68

Un egzemplo de tenasita literaria

YAKUP ALMELEKKe orgulyo para mozotros de saver ke las dos ovras dramatikas de Yakup Almelek fueron reprezentadas en Broadway. Su ovra Despartar de un Esfuenyo se pudo ver en New York entre el 7 i el 18 de Julio 2010. 7

Munchos anyos antes, en lo ke yo era rubisa, una de las tareas miyas fue el arekojer minyan, i esto mutlaka devia de ser una ironiya, achakes ke a mi, siendo mujer, no me era permetido de azer parte del minyan, ni me era permetido de kumplir la mitzva de ser yamada a la Sefertora. 20

KUANDO FUI YAMADA A LA TORA

El mundo del sinema

El filmo dokumental Tijuana Jews por el rijidor djudio amerikano Isaac ARTENSTEIN, es parte de la seria La Eksperiensa Djudia en Amerika Latina. 17

LOS DJUDIOS DE TIJUANA

M

ESTAMBOL 28 TISHRI 5771 6 OKTUBRE 2010

uy djusto disho uestro amigo ichael Halevy!mundo? No. Puedemos dar egzempios de muzikos maraviyozos ke metieron sus stampa en el mundo entero i en la muzika enternasyonal? Aparte de unos kuantos talentes ekstraordinarios en la muzika klasika turka, no. Puedemos dizir ke kitimos mas munchos intelektuales i filozofos de los Ashkenazim? No. Siempre me da pena de ver ke en todo modo de institusion karitativa (kere dizir institusion ke ayuda a los ke lo nesesitan) siempre son los Ashkenazim ke son los primeros a apoyar i ayudar ekonomikamente. Mizmo en grandes ovras o proyektos importantes de sovreguardar la erensia kultural sefardi son los Ashkenazim ke dan paras. I los Sefaradim kualo azen? Dizen Bravo sin meter la mano a la aldikera. Aki ay siete anyos ke avrimos muestro Sentro i publikimos un monton de kozas. Kuantos se vendieron? Muy pokos. Este periodiko El Amaneser, ke sale ay mas de sinko anyos, i ke es tan barato abonarse, kuantos se abonan? Muy pokos! Es muy difisil de entender porke la djente no keren pagar unos 45 dolares al anyo (posta inkluida) para abonarse a este periodiko. Es aun mas difisil de entender porke lo mas de muestros hahamim no se dan la pena de adkirir una koleksyon tan importante komo lo del Maftirim ke mos sureyo sesh anyos para preparar i ke se izo una ovra ke todos deven de tener en sus biblioteka, no para meldar kada dia ma porke es una parte de muestra erensya kultural ke ya se esta desaparesiendo. Puedo dar munchos mas egzempios. Moshe Shaul en Israel ya ay mas de trenta anyos ke se esta espedasando para poder kontinuar publikando Aki Yerushalayim. Aron Saltiel kito un disko de kantes de boda ama sera muy difisil de venderlo porke dingunos no keren pagar mas ke una bagatela para un CD, mizmo si es un proyekto de alta kualidad komo lo de Aron. I finalmente el livro maraviyozo El Princhipiko tradusido por Avner Perez ke salio en letras latinas i en Rashi kon una kualidad alta de papel i de kacha sera muy muy difisil de vender aki malorozamente porke esta karo. Dingunos, esto sigura, no van a kerer pagar kaji sinkuenta liras turkas para este livriko. Esto es lo ke semos i mozotros unos kuantos lokos ke keremos arekojer, dokumentar, sovreguardar i publikar lo mas posivle estamos frente kon frente kon el inimigo el mas danjerozo: la indiferensia. Mozotros los Sefaradim no tenemos un nivel de intelektualizmo tan alto ke los Ashkenazim. Kaji todos mis pro-

ANYO 6

NUMERO 68

KAREN GERSON SARHON / ESTAMBOL [email protected]

Normalmente sosh auzados a mis eskritas ke lo mas de tiempo son pozitivas i yenas de augurios buenos. Este mez no va ser ansi. El momento ke meldi el chiko artikolo de muestro kerido amigo Michael Halevy de Hamburgo (paj. 6) me dishe ke teniya muncha razon i senti la ovligasion de adjustar mi opinion. Mozotros los Sefardim semos muy diferentes de los Ashkenazim. Siempre keremos mostrar ke los Ashenazim ke mos miran de ariva kon dedenyo son snobes i ke no se entienden de nada. Komo egzempyo mostramos la komida maraviyoza sefaradi. Ke savrozas son muestras komidas en kontrasto kon las de los Ashkenazim ke no son a muestro gusto. Despues dizimos ke muestra muzika es muncho mas rika. I mas? Avlamos el espanyol antiguo ke prezervimos sienes de anyos djusto komo el yiddish ke se prezervo en la mizma manera. I mas? Mas no ay otra koza. Puedemos estar orgulyozos de los archivos maraviyozos ke konstruimos? No. Puedemos dizir ke tenemos una literatura ke influenso el

yektos asta oy fueron finansados por institusiones Ashkenazi ke a lo ke veyo son mas konsientes de la importansa de lo keremos azer. Los Sefaradim ke estan aziendo? Kantando i komiendo i fuyendosen a pies deskalsos kuando ay meter la mano a la aldikera.

GAD NASSI

El Promeso de Hanna

03 10 14 15 18 19 22 23

RIVKA ABIRY

Las Dos Amigas

MICHAEL HALEVY

Hamburgo

COYA DELEVI

Refleksyones i Komentaryos

GAD NASSI

El Palasio de los Agilos

SALOM GAZETESnin cretsiz ekidir

02

25 TAMUZ 5 7 7 0 - 7 J U L Y O 2 0 1 0

EL KANTON DE MOSE

El Betahayim de los AshkenazimMOSE GROSMAN / ESTAMBOL [email protected]

OTRA SHAKAIKAAgora vos va kontar otra una shakaika ke me tyene kontado El Rav Yaakov Palachi el haham de el kal de los Ashkenazim. En el tyempo ke se aziyan los meldados en kaza, un riko le disho a un Sinyor Haham: - Toma estas datas de mi padre i mi madre sin ke te yame yo ven i azeles los meldados. - Ya se estava aserkando el tyempo del meldado del padre del riko, vino i le izo el meldado. El ombre riko kito i le dyo mil liras. El haham ya se maraviyo. Izo lores al D porke le embiyo este kliyente. Paso sesh mezes el haham se fue ande el riko i le disho: - Sinyor ya vino el tyempo el meldado de su sinyor padre. - El riko disho: - Bueno!... - Esta kayendo este noche de Alhad. - Organizalo lo azeremos. - Se izo un meldado muy ermozo. Vinyeron los amigos i unos del kal, un pranso maraviya. I despues tomo su paga ke era las mil liras. El haham tresalido de su kliyente. Esta ves despues de tres mezes, se fue al lado del ombre riko en dizyendole: - Sinyor ya vino el tyempo del meldado de su sinyor padre!... El ombre riko le disho: - Bueno!... - Esta kayendo noche de Djugeves. - Organizalo lo azeremos. Se izo un meldado komo los pasantes. Dos tres minyanes i un pranso riko. Despues de todo el haham tomo sus mil liras en remersyandolo. En pasando tres semanas esta ves vino el haham en dizyendole: - Sinyor ya vino el tyempo del meldado de su sinyora madre. El ombre riko le disho: - A si ke te veyga sano organizalo komo syempre!... Se organizo i este maldado mas mijor de los ke pasaron. I ala fin de todo tomo su mil lirikas. El haham estava muy orozo, gustozo i azyendo lores por ke le vino un kliyente komo este. En pasando sesh mezes el haham vino otra un ves onde el riko: - Sinyor ya vino el tyempo de el meldado de su sinyora madre. El ombre riko en kitandose los antojos le disho: - Mira kerido! Los meldados de mi padre los izites unas kuantas vezes al anyo Pensi ke puedo tener unos kuantos padres. Ma mi madre era solo una No puede ser ke teniya unas kuantas madres

E

n el anyo 1977 en el mez de Avril me avizaron ke el prezidente de la Komunidad Ashkenazita keriya avlar kon mi El prezidente de la Komunidad de los Ashkenazim era el Sinyor Izidor Boritzer. Me fui pishin, en no savyendo porke me estava yamando? Me estava asperando en la komunidad, en las oras ke me fikso. El prezidente Boritzer era una persona alta i kara riyente, tambyen el era un verdadero sinyor. Esto se entendiya kuando se konversava kon el. Despues ke me amostro el lugar ke me va asentar me disho: - Mira kerido ermaniko. El D a ken da muncho i a ken da poko. Las komunidades se fondaron para ke se pueda ayudar a los menestrozos. Meldi tu eskrita de esta semana, mos estas eskrivyendo ke estas entrando al dyezen anyo de tu periyodizmo. Poko mas vamos a tener eleksyones en muestra komunidad kero ke metas tu kandidato en estas eleksyones!... Yo i mis amigos ya mos izimos vyejos, mos keremos repozar. Este dover sera vuestro. Otros dos amigos van a meter sus kandidatos. El uno es el Avokato Nihat Hofer i el otro Sr. Viktor Braunstein No los konosiya a los muevos kandidatos ma el guste de la envitasyon del prezidente de la komunita Ashkenazita me izo akseptar sin pensar. Poko tyempo despues fueron las eleksyones i despues de una semana fue la primera reunyon ke estava asistyendo yo. El prezidente Boritzer estava prezidando por la ultima ves de su prezidensya en avizandomos ke la komunita Neve Shalom mos demando lugar para los Sefaradim en el Betahayim de los Ashkenazim. I esto se aksepto por todos los myembros ke asistiyan en esta reunyon. I el muevo prezidente de la komunidad fue el Avokato Nihat Hofer. Deke vos konti este kavzo?

EL RAV YAAKOV PALACHI (zl) ke era

munchos anyos el haham de la keila Ashkenazita me tyene kontado unas shakaikas sovre los hahamim, vo lo kero kontar. Antes, los meldados de los keridos se aziyan en kaza. Se yamava un haham. Los Judios moravan uno serka de otro. Si se saliya a la kaye se topava minyan ke kere dizir dyez ombres Judios, en kinze puntos i se aziyan los meldados. En akel dor, un riko, ke aviya echo el meldado de su kerido o kerida en pagandole al haham ke meldo le demando: - Ke me diga Sinyor Haham, este meldado ke izimos ya va tener un profito el defondo? - El Sinyor Haham en dublando la moneda le disho: - Le avlare lo ke se Sinyor!... Si va tener un profito el defondo no se ma yo ke tuve profito ya lo se!...

Agora vineremos al kavzo de ariva Ay 33 anyos ke los Sefaradim toman lugar en el Betahayim de los Ashkenazim. De ves en kuando salen unas konsejas ke los Ashkenazim no estan permetyendo ke se de lugar a los Sefaradim en el Betahayim de los Ashkenazim. Esto mos vino a los oyidos unos kuantos anyos antes. I sin peryer tyempo penimos para aretar esta mintira. Los kreadores de esta mintira lo enyegaron en akeyos diyas i agora esto siguro ke no se estan akodrandosen de lo pasado. La semana ke pasimos me fui a vijitar a un amigo. I esta konseja fue repetada. Este amigo me demando: En tenyendo tanto lugar deke no estan permetyendo los Ashkenazim para ke se de lugar a los Sefaradim? Le dishe ke no es djusto. Los Ashkenazim nunka serraron el Betahayim a sus ermanos. I nunka lo van a serrar. I le di a entender a mi amigo ken esta kitando estas konsejas i porke? I esto konvensido ke el lektor ya savera la repuesta de lo ke se trata.

