Natura-ondarea Eibarko udal akordioa
-
Upload
bildu-eibar -
Category
Documents
-
view
225 -
download
5
description
Transcript of Natura-ondarea Eibarko udal akordioa
EIBARKO NATURA-ONDAREAREN
ALDEKO AKORDIOA
(2012 – 2015)
Akordio honen bitartez, naturak Eibarko udalerrian eta orokorrean, egungo
gizartean duen benetako balioa aitortu eta adierazi nahi du Eibarko Udalak. Era
berean, gure ongizaterako eta hobekuntzarako duen garrantzia aldarrikatu nahi du.
Hau dela eta, datozen urteetan, Eibarko natura-ondarea babesteko eta hobetzeko
konpromisoa hartzen du.
Azken hamarkadetan gure gizartean eman diren aldaketekin, gizakiaren eta bizi
den ingurunearen arteko lotura gero eta txikiagoa da. Honek guztiak, kontuan izan
beharreko hainbat alderdi sortu ditu:
XXI. mendean egonik ere, oraindik ez dugu gure natura-ondarea ondo ezagutzen. Berau ezagutzeko pausuak ematen ari garen arren, oraindik
asko falta da egiteko.
Gure natura-ondarea hondatzen jarraitzen dugu, zer hondatzen ari garen
jakin gabe ere askotan eta eskaintzen dizkigun zerbitzuak arriskuan jarriaz.
Gure basoetako asko suntsituak daude, ez dugu gure ibaiak
berreskuratzerik lortu eta gure nekazal lur onenak estaltzen ari gara azken
hamarkadetan.
Erabaki ekonomiko eta politikoen aurrean, naturak eduki beharko lukeen garrantzia gutxietsi egiten dugu, biodibertsitateak duen balio ekonomikoa
ez delarik aintzakotzat hartzen, gizartearen etorkizuna arriskuan jarriaz.
Naturak, mehatxatzen gaituzten asaldurak baretzeko duen ahalmena zapuzteari utzi eta suspertzen hasi beharrean gaudela.
Gizartearen sentikortasuna emendatzea eta herritarrak naturara hurbiltzea
nahi badugu, eredu izan behar dugu naturaren alde hartzen ditugun
erabakietan eta aitzindariak izan behar dugu gure jarraibidean.
Gainera, Europar Batzordeak onartu duen moduan, nahiz eta Europar Batasunak
2010. urteko muga finkatu biodibertsitatearen galerari buelta emateko, galera hori
geratzerik ez du lortu ez eta berarekin datorren ekosistemen zerbitzu murrizketa ere.
Ondorioz, Bodibertsitatearen Europar Estrategia finkatu du 2020.urteari begira,
biodibertsitatearen galera erabat gelditzeko asmoz eta, horretarako, gureganatu
behar ditugun 6 helburu nagusi xedatu ditu:
Hegaztien eta Habitaten Arteztarauak bere osotasunean aplikatzea.
Ekosistemak eta beraien zerbitzuak zaindu eta berreskuratzea.
Nekazaritzak eta basogintzak biodibertsitatea zaintzeko eta hobetzeko eskaintzen duten laguntza areagotzea.
Arrantzarako baliabideen ustiapena iraunkortzea.
Espezie exotiko inbaditzaileen aurka borrokatzea.
Mundu guztian biodibertsitatearen galera eragozteko asmoz, EBak duen lankidetza emendatzea.
Hau dela eta, ebazten dugu:
- Bizitzaren oinarrizko elementuak babestea: gure airea, ura, lurzorua eta
biodibertsitatea, gure bizitzarako ezinbestekoak ditugun zerbitzu eta onurak
eskaintzeko moduan jarrai dezaten.
- Gure natura-guneak zaintzea, beraien habitaten kudeaketa emendatuz eta bizitza
babesteko lerrora behar den neurrian egokituz.
