Recursos literarios · Os Recursos literarios forman parte do material Máis recursos de Lingua...
Transcript of Recursos literarios · Os Recursos literarios forman parte do material Máis recursos de Lingua...
Recursos literarios
369798 _ 0001-0024.indd 1 23/07/12 9:54
Os Recursos literarios forman parte do material Máis recursos de Lingua para 2.º ciclode primaria, que é unha obra colectiva concibida, deseñada e creada no Departamento de Edicións Educativas de Santillana Educación, S. L. / Edicións Obradoiro, S. L., dirixido por Antonio Brandi Fernández e Ana María Guerra Cañizo.
Edición: Anxos Campos González, Ánxela Carril Caldelas, Afonso Toimil Castro e Amparo Tortosa Sanz.
Dirección e coordinación editorial de primaria: Maite López-Sáez Rodríguez-Piñero.
Ilustración dos Recursos literarios: Toni Cabo, Rosanna Crespo, Ánxeles Ferrer e M.ª Fe Quesada.
Confección e montaxe: Ester Marín Otero, Virtudes Llobet Azpitarte e Laura Gil de Tejada Alemany.
Corrección: María Curros Ferro e Antón Palacio Sánchez
Textos seleccionados e adaptados dos materiais seguintes:
Lecturas de aquí e de acolá (3.º e 4.ºde primaria)
Lingua, serie A casa do saber (3.º e 4.º de primaria)
E das seguintes obras:
O baúl das lembranzas (María Magdalena Domínguez), Os soños na gaiola (Manuel María), Unha chea de aloumiños (Antonio G. Teijeiro) O meu gato é un poeta (Fran Alonso), Martingadas, Poemas para nenos (Santiago Freire), Xardín do Pasatempo (Ramiro Fonte)
Dirección de arte: Xosé Crespo González.
Proxecto gráfico: Estudio Pep Carrió.
Xefa de proxecto: Rosa Marín González.
Coordinación de ilustración: Carlos Aguilera Sevillano.
Xefe de desenvolvemento do proxecto: Xavier Tejeda de la Calle.
Desenvolvemento gráfico: Raúl de Andrés González, Rosa Barriga Gaitáne Jorge Gómez Tobar.
Dirección técnica: Ángel García Encinar.
Coordinación técnica: Ester Marín Otero e Jesús Muela Ramiro.
Esta obra está protexida polas leis de dereitos de autor e a súa propiedade intelectual corresponde a Obradoiro/Santillana. Os usuarios lexítimos da obra soamente están autorizados a facer fotocopias para usalas como material da aula. Queda prohibida calquera outra utilización fóra dos usos permitidos, especialmente aquela que teña finalidades comerciais.
© 2012 by Santillana Educación, S. L. / Edicións Obradoiro, S. L.Ruela de Entrecercas, 2 - 15705 Santiago de CompostelaPrinted in Spain
CP: 369798Depósito legal:
369798 _ 0001-0024.indd 2 23/07/12 9:54
Lúa . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ..4
Antenas.de.mosca. . . . . . . . . . . . . . . . . . . . . . . . . . . . . . . . . . . . . . . ..5
Bolboreta.tola . . . . . . . . . . . . . . . . . . . . . . . . . . . . . . . . . . . . . . . . . . . ..6
Chega.a.primavera.. . . . . . . . . . . . . . . . . . . . . . . . . . . . . . . . . . . . . . ...7
Teñen.nome. . . . . . . . . . . . . . . . . . . . . . . . . . . . . . . . . . . . . . . . . . . . . ..8
Cantiga.da.escola ..As.ondas. . . . . . . . . . . . . . . . . . . . . . . . . . . . . . . ..9
O.zoo.ilóxico. . . . . . . . . . . . . . . . . . . . . . . . . . . . . . . . . . . . . . . . . . . . . ..10
Cantaba.unha.cantiga ..O.nome.do.tren . . . . . . . . . . . . . . . . . . . . . ..11
A.nube . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ..12
Se.vendo ..Xan.Pericán. . . . . . . . . . . . . . . . . . . . . . . . . . . . . . . . . . . . ..13
Pesadelo ..Quixera.ser.paxariño . . . . . . . . . . . . . . . . . . . . . . . . . . . . ..14