TRADISYONES

28 TISHRI 5771 - 6 OKTUBRE 2010

03

El Promeso de HannaGAD NASSI / HERZELIA [email protected]

H

anna era la madre del Profeto Samuel. Su estoria en atadijo kon el nasimiento de Samuel, es una de las mas partikularas de la Biblia. Mismo ke era la mujer preferada de su marido, Hanna era triste, porke munchos anyos avian pasado i era sin kreatura. Avia mismo enkorajado a su marido ElKana de kazarse kon Pnina. Portanto, Pnina, despues de aver parido a su primera kreatura, avia empesado a burlarse de eya, en akodrandole ke no tenia kreatura. Hanna, akompanyada de su marido ElKana i su segunda mujer Pnina, uzava vijitar kada anyo el Templo en Shilo, para ofreser sakrifisios. En una de estas vijitas ansi se avia adresado al Dio: O Senyor, de todas las madres ke kreates, es tan difisil por ti de darme un ijo? Si apartengo a los Sielos, no kale ke me muera; si so mortala, kale ke trayga una kreatura. Una vez, Hanna estava arogando kon tanta emosion en prometiendo ke en kavzo ke pariera un ijo, eya lo dedikeria al servisio del Dio en el Templo, ke el pretro grande Eli, le avia demandado si no estava borracha. Hanna avia afirmado: Yo so una mujer triste. No bevi ni vino i no otro beveraje fuerte. Es delantre del Dio ke esto vaziando mi korason. Kuando Eli avia observado ke karar de triste Hanna era, se adjunto i el a eya, para ke el Dio responde a su suplikasion. A la fin, las arogativas de Hanna fueron akseptadas, i Hanna pario a Samuel, ke sera kontado entre los mas grandes profetos de Israel. Hanna engrandesio a Samuel fina ke devino un ijiko bastante grande. Despues, asigun su promesa, yevo a Samuel al Templo en Shilo, i lo entrego a Eli para ke sierve ayi al Dio. Hanna kontinuo a vijitar kada anyo el Templo, asigun lo uzava de azer, i de este modo Samuel pudo ver a su madre. Eli, konstatando la devosion de Hanna, arogo al Dio, i ansi, Hanna pario otros tres ijos i dos ijas. ***

El nasimiento del Profeto Samuel es konsiderado en tanto ke la piadad del Dio en repuesta a la orasion de una mujer sin kreatura. La dedikasion de una kreatura por su madre al servisio del Dio, era de uzo en akeos tiempos en la Tierra de Israel. Konosida en tanto ke nazirit, una persona dedikada al servisio del Dio devia de konformarse a siertas ovligasiones komo la abstension de bever vino, de no estar en luto, de no araparse i otras.Hanna entregando a Samuel al Templo. La Sainte Bible, Garnier Frres, Paris 1834.

NASO YA ME KANSOEn el tet de Sivan, 22/05/10, diya de Shabat, meldimos la perasha ke se yama Naso. Me akodro ke en mi chikez, en mi sivdad natal Bursa, kuando se aserkava la semana de la perasha Naso, los yehidim en la Sinagoga Mayor dizian: en Erets Yisrael i de su ijo, Rabino Yeuda Hakoen Kuk. Los Koanim son ovligados de bendizir al puevlo de Yisrael, kon amor i amistad, asigun ke esta eskrito en la bendision. Kuando asuven al duhan la tribuna para bendizir, los Koanim tienen ovligasiones asigun la eredaron del primer Koen, Aaron Hakoen, en el dezierto de Sinay, despues de la salidura de Ayifto. Antes de la bendision dizen los Koanim: Kon la santedad de Aaron Hakoen, komo ordeno a bendizir a su puevlo kon amor. I ansi disho muestro savio, el famozo Hillel: Azevos komo el grande Koen Aaron Hakoen, ke ama la pas, ama al puevlo i azelos aserkar a la ley de la Tora. Amar las personas, era el buto del Rabeno Kuk. Por la fuersa de la bendision mos ambezimos de Avraam Avinu, muestro patriarko, asigun esta eskrito en el livro de Bereshit, kapitolo 12.2: Te azere un puevlo

AVRAM BEHAR / YERUSHALAYIM [email protected]

El Rabino Yeuda Hakoen Kuk, kon el Rabino Sefardi Bension Meir Hay Uziel

Na ya es la semana de la perasha Naso ke ya mos kanso. I entre los sefaradis en Yerushalayim, avlantes de ladino, yo so puede ser el uniko ke les akodro a los orasionadores en mi sinagoga aktual ke ya ayegimos a meldar la perasha de Naso ya me kanso. Por siguro ke ay menester de una eksplikasion chika. Keridos lektores, ya ay una buena razon ke dieron este nombre a esta perasha. Naso es la perasha la mas larga de todas las perashiyot en el livro de Bamidbar. Muestra ley kontiene 176 versikulos pesukim. I komo por kada perasha i perasha ay komentadores ke dan interpretasiones, aki vos dare unas kuantas interpretasiones de los rabenos Kuk, el primer Gran Rabino Eshkenazi

grande, te bendizere i te engrandesere tu numero. Asta agora las bendisiones estuvieron en mi mano i de agora endelantre tu sos el ke vas a bendizir al puevlo. Avraam Muestro Padre eredo la fuersa de las bendisiones a Yisrael i en partikular a los koanim. Estas bendisiones tienen la fuersa de avrir puertas de piadad, baldar la sentensia mala i aboltarlas kon mizura a piadad. No es leshos el diya ke va arelumbrar las luzes dulses del rabeno Kuk de memoria bendicha, a todo el puevlo. I por terminar vos eskrivo i vos saludo kon la bendision tradisional en el livro Bamidbar, la perasha de Naso, kapitolo 6:22: I disho el Dio a Moshe Rabenu: Avla a Aaron Hakoen i a sus ijos, ansi bendizirash a los ijos de Yisrael, te bendizere i te guadrare, te arelumbrare a ti i te agradesere, lansara el Dio sus karas a ti, te meteran pas a ti, i pozaran mi nombre a los ijos de Yisrael i Yo los bendizere.

EL GRAN RABINO KUKNasio en 1865. Izo los estudios de rav en la Yeshiva Vazolin. Asuvio al posto de rav en Zymel, Lita en 1895 fina 1904. De 1916 asta 1919, fue rav de la komunidad djudia en Londra. En 1919, devino Gran Rabino de la sivdad de YAFO I de las kolonias en Erets Yisrael. En 1919, okupo el posto de rav en Setglen, Suisa. En 1921, fue el fondador del Gran Rabinato Eshkenazi i en mizmo tiempo fue elejido Gran Rabino Eshkenazi en Erets Yisrael. Ay kuantas institusiones a su nombre en Yerushalayim i en otras partes del pais, komo Mosad Harav Kuk, la yeshiva grande Merkaz Harav. Su kaza onde morava en el sentro de la sivdad era su edifisio ofisial. Atras munchos anyos se troko a un muzeo nasional. Sus aktividades en el kampo de la Ley i su kontribusion a la vida relijioza del puevlo son inolvidavles.

04

28 TISHRI 57 7 1 - 6 O K T U B R E 2 0 1 0

EL PONTE

Basta ke mi nombre es AbravanelLa saga de una de las mas vyejas famiyas sefardiesKLARA PERAHYA / ESTAMBOL [email protected]

edemos ser miya no pu ombre de fa e bivir Kon un tal n os azer es d lo ke puedem redesesor do umildes. To tro ilustre p era ke mues man olyozo de una tala ueda ser org Abravanel p Don Isaac ravanel Maurice Ab mozotros. ikano de hestra Amer Shefe de orc

Basta ke mi nombre es Abravanel grito de orgolyo espontaneo? o byen ovligo para todos los ke yevan este nombre de dever distingirsen de los otros? Al pareser, uvo en la Istorya Sefardi a partir del tredjen/katorzen (13/14en) siglo asta muestra epoka varias lineas de personajes de mizma nombradia, ke afirmaron sus superyoridad en diferentes kampos de aktividades. Ma, kualo es un nombre? No solo una simple denominasyon ke mos desferensya de los otros o mos da un lugar grande o chiko en la sosyedad, el es tambyen un dever de realsarlo, de azer un esforso suplementaryo para trasar un kamino mas luminozo a sigir, komo un dezeo de adelantamyento kontinuo. En vezes prestijyozo ma la mas parte del tyempo kaji anonimo, muestro nombre yeva en su teshido un poko de todo lo ke bivyeron i izyeron los ke mo lo transmetyeron. I kaye a kada uno de mozotros de mantenerlo i enalteserlo i no de arrebasharlo. Es djustamente aya ke nase la verdadera identifikasyon. Un nombre es lo ke mozotros kon muestros aktos azemos de el. El no krea la personalidad del ke lo yeva... es la personalidad del ke lo yeva ke lo identifika realmente i krea su valor. Fue syempre ansi del nombre Abravanel, fraguado siglo despues de siglo por munchas jenerasyones de entre los ke lo yevaron... En la Edad Medya, se vido una linea de grandes finansyeros al servisyo de diferentes monarkos, de kapos de komunidad, de filozofos i de savyos. Segun lo ke dizen varias huentes de informasyon, la famiya Abravanel ya puedria ser establesida en la Peninsula Iberika desde la epoka de la destruksyon del primer Temple, ansi ke lo pretende la vyeja tradisyon de los djudyos de Espanya. La Judaica mos ambeza kel nombre izo su aparisyon provada

en Espanya antes del anyo 1300, en Cordova, kon Yudah Abravanel ke era almosharife (kovrador de taksas) i trezorero debasho de Sancho IV (1284-1295) i Ferdinand IV (12951312). En 1310 otros djudyos garantisaron los prestimos ke fueron echos a la Korona durante la gerra. Un otro myembro de la mizma famiya, Don Samuel Abravanel de sevilla era protektor de nombrozos intelektuales djudyos talentuozos, el tenia una grande influensa en la Korte de Kastilya i en 1388 fue trezorero real en Andalusia. Ma kuando a un syerto momento un ayre kontra los djudyos empeso a soplar en el payis el se topo en el ovligo de konvertirse al kristyanizmo debasho la nombradia de Juan Sanchez de Sevilya. Poko tyempo despues el se refujyo en el Portugal muncho mas favoravle a los djudyos, lo ke le permetyo de retornar a la relijyon Djudia. Mas tadre uno de sus desendyentes nombrado komo uno de sus avuelos Don Yuda / Juda Abravanel rendyo grande servisyos finansyeros a la Korona Portugeza i partikularmente al Duke de Bragansa. Syempre segun lo ke mos ambeza la Judaica, la denominasyon Abrabanel/ Abravanel seria un omonimo de Abraham/Avraham. El punto kulminante del prestijyo de esta grande famiya fue

Isaac Abravanel inkontestavlemente en el kinzen siglo Don Izak Abravanel (14371508) ijo de Juda. El nasyo en Lisbon i resivyo una edukasyon muy rika i substansyal bazada sovre la filozofia Djudia relijyoza i el Talmud, ansi ke mas tadre sovre varios eskritos de teolojyanos kristyanos i fue uno de los primeros intelektuales djudyos a ser familyar kon los konseptos umanistos del Renasimyento. Desde su chikez el manifesto una grande madurez de refleksyon; ainda mansevo el eskrivyo un tratado sovre la Providensya i la Profesia i a la edad de 24 anyos el ya avlava publikamente en la Sinagoga sovre el Deuteronomo. Komo lo deshava preveer la pro-

fundura de sus refleksyones i su rika edukasyon, Don Izak Abravanel fue tambyen en kontakto kon sirkulos intelektuales kristyanos, sus relasyones no eran ekskluzivamente bazadas sovre kestyones finansyeras ma sovre afinidades umanistas. Esto no impedyo ke komo su padre Judah Abravanel, el sea un prestijyozo finansyero i trezorero del Rey Alfonso V de Portugal. Desfortunadamente el periodo de trankilidad en Lisbon tomo fin kon la muerte de este monarko. Su suksedor Joao II (1481-1495) tuvo komo objetivo de privar la noblesa portugeza de todo modo de poder afin de estableser un rejimen sentralizado. Los nobles dirijidos por el Duke de Bragansa i el Konde de Faro se revoltaron kontra el muevo monarko, ma fueron vensidos. Don Isaac Abravanel fue el tambyen sospechado de partisipar a la rebelyon i se sintyo forsado de fuir en 1483 a Kastilya. En efekto aunke el nyego una kualkyer partisipasyon a la rebelyon, el fue djuzgado en su absensya i kondenado a muerte. Don Isaac Abravanel tuvo entonses el presentimyento de aver pedrido su tyempo al servisyo de kestyones profanas i tomo la desizyon de konsakrarse kompletamente a sujetos relijyozos. Djuzgando ke su eksperyensa politika lo puedia ayudar a interpretar los vyejos tekstos biblikos, el se konsakro al analizis de los ke se referan a los Profetas. Aunke el se inspiro de varios komentaryos i interpretasyones filozofokas, Don Isaac se opozo a kualkyer alegoria egzajeradamente filozofika porke se espantava de una muy grande influensa de este djenero de lavoros sovre el esprito del djudyo medyano, lo ke puedra ser un reziko para el djudaizmo. El era prinsipalmente un defensor de la tradisyon djudia todo en syendo imprenyado de los komentaryos de Maimonides. Don Isaac Abravanel eskrivyo komentaryos sovre los livros de Yoshua, de los Djuzgos i de Samuel en el espasyo de 6 mezes,

