Programación 1ºBACHARELATO (13/14)
Transcript of Programación 1ºBACHARELATO (13/14)
PROGRAMACIÓN DIDÁCTICA LINGUA E LITERATURA GALEGA
1º BACHARELATO Curso 2014-15
GUIÓN
I. OBXECTIVOS
II. CONTIDOS
III. CRITERIOS DE AVALIACIÓN RELACIONADOS COAS COMPETENCIAS BÁSICAS
IV. MEDODOLOXÍA DIDÁCTICA
V. MATERIAIS CURRICULARES
VI. INSTRUMENTOS DE AVALIACIÓN
VII. CRITERIOS DE CUALIFICACIÓN
VIII. CONTIDOS MÍNIMOS EXIXIBEIS PARA A CUALIFICACIÓN POSITIVA
IX. PROXECTO LECTOR E PLAN TICs
X. PROGRAMAS DE AULA
PROGRAMACIÓN DIDÁCTICA DE LGL DE 1ºBACHARELATO 2014-15
2
I. OBXECTIVOS
1. Comprender o contido global e particular, así como a intención e
propósito dos discursos orais, escritos e audiovisuais procedentes de
diversos contextos comunicativos da vida social e cultural;
nomeadamente, dos ámbitos público, educativo, profesional e dos
medios de comunicación.
2. Expresar por escrito e oralmente o contido dunha mensaxe axustando
o discurso a diferentes situacións comunicativas (especialmente ás do
ámbito académico) e mantendo a coherencia, a corrección gramatical, a
adecuada presentación e a utilización dos principais elementos
cohesivos.
3. Desenvolver as principais técnicas de comunicación e aprendizaxe
relativas á comprensión e á produción que se empregan durante a
interacción oral, para lograr os fins pretendidos e atendendo aos
distintos contextos.
4. Identificar os diversos tipos de textos orais, escritos e audiovisuais e
reflexionar sobre a súa estrutura, así como recoñecer o seu tema e a
organización da información.
5. Interpretar e valorar criticamente a información e as mensaxes que
emanan dos distintos discursos e utilizar con autonomía e espírito crítico
as novas tecnoloxías da información e da comunicación.
6. Planificar, realizar e corrixir as propias producións de xeito que a
persoa usuaria da lingua sexa axente social no seu ámbito, contribuíndo
a consolidar as distintas funcións sociais da lingua (de identidade,
familiar, laboral, local, institucional, cultural e internacional).
7. Coñecer a realidade multilingüe do mundo, de Europa e do Estado
español valorando positivamente a riqueza que representa e fomentar o
desenvolvemento da competencia pluricultural e, en especial, o da
plurilingüe.
8. Coñecer, analizar e reflexionar sobre a situación social da nosa lingua
e factores e procesos que ao longo da súa historia a levaron á situación
actual.
9. Analizar os diferentes usos sociais da lingua, valorar as súas
variedades e superar estereotipos lingüísticos que supoñen xuízos de
valor e prexuízos.
PROGRAMACIÓN DIDÁCTICA DE LGL DE 1ºBACHARELATO 2014-15
3
10. Recoñecer e analizar as distintas unidades da lingua e o seu
funcionamento a partir dos distintos tipos de textos que se producen en
contextos diferentes, cun achegamento analítico que observe a lingua
partindo da globalidade até chegar ás unidades mínimas.
11. Apreciar e valorar a corrección e precisión formal como unha
condición para que a comunicación funcione de maneira óptima.
12. Adquirir un corpus léxico importante, adecuado á intención e á
situación comunicativa, almacenable a longo prazo, de fácil acceso e
formalmente correcto.
13. Coñecer as características das principais etapas da literatura galega
así como as correntes, xéneros, autoras e autores e obras máis
representativas utilizando fontes bibliográficas axeitadas para o seu
estudo.
14. Ler, comprender, analizar e xulgar con criterio obras e fragmentos
representativos das diferentes épocas da literatura galega en tanto que
expresión de determinadas circunstancias históricas e sociais.
15. Concienciarse de que unha lectura crítica e de calidade mellora a
competencia comunicativa, xa que posibilita a formación, a información e
o pracer.
II. CONTIDOS
Bloque 1. Contidos comúns
Lectura comprensiva, análise e comentario de textos de natureza
diversa e cun nivel de dificultade adaptado aos obxectivos propios da
etapa post-obrigatoria.
Produción de textos orais e escritos respectuosos coas regras de
coherencia, cohesión, adecuación, presentación e corrección ortográfica
que facilitan a comunicación lingüística.
Elaboración de exposicións orais e composicións escritas realizadas de
xeito documentado e cun vocabulario rigoroso que lle proporcionen ao
alumnado os rudimentos do discurso científico.
Aplicación e respecto polas normas básicas que rexen o intercambio e a
interacción comunicativa.
PROGRAMACIÓN DIDÁCTICA DE LGL DE 1ºBACHARELATO 2014-15
4
Busca, obtención, selección e integración de información procedente de
fontes bibliográficas e audiovisuais proporcionadas polas bibliotecas e
polas tecnoloxías da información.
Valoración da nosa lingua como elemento de identidade colectiva e
consideración positiva do esforzo e o compromiso individual a prol da
normalización lingüística.
Interese pola literatura como manifestación artística do ser humano,
como fonte de formación permanente e de satisfacción persoal.
Reflexión e análise de obras e fragmentos de diversos períodos
literarios.
Bloque 2. Lingua e texto
Reflexión e comprensión dos principais conceptos de lingüística xeral
que teñen que ver coa comunicación e a linguaxe: comunicación,
linguaxe, lingua, unidades lingüísticas, signo lingüístico, funcionalidade
lingüística e disciplinas lingüísticas.
Reflexión sobre o concepto de rexistro lingüístico, os seus tipos e as
súas manifestacións lingüísticas. Aplicación ás producións propias dos
coñecementos adquiridos. Análise do rexistro en producións alleas.