A.praza. . . . . . . . . . . . . . . . . . . . . . . . . . . . . . . . . . . . . . . . . . . . . . . . . ..15
A.festa.do.patrón. . . . . . . . . . . . . . . . . . . . . . . . . . . . . . . . . . . . . . . . . ..16
Mouras ..A.Lúa.durmida. . . . . . . . . . . . . . . . . . . . . . . . . . . . . . . . . . . ..17
A.auga.do.río ..Mira…. . . . . . . . . . . . . . . . . . . . . . . . . . . . . . . . . . . . . ..18
Festa.no.bosque. . . . . . . . . . . . . . . . . . . . . . . . . . . . . . . . . . . . . . . . . .19
Arco.da.vella . . . . . . . . . . . . . . . . . . . . . . . . . . . . . . . . . . . . . . . . . . . ..20
Grea.de.gatos. . . . . . . . . . . . . . . . . . . . . . . . . . . . . . . . . . . . . . . . . . . ..21
Corre,.corre,.meu.cabalo ..O.recreo. . . . . . . . . . . . . . . . . . . . . . . . . ..22
As.letras ..Adiviña. . . . . . . . . . . . . . . . . . . . . . . . . . . . . . . . . . . . . . . . ..23
Retesía.vocálica. . . . . . . . . . . . . . . . . . . . . . . . . . . . . . . . . . . . . . . . . ..24
Recursos literarios
369798 _ 0001-0024.indd 3 25/07/12 8:30
Lúa
A lúa é velliña,
de brancos cabelos,
de engurras de ouro
e de olliños cegos.
Érguese do leito
das foulas1 do mar
palpando os espazos
para camiñar.
Anda polo mundo
sen ver a onde vai
pois as estreliñas
lévana da man.
Envolveita en néboas
hase de abrigar
pois como vai vella
tense de coidar.
Cando na alta noite
brúa o temporal
a lúa entre as tebras
tápase a tremar.
E así que o mal tempo
amainado vai
asoma a faciana
e espalla o luar.
LUÍS AMADO CARBALLO
1 foulas: escuma que levantan as ondas ao bateren con algo.
4 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 4 23/07/12 9:54
Antenas de mosca
Antenas de mosca,
escamas de peixe,
pel de crocodilo,
cuncha de vieira,
ás de bolboreta,
que cores, que estilo!
Gadoupas de gato,
cornos de bisonte,
traxe de pingüín,
dentiños de rato,
e mil complementos
que non teñen fin.
Moda animal,
moda animal,
sempre distinta
nunca é igual.
Con mil detalles
para admirar.
Por onde vaias
a encontrarás.
E por sempre ti dirás
que é unha moda
especial.
Debuxos de cebra,
rabo de cabalo,
e patas de ra,
plumeiro de ave,
e ollos da serpe,
que axexando está,
bigotes de morsa,
bolsa de canguro,
dente de león,
manchas da xirafa,
rabo de raposo
e pel de visón.
Moda animal,
moda animal,
sempre distinta
nunca é igual...
ANA M.ª FERNÁNDEZ
5Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 5 23/07/12 9:54
Recursos literaris
Bolboreta tola
Vai a bolboreta
dunha flor a outra,
brinca que te brinca,
voa que te voa,
a bolboretiña
parece unha tola.
Non se sabe nunca
a onde quere ir,
que é o que ela pensa,
se chora ou se ri.
Tampouco se sabe
se vai ou se vén.
A onde ela vai
non sabe ninguén.
Voa bolboreta,
bolboreta voa,
voa bolboreta
dunha flor a outra,
voa bolboreta
bolboreta tola.
MARÍA MAGDALENA
DOMÍNGUEZ
6 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 6 23/07/12 9:54
Chega a primavera
Polas esquinas
de abril
a primavera as follas
comeza a abrir.
Está a ameixeira
en flor,
quece a Terra
o Sol.
Pían nas ramas
os gorrións,
voan no ceo
nubes de algodón.
Por fin,
sobre a terra
se pousou
a primavera.
SANTIAGO FREIRE
7Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 7 23/07/12 9:54
Teñen nome
Non digas «unha árbore»,
dille «carballo»,
se che gusta a súa sombra
tes que nomealo.
Que ten un nome,
se che gusta a súa sombra,
que non se borre.
Non lle digas «paxaro»
dille «andoriña»,
que vén coa primavera
e anuncia a vida.
Que ten un nome,
que vén coa primavera,
que non se borre.