EL PONTEi tomo en mano el kapitolo de los Reyes, ma antes de eskaparlo el entro al servisyo de Ferdinand i Isabella de Kastilya en el anyo 1484. En 1491 el tuvo la okazyon de ir a Guadalajara ande vijito la Akademia de Isaac Aboab II. De otra parte Abraham Seneor (Senior) de Segovya, muncho mas aedado ke el, demando su kooperasyon para el rekovramyento de taksas al profito de la Korona, aktividad a la kuala el avia sido dezinyado. En desparte de este misyon, Isaac Abravanel izo tambyen a la Korona, un emprestimo de un milyon i medyo de dukados de oro, afin de sostener la gerra kontra Granada. Malgrado esto, kuando despues de la promulgasyon del orden de ekspulsyon pronusyado por Isabella i Ferdinand, Don Isaac Abravanel i Don Abraham Seneor penaron a obtener una revokasyon del edikto de konversyon ovligatorya, eyos no parvenyeron a trokar la desizyon real. Grande dirijente de la komunidad djudia i grande savyo, Don Isaac Abravanel fue mizmo asta propozar a la Korona, la anulasyon de la devda ke eya tenia enverso el, sin desfortunadamente obtener un kualkyer rezultado. Segun un otro manadero de informasyones, despues de aver penado en vano a konvenserlo de akseptar la konversyon al kristyanizmo, Isabella i Ferdinand konsyentes de su valor, akseptaron ke el kede en Espanya sin abjurar la Fey Djudia, ma el refuzo i komo todos los djudyos ke no kijeron traisar sus kreensas relijyozas, salyo de la peninsula Iberika. Las Autoridades le permetyeron solo de tomar en partyendo la suma de 1000 dukados de oro i varias otras valores en oro o plata. El partyo del porto de Valensya a Napoli, ande kompleto su Komentoryo sovre el kapitolo Bibliko los Reyes. Aya tambyen, el i sus dos ermanos Jacob i Yasef pudyeron, grasyas a sus fortuna i partikularmente a sus konsideravle prestijyo i valor personal, estableser presyozas relasyones kon las autoridades del lugar. Ma de muevo el fue impedido de konsakrarse enteramente al estudyo. El rey de Napoli Ferrante I lo dezinyo a un posto similar al ke el tenia en Kastilya asta el dia ande la Fransya sakeo Napoli i destruyo la rika biblioteka ke el avia traido de Espanya. Nicole Abravanel dize ke verso la fin de su vida, el pudo terminar el komentaryo de la Torah i desvelopar un pensamyento mistiko ke influenso su tyempo. Don Isaac Abravanel tuvo tres ijos Juda, Yasef i Samuel. Yuda Abravanel, nasido en 1460, yamado Leon el Ebreo fue un grande filozofo i mediko Italyano, su ovra prinsipal fue intitulada Dialoghi di Amore di Leone Hebreo medico. Este lavoro trata de amor en una varios shefes de kolektividades i ombres muy aktivos en la esfera komunitarya ke yevaron este nombre, sovre los kualos mi amiga Nicole Abravanel, de 30 anyos mas manseva ke mi, eya mizma istoryana ke tuve la okazyon de enkontrar kon grande frekuensa en varyos kongresos sovre muestra lingua, me dyo detalyos, ke vos transmeto a mi torno:


05

Kaza de don Abraham Seneor en Segovia

dimensyon neo-Platonisyana. Yasef Abravanel, nasido en Lisbon en 1471 fue mediko i savyo. Samuel Abravanel nasido en Lisbon en 1473 fue mandado por su padre a Salonika para azer estudyos relijyozos, ma el bivyo en Napoli ande hue el finansyero del Vice Rey Don Pedro de Toledo.Su fama de intelektual igualo kaji la de su padre i su kaza era el sentro de kambyos de ideas entre Djudyos i Kristyanos. En el Siglo 17 se enkontra de mezmo el nombre de Jonah Abravanel, poeta ke bivyo en Amsterdam. Es ke se trata de un leshano desendyente de la prestijyoza famiya de Lizbon o de Sevilya? Es ke se puede estableser una koneksyon entre la prestijyoza famiya Abravanel de la Edad Medya (la sola ke fue atestada por esta epoka en la peninsula Iberika) i los ke aktualmente yevan este nombre? Munchos lo afirman kon konviksyon, otros lo pensan sin insistir. Asta oy en dia no se topo ninguna prova tanjible a este sujeto aunke munchas investigasyones jenealojikas fueron i kontinuan a ser echas. En un pasado relativamente serkano, egzistyeron en Fransya

Su bisavuelo David Abravanel (domosilyado en Volos) fue el prinsipal inisyador de la kreasyon de la primera eskola primarya de la Aliansa en Gresya, kontemporanea de la del Imperyo Otomano en Bagdad en 1864 afin de luchar kontra el analfabetizmo. Volos era una chika sivdad de Gresya. El prinsipal finansyero era Farragi, ma el konsilyo de la komunidad lucho para la kreasyon de esta eskola i su portavoz era David Abravanel. Malorozamente uvo (komo es munchas vezes el kavzo en semejantes sirkunstansyas) litijyos ke eskuresyeron su evolusyon i esto fue la razon por lakual no se avlo muncho de su aktividad. Trasas de este lavoro se topan en los arshivos de la Aliansa Israelita, ke sertifikan su istorya. El ijo de David, Salvator Abravanel (avuelo de Nicole) era direktor Jeneral de la Kompanyia SINGER en Oriente i en 1932 fue el fundador i el prezidente de la primera lodja Bene Berith en Paris, LA

Rey Alfonso V de Portugal

LOGE FRANCE. El muryo en 1935. El padre de Nicole, Edgar Abravanel, ijo del presedente, fue Vice-Prezidente de la B.B. en Paris en 1935 i tambyen prezidente de la Manseves Sefardi. Durante la Segunda gerra mundyal Edgar i su mujer Paulette parvinyeron (en pasando por el Portugal) a refujyarsen en Elisabethville (Congo Beljikano) ande el kontinuo su lavoro de injenyor en la Kompanyia Singer. De retorno a Paris el 12 Avril 1945, una de sus primeras realizasyones fue la rekonstruksyon de la estruktura komunitarya Djudia i el 13 Oktobre del mizmo anyo el organizo en su propyo buro, la primera reunyon de la B.B. kon 15 supervivyentes. Entre sus multiples aktividades Edgar Abravanel hue desde el anyo 1951 asta su muerte en 1981, prezidente de la Asosyasyon Kultual Sefardi de Paris en karga de dos Sinagogas: el Kaal Berith Chalom ansi ke el kaal Don Isaac Abravanel. El partisipo tambyen kon Vidal Modiano, a la Unyon de los Israelites de Fransya i prezido un grupo nombrado Cojasor ke se okupava de los deportados ke pudyeron retornar de los kampos de la muerte, los kualos resivian fondos de la American Joint Distribution Committee. En Estambol tuvimos (ansi ke me lo disho Naim Gleryz) un Sinyor nombrado Jacques Abravanel ke fue konsul onoraryo de Portugal. Konosi personalmente el Dr. Marcel Abravanel ke izo estudyos de medikeria, ombre de grande refleksyon i muy novle de karakter. Su padre Dr. Samuel Abravanel fue un grande veterinaryo, profesor muy apresyado en la Universidad de Ankara i byen konosido al nivel nasyonal. Su tiyo tambyen fue mediko bastante estimado en Estambol. Syempre la mizma kestyon: Es ke eyos azen partida de los desendyentes de Don Isaac Abravanel? Se enkontra kon grande frekuensa el nombre Samuel en la famiya Abravanel de la Edad medya lo ke, puede ser, reenforsa la supozisyon de una afilyasyon (supozisyon simplemente personal de mi parte). Kero konkluir kon las ermozas palavras kel shefe de orchestra Maurice Abravanel pronunsyo i ke meti en egzergo al empesijo de este artikolo: Kon un tal nombre de famiya no puedemos ser umildes. Todo lo ke puedemos azer es de bivir de una tala manera ke muestro ilustre predesesor Don Isaac Abravanel pueda ser orgolyozo de mozotros.

06

28 TISHRI 57 7 1 - 6 O K T U B R E 2 0 1 0

AKTUALIDADES

KE VERGUENSAMICHAEL HALVY / HAMBURG [email protected]

Plovdiv, 16 Septembre 2010Los sefaradis son muy orgolyozos de sus erensya kultural. Tyenen razon. Ama desde anyos me pregunto: Tyenen eyos razon de ser orgulyozos? Si, los sefaradis kantan las ermozas kantikas sefaradis i komen la buena kozina sefaradi, ama nunka nunka merkan livros, no konosen sus propya kultura, no saven meldar sus literatura en letras rashi. Azen (kaji) nada para konservar esta erensya. Los editores korajozos komo Avner Perez i Pilar Romeu Ferr publikan livros muy ermozos, publikasyones enteresantes i para todo djenero de publiko. Ama no los venden. I si los venden (muy mal), los venden a las bibliotekas israelis, amerikanas o almanas. Un payiz komo Espanya ke vende la erensya djudiya (munchas vezes una erensya enventada) a los turistos, no merka estos livros. Bibliotekas kon un fondo importante de livros djudeo-espanyoles o de livros sovre la kultura sefaradi solo ay en Israel, los Estados Unidos i en Almanya. Aferun! Si, para un sefaradi de oy, muy selozo

de los syentifikos ashkenazis, para eyos, todos los ombres i mujeres de una syerta nombradiya tyenen un orijen djudyo, i azen de un Galileo o de un Kolumbo un djudyo (Ladinokomunita mos da kada dia i dia enshemplos de esta inyoransa). I otros, kon poko sehel i muncho yevezelik (avlastina), kreyen ke los djudyos son jenetikamente superiores a los goyim. Aferun! Antes de Yom Kipur pas unos dias kon mis amigos bulgaros de Plovdiv. Vijitimos las ruinas de la kultura sefardi en Plovdiv (Filibe) i Pazardjik (Tatar-Pazardjik), sivdades muy ermozas i kon una istorya djudiya rika i impresionante. Vijitimos, por enshemplo la sinagoga de Pazardjik, fraguada en 1850 en la ermoza arkitektura del renovelamyento nasyonal (fig. 1). La sinagoga se topa kon la eshkola en la antigua maale (kuartyer) djudiya de Pazardjik. Sinagoga? Eshkola? Estan transformando todo en un bazar: Lokanta, bireria, ets (fig. 2). Ande meldavan antes los djudyos, komen i chotrean (beven) oy los goyim. Aferun! I el bedahayim (simeteryo) de Pazardjik? Masevot (tumbas) kuvijadas de yerva i de eserkyol (fig. 3). En la tadre vyenen los zinganos kon sus arabas i kavayos. Aferun!

SAVIDURIAStopadas en los Arshivos de Bulgaria i arekojidas por MICHAEL HALEVY / HAMBURG

DE BULGARIAKANTIKA VIEJA DE BODASLa palomba blanka del ojo mavi Yevaldi esta karta a mi chelebi Morinika savrozika sosh De ayres ventanas mi arondjan flechas Si son de amores vengan direchas Morinika savrozika sosh Morena mi yaman ki yo blanka nasi De paseyar galana mi kolor pidri Morinika savrozika sosh Dizidmi bella bulisa si keresh vinir Las velas tengo poestas mi kero yir Morinika savrozika sosh Talamo li izi di oro i di marfil Para ke venga la novia a dar kidushim Morinika savrozika sosh

OCHO KANDELIKAS PARA LA MUZIKA SEFARADI I DJUDIYAdias ebraikas), Louis Lewandowski (Kol Nidrei), Modest Mussorgsky (kanto ebraiko).

MICHAEL HALVY

Es kon grande alegria ke tomimos konosensya del muevo DVD de muestro amigo Shemy (Samuel) Behar: Jevreijski Pesni / Jewish Songs. Kon su boz de bariton muy elegante, Shemy mos kanta, akompanyado por la pianista Shnezhana Simeonova, syete kantikas sefaradis (Ocho kandelikas Buena semana Komo la rosa La Serena Kuando el rey Nimrod Durme, ermozo ijiko Dis mi avagar) i pyesas de muzika de Maurice Ravel (kanto ebraiko; dos melo-

Mediko de formasyon, el sinMunchas grasyas al muestro yor Shemuel A. Behar es inyeto amigo Shemy por su valoroza de rabino. Nasy en Plovdiv i kontribusyon a la muzika sefaradi eskap en 1969 el Liseo. Antes i djudiya! de estudyar muzika kon los profesores R. Koleva i Irina Stiglich en Sofia para azerse kantador de opera, ofisyo ke pratik varios anyos en la Opera de Plovdiv, Mannheim, i Praga. Shemy Behar estudyo medisina i lavor algunos anyos komo jinekologo en Plovdiv. En este DVD eskuchamos la muzika i sigimos el Albert Behar (ermano de Shemy Behar), kantador en varios Yvette Anavi, Tamar Alexander i Shemy Behar)

sitios de Filibe (Plovdiv): la maale djudiya kon su ermoza sinagoga, el sentro istoriko kon sus kazasmuzeos i la sivdad romana.