Recoñecemento da presentación e corrección ortográfica como dúas
propiedades textuais que deben aplicar ás producións propias. Repaso
de casos de ortografía dubidosa.
Texto descritivo: intención comunicativa, estrutura formal e de contido e
características lingüísticas. Substantivo e adxectivo: xénero e número, o
grao do adxectivo, as conxuncións comparativas.
Texto expositivo: intención comunicativa, estrutura formal e de contido e
características lingüísticas. Outras palabras adnominais (artigo,
demostrativo, posesivo, cuantificadores e identificadores).
Caracterización e tipoloxía.
Texto narrativo: intención comunicativa, estrutura formal e de contido e
características lingüísticas estrutura formal e de contido e características
lingüísticas. Os conectores: preposicións e conxuncións. Caracterización
e tipoloxía. As locucións prepositivas. O adverbio: caracterización e
tipoloxía. As locucións adverbiais.
Texto dialogado: intención comunicativa, estrutura formal e de contido,
características lingüísticas. Os pronomes: caracterización e tipos.
Funcións e usos.
PROGRAMACIÓN DIDÁCTICA DE LGL DE 1ºBACHARELATO 2014-15
5
Bloque 3. A sociolingüística
A formación da lingua galega: substrato e superestrato. O estrato latino:
principais evolucións fonéticas do latín ao galego. Cultismos,
semicultismos e palabras patrimoniais. Familias léxicas irregulares.
A lingua galega na Idade Media: características lingüísticas
fundamentais. Contexto histórico e situación sociolingüística.
A lingua galega nos Séculos Escuros: características lingüísticas
fundamentais. Contexto histórico e situación sociolingüística.
A lingua galega no Rexurdimento: características lingüísticas
fundamentais. Contexto histórico e situación sociolingüística.
A diversidade lingüística no mundo e en Europa: unidade e diversidade
lingüística. Multilingüismo e plurilingüismo.
A diversidade lingüística na Península Ibérica: linguas faladas na
Península Ibérica. Territorios, usos e situación legal. O caso galego.
Bloque 4. A literatura
A literatura e o texto literario. Xéneros e recursos formais. Introdución á
cronoloxía xeral da historia da literatura galega.
A literatura medieval: a lírica profana (cantiga de amor, de amigo e de
escarnio) e a lírica relixiosa (as cantigas de Santa María).
Caracterización, lectura e comentario. A prosa medieval.
A literatura nos Séculos Escuros e na Ilustración: literatura popular e
culta. Caracterización, lectura e comentario.
A literatura no século XIX: o Prerrexurdimento. O Rexurdimento. Rosalía
de Castro, Curros Enríquez e Eduardo Pondal. Outros autores
coetáneos.
III. CRITERIOS DE AVALIACIÓN, RELACIONADOS
COAS COMPETENCIAS BÁSICAS
1. Interpretar diferentes tipos de discursos orais, escritos e audiovisuais e a
situación en que se desenvolven, captando o sentido global e a intención do
discurso, a mensaxe e as súas ideas principais e secundarias. Con este criterio
preténdese avaliar a capacidade do alumnado para comprender e valorar na
súa integridade textos de distinta natureza, recollendo as ideas fundamentais
en resumos, esquemas ou mapas conceptuais tras aplicar distintas estratexias
PROGRAMACIÓN DIDÁCTICA DE LGL DE 1ºBACHARELATO 2014-15
6
e coñecementos de carácter lingüístico, sociolingüístico e pragmático. Ademais
deben ser capaces de identificar a intención comunicativa dun texto
(información, opinión ou persuasión) sendo quen de emitir xuízos críticos sobre
el.
2. Participar en interaccións orais de acordo coas normas establecidas e
realizar producións orais planificadas, relacionadas con algún contido do
currículo ou tema de actualidade e usando recursos audiovisuais, bibliográficos
e das tecnoloxías da información e comunicación. Avaliarase a capacidade do
alumnado para participar de forma activa, autónoma e con eficacia
comunicativa en interaccións orais. Así mesmo, comprobarase a capacidade do
alumnado para planificar e realizar exposicións orais sobre os temas
mencionados integrando a información obtida da consulta e selección de
diversas fontes de documentación e da utilización de diferentes recursos e
estratexias. Valorarase a pronuncia e a entoación axeitada, a corrección
gramatical, a fluidez, a presentación, a estrutura e o emprego do léxico
adecuado á situación comunicativa, así como o uso dos elementos
paralingüísticos oportunos.
3. Compoñer producións escritas planificadas sobre temas de actualidade
ou curriculares, adecuadas á situación e á intención comunicativa desexada,
con coherencia, cohesión, corrección ortográfica amais dunha coidada
presentación. Trátase de verificar a capacidade do alumnado para comunicarse
por escrito de forma planificada, ben sobre papel ben en soporte dixital;
valorarase a presentación clara e ordenada, a corrección gramatical e o uso
dun rexistro adecuado á situación comunicativa, a selección e presentación do
tema e das ideas de xeito lóxico, así como a axeitada utilización de
mecanismos de cohesión lingüística que doten estas producións de certa
entidade.
4. Caracterizar e identificar diferentes tipos de textos orais, escritos e
audiovisuais procedentes de diversos contextos comunicativos da vida social e
cultural, sobre todo, dos ámbitos científico e académico e dos medios de
comunicación. Este criterio refírese á valoración da capacidade para identificar
o tema, estrutura formal e informativa e nivel de adecuación de diversos tipos
de textos pertencentes a diferentes ámbitos de uso. Igualmente preténdese
comprobar se o alumnado é quen de manexar o tipo de texto máis oportuno
para cada situación comunicativa que se lle presente na súa vida cotiá.
5. Coñecer os conceptos teóricos, as normas de uso e os procedementos
lingüísticos (flexión, clasificación, análise, etc.) propios da gramática galega.
