ecturas nun tempo

de verán

Se mergullarse na lectura supón a perda da noción do

tempo, non hai mellor momento para iso que o verán. Busca

eses libros agochados na biblioteca da casa ou nun estante

perdido da túa habitación; visita a biblioteca pública ou a

librería que máis che guste; pídelle a algún amigo que che

recomende un libro. Valen todos os temas, todos os

xéneros, todos os personaxes,... No verán non hai lecturas

obrigatorias, hai LIBROS LIBRES.

Librérate!!!!

1º ciclo ESO

Saímos de ruta e en primeiro lugar viaxamos a Nova

Iorque co personaxe de comic Mot, un monstruo

amable que vive no armario de Leo e que o leva pola

cidade dos rañaceos e polo mundo de Nunca

Xamáis. De volta a Europa achegámonos a Bélxica

co pequeno Spirou que nos fala do seu mestre

favorito no comic Mi profesor de ximnasia. A viaxe

continua por Europa e lévanos no espazo e no tempo

ata a antiga Roma na que ocorren as historias

policiacas de Caroline Lawrence en El fugitivo de

Corinto. De volta pasaremos pola cosmopolita

cidade de Barcelona para coñecer a Raquel de

Isabel-Clara Simó que tamén viaxa moito pero por

dentro de sí mesma. E, xa un pouco cansos de tanto

andar fóra da casa, voltamos e lemos a Breve

Historia de Galiza de A Nosa Terra, porque coñecer o

propio é a porta para coñecer aos demáis.

2º ciclo ESO

Esta nova viaxe imos comezala en nave

espacial, chegando á Terra para acompañar aos

extraterrestres de The Host de Stephenie Meyer

que non collen hotel senón que entran

directamente a hospedarse nos corpos dos

humanos, con serias consecuencias para as

dúas especies. Despois podemos facer unha

viaxe a lugares imaxinarios como Idhún, polos

que nos leva Laura Gallego en Memorias de

Idhún. No mar entramos co navío Santa Lilaina,

un veleiro do século XIX, na novela de

aventuras Caldo de mares para homes libres de

J.A. Xesteira, que percorre os mares de Lisboa

ata o Caribe. No camiño de volta, no avión,

podemos ir lendo unha novela policiaca situada

en Cambados Svea Kött (carne sueca) do noso

escritor Domingo Tabuyo, para ir recuperando

as esencias do Salnés. E, xa na casa, para

repousar de tanto camiñar polo mundo, un libro

de ciencias Eso no está en mi libro de ciencias

de Kate Kelly, que recolle os avances máis

importantes da ciencia e explícaos dun xeito

divertido.

Bacharelato e Ciclos

Comezamos a viaxe no centro de Galicia, nun lugar mítico que

representa a Galicia rural do século XIX, a Galicia dos pazos e dos

bosques profundos, a dos señores e os labregos, a Galicia que

retratou Emilia Pardo Bazán en Los pazos de Ulloa. De aquí

saltaremos ao lonxano Xapón que retrata Orgullo de Samurai de

Hiroshi Hirata, un comic que amosa a loita e orgullo dos guerreiros

orientais. Seguimos percorrendo a Terra ata o Caribe da man de

Ernest Hemingway quen, coa súa obra El viejo y el mar, narra a

historia de Santiago, un vello mariñeiro cubano que loita cun pez

xigantesco na captura máis salientable da súa vida. Percorrida case

a Terra enteira, saímos para Marte da man de Ray Bradbury que

relata a futura conquista do planeta vermello en Crónicas Marcianas.

De volta a Galicia leremos O bandido Casanova de Hixinio Puentes

que retrata ao bandido máis lendario do século XIX galego, Mamede

Casanova, alias Toribio. Por fin, hai que ler o libro de Stéphane

Hessel Indignádevos! se queremos viaxar pola realidade sen perder

o rumbo.