AMANESER KON ARTE


07

Yakup AlmelekESTI SAUL / ESTAMBOL [email protected]

Un egzem p de tenasit lo literaria a

Kerido Yakup, kontamos las diferentes periodas de tu reushitaKero empesar kon mi padre i mi madre. En Ganedem estaran. Yo los vide siempre kon un livro en la mano. Mi padre saviya el Fransez i el Turko a la perfeksion. En Ankara lavoro por un magazen de livros, AKBA KTABEV, ventisinko anyos. El era responsavle de los livros estranjeros. Yo nasi en Ankara setenta i kuatro anyos antes. Kontarlos es muy fasil: Una-dos-tres setenta i kuatro Me akodro, teniya puede ser 15 anyos. Mi padre mos yevo a un teatro. Estava djugando. Los Ratones i los Ombres (Of Mice and Men Fareler ve nsanlar) eskrito de John Steinbeck. Kuando se eskapo, estava komo un borracho en pies. Me plazio muy muncho et me dishe entre mi: Un diya va vinir i yo va eskrivir una drama. Siempre tuve dos ambisyones en mi vida: Lavorar en mi echo para mantenermos en una manera elegante i despues, eskrivir. Siempre eskrivir. Eskrivir munchas kozas. I siguro, antes de eskrivir viene meldar. Si no se melda, no se puede eskrivir. Empesi a lavorar kuando era muy chiko. En la eskola primera, en las vakansas. En mismo tiempo empesi a eskrivir una poezia. Me akodro ke eskrivi una poezia a una ijika en la eskola. No teniya el koraje de amostrar a los amigos kualo estava eskriviendo. Despues de Ankara Koleji, vinimos a Estanbol. En Estanbol eskapi Yksek ktisat ve Ticaret. Estava lavorando despues de midi, kuando no aviya eskola, komo kontabl. Uvo una kompetision de la gazeta Cumhuriyet en 1961. Tomi koraje kuando vide el artikolo ke les embiyi en la gazeta. I despues, diez artikolos miyos tomaron lugar en la gazeta. Kuando estava en la universita, me ize miembro de AIESEC ( Associaton Internationale des Etudiants en Science Economique et Commerciale). En 1961 me fui a la Amerika. En Boston lavori en el Boston Gas Co. komo un aprentiste solo por sesh mezes. Aya vide i me ambezi komo los Amerikanos lavoran i se amuzan. En sus echos son muy seriozos. Mas muncho de los Evropeos. Los Amerikanos no son los mismos ke vemos en los filmos. No beven muncho i no se emborrachan muy fasil. En 1967 avri mi echo. Me akodro ke estava muy muy kontente. Teniya tiempo de lavorar en mi echo i teniya tiempo de meldar i eskrivir. Para mi estas son kozas muy emportantes. Nunka kije azerme haver. Siempre preferi estar solo en mi echo. En 1967, me kazi kon Ester. Tenemos dos kreaturas. Un ijo i una ija. Grasias al Dio. En 1980, kon mi famiya, mos fuimos a Viena por un anyo. Era reprezentante de una firma ke se yavama Stollack. Mi ija empeso la eskola primera i mi ijo a la segunda aya. Viena es una sivdad de Arte. Endjuntos vijiti-

mos konsertos, galerias i teatros. Esto siguro ke los ijos tomaron los primeros plazeres de arte aya. Yo eskrivi Ombre de Echos (adam) aya. I despues eskrivi Despertar de un Esfuenyo (Uyan). Tengo 18 marchas, munchos artikolos para alom, 6 dramas, i poemas. Penso ke toda ovra, ke sea artistika o industrial, deve ser prezentada en el payis i tambien afuera. Por esta razon, mandi mi piesa Ombre de Echos (adam) a un amigo en los Estados Unidos. I el la mando a una direktora en Broadway, Annie Ward. Annie Ward la metio en sena en el Teatro Richmond Shepard ande lavorava, kon aktores Amerikanos. La piesa fue reprezentada 10 dias, entre 15 de Oktobre al 30 de Oktobre de 2009. Annie Ward estava kontente. Metio en sena tambien mi otra piesa, Despertar de un Esfuenyo (Awakening), kon 17 aktores Amerikanos, en Broadway, Theatre Three. Esta piesa tambien fue prezentada a los espektatores de New York 10 dias, entre el 7 de Julio al 18 de Julio de 2010. Este lavoro turo mas de kuatro anyos. Las dos piesas fueron rekordadas en DVDs i prezentadas a los espektatores kon livrikos (playbill). *** Antes trenta anyos, no aviya komputer. Teniya una Daktilo (makina de eskrivir). No puedo eksplikarvos el gusto ke tomava kuando me asentava para eskrivir. Oy es la misma koza. La sola diferensia es ke tengo un komputer ultimo model! Vos rengrasio por la okazion ke me datesh - Grasias a ti i El Amaneser, en eskriviendo esto, pude re-deskuvrir la ermozura i la rikeza de la lingua de muestros padres. Yakup Almelek / Estambol Es a mi de rengrasiarte, kerido Yakup, por kontarmos tus reushitas.

LOS LIVROS KE SE TRADUSIERON EN INGLEZ:Iadam: The Businessman Uyan: Awakening Hazinenin Durumu Yrekler Acsdr The Treasurys In A Frightful Situ ation Kurtarabilen ksa Bamzn Tacdr If someone Can Save Us He Will Be Our Salvation Dad: The Governess Aldatmann tesi: Beyond Betraya Armaan: Gift Ve ocuk Tanrya Kst (Ksa ykler) And the Boy Lost His Faith in God Ke Yazlar: Selected Articles Marlar ve iirler: Marches and Poems l

08

28 TISHRI 57 7 1 - 6 O K T U B R E 2 0 1 0

LO KE MELDAVAN MUESTROS PADRES

EL TELEGRAFO EDISYON DE MARTES. VOLUM SINKENO 10 Illul 5653 - 2 Septembre 1892

Los Rikos de la Rusiya

RIFAT BIRMIZRAHI / ESTAMBOL [email protected]

os antisemites Rusos pretenden ke los Djudyos seriyan los solos ke se entyenden en la manera de ganar dinero. Si se konose la estorya de los rikos Rusos, se entyende entonses asta ke grado esta idea es yerrada. La NOVOY VREMIYA publika en este momento la estorya de la borsa de SenPetersburg. Si Sinyor Dromon, el grande antisemista Fransez, se dava la pena de echar una ojada en esta publikasyon devida a un korelijionaryo suyo, se konvenseriya entonses ke no kale ser Djudyo para ke en pokos anyos se pueda ganar milyones de pyesas de moneda. El primer riko de Sen-Petersburg, era un syerto sinyor Osef Solovyef, nasido en Arkandjel. El fue myentres un syerto tyempo gizandon de Menchikof, kuando Pyer el Grande sidusido de su entelijensa lo izo direktor de la duana de Arkandjel onde se konsentrava la eksportasyon Rusa. Mas tadre el Emperador lo embiyo a Amsterdam onde Solovyef fondo la primera kaza de komersyo Rusa. Rezulta de esto ke no fue un Djudyo ke entrodusyo en Rusiya el komersyo de dinero si no ke un Ruso enkorajado del Char mesmo. Solovyef, en djugando a la borsa aziya tambyen el komersyo delos trigos i en pokos anyos supo ganar una rikeza muy konsideravle. Despues parese ke repozo de despartir sus ganansyas kon las otoridades Rusas, i por esto el fue echado a la prezyon onde fue sumetido a todas sortes de torturas (sufriyensas) en sigita delas kualas las pyernas i los brasos le fueron rotos. Ademas Pyer el Grande le tomo toda la rikeza: un milyon de Rublas. Esta soma no reprezentava por tanto mas ke el dyesmo de su rikeza.

L

Katerina II

HAIM VITALI SADACCA / MONTREAL [email protected]

Deklarasyon de un Ombre TimidoTE aviya enkontrado en akel dia de friyo, DEZEYI ver la kayida de la inyeve al riyo. TU estavas en su bodre kon sonriza luminoza, ME DATES un plazer vyendo tu kaminada ermoza. EL sujeto de mis poezias dezeates saver. AMOR, umanismo, feridas, sikatrizes deven ser. DE kada linya si los primeros byervos alevantas, MI sentido kreyo ke salira a luz i te enkantas. VIDA pasajera... bive aryento los amorozos KREYEME, seras la mujer alegre, yena de gozos. TE konsejo a ke syempre sonriyes a los espejos ADORO las personas ke son keridas de los vyejos.

Pokos anyos despues, Pyer el Grande repintyendose del mal tratamyento al kual kondamno su primer banker, prometyo de renderle toda la moneda ke le aviya tomado i de akordarle a el i a sus ermanos el titolo de Baron. Entremyentes Pyer el Grande avyendo kayido enfermo i poko despues syendo muryo, esta prometa no pudo ser egzekutida. No pudo ser mas ke en el reyno de Katerina 2 ke los myembros de la famiya Solovyef, fueron alsados al titolo de Baron. Los eredores de este primer banker Ruso repetan ainda lejendas sovre el kapital konsideravle de sus padre, el kual aviya plasado su rikeza en las bankas de Londres i de Amsterdam. Otros rikos Rusos son los myembros dela famiya Jakovliyef los kualos son tambyen de orijin Kristiyana. El avuelo de esta famiya Sava Jakovliyef empeso su karyera kon ser vendedor de peshes pero pokos anyos despues el se aviya echo fabrikante de agua ardyente (Raki) en SenPetersburg in en Mosko. La Emperatris Katerina le dyo titolo de noblesa a el i a su famiya. El ijo de este era un grande uzorero afamado por su eskaseza. El poeta Derjaven en una de sus poeziyas le aviya dicho: Keda dunke de bivir en los depozitos de oro komo un raton bive en la tyerra, i de tener tan serradas tus

botas de dinero. El nyeto del primer Jakovliyef posediya grandes fabrikas de fyerros en la Sibirya. En el anyo 1812 despues del grande ensendyo ke tuvo lugar en Mosko, Jakovliyef izo regalo al governo de todo el fyerro ke se tendriya menester por fraguar de nuevo las fraguas publikas destruyidas del ensendyo. Este regalo no era echo sin enteres, syendo ke el Char akordo en troke a Jakovliyef la dekorasyon del orden Sen-Vladimir tresera klase, dekorasyon destinada alos Djenerales i ke no se akorda nunka a merkaderes. En fin el ijo de Jakovliyef, el kual dezeyava tambyen titolos, profito de una okazyon ke se le prezentava en el anyo 1850. En este anyo el governo konstato en la kasha dela ovra en favor delos enfermos un rovo de un milyon de rublas. Jakovliyef ofresyo a punto de komblar este defisito. El Char en rekompensa le dyo lesensya de frekuentar el palasyo. Sigun se ve, la Istorya de estos grandes kapitalistas ke no tyenen ni una gota de sangre Djudiya en sus venas no es en nada diferente de akeya de los gran bankeros Djudyos. Parten del mesmo grado, i empleyan las mesmas manovras de karedad por obtener titolos de noblesa. Ke los antisemistas nos mostren dunke un karakter partikular dela rasa Djudiya delos Rekojedores de dinero sigun los yaman.

Lo Ke Meldavan Muestros PadresUn livro maraviyozo ke kontyene artikolos de diversas gazetas ke meldavan muestros padres; artikolos tradusidos al Turko i al Ingles kon los orijinales en Judeo-Espanyol.