Trátase de verificar o coñecemento formal e a capacidade de reflexión sobre a
lingua que posúe o alumnado, a cal se observará a partir da súa capacidade de
indución sobre textos de distinta natureza.
PROGRAMACIÓN DIDÁCTICA DE LGL DE 1ºBACHARELATO 2014-15
7
6. Utilizar sistematicamente os coñecementos lingüísticos para comprender
e analizar textos alleos de distintos ámbitos sociais e para producir, compoñer
e revisar textos propios e de temáticas diversas. Con este criterio trátase de
comprobar se o alumnado é quen de transferir e aplicar de xeito reflexivo os
coñecementos adquiridos sobre o sistema lingüístico co fin de mellorar a
recepción de textos e a revisión e composición das propias producións.
7. Coñecer e utilizar un caudal léxico (palabras, frases feitas,
combinacións, fórmulas sociais ou elementos discursivos) apropiado e amplo
que incremente non só o vocabulario receptivo, senón, e sobre todo, o de tipo
produtivo. Este criterio servirá, por unha banda, para comprobar a adquisición
dun léxico receptivo que permita mellorar e ampliar a comprensión de textos de
distinto tipo e grao de complexidade; por outra, trátase de verificar se o novo
caudal léxico que se vaia adquirindo é comprendido, retido e reutilizado
adecuadamente en producións propias cada vez máis elaboradas.
8. Diferenciar as variedades internas da lingua e identificar as
interferencias lingüísticas e desviacións da norma. Preténdese que o alumnado
sexa quen de recoñecer nos textos a información que determinadas marcas
lingüísticas proporcionan sobre a súa cronoloxía, a procedencia xeográfica do
emisor, o grupo social a que pertence ou o contexto en que se producen. Así
mesmo, terase en conta a capacidade do alumnado para aplicar estes
coñecementos ás propias producións evitando, sobre todo, a utilización de
interferencias de sistemas lingüísticos alleos.
9. Valorar a lingua galega e ser quen de identificar os prexuízos e
estereotipos que están ligados a ela. Con este criterio trátase de verificar se o
alumnado é consciente da situación lingüística actual e da súa problemática,
así como se ten capacidade para manifestarse de forma crítica e razoada sobre
o tema. Valorarase se o alumnado é capaz de recoñecer prexuízos e
valoracións pexorativas presentes nos usos lingüísticos, así como a súa
capacidade para reflexionar sobre eles e evitalos de forma consciente nas súas
propias producións.
10. Coñecer as causas históricas da situación actual dos usos lingüísticos
en Galicia e valorala con espírito crítico e reflexivo, manexando de xeito preciso
a terminoloxía sociolingüística. Este criterio pretende comprobar se o alumnado
entende a lingua como un fenómeno social e diacrónico que explica a
problemática actual do galego.
11. Coñecer a historia da literatura galega: as principais etapas,
movementos, autoras e autores e obras. Trátase de comprobar se o alumnado
coñece as claves da nosa historia literaria e se comprende a produción literaria
como un produto cultural situado nun contexto sociohistórico determinado.
PROGRAMACIÓN DIDÁCTICA DE LGL DE 1ºBACHARELATO 2014-15
8
12. Ler, analizar e comentar obras e fragmentos significativos da historia
da literatura galega, utilizando os coñecementos sobre as formas literarias
(xéneros, recursos literarios, versificación) e os distintos períodos, movementos
e autores. Preténdese que o alumnado sexa quen de ler, interpretar, analizar e
valorar con espírito crítico textos e obras literarias utilizando coñecementos
históricos e de análise de texto literario (xénero, estrutura, temática, recursos
formais). Tamén se valorará a súa capacidade para consultar e manexar de
forma autónoma distintas fontes de información que lle permitan interpretar
textos e obras literarias.
IV. METODOLOXÍA DIDÁCTICA
O proceso de ensino debe estar dirixido non tanto á transmisión de
coñecementos como ao desenvolvemento por parte do alumnado de
habilidades e estratexias de planificación da propia actividade de aprendizaxe.
Será preciso integrar na práctica da aula tanto procedementos, conceptos e
actitudes como o traballo das capacidades básicas (escoitar, falar, ler e
escribir) así como todos os bloques de contidos presentes nos currículos.
A actividade construtiva do alumnado é factor decisivo na realización da
aprendizaxe. É o/a alumno/a quen modifica e reelabora os seus esquemas de
coñecemento, construíndo a súa propia aprendizaxe. En todo caso, tentarase
que o/a alumno/a sexa o protagonista dentro da aula, e non un mero receptor
de información, para o cal se fomentarán e valorarán as súas iniciativas á hora
de propor actividades e desenvolvelas participativamente, de criar os seus
propios textos a partir de modelos propostos, de expresar e confrontar as súas
opinións críticas sobre os distintos asuntos tratados, etc.
A metodoloxía estará sempre en función do desenvolvemento das
competencias básicas, incidindo de maneira particular naquelas que se
encontran mais presentes nesta materia, basicamente a competencia en
comunicación lingüística, mais tamén as competencias para aprender a
aprender, autonomía e iniciativa persoal, social e cidadá e tratamento da
información e competencia dixital; tendo en conta sempre que tanto o proceso
de aprendizaxe como o de adquisición de competencias progresa en espiral, o
que significa que a adquisición de novas habilidades debe ir paralela ao
mantemento e á activación das dos cursos anteriores, pois sobre elas se
asenta. Neste proceso o profesorado actuará como guía e mediador para
facilitar a construción desa aprendizaxe.
