta Plataforma Cooperativa SCCL

Nome da proposta

Proxecto de corresponsabilidade cidadá a través da identificación de usuarios e a segmentación de audiencias baseadas nas pautas de reciclaxe e sector de poboación


Proxecto de corresponsabilidade cidadá a través de a identificación de usuarios e a segmentación de audiencias a través das pautas de reciclaxe e sector de poboación. Realizarase mediante un sistema de identificación de usuario vía app móbil con dispositivos IOT Bluetooth en colectores para captar comportamentos. Aplicación móbil cunha canle bidireccional. Integración con plataforma smart city municipal, co fin de integrar información doutras verticais e sistemas, ademais da información existente. Obxectivos: segmentar audiencias segundo comportamento ambiental e características socioeconómicas, crear experiencias de usuarios personalizadas para diferentes plataformas e formatos, aplicar novos modelos de fiscalidade a través de cálculo de taxas ou incentivos por conduta ambiental e xerar datos de valor para a mellora do servizo ou como inputs para campañas municipais.

83

Uro, Vehículos Especiales S.A.

Nome da proposta

Vehículo URO K6.E.18


Desenvolvemento dun vehículo urbano con tracción eléctrica, estreito (2 m) e elevada capacidade carga (MMA 18 TN). Este desenvolvemento exponse en seis fases. Fase 1: ensaios de caracterización da aplicación. Instrumentación e ensaio de vehículos urbanos (RSU) de uso similar en ciclo real de operación. Fase 2: modelos de simulación e selección optimizada. Dimensionado dos principais compoñentes de tracción eléctrica. Fase 3: Iintegración e desenvolvemento de electrónicas EVCU. Fase 4: probas en banco Deseño lay-out banco, deseño e fabricación de útiles específicos, realización de ensaios. Fase 5: montaxe do vehículo e deseño e fabricación de todos os elementos do vehículo non relacionados directamente co sistema de tracción eléctrica, así como todos os elementos de ancoraxe necesarios para a instalación e a integración dos compoñentes de tracción eléctrica. Fase 6: validación e posta en marcha.

84

Wellness TechGroup

Nome da proposta

Quamtra Manager


Dáse resposta aos seguintes obxectivos específicos, todos integrados na plataforma de xestión Quamtra Manager. Sistema de acceso ao colector por cartón RFID combinado con sensores de enchedura para identificar o volume de residuo e planificar a recollida. Sistemas de cámaras embarcadas en vehículos de recollida con algoritmos de recoñecemento de irregularidades en calzadas e rúas, así como defectos en colectores . A combinación dos datos anteriores, máis a integración de datos de terceiros, dará información suficiente como para optimizar o mantemento de activos intervintes. Utilización de nariz electrónico combinado con datos de meteoroloxía para determinar a xeración e a evolución de gases. Implementación de técnicas particularizadas ao perfil de usuario. Creación de boas prácticas e políticas de recompensa parametrizadas para cada perfil de usuario e xestionadas na plataforma.

Informe final da Consulta Preliminar ao Mercado do ... · Santiago de Compostela para o proxecto...

Documents

Transcript of Informe final da Consulta Preliminar ao Mercado do ... · Santiago de Compostela para o proxecto...