Para enkomendar, eskrivi a: [email protected] o enkomenda de: www.gozlemkitap.com

ARTIKOLOS


09

MOSHE SHEMUEL PALACCI / ESTAMBOL

Keridos Ermanos, Vos auguro ke tengash syempre Moadim alegre kon sanedad, kon todos vuestros keridos. Penso ke no vash a dizir: Despues de Purim platikos. Ke puedo azer yo? Visto ke El Amaneser aparese una vez al mez. Ya seria mijor, si antes de las fyestas puederia ser emprimado un buletin special por el Moed. Ay ken dize, ke los buenos auguros tyenen valor mesmo si es despues de su tyempo. A vozotros de desidar i apresyar. El Kriador nos ayego a bivir i tomar parte en la solombra de la Suka. Konstati ke en kada anyo, los ombres ke se prokuran Lulav estan pujando. KEN YIRBU VEHEN YIFROSU (ansi pujen i ansi se rekojgan). Pesah, Shavuot i Sukot son yamados los tres Moadim. Semos enkomendados de la Tora, en tyempo ke el Bet Amikdash era firme (egzistia) de ir i vijitar el Santuvaryo i sigun la fyesta ayegar el Korban (sakrisfisyo). Pesah se ayegava el Korban Pesah, se komia asado, en el kortijo de el Bet Amikdash kon Matsa i Lichugua. Shavuot traiya kada uno los BIKURIM (primeros frutos) a el Santuvario en un sestiko ke kargava en su ombro. Mesmo el rey tenia el ovligo de kargar i traerlo el propyo i no por uno de sus mosos o ministros. Sukot era una alegria a parte. Los ombres kantavan el ALLEL (alavasyon) kon el Lulav (buketo de rama de datilas) murta i arava, azian los NAANUIM (menear el Lulav ala derecha, ala syedra, a delantre, ariva, abasho i atras). Ayegavan sakrifisyos, komian kon alegria en las Sukot (kavanyas) ke el techo (tejado) era kuvyerto kon ramas de arvol. La Suka semboliza las nuves de Onra ke abrigo El Kriador a ijos de Yisrael en salidura de Ayifto, en el dizyerto kuarenta anyos. La fyesta de Sukot vyene syempre en salidura de enverano. Los ke se van a los lugares mas freskos por no sufrir de la kalor, tornan a sus kazas, por abrigarsen. El puevlo Djudyo aze la kontra en esta fyesta: de la kazika kayente, sale a la Suka, por mostrar a las otras nas-

yones, ke no estan bushkando el lukso, si no ke por amor de El Todo Potente, salen a morar ocho dias en la kavanya, onde sopla el ayre i poza el rosiyo. Todas las tres fyestas estan eskritas en la Tora sea en Vayikra (Leviticus) kapitolo 23, sea en Devarim (Deuteronomy) kapitolo 16. Koza kuryoza, ni en Pesah ni en Shavuot no eskrive: VE SAMAHTA (i te alegraras). Los savyos ansi mo lo anbezan: En Pesah, ainda la rekolta de el trigo no entro a kaza. Es poko? Es bastante? Esto lo save, kuando mas despues ya rekojyo todo el produkto. Shavuot empesa a rekojer los frutos de los arvoles. Tambyen esto toma tyempo finke toda la fruta entra a su kaza. Vinyendo a Sukot, ya tyene sea el trigo sea los frutos. En su poder; ya save la kantidad de todo. Ya rekojyo las uvas de la vinya i apronto su vino. Dunke ya tyene de alegrarse sin dubyo. Por esto en el Kidush i en la amida dizimos: ZEMAN SIMHATENU (tyempo de nuestra alegria). Ay en Sukot tambyen otra alegria nombrada SIMHAT BET ASHOAVA (alegria de rekojer agua). En tyempo ke el Santuvaryo era firme, se metia en el kortijo tribunas, una para ombres i una para mujeres. Los Koanim i los Hahamim baylavan i los Leviim tanyiyan enstrumentos de muzika. Dizen los savyos: Todo el ken no vido la alegria de Bet Ashoava, es ke no tyene visto alegria en su vida. Eskapando Sukot, el dia de al kavo se yama Oshana Raba. Un Sefer Tora vyene a la Teva i todo el puevlo lo rodea (abolta) syete vezes kon kantes i rogativas. Este dia es el siamyento de todo lo bueno ke nos asetensyaron de los Syelos. Vyene el dia de Shemini Hag Atseret. Entre el puevlo dizen los segundos de Sukot, lo ke no es djusto. Este ochen dia es una fyesta aparte. Mo lo dan a entender los savyos kon un egzempyo: Un rey, arekoje en su palasyo, a todos sus ijos, ke lo prezentan a el en diversas sivdades. Komen, beven, kantan i se alegran el padre kon sus ijos, syete dias. Los ijos demandan permisyon para espartirsen. Les dize el rey: Vos rogo, kedavos otro un dia, para ke me se

kumple la alegria ke tuve kon vozotros. El rey es El Kriyador, los ijos son Bene Yisrael. A la fin de syete dias de Sukot. El nos dize: Kedavos otro un dia me kontentare kon vozotros. En este dia rogamos ke nos enprezenten de los sielos luvyas de bendision provechozas para la tyerra, inviernada alegre kon sanedad i todo lo bueno ke nos vyene al tino. En Yisrael es tambyen Simhat Tora (alegria kon la Tora) los ke estamos en galud (diaspora) lo fyestamos en el dia sigyente. Salen los Sifre Tora de el Ehal Akodesh, baylamos i kantamos kon eyos. Se rekrese aki una demanda: la Tora se dyo en Shavuot en el 6 de sivan. Este dia de fiesta devia ser en el dia ke resivimos la Ley. Porke fyestarlo despues de sinko mezes? Los Hahamim nos dizen la kavza kon un kuento semejante: Un mansevo fue kativado (tomado por esklavo) i kon una kalomnia fue aprezado. El rey vijitando la prezyon avla kon el mansevo, el kual topa grasya en sus ojos. Lo aze kitar de el prezo i lo traye a su palasyo. Pasando tyempo, mira ke el mansevo es meoyudo i savyo. Lo aze ministro i le da a su ija regalada por mujer. La boda pasa muy gustoza i los nuevos kazados se

van a sus morada. A el mansevo le toma penserio: ke va ser agora? Su mujer, pensando ke es ija de rey, lo va menospresyar? Kuando le demandara de azerle tala komida eya podra refuzarle? Esta manera pasan dias, semanas i mezes. El mansevo ve, ke se merekiyo en vano. Entonses izo un grande konvite, yamo a el rey i muncha djente, delantre de todos rengrasyo a su esfuegro de aver aregalarlo, en dandole una djoya muy presyoza por mujer. El rey es el Kriador el mansevo Bene Yisrael. El Todo Poderozo nos kito de el kativeryo de Ayifto. Pasando 50 dias nos dyo la Ley Santa ke sin meldar su kontenido dishimos: NAASE VENISHMA (aremos i ovedeseremos). Kuando empesimos a meldar la Tora, mos tomo dubyo si vamos a pueder reinchir sus komandamyentos. En estudyando pudimos apresyar su valor. Entonses izimos la alegria de Simhat Tora. Kantamos i baylamos kon los Sefarim i rengrasyamos a El Kriador ke mos regalo una djoya tan presyoza. Profito por augurarvos una anyada de sanedad, mantenimyento, prosperidad i alegria. Ke todo el anyo de presipyo fin kavo sea bueno i solo bueno AMEN

10

28 TISHRI 57 7 1 - 6 O K T U B R E 2 0 1 0

REKUERDOS

Una lagrima, una riza- LO KE MOS KONTA RIVKA

Las Dos Amigas

RIVKA ABIRY / HAIFA

Ayer me fui ande el balukchi, a merkar pishkado. I ken renkontri ayi Mazalika. Me se vido tersene. Ojos kolorados, pensi ke estuvo yorando. Ke pasa Mazalika? Me miro, me miro i no disho nada. Kualo pasa - te estn afedentando la vida? le demandi. No, nada - no ker avlar, ma los ojos lagri-

SIMON GERON / SYDNEY, AUSTRALIA [email protected]

EL TIEMPO KE KORRE

M Prim i Poez era iya

mando. A si bivan mis pulgas. Kontame, es Rashelika, tu ermuera, ke te izo mal? Te esta dando ansias i dolores? Poveritika, tomo la palavra , empes a kontar, i a kontar no serr la boka. Tengo un bulto en el korasn. Ya saves, tengo un ijo- un pashayiko. Samikole, ya lo konoses. Yo lo engrandes, yo lo vist, yo le di edukasion, i mismo lo embiyi al ajeno. Ijo dulse, un pasha de ijo es el Samikole mo, en kada dedo un marafet, un buen ganandon, ande toka, oro aze. Retorno del ajeno, me trusho una madama de ay. E, k se kazan Boda izimos, Samikole alegre, kontente, i yo dems. Mazalozos ke sean !!! No pasaron unos kuantos das, komo lo saves, una mujer aze, una mujer dezaze. Lo yama gora Sam (ansina los yaman en la Amrika). No le plaze ni el nombre de mi ijo, ni la komidika mia (es muy papeyada, me dize), ni la kaza mia (los tavanes son muy altos), ni mis kantos (son alaturka, me dize). Si la tomo kon mi a ver a mis amigas, me aze la sangre

preta, me aze rizil (no tienen kultura, me dize). Me arevata la fiel. Si la bushkas, no esta en kaza. Hatulu va, hatula viene. Si no me se kuashko en mi boka una palavra moderna, de vista echa el sapato para pelear. De una pulga aze un gameyo. De lo suyo no shashea... Me dize ke es una mujer emansipada. De vezes penso ke so el sujeto de su maymondjuluk. La miri a Mazalika, la miri, la miri i me ize pishman de la ora ke empesi a eskucharla.. Ke pekado Rashelika lo kere bien a tu Samiko? le demandi. Me lo arrevatates de la boka, kualo ke te konte - delantre de la djente bezos i chupos, detrs de la djente, se kitan los kalpakes. I tu Samiko? le demandi La boz suya no se siente me dize. Siempre amurchado. Eya es la balabaya de la kaza.. Buena koza! La mujer fragua, la mujer derroka - ansi me pensi. No kije alargar el lakirdi. La deshi a Mazalika enkolgada kon un saludo yelado i triste, ke i yo de mismo me topi en apreto i estrechura.. Demas no pude afalagarla. i me hui kon adjile a kaza. Ten una boka emprestada, i dizele, i Davicho, el mio no me begenea mas. Oy, Mama, tu i tus konsejikas viejas, tu i tu kaminada avagar, tu i tus ideas de tarapapu i del oriente. La vida i la kazika mia ke no me manken

Los dias vienen i la semana pasa. I so siempre el mismo Las semanas vienen i el mez pasa Nunka alkanso mi deseo Los mezes vienen i el anyo pasa La vida no es mas ke un djugo El tiempo korre i la manseves pasa I yo termino a ser siempre el mismo Todo solo, sin dinguna proteksion lucho Sin konoser el amor ke espero Me demando si este amor majiko,va venir del todo Nesesito ser feliz i satisfecho para sentirme bueno. LAS FANTASIAS DE UN MUCHACHO JOVEN.

LA FAMIYA MOZOTROS

rvin MANDEL / ESTAMBOL [email protected]

ARTIKOLOS


11

El avuelo zak i el Orient Express

HERNN R. FISSE / SANTIAGO DE CHILE [email protected]

Tengo en mis manos una ermoza ora lavrada en plata i oro, ke ainda kamina, avro la parte de atrs kon muncho kudio i veo algo eskrito kon makina: Longines, 7 Grands Prix, Constantinopla 1888. Me dan voltas en la kavesa la data, fina ke topo una posivle repuesta. El patron de esta ora era mi avuelo Izak Rodriguez i en akel anyo izo su Bar Mitzva en Edirne, Turkia. El vino a este mundo en 1875 i era tradision djudia sefaradi ke los padres le dieran una ora al ijo, en kumpliendo los tredje anyos. Kalia kurdearla kada dia para ke no se aretara, no eran komo las oras de agora. Ago bolar leshos mi imajinasion i me demando por las okaziones en ke el avuelo tomava la ora de la aldikera del jil, para saver kuando irse al lavoro, aparejar sus kafikos por la demanyana, si el bakal avrio para merkar lo de komer o para los viajes ke izo. Si mi kavesa tiene el penserio en viajar, eso me da la fuersa para kontinuar a eskrivir. Por siguro ke uno de los primeros viajes ke izo fue de mudarse, kon toda la famiya, mujer, dos ijas i dos ijos chikos, a morar en Estambol, kuando en Edirne la ekonomia deskayo i los echos kayeron abasho. En 1925, la ijika grande, Ia tia Ida, se fue a espozar kon el novio de alkunya Behar, ke la asperava en Paris (ver El Amaneser del mez de septembre 2009). El arivo de los inyetos i kerer konoserlos fue el motivo ke el avuelo tuvo para azer viajes a la sivdad de las luzes. Me akodro ke en konversasiones de famiya, la tia Ida kontava ke mis avuelos Izak i Vida se ivan desde Estambol a Paris kon el tren Orient