Noutra orde de cousas, é importante entender que a profunda
transformación que nos últimos anos se vén experimentando na sociedade no
PROGRAMACIÓN DIDÁCTICA DE LGL DE 1ºBACHARELATO 2014-15
9
campo da adquisición e procesamento da información obriga a adaptar as
metodoloxías e estratexias didácticas no ensino. O alumnado, en particular,
máis familiarizado coas novas linguaxes comunicativas, manifesta unha
receptividade moito máis grande á adquisición de contidos a través dos novos
soportes informáticos. Os roles tradicionais do profesorado que diserta sobre
os contidos expostos no libro de texto e do alumnado que escoita de xeito
pasivo (tan presentes aínda hoxe en día, sobre todo nas clases de literatura)
teñen cada vez menor efectividade. O aproveitamento dos recursos
informáticos, dos que cada vez está sendo mellor dotado o noso centro, son,
pois, unha arma eficaz para, por un lado, captar a atención do alumnado,
estimulando a súa motivación e, por outro lado, convertelo nun elemento máis
activo no proceso de aprendizaxe.
En consecuencia, intentaremos avanzar nesa liña, cun emprego cada vez
máis frecuente de presentacións propias ou tiradas de internet, emprego do
encerado dixital, materiais de tipo audiovisual e sonoro a partir de recursos
obtidos da rede ou de elaboración propia.
Iremos incorporando progresivamente máis cursos e contidos á aula virtual
do centro, para facilitar a utilización de materiais TIC nas clases e o seu acceso
por parte do alumnado fóra das horas de clase, así como para mellorar a
comunicación entre profesorado e alumnado mais tamén entre o propio
alumnado, mediante os recursos que a aula virtual ofrece.
As orientacións básicas que guían a metodoloxía da nosa materia son as
seguintes:
Ir substituíndo progresivamente as dinámicas de aprendizaxe dedutiva e
indutiva por outras de natureza interactiva, máis participativas, creativas e
lúdicas que reforcen a motivación do alumnado e potencien a súa
madureza.
Reforzar os aspectos prácticos da lingua, Ortografía, Fonoloxía e
Gramática, poñendo especial atención nas competencias lingüísticas
activas, aproveitando as estruturas lingüísticas que cada alumno/a ten xa
interiorizadas (neste aspecto é importante ter en consideración que boa
parte do alumnado deste centro é galego-falante ou, cando menos, está
familiarizado co emprego activo do galego) para, a partir delas, afianzar o
coñecemento gramatical, procurando prescindir na medida do posíbel do
hábito dunha explicación teórica.
Con todo, segue entendéndose como necesaria a explicación inicial
daquelas cuestións que o/a profesor/a considere imprescindíbeis para unha
correcta orientación do traballo do alumnado. Podendo empregarse para
esta fin o libro de texto seleccionado para cada curso, así como outro tipo
PROGRAMACIÓN DIDÁCTICA DE LGL DE 1ºBACHARELATO 2014-15
10
de materiais curriculares elaborados polo/a propio/a profesor/a ou tirados de
diversos campos (xornais, televisión, literatura...) que sirvan ao mesmo
tempo para achegar a dinámica da aula á realidade en que o alumnado se
encontra inmerso. A realización de exercicios de tipo práctico permitirá o
afianzamento dos coñecementos lingüísticos.
Profundar no estudo do Léxico, partindo do coñecemento do vocabulario
máis concreto e próximo, ben organizándoo en campos léxicos xerais, de
xeito que se tenda a enriquecer o vocabulario de maneira uniforme, ben
partindo, de maneira menos sistemática, de textos literarios ou non
literarios, láminas, recolleitas da lingua oral, etc.
No proceso de adquisición de léxico, axudarase ao alumnado a
identificar todo aquilo que na súa práctica lingüística é produto da influencia
do castelán e aqueles termos ou peculiaridades lingüísticas que son
exclusivas da súa zona e a confrontalos co galego estándar, procurando
que en ningún caso sinta rexeitamento nin pola súa lingua espontánea, por
considerala "acastrapada", nin por unha lingua normativa que puidese
chegar a sentir como artificial e imposta.
Adoptar un enfoque comunicativo no ensino e aprendizaxe da lingua, que
faga do texto a unidade comunicativa fundamental (de todo tipo de textos,
mais especialmente dos expositivos e argumentativos) e que favoreza o
emprego do idioma en distintas funcións e contextos de uso. As habilidades
e estratexias lingüísticas deben ser obxecto de especial atención sen por
iso desdeñar a reflexión e o coñecemento do código lingüístico.
Para tal fin, promoveranse actividades de lectura, análise e
comprensión de textos escritos de natureza moi variada, procurándose
alcanzar unha boa competencia na corrección e expresividade da lectura en
voz alta, na comprensión dos contidos e na capacidade para valorar de
xeito crítico e persoal a información presente neles.
Tamén se realizarán actividades de produción de textos escritos,
igualmente de natureza variada, onde se pretenderá afianzar e progresar no
emprego correcto da lingua (aspectos ortográficos e gramaticais), da
selección de vocabulario, da textualidade, da organización dos contidos, da
adecuación á situación comunicativa e da correcta presentación visual.
Potenciar a oralidade, fomentando, por un lado, a participación activa e
espontánea do alumnado durante a dinámica das clases e organizando, por
outro lado, actividades nas que o alumnado expoña contidos ou defenda
argumentos perante os/as seus/súas compañeiros/as (debates, exposicións
orais...). Será importante conseguir que as intervencións orais se
PROGRAMACIÓN DIDÁCTICA DE LGL DE 1ºBACHARELATO 2014-15
11
desenvolvan, na medida do posíbel, dentro da corrección lingüística, da
claridade e corrección na exposición de contidos e argumentos, e participen
dun espírito de respecto e tolerancia ante as opinión discrepantes. Para isto
precisarase crear na aula un bo ambiente de respecto e boa acollida por
parte do grupo cara ás intervencións do alumnado.
Promover a utilización de diversas fontes (manuais, enciclopedias,
internet...) e recursos para a obtención da información, para realizar unha
selección crítica da mesma e empregala para unha correcta elaboración de
textos propios, nos que se abra a posibilidade de emitir opinións persoais.