Non lle digas «unha flor»,
di «madreselva»
e fai unha grilanda
abondo bela
para o cabelo,
e fai unha grilanda
co nome enteiro.
MARICA CAMPO
8 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 8 23/07/12 9:54
As ondas
As ondas mariñas tallan
estatuas de sal.
Os risos das rapaciñas
fanlle cóxegas ao mar.
ANTONIO G. TEIJEIRO
Cantiga da escola
Acaba de soar o meu espertador
e no colexio espérame o profesor
almorzarei cereais con leite
O meu espertador acaba de soar
e o profesor estame a esperar
almorzarei cereais con leite
Sairei ao recreo cando toque o timbre
e para a merenda levarei un melindre
almorzarei cereais con leite
Sairei ao recreo cando o timbre toque
e á merenda dareille outro enfoque
almorzarei cereais con leite
FRAN ALONSO
9Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 9 23/07/12 9:54
O zoo ilóxico
Poñen as gaivotas
das illas remotas
botas
para camiñar
e non se mollar
co mar.
Na porta da adega
anda a rir a pega
cega.
Bebe na fontela
a esguía1 gacela
bela.
No cume do monte
corría un bisonte
onte.
Dentro do seu tobo
soña un conto o lobo
novo.
Que almorza o camelo?
Queixo con marmelo.
Ollos do deserto
o voitre esperto.
Debaixo do río
crocodilo frío.
E no xeo a foca
nunca se equivoca.
Son nove animais.
Podían ser máis.
PEPE CÁCCAMO
1 esguía: esvelta, lanzal.
10 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 10 23/07/12 9:54
Raíl,
andén1,
vagón,
Que longo é
o nome do tren!
cidade,
raíl,
andén...
chaca
chaca,
chaca
chá,
túnel,
ríos,
pontes,
locomotora,
estación,
Cantaba unha cantiga
Cantaba unha cantiga
o mariñeiro
na negrura do mar.
Pechaban os seus ollos
os luceiros
oíndo o seu cantar.
Falaba duns amores
feiticeiros
o seu doce laiar.
Que triste e que fermoso
e que lixeiro
soaba o seu trobar!
ANTONIO G. TEIJEIRO
O nome do tren
HELENA VILLAR JANEIRO
1 andén: en galego correcto, plataforma.
11Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 11 23/07/12 9:54
A nube
A nube
de azucre e caramelo
ás veces é chuvia,
ás veces é veo.
Polo verán
e tamén no inverno
mira, remira,
pasea no ceo.
Pensa formas,
ensaia modelos,
sempre distinta
diante dos nenos.
Vai cara adiante,
tamén cara atrás,
a todos ensina
como bailar.
Baixa e sobe,
gústalle xogar,
se sopra o vento
déixase levar.
Sabe dar voltas,
tamén revirar,
muda de forma
para se estirar.
Cando chega a lúa
póñense a xogar,
unha ponse diante
e outra detrás.
Nube, non marches,
quérote debuxar,
ensinareillo á mestra
e tamén á mamá.
CARME BAZ
12 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 12 23/07/12 9:54
Se vendo
Se vendo carne,
son un carneiro.
Se vendo flores,
son un floreiro.
Se vendo fungos,
son un fungueiro.
Se vendo argolas,
un argalleiro.
Se vendo puntas,
son un punteiro.
E se galiñas,
un galiñeiro.
Por iso digo,
mamá non quero,
poñer negocio
e ser tendeiro.
Porque...
Se vendo caldo,
son un caldeiro.
E se farois,
un faroleiro.
Se vendo bandas,
son un bandallo.
Se vendo malvas
son un malvado.
E se paxaros,
un paxareiro.
Se vendo trapos,
un trapalleiro.
GLORIA SÁNCHEZ
Xan Pericán
Xan Pericán
a cabalo dun can.
O can era coxo,
tirouno nun pozo.
O pozo era frío,
tirouno no río.
O río era branco,
tirouno no campo.
O campo era roxo,
tirouno nun toxo.
O toxo picaba,
Xan berraba
e o can escapaba.
POPULAR
13Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 13 23/07/12 9:54
Pesadelo
Ás veces, un pesadelo
vaise achegando onda min
e os meus soños, amolados,
xa non me deixan durmir.
Vexo un mundo moi tristeiro
do que marcharon as cores;
e vense moi gris a herba,
as bolboretas e as flores.