Express. Tres mil kilometros, ke les tomava tres noches i dos das enteros de viaje. Era la epoka en ke meldi Asesinato en el Orient Express, de la afamada eskritora de novelas polisiales Agatha Christie. Pensava komo serian los viajes de los avuelos en este misteriozo i elegante tren, entre los anyos 1925 i 1935, el mismo periodo de tiempo en ke la autora eskrivio la fantazia del livro. Los imajinava aparejando las dos grandes i ermozas validjas de kuero maron, komo un akordeon, ke yo konosi kuando las trusheron a Chile en 1951. Una al lado de la otra, enriva de la kama, en la kamareta de echar del apartamento del kartier de Pera,

skon 5, los avuelo Estambol 194 os i Erman mis prodjenitguadrando las pijamas de fanela, las tovajas de pamuk (koton), el burnuz para el banyo, el chamashir ke se vestia enriva de la tripa mi avuela, para eskonder un poko la godrurika. En un kuti, yamado sombrerera, ivan los chapeos ke se metan kuando salian de kaza. Eya inchendo de kozas las chantas, profitando de todos los kenares i el mirando la ora para irse presto a la estasion de tren de Sirkeci, en diziendole kada nada a la mujer: Menea hanuma, saves ke me estrecheo si no mos vamos presto, el tren

no aspera. Un hamal les tomava las pezgadas validjas fina la estasion i se las dava al empleyado del Vagon-Lit. Kuando el patron azia sonar el chuflete i dizia En voiture Messieurs!, penso ke mi avuelo echava un ojiko a la ora para komprovar ke el tren ampesa a menearse en el tiempo djusto. Despues kumple su ritual de lavarse las manos, en kada okazion ke viene de la kaye. El kompartimento para el viaje tiene un lavabo, kamuflado entre la marketeria de tavla de kaoba, kon muslukes para la agua kayente i la yelada. El kabine para salir del puerpo se topa a la fin del Vagon-Lit. En akeyos anyos no avia dush i kon una shavonerika se enshavonavan las partes del puerpo. La avuela Vida se mete los antojos i mira los valorozos gobelinos de seda de los fotolyos, las lmparas de gas de kuatro brasos, los kristales de las ventanas. Kon la sonriza, ke le alumbrava toda la kara, da su konsentimiento. No te dishe mujer mia ke esto iva a ser de grande lukso, lo yaman el tren de los reyes o rey de los trenes, es komo un palasio enriva de karuchas. Kuando merki los bilietos, meti oyido al empiegado kontando ke el rey Leopoldo II de la Beljika le plaze muncho viajar aki. Algo ansina kreyo ke el avuelo Izak le avlo, porke le plazia dar a entender a su espoza todo lo ke se pasava, en akeyos lugares defendido a las mujeres de meter pie. El dialogo del glamour de la Belle Epoque por siguro lo izo kurto la yamada del garson para el primer torno del Vagon-Restaurant. Si no tuvo tiempo de tomar su raki kon buz, komo era la kostumbre del avuelo antes de kada komida), por siguro ke troko el torno. Eskapan de atakanarse, kon la mirada en el espejo de kristal bizelado, i se van al restaurante rodante, de garsones ke sierven komo akrobatas, para

no kaer enriva de los pasajeros, por modo del movimiento del tren. Los kuviertos son de plata, las kupas de kristal, las servietas brodadas i grandes. En anonsiandoles el menu, refuzaron la entrada de stridias i rogaron ke se las trokaran por otra komida, despus de eksplikarle al garson ke la relijion les defende de komer frutos de mar. Komo les plazia el pishkado gizado en todas las formas, el kalkan se lo komieron kontentes i penso ke el pudding de chokolata de mismo. Este era uno de los menus klasikos del Orient Express. Un sigaro de la marka Gitane antes de las 11 de la noche, despues no se puedia fina las 7 de la demanyana. El tren de noche, kon las ventanas iluminadas en pasando por las Alpes i tomar las kurvas, puede verse komo si fuera un largo meteoro ke pasa rasando la tierra. De dia los paisajes son verdaderos tabls de Van Gogh. El sol empesa a entrar por las ventanas, mi avuelo Izak toma su moliniko de kafe i se apareja uno de sus grandes plazeres. La avuela merikioza le dize: Ten kudio de no debordar el djizve para ke al garson no se le kaiga el kaymak, en kitandolo de la lumbre. Desharon atras Bucarest, Trieste, Venezia, Milan i para arivar a Paris Gare de lEst ainda manka. Agora los dos miran la ora kon despasensia. Me demando si uno de sus viajes akontesio en 1929, kuando de la muncha inyeve ke avia, los vagones kedaron kuviertos i los periodikos informavan ke el tren estuvo aretado semana i media, los pasajeros sin komida, echados kon las vestimentas i todas las mantas disponivles. Este echo de vedra le dio la idea a la eskritora Agatha Christie, para la novela Asesinato en el Orient Express. A lo leshos se esta viendo la Tour Eiffel. El avuelo se metio el chapeo i empeso a guadrar su moliniko de kafe.

EL KANTON DE LA LINGUA 12 Mos Ambezaremos El Alfabeto Rashi28 TISHRI 57 7 1 - 6 O K T U B R E 2 0 1 0

Este mez vos estamos dando el alfabeto kompleto kon egzempyos i frazes para ke puedash pratikarvos a meldar en rashi.HET

11

ZAYIN

10

ZAYIN

9

VAV

8

HE

7

DALET

6

GIMEL

5

GIMEL

4

BET

3

BET

2

ALEF

1

HSAMEH

J22NUN

Z21NUN

U/O20MEM

A19MEM

D18LAMED

CH/DJ17KAF/HAF

G16KAF/HAF

V15YOD

B14YOD

A13TET

12

STAV

N FINAL33SHIN

N32RESH

M FINAL31KOF

MTSADIK

I29TSADIK

K/H FINAL

K/HFE

Y26PE

I/E25PE

T24AYIN

30

28

FE

27

23

T

SH

R

K

TS FINAL

TS

F FINAL

F

P FINAL

P

A

La uzansa de los tsadikim es de dezir poko i azer muncho. Meam Loez, Perashat de Vayera, daf (pajina) 211Transliterado por: Yehuda HATSVI, Tel Aviv / [email protected]

PORKE ESTA INDIFERENSYA?COYA DELEVI / ESTAMBOL

Yo tambien syento la mizma difikultad sin pueder entender la razon de esta indiferensya. Syendo una de las veluntaryas eskrivanas bazikas del alom i de El Amaneser, las dos tienen mizmo lugar en mi korason. Portanto, konsernando la pajina j-e de muestra gazeta, tengo una impresyon komo ke es guerfana. Probavlemente, de mi parte, no es muy etiko emplear este byervo ke lo penso, vyendo la abundansa de tekstos ke resivimos en la redaksyon de El Amaneser. Espero ke los lektores no van a tomar mis propozitos komo selo o malisya de mi parte. Es imposivle afilu de pueder imajinarlo. Todas las dos publikasyones son para mi presyozas i keridas al mizmo grado. Me parese ke tuve bastante oportunidades de prevarlo. En 2007 ize uno de mis abitual! apelos para el alom. A kuantas personas pude alkansar? Simanes mostrandome ke un grupo meldo mi apelo, resivi varios telefones de muestra sivdad, e-mailes dizyendo ke estan prontos para azer un esforso, a kondisyon de ayudarles i korijar sus linyas, lo ke aksepti de vista, tanto estos mesajes me aviyan echo plazer. Ma, dayinda esto asperando i esperando! Bueno, tuve i kompensasyones. La Sra. Ester Mishan de Yerushalayim mando a El Amaneser Un Kuento, dizyendo: Meldi el artikolo de la Sra. Coya Delevi en el Shalom del 14/11/ 2007... Me plazyo muncho lo

A kada okazyon, el Sr. Salamon Bicerano (de b.m.) diziya: Rezervimos una sola pajina al judeo-espanyol. La difikultad konsiste en el chiko shifro de eskrivanos en esta lingua. Devemos pensar al avenir...ke eskrivyo para los ke saven el Ladino, agan un esforso de eskrivir. Mismo si me syento debutante, kero eskrivir un kuento para no olvidar la lingua de mis avuelos. No tengo muncha okazyon de avlar esta lingua... Eya fue la bienvenida en muestra revista. Algun diya puede ser embiya i al alom, deke no? Resivi tambien un e-mail de la Espanya. Tanto me plazyo su sinseridad ke lo guadri para relatarlo otruna vez en su orijinal, sin trokar la ortografiya, ni tresladar los byervos al judeo-espanyol. Esto sigura, lo vash entender muy bien. Estimada Coya Delevi, Reelmente interesante su articolo titulado Avlando sovre muestra lingua... Cada semana meldo kon avidez la pajina en espanyol de vuestro periodico alom. Debido a todas aquellas personas que como usted aun se kontiene ensendida la flama del idioma que hablaron muestros padres. KEEP UP THE GOOD WORK... Kon mi mayor estima, saludo a usted con real admirasyon... J.N. Crondo...

No esto sigura si mi korrespondente es un lektor o lektora. Seya lo ke seya, muestro lektor, eskuzandose de no pueder responder afirmativamente adjusto: ...entiendo si se hablan en Ladino. Tambien puedo meldarlo. Pero no se escribirlo, ni puedo hablarlo. Muestra amiga Karen arhon en uno de sus mesajes disho: Devemos enkorajar personas de manko de 50 anyos para ke eskrivan en muestra lingua. Es muy probavle keridos amigos de alargar la egzistensya del Judeo-Espanyol si se reushe a azer un chiko esforso suplementaryo. Komo disho J.N. Crondo: Keep up the good work, kontinuaremos muestra misyon...

PROVERBOS i DICHAS La mujer aze, la mujer dezaze. Djoha kuando no tiene de azer, kita los ojos de la mujer. Kaza sin mujer, es una lanterna sin luz. Ken a la mujer siente, no se arepiente.

Del livro: ERENSYA SEFARAD Klara Perahya, Suzi de Toledo, Suzi Danon, Fani Ender www.gozlemkitap.com

BIBLIOGRAFIA


KANTON DE BIBLIOGRAFIA SEFARDIMICHAEL HALVY/ HAMBURG [email protected]

Istoria ROZENBERG, Danielle, La Espaa contempornea y la cuestin juda, Madrid 2010, Casa Sefarad, ISBN: 978-84-92820-20-7

ENGIN, Vahdettin, Pazarlik. Ikinci Abdlhamid ile Siyonist Lider Dr. Theodore Herzl arasnda geen Filistinde Yahudi Vatan grmelerinin gizli kalm belgeleri, Yeditepe, Estambul 2010, ISBN: 078-605-405-24-00 INFO: www.yeditepeyayinevi. com

Linguistika

43

13

ARSLAN, Ali, Ikinci Yahudi g. Avrupadan Trkiyeye, Paraf, Estambul 2010, ISBN: 978-605-5539-06-1 INFO: www.parafyayinlari.com

Folklor KOHEN, Elli, Dr. Nissim Joseph Ovadia. A Pillar of World Sephardi Judaism and Scholar, s.a., s.n., ISBN: 0-615-12176-4 CUMIMAN PINTO, Sibel, The Evolution of the Sephardic Cuisine in Turkey. Five Centuries of Survival, Lambert Academic Publishing, Saarbrcken 2010, ISBN: 978-3-8383-2897-3 INFO: [email protected]

RAMREZ ORTIZ, Toms, Glosario del Haqueta y Ladino-Judezmo, Antequerra 2010, Inovacin y Qualificacin, ISBN: 978-8483643-21-1

Revista

TARAGONA BORRS, Judit, Moiss ben Maimn el sefard, Crdoba 2009, Ediciones El Almendro, ISBN:978-84-8005-149-1Sorumlu Yaz leri Mdr: Ik Sivil KarakoKatkda Bulunanlar: Gad Nassi Christine H. Lochow Drke Roz Kohen Dizgi-Grafik Tasarm: Semra Sevin Ynetim Yeri:Atiye Sokak, Polar Apt. 12/6 Tevikiye - stanbul

LA ESTREYA III, 2010, Sofia 2010, ISSN:1313-8200 Revista djudiya de BulgariaALOMUN CRETSZ EKDR. /// Merkez Tel: 0212 - 231 92 82 Faks: 0212 - 231 92 83Abonamiento: [email protected] publikados en El Amaneser refletan las opinyones personales de sus otor, i son enteramente i solamente a su responsabilidad. La reproduksyon total o parsyal de estos artikolos es permetida kon la kondisyon de mensyonar su manadero i el nombre del otor.

Gzlem Gazetecilik Basn ve Yayn A.. adna sahibi: YAKUP BAROKASYayn Tr: Yaygn Sreli

Yayn Ynetmeni: Karen Gerson arhon Koordinatr: Gler Orgun

Basld Yer:Turkuaz Matbaaclk Yaynclk A.. Keresteciler Sitesi, Fatih Cad. Selvi Sok. No:18 Merter-stanbul

PARA ABONARSE posta elektronika: [email protected]

14

Hamburgo28 TISHRI 57 7 1 - 6 O K T U B R E 2 0 1 0

KONFERENSIAS

la Yerushalayim del NorteMICHAEL HALVY [email protected]

En los syeklos XVI i XVII los exmaranos orijinaryos de Espanya i Portugal, bivyeron sus syeklo de oro en las sivdades protestantes i kalvinistas del Norte. Rikos merkaderes komo los Curiel, los Sampaio Texeira (1) o Jacob Rosales (2) ke frekuentavan la Korte Real, hahamim komo David Cohen de Lara (2a) ke diskutyeron kon los papazes protestantes, medikos komo

Un pasado gloryozo

Abenatar Melo (4) eskrivyeron ermozas poeziyas en portuges i espanyol, i filologos komo Moses Abudiente ke eskrivyo una gramatika ebraika en lingua portugeza o el uniko rekolyo de predikas sabatianikas konservado (6). Sus bedahaimes el primer fue fraguado en 1611 - fueron los mas antiguos sefaradis del Norte de Evropa. Por su antiguedad i su singular arte sepulkral, el bedahaim Knigstrasse esta basho la proteksyon del patrimonyo nasyonal desde el anyo 1960. Desde munchos anyos los syentifikos egzijen ke se le konfiera el titulo de Patrimonyo de la Umanidad de la UNESCO djunto kon los bedahaimes djudyos de Ouderkerk (Amsterdam), Surinam i Curaao (7-10).