Fomentarase o emprego de programas informáticos para a confección de
traballos e actividades (procesador de textos e presentacións, basicamente)
Propiciar, non só actividades individuais, senón tamén grupais, que
favorezan o intercambio respectuoso de ideas, o discurso argumentativo e o
espírito crítico e cooperativo.
Promover a lectura até a adquisición por parte do alumnado dun hábito
lector, importante para o perfeccionamento lingüístico, para o melloramento
da capacidade de expresión e para o mellor coñecemento da realidade
literaria, cultural e social do noso país. Con esta finalidade proporase, como
regra xeral, a lectura de 3 obras de literatura en cada curso, ademais
doutros textos literarios ou non literarios que serán puntualmente
empregados na dinámica da clase.
Polo que respecta aos contidos de literatura, a metodoloxía empregada
centrarase, na medida do posíbel, no texto literario: na súa comprensión e no
seu desfrute. Con frecuencia, o rigor do estudo literario e a excesiva teorización
afastan ou dificultan a recreación na lectura, en especial cando aínda non se
adquiriu unha suficiente madurez lectora. Isto fai que con frecuencia o
alumnado identifique a literatura en si co estudo da literatura (libro de texto,
explicacións do profesor...) máis que co propio texto literario, pensado para o
pracer e a reflexión.
Por iso entendemos que o ideal é que o discurso teórico previo estea
orientado sempre a facilitar a comprensión do texto, polo que debe reducirse a
dar as claves mínimas necesarias para o alumnado afrontar a lectura. Unha
vez lido o texto é cando se debe abordar a reflexión teórica profunda sobre a
propia obra, autor, período, situación histórico-social en que foi escrito, etc.,
deixando que o alumnado, desde a experiencia persoal da súa lectura,
colabore activamente na súa comprensión, na construción do seu propio
coñecemento.
PROGRAMACIÓN DIDÁCTICA DE LGL DE 1ºBACHARELATO 2014-15
12
V. MATERIAIS CURRICULARES
Ademais do manual de referencia e seguindo a metodoloxía anteriormente
exposta, empregaranse nas clases materiais dixitais de natureza diversa,
encadrados dentro das accións previstas de acordo co plan de integración das
TICs.
1. Manual de referencia: Lingua e Literatura Bacharelato 1. Consorcio
Editorial Galego
2. Blogue de Aula. http://marlou.blogaliza.org/
3. Blogue monográfico sobre a Literatura Galega. http://marlou-
literaturagalega.blogspot.com.es/
4. Aula Virtual. http://www.edu.xunta.es/centros/iesfelixmuriel/aulavirtual/
VI. PROCEDEMENTOS E INSTRUMENTOS DE
AVALIACIÓN
Dado que o proceso de avaliación é continuo, terase en conta, á hora de
avaliar ao alumnado, o seu rendemento diario nas clases. Valorarase
positivamente a súa boa actitude, a súa capacidade de traballo e a súa
participación activa no desenvolvemento das clases, así como todo tipo de
iniciativas que complementen as actividades propias do curso. A avaliación
por tanto non será unha simple comprobación dos contidos asimilados polo
alumnado senón tamén unha constatación das súas actitudes e da súa
disposición cara ao traballo. Valorarase igualmente a capacidade expresiva
á hora de transmitir os coñecementos adquiridos.
Hai que ter en conta, por outra parte, que a avaliación debe referirse en
grande medida aos progresos individuais realizados polo alumnado en
relación consigo mesmo e non só en relación coa media do grupo.
Intentarase daquela un seguimento o máis individualizado posíbel que teña
en conta os avances realizados por cada alumno/a a partir da súa situación
inicial e tendo en conta sempre as súas limitacións ou condicionamentos
particulares, tanto a nivel individual como do contexto familiar e social no
que se encontra.
Para constatar a evolución do alumnado, esencialmente nos campos de
adquisición de coñecementos, aplicación de procedementos e de
desenvolvemento da capacidade expresiva, realizarase por regra xeral
PROGRAMACIÓN DIDÁCTICA DE LGL DE 1ºBACHARELATO 2014-15
13
unha proba escrita por avaliación, podendo realizarse outros controis
para os/as alumnos/as que o necesitaren ou variar o modelo da proba
cando a docente considere que non foron alcanzados ao longo do período
avaliado os obxectivos mínimos pretendidos.
O carácter das probas, como se desprende da metodoloxía exposta
nesta programación didáctica, será esencialmente práctico. Para a
cualificación das mesmas valorarase, sen menosprezo das cuestións
teóricas que se poidan presentar, o dominio activo da lingua. O modelo
destas probas será o exame de Selectividade.
Como normal xeral, requerirase a realización dun traballo de
investigación elaborado mediante o uso das TICs, coa finalidade de que
sexa tamén exposto oralmente na aula. Tratará da situación da Lingua ao
longo das distintas etapas da súa Historia social anteriores ao séc. XX e
centrarase no ámbito de Rianxo. Tamén se poderá realizar un traballo de
investigación en torno a algún aspecto da Historia da Literatura anterior ao
séc. XX . Na avaliación destes traballos valorarase a totalidade do proceso:
obtención de información a partir de diversas fontes,
selección crítica desa información,
elaboración persoal dun discurso propio a partir desa información
exposición oral axeitada,
nivel de organización dos contidos,
emprego dun rexistro de lingua adecuado,
corrección gramatical e ortográfica,
presentación visual acorde co nivel académico (apartados, títulos,
imaxes, recursos audiovisuais, limpeza...)
Como norma xeral, tamén se requerirá a realización de dúas lecturas
por trimestre: unha na aula, servíndose da Antoloxía de textos elaborada
pola docente, e outra fóra da aula, para á que se indican as obras no
apartado do Proxecto Lector. Na avaliación destas lecturas valorarase o
grao de desenvolvemento da competencia comunicativa, así como da
competencia cultural e artística. Os instrumentos de avaliación serán
diversos e adecuados cada un á obra escollida para cada trimestre
(informe, proba escrita ao xeito tradicional, cuestionario na Aula Virtual,
creación literaria propia, creación artística a través do uso de aplicacións
web …).