- Espazio hauen arteko loturak bilakatzea, herriko azpiegitura berdea sortu eta
osatuz, hirigunea eta landa-guneen arteko loturak indartuz.
- Gure inguru naturalean sortarazi ditugun kalteak, ahal dugun neurrian,
konpontzea.
- Basa-bizitzan eragiten dugun presioa gutxitzea, ingurune naturalaren kalitatea
bere osotasunean hobetuz.
- Natur baliabideen zentzuzko ustiapena bultzatzea.
.
Eta hitzartzen dugu:
- Jabego publikokoak diren lursailak, lehentasunez habitat eta espezieen
kontserbazio egoera babesteko edo berreskuratzeko erabiltzea eta, esku pribatuetan
dauden lursailetan ere, modu honetako ekimenak bultzatu eta suspertzea.
- Udalerri mailan espazio babestu berrien sorkuntza sustatzea eta ahaleginak egitea
inguruko herrietan dituztenekin koordinatzeko.
- Natura ingurunearekin bateragarriak diren jarduera ekonomikoak bultzatzea,
nekazaritza sozial/familiartekoa, balio natural handiko nekazal sistemak, kudeaketa
modu iraunkorrak, bide laburreko merkaturatzeak eta europar mailan Natura
babesteko dagoen legedia betetzea indartuko dutenak, batez ere, Hegazti eta
Habitaten Arteztarauak eta Uraren Orotariko Arteztaraua.
Ildo honetatik, Eibarren eta legealdi honetan aurrera eramango diren
gutxieneko ekintzak hauek izango dira:
- Eibarko bio aniztasunari buruzko ezagutza eta informazioa bultzatuko dituzten
azterketak bideratu eta gauzatzea.
- Bioaniztasunaren aldetik interesa izan dezaketen lursailak erosi. Gaur egun
ditugun lursail publikoetan habitat-ak eta espezieak berreskuratzeko ekintzak
aurrera eramatea. Eremu hauek San Romango pagadia, Asua errekako pagadia eta
Urko azpiko basoak izan daitezke adibidez.
- Bioaniztasunaren aldetik interesa izan dezaketen lursailen jabeekin hitzarmenak
sinatu, bertako fauna eta flora babesteko neurriak hartuz eta planifikazioa eginez.
Gaur egun sinatuta dauden hitzarmenen jarraipena egin eta hitzarmena bukatzen den
epea luzatu.
- Herri bideen inbentario bat egin. Zerrenda egin ondoren, interes naturalistikoak
izan ditzaketen bideak aukeratu eta ingurumen heziketa egiteko prestatu.
- Eibarko natura-ondarea eibartarrei gerturatzeko ekintzak bultzatu: zuhaitz eguna,
ingurumenaren nazioarteko eguna, ibilbide gidatuak, liburuen publikazioa eta
hitzaldiak emanaz.
- Akondia–Kalamua inguruan natur gune babestu bat sortu. Gerra zibileko
aztarnak, natur ondarearen babesa eta bizimodu tradizionala uztartuko dituen gune
erreferentzial bat bultzatu.
- Higadura arazoak dituzten guneetan ekintzak bideratu.
- Kortatxo eta Abauntzaga “Abontza” errekak “babes bereziko eremu” moduan
izendatu (Saturixokoa moduan)
- Kortatxo erreka eta Ermuako muga “Lindani” artean garatzen ari den ekosistema
babesteko neurriak hartu. Gune hauek eta Ermuako natur guneen arteko lotura bat
bultzatu.
- Ego ibaiaren egoera tamalgarria hobetzeko neurriak hartu. Alde batetik uraren
kalitateari dagokionez eta bestetik ibai ondoko landaretzari begira.
- Nekazaritza eta abeltzaintza ekologikoak bultzatu, bioaniztasuna babesteko
berme moduan.
- Proposamen guzti hauek gauzatzeko bitarteko pertsonal eta ekonomikoak jartzea.
Eibar, 2012ko maiatza
Bilduko ingurumen eta landa garapen lantaldea