Brazil, St. Thomas, Curaao). Hamburgo se benefisiara de esta migrasyon de oryente a oksidente. De los nombres de judyos sefaradis ke se radikaron a esta sivdad puedemos ver algunos personajes komo: Isaac Farchy i Ruben Maior de Belgrado; Isaac Alcalai, nasido en la sivdad bulgara de Plovdiv, i Ralph i Raimund Ergas de Ploieti, en Rumania. Nissim Alcalay, Jacob Eskenazi, Haim J. Bessoudo i Rosa Papo eran orijinaryos de Konstantinopla. De Esmirna prosedian David Benezra i Refael Cori i Roditi, myentras la sivdad natal de Haim Vital Algava era Salonik. Sovre las razones ke movyeron a estos djudyos otomanos a establesersen en Hamburgo o en Altona, no puedemos ir ms ay de la espekulasyon. Los djudyos de Turkiya no tenian un pasado neokristiano, a diferensya de los portugezes, avlavan judezmo i publikaron asta byen entrado en el syeklo XX sus literatura judeoespanyola i sus periodikos en grafa ebrea (del tipo Rashi). La chika komunidad sefaradi de Hamburgo fragu kon el ayudo de los korelijyonaryos de Amsterdam, Nueva York i Londra una manyifika

asinagoga en el estilo oryental (11). Desde el syeklo XX, la lingua portugeza dezaparesyo, los sefaradis avlavan alman i se kazaron kon ashkenazis. Desde 1933 Hamburgo se transform en una sivdad fashista. Munchos portugezes emigraron i se establesyeron en Portugal, Israel i en los Estados Unidos. Akeyos ke no pudyeron emigrar fueron anikilados en los kampos de konsentrasyon. Oy, kazas i kayes en Hamburgo trayen a la memorya nombres sefaradis komo Pardo, Cassuto, Saltiel, Coutinho, Castro o Jessurun. Oy, Hamburgo tyene 4 komunidades djudiyas: una de los ortodokses, una de los liberales, una de Masorti i una de Chabad. Una komunidad sefaradi no egziste mas.

Renasenya de la vida sefaradi en el syeklo XIXEn el syeklo XIX, kuando poko le mankava a la komunidad para desapareser del peyzaje urbanistiko a kavza del envejesamyento i de la provedad, eksperiment inusitadamente un breve impulso a mediados del syeklo. Durante este tyempo se establesyeron en Hamburgo un grande nmero de djudyos sefaradis. Ans, yegaron muevos myembros de varyos paizes evropeos, pero i de lugares mas leshanos: Holanda (Amsterdam, Amersfort), Danimarka (Kopenhag), Portugal (Las Azores), Norte de frica (Marroko) i el Muevo Mundo (Brasil, Venezuela, Santo Domingo,

aDavid i Baruh Namias de Castro ke kuraron reyes i reynas, poetas komo Joseph Francs (3a) o David

a

a

KONFERENSIAS


15

djudaika i iberika. Asta oy, munchos no saven nada sovre la suerte de las 400 famiyas sefaradis ke fueron eksterminadas en Auschwitz i otros kampos de doloroza memorya. Kon los nazis fue anikilada endjuntos kon los ombres toda la erensya kultural djudeo-espanyola en las tyerras de lingua almana. Tenemos la pezgada responsabilita de konservar esta memorya para pueder azer benefisyar las muevas jenerasyones.

EPILOGOMuy pokos son, en el mundo aktual, los ke saven en ke mezura el Olokosto aharvo a las respektavles komunidades sefaradis en Austria i Almanya. Asta oy, pokos konosen la istorya de las komunidades sefaradis de Vyena, Berlin i Hamburgo, no konosen el rolo influyente ke djugaron estos sefaradis ke fueron kapaches de introduzir en los payizes protestantes sus kultura

Una Egzibisyon Maraviyoza de Patchwork

Sefarad en Hamburgo Sefarad in HamburgOrganizado por el Instituto Cervantes (Hamburgo) y el Instituto de los estudyos sovre los djidyos alemanes (Hamburgo) Estas jornadas monografikas estan dedikadas al pasado i presente de la kultura sefard, i a la istoria de la influyente komunidad djudya provenyente de la pennsula iberika ke se radik en Hamburgo a finales del syeklo XVI. *Esther Bendahan i Mercedes Monmany (Madrid): La literatura judeoespanyola de oy i sus autores *Dr. Ivana Vucina Simovic (Belogrado): La lingua judeoespaola oy *Amor Ayala (Berlin) i Dr. Michael Halvy (Hamburgo): Ke vive el Judezmo! Aula de judeoespaol *Dr. Pilar Romeu Ferr (Barcelona) i Anna Menny (Hamburgo): La erensya sefard en la sosyedad espanyola de oy *Dr. Michael Halvy (Hamburgo): Los sefarditas otomanos en Hamburgo: 1850 1939 filme: El ultimo sefard ekspozisyon: Livros sefarditas puvlikados en Hamburgo konsyerto kon la Asamblea Mediterranea: Musika sefard

Las artistas de patchwork, Eti Koen, Aybkem Azakl i Semra zkan Boyda estan avriendo sus egzibision de sus ovras el 2 de Oktubre 2010 a las 5:00 de la tarde en el Muzeo Militar de Harbiye en Estambol. La egzibision turera asta el 10 de Oktubre i va ser una oportunidad muy buena para los Estambollis de ver estos tablos fasinantes. Todo echo kon la teknika de patchwork i kombinando el desen, la kaligrafiya, las kolores i la broderia, estos tablos van a kortar el reflo de los ke asistiran.

El Estambol Antiguo i Muevo

16

28 TISHRI 57 7 1 - 6 O K T U B R E 2 0 1 0

ERA UNA VEZ...

Eliya KarmonaKomo nasyo Eliya Karmona. Komo se engrandesyo I komo se izo direktor del Djugeton 40 anyos de su vida eskritos por el propyo A la okazyon del 18en aniversaryo del Djugeton Imprimeria El DjugetonTransliterado por: MICHAEL S. HALEVY / HAMBURG [email protected]

Mi primer ofisyoAntes de empesar mi istorya, me vo prezentar a vozotros keridos lektores. Yo so el nyeto del difunto Chi[li]bi Hizkia Karmona a[lav] a[shalom], el sovrino del filantropo Chi[li] bi Behor Karmona alav ashalom ke lo tuvyeron aogado en tyempo de Sultan Mahmud i ijo del difunto Sinyor Rafaelachi Karmona alav ashalom. Yo nasi en el 16 heshvan 5630, en el foburgo de Ortakyoy, en la kaza grande dela kyoshe de Tash Merdiven. Kale ke sea ke el mes de heshvan no es muy urguli sigun dizen las mujeres, porke yo, nasido en este mes, tuve una vida yena de misteryos, sigun ya lo vash a ver en meldando este livro. Kuando yo nasi, la rikeza de la famiya Karmona no avia desparesido, avia ainda un chiko reskaldo dela vyeja fortuna i kuando yo nasi komo ijo regalado, yo era mirado kon muncho kuydado, i los sarnudos i bostizos ke echava kada dia, avia dos mosos ke los kontavan por dar raporto a mis djenitores, no sea ke estuvyera hazino. No vos vo avlar del engrandesimyento de mi chikes porke no vos interesa. Vos dire simplemente ke a la edad de 6 anyos me fui al Talmud Tora i a la edad de 11 anyos ya era en la eskola, la primera eskola dela Aliansa ke se avia fundado en Ortakyoy soto la direksyon del Sinyor Gabriel Arie. Myentras 4 anyos yo estuve en la eskola i todas la klasas ke pasi, yo era syempre uno de los primeros elevos porke tenia kavesika muy blanda. En este intervalo de 15 anyos del prisipyo de vida, la situasyon de mi Sinyor padre alav ashalom empesava a kayer, la rikeza avia enteramente desparesido i mi difunto padre se azia koredor en la borsa a lado del mubayadji (mubayyac) Sinyor Mavrokordato, uno delos primeros adjentes dela borsa. Este echo no turo muncho tyempo, Sinyor Mavrokordato venia a morir, los echos de korederia dela borsa se empesavan a afloshar i mi difunto padre komo dever de todo ombre de penar por su famiya se azia biletdji en la kompaniya del tranvay. Djusto kuando yo tenia 15 anyos, mi difunto padre vinia informarme una noche, ke el me iva kitar dela eskola i ke me avia empyegado komo profesor de franses serka los ijos de Tunisli Hayredin Pasha, pasha ke era akel tyempo gran

Entrega 1Keridos lektores, Aze serka 25 anyos ke vuestro esklavo vos syerve en kada tyempo un chiko plato de divertimyento i me konto venturozo de dizir ke en toda sirkunstansya, tanto los moradores de Konstantinopla komo dela provinsya, me akordaron syempre un akolyo muy kalorozo por lo kualo, profito oy la okazyon a prezentar a todos, mis rengrasyamyentos de pura rekonosensya. Portanto, ya savesh muy byen ke todo loke vos tengo prezentado fin agora eran simples kompozisyones, pasadas solamente por la memorya de su autor i ke no egzistyeron nunka. El livro ke vos prezento oy no es igual a estos todos. Es un fato verdadero ke yo vos vo kontar o por mijor dizir mi propya istorya de 55 anyos de mi vida. En esta istorya ke vos prezento oy no vash a enkontrar ni rovos, ni matansinas, ma fatos i akontesimyentos muy kuryozos ke vos aran ver kuanto la pasensya trae a buen kavo, i kuanto el ombre no deve deskorajarse en el gio de su vida, si algun entrompeso le ariva. Puedesh estar siguros ke todo loke vash a meldar es pura verdad, akontesimyentos ke pasaron ensima de mi kavesa i ke grasyas a la pasensya i a la esperansa parvine a salir del afrozo embaraso en el kual me topi munchas vezes. Esto dicho, tengo la firme esperansa ke el onorado publiko ke bushko syempre a enkorajar todos los frutos salidos de mi flaka pendola, bushkara tambyen a enkorajarme en este livro i por lo kualo me apresuro de antes a prezentarles mis mas sinseros rengrasyamyentos akompanyados de mi rekonosensya eternel. La impresyon de este livro kostandome grandes sakrifisyos, el Sinyor Binyamin B[en] Yosef kijo byen ayudarme moralmente i materyalmente, por lo kualo me apresuro a prezentarle aki mis rengrasyamyentos de alta rekonosensya.

ELIYA R. KARMONA

vizir serka de Abdul Hamid. Ya puedesh kreer la alegria mia en sintyendo ke me iva azer profesor de franses en el konak del Sadrazam. Yo olvidava enteramente ke iva kedar enmedyo del embezamyento i a la demanyana, sin durmir noche entera, me iva a Kurucheshme por tomar posesyon de mi empyego. El byervo profesor, es muy fasil a pronunsyar ma azer el ofisyo, esto es muy difisil i ke yo no lo avia pensado. Apenas yo me entrava a mi primer ofisyo ke empesava a entender ke yo no era dinyo para dar lesyones a ijos de Sadrazam, partikolaremente en franses, onde yo no era ainda ke en la sigunda klasa. Portanto, yo no me deskorajava, kada noche en vinyendo en kaza, me embezava yo propyo la lesyon ke tenia menester de dar al dia sigyente a los elevos, la estudyava byen, me la eskuchava de mi para mi, i al dia sigyente iva onde los elevos i se las embezava. Ansi se paso muy bueno myentras tres mezes, onde me davan kada mes dos liras amarias, i para akeos tyempos, dos liras al mes era koza muy grande, partikularmente kuando el tomador tenia 15 anyos. Ma, mas de tres mezes mi ofisyo de profesor no pudo kaminar porke me avia vinido un konkurente sin esperarlo. Avia en la kaza de Tunisli Hayreddin Pasha un vekilharch (vekilhar) franses yamado musyu Kana. Este sinyor tenia un ijo en Paris ke estava estudyando. En mi mazal bueno, el Sinyor ijo espero ke entrara yo onde el Sadrazam por vinir a Estambol. Su padre, no topava otro empyego para su ijo ke akel de rogarle al pasha de konjedyar a mi i meterlo en su lugar. Esto se izo en un avrir i serar el ojo i yo kedava sin empyego i sin eskola.