PROGRAMACIÓN DIDÁCTICA DE LGL DE 1ºBACHARELATO 2014-15
14
VII. CRITERIOS DE CUALIFICACIÓN
1. A avaliación será continua e esa continuidade percibirase claramente nos
procedementos que o/a alumno/a empregue no día a día: competencia
comunicativa, competencia lingüística, competencia pragmática,
competencia sociolingüística… Será valorada a competencia do/a alumno/a
tanto como o grao de desenvolvemento que este poida acadar. Nas
cualificacións das avaliacións parciais, así como na avaliación final, o
progreso do/a alumno/a durante o curso e o grao de desenvolvemento das
súas competencias básicas en xeral e da súa competencia comunicativa en
particular poderán ser valorados coa suma de até 3 puntos sobre a nota
obtida.
2. Para comprobar o grao de adquisición de contidos conceptuais e o grao
de desenvolvemento da competencia comunicativa (a nivel escrito)
realizarase unha proba escrita sempre ao final de cada trimestre, (de
realizarse máis dunha proba nun mesmo trimestre, indicarase que
porcentaxe de nota representa cada unha delas no seu momento). Esta
proba suporá o 70% da nota global da avaliación, é dicir, 7 puntos sobre
10. Debido á súa duración (1h. e 30 m.), esta proba escrita deberá
celebrarse fóra do horario lectivo.
3. Para comprobar o grao de desenvolvemento das competencias básicas
pediranse traballos de investigación. Estes traballos encomendados
aos/ás alumnos/as terán na cualificación de cada avaliación, así coma na
avaliación final, un valor máximo dun 20%, é dicir, até 2 puntos sobre 10.
En caso de un/unha alumno/a non presentar o traballo correspondente a
ese trimestre, non poderá obter un aprobado na avaliación correspondente
da materia, pois non acadaría os contidos mínimos.
4. Para fomentar o aprecio pola literatura e crear hábitos lectores, na
procura de formar alumnos/as con sentido crítico e criterio artístico,
proporanse lecturas, que o alumnado deberá realizar para poder ser
avaliado positivamente en cada trimestre. Este apartado suporá o 10% da
nota global do trimestre, é dicir, até 1 punto sobre 10.
O alumnado poderá realizar todas as lecturas que desexe. As obras lidas a
maiores, voluntariamente, serán tidas en conta e avaliadas tal e como se viu
no apartado 1.
5. Tanto nas probas coma nos traballos, aplicaranse os criterios de
corrección vixentes para o exame de Selectividade. Se a aplicación deses
criterios fose contraproducente para un elevado número de alumnos/as,
PROGRAMACIÓN DIDÁCTICA DE LGL DE 1ºBACHARELATO 2014-15
15
poderanse descontar até 2 puntos por falta de competencia do/a alumno/a
na modalidade escrita, xa sexan os erros a nivel de ortografía coma de
redacción, puntuación ou por composición. A superación destes erros
valorarase positivimante.
6. Unha actitude inadecuada na aula (por acción ou por omisión), a
ausencia inxustificada máis de 3 veces nun trimestre así como o non
emprego do galego na aula, tanto na relación co/a profesor/a coma cos/as
compañeiros/as, será valorado negativamente. Por cada vez que algo
disto suceda serán descontados 0,5 puntos. Aínda que o máximo que
se lle poida descontar das cualificacións serán 2 puntos. Todo isto
poderá ser recuperado desde o momento en que o/a alumno/a pase a
empregar a lingua galega para se comunicar na aula habitualmente, asista
regularmente e/ou manteña unha actitude adecuada de cara ao seu
proceso de ensino-aprendizaxe.
VIII. CONTIDOS MÍNIMOS EXIXÍBEIS PARA A
CUALIFICACIÓN POSITIVA e PERIODIZACIÓN
a) Contidos común (todos os trimestres)
Lectura comprensiva, análise e comentario de textos.
Elaboración de textos argumentativos e artigos de opinión.
Participación nos debates que se celebren no seo da aula.
Produción de textos escritos respectuosos coas regras de
corrección lingüística.
Realización de exposicións orais cun vocabulario adecuado ao nivel
acaémico do alumno/a.
Respecto polas normas básicas que rexen a interacción
comunicativa.
Valoración da nosa lingua como elemento de identidade colectiva e
consideración positiva do esforzo e o compromiso individual a prol
da normalización lingüística.
b) Lingua e texto
Presentación e corrección ortográfica como propiedades textuais
que deben aplicar ás producións propias. (todos os trimestres)
PROGRAMACIÓN DIDÁCTICA DE LGL DE 1ºBACHARELATO 2014-15
16
Comprensión dos principais conceptos de lingüística xeral que teñen
que ver coa comunicación e a linguaxe. (1º trimestre)
Tipos de textos: descritivo, expositivo, narrativo, argumentativo,
instrutivo, dialogado... (1º trimestre)
Reflexión sobre os conceptos de nivel e rexistro lingüístico e as súas
manifestacións sociolingüísticas. (1º trimestre)
Morfoloxía: substantivo, adxectivo, artigo, pronomes persoais,
demostrativos, posesivos, cuantificadores e identificadores, verbo
(formas e usos; perífrases), conectores (preposicións, conxuncións
e locucións prepositivas e conxuntivas) adverbio (e locucións
adverbiais). (2º e 3º trimestre)
c) A sociolingüística
A diversidade lingüística no mundo, en Europa e na Península
Ibérica. Multilingüismo e plurilingüismo. (1º trimestre)
A formación da lingua galega: substrato, estrato e superestrato.
