Este mes de novembro visitaron a nosa escola moitos colaboradores e amigos de Shanga, entre eles David Russell , recoñecido intérprete de guitarra clásica, e a súa dona María Jesus. Presenciaron un ensaio na clase de música participando activamente no mesmo, pasaron polas clases interesándose polas leccións do día, asistiron a unha actuación de música e danza do alumnado, e tamén plantaron un xasmín preto da nova cociña. Disfrutamos coa súa compaña e da súa agarimosa cordialidade.

David e María Jesus fixeron unha achega solidaria que nos vai permitir comprar o terreo que esixe o goberno para impartir high school. Ademais manifestaron o seu interese por patrocinar un obradoiro musical coa doazón de instrumentos e a promoción dunha educación musical máis profunda. O seu entusiasmo polo noso proxecto, o seu apoio e afecto enchéronnos de ledicia.

Visitáronnos tamén Antonio Valiente, fundador e coordinador da ONG unplatodecominda.org, que ademais de colaborar habitualmente na alimentación dos nenos, inaugurou unha cociña ao aire libre, realizada grazas ao traballo do Grupo Scout Chaminade, de Cádiz; Pilar Álvarez, da Fundación Pro Mundo que subvencionara a compra do autobús da escola; Luis García Verdú, documentalista e técnico de imaxe da Universidade de Alicante, que está a realizar un video sobre a nosa experiencia. Amigos e amigas que co seu apoio e solidariedade dannos alento para continuar o camiño.

Fotos:

Ilustración 1: María Jesús e David na clase de musica (NOV 11).

Ilustración 2: David e María Jesús plantando un xasmín (NOV 11)

Ilustración 3: Antonio e nenos inaugurando a cociña (NOV 11)

Ilustración 4: Festexando a nova cociña (NOV 11)

Ilustración 5: Decorando a nova cociña para a inauguración (NOV 11)

Ilustración 6: Pilar aplicando unha técnica de Seitai (NOV 11)

Ilustración 7: Luis filmando nunha aldea próxima (NOV 11).

Ilustración 8: Antonio, Pilar, Umesh, Mª Jesús e David (NOV 11)

Ilustración 9: Os nenos diante da escola (NOV 11)