Tampouco escoito os paxaros,
nin vexo peixes no mar;
e o sol dorme deseguido
e non pode escintilar.
Cando llo conto ao meu pai
fálame con moito aquel:
«O mundo seguirá vivo
mentres nós coidemos del.»
ALICIA BORRÁS
Quixera ser paxariño
Quixera ser paxariño
e libre poder voar,
facer nas árbores o niño
e á nosa terra cantar.
Percorrería Galicia
nun voo sen repousar,
para ver toda esa ledicia
que esperto me fai soñar.
Tamén me había bañar
nas augas do río Miño
e despois pórme a enxugar
pousado nun ramalliño.
LOIS ANTÓN
14 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 14 23/07/12 9:54
A praza
A praza da miña vila
tenvos moito movemento.
Os sábados hai mercado
e os domingos hai concerto.
Polo verán hai teatro,
algúns días, monicreques.
Haxa ou non haxa espectáculo,
sempre ateigada de xente!
Lámpadas multicolores
e bandeiras nos balcóns
engalanan a praciña
polas festas do patrón.
Ten unha estatua no medio
que observa todo o que pasa
e o reloxo do concello
que dá as horas exactas.
De noite queda baleira,
ás veces óense pasos,
o chío dos paxariños,
o miañar dalgún gato.
A praza, corazón da vila.
XAN NEIRA
15Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 15 23/07/12 9:54
A festa do patrón
É a festa do patrón
agardada o ano enteiro.
Se a banda está tocando,
está calado o gaiteiro!
Son as festas do patrón!
As campás a repicar!
Foguetes de sete estralos
polo ceo a retumbar.
Todo o pobo está no adro,
que é a festa do patrón.
E san Xoán vai moi ufano
presidindo a procesión!
É a festa do patrón!
É a festa do san Xoán!
Bailan os mozos e as mozas
moi ledos todos están!
É a festa do patrón,
do patrón do meu lugar!
Todo é hoxe diversión
e mañá, a traballar!
MANUEL MARÍA
16 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 16 23/07/12 9:54
Mouras
Os sanxoáns que medran nos valados
son dedaliños de ouro encantados.
Cosen as mouras o seu cartafol
con ferretiño de abella e fío de sol.
As mouriñas nenas, que nin saben ganduxar,
cos milicroques ao croque-croque póñense a enredar.
Pun! nas meixelas...,
pun! na fronte...,
pun! no cocote...
Quen leve máis croques
é un paparotote!
XOÁN BABARRO
A Lúa durmida
A Lúa está durmida,
a noite está a chamala.
A Lúa está roncando,
a noite está enfadada.
Cobren sabas de prata
o seu leito salgado.
Hoxe xa non esperta,
segue cos ollos pechados.
Dorme a Lúa no mar.
Sombras voan no ceo.
Pensa a noite, tristeira:
«O inverno xa está preto.»
ANTONIO G. TEIJEIRO
17Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 17 23/07/12 9:54
Mira…
Mira, como pasa o río.
Mira, como vai pasando.
Beixos de escuma debuxa
nas pedras que vai mollando.
Das pedras que bica o río,
ten moitos celos o mar;
el quixera ser gamela
onde podelo levar.
ANTONIO G. TEIJEIRO
A auga do río
O río leva auga
a auga ten présa;
vai para a lagoa
a durmir a sesta.
A auga segue
sempre o seu camiño;
ás veces é regato,
ás veces é río.
Mira cara adiante,
quere ir nadar
e estirar os brazos
no medio do mar.
CARME BAZ
18 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 18 23/07/12 9:54
Festa no bosque
Nesta noite de lúa
no bosque hai festa,
casa dona Avelaíña
cunha bolboreta.
Tecéronlle as arañas
un precioso veo de seda
adornadiño con pétalos
de violeta e madreselva.
Asistiranlle de padriños
a avéspora e a vacaloura,
aluméanlle os vagalumes,
os grilos cantan con forza.
Entrados xa na noite
houbo festa rachada,
bailaban as bolboretas
e tocaban as cigarras.
Que festa tan bonita!
durou ata a madrugada.
Chegou á súa hora o sol
e mandou que se retiraran.
CARME BAZ
19Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 19 23/07/12 9:54
Arco da vella
Arco da vella, arco da vella,
ponnos o ceo limpo e azul.