Cultismos, semicultismos e palabras patrimoniais. Familias léxicas
irregulares. (1º trimestre)
A lingua galega na Idade Media. Contexto histórico e situación
sociolingüística. (2º trimestre)
A lingua galega nos Séculos Escuros. Contexto histórico e situación
sociolingüística. (2º trimestre)
A lingua galega no Rexurdimento. Contexto histórico e situación
sociolingüística. (3º trimestre)
d) A literatura
A Literatura Galega, unha literatura non normalizada. Cronoloxía .
(1º trimestre)
A literatura medieval: a lírica profana e a lírica relixiosa. A prosa
medieval. (2º trimestre)
A literatura nos Séculos Escuros e na Ilustración: literatura popular e
culta. (2º trimestre)
A literatura no século XIX: Prerrexurdimento, Rexurdimento.
Rosalía, Curros e Pondal. Outros autores coetáneos. (3º trimestre)
PROGRAMACIÓN DIDÁCTICA DE LGL DE 1ºBACHARELATO 2014-15
17
IX. PROXECTO LECTOR
LECTURAS OBRIGATORIAS PARA 1º BACHARELATO
1ª AVALIACIÓN
2ª AVALIACIÓN
3ª AVALIACIÓN
O crepúsculo e as formigas
X.L. Méndez Ferrín
Ed. Xerais
O heroe
Manuel Rivas
Ed. Xerais
Hora zulú
Santiago Lopo
Ed. Galaxia
Selección de textos
ensaísticos e xornalísticos
(Actualidade)
Antoloxía poética
(Idade Medieval)
Elaboración propia
Antoloxía literaria
(Rexurdimento)
Elaboración propia
LECTURAS VOLUNTARIAS
1. Tonas de laranxa Manuel Lourenzo e María Lourenzo
2. Ambulancia Suso de Toro
3. Land Rover “
4. Polaroid “
5. Calzados Lola “
6. Trece badaladas "
7. Crime en Compostela Carlos Reigosa
8. Ollos de auga Domingo Villar
9. A xeira das árbores Teresa Moure
10. As rulas de Bakunin. Antón Riveiro Coelho
11. En salvaxe compaña. Manuel Rivas.
12. Un millón de vacas. “
13. Que me queres, amor? "
14. Todo é silencio “
15. Ilustrísima. Carlos Casares.
16. Vento ferido. “
17. Arraianos Xosé Luis Méndez Ferrín.
18. Título a escoller da Xeración Nós 19. Título a escoller da narrativa de posguerra 20. Título a escoller da Literatura Universal (traducida ao galego)
PROGRAMACIÓN DIDÁCTICA DE LGL DE 1ºBACHARELATO 2014-15
18
X. PROGRAMAS DE AULA PROGRAMACIÓN DE AULA PARA 1ºBACH. (1ª AVALIACIÓN)
I. TRABALLO E ACTITUDE NA AULA (Suporá a suma de até 3 ptos ou a perda de até 2 ptos sobre a nota obtida na Avaliación)
1. BLOQUE 1: CONTIDOS COMÚNS
o Análise e comentario de textos. Elaboración de textos argumentativos e artigos o Actitude soliolingüística. o Desenvolvemento das Competencias Básicas.
2. BLOUE 2: LINGUA E TEXTO o O signo lco. A lingua. As disciplinas lcas. o Unidade e Variedade das línguas. Os rexistros. Os desvios normativos. o Tipos de textos. Textos expositivos e argumentativos. Textos xornalísticos.
3. BLOQUE 3: A SOCIOLINGÜÍSTICA e A HISTORIA da LINGUA o Un mundo de linguas. O Plurilingüismo. o As orixes do galego.
4. BLOQUE 4: LITERATURA o Introdución á Literatura Galega. o Cronoloxía da Literatura Galega. A Literatura Medieval
(Libro de Apoio: Lingua e Literatura Bacharelato 1. Consorcio Editorial Galego)
II. TRABALLO DE INVESTIGACIÓN SOBRE A HISTORIA DA LINGUA (PTIC) (Suporá o 20% da nota global do trimestre, até 2 punts sobre 10)
TÍTULO: As orixes do galego. Substrato, estrato e superestrato no espazo de Rianxo. 1. Elaboración dun tema (máximo 60 liñas) partindo dos resumos feitos do libro de apoio e/ou páxinas web indicadas pola docente. 2. Realización dun traballo mediante o uso das TICs que ilustre os contidos recollidos no tema escrito. 3. Exposición oral do tema na aula co apoio instrumental das TICs. DATAS: Entrega: 1 de Novembro. Exposición: primeira-segunda semana de Novembro.
III. LECTURAS (PL) (Suporá o 10% da nota global do trimestre, até 1 punto sobre 10)
Lectura na aula: Selección de textos ensaísticos e xornalísticos. Lectura fóra da aula: O crepúsculo e as formigas. X.L. Méndez Ferrín. Ed. Xerais. (Finalizada: 1 de Novembro) Outras Lecturas: Realizadas as lecturas obrigatorias, o alumno/a escollerá libre e voluntariamente outra/as da listaxe que figura nesta programación. Dará conta delas a través de entrevistas persoais ou de informes enviados ao correo-e do profesora. (PL) (PTIC) (A Avaliación deste labor voluntario realizarase a través da información recibida de xeito oral ou escrito. Darase por rematada o día do exame. Suporá un incremento de até 1 pto. por lectura na nota global do trimestre, sempre que no exame o alumno/a tivese acadado polo menos un 4)
IV. EXAME (A súa Cualificación suporá o 70% da nota global do trimestre, até 7 puntos sobre 10)
DATA: Realización: 10 de Decembro. (1ª Aval. 16-17-18 Decembro)
PROGRAMACIÓN DIDÁCTICA DE LGL DE 1ºBACHARELATO 2014-15
19
PROGRAMACIÓN DE AULA PARA 1ºBACH. (2ª AVALIACIÓN)
V. TRABALLO E ACTITUDE NA AULA (Suporá a suma a maiores de até 3 ptos ou a perda de até 2 ptos sobre a nota obtida na Avaliación)
1. BLOQUE 1: CONTIDOS COMÚNS
o Análise e comentario de textos. Elaboración de textos argumentativos e artigos o Actitude soliolingüística. o Desenvolvemento das Competencias Básicas.