SINEMA


LOS DJUDIOS DE TIJUANAAslan I. PALACHI / VANCOUVER [email protected] l filmo dokumental Tijuana Jews por el rijidor djudio amerikano Isaac ARTENSTEIN, engrandesido en Tijuana, ke agora bive en California, ande nase en 1954, es parte de la seria La Eksperiensa Djudia en Amerika Latina. En el prinsipio del siglo XX, miles de djudios evropeos imigran al kontinente amerikano, fuyendosen de la persekusion antisemita i bushkando mijor okaziones. Algunos yegan a la Sivdad de Meksiko i de eyos, algunos grupos chikos van al norte, a Tijuana, una sivdad serka de la frontiera amerikana. Los Djudios de Tijuana es una eksplorasion personal de esta komunidad ke kombina las kulturas i kostumbres djudias meksikanas en un tiempo i espasio inimajinavle. El realizador, Artenstein, se enkontra kon reaksiones de sorpreza en personas al norte de la frontiera ke no konosen la prezensia de djudios en Meksiko. Tijuana, kon su eskura leyenda de abondante alkol, drogas i muchachas ermozas dainda ensiende la imajinasion de munchos. Este filmo de 50 puntos es un testamento verdadero sovre las konsepsiones i arketipos falsos en esta kaji lejendaria sivdad de frontiera. Este dokumental trata de la istoria de los djudios de Tijuana de un punto de vista personal. Artenstein mos konta sus djenitores i los avuelos. De la parte de su padre

17

E

vienen de la Polonya i de la parte de su madre de la Turkiya. Toda esta meskla de las kulturas siempre me enkanta dize en una entrevista kon el djornal Union Tribune de San Diego. Segun el realizador, oy dia ay mas de 800 famiyas djudias latinas en la rejion de Tijuana/San Diego ke puedan trasar sus raizes a diferentes paizes de la Evropa i del Medio Oriente. Kon este filmo, Artenstein sonriente adjusta, es komo tornar a mis raizes. Fue una grande eksperiensa avlar kon la djente de la jenerasion de mis djenitores i mis avuelos. El prezidente del Centro Social Israelita de Baja California en Tijuana, rabi Mendel POLICHENCO, karakteriza el filmo komo una kontribusion kultural i una buena manera de ambezarse mas sovre la komunidad lokal djudia latina. Entrevistado en el filmo, Polichenco apunta ke es un empesijo en la kreasion de un rekuerdo de

la komunidad djudia i lo ke fue su istoria. Los rituales, selebrasiones, kostumbres i la evolusion de los djudios de Tijuana desde el ultimo siglo asta el prezente se retrata en este dokumental. En los anyos 60 del siglo pasado, munchas famiyas en Tijuana se mudan a Chula Vista, serka de San Diego, para mijorar la edukasion de sus ninyos. Esta tendensia kontinua, la mayoria de los djudios biven en la parte amerikana de la frontiera, mientres ke los balabayes de estas famiyas kruazan kada dia para sus lavoro en Tijuana. Portanto, komo mostra el filmo, los djudios de Tijuana ke eran miembros aktivos de akeya komunidad, partisipan a la vida politika i ekonomika de la rejion de San Diego. Kon la kriza ekonomika i sosial ke empesa a los prinsipios de los anyos 80, en la Sivdad de Meksiko, yegan munchos djudios a Tijuana i tienen una

influensia sovre esta komunidad. Topar las estorias de la komunidad para el filmo no fue tan difisil. Mos fuimos de kaza a kaza, de famiya a famiya, i todos kontribuyeron kon djenerozidad sus eksperiensas. apunta el rijidor. La kontribusion del kompozitor lokal de Tijuana, Jaime VALLE, kon su muzika orijinal es bien apresiada. Este dokumental ke es el produkto de un lavoro de 5 anyos, se prezenta por la primera vez en el Festival de Filmos Djudios de San Diego, en el Festival de Filmos Latinos de la misma sivdad, i de aya viaja a Los Angeles, Tuscon (Arizona), Washington (DC) i a Barcelona en Espanya. Tambien la estasion de la televizion publika lokal en San Diego se enteresa a este proyekto. Segun Artenstein, el buto de Los Djudios de Tijuana, es prezentar la komunidad djudia en todos sus aspektos i el retrato de su verdadera istoria. El pensa ke este dokumental puede ser valutozo i ke rezultara a un entendimiento de la prezensia djudia en Meksiko i la prezensia meksikana en la komunidad djudia mundial. Es evidente ke Meksiko avrio sus brasos a una komunidad djudia, i es por esto ke izimos la kultura meksikana la muestra. dize el realizador.

18

28 TISHRI 57 7 1 - 6 O K T U B R E 2 0 1 0

EL DOSYE DEL MEZ...

REFLEKSYONES i KOMENTARYOSCOYA DELEVI / ESTAMBOL

e una Sovr poka Ees ovligados de morar en la Juderia. Las taksas ke pagavan son anuladas... (El Amaneser No.60 - C.D.) Komo se esta vyendo, las dos rasas se estavan aserkando. El Rey Afonso XIII fue nominado Prezidente Onoraryo de la Komunidad Ispano-Djudia ande aviya profesores espanyoles ansi ke akademisyanos djudyos enteresandosen a la kestyon de estudyos. Teniyan tambyen i el eskopo komun (asigun entendi), de propajar la Kultura Espanyola en el seno de las komunidades djudias. El Sr. de Quiros esta adjustando: ... Durante la Primera Gerra Mundial, el Governo Espanyol se entereso a los djudyos de Bulgariya, Turkiya i otros. Les garantizo la suditansa espanyola i ansi el impedimyento de ser tratados komo enemigos. No topi (por la ora) detalyos konsernando esta afirmasyon. No se si ay alguna relasyon, solamente, me esto akodrando aver meldado ke, en 1916, un grupo de intelektuales espanyoles enkavesados por Pulido, mandaron un mesaje al lider del Governo Fransez. Se tratava de las mezuras tomadas en favor de los djudyos bivyendo en Turkiya... El Rey Alfonso XIII abandono el trono i la Espanya en 1931. El Governo Republikano kontinuo su politika pro-djudia. Un chiko egzempyo: en 1935 kon diversas seremoniyas en la ansyana Sinagoga de Cordoba, se selebro el diya de nasimyento del grande filozofo Maimonides... Los anyos ke sigyeron komo evoluaron las relasyones? En ke punto estamos agora? I lo mas importante, komo pasaron los anyos de la Sigunda Gerra Mundial? Kestyones enteresantes i yo por la ora no tengo todas las repuestas. Es difisil de analizar i relatar en kurto los anyos sigyendo 1931. Se puede azer otrun artikolo sovre akeyos anyos de la Sigunda Republika, la perturbasyon politika, la Gerra Sivil entre 193639, los anyos de la Diktatura del Jeneral Franco ets... Portanto, al final de este teksto, penso dar en mi Notisya syertos indisyos komo repuesta a la ultima pregunta. Aki, por empesar, kero relatar un paragrafo del teksto del Dr. Albert De Vidas, eskrito en 2005 a la okazyon del sentenaryo de la publikasyon del livro de Pulido en 1905. Es pekado ke Pulido no estava en vida kuando los Sefardis nesesitavan su proteksyon i la de Madrid durante el Olokosto. Ken save si los 300.000 Espanyoles sin Patria no podian ser salvados de la eksterminasyon en los kampos de la muerte por los alemanes i sus kolaboradores, sin ke la Espanya de Franco alevante un dedo para eyos... Es ke estos propozitos se pueden konsiderar komo una partida de la repuesta a mi kestyon? Del livro del Sr. de Quiros, ize un rezumen del kapitolo apartado a la peryoda en la kuala

D

espues ke eskapi mi artikolo Espanya Investigando su Pasado (El Amaneser No. 66), tuve syertas ezitasyones komo puntos de interrogasyon sovre el livro Sfaradisme et Hispanit de Eva Touboul Tardieu. En muy kurto, para akodrarmos: eya esta dizyendo, la Espanya ke, al presipyo del 20. siglo estava bushkando kaminos de rekonsilyasyon kon los Sefardim, se estava yerrando. Asigun Tardieu, supozar ke en el korso de la istoria, los Sefardis aviyan kedado enteramente atados al Ideal Espanyol, era grande yerro, ets... Komo lo indiki en akel teksto, preferi no azer dingun komentaryo sovre los propozitos de la Sra.Tardieu. Muy klaro ke yo teniya mi opinyon en desparte de mis dubyos. Portanto, no me konfiyi bastante a mis konosensyas konsernando los eventos de una syerta epoka. Dechidi de azer bushkidades suplementaryas i ansi tener la posivilidad de mijor analizarlos. Me dokumenti un poko mas sovre una peryoda ampesando en los presipyos de 1900 i espandida a kaji un siglo. Espesyalmente sovre el Senator Dr. Angel Pulido Fernandez ke perkuro a estableser atadijos partikolarmente kon los Sefardis bivyendo en las tyerras Otomanas. Fue ansi ke el Sefardismo se tomo al kontenido del Instituto Alianza Hispana-Hebrea. Estos lavoros i mas despues, en 1905, la publikasyon del livro de Pulido Espaoles sin Patria y la Raza Sefard koensidan kon el empesijo del Reynado de Alfonso XIII (19021931). La Ley impozada mas antes por la Konstitusyon i defendyendo la konstruksyon de Sinagogas, fue abaldada (anulada) en esta peryoda. Kon anyos, sigyo una politika de simpatiya enverso los ebraikos. Alfonso XIII el propyo fue un protektor fervente de los hijos deperdidos de Espaa. El eskrivano espanyol Felipe Torroba

Dr. Angel PulidoBernaldo de Quiros, en su lavoro tresladado al inglez: The Spanish Jews (Los Djudios Espanyoles) esta dizyendo: En el anyo 1912, kuando el Protectorat Espanyol(*) fue establesido en el Norte del Maroko, grupos de djudyos arrivaron ayi. Estos, evaluados komo 25.000, se instalaron en Tetuan, Ceuta, Larashe i otros lugares... Eyos konservaron la Lingua Espanyola malgrado los siglos ke pasaron. Ansi fueron tambyen de una importansa efikache en la Politika Afrikana de la Espanya. En 1915 el Governo envito al Orientalisto Shalom Yahuda a la Akademiya ande dyo una seriya de lekturas sovre la Sivilizasyon Djudia en Espanya. Era un akontesimyento uniko ke tuvo grande sukseso i marko una mueva etapa pozitiva en las relasyones amikal Ispano-Ebreas. Desde anyos i anyos, era por la primera vez ke un akademisyano Djudio estava diskorsando en un Sentro Kultural Espanyol. Sovre la rekuesta de las Asosyasyones Judeo-Espanyolas del Maroko, al Sr. Yahuda le fue atribuido un posto importante de Estudyos Judaikos, lo ke iva ser de grande ayudo para los elevos djudyos... Antes unos kuantos mezes, en un lugar del artikolo ke eskrivi sovre Los Sefardis del Norte de Marruecos toki un poko a esta situasyon kon estos byervos: En 1912 Ttouan es de muevo debasho la dominasyon espanyola i la suerte de los djudyos konose un neto amijoreamyento. El Rey se deklara ser ofisyalmente protektor de las Institusyones Djudias. No son entons-

Alfonso XIII de Espaa

EL DOSYE DEL MEZ...reyno Alfonso XIII. En este ancho kapitolo no se esta avlando muncho del Dr. Angel Pulido Fernandez. Devo dizir ke, en primero, esto me sorprendyo, porke ya savemos ke en akeya epoka, el fue una figura muy aktiva en la lucha para estableser relasyones entre la Espanya i los Sefardis. En 1904 publiko su lavoro Los Israelitas Espaoles y el Idioma Castellano i en 1905, el livro Espaoles sin Patria y la Raza Sefardi, ande estava dizyendo estos byervos: Espanya nesesita el amor de todos sus desendyentes.... Kual era el objektivo de Pulido, su buto? Ke demandava del Governo Espanyol para ayudar a la rekonsilyasyon kon los Sefardis? Pulido keriya eskolas i maestros para los djudios de los Balkanes i las oriyas del Mediterraneo Oryental, en soma para los djudyos de las Tyerras Otomanas. Keriya avrir las puertas de la Espanya a los ke dezeavan retornar a sus Kaza. Portanto, Pulido ya se estava rendyendo kuento ke un retorno kolektivo era difisil, por no dizir imposivle (i no muy dezeavle probablemente) de diversos puntos de vista... En realidad, todos los Sefardis no estavan muy dezeozos de saltar sovre esta posivilidad, esta oportunidad de retornar a

68

Documents

Transcript of 68