Arco de vella, riso das nubes,
as sete cores fillas da luz.
A vermella está no viño,
nos beizos e nas cereixas,
nas fazulas dos rapaces
e nas feridas das guerras.
A amarela anda no mel,
no millo e mais no centeo,
no sol e nas bolboretas,
nas follas que tira o vento.
Vive a laranxa no lume,
parte o nome coas laranxas,
tingue o cabelo do sol
cando o sol toca as montañas.
Corre a verde polos prados,
repousa nas matogueiras,
está na pel das mazás,
vive no limo1 das pedras.
Azul e anil van no mar,
as dúas son mariñeiras.
Azul gusta de voar
e case toca as estrelas.
Violeta anda nas flores
e recende coma elas.
É unha cor moi delgadiña,
case se perde na néboa.
MARICA CAMPO
Arco da vella
1 limo: lodo, lama.
20 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 20 23/07/12 9:54
Grea de gatos
Foi esta mesma mañá.
Ti non vas crer o que eu vin:
un gato nunha ventá
tocando o violín.
...
Os gatos da miña rúa
nunca foron bautizados
e poetizan a Lúa
deitados sobre os tellados.
...
Nunca foi o gato persa
amigo de dar conversa.
O gato de canellón
di que si e di que non.
…
Áxil gato siamés
que apagas na noite estrelas
sen ter que mover os pés,
para despois acendelas.
…
Un gato de barbería
e unha fidalguiña gata
fixeron a tolería
de embarcar nunha fragata.
…
Na torre da catedral
mora un gatiño sineiro:
dálle de noite ao badal
e esperta o mundo enteiro.
RAMIRO FONTE (fragmento)
1 limo: lodo, lama.
21Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 21 23/07/12 9:54
Corre, corre, meu cabalo
Corre, corre, meu cabalo
trota, trota, fiel Luceiro.
Sube outeiros e montañas,
camiña fraga e xesteira,
baixa ao val, vai ás camposas;
galopa pola ribeira.
Lévame ao vello carballo,
cruza o piñeiral voando,
escoita o canto do merlo
que o seu niño está coidando.
Corre, corre, meu cabalo
trota, trota, fiel Luceiro.
ANISIA MIRANDA
O recreo
É a hora feliz do recreo;
o patio do colexio
énchese de nenos:
rebumbio, balbordo, boureo,
xogos, carreiras e berros.
Unha bandada de paxaros
revoa alegre na mañá.
Axiña remata o recreo,
regresan á aula os nenos:
suorosos, cansos, contentos.
O patio do colexio
fica nun silencio baleiro.
A bandada de paxaros
prega as súas ás.
XAN NEIRA
22 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 22 23/07/12 9:54
As letras
As letras son coma nenas
a quen lles gusta xogar,
ir soas lucindo os traxes
ou xuntiñas pola man.
Poden explicar mil cousas
que nos saen do corazón,
converterse en cartas, contos...
ou formar unha canción.
As letras, moi formaliñas,
nos libros soen1 vivir,
se nós abrimos as follas
¡todas volverán saír!
ANA M.ª FERNÁNDEZ
Adiviña
Á noite, é un vulto.
Reloce co sol.
Bebe auga da chuvia.
Oe o reiseñor.
Rósmalle ao vento.
E ás veces ten flor.
HELENA VILLAR JANEIRO
1 soen: en galego correcto, adoitan.
23Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 23 23/07/12 9:54
Retesía vocálica
– Xan...
– Que me queres, xefe?
–Mañá á alba
lava as lagañas,
amañas as camas,
vas á parada,
marchas á granxa,
sacas as vacas
sachas as fabas,
apañas patacas,
matas as ratas,
tapa as cabazas,
amasa lasaña,
asa castañas...
– Sen tele? Sen ler?
Peste te leve!
– Nin bici.
Nin ti nin Tinín.
– Que ben, que ben!
Vermes e serpes te leven!
– Nin dicir «chis».
– Dono cotroso,
noxo do pobo.
Colondrollo!
– Oh! Mocoso!
Non conto convosco!
–Turulú Kung-fú!
Buff!
GLORIA SÁNCHEZ
24 Material fotocopiable © 2012 Santillana Educación, S. L. / Edicións Obradoiro, S. L.
369798 _ 0001-0024.indd 24 23/07/12 9:54