2. BLOUE 2: LINGUA E TEXTO o Tipos de textos. Textos dialogados ou dramáticos. o Morfoloxía. Tipos de palabras e análise morfolóxica.
3. BLOQUE 3: A SOCIOLINGÜÍSTICA e A HISTORIA da LINGUA o A situación da língua na Idade Media. o Os Séculos Escuros o Dúas linguas nunha sociedade.
4. BLOQUE 4: LITERATURA o A Literatura oral e popular. o A Literatura dos SSEE e da Ilustración.
(Libro de Apoio: Lingua e Literatura Bacharelato 1. Consorcio Editorial Galego)
VI. TRABALLO DE INVESTIGACIÓN SOBRE A HISTORIA DA LINGUA (PTIC) (Suporá o 20% da nota global do trimestre, até 2 puntos sobre 10)
TÍTULO: A situación da lingua na Idade Media en Rianxo. O nacemento, o esplendor e a decadencia contextualizados. / A Literatura Medieval
1. Elaboración dun tema (máximo 60 liñas) partindo dos resumos feitos do libro de apoio, de fotocopias e páxinas web indicadas polo docente. 2. Realización dun traballo mediante o uso das TICs que ilustre os contidos recollidos no tema escrito. 3. Exposición oral do tema na aula co apoio instrumental das TICs. DATAS: Entrega: 1 de Febreiro. Exposición: segunda-terceira semana de Febreiro.
VII. LECTURAS (PL) (Suporá o 10% da nota global do trimestre, até 1 punto sobre 10)
Lectura na aula: Antoloxía poética. (Idade Media) Lectura fóra da aula: O héroe. Manuel Rivas. Ed. Xerais. (Finalizada: 1 de Febreiro). Outras Lecturas: Realizadas as lecturas obrigatorias, o alumno/a escollerá libre e voluntariamente outra/as da listaxe que figura nesta programación. Dará conta delas a través de entrevistas persoais ou de informes enviados ao correo-e do profesora. (PL) (PTIC) (A Avaliación deste labor voluntario realizarase a través da información recibida de xeito oral ou escrito. Darase por rematada o día do exame. Suporá un incremento de até 0’5 ptos. por lectura na nota global do trimestre, sempre que no exame o alumno/a tivese acadado polo menos un 4)
VIII. EXAME (A súa Cualificación suporá o 70% da nota global do trimestre, até 7 puntos sobre 10)
DATA: Realización: 10 de Marzo.
PROGRAMACIÓN DIDÁCTICA DE LGL DE 1ºBACHARELATO 2014-15
20
PROGRAMACIÓN DE AULA PARA 1ºBACH. (3ª AVALIACIÓN)
IX. TRABALLO E ACTITUDE NA AULA (Suporá a suma de até 3 ptos ou a perda de até 2 ptos sobre a nota obtida na Avaliación)
1. BLOQUE 1: CONTIDOS COMÚNS
o Análise e comentario de textos. Elaboración de textos argumentativos e artigos o Actitude soliolingüística. o Desenvolvemento das Competencias Básicas.
2. BLOUE 2: LINGUA E TEXTO o Tipos de textos. Textos descritivos e narrativos. o Morfoloxía. Tipos de palabras e análise morfolóxica.
3. BLOQUE 3: A SOCIOLINGÜÍSTICA e Hª da LINGUA o A situación da lingua no século XIX. o O nacemento do Galeguismo.
4. BLOQUE 4: LITERATURA o A Literatura do século XIX. Precursores e Rexurdimento. o Rosalía de Castro. Curros Enríquez. Eduardo Pondal.
(Libro de Apoio: Lingua e Literatura Bacharelato 1. Consorcio Editorial Galego)
X. TRABALLO DE INVESTIGACIÓN SOBRE A HISTORIA DA LINGUA (PTIC) (Suporá o 20% da nota global do trimestre, até 2 puntos sobre 10)
TÍTULO: A situación da lingua galega no séc. XIX en Rianxo. O nacemento do Galeguismo. O Provincialismo, o Rexionalismo e a defensa da lingua e da identidade galega. / Historia da Literatura.
1. Elaboración dun tema (máximo 60 liñas) partindo dos resumos feitos do libro de apoio, de fotocopias e páxinas web indicadas polo docente. 2. Realización dun traballo mediante o uso das TICs que ilustre os contidos recollidos no tema escrito. 3. Exposición oral do tema na aula co apoio instrumental das TICs. DATAS: Entrega: 1 de Maio. Exposición: primeira-segunda semana de Maio.
XI. LECTURAS (PL) (Suporá o 10% da nota global do trimestre, até 1 punto sobre 10)
Lectura na aula: Antoloxía literaria (Rexurdimento). Lectura fóra da aula: Hora zulu. Santiago Lopo. Ed. Galaxia (Finalizada: 1 de Maio) Outras Lecturas: Realizadas as lecturas obrigatorias, o alumno/a escollerá libre e voluntariamente outra/as da listaxe que figura nesta programación. Dará conta delas a través de entrevistas persoais ou de informes enviados ao correo-e do profesora. (PL) (PTIC) (A Avaliación deste labor voluntario realizarase a través da información recibida de xeito oral ou escrito. Darase por rematada o día do exame. Suporá un incremento de até 0’5 ptos. por lectura na nota global do trimestre, sempre que no exame o alumno/a tivese acadado polo menos un 4)
XII. EXAME (A súa Cualificación suporá o 70% da nota global do trimestre, até 7 puntos sobre 10)
DATA: Realización: 10 Xuño.